بداية

رواية توصي شي انا بكره مسافر -6

رواية توصي شي انا بكره مسافر - غرام

رواية توصي شي انا بكره مسافر -6

ما أبغى أظلمها معي
إياد : لا تقول هذا الكلام أنا متأكد إنها لو تاخذك بتكون أسعد إنسانة في الدنيا
فراس : السالفة أكبر من كذا يا إياد
إياد : فراس خوفتني تكلم وش عندك
فراس : الكلام اللي أقوله لك خله سر بيني وبينك فاهم ما يطلع مهما كان
إياد : أفا وأنا أخوك سرك في بير
فراس بحزن : الشي اللي يمنعني من الزواج إحممم هو إحممم
إياد : فراس إذا ما تبغى تقول عادي براحتك
فراس مخنوق : أنا ما أجيب عيال
إياد : ............
فراس بحزن : وأنا ما أبغى أظلم أختك هي من حقها تشوف حياتها وأكيد تبغى عيال
إياد : وإنت وش دراك إنك ما ....
فراس يقاطعه : تذكر الحادث اللي صار لي هو اللي أثر علي
إياد : فراس العيال مو كل شي وصدقني غلا ما بتلقى أحسن منك وأنا عارف إن غلا تحبك
فراس : تحبني ههه ألعب علي بغيرها
إياد : فراس أنا أتكلم جد غلا تحبك من يوم وهي صغيره وكلنا عارفين هالشي
فراس : عادي مراهقه مع الأيام هذا الحب يروح
إياد : فراس خلاص دام الشياب مصممين إحنا ما نقدر نسوي شي وأنا ما راح ألقى أحسن منك لأختي
وياما ناس ما يجيبون عيال وربي رزقهم بالذرية الصالحة
فراس : ونعم بالله
إياد : لا تكدر نفسك وأنا أخوك وقوم خلنا نصلي وادع ربي يسهل لك أمورك
فراس بابتسامة : ما أدري كيف كنت بأتصرف بدونك الله لا يحرمني منك يالغالي
إياد بابتسامة : ولا منك .. معك دايما في الرخا والشدة هههههه go


اليوم الثاني .....
هاني : فراس .. فراس
فراس : همممممم
هاني : قوم يالله ما بتروح الدوام اليوم
فراس : إلا كم الساعة
هاني : الساعة 7
فراس : أبوي راح
هاني : لا يستناك تحت متى رجعت
فراس : الساعة 5 ما نمت إلا ساعتين
هاني : الله يهديك
فراس : عبد الله وراه نايم مو مستلم
هاني : لا مو اليوم بكره أنا بأروح دوامي توصي شي
فراس : لا سلامتك
في شركة طلال .....
هاني + باسل : السلام عليكم
محمد : وعليكم السلام هلا والله تو ما نورت الشركة
هاني + باسل : منورة بوجودك
هاني : المدير موجود
محمد : إيه جوه تفضلوا
هاني + باسل : شكرا
طق .. طق .. طق .. طق
طلال : ادخل
محمد يكلم نفسه : أنا للحين مو فاهم عندهم شركة وش كبرها وتنافس شركة أبو عبد الله وما يشتغلون فيها
طلال : هلا والله يالله حيهم
هاني + باسل : الله يحيك
طلال : تو ما نورت الشرقية
هاني + باسل : منوره بوجودك
هاني : كيفك وش أخبارك وكيف الوالده وعبود
طلال : بخير الله يسلمك
باسل : كيفك أبو عبد الله وكيف صحتك
طلال : بخير الله يسلمكم تفضلوا
هاني + باسل : زاد فضلك
طلال : وش تشربون
باسل : لا عاد وش دعوة جايين نشتغل إحنا
طلال : لا والله ما تخرجون قبل ما أضيفكم
هاني : دامك ملزم أطلب لي عصير
طلال : ابشر وإنت يا باسل
باسل : كاسة مويه
طلال : ههههههه خفيف ابشروا الحين اطلب لكم ... محمد
محمد : سم طال عمرك
طلال : اطلب لي كاس عصير وكاس مويه
محمد : إن شاء الله
طلال : ما قلتوا لي كيف السفرة
هاني + باسل : تمام الحمد لله
طلال : وراكم رجعتوا بدري باقي ما خلصت إجازتكم
هاني : تعرف الشياب عندهم أشغال بالشركة واضطرينا نرجع
طلال : الله يعين الشغل ما يخلص
في سيارة فراس .....
أبو فراس : فكرت بكلامي زين ,, لا تفشلني مع عمك
فراس متضايق : ابشر يبه ما يصير خاطرك إلا طيب
أبو فراس : صدقني يا ولدي نبغى مصلحتك وبعدين راح تعرف إني صادق بكلامي
فراس : .........
أبو فراس : فرااس
فراس : أنزل يبه وصلنا مو وقته هالموضوع
أبو فراس : الله يهديك
فراس : ........
في بيت أبو إياد ( العصر ) .....
أبو إياد : وينها غلا فيه
ليان : تتروش
أبو إياد : لا خلصت خلوها تجيني بالغرفة
ليان : إن شاء الله
باسل يدق إياد : وش السالفة
إياد : بعدين أقول لك
ليان : يمه وش يبغى أبوي بغلا
أم إياد : ليش تسألين
ليان : أبغى أعرف
أم إياد قامت : روحي إسأليه
ليان : إياد وش السالفة
إياد : إحمم بكره ملكة غلا وفراس
باسل + ليان : !!!!!!!
باسل : ههههه من جدك إنت
إياد : لا من خالي تستهبل إنت
ليان : وشلون كذا
إياد : أبوي وعمي حددوا الملكه والزواج بدون ما يعطونا خبر
باسل : ومتى الزواج
إياد : بعد شهر
ليان : وشو هذا البنت ما يمديها تتجهز على الأقل كان خبر وها
إياد : حتى فراس توه درى أمس
باسل : وش دعوة وين عايشين إحنا
إياد : عاد الله يهديهم هالشياب
غلا بابتسامه : وش قاعدين تقولون
باسل بصوت واطي : والله إنك ما تدرين وش السالفة
غلا : وش تقول
باسل : أقول أبوي يبغاك بغرفته
غلا : ليه وش عنده
إياد : ما ندري روحي شوفيه
غلا : طيب أمرنا لله مع إني حاسه إنكم تعرفون لكن بأروح وش أسوي
ليان : هههههه شكلك توحفة بالبيجامه اللي لابستها
غلا : لييييه مو حلوه
إياد بابتسامه : إلا تهبلين بس مصغرتك
باسل : كنك بنت بأول ابتدائي ههههههه
غلا : هههههه أوكي بااي بروح أشوف أبوي
طق .. طق .. طق
أبو إياد : ادخلي
غلا : سلام يا أحلى أب بالدنيا
أبو إياد بابتسامة : وعليكم السلام هلا بغلاي تعالي أجلسي
أم إياد : و أنا مالي سلام
غلا : فديتكم اثنينكم عسى الله لا يحرمني منكم .. آمرني يبه بغيتني
أبو إياد : أجلسي بغيتك بموضوع
غلا : سم
أبو إياد : سم الله عدوك .. إنتي يا بنتي كبرتي ما شاء الله عليك وصرتي مرة وبسن زواج
وهذي طبعا سنة الحياة
غلا مغصها بطنها : ههههه وش مناسبة هالكلام تبي الفكه
أبو إياد : لا وش دعوة بس يا بنتي ولد عمك خطبك مني وأنا أعطيته كلمه
غلا : !!!!!!
أبو إياد : و إنتي وش رايك
غلا : تتكلم من جدك إنت
أبو إياد : إيه عمك يبغاك لولده فراس والملكه بكره
غلا : ؟؟؟؟ !!!!!
أبو إياد : وش فيك ؟؟
غلا مصدومه : بكره
أبو إياد : إييه
غلا بحيا : الشور شورك يبه ومالي كلمه بعد كلمتك بس بكره أنا ماني مستعدة
أبو إياد : ليه الملكه بتكون عائليه بالبيت يعني بس إحنا
غلا : بس
أبو إياد : لا بس ولا شي اليوم ينزلك أخوك إياد وشوفي اللي ناقصك وأختك ليان ما بتقصر بتساعدك
غلا : عن إذنك
أبو إياد : إذنك معك
ليان : غلا
غلا : نعم
ليان : أزغرط يا وليه
غلا : هههه منتي بصاحية
ليان + باسل : كلللللللللوش
غلا : هههههه عندكم خبر ولا تقولون لي
باسل : ما بغينا نصدمك ههههه
إياد : غلا أبغى أكلمك في موضوع
غلا : ورى هالموضوع موضوع ثاني بتجلطوني إنت و أبوي
ليان : وليه ما تكلمها قدامنا
إياد : بلاش لقافة تعالي يا غلا
غلا : سمعتي بلاش لقافة ههههه بايو
ليان : كلي تبن
في غرفة غلا ......
إياد : اسمعيني يالغلا الكلام اللي بأقوله لك مهم وما أبغى أحد يدري عنه غيرنا
غلا : أفا عليك تكلم وإنت متطمن
إياد : إنتي عارفة إن ملكتك على فراس بكره صح
غلا بحيا : إييه
إياد : بس الشي اللي ما تعرفينه هو إن فراس مو موافق
غلا مصدومه : ؟؟؟؟
إياد : حتى هو تفاجأ مثلك لما عمي قال له
غلا معصبه : وشلون أبوي يزوجني لواحد ما يبغاني هاااه
إياد : فراس مو رافضك لشخصك
غلا : أجل
إياد : فراس يا غلا ما يجيب عيال وهو ما يبغى يظلمك معه يبغاك تعيشين حياتك مثل أي بنت تتمنى إنها
تكون أم
غلا تشهق : طيب أحد يدري
إياد : لا بس هو قال لي أعلمك
غلا : إياد أنا قلت لأبوي إني موافقه
إياد : بس إنتي تقدرين ترفضين وأبوي ما راح يغصبك
غلا : لا أنا راضيه باللي كاتبه ربي وما راح ألقى أحسن من ولد عمي
إياد يسلم على راسها : الله يكملك بالعقل يالغلا يالله قومي البسي عبايتك عشان أنزلك السوق
غلا بابتسامه : إن شاء الله


في بيت أبو فراس .....
أم فراس : سديم قومي افتحي الباب هذا أكيد أخوك فراس
سديم : ميييين ؟؟؟
فراس : افتحي
سديم تصارخ : خالي أحمد
أحمد : هههههههه عيونه
سديم تحضن خالها : فديتك والله .. أحلى مفاجأة
أحمد : ليه ما تدرون إننا بنجي
سديم : إلا بس فراس ما قال لنا أي وقت كيفك شخبارك
أحمد : الحمد لله
الجده : ياللي ما تستحين على وجهك لاطعتني عند الباب ما تقولين عندي جدة أسلم عليها
سديم : فديت راسك يالغلا سامحيني .. وحشتيني كثيير
الجده : عساها من قلب
سديم : هههههههه ما تتركين حركاتك
هاني : ادخلوا حياكم
سديم : ليه ما علمتوني أجي معكم إنت وفراس
فراس : ليييه وشو له تجين
سديم : عشان أستقبل جدتي
الجده : ما هو بلازم
سديم : ههههه فديتك والله يمه .. لميس .. تعالوا خالي أحمد وجدتي جو
أم فراس : يالله تحييهم
أحمد : الله يبقيك كيفك وش أخبارك
أم فراس : بخير عساك بخير .. كيفك يمه عسى ما تعبتي
الجده : لا لا ما تعبت يا زينها هالطيارة
لميس : هلا وغلا
أحمد : هلا فيك
لميس تحضن خالها : وحشتني يا دب
أحمد : وإنتي أكثر .. كيفك
لميس : تمام يسرك الحال .. إزيك يا أحلى جده
الجده : هاااااه وشو زيك ما زيك
لميس : ههههههه أقول كيف حالك
الجده : بخير بصحة وعافيه .. وينه عبد الله
أم فراس : مستلم اليوم
أحمد : وينه أبو فراس
فراس : بعد ما يخلص شغله بيجي
أم فراس : تفضلوا الله يحيكم والله إنها أحلى مفاجأة
أحمد : مبروك فروس
فراس : الله يبارك فيك
الجده : على أيش تبارك له
أحمد : يمه فراس ملكته بكره على غلا بنت عمه
الجده : ياللي ما تستحي على وجهك وراك ما علمتني و إلا ناسي إن عندك جده
فراس : ولا تزعلين يالغاليه حقك علي أنا آآسف
الجده : مبروووك
هاني : بدري صح النوم بعد ما طيرتي عقله
الجده : اسكت لا والله لألفعك بالعصا يا مسود الوجه ياللي ما تستحي
هاني : ههههه بسول يسلم عليك بيجي اليوم
الجده : لا والله كملت لو أشوف وجيهكم لأتوطى في بطنك إنت وياه
فراس + سديم + لميس + هاني + أحمد : هههههههههههههه
هاني : فديتك يا نور
الجده : مين نور هذي
هاني : نور اللي مع مهند ذاك المزيون اللي تحبينه
الجده تضربه بالعصا : قوم أذلف عن وجهي يا قليل الأدب يالله حسن الخاتمه
هاني يغمز : ههههههه علينا عادي إعترفي
الجده : أعترف بأيش
هاني : إنك تحبين مهند المزيون
الجده : حبك جني إن شاء الله قول آآمين
الكل : ههههههههه
الجده : سعاد قولي لولدك يوخر عني إذا هذي أولها ينعاف تاليها
هاني يسلم على راسها : ههههه أحبك وش أسوي
أحمد : ههههه وخر عنها لا عصبت ما عاد تعرف ولدها حتى
هاني : الله يستر
سديم : هاني اليوم نزلنا السوق عشان نشتري فساتين لبكره
هاني : إن شاء الله .. فراس
فراس : هلا
هاني : متى تنزل تشتري الدبله والشبكة لعروستك
فراس : مو لازم
أم فراس : من جدك
فراس : قلت مو لازم ماني بفاضي
الجده : تبي تفشلنا إنت ووجهك
أحمد : فراس وأنا خالك ما يصير هالكلا م
فراس : أبوي وعمي هم اللي قرروا يتحملون المسؤولية
هاني : الله لا يفضحنا
فراس : أقول أنا عندي شغل وماني بفاضي يالله تامرون على شي
الكل : لا سلامتك
فراس : مع السلامة
الكل : مع السلامة
أم فراس : الله يهديه
سديم : والله إنه ما يستاهلها هالغبي
هاني : وش نسوي له عبيط وراسه يابس
أحمد : ننزل إحنا ونشتري لا تستنون فراس ما منه فايده
هاني : أوكيه بسرعة ألبسو ا عشان أنزلكم الحين
أحمد : بأجي معكم
هاني : لا توك راجع من السفر أرتاح
أحمد : لا بأجي يمكن أفيدكم بشي
سديم : إيه تعال معنا ذوقك يعجبني
أحمد : هههههه أبوك يالمصالح
سديم : فديتك والله يا توم كروز
الجده : ميييين كروووز هذا
سديم : هههههه سلمك الله هذا واحد مزيون زي مهند اللي تحبينه
هاني : ههههههه كفك
الجده : يا مال اللي ماني بقايله
لميس : ما عليك منهم يا جده ههههه يضحكون عليك
الجده : ضحك بهم جني
الكل : هههههههه
هاني : يالله بسرعة أنا أستناكم بالسيارة
سديم + لميس : أوكيه
أبو فراس : السلام عليكم
أحمد : هلا والله وعليكم السلام
أبو فراس : يالله إنك تحييهم
أحمد + الجده : الله يبقيك
أبو فراس : كيفك عساك بخير إن شاء الله ما تعبتوا
أحمد : لا بخير الله يسلمك
أبو فراس يسلم على عمته : كيفك يا عمه إن شاء الله ما تعبتي
الجده : لا يا ولدي الحمد لله السفر متسهل كيفك إنت بشرني عن صحتك
أبو فراس : الحمد لله بصحة وعافيه .. سعاد
أم فراس: سم
أبو فراس : سم الله عدوك وينه فراس
أم فراس : .......
هاني يناظر بخاله : طلع يبه قبل شوي عنده شغل بيخلصه ويرجع
أبو فراس : أي شغل هذا .. وراه ما يجهز نفسه ناسي إن ملكته بكره
أحمد : خله يا أبو فراس براحته لا خلص بيجي
أبو فراس : إشترى الدبل
هاني : إيييه يبه قال بيشتريها بعد ما يخلص
أبو فراس : إييه زين ,, خذ أخواتك ونزلهم السوق
هاني : إن شاء الله
أبو فراس : يالله تامرون على شي .. بأروح أريح شوي
أحمد : خذ راحتك
أم فراس : الله يهديك يا فراس بغى يورطنا مع أبوه
الجده : دامه ما يبغى الزواج ليه تزوج
أم فراس : أبو وعمه هم اللي زوجوه بدون ما يدري
الجده : حلوه ذي أجل خلي زوجك يستاهل هرج فاضي
أم فراس : الله يعين
هاني : يالله بنات مشينا
سديم + لميس : يالله
في السوق .....
هاني : يالله أيش الزحمة هذي
أحمد : صيفية
سديم : طالعي لميس يلعن شكله ياخذ العقل
لميس : أي واحد
سديم : هذا اللي لابس برمودا بيج وتيشيرت بني
أحمد : عيني عينك ما في حيا
هاني : لميس يعني عندها شوية حيا بس سديم إغسل إيدك منها
سديم + لميس: ههههههههه
هاني : وينه هذا المزيون اللي تتكلمين عنه
سديم : هذا اللي لابس برمودا بيج وتيشيرت بني واقف مع زوجته
هاني يطالع : الله يلعن شكلك هذا أبو عبد الله
أحمد : مين أبو عبد الله
هاني : المدير اللي أشتغل بشركته
لميس : هذي زوجته
هاني : لا زوجته ماتت هذي أخته وولده عبود
سديم : يا قلبي يجنن شكله صغير
هاني : عمره3 سنوات
طلال يلتفت : مين هاني
هاني : هلا والله كيفك شخبارك عساك بخير
طلال : تمام الحمد لله
هاني : هذا خالي أحمد
طلال : هلا فيك كيفك عساك بخير
أحمد : تمام الحمد لله يسرك الحال
طلال : الحمد لله على السلامة متى الوصول
أحمد : توني اليوم جاي بأحضر ملكة فراس و أسافر
طلال : بالتوفيق إن شاء الله
هاني : لا تنسى يا أبو عبد الله تجي بكره إنت والأهل
طلال : إن شاء الله
عبد الله : بابا .. بابا
طلال : ها حبيبي
عبد الله : أنا ثفت ثيارة حلوة أبغى أثتريها (( أنا شفت سيارة حلوة أبغى أشتريها ))
طلال : طيب يا بابا
هاني : عبود تجي معي
عبد الله : أول إنت مين
هاني : أنا صديق بابا
عبد الله : وث أثمك (( وش إسمك ))
هاني : اسمي هاني
عبد الله : بابا إنت تحب هاني
طلال : إيه يا بابا
عبد الله : خلاث بأجي معك (( خلاص بأجي معك ))
هاني : حياك
طلال : لا عبود يا بابا إحنا شوي ونروح البيت
هاني : لا تكفى خله يجي معنا وإذا جيت رايح جبته لك
طلال: ههههه خلاص روح بس خلك مؤدب فاهم
عبد الله : تيب (( طيب ))
هاني : يالله تامر على شي
طلال : سلامتك
هاني : يالله مشينا
سديم تبوس عبود : ياه يا ناس فديتك والله تجنن
لميس : أيش إسمك يا بطل
عبد الله : اسمي عبود
لميس : فديتك
سديم تحضنه : يا قلبي أنا .. أحبك كثيييير
عبد الله : حتى أنا أحبك كثيييييير
هاني : هههههههه خلاص الناس تتفرج يالله إمشوا باقي ما شريتوا شي
أحمد : لا أحسن خلهم ينامون هنا شايفين باقي في وقت
سديم تمسك بيد عبود : يالله مشينا
عند طلال .....
مها : مين هذولا
طلال : هذا هاني ولد أبو فراس اللي يشتغل عندي
مها : غريبة ليه مايشتغل بشركتهم معروف أبو فراس تاجر كبير
طلال : ما يبغى .. يبغى يكون نفسه بنفسه
مها : طيب ليش عبود راح معهم
طلال : هاني يبغاه يجي معه
مها : هذولا أخوانه
طلال : ذاك خاله والبنات أخواته
مها : طالع أخته كيف تسلم على عبود شكلها تحب الأطفال
طلال بابتسامة : يالله مشينا
عند هاني .....
أحمد : سديم وش رايك بهالفستان
سديم : أي واحد
أحمد : هذا النيلي مره حلو وهادي
سديم : إيه يجنن بآخذه
هاني : حلو سديم وإنتهينا منها
سديم : لاااا باقي الجزمه الله يكرمك والإكسسوار
هاني : إيه ما عليه هذي بسيطة بس أهم شي الفستان خلصنا منه
لميس : باقي أنا محتاره وش آخذ
أحمد : إنتي اللون الأحمر يناسبك
هاني : أجل خذي هذا مره حلو
لميس : واو روعة
عبد الله : إذا لبثتيه تثيرين زي سندريلا (( إذا لبستيه تصيرين زي سندريلا ))
لميس : ههههههه إيه
بعد ما خلصوا البنات من أغراضهم
أحمد : خلاص باقي الدبلة والشبكة خلونا نشتريها
هاني : يالله
سديم : لا دقيقة خل نشتري لعبود
هاني : أوكيه
لميس : ناخذ له من ماذر كير مره حلو
سديم : تعال عبود
عبد الله : تيب (( طيب ))
هاني : يالله بسرعة هذا طلال يدق
سديم : طيب دقيقة بس
هاني : هلا طلال
طلال : أهلين وينكم أنا ماشي
هاني : أوكيه جايك الحين
طلال : لا قول لي وينكم عشان أجيكم
هاني : إحنا عند محل ماذر كير
طلال : أوكيه سلام
هاني : ها سدومه خلصتي
سديم : إيه خلصت
طلال : السلام عليكم
هاني + أحمد : وعليكم السلام
طلال: يالله عبود
عبود : بابا ثوف (( بابا شوف ))
طلال : ليش يا هاني تكلفون على حالكم
هاني : يستاهل عبود
طلال : يعطيكم العافية
هاني : الله يعافيك
أحمد : هاني شوف هذي البنت جايه لنا
هاني : يمكن تبغى مساعدة
طلال : هههههه قال مساعدة
البنت : سلاااام
هاني منزل راسه : وعليكم السلام تبغين شي يا أختي
البنت : أموت على الثقل يا شيخ مرتبط
هاني : إنتي وش يخصك
سديم بصوت واطي : طالعي قليلة الأدب وش تقول
لميس : ما عاد فيه حيا
طلال : هههههه سلام أخليك
البنت : عموما هذا رقمي متى ما فضيت دق أنا أستناك
سديم تاخذ الرقم : صدق إنك قليلة أدب الشرهه مو عليك على أهلك اللي ما ربوك
هاني + أحمد + لميس + طلال + مها : ............
البنت : لا تتكلمين على أهلي فاهمه
سديم : لا تعالي اضربيني أحسن .. بنات آخر زمن خلي عندك شوية كرامة بدل ماترمين نفسك على الرجال
البنت : احترمي نفسك
سديم : أنا محترمة نفسي ما يحتاج خذي رقمك ههههههه محنا بحاجته يالله مشينا
أحمد : يالله
هاني : إنتي وش سويتي
سديم : أحسن تستاهل قليلة الأدب
أحمد : هههههههه فشلتها
هاني : ههههههه كفو والله
لميس : إنت ما شفت كيف طلال وأخته مصدومين من ردة فعلها هههههه
سديم : والله فقعت قلبي.. مرتبط مالت عليها


يتبع ,,,,

👇👇👇
تعليقات



    حجم الخط
    +
    16
    -
    تباعد السطور
    +
    2
    -