رواية تحملت كثير يا قلبي -53

رواية تحملت كثير يا قلبي -53

مشعل ابتسم : اذا بتفضين لي شوي .. صدقيني كللللللهم ..

تهاني : خلاص صار ..

مشعل : احم .. فديتك والله ..

تهاني : عندك شي بتقوله ..

مشعل : ايه ..

تهاني : يلا تكلم طيب ..

مشعل : اول شي بقولك اني احبك واموت فيك ..

تهاني حمرة خدودها : ايوه ..

مشعل : ثانيا .. امس وين رحنا ..

تهاني : تمشينا ..

مشعل : ومكان ثاني بعد ..

تهاني : وين .. المطعم الكوفي ..

مشعل : يوووووووه مكان ثاني ..

تهاني : ويييييييين .. نسيت ..

مشعل : المستشفى .. مو قلنا نتبرع بالدم ..

تهاني : ايوه ..

مشعل : مو سحبوا منك عينه بيشوفون اذا دمك ينفع ولا لا .. يعني اذا فيك مرض لا سمح الله ولا شي .. وقلنا بنطلع لين طلعت النتايج يدقون علينا ..

تهاني : ايوه ..

مشعل : دقوا علي وقالوا لي تعال خذ النتيجه بما ان امس تأخر الوقت ولا اخذناها ..

تهاني : طيب رحت اخذتها ..

مشعل : ايه ..

تهاني : طيب وش صار نروح اليوم نتبرع ..

مشعل : انا ينفع اروح .. بس انتي لا ..

تهاني تنحت عليه : ليه طيب .

مشعل تغير وجهه : بس ما ينفع ..

تهاني : ليه طيب انا فيني شي ..

مشعل : ايه ..

تهاني : مشعل لا توتر لي اعصابي وش صاير .. ليه ما اقدر اتبرع ..

مشعل : اذا تبرعتي بالدم .. ولدي من وين له دم .. كيف بيعيش ..

تهاني : نعم ..

مشعل : ايه ..

تهاني جلست تطالع فيه .. وهو يطالعها ويبتسم .. ومسكها وحط راسها بين يدينه ..

مشعل : حياتي .. انتي حامل فديت روحك ..

تهاني : لاتمزح ..

مشعل : هههههههههههههه .. ( باسها على راسها ) .. وربي ..

تهاني ابتسمت : يعني بصير ماما تهاني ..

مشعل : وانا بابا مشعل .. شرايك ..

تهاني : ههههه فديتك والله .. احلف ..

مشعل : ههههههههه وربي ليه مو مصدقه ..

تهاني مبتسمه وتهز راسها : لا ..

مشعل : تبين اقرصك عشان تصدقين ..

تهاني : ههههههه ايه يلا ..

قرب لها مشعل وعضها مع خدها : صدقتي ..

تهاني : آآي .. ايه خلاص .. يااااي وناسه .. بصير ماما ..

مشعل : ههههههههههههههه ..

!??ٍ??? فبيتـ فهد ??????

جوري : ابي اروح لأهلي ..

فهد : متى ..

جوري : العصر ..

فهد : تبين اوديك ولا بيجي سواق اهلك يآخذك ..

جوري : لا بقولك لامي ترسلي السواق ..

فهد : براحتك ..

قام وراح الغرفه وسكر الباب ..

فهد : وربي ما بي اعاملك كذا بس انتي اجبرتيني ..

جوري اول ما قام صارت تطالع فيه لين دخل ..

جوري : شفيه ذا ..

قامت ودقت على امها ..

جوري : بس ودي اجي ..

امل : اوكي فديتك متى طيب الساعه كم ..

جوري : الساعه 4 ..

امل : زين .. اقول ..

جوري : سمي ..

امل : اسمعي .... ولا اقولك خلاص اذا جيتي احسن ..

جوري : ليه وش السالفه ..

امل : لا عادي .. بس موضوع .. الا كم موضوع انتي بس تعالي ..

جوري : اوكي خلاص .. انا بروح انام الحين ..

امل : زين حياتي .. سلمي على فهد ..

جوري : يوصل ...

سكرت من امها وراحت خافت تدخل غرفتها عقب الثعبان راحت غرفة الغسيل اخذت لها بجامه ولبستها وطلعت للصاله انسدحت على الكنبه وتغطت بشرشف الصلاة وكانت تبي تنام .. طلع فهد من الغرفه وشافها وراح لها ..

فهد : جوري ..

جوري : نعم ..

فهد : ليه نايمه هنا ..

جوري : مابي انام بغرفتي اخاف ..

فهد : طيب كان جيتي غرفتي ..

جوري : شفتك دخلت وسكرت الباب قلت اكيد بينام ما حبيت ازعجك ..

فهد ابتسم لها : تمونين .. قومي لا تنامين هنا ..

جوري : مابي مرتاحه ..

فهد غمز لها : متأكده ..

جوري " لا والله مو مرتاحه تكسر الظهر " : اممممممممم ..

فهد : يلا قومي ..

قامت وراحت للغرفه وهو راح المطبخ شرب مويه ورجع للغرفه لقاها منسدحه ومعطيه الباب ظهرها .. سكر الباب ودخل .. حط الكاس على الطاوله والتفتت عليه بعدين رجعت حطت راسها وغمظت .. راح وانسدح وتغطى ..

فهد : قلتي لامك ..

جوري : ايه ..

فهد : متى بيجيك ..

جوري : الساعه اربع ..

كانت اخر كلمه قالوها بعدين ناموا ..

على صلاة العصر قام فهد وصلى ورجع لقاها جالسه بالصاله ولابسه عبايتها بتطلع .. سوى نفسه بيآخذ غرض من البيت هو الثاني وبيطلع ..

فهد : مابعد جا ..

جوري : الحين بيجي ..

فهد : اذا بترجعين دقي علي انا بجي آخذك ..

اخذ ملف كان محطوط على الطاوله وطلع ركب السياره وجلس فيها .. جا السواق ركبت معاه وراحت ..

!??ٍ??? فبيتـ شيخه ??????

كانت البيت مره هدوووووء والكل نايم حتى عبد الرحمن من ارهاق الشغل ماقدر يقوم يصلي العصر .. دخلت البيت وحطت اغراضها وشافت البيت هادي راحت نادت زوجها ودخلوا جلسوا بالصاله ..

ابرار : ياربيه اشتقت لبيتنااااا ..

سعود : يلا قرة عينك ..

ابرار : ترى ماراح اطلع من البيت الا بعد اسبوع ..

سعود : وانااااا ..

ابرار : انت رح بيت اهلك لين يخلص تنظيف بيتنا ونروح ..

سعود : لا مابي بعدين تعالي 5 شهور ما افارقك والحين تبين تجيني كذا فجأه اسبوع ما تكونين معاي لا لا مابي ترى بموت ..

ابرار : ياربيييييييه يا دلووووع .. عادي وش فيها ..

سعود : كيفي اتدلع على زوجتي مو احد غريب ..

ابرار ابتسمت : يلا يا عم تستاهل تدلع على كيف كيفك ..

سعود : ههههههههههههه .. بروح انزل اغراضك واروح بيت اهلي ..

طلع سعود .. وابرار جلست تطالع البيت الا طلعت لها وحده من المطبخ اول ماشافت ابرار راحت لها بسرعه وضمتها وصارت تمسح على راسها ..

نعيمه : الحمد لله على السلامه نورتي ..

ابرار : فديتك الله يسلمك النور نورك .. شخبارك اهلي شخبارهم ..

نعيمه : الحمد لله كلنا بخير مانقصنا الا وجودك ..

ابرار : تسلمين والله .. ياربي مشتاااقه لكم بقوه .. جوعانه ومشتاقه آكل من يدينك ..

نعيمه : من عيوووووني ..

راحت نعيمه بسرعه المطبخ تحط لها اكل .. الا على نزلت ابوها اول ماشافها ماصدق لين ضحكت نزل لها وسلم عليها وضمته وباسته على راسه .

عبد الرحمن : كذا تسوين .. ماتسألين ..

ابرار : حرام عليك يبه كل ماكلمت امي ولا لولو اسأل عنك واذا دقيت عليك بالدوام ولا البيت يقولون مو موجود ولا مشغول ولا طالع يعني يصرفوني ..

عبد الرحمن : ماعاش من يصرفك ..

ابرار : وين امي ..

عبد الرحمن : فوق اطلعي لها .. سعود وينه ..

ابرار : برى ..

عبد الرحمن تركها وطلع لسعود وهي رقت غرفة امها لقتها تصلي راحت وجلست وراها خلصت شيخه صلاة ومالفت على ورى على بالها ان لولو جت ..

شيخه : لولو متى جيتي ..

قربت ابرار اللي عيونها كانت مليانه دموع مره كانت مشتاقه لامها .. راحت وضمت امها من ورى شيخه ماكانت تدري مين لين الحين تحسبها لولو مسكت يدينها وباستها ..

شيخه : لولو خلاص كبرتي وش هالدلع يلا قومي خليني اقوم ..

باستها ابرار مع راسها ولا تكلمت ..

شيخه : لوووولوووو ..

سحبت يدينها وقامت ابرار صارت جنب امها .. شيخه اول ماشافتها ضمتها وقامت تصيح وابرار بدت تصيح ..

شيخه : هلا .. هلا والله وغلا .. هلا بنور البيت .. هلا بالغاليه ..

ابرار : هلا فيك يمه .. وحشتووووووووووني ..

شيخه : ليه ماقلتي انك بتجين ..

ابرار : خليتها مفاجأه .. بس ترى بنرجع ..

شيخه : ليه ..

ابرار : ماخلصنا بس جايه عشان اشوفكم وعشان زواج ليلى ..

شيخه : زين والله .. متى بترجعين طيب ..

ابرار : بجلس شهر ..

شيخه : بس ..

ابرار : وش اسوي يمه هذا اللي قدرنا عليه وربي ما ودي اسافر بس الضروف تدرين ..

شيخه : يلا اهم شي حياتك ..

ابرار : لولو متى بتجي ..

شيخه : احيانا تجي العصر واحيانا المغرب ..

ابرار : كل يوم تجي ..

شيخه : ايه ..

ابرار : ماشاء الله سنعه .. وجواهر وينها ..

شيخه : بغرفتها يا نايمه يا تذاكر ..

ابرار : ياحبيلها ثانويه عامه ..

شيخه : الله يعينها ..

قاموا الثنتين شيخه نزلت تحت وابرار راحت لغرفة جواهر فتحتها لقتها بااااااااارده ومظلللللللللللللللمه .. راحت لجواهر وجلست جنبها على السرير وفتحت الابجوره الي جنبها .. سحبت الغطى عن وجهها وجلست تطالعها .. قلبت جواهر على جنبها ورجعت تتغطى .. باستها ابرار وجلست تطبطب على كتفها وتقومها بصوت واطي ..

ابرار : جوجو .. جووووجووووو ..

جواهر : همممممممممم ..

ابرار : قومي فديت روحك ..

جواهر : فيني نووووم .. اطلعي وسكري الباب ..

ابرار : قومي طيب شوي بس ..

جواهرقامت وجلست وهي مغمظه عيونها : وشو ..

ابرار ابتسمت : فتحي عيونك طيب ..

جواهر فتحت عيونها شوي شوي .. جلست تطالع ابرار مو مستوعبه .. قبصتها ابرار على خدها ..

ابرار : اشتقت لك يا غبيه ..

طبت عليها جواهر وهي تصرخ وضمتها ..

جواهر : ابراااااااااار .. حبيبتي ..

ابرار : ههههههههههه ..

جواهر : ياربيييييييه لك فقده والله اني احبك مره .. وحشتيني ..

ابرار : هههههههههههه وانا اكثر والله .. قومي ننزل عند امي ..

قامت جواهر وغسلت ونزلت مع ابرار وجلسوا مع اهلهم بعد ماراح سعود ..

!??ٍ??? فبيتـ فارس ??????

امل : هاه شرايك ..

جوري " والله فكره " : امممممممم .. طيب قلتي لهم انتي ..

امل : لا .. بس اليوم بروح وبقولهم .. بس قلت آخذ رايك اول ..

جوري : والله الصراحه وين بيلقى بحلاوتها ..

امل : يعني خلاص اكلمه ..

جوري : ايه خلاص .. وين ريوم ..

امل : مع ادورا تلبسها .. دقي على فهد قوليله بروح مع امي بيت خوالي ..

جوري : ماراح يقول شي ..

امل : ولو دقي .. وانا بروح البس ..

قامت امل ورقت فوق .. جوري طلعت جوالها ودقت على فهد اللي من اول دقه رد ..

جوري : الووو ..

فهد : هلا ..

جوري : السلام عليكم ..

فهد : اهلين وعليكم السلام ..

جوري : اممممممم .. ترى بروح مع امي ..

فهد : اوكي ..

جوري : طيب ماتبي تعرف وين بنروح ..

فهد : اذا تبين تقولين قولي ..

جوري : واذا مابي اقول ..

فهد : مو لازم تروحين ..

جوري : الا بروح ..

فهد : طيب وين ..

جوري : مولازم اقول ..

فهد : خلاص لاتروحين اجل ..

جوري : بيت خوالي ..

فهد ابتسم " ههههههه ايه ماتجين الا كذا " : اوكي .. متى ..

جوري : الحين ..

فهد : زين اجي اوديكم ..

جوري : لا ماله داعي بنروح مع السواق ..

فهد : يلا خمس دقايق وانا عند الباب ..

جوري : اقولك بنروح مع السواق ..

فهد : وانا اقول خمس دقايق يلا فمان الله ..

سكر منها وجلس يضحك ..

فهد : ههههههههههههه رفعت ضغطها .. فدييييييييييييت رووووووووحها ..

امل : يلا ..

جوري : فهد بيمر الحين ..

امل : يعني اروح بلحالي ..

جوري : لا بروح معاك ..

امل : شلون تروحين وفهد بيمر ..

جوري : هو اللي بيودينا ..

امل : ماتدرين ان عندنا سواق ليه تكلفين على الرجال ..

جوري : هو من كيفه عزم روحه يودينا ماقلت له تعال ودنا ..

امل : فديته .. طيب يلا جيبي اختك .. هـه اكيد هو ..

راحت سلفيا تفتح الباب وجوري راحت تجيب ريم من ادورا .. وامل تلبس عبايتها .. دخل فهد وسلم على امل ..

فهد : يلا ..

امل : ياقلبي يا فهد كان ماجيت نروح مع السواق ..

فهد : شدعوى .. بعدين انا اصلا كنت قريب قلت خلني اوديهم ماوراي شي ..

امل : زين فديتك .. جوووووووريييييي ..

جتهم جوري وهي شايله ريم وادورا وراها بالشنطه حقتها ..

جوري : هذاني يمه جيت ..

امل : يلا ..

راح فهد لجوري وجلس يلعب ريم وباسها واخذها منها .. طلعوا كلهم وركبوا السياره جوري عيت تركب قدام وخلت امها تركب .. ريم كانت تصيح وجوري متورطه فيها ماتدري وش تسوي ..

امل : سكتيها ..

جوري : ماعرفت لها يمه مدري وش تبي ..

امل : الله يعينك اذا جاك عيال وش بتسوين ..

رفع فهد عينه على جوري وجلس يطالعها كانت تبتسم ..

جوري : طيب وش اسوي بهذي الحين ..

امل : عطيها مصاصتها ..

جوري : وينها ..

امل : معاها ..

جوري : ايه لقيتها .. فديت ريومي انا خلاص لا تصيحين .. يازينها اذا صارت ساكته وعاقله ..

امل : طالعه دلوعه على اختها ..

جوري : يمه انا ماكنت كذا .. بعدين لا تنسين انك بعد واحد وعشرين سنه جبتي بنوته ...

فهد : متى صار عمرك واحد وعشرين ..

جوري : بيصير خلاص ..

فهد : ايه توك باقي لك 3 شهور واربع ايام ..

امل : هههههههههههههه حاسبها ..

فهد انحرج : هههههه اكيد ..

جوري حمر وجهها وجلست تطالع ريم .. وصلوا بيت اهل امل .. نزلت امل وراحت تفتح الباب جوري كانت جالسه تزين ريم عشان تنزل .. نزل فهد وفتح لجوري الباب ..

فهد : هاتيها وانزلي ..

عطته ريم وجلس يبوسها هي نزلت ووقفت جنبه ..

جوري : عطني اياها ..

فهد : طيب ابيها ..

جوري : وحنى بعد نبيها ..

فهد : بس ابيها انا اكثر منكم ..

جوري : فهد يلا ..

فهد : لا مابي خليها معاي ..

طلع نواف من بيت جدته وشاف فهد وجوري واقفين ..

نواف : احم ..

التفت عليه فهد : اهلين .. خذي قلبي ..

اخذت جوري ريم ودخلت جوى ..

نواف : هلااااا ..

فهد : هلاوين .. هلا وغلا ..

نواف : كيف الحال .. وين الناس ..

فهد : الحمد لله .. والله بهالدنيا .. انت بشر عنك .

نواف : والله تماااام التمام .. استنى هنا دقيقه بجيب لك شي ..

فهد : اوكيك ..

راح نواف سيارته وطلع منها كرت ورجع لفهد وعطاه اياه ..

فهد : وشو ذا ..

نواف : وش شايف انت ..

فهد : كفر سياره ...

نواف : هههههههههههههههههههه ..

فهد : ههههههههههههههه .. ( فتح فهد الكرت وقراه ) .. اوووووو مبروووووووووووك .. بتدخل عش الزوجيه ..

نواف : ايه خلاص ولا حرام علينا وحلال عليكم ..

فهد : ههههههههههه افا عليك . يلا الف الف مبروك تتهنى ان شاء الله .. ماسويت ملكه ..

نواف : الملكه والزواج بنفس اليوم ..

فهد : هههههههههه زين ماعندك وقت .

نواف : ايه خلاص نبتل عزوبيه الله يهديك ..

فهد : زين والله الله يوفقك ان شاء الله ويتمم عليك ..

نواف : ايه صح .. بعطيك بطاقاتكم وانت وزعها اوكي ..

فهد : اوكي خلاص .. بس بطاقات رجال هاه ..

نواف : ايه بطاقات الحريم مع امي وبتعطيها خالتي امل توزعها ..

فهد : خلاص ابشر ..

? عــنـد .. اللي جوى ?

امل : هاه وش رايكم ..

ندى : الصراحه البنت عذاااااب .. بس اخوك ذوقه صعب ..

جوري : خالي لو شافها بينهبل .. ماراح يقول شي ..

امل : والله البنت ماودي تروح لواحد ثاني يعني يكفي اعرفها تهبل بسم الله عليها .. مالها صوت ..

جوري " يا حبيلك يمه ماتدرين فيها " ..

ندى : شوفي هو بيجي بعد شوي توها امي دقت عليه وشرشحححححته ..

امل : ههههههههههههههههه احسن ..

دخل عليهم طلال : السلااااااام عليكم ..

الكل : وعليكم السلام ..

ندى : الطيب عند ذكره ..

طلال : تحشون ولا تمدحون ..

امل : الصراحه نتشاور ..

طلال جلس : على ايش ..

جوري : على زواجك ..

طلال : يووووووه لين الحين ما يأستوا ..

ندى : لا والله .. بس خلاص ابشر امل لقت لك البنت السنعه ..

طلال : هاه امول مشتغله خطابه ..

امل : وش اسوي .. ماورانا شي .. بس باقي رائد وقريب ان شاء الله ..

جوري : جد يمه ..

امل : ايه .. يبي غيدا ..

جوري : احلااااااا الحب ..

امل : حتى انتي تدرين .. وش السالفه ليه انا اخر من يعلم ..

جوري : ليه من يدري بعد ..

امل : ابوك وريان ..

جوري : ههههههههههههههه ..

طلال : والله من ورانا ..

امل : ماعليكم من ولدي الحين .. خلنا فيك ..

طلال : وشو بعد ..

امل : شف .. بنت اخو فارس تهبببببل .. وش رايك ما نخطبها لك ..

طلال : اي وحده فيهم ..

امل : بيان ..

طلال : بيان .. اللي كبر جوري ..

امل : ايه .. كنت اجيبها معاي ..

طلال : الدبدوبه البيضا وكل وجهها خدود ..

جوري : ههههههههههههه قديم يا خالي ..

طلال : ليه تغيرت .. اكيد شانت .. كانت قمر ..

امل : لين الحين قمر ..

جوري : الحين طويله وجسمها يخقق وحلوه وعيونها وساع وبالكحل تصير عذاب .. وعليها خصر ماشاء الله تبارك الرحمن .. وشعرها حرير يوصل لين اخر ظهرها مره مره نااااااعمه وحلللللللوه ..

طلال : بعد كل هذا تقولين حلوه .. الا قولي ملاك منزل من السما ..

الكل : هههههههههههه ..

ندى : انت وش قلت ..

طلال : امممممممم ابشوفها اول ..

بسرعه طلعت امل صوره لها .. وعطتها طلال .. كانت بزواج جوري ولابسه اسود وفيه فيروزي وتاركه شعرها مفتوح وبس مستشورته والميكب كان اكثر من ناعم مطلعها تخبل .. طلال جلس يطالعها ..

طلال : من اي مجله مآخذتها .. بسرعه اعترفي ..

الكل : ههههههههههههههههههه ..

امل : حرام عليك والله هذي البنت ..

طلال : ماشاء الله تبارك الرحمن .. بسم الله عليها .. قمر الله لا يضرها ..

امل : هاه وش قلت ..

طلال : الصراحه بعد كل هالاغراآت وتقولين وش قلت .. يعني اكيد موافق ..

ندى : اخيييييييييييييرا ..

اماني : خير وش عندكم ..

دخلت اماني وسلمت عليهم .. ودخلت معها بنتها رهف .. وجلسوا .. رهف شافت صورة بيان مع طلال وانجنت ..

رهف : وش جاب صورة بيان بنت عمك مع خالي .. خالي من وين لك الصوره ..

طلال : شرايك رهوف حلوه صح ..

رهف : موت .. بس مغروووووووووووووره ..

دزتها جوري مع كتفها عشان تكست ..

طلال : الصراحه كل هالجمال وماتبينها تغتر ..

جوري : صح صح ..

اماني : هات اشوف الصوره .. ( اول ماشافت الصوره قامت تصفر ) .. يا هوووووووه .. هذي بيان ..

امل : ايه .. خلاص بنزوجها طلولي ..

اماني : قهر كنت ناويتها لمشعل ولدي ..

طلال : لا خلاص لي انا ..

ندى : بسم الله عليييك شوي شوي .. لا لي انا .. افرض البنت مارضت فيك ..

طلال : ليه بسم الله علي .. مال وجمال وحسب ونسب ليه ترفض .. بعدين يكفي اني اخو اموله .. وخال جوري .. صح جوري ..

جوري ابتسمت : صحين ..

جلسوا يسولفون وبعد صلاة العشا مرهم فهد ورجعهم .. وصلوا امل وراحوا بيتهم ..

+""+..+""+..+""+..+""+..+""+..+""+

من بكرى دقت امل على بيان وقالت لها تجي عندها البيت .. جت بيان وكانت خايفه لا تكون امل تدري بالسالفه .. بس طلعت انها تبي تخطبها لاخوها .. مره ارتاحت .. شافت بيان صوره لطلال كان مره وسيييييييييم .. ماقالت شي قالت تبي تفكر .. عطتها امل الصوره وطلعت بيان راحت بيتهم ..

محد من العايله كان يدري برجعة ابرار غير حمد .. واهلها .. بتسويها لهم مفاجأه ..

+..+""+..+""+..+""+..+""+..+""+..+

????…¤_¤… يوم الاربعاء يوم زواج ليلى …¤_¤…????

كانوا كلهم مرتبشين بقوه .. جوري ماطلع فستانها غير الظهر .. وداها فهد تآخذه ولقتها ماظبطته وجلست عندها لين زينته واخذته .. جلست تقيسه بالبيت وتطالعه الا دخل عليها فهد الغرفه وهي لابسته .. جلس يطالعها من فوق لتحت ..

جوري : حلو صح ..

فهد : هو مو حلو انتي محليته ..

جوري : جد فهد مو حلو ..

فهد : اقولك انتي محليته .. ليه كذا مفتح مع كل جهه وظهرك كله طالع ..

جوري : هو كذا موديله ..

فهد : مافيه شال ..

جوري : لا ..

فهد : ياسلام عليك والله .. بتروحين كذا ..

جوري : وش فيها عادي ..

فهد : لا مو عادي .. مافيه غيريه ..

جوري : فهد حرام عليك ..

وربي تعبت فيه ..

فهد : مو ذنبي كان وريتيني الموديل قبل لا تفصلينه اقولك تفصلينه ولا لا ..

جوري : عاد صار وفصلته ..

فهد : سوري زوجتي ما تلبس كذا ..

طلع فهد وتركها مقهوره .. طلعت وراه بالفستان .. وراحت له كان جالس على الكنبه يطالع التلفزيون .. راحت وجلست جنبه ..

جوري : فهد .. خلني البسه ..

فهد : آسف ..

جوري : الله يعافيييك ..

فهد : قلت لك آآآسف .. يا جوري مره عااااري .. ظهرك كله كللله طالع مايغطيه غير حبال .. وياليت فيه سيور ولا شي بدون ولا اكمام .. حتى لو كانت شفافه .. وشوفي مع تحت مفتح .. مافيه اسمحيلي ماتطلعين كذا ..

جوري : فديتك فهودي حبيبي انت الله يعافيك وربي انهلكت لين زان الله يعافيك خلاص ما عاد البسه مره ثانيه ..

فهد جالس يطالعها وهي تكلمه ويبتسم : قولي فهودي حبيبي مره ثانيه ..

جوري : فهودي حبيبي وحياتي وعمري وروحي وقلبي وكل شي ..

فهد : فديتك كل هذا عشان فستان ..

جوري : عشان وربي متكلفه عليه مره .. وتعبانه فيه .. فوق 3 الاف ريال .. الله يعافيك ..

فهد : بس عندي شرط ..

جوري : وشو ..

فهد : نروح الحين السوق ونفس المحل الي اخذتي منه القماش وتجيبين لك شال .. لو خفيف اهم شي يغطي شوي ..

جوري : ياربيه فهد الله يعافيييييييك ..

فهد : قلت لك بشال ولا انسي ..

مسكت جوري يدينه وقربت له : فهد الله يعافيك تكفى ..

فهد ابتسم : وشو ..

جوري : خلني البسه كذا .. هو موديله كذا ..

فهد : اممممممممم .. المشكله ما اقدر اقاومك .. اوكي سوي اللي تبينه ..

من الفرحه جوري لا شعوري ضمته وباسته وقامت .. هو تجمد مكانه ماقدر يسوي شي .. مو مستوعب ..

فهد : يالبى قلبها فديت امٍ جابتها ..

دخلت جوري الغرفه وفصخته ولبست بجامتها وطلعت تجلس مع فهد .. جلست جنبه وهي مره مبسوطه ..

جوري : ماتبي تتغدى ..

فهد : الا والله جوعان ..

جوري : اوكي دق على المطعم اطلب ..

فهد : ليه ماسويتي شي ..

جوري : لا ما مداني ..

فهد : كله من الفستان .. خلاص مافـــ ....

سكرت جوري فمه بيدها : خلاص الحين اقوم اسوي .. بس لاتكمل ..

جت بتقوم ومسكها وهو يضحك ..

فهد : هههههههههههههه امزح معاك اجلسي .. من وين تبين نطلب ..

جوري جلست : امممممممم دومينوز بيتزا ..

فهد : اوكي هاتي التلفون ..

قامت جابت التلفون وجلست جنبه ..

فهد : وش تبين اي نوع ..

جوري : جبن ..

فهد : لا بجيب خضار ..

جوري : لا مابي خضار ابي جبن ..

فهد : طيب انا ابي خضار مابي جبن ..

جوري : بس انا ماآكل خضار ..

فهد : مشكلتك ..

رفع السماعه وطلب وحده جبن ووحده خضار واصابع جبنه .. سكر السماعه ولقاها تطالع فيه .. ابتسم لها وهي بعد ردت الابتسامه بأحلى منها .. حطت يدها على خده ..

جوري : متى حلقت ..

فهد وهو مبتسم وطلعت غمازته : امس ..

جوري : طالع حلو ..

فهد ابتسم : من يومي حلو .. بس ما تشوفين ..

جوري : الا وربي اشوف ..

فهد : وشلون تشوفين وانتي توك تلاحظين اني محلق ..

جوري : انا ملاحظه بس ساكته ..

فهد : وليه ساكته كان تكلمتي ..

جوري : مابي .. المهم مادريت ..

فهد : لا والله وشو ..

جوري ابتسمت : بيان ..

فهد تغير وجهه : شفيها بعد ..

جوري : ههههههههه .. ما فيها شي .. بس خطبها خالي طلال ..

فهد : لا والله ..

جوري : ههههههههههه وربي ..

فهد : متى ..

جوري : قبل امس ..

فهد : وتوك تتكلمين ...

جوري : توني اتذكر .. بعدين كنت مره مشغوله ..

فهد : ايه مشغوله وتنسين تقولين لي .. اوريك يا منصور انت تتزوج وحنا هنا ينسونا .. طيب بيان وش قالت ..

جوري : اممممممم مدري ..

فهد : اها يعني لين الحين ما ردوا ..

جوري : ايه .. تقول امي اليوم بتآخذ منها الرد .. بعدين اصلا امي ماكلمت عمي ولا زوجته بس قالت لبيان عشان تشوف اذا موافقه ولا لا ماتبيها تنغصب ..

فهد : مو تقولين خطبها ..

جوري : ههههههههه وهذي ما تسمى خطبه ..

فهد : يلا على العموم الله يوفقهم .. بس بعد تراني زعلان ..

جوري : وليه ان شاء الله ..

فهد : تراك ناسيتني ..

جوري ابتسمت له : ماعاش من ينساك .. انسى روحي ولا انساك ..

فهد ابتسم : ياربيه وش صاير بالدنيا امي راضيه علي اليوم .. وش هالحب ..

جوري : ليه ماتبيني احبك ..

فهد : مابيك تحبيني .. الله دا كلام .. الا ابيك ونص ..

جوري : ههههههههههه .. خلاص الحين احبك والنص بعدين نفكر فيه ..

فهد : هههههههههههه تنكتين بعد ..

جوري : ههههههههههه ومنكم نستفيد ..

!??ٍ??? فبيتـ تهاني ومشعل ??????

كانت جالسه تآكل ليمون بالصاله .. جاها مشعل واخذ الصحن من قدامها ..

تهاني : مشعااااال ..

مشعل : خلاص يا شيخه ارحمي روحك اربع وعشرين ساعه ليمون .. بيجيك قرحه بالمعده .. يكفي ..

تهاني : طيب ابيه ..

مشعل : حياتي بعدين خلاص يكفي الحين .. كم وحده ماشاء الله مآكله .. ( جلس يعدهم ) .. يؤ .. 7 حبات .. حرام عليك .. لا تقولين مع العصير حقها ..

تهاني ابتسمت : اكيد ..

مشعل : طيب يا تهاني بنشوف من بيجيب ليمون للبيت مره ثانيه ..

تهاني : طيب انا مشتهيته ابي آكله ..

مشعل : عاد ما توحمتي الا على ليمون الله يهديك ..

تهاني : طيب كذا جا وحامي يلا هات الصحن ..

مشعل : لا مافيه يلا قومي ..

تهاني : وين ..

مشعل : قومي نامي .. وراك سهر ..

تهاني : مافيني نوم ..

مشعل : بكيفك لا تنامين .. بس اذا جت الساعه 1 بجي آخذك ولا تقولين مشعل ماقال ..

تهاني : لا لا لا خلاص بروح انام ..

مشعل ابتسم : يلا قلبو قومي ..

تهاني : ان شاء الله ..

قامت ومرت جنبه اخذت ليمونه وراحت تركض للغرفه .. حط الصحن وهو يضحك وراح يركض وراها مسكها واخذ الليمون غصبن عليها .. وهي قامت تصرخ ..

تهاني : آآآآآآآآآآآآآ ..

مشعل : ماااااااااااافيه .. افهمي .. خلاص يكفي ..

تهاني : كله من ولدك طيب مو مني ..

مشعل : ولدي يقول مليت من الليمون غيريه ..

تهاني : هههههههههههههه .. طيب بغيره بس هات هذي اخر وحده ..

مشعل : اننننننننسي ..

تهاني : يوووووووووووووووه صح تذكرت .. شعولي ..

مشعل : سمي يا عيونه ..

تهاني : جبت فستاني من المغسله ..

مشعل يطق جبهته : يووووووووه نسيييييت تصدقين بس يلا المغرب اجيبه ..

تهاني فتحت عيونها : قل والله المغرب ليه ان شاء الله .

مشعل وفيه الضحكه : عشان العصر مشغول ما اقدر ..

تهاني : اذا العصر مشغول الحين رح جبه مابي انتظر لين المغرب ..

مشعل : لا لا الحين تعبان ..

راح المطبخ حط الليمونه ورجع للغرفه وانسدح وتغطى .. وتهاني تطالعه مقهوره ..

تهاني : مشـــعــــل ..

مشعل بطريقه استفزازيه : عيووونه ..

تهاني : فستاني ..

مشعل : بيجيك ان شاء الله .. خليني انام الحين ويصير خير ..

تهاني : مابي يلا قم رح جبه الحين ..

مشعل : لا ماراح اقوم بنام ..

تهاني : مشعل يلا ..

مشعل : لا ..

تهاني جتها الصيحه : ياخي جبه ..

التفت عليها : خليني انام ..

تهاني : ماراح تنام ..

مشعل : اجل عناد ماراح اجيبه ابد ..

تهاني : لاتصير سخيف يلا قم جبه ..

مشعل : ماراح اجيبه واجلسي لاتروحين العرس مو لازم ..

تهاني : الا بروح .. وبتقوم تجيبه ..

مشعل : ماااافيييييييييه .. ماراح اقوم ..

تهاني من جد خنقتها العبره وبين بصوتها انها بتصيح ..

تهاني : مشعل يلا عاااد ..

يتبع ,,,,

👇👇👇

تعديل المقال