رواية تحملت كثير يا قلبي -6

رواية تحملت كثير يا قلبي -6

فهد : تغازل اختي قدامي .. ياعيييبااااااه ..

ريان : طيب خلاص آسف عمي فهد ما اعودها ..

فهد بغرور : ايه بعد .. يله هالمره سامحتك لاكن المره الثانيه بقص لسانكك .. هذا اللي ناقص بزران يغازلون .. والله طالت ..

راحوا الاثنين ودخلوا المجلس سلموا وجلسوا ..

عند الحريم .. دخلت هدى وجوها البنات اللي اساسا كانوا بالصاله .. جو يسلمون .. رغد شافت جوري .. وعلى طول سلمت عليها وهي تبتسم بقوووووه .. ضمتها جوري وقبصتها على خدودها ..

جوري : اشتقت لك يالدبا ..

اميره : اعصابك رغوود .. بينشق حلقك ..

هدى : ماعليك من بنتي ..

اميره : آفـآ ياخالتي هذا وانا خايفه على خشتها لاتنشق من الوناسه تقولين لي كذا .. كل هذا عشان ما ابيها تعنس .. مشكوره ..

هدى : بسم الله على بنتي من العنوسه ..

اميره : بسم الله علينا كلنا ..

هدى : آآمين ..

دخلت هدى داخل ورغد جلست مع البنات جنب جوري ..

ساره : وين امي لولو ..

لولو ترفع يدها باستخفاف : انا هنا ..

ساره : ماقلنا لولو .. قلنا امي لولو ..

لولو : عادي مافيه فرق .. انا وياها واحد ..

ساره : تخيلي عاد ..

تهاني : لولو مالي خلق اتخيلك بعكاز وعصا وتلاحقين شايبك ..

البنات : ههههههههههههههههههههه ..

لولو : ايه تطنزوا لاقييني مطنزه انا .. شكرا ..

ليلى : هيفا ..

هيفا : لبيه ..

ليلى : قومي وقفي ..

هيفا : ليه ..؟؟..

ليلى : بس بشوف جسمك ..

هيفا توقف : ها .. وقفنا ..

ليلى : خطييييييييييييييييييييير .. شفتي اللون البني احلى من الابيض ..

هيفا : اي ابيض ..

ليلى : مو كنتي بتلبسين بنطلون ابيض ..

هيفا : ايه صح .. لا اصلا يوم قالت لي تهاني ان ليلى تقول البني احلى .. قلت تم .. مادام ليلى تقول اكيد بيطلع حلو ..

ليلى تسوي نفسها مستحيه : لاء لاء لاء اخجلتي تواضعي ..

هيفا : هههههههههههه من زينك لا بالكعب ..

ليلى : ههههههههههههههههه ايه هذي هيفا اللي اعرفها مو اللي تو نعومه ..

هيفا : ايه مالها الا رجالها ..

البنات : ههههههههههههههههههههههههه ..

ابرار : وين عايشه فيه انتي وين مالها الا رجالها تستهبلين ..

هيفا : ابرار حياتي سلكي لاتدققين ..

ابرار : هههههههههه والله انك مهويه ..

ساره : ماخلصنا من ولاء تجينا هيفا ..

ولاء : وش فيها ولاء ياعيوني لايكون بس ما اعجبتك ولا مو من مقامك ..

ساره : هههه لا لا من قال الا عاجبتني ونص .. وغصب علي عاجبتني بعد .. يمه تخوفين .. لا احد يدوس لك على طرف ..

ولاء وفيها الضحكه : ايه بعد ..

جوري تطالعها وفيها الضحكه : طلعيها طلعيها عادي ..

ولاء + جوري : ههههههههههههههههههههههههه ..

? فــيـ .. سيارة .. حمد .. ?

الجد راكب قدام والجده ورا ..

الجده : الحين ماتقولون لي ليه مركبيني ورا كني خدامتكم ..

حمد : ههههههههه محشومه يالغاليه .. بس وين تبيني اركبك ..

الجد : يمكن تبي قدام ..

حمد : تبين تسوقين يالغلا ..

الجده : ليه لاء ..

حمد : ههههههههههههه بعاااااااااد ..

الجد : هذا اللي ناقص هالعجوز تسوق ..

الجده : اقول اسكت كلن يتكلم على نفسه .. قال عجوز قال .. ماتشوف نفسك يالشايب ..

حمد : بدينااااااااااااا .. تكفون خلاص ..

الجده : هو اللي تحرش فيني ..

حمد : ههههههههههههههه الله يهديكم ..

الجده : آهـآ بس اقول متى بنوصل ..

حمد : يلا دقيقتين ..

الجده : دق لي على بنت عتمك ..

حمد : اي بنات عماتي ..

الجد : مافيه غيرها حبيبة قلبها .. لولو .. اصلا ماحفظت غير رقمها ..

الجده : والله شكلك غيران انت ..

الجد : لا ليش اغار اساسا ..

الجده : والله ما يندرى عنكم يالشياب ..

الجد : ايه طيب .. دق لها دق ..

حمد : ما اعرف الرقم ..

الجده : ايه .. *******0555

حمد : اوكيييشن ..

الجده : وشو ..

حمد : ههههههههههه خلاص طيب ..

دق حمد على لولو .. وهي كانت جالسه مع البنات ..

لولو : يمه رقم غريب ..

تهاني : تعرفينه ..

اميره : شف المتخلفه .. تقولها رقم غريب تقول تعرفينها .. ههههههههههه .. دلااااااخه ..

تهاني : غلطت بالتعبير طيب .. مايصير .. انتي لازم يعني تعلقين على كل شي ..

اميره : اموت لو ما اعلق ..

ساره : ندري فيك .. ام لسانين ..

تهاني : اقول الشيخه هيفا على مين طالعه .. اثرها عليك ..

هيفا : لي الشرف ..

اميره : ايه قالت لكم لها الشرف ..

هيفا : هي انتي لا تصديقن عاد ..

اميره : ههههههههه الله يقطع بليسك طيب على الاقل جاملي . يوه ..

لولو : ارد ..

ابرار : ردي واقعدي ساكته ..

لولو : طيب .. بنات .. اششششششششششش ..

ردت لولو وكل اللي عندها سكتوا ..

حمد : الوووووو ..

لولو : ........" صوته مو غريب "

حمد : الوووووو .. يمه يمكن معطيتني الرقم غلط ..

الجده : لا الرقم صح ..

لولو سمعت صوت جدتها وتكلمت : الوووووو ..

حمد : اهلين ..

لولو : هلا .. مين ..

حمد : معاك حمد ..

لولو : اهلين حمد ..

حمد : هلابك .. < مايدري وش يقول ..

لولو : بغيت شي حمد ..

حمد : لا انا ما ابي شي بس امي لولو تبي تكلمك ..

لولو : اوكي ..

البنات يطالعونها ..

ساره : حمد ولد عمي عمي العزيز ..؟؟..

لولو تهز راسها بإيه ..

تهاني : من وين جاب الرقم ..

ابرار : تلقين جدتي عطته اياه .. لانها حافظته ..

اميره : ايه طبعا ياحبيبتي .. رقم الغاليه لولو ..

لولو : افففففف مزعجات ..

طلعت عنهم لولو برى وجلست تكلم جدتها بالمدخل .. وقالت لها جدتها تنتظرها عند الباب عشان تدخلها .. شوي سمعت صوت بوري سياره تغطت بجلالها زين وراحت للباب وفتحته ..

حمد : يلا يمه ..

الجده : طيب اصبر علي .. ان طحت ياحمد ياويلك ..

حمد : ههههههههههههههههه منتب طايحه انزلي بس ..

الجده : وش هالسياره يابعدها عن الارض .. معلقه فالسما ..

حمد : عاد هذي سيارتي .. عليك بفهد يمه اقوله عطني سيارتك بجيب جدتي عيا علي ..

الجده : اللي مايستحي اللي مافيه خير انا اوريك فيه ..

حمد : كفوووو .. الله يقويك ..

نزلت الجده من السياره ومسكها حمد عشان تطلع الثلاث درجات .. وهي تطلع كانت ماسكه بيدها اليمين يد حمد .. وبيدها اليسار ماسكه عبايتها .. مره تمسك العبايه ومره تتركى على ركبتها .. الين وصلت آآآخر درجه .. وضربت الباب بعصاتها عشان ينفتح .. لولو انهبلت ..

لولو : بسم الله الرحمن الرحيم .. اعصابك يمه ..

حمد : هههههههههههههههه شوي شوي يمه خوفتي البنت ..

الجده : دخلوني بس ..

مسكتها لولو مع يدها ودخلتها ..

حمد : كيف الحال ..؟؟..

لولو : الحمد لله بخير .. انت شلونك ..

حمد : والله بخير الله يسلمك ..

لولو : دوم ان شاء الله ..

حمد : الله يخليك ..

الجده : شرايكم اجيب شاهي وقهوه وفرشه واشب لكم النار .. وناسه ترى ..

حمد : هههههههههههههه شفيك يمه نسلم على البنت ..

الجده : بعد .. لا لا تسلم عليها .. يلا رح للرجاجيل ..

حمد : هههههههه ان شاء الله خلاص آسف .. يمه ..

الجده : سم ..

حمد : سم الله عدوك .. اقول يا اميمتي .. بعد شوي بنجي نسلم على عماتي صار لي فتره ماشفتهم ..

الجده : من رداك ..

حمد : آفــآآآآآ .. ليه طيب ..

الجده : ليه ما تروح لكل وحده ببيتها وتسلم عليها ..

حمد : عاد ما حصل وكنت مشغول المره الجايه ان شاء الله ..

الجده : طيب خلاص ..

حمد : لاتنسين ..

الجده : طيب ..

قرب منها حمد وباسها على راسها .. ابتسم للولو وراح ..

دخلت لولو مع الجده جوا سلموا عليها البنات وودتها لمجلس الحريم ..

امل : هلا والله وغلا تو ما نور بيتنا ياخالتي .. تو ماتباركت الجلسه ..

الجده : منور ومتباركه بوجود راعيته ..

امل : الله يخليك لنا ..

الكل : آآمين ..

امل : استريحي ياخالتي ..

الجده وهي تجلس : يالله .. لولو امي .. جيبي لو مويه ..

لولو : ان شاء الله يمه ..

مشاعل : هاه يمه اشوف لولو صارت الغاليه ..

الجده : ايه غاليه ليه ماتصير غاليه وهي سميتي ..

هدى : وحمد يا خالتي ..

الجده : حمد غالي على جده موهوب غالي علي ..

هدى : آفـآ ليه عاد .. سمي رجلك ..

الجده : هو غالي بس مهوب عشانه سمي رجلي لا عشانه واصل بس ..

هدى : الحمد لله ..

حصه : وعيالنا يمه ..؟؟..

الجده : بدت الغيره .. كلهم غاليين كللللللللهم ..

الكل : ههههههههههههههههههه ..

? فــيـ .. مجلسـ .. الرجالـ .. ?

دخل حمد وسلم وجلس جنب مشاري ..

مشاري : هلا والله وغلا ومرحبا .. يالبى قلبك وراك تأخرت ..

حمد : ابد كنت عند امي لولو ادخلها ..

مشاري : وين لاتقول عند الحريم ..

حمد : لا وين وصلتها للحوش وكانت فيه لولو دخلتها داخل ..

مشاري : اييييييييه .. شفت لولو اجل ..

حمد : ايه شفتها ..

مشاري : اجل شفتها ..

حمد : ياخي شفيك انت ايه شفتها ..

مشاري : الله يعين ..

رائد وهو يصب القهوه لحمد : وينك يارجال تاخرت ..

حمد : كنت اجيب الشيبان ..

رائد : فاتك شكل مشاري قبل شوي ..

حمد يطالع مشاري اللي ابتسم بعدين رجع يطالع رائد : ليه وش سوى ..

رائد : لا بس اول مادخل ابوك واخوانك صار يطالع الباب يوم جلسوا جلس .. ويوم دخل جدي بعد صار يطالع الباب ويوم جلس جدي هو بعده واقف ماجلس لين سحبه ماهر من ثوبه وجلس .. مسيكين فقد الامل انك بتجي ..

حمد : فديته ياناس .. تلوموني اني احبه ..

مشاري : لاعاد ترى بستحي الحين .. ما اقدر على هالكلام الحلو ..

حمد : والله شوي عليك ..

مشاري : تسلم لي والله ..

فهد : هاه شعندهم اشوف الوجيه محمره ..

رائد : هههههه كل واحد منهم طايح في الثاني تغزل .. على ايش مدري ..

فهد : هههههههههههه ماعليك منهم .. تعال بس تعال ..

حط رائد الترمس حق القهوه وجلس بين ماهر وفهد ..

الجد : هاه ياشباب شلون الدوامات معكم ..

ابراهيم صار يطالع فهد ورائد .. وهم يطالعونه بعدين نزلوا روسهم ..

مشاري : الحمد لله يبه .. تمام على كيفك ..

الجد : زين .. وانت ياماهر شلون دوامك ..

ماهر : الحمد لله ماشي الحال ..

الجد : ورا ماتروح تشتغل مع ابوك ..

ماهر : لا يبه انا شغلي عاجبني ولا ودي اغيره ..

الجد : اللي يريحك يا ولدي .. وانتم يالاثنين شفيكم ..

فهد : مين ..؟؟..

الجد : انا ..

فهد : آآآآآ احبسك تنادينا ..

فارس : هههههههههههه احلف بالله ..

فهد : هههههههههههه استعبط ..

مشاري : زياده على عباطتك يعني ..

فهد : هااااااه احترم نفسك ..

مشاري : سوري ..

فهد : عفوا ..

ماهر : وش المناسبه .. عفوا ..

فهد : مدري طلعت ..

ماهر : اهم شي انك ترد ..

فهد : عليك لمبه ..

? فــيـ .. مجلسـ .. الحريمـ .. ?

شيخه : اقول يمه ..

الجده : هلا ..

شيخه : ترى ابرار انخطبت ..

الجده : ماشاء الله .. مبروك متى ..

شيخه : قبل امس ..

الجده : ماشاء الله عليك .. قبل امس انتي عندي ولا علمتيني ..

شيخه : وانا وش دراني .. يوم رجعت بالليل قالي عبد الرحمن ..

الحريم : مبروك ..

شيخه : الله يبارك فيكم ..

الجده : ومن ولده .. ووش يشتغل .. وكم عمره ..

شيخه : هههههههههههه اعاصبك يا اميمتي شوي شوي .. هو ولد الـ...... ويشتغل معها دكتور بالمستشفى .. وعمره الله العالم انه 29 سنه .. اسمه الدكتور سعود ..

الجده : ايه ماشاء الله ونعم .. الله يتمم عليها بخير ..

شيخه : آآمين .. الله يسمع منك .. اشوى انها وافقت بعد ..

عايشه : ايه والله .. مايصلح كل ماجاها ابن الحلال رفضت ..

حصه : وش دراكم عنها .. يمكن ما ارتاحت لهم نفسيا ..

شيخه : لا الحمد لله هذا معها بالدوام وتعرف اخلاقه ..

عايشه : زين والله .. الله يتمم على خير ..

شيخه : آآمين ..

مشاعل : هو معها بنفس القسم ..

شيخه : تقريبا .. مدري والله ..

مشاعل : اجل شلون عرفها ..

شيخه : وانا وش دراني ..

مشاعل : طيب هو شافها ..

شيخه : وين يشوفها الله يهديك .. قبل امس خطبها ..

مشاعل : اقصد بالدوام يعني ..

شيخه : والله اني مدري ..

مشاعل : والله ماتدرين ..

شيخه : وش قصدك ..

مشاعل : لا ولا شي .. بس الله يعلم وين شافها ..

شيخه : مشاعل .. وضحي وش تقصدين .. وكانك تقصدين اللي فبالي ترى بنتي الحمد لله متربيه احسن تربيه ومايطلع منها الغلط ..

مشاعل : وانا قلت شي الحين .. الله يستر علينا بس ..

خلود تغير الجو : اقول ياخالتي .. شرايك ترجعين معنا اليوم البيت انتي وعمي ..

الجده : لا يابنيتي بروح بيتي ابرك لي ..

امل : لا ان شاء الله خالتي ماراح تطلع اليوم من البيت بتنامين هنا ..

الجده : خليها يوم ثاني ..

امل : لا يوم ثاني ولا ثالث .. انا من امس ارتب لك غرفتك انتي وعمي ..

الجده : الله يعين .. الا ترى الشباب بيسلمون على عماتهم ..

عايشه : وينهم ..

الجده : مدري .. بس قالي حمد بندخل نسلم .. رغااااااااااد .. رغاااااااااااد

? فــيـ .. الصالهـ .. ?

ابرار : رغوده امي لولو تناديك ..

راحت لها رغد ..

رغد : سمي يمه ..

الجده : روحي قولي لحمد اخوك كان بيجي يسلم على عماته هو والشباب يجون ..

رغد : ان شاء الله ..

طلعت لهم وراحت برى تناديهم .. الحريم طلعوا بالصاله عشانها اكبر ..

دخلت رغد المجلس ..

مشاري : هلا وغلا تعالي ..

راحت له رغد ..

مشاري يبوسها : شلونك حبيبتي ..

ريان : ياويييييييييييييلك يا مشاري ..

مشاري : ليه ..

ريان يأشر على فهد : شف الشرار يتطاير من عنونه ..

مشاري : ههههههههه تحسبني خايف منه .. ماعليك بس ..

فهد : رغيد وش جابك ..

رغد : امي لولو قالت روحي للشباب ..

فهد : امي لولو تقوله .. وش جاها العجوز بتدشّر اختي ..

الشباب : ههههههههههههههههههههه ..

مشاري : ماعليك منه بس .. وش قالت لك امي لولو ..

رغد : قالت لي قولي لحمد كان بيجي يسلم على عماته هو والشباب يجون ..

التلفت مشاري على حمد : انت قايل لها شي ..

حمد : ايه انا قلت لها .. يلا رغودتي الحين جايين .. قوموا شباب ..

قاموا الشباب وراحوا ووقفوا عند المدخل ..

مشاري : رغد فيه احد ..

رغد : لا مافيه احد ..

رائد : متأكده ..

رغد : ايه ..

رائد : احـــــــــــم احـــــــــــــــم ياولد ..

دخلوا الشباب جوا وكانوا البنات جالسين ولاكانوا يدرون ان الشباب بيجون .. بس ماكانوا فيه كلهم .. ماكان فيه غير اميره وتهاني وساره وابرار ولولو .. مشاري ورائد قاموا يطالعون رغد ..

مشاري : مافيه احد هاه ..

رائد : ومتأكده بعد ..

رغد : والله ما دريت ..

عايشه : يالله حيهم ..

الشباب : الله يحييك ..

جلسوا كلهم حول جدتهم .. على يمينها حمد بعدين مشااري وعلى يسارها فهد بعدين ماهر بعدين رائد ..

شيخه : وينكم من زمان ما شفناكم ..

مشاري : والله مشاغل يا عمتي ..

حمد بصوت واطي يهمس لمشاري : اقولها اننا كنا قبل امس عند بيتهم ..

مشاري : بشنقك ..

الجده : وش عندكم دو دو دو دو ..

مشاري : لا سلامتك ..

جلسوا يسولفون معاهم .. والبنات يطالعون فيهم .. وطبعا محد حاس لانهم كانوا متغطين ..

اميره بهمس : سوير طالعي رائد .. ابتهال بنت جيراننا خاقه عليه ..

ساره : ووين شافته ..

اميره : كانت مره بتطلع من بيتهم وهو كان موقف عند باب بيتنا يسولف مع ماهر وشافته عاد من ذاك اليوم وهي منصرعه عليه ..

ساره : والله من حقها الولد حليو ..

اميره : بعد شوي اوريك صورت اخوها تقول رائد احلى منه والله ان اخوها قمر ..

ساره : وانتي من وين جبتي صورة اخوها ..

اميره : منها طبعا اجل من مين ..

ساره : هي اللي عطتك اياها ..

اميره : يس .. انا اللي طلبتها بعد ..

ساره : انتي اللي طالبتها .. ياجرئك ..

اميره : عادي قلت لها بشوف اخوك اللي ذبحتوني فيه .. ارسلت لي الصوره .. ايزي ..

ساره : واضح ..

رائد : هههههههههههههه يمه والله يعور العصا ..

الجده : يعور .. هالعصا بيربيكم من جد وجديد ..

فهد : ياحياتي انت .. هذا وانت بعيد عن عصاها تقول كذا اجل لو انك قريب مثلي وش بتسوي ..

رائد : بتزرق رجليني ..

ماهر : احسن لك بعيد ..

الجده : ماهر ابوي .. ماتبي تجرب وحده ..

ماهر : ههههه لا لا شكرا .. بغنى عنها يمه ..

الجده : ايه بعد ..

مشاري : والله مهجدتكم العجوز ..

الجده بالعصا مع رجل مشاري : منهي العجوز ..

مشاري : آآآآآآي انا العجوز وانتي الشباب ..

الكل : ههههههههههههههههههههههههههههه

تهاني بهمس : ياحياتي ليه تضربه ..

ابرار : بسم الله عليك لاتسيحين حبيبتي .. يستاهل ..

تهاني : شكلك لين الحين حاقده عليه ..

ابرار : آآآآآآه بس لو تدرين قد ايش ..

تهاني : اوف اوف اوف .. وش سوى لك ..

ابرار : لا اظنك ماكنتي معانا ..

تهاني : لا كنت معاكم .. بس ما يستاهل كل هذا ..

ابرار : لو كلامه وطريقة كلامه كانت معاك وموجهه لك كان سويتي مثلي يمكن والعن .. من جد ينرفز ..

تهاني : ماقلت لك انك كبيرييييييت ..

ابرار : ماعليك ..

لولو : الله يعين سعود هو اللي بيروح فيها ..

تهاني : اي سعود ..

لولو : خخخخخخخخخخ اذا كبرتي اعلمك ..

تهاني : يا سخفك تراني اصغر منك بسنه ..

لولو : يفرق يا قلبي .. سنه .. عشرة عمر هذي ..

تهاني : طيب شكرا ما ابي اعرف .. مصيري اصلا اعرف ..

دق جوال ماهر وطلع برى يكلم .. والشباب يسولفون ويضحكون مع الجده وعماتهم ..

جوري اللي بحضنها رغد : من فيه بالصاله ..

ولاء : ما ادري !!!!!!!

جواهر : اسمع صوت عيال ..

نوره : اوووما عيال ..

جواهر : والله اسمعي ..

هيفا : الا والله .. خلونا نطلع ..

جوري : لا ما ابي ..

هيفا : انا بطلع ..

ولاء : وانا بعد ..

جواهر : انا ماراح اروح ..

نوره : ولا انا ..

ولاء : غيدا بيان ماراح تطلعون ..

غيدا وبيان : لا ..

ولاء : احسن .. فكه ..

بيان : منك ..

غيدا كانت تبتسم بكل نعومه ..

هيفا : جوري ..

جوري : هاه ..

هيفا بغمزه : يمكن يكون فيه حبيب القلب ..

جوري : اي حبيب قلب ..

هيفا قربت منها وبهمس : فهد .. فراولت حياتك ..

جوري استحت وحمر وجهها خاصه ان رغد سمعت ..

هيفا انتبهت لرغد اللي ابتسمت وباستها على خدها وقرصتها : كيفك رغوده ..

رغد : الحمد لله ..

ولاء تسحب هيفا : يلا ..

راحوا الثنتين وسوو نفسهم مايدرون انه فيه احد بالصاله ودخلو : السلام عليكم ..

الكل : وعليكم السلام ..

ولاء بابتسامه : كيفكم ..

الشباب : الحمد لله ..

جلست جنب اميره .. وهيفا جنبها ..

الجده : هيفا !!..

هيفا : لبيــــــــه ..

الجده : مالك حس اشوف ..

عايشه : تونا يمه ماصارت السعه 11 .. اصبري عليها ½ ساعه بس ..

هيفا : شدعوى يمه ..

عايشه : ما ادري ..

هيفا : يمااااااه ..

عايشه : هاااااااه ..

هيفا بعبط : شلونك ..

عايشه : ههههههه الحمد لله ..

الجده : هيوف متى بتعقلين ..

هيفا : افا يمه شايفتني مجنونه متى ابعقل .

الجده : لا اقول يعني متى بتركدين ..

هيفا : والله يمه مدري عاد .. متى ما طلع لي ضرس العقل بعقل واذا ماطلع عاد .....

ولاء : الله يعيييييييييييين ..

طالعتها هيفا بنص عين : اركدي ..

ولاء : لا بس اجاوب عنك ..

الجده : يلا يا شباب .. متى بنفرح فيكم ..

حمد نزل راسه لاحظه فهد ومشاري ورائد ..

الجده : شفيكم ..؟؟..

مشاري : ولاشي يمه ..

الجده : يلا اول واحد بنزوجه حمد ..

حمد : لا يمه دوري غيري ..

الجده : مهوب على كيفك بتتزوج غصبن عنك ..

حمد : وين غصب الله يهديك .. كل شي يجي بالغصب الا الزواج ..

الجده : وبعدين معك طيب ..

حمد : اذا الله كتب بتزوج بس مو الحين ..

الجده : انت الخسران .. خلاص بنزوج مشاري اجل ..

مشاري : الله الله الله ونعم الرأي السديد .. متى عرسي يمه ..

الجده : لو تبي اليوم ..

مشاري : اتحداااااااااك ..

ضحكوا عليه .. وضربته جدته بالعصا ..

الجده : لا تتحداني انت .. يلا هذا بنات عمك وعمانك قدامك اختر اللي تبيها ..

جت عينه على تهاني لانه يميزها من بين الكل .. استحت تهاني مره ..

مشاري : لا يمه اصبري علي شوي بس .. بس شوي ..

الجده : الين متى .. لين يطلع الشيب براسك ..

مشاري : اي شيب يمه الله يكافينا الشر ..

الجده : اجل متى ..

مشاري : كذا شهر شهرين ..

الجده : ايه هذا الكلام الطيب .. مهوب مثل هالخبل اللي يقولي مهوب الحين ..

مشاري : اعجبك انا ..

الجده : كفو والله ولد ابوك ..

فهد : يمه وانا ماتبين تزوجيني ..

الجده : انت اعقل بعدين فكر تزوج ..

فهد : افا يمه شايفتني مهبول ..

الجده : لا بس يبيلك تركد بعيدن ..

رائد : الزواج بيركده يمه ..

الجده : تكلم الحكيم .. وانت متى بتعرس يا بعدي ..

رائد : احم احم .. انا وحمد بنتزوج بليله وحده ..

فهد : عز الله اللي تزوجت ..

طالع فيه حمد : وش دراك انت يمكن اتزوج بكرى ..

فهد : انا غسلت يدي خلااااااااااص .. لا تحاول ..

حمد : اصرف لك يا اخي .. عشان ماتقعد تغثني بعدين تزوج وتزوج ..

مشاري : اخوك وخايف على مصلحتك ..

حمد : لا ياحبيبي .. خايف على الحبيبه لا تطير ..

التفت عليه فهد وعطاه نظره وكان رائد فاهم كل شي بس يستغبي ..

فهد : اي حبيبه ..؟؟..

حمد : ما ادري ..

فهد : احسن ان شاء الله طول عمرك ما تدري ..

عايشه : وش فيكم ..

فهد : شوفيه ياعمتي .. يطلع علي كلام ..

عايشه : ماعليك منه تراك الغالي ..

فهد : فديتك ياعميمتي ..

وقف حمد : يلا انا استأذن تبون شي ..

حصه : بدري ..

حمد : بروح اجلس برى مع الشياب وعشان انتم بعد تاخذون راحتكم ..

رائد يوقف : خذني معاك ..

فهد : خدني بإيدك عالفرح .. خدني معاك .. عمطرح المافي جرح .. خدني معااااك باب الألب لما انفتح خلاني حدك انحني ..

مشاري : قل قسسسسسسم بالله ..

فهد : قسم ..

طلع حمد ورائد وبقى فهد ومشاري .. جلسوا شوي هبلوا بجدتهم بعدين طلعوا .. رجعوا الحريم للمجلس والبنات الباقيات جو الصاله ..

من هنا بدت التعليقات على جوري .. وفيه انسانه تسمعهم وشاااااابه نار ..

جوري : خلاص تكفون ..

اميره : آآآهـ ياقلبي .. بس .. تستحين ..

جوري : اميروه وبعدين ..

اميره : ولا قبلين ..

جوري : خلاص تكفين ..

اميره : خلاص خلاص سكتنا .. شوفوا شوفوا وجهها شلون احمر ..

جوري : اميراااااااهـ ..

البنات : ههههههههههههههههههههه ..

التفتت تهاني بسرعه على ابرار : ابراروه .. مين سعود بسرعه اعترفي ..

ابرار : اي سعود انتي الثانيه ..؟؟..

امل كانت جايه لهم : يعني بتعلمينا انك ماتعرفين سعود ..

ابرار استحت .. ومن جد حمر وجهها ..

اميره : لاااااااااا دام حمرة خدودها اكيد السالفه فيها إن ..

امل : مبروك يا قلبي .. راحت لها امل وباستها ..

ابرار : الله يبارك فيك ..

امل : اخيرا رضيتي على واحد من خلق الله ..

ابرار : شفتي عاد ..

ساره : خطيب جديييييييييييييييييد ..

جواهر : ايه ..

ليلى : ماشاء الله هذا امه داعيه له ..

ساره : الا قولي داعيه عليه .. مسيكين ..

ابرار : ليه ان شاء الله آنسه ساره .. ليه داعيه عليه ..

تهاني ترفع حاجب : انتي تدرين ليه ..

ابرار : لا ما ادري علموني ..

ساره : بياخذ وحده كبريييييييييييييييييت ..

امل : ماعليك منهم .. يستهبلون .. تراني كنت زيك .. كنت مره عصبيه قبل لا اتزوج .. عاد جا خالك هو وبروده صرت مثله واردى بعد ..

البنات : هههههههههههههههه ..

اميره : جد امول خالي بارد ..

امل : لو فيه ابرد من الثلج بيكون خالك ..

ساره : يؤ يؤ يؤ شلون عايشه معاه ..

امل : عشت معاه عاد ..

ليلى بغمزه : الحب بيعمل اكتر من كدا ..

امل : قالت لكم اياها فهيمة زمانها الحب بيعمل عمايلوه ..

هيفا وولاء يصفرون ويصفقون : ايوااااااااااااااااااا .. احلا ياكشخه ..

امل تسوي نفسها مستحيه : ياربيه بس خجلتوني ..

البنات : هههههههههههههههههه ..

هيفا : جد والله خالتي تحبين خالي فارس ..

امل : اكيد احبه مو رجلي ابو عيالي ..

هيفا : بس مدري مافيه شي ينحب ..

ضربتها جوري مع فخذها : وجع ..

هيفا : هههههههههههههههه استهبل والله استهبل ..

امل : ههههههههههههه الجراءه انا سامعه فيها بس اجرأ منك يا هيفا ماشفت ..

هيفا : الله يسلمك والله ..

امل تروح لها وتقبص خدودها : فديتك والله محد يسواك ..

استحت هيفا ..

جوري : يماااااااااه .. " بدلع " وانا وين رحت ..

ولاء : يمه منها .. اشتغلت الغيره ..

امل : انتي عاد شي ثاني .. من جد من جد محد يسواك انتي روحي وقلبي وعمري وحياتي .. ودنيتي كلها ..

جوري : ادري ..

امل : دامك تدرين ليه تقولين كذا ..

جوري : ما ابيك تحبين غيري .. اغار ..

تهاني : هذا كبرك وتغارين ..

ساره : ياعيب الشوووووووم ..

لولو : وش عليكم .. مو الزوج يغار على زوجته والزوجه تغار على زوجها ..

اميره : ايه زي ابرار تغار على سعود وهو يغار عليها ..

ابرار عطتها نظره تححححرق ..

يتبع ,,,,,

👇👇👇

تعديل المقال