رواية تحملت كثير يا قلبي -60

رواية تحملت كثير يا قلبي -60

لولو : وش فيهم العالم كل وحده تتهاوش مع زوجها .. لا يكون صاير موضه هالايام ..

عطت جوري نظره وجوري فهمت وش تقصد ونزلت راسها ..

ساره : ليه كفى الله الشر من غير بيان ..

جوري قامت وراحت نزلت تحت ..

لولو : هاللي قامت قدامك قبل شوي ..

ابرار : من جد ..

لولو : والله ..

هيفا : ليه حرام يحبون بعض ..

لولو : إسأليها .. انا مدري وش السالفه .. بس اللي سمعته انها طالبه الطلاق بعد ..

البنات انصدموا : طــــــــلآآآق ..

ليلى : لاتستخفين دمك ..

لولو : والله ..

تهاني : ومن اللي قالك انتي ..

لولو : خالتي ..

نوره : يؤ يعني خبر موثوق ..

جواهر : حرام بينهم حب كبير ..

ابرار : بدت ام مشاعر رقيقه ..

جواهر : لو سمحتي لاتتريقين ..

ابرار : اسكتي بس .. لولو متى قالت لك ..

لولو : امس ..

ساره : ليه هي متى طالعه ..

لولو : صار لها ثلاث او اربع ايام ..

ولاء : وش فيهم من جد ..

تهاني : مدري .. الله يهدي سرهم يا شيخه ..

نزلت جوري تحت وراحت الصاله .. بس اللي ماكنت تبيه ان يكون فهد موجود وجالس مع عماته يسولف .. جت بتطلع شافتها عايشه ..

عايشه : تعالي جوري مافيه غير فهد ..

جوري " مو المشكله بفهد " : بروح المطبخ ..

عايشه : تعالي بس تعالي ..

جت جوري وجلست بطرف الصاله وصارت تطالع الدرج وهو يطالعها ..

امل : جوري قومي صبي قهوه ..

جوري انقهرت من امها " الله يهديك يمه .. تدرين ما اكلمه ولا ابي اشوف وجهه ليه تسوين فيني كذا " : ان شاء الله ..

اخذت الزمزميه وصبت لهم ويوم وصلت عند فهد ..

جوري : فنجالك ..

فهد وهو يعطيها ( بصوت واطي ) : وحشتيني ..

جوري صبت له وبنفس مستوى الصوت : شكرا ماتشوف وحش ..

عطته الفنجال بس ما اخذه ..

هدى : فهد خذ الفنجال انحرقت اصابعها ..

فهد كان مقهور منها مره : من قالها اني ابي قهوه .. محد طلب منها تصب اصلا ..

تركها وقام وطلع برى .. هي راحت وحطت الفنجال على الطاوله ..

جوري : احسن ..

الحريم استغربوا منهم بس امل وهدى قاموا يطالعون بعض وابتسموا .. راحت ورقت فوق وجلست معاهم ..

ولاء : شفيك ..

جوري : مافيني شي ..

ولاء : الله الله .. كل هذا ومافيك شي .. قومي شبي فيني احسن ..

جوري : تصدقين ودي بس مستحيه ..

قامت ودخلت غرفه وسكرت الباب ودقت على طلال ..

طلال : هلا والله وغلا .. هلا بالطش والرش .. تو ماتبارك يومي .. يالبى اللي دقو علي فديتهم اروح فدوه لعيونهم ..

جوري : اهلين .. خالي استحي .. شخبارك ..

طلال : الحمد لله تمام .. شفيك ..

جوري : مافيني شي .. بس حبيت اسألك ..

طلال : سمي ..

جوري : سم الله عدوك .. شفيها بيان رايحه بيت اهلها لها اربع ايام ..

طلال انقلب موده : ليه تسألين ..

جوري : بس كذا ..

طلال : ليه ماقالت لك ..

جوري : اصلا ماشفتها عشان تقولي ..

طلال : طيب من اللي قالك ..

جوري : ولاء اختها ..

طلال : وولاء ماتدري .. طبعا اصلا ماعندها الجرءه تتكلم .. ولاتقول شي ..

جوري : خالي وش صاير ..

طلال : ولا شي .. بس علميها ورقتها بتوصلها ان شاء الله ..

جوري انهبلت : خالي حرام عليك .. وش سوت عشان تطلقها ..

طلال : جوري معليش مابي اتكلم بالموضوع .. سكريه ..

جوري : بس انا ابي اعرف ليه تبي تطلقها .. يعني السبب قوي اللي خلاك تتخذ هالقرار ..

طلال : ايه ..

جوري : طيب فكر ..

طلال : خلاص يا جوري فكرت .. انتي شخبارك شخبارك فهد ..

جوري : انا زينه الحمد لله بس فهد مدري عنه دق اسأله ..

طلال : افاااااااا .. ليه لاتقولين متهاوشه معاه كالعاده ..

جوري : ايه ..

طلال : ياجوري ترى الرجال بيمل منك .. كل يوم مسويه له مشكله .. بيطفش والله ..

جوري : انا ابيه يطفش .. اصلا ما اخذته برضاي ..

طلال استغرب : شلون يعني ما اخذتيه برضاك ..

جوري : هو تحداني انه يآخذني يوم خطبني نواف .. كنت بوافق على نواف بس هو خطبني .. وابوي طبعا بيقدمه عشانه ولد اخوه ..

طلال : لا يا جوري موتحدي .. فهد من قبل لا يخطبك نواف انا ملاحظ عليه انه يميل لك .. من يوم كنتوا صغار .. اكيد ثارت اعصابه يوم خطبك نواف وقال ابيها .. لو مايحبك كان ما اخذك ..

جوري : بس ....

طلال : داري وش بتقولين .. هذا ولد عمك وطبعا لو انا عندي بنت وخطبها ولد خالها وجا ولد عمها قال ابيها .. من سابع المستحيلات اقدم ولد خالها على ولد عمها .. بنت العم لولد العم ..

جوري : هذا تخلف ..

طلال : لا مو تخلف ..

جوري : طيب انت ليه ما خذت وحده من بنات عمانك ..

طلال ابتسم : وش دراك يمكن اخذ ..

جوري : خالي ...

طلال بكل هدوء : لا تكملين .. رجعه لبيان مستحيل .. صحيح حلوه وكل شي فيها حلو وسحرتني بجمالها وحببتني فيها غصبن علي .. بس كل شي له حدود .. لما يوصل لهالمواصيل شي مستحيل اني اتجاوز اللي سوته بالساهل .. انا ماقصرت عنها بشي كل شي تتمناه عطيتها اياه .. سواء شي مادي او معنوي .. مغرقها بالحب وبالفلوس وبكل شي .. ليه تسوي معاي كذا .. ليه تحسسني اني مقصر عنها وبشي كبير .. ما اقدر ارجع لها مستحيل .. وهذا اخر كلام عندي ..

جوري : اجلس فكر هذي حياة عشرة عمر مو يوم ولا يومين .. صار لكم 9 شهور مع بعض .. وان شاء الله تكون لين اخر العمر .. خالي حرام ..

طلال : جوجو حبيبتي .. خلاص فديتك ..

جوري : ان شاء الله ..

سكرت منه وجلست تفكر بكلامه " وش الشي القوي اللي بيخليه يطلقها .. ياربيه بس .. الله لا يجيب اليوم اللي يطلقها فيه .. الله لا يفرقهم " .. انطق الباب وجلست تطالعه .. دخلت عليها هيفا وغيدا .. وراحوا جلسوا عندها ..

جوري ابتسمت : نعم ..

هيفا : نعم الله عليك .. بس مشتاقين لك جينا نجلس معاك ..

غيدا : حتى انا والله مره وحشتيني ..

جوري : انتي خلك برائد بس .. تدقين عليه وانا لا ..

غيدا : ههههههههههههه تغاريين ..

جوري : ايه ..

غيدا باستها : ولا يهمك قبل لا ادق عليه بدق عليك واستأذن بعدين بدق ..

جوري ابتسمت : ايه كذا حلو ..

هيفا : ليه ماننزل تحت ..

جوري : بكيفكم ..

غيدا : لا مابي فيه احد تحت ..

جوري : لا خلاص طلع ..

هيفا : ليه من كان فيه اصلا ..

جوري : فهد ..

غيدا : اووو حبيب القلب ..

جوري ابتسمت .

هيفا : شف شف ..

جوري : هيفووه ..

هيفا : هااااه ..

جوري : خلاص سكري الموضوع ..

هيفا : اصلا فيه موضوع عشان يتسكر ..

غيدا : هههههههههههههههههههههههههههههههههه ..

هيفا : هههههههههههههههههههههههههههههههههه ..

غيدا مسكت يد هيفا : هيووووووووووووووووفه حبيبتي مره مره آسفه ..

هيفا : على ايش ..

غيدا : على الموقف السخيف اللي صار اليوم ..

هيفا تغير وجهها وحاولت تأشر لغيدا ان جوري ماتدريي بس غيدا كملت ..

غيدا : وربي ما استوعبت الا يوم مشينا قسم بالله .. ماقدرت اقول شي عشان رائد مايفهم غلط ..

جوري : وش السالفه ..

غيدا : الله يسلمك .............. << قالت لها كل السالفه ..

جوري التفتت على هيفا : يعني رجعتي معاه اليوم ..

هيفا : كله منها .. والله مو انا والله مو انا ..

جوري : ههههههههههههههه طيب شفيك خايفه .. كله من رائد .. وهالمخروشه ماصدقت خبر تركب مع اخوي خلتك وراحت ..

غيدا حمرت خدودها : حرام عليك .. صار لنا 5 شهور مملكين ..

هيفا : ايه لازم تراعين شعورها ..

جوري : خلاص يمه لا تآكلوني ..

دق جوال غيدا وطالعت جوري : ممكن ارد ..

جوري : مين رائد ..

غيدا : ايه ..

جوري : هاتي انا برد ..

اخذت جوري الجوال وردت .. حطت الجوال بفم غيدا وقالت قولي هلا .. قالت غيدا هلا .. ورائد يحسب ان غيدا هي اللي ردت ..

رائد : هلا وغلا ومررررررررحبا .. هلا بقلبي وعمري .. يالبى الهلا من فمك .. عسل عسل وربي .. غيدا قبل اي كلمه واي حرف .. تعالي عند المسبح بسرعه ..

جوري قربت الجوال لغيدا وقالت قولي ان شاء الله .. غيدا قالت ان شاء الله وهي ماتدري وش السالفه ..

رائد : يلا حياتي استناك ..

سكرت جوري وهي تضحك ..

غيدا : شفيك ..

جوري : شوي وبجي خلكم ..

اول ماطلعت جوري دقت غيدا على رائد ..

رائد : وينك .. قلت لك تعالي ..

غيدا : هههههههههههههه جوري نزلت لك .

رائد : طييييب يا جوري هين اوريك .. يلا يلا قفلي ..

قفلت غيدا وراح رائد سحب فهد ووداه عند المسبح وهو مايدري وش السالفه .. وصلوا ولقوا جوري واقفه على المسبح .. جاها رائد من وراها ومسكها مع رقبتها ..

رائد : ليه تردين على جوال غيدا ..

جوري : هههههههههههههههه عشان مره ثانيه تغازل من وراي اذبحك ..

رائد : يا سلام عليك والله وش دخلك زوجتي ..

جوري : انقلع بس وخر عني بطيح ..

رائد : طيحي من ماسكك ..

فهد يطالع وساكت ..

جوري : انت ماسكني فكني ..

رائد : طيب بفكك بس مالي شغل لو طحتي ..

جوري : اقولك فكني .. ياربيه فك ..

فكها رائد وطاحت بالمسبح الصغير .. فهد ماقدر يمسك نفسه مات ضحك ..

فهد : هههههههههههههههههههههههههههههههههههههههههههههه .. رائد يا حيوان ..

رائد : ههههههههههههههههههه احسن ..

جوري خنقتها العبره : اوريكم والله ما اخليكم .. طيب طيب ..

راح لها فهد وسحبها غصب عنها وطلعها .. طلعت والمويه واصله عند بطنها .. خلاص بتصيح دمعة عيونها ..

جوري : رائد ياسخفك .. والله برد .

رائد : تونا مابعد دخل الشتاء ..

جوري : بس برد ..

رائد : يلا حمام على السريع ..

فهد : روحي غيري ملابسك ..

جوري : ماعندي ملابس ..

فهد : ههههههههههه الله يآخذ بليسك يا رائد ..

رائد : مالي شغل انت تفاهم مع زوجتك ..

راح رائد وخلاهم .. جوري بتروح تدخل داخل مسكها فهد ..

فهد : وين .؟.

جوري : وشو وين بدخل ..

فهد : طيب تعالي فوق بعطيك لبس مايصير تجلسين كذا ..

جوري : طيب ..

دخل فهد ورقى فوق .. وكانوا البنات بالصاله .. رقت جوري وراه ووقفت بنص الصاله ..

غيدا : هههههههههههههههههههههههههههههههههههه ..

جوري : غيدووووووووووه ... والله ما اخليك .. انتي قلتيله اني بجي صح ..

غيدا : هههههههههههههههههه ايه ..

جوري : طيب .. شوفي وش سوى فيني ..

فهد من جوى الغرفه : جوري ..

جوري : نعم ..

فهد : تعالي ..

جوري : خلاص حطها بجي ..

فهد : لا تعالي بسرعه ..

جوري : اففففففففف ..

راحت للغرفه قام هو اول ما دخلت الغرفه سكر الباب وقفله وقام يبتسم ..

جوري : افتح الباب بسرعه ..

فهد : لا .. يلا خذي البسي بسرعه لا تبردين ..

جوري : مابي .. اطلع برى ولا افتح انا بطلع ..

فهد : ماراح اطلع ولا راح تطلعين ..

اخذت جوري اللبس ودخلت الحمام تحممت ولبست وطلعت .. كانت لابسه بجامته .. كان مخلي له ملابس احتياط ببيت جدته .. لبستها جوري وطلعت كان شكلها مرررررررررره كيوووووووت .. كان شعرها مبلول وطايح على كتوفها بطريقه ناااااعمه .. البجامه كبيره عليها .. راح لها فهد .. ومسك الاكمام وجلس يصفطها ويطالع وجهها وهي منزله راسها تطالعه كيف يسوي .. يوم خلص رفع شعرها عن وجهها ..

فهد : شرايك تنامين ..

جوري : مافيني نوم ..

فهد : الا شكلك مره فيك النوم ..

جوري : من قال .. بطلع يلا افتح الباب ..

فهد : جوري ..

جوري : نعم ..

فهد : وبعدين ..

جوري : قلت لك خلاص .. كل شي انتهى ولا ماقريت مسجاتي ..

فهد : لا قريت .. بس بسألك سؤال .. لو جاوبتيني بطلع وربي ..

جوري : إسأل ..

فهد : لين الحين تحبيني صح ..

جوري : لا ..

فهد : متأكده ..

جوري نزلت راسها : ايه .. متأكده ..

فهد : اوكي .. لك اللي طلبتيه يا جوري .. وشكلك هذي اخر مره تشوفيني فيها .. يلا فمان الله ..

فتح فهد الباب وطلع وهو منزل راسه .. نزل وطلع من البيت كله وراح بيته .. جوري جلست على السرير جلست تصيح .. بس ماتدري ليش ..

دخلت عليها هيفا وراحت لها وضمتها ..

هيفا : جوري حياتي وش فيك ..

جوري : مافيني شي .. ابي اجلس بلحالي شوي بس ..

هيفا : يعني اطلع برى .

جوري : تكفين بس شوي ..

هيفا بعدتها عنها ومسحت على راسها : اوكي اللي تشوفينه ..

طلعت هيفا وسكرت الباب ..

ساره : شفيها ..

هيفا : مدري .. بس تصيح ..

لولو : الله يعينهم على بعض ..

دخلت عليهم وحده وهي تبتسم : السلام عليكم ..

البنات التفتوا على الدرج وجلسوا يطالعون ومبهتين ومتنحين عليها : وعليكم السلام ..

ولاء: اميرووووووووووووووووووووه ..

اميره : ههههههههه .. كيفكم ..

قامت لها ولاء وضمتها : يادبا اشتقت لك .. ( بعدت شوي ) لا لا ما اصدق .. الحين اقول يا رشيقه اشتقت لك .. وش هالجسم .. وش هالحلاوه .. وش هالزين .. ( غمزت لها ) وش هالأنوثه ..

الكل : ههههههههههههه ..

قاموا البنات كلهم وسلموا عليها وعلى عبير اللي كانت جايه معها ..

تهاني : الله الله يا اميره .. صرتي ولا احلى .. من جد طالعه تحححححححفه .. وش سويتي بعمرك .

اميره قامت وصارت تدور على نفسها : الحين محد يقدر يقولي يا دبا .. ( تأشر على ولاء ) خااااصه انتي ..

ولاء : ههههههههههههههههههه .. لا والله الحين انا الدبا ..

البنات : هههههههههههههههههههههه

ساره : مره اشتقنا لك ..

اميره تسوي نفسها تستحي : تشتاق لكم العافيه .. ادري وحشتكم .. ماتدرون وش تسوون بدوني ..

هيفا : مره مره مقطنا الشوق تصدقين ..

اميره : خخخخخخخخخخخخخخخخخ ادري اصلا باين .. وين جوري وبيان ..

ولاء : بيان بالبيت .. جوري تصيح بالغرفه .. ( ابتسمت ابتسامه هبلا ) ..

اميره : وشفيها ..

هيفا : مدري .. روحيلها ..

قامت اميره اشرت على الغرفه .. وهزت هيفا راسها بإيه .. طقت الباب ودخلت ..

جوري : هيفا لو سمحتي ..

اميره : احــم .. انا مو هيفا ..

رفعت جوري راسها وانصدمت بشكل اميره مره تغيرت ..

جوري : اميروووه ..

اميره : لو سمحتي .. الاميره اميره ..

جوري : حبييييييبتي .. وحشتيني ..

قامت لها وضمتها : يا وصخه كم صار لنا ماشفناك .. كم شهر .. والله انك حيوانه ..

اميره : هههههههههههههه ماعليك زود فديتك .. وش فيك ليه تصحين ..

جوري سكتت : ........

اميره : وش فيك تكلمي ..

جلست جوري ومعها اميره وقالت كل السالفه لاميره ..

اميره : بس ..

جوري : ايه ..

اميره : يختي انتي غلطانه ..

جوري : ليه ..

اميره : كان عطيتيه فرصه يشرح لك الموضوع ..

جوري : مافيه شي ينشرح يا اميره .. انا سمعت كل شي بإذني ..

اميره : حتى لو كان سمعتيه خليه يشرح لك كل شي .. من اللي كان يكلمها وش كانت تبي منه وش الموضوع .. مو على طول تزعلين وتيشلين اغراضك وعلى بيت ابوك ..

جوري : بس انا ما اتحمل اللي يسويه فيني ..

اميره : اصلا وش سوى فيك عشان ماتتحملينه .. المفروض هو اللي يقول هالكلام .. مو انتي .. بالله بسألك .. من تزوجتوا كم مره تهاوشتوا .. انتي انتي .. بالله عليك مامليتي من كثر ماتتهاوشون ..

جوري نزلت راسها : الا ابي ارتاح ..

اميره : طيب تبين ترتاحين .. خليه يشرح لك كل شي وقت ما انتي تزعلين .. يعني فهميه انتي زعلانه من ايش وعطيه الفرصه يا يصحح غلطه يا يفهمك اذا انتي كنتي فاهمه غلط ..

جوري : .............

اميره تبتسم : تحبينه ..

جوري : واموت فيه بعد ..

اميره : ههههههههههههههههههههههه طيب ليه تقولين له اكرهك ..

جوري : من القهر اللي فيني ..

اميره : ههههههههههههه قومي قومي غسلي خلينا نطلع نفلها برى ..

جوري : طيب .. فديتك يا اميره والله اني احبك مره ..

اميره : خخخخخخخخخخخ ادري كل الناس تحبني مو بس انتي .. بس لا تخافين بضيفك مع قائمة الناس البست ..

جوري طقتها : هههههههههههههههههه واثقه ..

اميره : هههههههههههههههه فديت هالضحكه .. يلا قومي ..

قامت اميره وسحبت جوري للحمام ودخلتها تحت المغسله وجوري تضحك .. غسلت وطلعوا الثنتين ..

هيفا : هلا .. هلا وغلا ومرررررررحبا .. هلا بالزين كله ..

اميره : فديتك هلا فيك يا عمري .. يالبى قلبك وش هالترحيب فديت روحك ..

هيفا تأشر بيدها : مالت عليك وعلى وجهك .. انا اقصد هالقمر اللي جنبك .. اللي لابسه بجامة زوجها ( غمزة لها ) ..

جوري : راحت عليك .. هلا يا عمري ..

راحت وجلست جنب هيفا ..

اميره : وانا جنب مين اجلس ..

ساره وتهاني فضوا لها مكان جنبهم : هنا هنا ..

اميره : تراني صرت رشيقه المكان مره كبير علي ..

البنات : ههههههههههههههههههههههههههههههههههههه ..

جلسوا البنات يسولفون .. واميره تكلمهم عن الرجيم والعمليه والحاله النفسيه .. قامت ولاء وسحبت هيفا ودخلتها الغرفه وسكرت الباب وجت لها تبتسم ..

هيفا : بسم الله خير ..

ولاء : احم .. شخبارك ..

هيفا ابتسمت : الحمد لله .. خير ..

ولاء : وش اخبار ملاك والعنود وعايلة عمك ..

هيفا تغمز لها : تبين اخبار العايله كلها ولابس هالثنتين ..

ولاء ابتسمت : يعني انتي كريمه وانا استاهل تعطيني اخبار يلا ..

هيفا : احم والله الصراحه عمي ناويه يزوج واحد من عياله لوحده من بنات عماني .. يعني الحين الدور على وليد .. عاد تعرفين هالانسان ماله داعي بالحياة ابد يختي مدري وش يبي ..

ولاء تغير لون وجهها : يعني بيتزوج ..

هيفا ابتسمت وتأكدت من الشي اللي هي شاكه فيه : ايه شفتي .. بس تصدقين احسن .. يمكن عمي يآخذ له بتول بنت عمتي دلال ..

ولاء بعصبيه : بتول . يع .. وش هالاسم .. بتووول .. يااااااااااااااع .. يوم قلتي اسمها تذكرت التبوله .. بعدين لا تقولين هذيك المغروره الشيفه اللي رازه خشمها بالسما ..

هيفا : ايييييييييواااااااا عليييييييييييك نووووووووور ..

ولاء : الله يطيح فوقها جدار ان شاء الله .. وش تبي ذي .. بعدين تعالي وليد يبيها ..

هيفا : تدرين شكله مبسوط على السالفه .. تدرين مغرور بيآخذ مغروره .. وافق شنٌ طبقه .. ( ابتسمت )

ولاء : والله ما اقول الا كش عليها .. من زينها تآخذ ذاك المزيون .. والله لو اخذها فهو اكبر حمار بالرياض كلها ..

هيفا : طيب بسألك ..

ولاء بنرفزه : خير ..

هيفا تبتسم : ليه عصبتي ..

ولاء لفت وجهها : ماعصبت ولا شي ليه اعصب اصلا على شي ما يسوى ..

هيفا مسكتها مع دقنها ولفت وجهها عليها : علينا ولاؤووه ..

ولاء : وش تبين انتي بالضبط الحين .. لو سمحتي خليني بحالي ..

هيفا ضحكة بقوه وقامت تصفق : هههههههههههههههههههههههههههههه تحبه تحبه تحبه ..

ولاء عطتها نظره : ايه احبه ليه فيها شي .. يعني الصراحه ولد عمك ينحب حسبي الله عليه ..

هيفا : طيب لا تتحسبين يا حيوانه .. ولد عمي هذا .. احبه بعد ..

ولاء مسكتها مع رقبتها وسدحتها على الكنبه وصارت فوقها ..

ولاء : اسحبيها اسحبيها بسرعه ..

هيفا : آآآآآآآآ .. قومي عني ترى والله بدق على ملاك اقولها زوجو وليد لبتول قومي ..

ولاء : تخسي تبوله تآخذ وليدو ..

وخرت ولاء وجلست على الكنبه ..

هيفا : مالت عليك وليدو يعني اني ادلعه .. مااااااااااااااااااااااااااااااالت ..

ولاء : تحصلينه انتي .. والا يعني عشانه مايعطيك وجه ..

هيفا : من زينه ومن زين شيفته ..

ولاء : ههههاااااااااااااااي عشان دايم مايعطيها وجه ..

هيفا : اقول طسي .. بس ..

قامت هيفا وطلعت برى وجلست مع البنات .. ولحقتها ولاء ..

? عــنـد .. الرجالـ ?

عبد العزيز : وين فهد ..

رائد : جوى ..

ابراهيم : طيب يا شباب .. عندنا شغل برى نبي احد يروح ..

رائد : احم .. انا مشغول بتجهيزات بقسمي ما اقدر ..

مشاري : وانا بعد .. ما اقدر ضروفي ماتسمح ..

سليمان : وش فيها ضروفك ..

مشاري : يبه مشغول ..

عبد العزيز : زين .. باقي فهد نشوف عنه ..

دق فهد على رائد : هذا هو دق .. هلا ..

فهد : هلا .. وين مفتاح المزرعه عندك ..

رائد : ايه .. ليه ..

فهد : ابيه عندي اغراض بآخذها .. انت لين الحين ببيت جدتي ..

رائد : ايه ليه انت وينك ..

عبد العزيز : قله يجي ..

فهد : انا طلعت .. يلا شوي وبجي اخذه خلك عند الباب ..

رائد : لا ادخل عمي يبيك بشغل ..

فهد : وشو ..

رائد : مدري تعال وبس ..

فهد : الله يستر يلا جاي ..

مامر غير عشر دقايق الا فهد عندهم ..

فهد : السلام ..

الكل : وعليكم السلام ..

فهد وهو يجلس جنب ماهر : خير يبه بغيت شي ..

عبد العزيز : ايه .. الله يسلمك عندنا شغل برى .. نبي احد يروح له .. ورائد ومشاري عندهم ارتباطات ..

فهد : مو مشكله اروح ليه لا ..

العمان استغربوا .. فهد بالعاده يرفض انه يروح شغل برى الرياض .. بس هالمره عنده غير .. ماعاد صارت تفرق اللي كان يجلس عشانها هالمره تبي تبتعد عنه ..

فهد : متى بس ..

عبد العزيز : الوقت اللي تبيه .. بس ياليت يكون بدري ..

فهد : وين طيب ..

عبد العزيز : بروما ..

فهد : اوكي بشوف اذا لقيت حجز اليوم رحت ..

عبد العزيز : اليوم ..

فهد : ايه يبه مو توك تقول تبيه بدري .. خلاص اذا فيه رحله اليوم رحت .. ابشر ..

مشعل : فيه اليوم رحله ..

فهد : والله ..

مشعل : ايه .. اخوي وليد بيروح اليوم عليها ..

فهد : الساعه كم ..

مشعل: الساعه 7 المغرب ..

فهد : حلو .. يمديني احجز .. يلا فمان الله ..

قام فهد وطلع ولحقه مشاري ..

مشاري : فــهــد .. فــــهــــد ..

فهد : هلا ..

مشاري : من جدك انت ..

فهد : ايه من جدي ليه شايفني العب معاكم ..

مشاري : وجوري ..

فهد : خلاص كل شي انتهى ..

مشاري فتح عيونه على الاخر : طــلـــقـــتـــهــــآآ ..

فهد : لا بعد ما ارجع .. يلا الحين .بروح الحق احجز وارتب اغراضي ..

مشاري حط يده على كتفه : عطوا بعض فرصه ياخوي عشان يتصلح كل شي .. انتم تحبون بعض .. الطلاق مو سهل .. ولا هو حل ..

فهد : هي الي بغت هالشي .. وش اسوي .. مابي اعيش مع انسانه عايفتني وعايفه العيشه معاي خلاص كرامتي الزم علي .. يلا فمان الله .. اشوفك ان شاء الله ..

مشاري : انا بوديك المطار .. ولا اقولك بروح معاك احجز له ..

فهد ابتسم : يلا ..

طلعوا الاثنين وراحوا .. لقوا حجز ولحسن الحظ فهد كان توه مجدد الفيزا .. يعني ما اخذ منه شي غير انه يجحز التذكره ويقص كرت صعود الطائره .. راح بيته ودخل هو ومشاري .. مشاري راح وجلس على التلفزيون وجلس يقلب بالقنوات .. وفهد بالغرفه يرتب شنطته ..

مشاري : فهودي .. عندك ببسي ..

فهد : مدري افتح الثلاجه ودور ..

قام مشاري وراح فتح الثلاجه اخذ له ببسي واخذ له مكسرات من الطاوله وراح جلس على التلفزيون ..

جاله فهد وجلس ..

فهد : آآآآآآهـ ..

مشاري : خلصت ..

فهد سحب الصحن منه : ايه خلاص .. من سمح لك تآخذه ..

مشاري سحبه منه : انا سمحت لنفسي ليه عندك مانع ..

فهد رجع سحب الصحن : ايه .. حق جوري ..

مشاري اخذ الصحن وحطه على جنبه الثاني : طيب ابي ..

فهد ابتسم : عليك بالعافيه .. ماظنتي بترجع تآكله مره ثانيه ..

مشاري : لا ان شاء الله .. بترجع ونص .. حبكم اقوى من كذا ..

فهد : اي حب واي خرابيط قلت لك .. هي ماتحبني اصلا .. قالت لي اكرهك .. تكرهني يا مشاري تكككرررررههههههنننننييييي .. افهم ..

مشاري : هد اعصابك .. وخلك ريلاكس .. الحين مقهوره .. واذا رجعت كل شي بيتصلح ان شاء الله ..

فهد : ماظنتي ..

مشاري : وانا بعد ماظنتي تروح سليم لروما .. شكلي بذبحك وافقع وجهك .. ياخي خل عندك تفاؤل ..

فهد : ههههههههههههههههه .. طيب طيب خلاص .. قم بروح السوق بآخذ لي كم غرض وبطلع المطار ..

مشاري : يلا ..

قاموا الاثنين وطلعوا وطبعا فهد اخذ شنطته معاه لان من السوق للمطار ..

!??ٍ??? فبيتـ اهل مشعل ??????

الهنوف : طيب متى بترجع ..

وليد : متى ماقالوا الدوام ارجع .. رجعت .. شفيكم .. ماني مهاجر ..

ملاك : بس انت اول مره تسافر سفره طويله ..

وليد ابتسم : داري بتشتاقون لي ..

ملاك : مره ..

وليد : فديتكم والله ..

العنود : خلاص عاد بيروح فتره وبيجي .. على قولته مو مهاجر ..

وليد : سمعتوا العاقله وشتقول .. يلا عاد ..

دق جوال وليد وكان مشعل : هلااا ابو جود ..

مشعل : هلابك زود .. مشيت ..

وليد : لا شوي بس اهلك عيو يخلوني اروح ..

مشعل : زين حبيبي بطلبك ..

وليد : امر .. وابشر بعزك ..

مشعل : فديتك والله .. ابيك تحجز بنفس الفندق اللي ساكن فيه ..

وليد : ليه بتلحقني ..

مشعل : لا مو انا .. فهد ولد خال تهاني .. بيروح معاك وماحجز .. احجز له ..

وليد : اوكي .. بيروح شغل هاه .

مشعل : ايه .. شركة اهله ..

وليد : اوكي ولا يهمك ابشر .. الحين ادق واحجز ..

مشعل : فديتك والله يلا تروح وترجع بالسلامه ..

وليد : الله يسلمك .. ماراح تجي ..

مشعل : مدري يمديني اجي اوديك .

وليد : ايه يمدي .. تعال ..

مشعل : اوكي يلا ..

سكر منه وعلى طول استأذن منهم ..

عبد الله : بس ارجع ..

مشعل : ان شاء الله .. يلا فمان الله ..

طلع منهم وراح لبيت اهله سلم على امه وخواته وطلع مع وليد وراحوا المطار .. جهزوا كل شي .. بعدين وقفوا يسولفون شوي الا مشاري وفهد جايين ..

مشاري وفهد : مرحبا ..

مشعل ووليد : مراحب .. هلا وغلا ..

سلموا على بعض وليد وفهد ومشاري ..

مشعل : يلا طيارتكم ..

فهد : باقي ..

وليد : باقي ساعه ونص ..

مشاري : بس وراكم جوازات واشياء تعور الراس ..

وليد : عادي مآخذ بندول معاي ..

مشعل : شي غير منوم مايفكك من جوازات الرحلات الدوليه ..

فهد : هههههههه لازم تموت عشان تنسى غثاها ..

وليد : هههههههههههه صادق والله .. يلا نمشي ..

فهد : يلا ..

سلموا على بعض ..

فهد يكلم مشاري : سلم لي على اهلي .. ترى ماودعتهم .. وخاااصه رائد ..

مشاري : يوصل ان شاء الله .. حاول تفكر بالسالفه حط احتمال الطلاق اخر احتمال .. وانتبه لنفسك لاتنحرف .. وليد هالله هالله فيه ترى قابل للانحراف ..

مشعل : وليد يبي له احد يتوصى فيه ..

مشاري : عز الله اللي رجعوا لنا جون وريمون ..

الكل : هههههههههههههههه ..

سلموا على بعض ودخلوا .. وقفوا مشعل ومشاري لين راحوا عنهم مره ..

مشاري : شرايك نلحقهم ..

مشعل : هههههههههههه ودك ..

مشاري : ههههههههههههههه .. الله يوصلهم بالسلامه ..

مشعل : ويرجعهم بالسلامه ..

طلعوا من المطار وراحوا بيت الجده .. ودخلوا سوى ..

مشعل ومشاري : السلام عليكم ..

الكل : وعليكم السلام ..

عبد الله : وديته ..

مشعل: ايه خلاص ..

الكل : الله يوصله بالسلامه ..

مشعل : امين ..

مشاري : يسلم عليكم فهد ..

عبد العزيز : مشى ..

مشاري : مع وليد .

رائد : ليه ماقالي ..

مشاري : جت سريع سريع .. ويسلم عليك خاااااصه ..

رائد : الله يسلمه فديته ..

? عــنـد .. البنات ?

كانوا جالسين فوق مكانهم ما تحركوا .. دق جوال غيدا وطالعتها جوري ..

غيدا : ههههههههههههههههههههه .. هلا حبيبي ..

بدر : هلا القلب ..

غيدا : هلا وغلا .. شخبارك ..

بدر : تمام .. وش عندها ترى انا اللي جايبك ..

غيدا : دوووم ان شاء الله .. بس اشتقت لك .. حرام ..

بدر : واااااي امووت اروح ملح مع اللي يشتاقون لي .. فديت روحك .. طيب غيدا ..

غيدا : عيونها ..

بدر : فديت عيونها انا .. احم .. تبون ايس كريم ..

غيدا : ياليييييييييت ..

بدر : طيب لو جبت لي اطلب منك اي طلب ..

غيدا : وش تبي تطلب ..

بدر : اي طلب تكفين ..

غيدا : اوكي ..

بدر : طيب .. خلاص بخلي الطلب بعدين .. يلا وش تبون اي نوع ..

غيدا : اممممم .. انت كريم وحنى نستاهل .. جب كل شي ..

بدر : ههههههههههههههههه بتفلسيني .. خلاص اوكي .. يلا ربع ساعه ..

غيدا : اوكي ..

بدر : يلا باي ..

غيدا : باي .. لحظه لحظه ..

بدر : هلا ..

يتبع ,,,,,

👇👇👇

تعديل المقال