بداية

رواية تحملت كثير يا قلبي -4

رواية تحملت كثير يا قلبي - غرام

رواية تحملت كثير يا قلبي -4

مشاري : لحظه انتي شوي .. ( يكلم حمد ) .. تضحك انت ووجهك بعد ..
حمد : والله حاااااااله احد ما يعرف صوت اخته ..
مشاري : منعمه صوتها البقره ..
ليلى : هي احترم نفسك ..
مشاري : هذي التعبانه ..
ليلى : بسم الله علي .. الحين احسن من امس ..
مشاري : طيب يلا يلا الخلا ..
ليلى : المهم تعالو بدري اليوم عشان امي .
مشاري : زين يلا ضفي وجهك ..
سكر منها وجلس يسولف هو وحمد ..

*(( .. الساعه [1] الظهر الكل رجع من دوامه .. ))*


! ??ٍ??? فبيتـ فارس (ابو رائد) ??????
دخل فارس البيت وقال لهم يحطون الغدا وطلع يبدل ملابسه .. وهو نازل من الدرج ورائد يدخل البيت وهو يكلم فهد ويضحك ..
رائد : هههههههههههههههه زين وبعدين .. ههههههههههههههه حسبي الله على بليسك .. وش سوى .. لا عاد .. انا قاااااااااااايل .. هههههههههههههههههه .. فااااااضي بقوه .. اوكي اوكي .. ههههههههههه احسن منك .. طيب .. اوكي .. لالا ولا يهمك .. زين .. يلاهلا حبيبي .. فمان الله .. الله معاك ..
سكر من فهد ورفع راسه لقا ابوه نازل ..
رائد : هلا وغلا ..
فارس : اهلين بالزين .. رح بدل ملابسك وتعال يلا ..
رائد : انشاء الله ..
طلع رائد فوق .. بدل ملابسه ونزل ولقاهم كلهم جالسين ..
رائد : السلام عليكم ..
الكل : وعليكم السلام ..
جلس جنب جوري واخذ صحن وقال لامه تحط له سلطه ..
امل : بس ..
رائد : ايه ..
ريان : يسوي رجيم يمه ..
رائد : وش دراك ..
ريان : ايه هين ..
رائد : هههههههههه ياحبيبي .. انا رشيق منب دب زيك ..
ريان : لا لا مقطعتك الرشاقه ياشيخ ..
رائد : غيران هاه اعترف ..
ريان : الحمد لله والشكر .. لو بغيت اخفف خففت بس ما ابي ..
رائد : ايه طيب ..
فارس : خلاص انت وياه خلونا نتغدى زين ..
رائد : انشاء الله ..
فارس : اقول رائد ..!!!!!..
رائد : سم ..
فارس : وش مسوي انت وفهد اليوم بالشركه ..
رائد بلع لقمته : احم .. وش مسويين ماسوينا شي ..
فارس : ما ادري بس يوم دقيت على عمك ابراهيم قالي انكم مجننينه انتم الاثنين ..
رائد : لا يبه ماسوينا شي ..
فارس : اكييييييييييد ..
رائد : لا ..
فارس : ههههههههه تكلم طيب ..
رائد : مافيه شي يسوى اقوله بس .. كنا جالسين ودخل علينا وهزأنا ..
فارس : وشلون كنتم جالسين ..؟؟..
رائد : ماقالك ؟؟؟؟؟؟؟..
فارس : الا قالي بس ابيك انت تقوله ..
رائد : ماله داعي يبه ..
ريان : الا ..
رائد : مالك شغل انت اركد ..
فارس : قله شلون جالسين ..
رائد : يبااااااه ..
فارس : ههههههههههههه الله يهديكم .. شكلنا بنفرقكم ..
رائد : لايبه تكفى ..
امل : وش دعوى ..
رائد : ما ابي .. لو نقلتوه ولا نقلتوني ماراح اداوم ..
ريان : تكفى داوم ..
رائد : ريانوه .. وبعدين معاك ..
فارس : ريان ابوي خلاص ..
سكت ريان وفيه ضحكه على شكل رائد .. جوري تطالع فرائد " تحبه يارائد .. حبه بس مستحيل يكون حبك له كثر حبي له "
امل : جوري كلي ..
جوري : هذاني آكل يمه ..
ريان : وانا يمه قولي لي كل ..
امل : لا حبيبي انت من المستحسن انك ماتاكل ..
ريان : آآفـــآآآآ .. ليه عاد ..
امل : شف شكلك متنت ..
ريان : يمه ورانا شقى ثاني ثانوي ..
امل : واذا ..
ريان : تراكمي يمه تراكمي ..
جوري : شلون تراكمي ..
ريان : يعني ياخذون نسبتك ثاني ثانوي ونسبتك فثالث ويقسمونها على اثنين ..
جوري : يؤ ليه التعقيد طيب ..
ريان : مدري يبونا نوقف ماندرس ..
رائد : تخيل ما تدرس ..
ريان : والله ودي ..
فارس : وليه طيب ..
ريان : يبه غثى ..
فارس : ماراح انفعك لا انا ولا اخوك ولا احد .. ماراح ينفعك غير شهادتك ..
ريان : الله يعين ..
كملوا اكلهم .. وبعدها طلع فارس وامل يقيلون ورائد جالس يقرى جرايد .. وريان جالس يطالع فلم اعاده .. وجوري حاطه يدها على خدها وتطالع مره التلفزيون ومره تطالع رائد ولا ريان .. دق التلفون وشاله رائد لانه كان جنبه ..
رائد : الوووو ..
.....: الووووو ..
رائد : الوووووووو ..
ولاء بصوت خفيف : خخخخخخخخ ... احم احم .. السلام عليكم ..
رائد : وعليكم السلام ورحمة الله ..
ولاء : كيف الحال ..
رائد : الحمد لله بخير .. من معاي ..
ولاء : احم احم .. انا ..
رائد : ومن انتي ..
ولاء : انا انا ..
رائد عصب : لاحوووووووووول ..من انتي طيب ..
ولاء : ههههههه انا انا ماعرفتني ..
رائد : لا والله ماحصلي الشرف ..
ولاء : ولايهمك انا اخليه يحصل .. انا ولاء بنت امي وابوي ..
رائد : ههههههههههه هلا والله .. معليييش ماعرفتك ..
ولاء : لاعادي ..
رائد : كيف الحال .. انشاء الله بخير ..
ولاء : الحمد لله تمام التمام ..
رائد : ابسألك .. انتي لين الحين خرشه ماعقلتي ..
طالعته جوري مستغربه من يكلم .. لايكون هيفا .. تعرفها جريئه ..
ولاء : وش اسوي طيب ..
رائد : لا خليك كذا حلو لابق عليك ..
ولاء : قل قصم ..
رائد : هههههههههههه ..
ولاء : امممممممممم ..
رائد : تبين جوري ..
ولاء : ياليت يعني .. اذا سمحت ..
رائد : لا ولووووو .. جوري .. التلفون ..
جوري : مين ؟؟..
رائد : ولاء ..!!!!..
جوري : فديييييييتها .. الووووووو ..
ولاء : هلا وغلا ومرحبا ومسهلا .. يالبى صووووووووتها ..
جوري : هههههههههه كيفك يالدبا ...
ولاء : تمامو .. انتي شوعاملي ..
جوري : انا منيحه ..
ولاء : فديت اللبنانيه ياربي ..
جوري : هي بنت اعقلي ..
ولاء : طفشاااااااااااانه ..
جوري : حتى انا .. وش اسوي ..
ولاء : احسن بكرى بجي عندكم ..
جوري : وبتنامين ..
ولاء : اذا تبيني ..
جوري : اكييييد ابيك هذي فيها كلام ..
ولاء : خلاص بنام ..
جوري : اخاف عمي يقول لا .. ولا امك تعيي ..
ولاء : لاماعليك .. اخذت الموافقه امس ..
جوري : ههههههههههه يعني مخططه ..
ولاء : هههههههههه اكييييييييد .. بس احتريك تقولين .. اقولك بجيب بجامتي ..
جوري : لا لا انا بعطيك ..
ولاء : كيفك لاكن اذا اعجبتني ترى بآخذها ماعلي منك ..
جوري : حلاااااالك ياشيخه تفداك بجاماتي كلهم ..
ولاء : لا لا خلاص ماعاد اقدر .. يربيه وش اسوي .. جوري ترى بيجيني سكر ..
جوري : ههههههههههههه ياحبيلك يانااااس ..
ولاء : لحظه لحظه .. ميييييييين .. تعالي .. خخخخ جتني ساره ..
جوري : سلمي عليها ..
ولاء : سوير تسلم عليك جوري ..
ساره : ياحبيلها سلميلي عليها ..
ولاء : تقولك الله يسلمك ..
جوري : كذابه ..
ولاء : هههههههههه ادري .. بقولك تسلم عليك بتقولين الله يسلمها .. وبعدين يعني .. كل يوم نفس الاسطوانه ..
جوري : ههههههههههه طيب خلاص آآسفه ..
ولاء : طيب خلاص سامحتك ..
ساره : ولاء امي تبيك ..
ولاء : طيب .. اقول جوري .. امي تبيني اشوفك بكرى ولا اليوم على المسن ..
جوري : ايه صح تعالي .. جواهر ليه ماصارت تدخل ..
ولاء : خخخخخخخخ عمتي شيخه مانعتها تفتح النت بعد الساعه 12 ..
جوري : ياحياتي .. بس تصدقين تستاهل اربع وعشرين ساعه عنده ماتطفش ..
ولاء : ياشيخه .. وش تسوي طيب ..
جوري : مدري .. المهم انتي شوفي امك .. زين وسلميلي عليها ..
ولاء : اوكي يلا فمان الله .
جوري : ههههههههه حشى رجال فمان الله .. يقولون مع السلامه ..
ولاء : زين زين مع السلامه ..
سكرت منها وجلست ..
رائد : وش عندها ..
جوري : ماعندها شي .. تستهبل ..
رائد : خبلا هالانسانه ..
جوري : ياحبيلها ..


! ??ٍ??? فبيتـ ابو عبد العزيز ??????


كانوا جالسين العصر بالحوش .. ام عبد العزيز معها الراديو وتسمع وابو عبد العزيز عند النخل ..
الجده : سااااالي .. سااااااااليي .. سااااااااالييي ..
الجد من بعيد : شوي شوي .. حبالك الصوتيه ..
الجده : ماعليك ..
الجد : بكيفك .. ( رجع يكمل النخل )
سالي : نأم نأم ..
الجده : ماتسمعين ..
سالي : انا فيه كلام سمي انتي مافيه يسمع انا وشو يسوي ..
الجده : لاترفعين صوتك انتي بعد .. يلا اشوف جيبي التمر اللي عند الشايب وغسليه وعطيني اذوقه ..
سالي : جين جين .. انتي ليه كلو فيه هاوش ..
الجده : اقول روحي ..
راحت وجابت التمر وغسلته .. دخلو عليهم مشاري وحمد وراحوا سلموا على جدتهم وجلسوا معها ..
مشاري : هذانا جيناك طيب ..
الجده : وش عقبه ..
حمد : يعني ماتبينا الحين نروح ..
الجده : لا انا ماصدقت تجوني تروحون عاد ..
مشاري : تبينا ننام هنا طيب ..
الجده : ياليت ..
مشاري : لا اليوم مانقدر ..
الجده تضربه بالعصا : اجل ليه تقولي تبينا ننام ..
مشاري : ههههههههههههه اي .. ابشوف وش تقولين ..
حمد : ماعليك منه يمه .. وش عنده ابوي حمد ..
الجده : هالشايب من يصبح الين يمسي وهو متعلق بهالنخل مدري وش يسوي ..
حمد : هههههههههه وش تبين فيه يمه خليه براحته ..
الجده : وانا من يجلس معاي .. اجلس بلحالي ..
مشاري : حنا مانكفي طيب ..
الجده : انتم شوي وتروحون ..
حمد : طيب شرايك تجون عندنا وتلقين اللي يجلس معاك ويوسع صدرك ..
مشاري : ايه يمه والله جد تعالو ياعندنا ولا عند عمي عبد العزيز ..
الجده : لا منب تاركين بيتنا ..
مشاري : اجل لاتشتكين وتقولين محد يجلس معاك ..
حمد : ايه والله يمه ترى عماني كلهم مو عاجبتهم جلستكم بهالبيت الكبير بلحالكم ..
الجده : وانتم احد قالكم اننا نبي نطلع .. اذا بغينا نطلع جيناكم .. زين .. اها بس سكرو الموضوع ..
مشاري : انشاء الله ..
حمد : يمه انا بوديكم بيت عمي فارس بكرى ..
الجده : ايه والله اني ماودي اركب مع هالسواق .. اخاف يخطفني ولا يسوي فيني بلا ..
مشاري : هههههههههههههههههههههههه والله حاله .. معليش يمه .. بس وش يبي فيك .. لو بيخطف كان خطف وحده اصغر ..
الجده تضربه بعصاها : ايا قليل الحيا .. يعني انا عجوز الحين ..
حمد : هههههههههههههههه .. ابلش ..
مشاري : ههههههههههههههههههه لا من قال ..
الجده : اشوى بعد ..
جلسوا الاثنين يسولفون مع جدتهم وبعدين جاهم ابو عبد العزيز وجلس معهم يسولف .. وبعدها طلعوا هم الثلاثه يصلون المغرب .. بعدها رجعوا وحمد ومشاري كل واحد راح بيتهم ..
! ??ٍ??? فبيتـ سليمان (ابو مشاري) ??????


بعد الصلاة كان جالس مع زوجته وليلى .. دخل عليهم مشاري يغني ..
مشاري : احبه حب نساني .. شي اسمه راحت البال .. وحبه عامل بقلبي .. عمايل مو طبيعيه .. خلاص اليوم بتكلم .. معاه واشكيله الحال .. ولازم يفهم انه بقلبي حبه ماهو شويه .. غلاته وشوقه نسوني .. شي اسمه راحت البال .. وحبه عامل بقلبي عامايل مو طبيعييه ..
ليلى : اعصابك ياشيخ ..
مشاري : السلااااااااااام عليكم ياعرب ..
الكل : وعليكم السلام ..
مشاري : كيفكم ..
الكل : الحمد لله ..
سليمان : وينك انت ليه ماجيت عالغدا ..
مشاري : ابد يالغالي .. طلعت انا وحمد نتغدى برى .. وبعدها مرينا العجيز جلسنا عندها وتونا جايين منها ..
سليمان : زين مريتو امي ..
مشاري : ايه مريناها .. يقول ابوي حمد التمر حقكم برسله مع السواق ..
سليمان : وليه ماجبته معاك ..
مشاري : يوم جيت اباخذه .. قالي لاتاخذه الحين بغيره بحط لكم ثاني .. وحمد اخذ حقهم وراح ..
سليمان : ليه وش فيه ..
مشاري : مدري بس شكله عطى واحد من جيرانهم كرتوننا وكرتونهم لنا .. يعني لخبط ..
سليمان : زين شخبار امي .. شلون رجلينها ..
مشاري : الحمد لله .. تخيل يبه .. هههههههههه تقول ماودي اروح مع السواق اخاف يخطفني ..
الكل : هههههههههههههههههه ..
ليلى : وش يخطف فيها ..
مشاري : قلت لها .. طقتني بعصاها .. وتقول منب عجوز بعد .. والله حاله ..
سليمان : هي انتي وياه تراها جدتكم ..
مشاري : عادي يبه ..
سليمان : اسكت بس ..
مشاري يبوس راس ابوه : خخخخخخخ ماترضى على عجوزكم ..
سليمان : وبعدين يعني ..
مشاري : خلاص توبه .. مو عجوز ..
سليمان : هههههههههه ..
رفع مشاري راسه .. ونوره كانت نازله ..
مشاري يطق على الطاوله : هلا هلا هلا .. هلا نوير هلا .. الله يزين اللي حظرت غطت على كل الحظور ..
ليلى كانت تصفق معاه : عاشااااااااااو هلا .. هلا ..
نوره كانت تنزل وترقص بشعرها .. ومشاري يطق ويغني .. وليلى تصفق مستانسين ومسوين جو ..
امهم ابوهم يضحكون عليهم .. خبلان .. قربت نوره .. سكت مشاري فجأهـ وصار يطالع فيها بجمود ..
مشاري : هي انتي عيب عليك .. اركدي ..
ضحكت ليلى عليه .. نوره انصدمت ..
نوره : خير ..
مشاري : اركدي ليه ترقصين .. تحسبين نفسك بعرس يعني تراك بالبيت ياماما اصحي ..
نوره : الحين انا اللي قلت لكم طقو وصفقوا ..
مشاري : مالك شغل حنا نطق ونصفق انتي لا ترقصين ..
نوره : طيب افف ..
مشاري : هههههههههههههههههه خواااافاااااااه .. هههههههههههههه ..
ليلى : ههههههههههههه حرام عليك خوفتها ..
مشاري : دللللللللللخه ..
نوره : طالعه عليك يابعدي ..
مشاري : لك الشرف .. هين عاد ..
نوره : من زينك عاد .. قال لي الشرف قال ..
مشاري : ايه حبيبتي لك الشرف .. انا مشاري انا .. من غيري انا .. البي اللي ابتلا بعيون حلوين ..
ليلى : ههههههههههههههههه يععععععععععع خربت الاغنيه ..
مشاري : ماعليك .. انا ابيها كذا ..
جلسوا يسولفون ويضحكون .. جلستهم مره حلوه .. اذن العشا وراحوا يصلون ..


! ??ٍ??? فبيتـ شيخه (ام ابرار) ??????

كان عبد الرحمن توه راجع من الصلاة .. دخل الصاله مالقى احد .. راح للغرفه اللي فيها جلستهم .. لقى جواهر جالسه تطالع التلفزيون ..
عبد الرحمن : جواهر ..
جواهر : هلا يبه ..
عبد الرحمن : وين امك وخواتك ..
جواهر : امي راحت لام الجيران هي ولولو .. وابرار فوق بغرفتها ..
عبد الرحمن : زين اطلعي ناديها ابيها بموضوع ..
جواهر : انشاء الله ...


? فــيـ .. غرفة ابرار .. ?
كانت جالسه تكلم رنا ..
ابرار : طيب شقوله لو سألني ..
رنا : انتي استخرتي ..
ابرار : ايه !!..
رنا : خلاص .. انتي قوليلو القرار اللي يريحك .. هَدا مستقبلك وانتي ادرى فيه ..
ابرار : الله يعيني .. لحظه رنو شوي .. ميييييييين .. تعالي ..
جواهر : ابوي يبيك تحت ..
ابرار : رنا ابوي يبغاني ..
رنا : اتوكلي على ربك .. قوليلو قرارك بدون خوف وخجل ..
ابرار : الله يستر .. يلا مع السلامه ..
سكرت منها ونزلت تحت .. وجواهر طلعت غرفتها تفتح النت .. دخلت ابرار غرفة الجلوس ..
عبد الرحمن وهو يعدل جلسته : هاه شخبارك اليوم ..
ابرار : الحمد لله يبه بخير ..
عبد الرحمن : الحمد لله .. هاه يابنتي فكرتي بالموضوع اللي قلت لك عليه ..
ابرار : ايه يبه ..
عبد الرحمن : زين زين .. انشاء الله موافقه ..
ابرار : اللي تشوفه يبه واللي يريحك ..
عبد الرحمن : لا مو اللي اشوفه انا ويريحني .. اللي تشوفينه انتي ويريحك .. انتي اللي بتاخذينه مو انا ..
ابرار : .............
عبد الرحمن : كان ماتبينه قولي ..
ابرار : لا يبه .. اللي تشوفه ..
عبد الرحمن : يعني موافقه ..
هزت راسها بشوي حيا : ايه ..
عبد الرحمن يبوسها : الله يوفقك ويسعدك يارب ..
ابرار : آآمين ..
قامت وراحت غرفتها ودقت على رنا على طول ..
رنا : هاه بشري ايش قولتي ..
ابرار : خلاص وافقت ..
رنا : زيييييييييييييييين مبروك عليكي .. الف الف مبروك .. يالخاينه حتتزوجي وتتركيني ..
ابرار : لا تخافين بشرط عليه مايكون زواجنا الا لما تنخطبين ..
رنا : ههههههههههههههه لا ياعمري امزح معاكي .. الله يوفقك ويسعدك يابنت عبد الرحمن ..
ابرار : آمين ..
جلسوا يتكلمون الين الساعه 10 وبعدها سكرت .. وراحت غرفة لولو .. طقت الباب ودخلت ..
ابرار : شتسوين ..؟؟..
لولو : اقرى كتاب ..
ابرار : ماتملين ..
لولو : لا ..
ابرار : وش كتابه ..
لولو : ديوان ..
ابرار : ديوان مين ؟؟..
لولو : خالد الفيصل ..
ابرار : واو . . امممممممممم بقولك شي ..
لولو : وشو ..
ابرار : انخطبت ..
لولو : قولي والله ..
ابرار : والله ..
لولو : طيب وافقتي ..
ابرار : ايه ..
لولو : مبرووووووووووووووووك .. واخيرا بتفتحين لي المجال يعني ..
ابرار : ومن قالك اني صاكه عليك كان تزوجتي ..
لولو : لا اكيد اللي بيخطبني بيقول اختها اكبر منها وماتزوجت كيف اروح اخطبها . والحين تلقينه متعذب نفسيا يبيني ..
ابرار : ومنهو سعيد الحظ ..
لولو : ماادري . المهم انه بياخذني ..
ابرار : هههههههههههه مطيوره على الزواج ..
لولو : لا والله بس استهبل .. يوووووووه يا ابرار .. اخيرا وافقتي على احد وقدر يعجبك ..
ابرار : شفتي عاد ..
لولو : الا ماقلتي لي من اللي خاطبك ..
ابرار : من تتوقعين ..
لولو : ما اتوقع احد ..
ابرار : لا توقعي ..
لولو : يلا عاد مييييييين ..
ابرار : الدكتور سعود ..
لولو بصدمه : المغرور ..
ابرار بإبتسامه : ايه ..
لولو : شلون .. موتقولين انه مايواطنك شلون يخطبك اجل ..
ابرار : سبحان مغير الاحوال ..
لولو : يؤ يؤ يؤ ماكنت اتصور ابدا انه يوم من الايام بيجي يخطبك كنت شايلته من بالي مره ..
ابرار : قدر ومكتوب .. يلا انا بروح انام وراي بكرى قومه من الصبح ..
لولو : آآآآ بكرى بتشوف عريس الغفله اكيد بتنام بدري ..
ابرار ترميها بالمخده : ياسخفك .. يلاعاد ..
طلعت ابرار وراحت غرفتها .. لولو رجعت تقرى الكتاب وعلى الساعه 12 ماكان فيه احد صاحي بالبيت كله ..


? ? اليـــومـ .. الـليـ .. بعـــــدهـ .. ? ?


! ??ٍ??? فبيتـ عبد العزيز (ابوحمد) ??????


الساعه ½و7 الصباح .. كان حمد عند فهد بالغرفه يصحيه .. وعبد العزيز جالس يفطر مع زوجته وبنته رغد ..
حمد : فهيد خلصني عاد .. والله زهقتني ..
فهد : ياخي انت من اللي مسلطك علي ابنام ياعمي بنام ..
حمد : قم اقولك قم وراك دوام ..
فهد : جانا ابوي الثاني ادري وراي دوام والله ادري ..
حمد : طيب قم يافالح ..
فهد : اسمي فهد الله يهديك مو فالح .. قلت الاسماء تسميني فالح ..
حمد : فاضي تنكت انت ووجهك ..
فهد : لا احاول انكت ..
حمد : فهد رفعت ضغطي ..
فهد وهو يقوم من فراشه ويتربع : ابي اسألك انت وش هدفك بالحياة ؟؟..
حمد بيقهره : اطين عيشتك ..
فهد : قل والله ..
حمد : ههههههههههه ..
فهد وهو يقوم : ابعد بس ابعد .. هذا وانت حبيبي ..
حمد : من قالك حبني انت وذا الخشه ..
فهد : قلبي قال حبه اكيد عنده فلوس ..
حمد : ههههههههههههههههههه يلعن بليس مصالح يعني ..
فهد : ياخي الحين محد يعترف بالصداقه الحقيقيه الا نادر تلقى واحد مصاحبك عشان اخلاقك .. تلقاه ياعشان شكلك حلو بيستعملك وسيله تجذب البنيات ولا عشان فلوسك ولا يبي من وراك مصلحه ..
حمد : وانت الصادق .. دنيا تخوف يا اخي ..
دخل فهد الحمام .. وحمد فتح درج الكمدينه وطلع البوم صور جلس يتفرج عليه .. كانت صورهم يوم كانوا صغار هم وعيال عمانهم لما كانوا بالمزرعه .. قفل الألبوم ورجعه واخذ الثاني .. لقى فيه صوره هو بلحاله .. من يوم كان صغير بالمهاد الين اخر صوره صورها قبل اسبوع .. استغرب ليه فهد يحتفض بصوره بألبوم غير .. حطه واخذ الثاني لقى فيه صور فهد بنفس طريقة صوره .. من كان صغير الين كبر .. وفيه البوم لسلطان والبوم روووووووعه لرغد ..
حمد : الله يافهد كل واحد منا مخلي له البوم بلحاله .. ياحبيلك والله ..
رجع كل شي وحطه مكانه وسكر الدرج وقام راح للتسريحه ..
حمد : الخاااااايس اقوله عطني العطر يقول لا ..
فهد : وش تسوي ..
حمد : الحين تعال يوم اقولك عطني العطر ليه ما عطيتني اياه ..
فهد : وليه اعطيك اياه ..
حمد : ياخي اخوك انا وش ذا الحاله ..
فهد : اقووووووول .. هذا شاريه بـ 500 ريال .. تخيل بعطيك اياه .. هذا عطر الشيوخ حبيبي ما يتعطر فيه غير الشيوخ تسمع .. الشيوووووووووخ ..
حمد : بتوهمني وبتوهم نفسك يعني .. انك انت شيخ ..
فهد : ايه شيخ ليه ياقلبي ..
حمد : هـه .. لا بس اسأل ؟؟. يلا يلا خلنا ننزل ..
نزلو الاثنين تحت ودخلو غرفة الاكل ..
حمد وفهد : السلام عليكم ..
الكل : وعليكم السلام ..
عبد العزيز : هاه صباح الخير فهد توك تقوم ..
فهد : الله يهديك يبه ولدك هذا يخلي احد فحاله ..
عبد العزيز : ايه ولدي هذا قام من فجر الله وانت ليه ماتصير زيه اعوذ بالله انت اربع وعشرين ساعه بفراشك نايم ..
فهد : تخيل بقوم من الفجر وانا اروح الدوام 8 وش بينقزني من فراشي مع العصافير ..
عبد العزيز : ما اقول غير الله يهديك .. يلا افطرو بنمشي .. وانت يافهد ما ابيك تسوي مثل امس ..
فهد : وش سويت امس ؟؟؟؟؟؟؟؟؟
عبد العزيز : الاستهتار انت ورائد .. جالسين لي عالمكتب اللي رافع رجلينه على الطاوله واللي يقلب بالجوال .. وتسولفون وتضحكون ولا كنه عندكم اشغال ..
فهد بصوت واطي يكلم حمد : لحق يوصل له الخبر .. والله لو اننا مفجرين ..
حمد : ههههههههههههههههههه ..
عبد العزيز : وانت بعد ليه تضحك ..
حمد : لا يبه سلامتك والا شي ..
قام عبد العزيز واخذ البشت حقه : يلا لا تتأخرون استعجلو .. طلع من البيت وراح للشركه ..
فهد : ياوييييييلييييييييييييييييه .. وش ذا .. والله لو اني مسوي جريمه ..
حمد : محد قالكم ..
فهد : اسكت انت اللي يسمعك عاد يالعاقل ..
حمد : على الاقل اجلس ورجليني بالارض مو فوق الطاوله .. هههههههههههه ..
فهد : انشاء الله ..
هدى : يلا حبايبي قومو روحوا دواماتكم ..
فهد : يمه ..
هدى : لبيه ..
حمد : يووووووووووووووه السؤال حق كل يوم ..
فهد : مالك شغل .. يمه ..
هدى : لبيه ياعيون امك ..
فهد : تحبيني ..
هدى : هههههههههههههههه وانت فيه احد مايحبك ياقلبي ..
فهد : آآآآآآآآآآآآآهـ .. بروح فيها .. شكلي بشتغل اليوم شغل سنه كامله ..
هدى : هههههههههههههه فهد ..
فهد : سمي ..
هدى : قم رح دوامك اشوف ..
فهد : تونا يمه 8 الا خمس ..
حمد : متى ناوي تروح ..
فهد : اذا صارت 8 طلعت ..
هدى : اقول رغد حياتي .. روحي قومي سلطان وقوليله تقولك امي اذا تبي تروح كارفور ترانا بنروح بعد شوي ..
فهد : يمه بروح معكم ..
هدى : لا حبيبي رح دوامك ..
فهد : اذا سألوني ليه متأخر بقولهم كنت مع الوالده تبيني بشغل ..
حمد : اووووووووما تبيك بشغل ..
فهد : ياخي ماودي اداوم بدري اليوم ..
حمد : بكيفك .. يلا فمان الله يمه .. تبين شي .؟.
هدى : سلامتك حبيبي .. الله يحفظك ..
حمد : يلا اجل مع السلامه .. وانت هي قم رح دوامك لا يزعل عمي ابراهيم عليك عقب حركة امس وبتتأخر اليوم بعد ..
فهد : ايه والله فشيله ..
طلع حمد .. وفهد جالس يفطر ..
هدى : فهد ياقلبي انت .. اقنع اخوك يتزوج ..
فهد : يمه كم مره كلمته وهو يسكر الموضوع ما اقدر عليه ..
هدى : طيب كلم مشاري هو يقدر يقنعه ..
فهد : يووووووه تحسبينه ماحاول معاه .. انا بس ودي اعرف وش السبب اللي يخليه رافض فكرة الزواج كليا ..
هدى : وهذا اللي محيرني بعد .. والله انه ودي افرح فيكم انا وابوك قبل لا نموت ..
فهد : يوه يمه .. وش ذا الكلام . الله يعطيكم طولة العمر ويخليكم لنا ..
هدى : آمين .. بس حتى لو ترانا ماراح ندوم لكم .. نبي نشوف عيالكم ..
فهد : انا عني من يخطب حمد ابملك على طول ..
هدى : ادري فيك بتموت على بنت عمك .. بس انت اقنع حمد ويصير خير ..
فهد : وش دراك يمه ..
هدى : يوووووووه .. اعتقد حتى امها تدري انك تبيها ..
فهد : يؤ يؤ يؤ ..
هدى : هههههههههه يلا قم تأخرت على دوامك ..
فهد : ايه والله .. يلا تبين شي يالغاليه ..
هدى : لا ياعمري ما ابي شي .. انتبه على عمرك .. وطلبتك يافهد ....
فهد : تـــــــــــم ..
هدى : لا تسرع .. تراني على اعصابي دايم منك ..
فهد : ابشري ولا يهمك ..
طلع فهد وركب السياره .. شغل المسجل لبس نظارته الشمسيه وجلس يطالع بالمرايه ..
فهد : الله ياحلاوتك يافهد .. من جد .. جنتل مان ..
مشى وراح الشركه .. ويوم وصل الشركه سأله رائد ليه متأخر .. قاله : امي تقول لا تسرع .. وكل من سأله ليه متأخر رد عليه بنفس الكلام ..




! ??ٍ??? فبيتـ حصه (ام ماهر) ??????


كان محمد توه طالع واميره جالسه تفطر مع امها .. دخل عليهم ماهر بلبس الدوام والنجمتين فوق كتفه .. مع النظاره الشمسيه .. وقفت اميره اول ماشافته وظربت له تعظيم سلام .. ضحك عليها ماهر وسحب الكرسي وجلس جنب امه ..
اميره : وش يضحك .. كل هذا عشاني اقدر انك ملازم يعني ..
ماهر : لا بس طريقتك تضحك كنك مرعووووبه ..
اميره : اللي يشوفك بهاللبس .. الصراحه بيخاف .. بس تدري .. والله شكلك رزه .. اسمع اذا داومنا بالجامعه .. ابيك تجي تاخذني وتنزل .. عشان اذا شافوك البنات خقوا عليك ..
حصه : اميروووه .. وش هالكلام ..
اميره تغمز لامها : يمكن تعجبه وحده وش فيك ..
ماهر : ههههههههههههههه ..
اميره : وانا صادقه ..
ماهر : ايه طيب .. يلا بمشي تبون شي ..
حصه : هذا فطورك .. كرسونه بس ..
ماهر : والله مستعجل .. يلا فمان الله ..
طلع ماهر وامه تسمي عليه طالعتها اميره ..
اميره : والله لو انه انا تسمين عليه ..
حصه : والله انه احلى منك ..
اميره : افا يمه عاد وش دعوى جامليني ..
حصه : ما اعرف اجامل .. يلا قومي بنروح لام فواز ..
اميره : تخيلي انتي اني بروح معك .. لا الله يعافيك .. شكرا ..
حصه : وليه ماتروحين .. دايم تسال عنك ..
اميره : سألت عنها العافيه .. بس منب رايحه ..
حصه : وليه انشاء الله ..
اميره : مالي خلق ..
حصه : تعالي يمكن يكون فيه بناتهم ..
اميره : ماوديييييي ..
حصه : طيب دقي على ابتهال وشوفي اذا بتروح روحي .. ولا على العنود بنتهم ..
اميره : اشوف ..
حصه : بروح الساعه 9 ونص ..
اميره : طيب ..
قامت حصه .. واميره تفكر تروح ولا ماتروح .. قامت وطلعت غرفتها ودقت على ابتهال ..
اميره : الوووو ..
.......: ياهلا ..
اميره : السلام عليكم ..
.......: وعليكم السلام ورحمة الله ..
اميره : اخوي لو سمحت ممكن اكلم ابتهال ..
ياسر "ليه اخوي عاد وش سويت انا " : ايه انشاء الله بس من اقولها ؟؟ <<عارفها بس يستعبط :/
اميره : اميره !!.
ياسر : ايه ابشري .. دقايق .. ابتهآآآآل .. ابتهآآآآآل .. ابتهآآآآآآآآآآل ..
ابتهال : هآآآآآآآآآآآآآآهـ
ياسر : وجع ردي زين ..
ابتهال : وشو ..
ياسر يأشر على قلبه : يدق ..
ابتهال : وشو ..
يأشر على التلفون وعلى قلبه : تدق تدق ..
ابتهال : هههههههههههه مين اميره ..
ياسر : آآآهـ .. ايه .. اميرتي ..
ابتهال : ابعد بس مسوي عنتره بن شداد انت ووجهك .. الووووووووو ..
اميره : هلااااااااااااا ..

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -