رواية بلا رقيب -60

رواية بلا رقيب -60

نزلت من التاكســـــي وهي تحس بالأنتعــاش .. واااو من زمااان مامارست لعبتــها المفضــــله ...

مرت على شلتها المعتــاده ..

شوشو :مرحباااا يازملااء المهـنــه ...

سمعت صرخااات الشحادين الصغار بأسمهـــــا .. حست نفسها مهمه ..

:شووشو ...

:دكتوره شوشو ..

موس :هلااا والله بأحلى شوشو بقمــر الشحادات كلهـــــــم ..

شوشو بضحكه :هلااا فيك ياشيخ الشحادين .. وش أخباركم ...

موس :حنا مثل ماحنا وينك انتي ياشيخــــــه ماعاد شفنااااك انقطعتي فجأه ... شكيت انك بسجن ولارحتي تحت كفر واحد من السواق المتهـــــورين ...

شوشو بضحكه :هههههههههههههههه لا ذاك انتي حبيبي مو أنا .. دنا شوشو والأجر على الله .. السجون تقفل بوجهــي والسيارات توقف لي وتظرب تعظيم تحيه ...

موس :اووه اوووه شوشو وش صاير من وراناا كل هذا يحصل معك ليكون عيونك وزيرة الشحــــــادين ...

شوشو :ياقدمك اصلاً أنا من زاولت هالمهنه وأنا وزيره للشحادين يعني قبل ماتولدك أمك

موس :ليه كم عمرك انتي

شوشو :اظرب عمرك بألف وتعرف كم عمري ..يالله عن أذنك عطلتني عن شغلي الله يهديك ...

طـلعت من الشــــارع المزحــوم .. وفرشت سجااادتهااا قدام البنااايه المقابله للبنك واللي يفصــــل بينهم شــــارع ...

وبدت تنتظــر أي مـار عشان تركض وراه وتشحد منـــــــه ..

وأول ماشافت واحد وقف سيارته ونزل بسرعه وشبه يركض بيقطع الشــارع ...

أسرعت ووقفت وراه وهو ينتظر خلو الشارع من السيارات عشان يقطعه للطرف الثاني ...

شوشو :لله يامحسنين اعطني مماأعطاك الله ... فقيـــــرره .. وعيالي يتامي .. صغار وينامون ليالي بدون عشاء ..الله يستر عيالك ويخليهم لك ... ساعدني وأعطنــي مماأعطاك الله ...

تأفف وهو ينتظر فراغ الشارع .. زفــــــر بملل لف عليها عطاها عشرين ريااال وشكلهااا طالعه غصب بس عشان يتخلص منهــــــااا ...

مسكت الفلوس بعــباتها لأنها كانت سماعه ان الفلــوس مرتع للجراثيم ...

حطتها بشنطتهااا ...

شوشو :الله يوفقك ويفتح الأبواب المقفله بوجـــهك .. الله يرزقك من كل طيب ...

رجعت جلست على سجادتها بأنتظــــــــــار مـار اخـــر ...

بعد ثلاث ساعااات وبعد ماتوسطت الشمــس السمــاء ... شالت سجادتهااا وحطتها بشنطتهــا ... وطلعت توزع اللي كسبته على البيوت اللي تعـــــرفهااا .. وكلن يسألها وين هالغيبه وهي تعتذر بالظروف ....

((14))

مالك

من عرفت أن طلعت خلف وشيكـــه ... اتخذت قـراري ورفضت أي نقــاش فيــــه ...

بس أمي ماتسمع الا رايها .. كانت مصره تثنيني عن قرار يي ...

باشـا :طيب ليش ماتجلس لين تقابلون وتصفون النفــوس بعدين سافــر علي كيفك ....

رميت المــــلابس اللي بيدي بالشنطة بملل

مالك :يمه تكلمنااا بالموضوع ألف مــــره .. ورايي ماراح أغيــره ...بسـافر ببتعد عنه ماني طايقه ..

باشا :حرام عليك لاتعور قلبي هو كل اللي سواااه لأنه فاهم السالفه خطأ

تنرفزت وبديت ارفع صــوتي عليهـــــــــــــا ...

مالك :لأنه ولدك تقولين كذا لو أنا اللي مكــانه واخطيت هالخطأ ماسكتيلي ...

سكت يوم شفت دمــوعها بس ماقدرت لازم اطلع كل اللي بقلبــــــي

مالك :السالفه مو سالفة انه ظلمني وبس هذا ذبح أبـــوووووي ...

باشا :ماذبحه لاتقـــــــــــول اذبحه ...

مالك: الا أذبحـــــــه .. وأذا كنتي قدرتي تغيـرين الحقايق بواسطــاتك .. ماراح تقدرين تغيـــــرينهــا داخلـــي

فهمــي كل الناس أن مبــارك مات بسكتــه قلبـيه والرصاص كان مـجرد جرح أضـافي ... بس أنا ....لاااا انا ابوي مات قدام عيــوني وهو يدافــع عنـــي ... وذبحه ولدك خلــــــــــــــــف ... اللي طول عمره أبوي يعده ولد له .. بس هو ماااقدرررر .... ماقدررر كل اللي سواه أبوي عشــــــانه .. وجاااي يذبحني .. بتهمة أني خنتـــــــه ... قووليلي يمـه ليش خلف فكـر فينـي كذا وأنا اخوه ... تدرين لأنـــه هذي أطبــــــــــااعه هذي حركااااته .... عشان كذا يــشوف كل الناااس بهالنظــره.. .

باشا :خلك من هالهرج الفاضـــي خلف ماذبح أحد .. مبارك هذا كان يــومه ...

وكملت تستجدانــي بضعفهـــا المصطنع ..

باشا: مالك اذا تبغى رضاي عليك .. لاعاد تقول هالكلام قدام أحد حنا مو ناقصيــن شمـاته ...

رميت كل شــي بيدي وأنا اقول ...

مالك :ياحليلك يمه للحين تفكـرين بالناس رغم كل اللي صـار للحين تفكرين بكلم النااااس ....

باشا :ايه افكر بكل الناااس ... وعشان كلام النااس لاتسافر وتفضحنااا اللحين بيتثبت الكلام عنــدهم وبيقولون ان براءة خلــف من دم أبوك كــذب .. خلف ماراح يتحمـــل يعيش وهو ذابح أبـــوه .. انت عارف وش كثـر خلف يحــب أبوك .. بس الشيطان أعمــى عينه .. ولو أبوك حــي كان ايد كلامــــي .. تكفى مالك انتظر لاتسافر مأبغى خلف يشك بالشـــــــي ..

مالك :يمه انتي مو واثقـــه ببراءة ولدك وش دخلك بكلام الناس ...

أو بكـــــــلامي ... وخلف رجــال مايهمه شــــــي .. يذبح ويمشــي بدم باارد ...

باشا :بس هذا أبوه مـبارك مو أي أحـــــــــــــــد ...

صكيت أذانــي مأبغى اسمع صوتهـــــــا ...وقلت ..

ملك : أنا مســــــــافر ... مسافر رايح لوديااان الحقيقيه مو اللي اتهمتونــــــي فيهــا ..بروح عندها لأنها الوحيده اللي تحبنــي مو أنتم اللي كل همكم خلف وكلام الناس .. ولاتناظريني كذا يمــه بروح برضاك وبدونــــــه ..

ماقدرت أستحمــل نظرة عيونها الضعيفه هذي أمـــــــــي ... سألتها وأنا اجلس على السرير بتعب

مالك :وش تبغيني أسوي بعد كل اللي تبغينــه سـويتــه ... عشان ولدك سويت البلاوي وتوسطت عند أنسابه عشان يتنازلون عن القضــيه ... وقلت قدام كل هالعــالم أني مقتنع أنه مو سبب موت أبــوي .. وأنا كلام الدكـاتره صدق وأبوي مات بسكتــه قلبـــــيه ...... وزووجته أختي اللي كانت له مثــل الحــلم ... اللحين ولدك بيطلع من السجــن عريس وش تبغين اسوي اكثـر من كذا ....

جلست معي على السرير وحطت يدهــا على كتفــي بحنان زايف ...

باشا :طيب خلاص حبيبي سافـررر وريح أعصــابك .. بس مو ترجع لي متزوج اللي ماتنسمى هذي ...

مالك :وليه مأتزوجــهااا..

باشا :لأني مجهــزه لك عــروس تستاهلك..

مالك :طيب أتزوج وديان وأتزوج العروس اللي مجهزتها لي .. الشرع حلل أربع ولاهالتحليل مقتصـر على ولدك ....

باشا:لا حبيبي تزوج كثر ماتبــي بس لاتنسى كثر الزوجااات وش سوى بأبوك وأخـــوك لاتخليهم قدوه لك ...بس خلهم عظــــــه ...

كان مجــرد كلام اصلاً ماراح أتزوج لاوحــده ولاثنتيـــــن .. بس كانت دقه بأقهـرها فيها لأن ولدهــا ماعاد يقدر يتزوج مثل مايبي بعد البـلاوي اللي سواها ... حتى لو الناس صدقت أنه ماذبح أبــــوي ... محاولة قتل وديان كلن سمــــع فيهااا ومافيه احد بيزوج بنته لشخـص مثل هــذا ... مو بس خطـر على البنت لااا وسبب بتشـويه سمعــتهاااا ... بالأول ريم ثم هنــد وأخر شي وديــــااان ...

نهايـــة الحلقــــــه

انتظروني قريباً

عاشـقة ديرتهااا

الحلقه الثانيــه والخمــــــسين ....

ضحـــى

فتحت عيــوني على الألم .. تحسست بطنــي اللي كان فارغ بس الألم فيــه شديد ... معقــوله صدق ولدت وولــدي عايش مامات ...

ولد ..!!!.. ماتوقعــــــت ابدن يجي ولد ... كنت جازمــه اني حامل ببنت ...

ياءالله احــــس كل شـي تغيــر ...كنت حامل وولدت ... كنت متوقعه بنت ووجبــــت ولد ....

ولد كيف بربيــه .. أحس صعــب علي أتقبل أني أربي ولــــد ...

بعد كل اللي شفته من الرجـــــال بحيــاتي وعقوقهم للأمهــااتهم وأكبــر مثالين مبارك وعســــــاف .....

بس مو شرط ان دايم الرجال عاقيين بأمهااااتهم ودليل عيال ام كايد ... ماعقـوا امهــم ويحسبون لها ألــــف حسـاب ....وولــدي بعرف كيـــــف أربيــــــه ...

... بس المشكله اني تعــودت أربــي بنااات .. وتربيتهـــم مره متعـــبـــــــه أجل كيف الولـــــــد ..

ومو مثل البنااات اللي تعودت أربيهــم .. هذا ولدي لحمــي ودمي ...

.. هذي بتكون تجربه غيـــــــر من جميع الجوانب .. ومتأكده بتكــون صعبــه ... بس لازم اكـون قويه وأجتـازهـا ..

أ ولدي عشان يكـون رجااال بصدق غيـر عن أبوه وجــده مبــــارك ...

غمضت عيـوني شوي وفتحتهااا على دخـــول مـشاعل ووعد ونــــوف .. اللي بعد ماسلمــوا قالوا ...

مشاعل :ضحى عزيزتي لا أصدق انك عدتي لنااا .. لقد انجبتي طفل بغاية الجمــــال ..

وعد :بدينا بشغل النصـــب .. ترى أنتي جايه وعارفه أنها صاحيه .. وبلاكذب انتي ماشفتـــــي حمــودي .. بس أنا شفتـــــــه ..

قلت بأستفتسار ..

ضحى :حمودي ..

وعد :ايه حمــودي ..محمد له دلع ثاني غيرحمــودي ..

سألتها بضــــــيق..

ضحى :ومن اللي سماه محمد ان شاءالله ..

وعد :عســـــاف ...

بدينا بتحكــم من اللحين ياعسـاف بس هين والله ماخلي لك ولدي تحدد مصــيره على كيفك ...

قالت نوف وكأنها حاسه بتفكيــــــــري ..

نوف :بليييز ضحى الأسم يجنن وتعــودنا عليــــــه ..

ضحى بألم :طيب أنا وش قلت اللحيــــن ..

مشاعل :يألهــي يبدو عليك الأرهاااق .. لاداعي لهذا الحديث الآن أجليه لوقت اخر ...

وعد :ضحى لو غيرتي اسم محمد أنا بغيــــــر أسمـــي ..

نوف :وش أسمـــك الجديد ...

وعـد :مأدري انتم سمــوني ... مايصلح الواحد يسمـــــي نفســه ..

ضحكتنــي كلمـة وعد بس مأمداني اضحك الاحسيت بألم قاتل ببطنـــــي .. ماقدرت اكبح وجعي وجلست اتوجــع بصوت عالــي ... شوي بس وجت الممرضه وعطتني مهــدي وبعدها مأدري وش صـار ماصحيت الا وقــت ثانـــي ماكان عنـدي أحد وجابت لــي الممرضـه محمــــد ... فديت يالنـاس ولدي يهبـــــــــل ..

نزلت دمـوعي قهر لأني ماني قادر اشيله من الألم اللي أحس فيـــــه ...

ياربي طول عمري قويه وش الضعف الي صابـنـــــي ...

لازم أستعــيد قوتي عشـــان أقدر أكمـــل حياتي .... الضعف اللي صاحبني وانا حامل لازم اتخـــلص منـه ...

وأرجع قـــويه ... بس أتعااافى كل شـي بيرجع مثل مااااكان ...

ملاك

اليوم صار لنا ست أيام من تركنااا البيت طلعنـــــا بعد ماتأكدنا من طلـوع عســاف واتصلـنااا من الدكاااان ...ردت علينــــــا نوف اللي ازعجتنــا تقول أرجعــوا وتتهمنا أنا نبغى نذبح ضحــى بتصرفاتنا ...واهم شي قالته ان ضحـى يمكن بكره تطلع من المستشـــفى وأكيد بتكشف هــروبنااااااا ...

سارا :اوووه وين سرحتـــــــــي ....

مـلاك :افكــر بضحى نوف قالت يمكن بكره تطلع ...

سارا :ادري سمعت هالكلمه اليوم ألف مره ...

ملاك :ادري بس انتي اللي سألتيني وين سرحـــــانه ...

سارا :خلاص آسف ماعاد اسألك اووووووووف ..

ملاك :بعينك ...

وسكت شوي بعدين سألتهاااا

مـلاك :تتوقعيـن ضحى بسرعه توافق على طلبناااا اووو بتطنش وتعاااند

سارا:مأدري .. ضحى ماتعرفين لهااا .. مره تحسين أنها بتذبح نفسها عشانك ومرات تحسينها ماتهتم لو قنبله تنسفك ...

ملاك :طيب نتصل عليها بكره او نأجل اتصالنا لين تتقبل أمــــــر هروبنا ..

سارا :مأدري انتي الرئيســــــه واللي تخطيين ..

ملاك :طيب فكـري معـــي أكيد القرار الأخير لي بس انتي ساعديني بأتخاذ القرار ...

سارا : أنا اشوف نصـبر وبعد يوم نتصــــل ... ماودي نفجع ضحــى ...

ملاك :بلا غباء هي بتنفجع من يوم ماتدري ماراح تنتظر أتصالنـــــا ...

سكتنــا شوي وانشغلنااا بالمجلات اللي معنــــا .. بس طبعاً مأحد يقـدر يندمج بالشـي وسارا عنده ...

سارا :امشي خلينا ننزل تحــــت ندور لنا شـي نتسـلى فيه

ملاك :مثل أيش ..؟!

سارا:مأدري أي حاااجه بس لو جلست كذا بنهــبل من الملل ...

ملاك :طيب خلينا نطلــــــع للسطــح ..

سارا :لاا وعع حـر خلي بالليل نطلـع للسطح اللحيـن خلينا ننزل تحت قبل مايجـي عسـاف ...

سارا

بعد ماأقنعـــت ملاك نزلنا تحــــت ... كان الوقت قبل المـغرب بربع ساعــه ... وبهالوقت عمـــــره ماجاء عســـاف ...طيب وش اللي صـار اليـــوم وخـلاه يجـي بدري...

كنا تونا نازلين وقلنا بنروح نشـوف غرفة شدن ونبش فيهـــا مادرينا الا بالصــوت عساف يقول للي معــــه خذ راحتك بغير ملابســـــــــي وجاي ...

قفلنا البا بسرعه علينا وحنا ندعي الله مايكون سمع الصـــــوت ..

ملاك :ياوووووويلي انفضحنااا كلــه منك ياليتنا ماجيناااا ..

وانا خلاص بديت ابكي من الرعـــــــب ...

ملاك :اووش لاتفضحينــا بصوتك .. يارب اكون قفلت الباب بعدنااااا ...

كانت تقصد باب الدرج ...

سارا :مأدري ماني متذكــره ياويلي والله انفضحنــا .. اسمعي لو يكسر الباب علينـا لاتفتحين

ملاك :انطمي أن شاءالله مو داري ... بس لو درى ودق علينا الباااب اكيد برد عليه عشان يعرف من حنــا ولابيحسبنا حراميه ويبلغ الشرطـــــــــه ...

سارا :ياويلي تصوري يحسبنا حراميه ويتصل على الشرطه وننفضح قدام الناس ...

ورجعت أبكــي ... يالناس وش هالمــوقف اللي حطينا انفسنا فيه ليتنا مانزلنــا ..

ملاك :اوووش الله يفضح عدوينك .. اسكتي يامتخلـــــفه ...

ماكنت قادره بجد رجولــي ترجف ودمــوعي تنزل غصب جلسة على الأرض .. وأنا احط يدي الثنتين على فمـي عشان مايطلع صــــــوتي ....

ملاك

مأدري وش فيها سارا اخذه المــوضوع بخوف زياده عن اللزوم ... صح الموقف يخوف ويقهـر ويرفع الضغط ... واللي يقهر أن لو انكشفنا بيضيع تعبنا وتخطيطنا وبتروح حبستنا بهالبيت على فشوش بس مايسوى تسوي بنفســـها كذا ... نزلت جلست معها وضميتها وأنا احاول اهديها ..

ملاك :خلاص حبيبتـــــي هدي نفسك ... خلي كل شـي علي قوووي قلبك حنااا سوينا اللي أقوى من كذا وماخفنــــــا ...

بس ماكنت تسمعنــي مطنشه كلامي وجالسه تبكي

بجد وترتنـــــي .. شكلي ببكي معهـــــــا ..

كانت داخلـه جوو مع صياح سـارا ... واذنـــي لأي صوت جاي مع الصاله ..

الشخص اللي كلمه عســاف جالس بالصاله ... شـوي وسمعت نغمة جــوال بالصـاله ...

:عسـاف جـووالك ..

بسرعه حيطيت يدينــي الثنتيـــــــن على فم سـارا لأني متأكده أن ســــــــــارا بتصــرخ ...

وكيف ماتصـرخ واللي برى الوحــــــش ...

معقــوله هالـــصدف .... كيف ووش جابه مع عســــــــــــــاف ...

وليش جو للبيت ...

الف هوجاااس وفكره طروا علي معقــوله يدرون أنا هنـــا .. لااا مستحيــــــــل ...

مأتوقع ...

يارب تستــر يارب ...

حسيت ان سـارا ماتحرك ليكــون فقدت الوعي لفيتها علي أشوف وجهها كانت تتنفس بقــوه وعيــــونهااا شارده وكأنها تفكر بالشـــــي .. بس الحمدلله فاتحه عيـونها يعني مو فاقده الوعي .. رجعت احد يدي على فمهااا أخاف فجأه تفوق على نفسها وتصـرررخ ...وهمست لهااا

ملاك :سارا أمسكي أعصــابك ... لاتصرفين بطريقة تفضحنااا .. شكلهم مو عارفين عنــا

شوفي يسولفــون ماراح يدرون عنااا شوي ويطلــعون وحنااا نطلع فوق ولاكأنه صــار شــي ....

همست سـارا بصـوت مبحوح

سـارا :لوماذبحني قيس أنا بطلع من هنااا مستحيل أبقـــــى ...

مرت الدقايق علينـــــــــا طويله لين سمعنــا عساف وقـيس يطلعــون من البيــــــــت ...

عساف

دخلت عليها الغرفه كانت نايمـــة بهدوء وانزاح عن وجهــة العبوس اللي كان مرافقهااا طول ماكانت بالعنايه ..

ماني مصدق انها رجعــت لـــــي بست راسها..

سحبت لي كرسي ولصقته بالسرير وجلست عليه ....

خوفي أني أفقدها رسخ بداخلـــي انها خلاص صارت من الماضي بس اللحين أشوفها قدام عيــوني .. صح نايمه بس بعافيه ..أشوف أنفاااسها تطلع وتظرب بأيدي ...

ضحى :وخر ايدك يعني ماموتني ولدك بتموتيني انت ...

خفق قلبي لصـــــوتهااااا ...

عساف :حياتي صحيتي ..

ضحى :ايه صحيت خفت عليك تموت بعدي وصحيت ....

سألتها بأستغـــــراب ...

عساف :أمووت أعرف وش هالثقه اللي نازله عليك بالفتره الأخيـــــره ...

غمضت عيــونها وبعد شوي همست ...

ضحى :تعبااانه مافيني أجادلك ...

حسيتها صدق تعبااانه ولاضحى من متى تعترف بألمها أو تعذر فيـــــــه ..

عساف :انتي اللي أخترتي هالنوع من التواصل بينااا ...

سكت شوي يوم ماردت قلت لها ..

عساف :لو تعبانه مره أنادي لك الممرضــــه ...

كانت مغمضه عيــــونها بس كلمتنــــي ..

ضحى :ماحلمت فينـــــي

وفتحت عيونها وهي تبتسم

عساف تأففت بضيق:اوووف وش قصدك بالحركه يعنــــي .. اذا ماتضايقه من كلامي يقول ولاتحاججين بالتعب ...

قالت بتطنيش كامل للكلامي وهذي عادتهــا .. ترد على اللي يعجبها واللي مايعجبها ولاكأنها سمعتــــــه ...

ضحى :تدري اليوم جابت لي الممرضه محمد مـت عشان اشيله بس ماقدرت ...

عساف :لاااحقه على شيله بتشيلينه وتشيلين همه العمر كله ....

ضحى :ان شاءالله .. ولدي ويحق له ..

قلت بضيق :لا كان بوحده صرنا بأثنيـــــن ..

ضحى :لو تاعبـينك خلهم علـي ولاتفكر فيهم حتى وروح الله يرزقك اللي يريحك

كالعاااده اخذت مـــــوقع الهــجوم ...

عساف :حتى لو ماتبغـيني بجلس على قلبك ... واسكري هالموضوع لأنك عكرتي ميزاجـــي ...

ضحى :يعني أهم شـي ميزاجك طيب فكر أنك تعبتين بهالكلام وأنا مريضه ...

عساف :معقـوله ضحـــى تفكر بهالطريقه كيف تكشفين ضعفك ...

ضحى :تحلم أنت بهاللحضـه ... حبيبي أنا اقصـــــد أذكــرك مو اترجاااك ...

تنهدت بالتعــب أخخخ لو تعرفين كيف بمـــــوت يوم ولااادتك بس كيف تفهمــين ...

أستئذنت من عندها وطلــــعت لأني مــواعد قيس ...

نوف

حر .. قرف .. رطـــوبه ... جو زي الزفت كنا محبوسيـــن فيــــــه بالساحـــــه حصتين كامـــــلااات ...

ليه لأن الكهــرباء طفايــــه .. وعطوف أفندي رافضـه تطلعنااا .. تبغى ننتظر لين موعد الطلـــــعه الرسمـــــي ...

وعــد :بممموووت خلاص حرام عليهااا ليه التعذيب .......

سكبت من علبة المويااا على راس وعد اللي منسدحه على رجــــــلي

وعد :أيووووه بعد اكثر أبغى احس أني عايشـــــــــــــه ....

هنــد :انا خلااص بحلق شعــري الله يقـــــرفه موتني فطست منه ....

شفتو العذاب اللي حنا فيـــــــه ... من قوته هند فكرة تقص شعــرهاااا اللي هو كل حيــــــاتهاااااا ...

شـوق :أنا المقروده ليش أداوم والله أنـــي غبيــــــه ...

مليت من خواتي اللي يندبـــــون حظــــهم ...قمت أتمشى بالساحه وليتني ماقمت وأنا اتمشى شفت الحقيره بنت الثانوي اللي دايم تلاحقني وتراسلنــــــي وأنا اقطع رسايلهــــااا .. غمــزة لـي وحركة يدها بتهــديد .... ياويلي هذي من زمــــان حاطتني براسها الله يستــر ماتسويلي مصيبــــــه ...

انا دايم مأخاف بس من هذي بذات غصب أخاف احسها تنقط حقـــاره ....

شفت شله دايم أسولف معهــــــم من الثانوي ويحبــون يتلصقون فيني قلت أروح لهم أخاف هذي تسويي فيني شـي رحت لهم وجلست اسولف معهــم عاد هن مسترجلاات ويلقبن بعضهن بأسماء عياال ...

متعب .. ناصر .. سعود ... فالح ...

متعب كانت تسألنــــي أذا احب وحده من البنااات عشان يضبطنهااا لــــي ...

نوف :لااا وش أحب استغفرالله من زين خششهن بنااات المدرسه ...

انا دايم اتكلم معهن يقالي مثلهن عشااان يساعدني لو احتجتهــن تعرفون راعين الهوشات مثلي لازم يكون لهن سند يفزع لهم اذا جدت الأمور ....

ضحكت بعربجية وقالت

متعب:ليه وش تحب يالأخووو اذا بنااات المدرسه مأعجبنك ...

نوف :أحب اللي أنا أحب انت وش دخلك ...

لوح ترى مايهمها لو وحد غيرها قومت الدنيا عشان هالكلمه ...

ناصر :المهم نواف خلك من سوالف المراهقين وأسمعني

نوف :كلي أذان صغيه اتحفنا يا أحمد شوقي ...

كنا أمس أخذين بالنصوص احمد شوقي ...

ناصر :تدخن ..

نوف :لااا بس أشيش التدخين مضـر ويسبب السرطاااان ...

ناصر :يالناااعم ..

نوف :اجل تبغاني قبل مأموت اتمرمط بالمستشفيات واستصئال رئه واستئصال شرياااان ولساااان .. وبالأخير اموت موته شنيــــعه ...

فالح :يوووه خليكم من هذا راعي طويله وعطوني سيجاره ترى الحـــــر مقفلها معــاي ...

نوف :تدخنون بالمدرسه

فالح :لاندخن بالأدارة

نوف :سااامجه بقوة ...

فالح :طالعه عليك ياحلـــــــــــوه ....

نوف :متعب تكفى سكت خويك تراااه غثه وتصرفاته كنه بنيه ...

ناصر بضحكه :ههههههههههه وربي أنك صادق ...

خفت يبدون هوشه وأروح بالرجلين لفيت اشوف الصايعه ماكنت فيه ركضت للمكااان اللي فيه خواتي ورميت نفسي بكل راحه وسطـــــهن .. كذا يحس الواحد بالأمــــااان ...

يوم رجعتهن لقيتهن يسولفن عن ضحى وانها بترجع اليوم ..

نوف :وليييه اللحين ملاك وسارا بينكشفــــــن ..

وعد بنذاله :حتى لو مأنكشفن أنا بأكشفهـــــن .. عيب نخدع ضحى وتذكرون لما خبيناا عليها سالفة شهد وش صار خلونا صريحين من الأول عشااان ماندخل بمشاااكل ..

نوف :من الأول ياحلو يعني من لمااا هربواا مواللحين يوم انظربتي على دماغك وقلتي لهااااا ...

وعد :الظربه اللي تجيك أنتي أنا مأحد يسترجي يلمسني على راســـــــــي ...

يالناس قمة الغباوة شوفوا كيف فهمتهاااا ...

هند:حنا مالنااا شغل كل من سوى بلوة تعاقبنا بجرمه يكفي بالمدررسه هالنظام لاحقنا حتى بالبيت ...

شوق بألم :ياربي مو كفايه العقاب هذا نتعاقب بعد بالبيت ...

نوف :خبلات ليش تقولن نفس الجمله بضيغ مختلفه ....

وعد :انتي بتصيرين كتاب القواعد تو بعد المتشرده ...

نوف :المتشرده انتي عيب تقولين عن أختك كذا ...

هند :انتي ليش مسويه أخلاق عشان ضحى تحبك ترى ضحى مو هنااا ..

شوق :هند انتي ليه تحبين تقلدين وعد بتصرفااتك عشان نحبك ...

ضحكت لين بغت تقطع مصاريني قوووي شوووق سكتت هند الملسونه احيان أحسها تغار مني أنا ووعد عشانا صغار مع اني مو صغيره اصغر من هند بس بسنتيـــــــن .. بس بعكسها نسوي أي شـي بس هي خوافه تخاف من كل شـــي عشان كذا ماتقدر تسوي أي حاااجه ...

ماصدقنااا دق الجرس وفتحوا البوابه طرنااا على الباص وحرب عالمية ووطنيــة وكل أنواع الحروب خضنااا عشااان نلقى لنا كرسي نجلس عليه ومااانوقف بين الكراسي زي القرود ....

وصلنااا البيت بعد دوخة وبعد مادرنااا كل شوارع الحاره والحارات المجاوره .....

أول مادخلنااا استقبلتنااا شدن اللي لها كم يوم من دخلت ضحى المستشفى ماراحت المدرسه ...

شدن :ياحظكم رحتم المدرسه ...

لفيت على وعد أقولهااا

نوف:والله خايفه الباص يقلب فينااا من نفسهااا ...

ورجعت أقولها ..

نوف :يأختي من قالك انا نحب المدرسه لوتبغين تروحين بدالناااا وخصوصاً بدال الخبله هذي ..

وأشرت على وعد ماراح تقول لاااا ..

صرخت وعد بأذنـــــــــي صرخه عالميه ...

وعد :انتي من سمح لك تكلمين على لساااني تخسى الاهذي تروح بدالي عشان الناس يقولون وعد انقلبت غوريلا ...

وعاد ذيك الساعه اسمـــعوا صياااح شدن ولاأحسن صوت أنذار بالكوكب كلــــــــه ..

حطيت ايديني على أذني وأنا اقول

نوف :تمزززح عليك يالخبله هي الغوريلا مو أنتي ....

بس البنت معنده على صياااحها دخلت البيت وطنشتها بالحوش وخواتي متوهقااات معهااا وياليت وعد تأخذ منهن علقــــــه عشان تتربى ...

ضحـى

حسيت بالراحه بعد مارجعت للبيت وجلست ..على سريري وسط خواتــــــــــي ..

بس كل الراحه انتهت لما بدو خواتي يصدموني بالأخبار اللي عندهـــــــم ...

ســـــارا رجعــت ... ماستوعبـت هالجملــه الا تصدمني وعد بالخــــبر الثاني وهـــربت هي ومـــــلااااك ....

وعد :بس لاتخافين هم طيبيـــن اتصلوا وكل شــــــي ...

صرخت فيها بكل قهــر..

ضحــى :كيف تركتوهم يهــــــربون ..

ردت على وعد اللي تحســـــــب العتب موجه لها...

وعد :وانا نايمــه اهربوا لو كنت صاحيه ماخليتهم يهــربوني

لاوهربانين بالليل .. ياويلي ذولي وين راحوووا ... يالناس المصايب اللي نتبلى فيها مافيه أمل توقــــــــف ...

مشـاعل :ضحى سامحينــــــي لم أكن أعلــم .. كان هروبهم صدمه لنا جميعاً ... لم يبديا أي رغبه بالهروب أمامنااااا .. كيف كنت سأعلـــــــم ...؟!.. بدون تصريح واضح منهمـــا ...

ضحى :طيب ليش يعني وين راحـــــــوا ..

مشاعل :لانعلــــم .. لم اتلقى أي اتصال منهمــا .. وعد ونوف تلقيتا الأتصـالات ...

ناظرت لوعد بلهفه ..

ضحى :وش قالـــــوا..؟

وعــد :يقولون بعدين نقــول لكم طلباتناااا...

ضحى :وش طلباته ..

وعد :مأدري ... بس هم أكيد بيرجعــون .. اصلاً هم بس يلعبـــــون ...

والأمــور هذي فيهـــــا لعـــب ... يافضيحتنـــا لو أحد درى ... وقــــيس أكيد درى ...

ضحى :قيس درى ..؟

ناظرتني وعد بتردد ... وعرفت مايحتاج أكيــد عرف يافضيحتنــــــــااا ... ياويلي لايطلقها بكــره ونبتــلش .. حنا مو ناقصــــــــين كلام ناااس ..

يعني أنا وش بستحمل هم ولدي اللي بالمستشفى .. ولاهم هالخوات اللي أبد مايخلــــــــــص ...

شوشو

رجعت مره ثانيـــــه للنفــــس المكــان أفـضل مكان بالنسـبه لها هنا تحس نفسـها شـي ثانــــــي ..

تحس بقــوتهــا وقدرتها على تغيـر الأوضاع .... تحس أنها تأثـر بحياة اللي حــــولها ..

ابتداء من مدير البنك اللي تحب تبهذله وتزعجــــــــــه ... ومروراً بالشحادين اللي تحب ترسم نفسها مدير عليهم أنتهاء بالعائلات اللي تعطيهم اللي تجنيـــــه من مهنتهــا ...

هي بدون شهـاده .. وجلست البيت ممله .. وتحب المغــامره ... ثلاث نقااط هي أساس ممارستها للمهنه هذي ...

بدت الشحاااده بأماكنه متفرقه وانتهت فيها هنــا .. كانت فكره مجنونه بس لقتهااا مسلــيه ومربحه وتحسسها بالمسئوليه ...

بس قصتها مع قيس أو أستاذ قيس زي ماتحب تسميـــــــــه غيـــــــــــررر ...

كانت أول مره وقفت فيها قدامه وجه لوجـــــه بالثـوب الجديد مثل الكابــــوس بس ممتع جداً لأنه ماعـــــــرفها كان أنتصـار لنفســهااا ..

لأنها صارت أنسـانه غير تقدر تحط راسها براس الوحش اللي منكد عليها حيتااا وتنكد عليـــــه لا وتقدر بعد تتكلم معه طبيعــــــي تسببه تهزأه تتمصخر عليه بدون خوف أنهااا تتعاقب منه ...

و اللي اكتشفته بالأخير أن هالكــــــلااام يعجبه ويتقبله بطريقة غريبه ومحيـــــــره ...

لين صارت تسأل نفسها قيس يحب يتكلم مع شــوشو ..!!!

كيف عادي عنده يوقف بالشارع قدام الناس ويتكلم مع شحـــاده ... ؟؟

كان بأمكاااانه يطنشـها ولاكاأنها موجوده مثل ماكان يســوي بالبدايه ... ليه حط راسه براسها وكلمــــــهاااا .. كان تصرف غريب منه بس ماهتمت كثيــــــــر هو حر بتصرفاته ...

أفضـل شي استفادته من شوشو غير مساعدة النااس أنها قدرت تشوف قيس بمـوقف غير موقف القــــــــوي .. بموقف كان فيه شخص عادي وكانت هي مثــــله قادره توقف بوجهه تحـاوره وتنتصر عليــــــــــه ....

فرشت سجـادتهااا بس ماوحى لها تجلس الا وسياره توقف قدامــــــها بقـوة كان قيــــــس متجه لها والشر بعيــــونه بذيك اللحضــــــــه مافكــرت الا أنه كشفها هربت تاركه وراهاا سجادتها وشنطتهــا ...

قيس

فقد صوابه يوم شافها جالسه بمكانها المعتــاد تحت البنايه المقابله للبنك ... نزل من سيارته وهو للحين مأستوعب أنها بكل غبــــاء وبعد ماهـربت مع أختها راجعــه تتباهى وتشحد قدامــــه ولاكأنها مسويه شــي ... اول ماهربت أخذ سجادتها وشنطتها ورجع للسيارته رمــاهم داخلهااا وركـب السياره ... دورها بعيــونه مالقاها كانت مختفـــيه ...

قيس :هيين ياملااك والله لأوريييك ...

حرك السـياره للأتجاه اللي يتوقع أنها راحت معــــــــه ..مالازم تضيـــع منــه هي الطريق اللي بيوصل منــه لسـارا ...

ولحقــهااا كان يلاحقــها من شـارع لشارع ماترك لها فرصه للهـروب وحـاول يحدهـا للشارع فاضـي عشان يقدر فيها يسحبها للسـياره بدون مايشوفه أحد أو يشك بامــــره ...

شوشو

بتنجــن من الرعـــــــــب .. مو تاركها بحالهااا أكيد بيمـوتها لازم تهرب تسوي أي شـي ترمي نفسها تحت سيارة تسوي أي تصـرف ممكن يحميهـــــا منه ماهي قادره تفكـــر .. كانت رايحه لشارع اللي دايم يتجمعــون فيه موس وبقية الشحـادين تحس بوجــودهم بالأمـــــــــــان ... بس عند أول لفه تدخـل لشــارع .. شافت كابوس الشحـادين ... مكافحة التســول جت بترجع شافت سيارة قيس وراهـــــــا مباشــره ... من وراها كابوس وقدامهــا كابـــوس ..قمة الرعب يوم شافت سيارة المكافحه تحرك لهـاااا .. ناظرت بسيارة قيس اللي كان يظرب لها بوري وفاااتح الباب اللي جنب الســــــايق .. نفس الحـركه ... تتكرر ... أنقذها قبل بنفس الطريقه .. ماقدرت تردد ركبت معـــــه .. وهي تحس أن دقات قلبها طبـــــول ..

قيس

ركبـــــــت معه بكل سهــوله ... ماتوقعها غبيــــه لهدرجــــــه .. قفل أبواب الســـــياره وحــــرك ...

كان حالف أنه بينسـاها وحتى لو شافها ماراح يكلمها بس هروب سارا هو اللي خلاه يكلمهــــــــا ...

قال بكل قســوه يبغــى يخوفها يمكن توب عن هالـطريق ..

قيس :يعني ماتبــتي من أخر مـــــره ... ماراح ترتاااحين لين تنرمين بالسجـــن أو تموتين تحــت كفرات سياره ... ولايمكــــــن تقتلين بعد ماتنخطفـــــــين ..

ردت عليه شوشو بكل قواة عيــن :مالك شغل فيني نزلني بالشارع اللي ذيك المــره وخلك ساكــــت ...

قيس بعصبيه من قواة عينهــا :هذا اللي تحلميــن فيه بس بدري عليك أسوي اللي تبغيـــــــــــــن ...

شوشو

أنرعبــــــت وش بيســوي فيها ليــه قال كـــــــــذا ...

شوشو :يعني وش بتســوي ..؟!

عطاها نظره قويه وماقال شــــــي ...

لاياربـــــــي وش يفكــــــر فيه هذا .. مو ناقصه رعــــــب ...هي واثقه أنه لو كشفها ماراح يمررها مرور الكرام لازم تخليه ينزلها من سيارته قبل مايتكشف من هـــــــي ...

قيس :بسوي اللي خليك تحرميــــــن تطلعيــن من بيت أهلك وتركبيــــــن مع شخص غريب عنــك ...

شوشو بقهر :وأنت وش دخـــــــلك فيني ليكـون من بقية أهلــي أو احد حاطك وصـي علي ..

قيس :لو أنا وصـي عليك ولقيتك بهالموقف كان ذبحتك وقطعتك ورمــيت لحمك للكلاب ...

قيس

ماتوقع كلمته اللي طلعت بلحضة قهـــــــر تســوي اللي سوته فيهــا وبعدين شوشو من متى تخـــــــاف حتى لما خطفهــا بسيارة الأجره ماسوت اللي سوته اللحيــــــن .. صرخت برعب وحطت يديها على مسكت الباب بتفتحـــــــــه ...

قيس :هييي انتي وش فيك انهبلتــــــــي ...

بس هي ماكانت تسمعه ...

شوشو :نزلني ... اقووولك نزلني هنا اللحيـــــــن ...

قيس :قلت ماراح أنزلك الا بعد ماتتأدبيـــــن ...

شـوشو :قصدك بعد ماتذبحنـــــي .. بس لاا ماراح اسمحلك البلد فيها قانون الدنيا مو سايبه تذبحنــــــي ...

..نفــــــس الكلااام ... ونفــس الطريقـــــه بالنطق .. توقف بنفس المكان عشان تأخذ نفس وترجع تكمــل .......

مو معقـــــــــوله توأم لهدرجـــــــة .. نطق باللي يفكـر فيه قبل حتى مايتسوعبه ويحلله ...

قال بشك :سارا ..

صرخت هي :ايه سـاراااا يامتخلف ياوووحش لعبــت عليـك وبهذلــــــتك وماقدرت علي أصلاً أنت جبـان

خوووواااف ... ماقدرت تسوي لشوشو شـي ..

وكان عندها كلام ثاني بتقــــــــــــوله ...

ماكان مستــوعب اللي تقــــــــوله .. كيف سارا شوشو ... وملاك شـــوشو .. كيف خدعــــــــــــــوه ...

يعني هو حــــــب وهــــم ... شوشو وهـــــــــم .. مافيه شــي اسمه شــــوشــــــو ...

سحب راسها بكل قهــــــر وظربه على الدرج اللي قدامها وهو يصرخ

قيس :والله لأنتقــــــــــــــم منك ... قسم لخليك تبكي دم بدال الدمــــــوع ..

مــلاك

صحـيت الساعه عشـره الصباح مالقيت سارا توقعتها تحت نزلت ومالقيتهــــــا .. بغيت انجن سوتها الخبله وطلعت بدونـــــي .. مع أني حذرتها من طلعاااتها من غيري .. انتظرتها ربع ساعه نص ساعه .. ساعه واثنين وهي ماجــــت .. عرفت أنهااا صارت كارثــه ... ماقدرت اجلس انتظرها أكثر ولاأقدر أطلع وترجع هـــــي وماتلقاني .. بس لو أعرف وين رايحــه الغبيــــــه هذي ...

يتبع ,,,,,

👇👇👇

تعديل المقال