رواية اضمك وين من حسادي واحميك -6
زياد بالقوه ماسك نفسو:.خلاص اسكت
اسراء:.اطلع برا
الدكتور:.خلاص ياخوي اطلع عشان نعرف نشتغل
زياد:.اشبي معطلك
دكتور:.هيا بتتحرك ومااعرفش اشتغل
زياد :.طيب امري لله
زياد :. اسراء ماغيرتي كلامك وتبغني اجلس
اسرا ء:. لا
طلع زياد برا شافو حاتم وراح عندو
حاتم:.ليش طلعت ؟!
زياد:. ياخي اسراء جالسه تبكي وانا وطاح عليا ضحك وعصبت عليا وطلعتني برا
حاتم:.وانتا سمعت الكلام وطلعت
زياد:.لا اسرا ءتتحرك كثير والدكتور مو عارف يشتغل وخرجني هو كمان
حاتم:.طيب انا بادخل
زياد:.بي صفتك ايش تتدخل
حاتم:.ولد عمها وبعدين هيا متغطيه وطل في وبعدها قال اكرمني بي سكوتك كاني بروح اكلها
دخل حاتم:.السلام عليكم
الدكتور:.لوسمحت انا عندي مريضه استنى دورك
حاتم:.انا مع مريضه
الدكتور:.اهاا
بعد شويه
حاتم:.كيف دكتور الحرق
الدكتور:.لا خفيف جات
حاتم:.اسراء يعورك
اسراء:.يعني
الدكتور:.هو انا راح اكتب لكي مسكن راح يخفف الالم
حاتم :.اهاا حلو طيب
خلص الدكتور وكتب لي اسراء الدوا
حاتم:.اسراء اصبري انادي زياد يساعدك
اسراء:.اذا كان نفس الطريقه اللي جابني فيها لاتنادي
حاتم:.ههههه طيب اقولو
دخل زياد :.ها اشيلك
اسراء:.لا استريح
زياد:.اشبي ابغى اشيلك حاسه نفسك نحيفه
حاتم:.لاتقلبوها مضاربه يلا خلينا نروح0
ركبو السياره وزياد راح يجيب الدوا
اسراء:.حاتم
حاتم:.هلا
اسراء:.شكرا ومعليش تعبتك معايا0
حاتم:.وي ماسويت شي وعلعموم عفوا
جا زياد وركب السياره:. خذي هدا الدو وفي مرهم وشاش وغيري الجرح كل بعد 6ساعات ولاتعالي ايش سبب الرجه دي كلها
اسراء:.ابد سلامتك سويت ليا اكل ولما جيت اخرج شفت بسه قدامي
قاطعها زياد:. يآآآآآآآاي دلع بنات يعني
اسراء:.دلع في عين العدو اصلا اللي فجعني اني مالي ثواني لفيت ومكان في شي ولما جيت ابغى اخرج اشوفو يستقبنلي وغير كان في مويه بالارض
زياد:.ههه بس خلاص اكلتيني
اسراء:.احسن لا تتجادل معايا
وصلو البيت على 3ونص استنو حاتم وزياد الصلاه الفجر صلو ونامو اما اسراءجلست على النت وعلى الساعه7صحو الجميع من النوم
شهد:.ووي اسرااااء اشبها رجلك
اسراء مندمجة مع المنتدى :.ياخبله خلعتني
شهد:.من جد اشبك
دخلو حنين وعهد دا الوقت
عهد:.ايش في
شهد:.شوفي رجل اسراء
حنين :.اح ايش هدا
اسراء:.ابد سلامتكم كل اللي صار(وقالت ايش صار لها من يوم ماتحرقت لين مارجعت من المستشفى)
شهد:.ههههه نفسي اشوف شكلك وانتي تبكي
اسراء:.اشوى بس ماشفتي كفايه زياد ماقصر
حنين:.ههه ماخفتي لما خرج زياد
عهد:.حلوه تخاف وهيا اللي قالت له اخرج
اسراء:.ياختي رفع ضغطي بس جالس يضحك وبعدين مافي شي يحوج للخوف
حنين:.وربي لوكنت بي مكانك اموت خوف انا والدكتور لو وحدي
اسراء:.هههههه لا مو دي الدرجه بيغى ياكلني يعني
وبعدها
دخلو الحريم كل وحده شافت رجلهاتجلس تسال وهيا تجلست تعيد السالفه لين ماطفشت وقامت وتبغى تروح عند البنات بالمطبخ
ام محمد:.يمه اسراء على وين
اسراء:.بروح عند البنات
ام ياسر:.اجلسي انتي تعبانه
اسراء:.لامافيا شي
وراحت عند البنات
عهد:.ههه شرتي من التحقيق
اسراء:.ايوا اضحكي ماجيتي مكاني اللي يسمعهم صار فيا جريمه من حرق
بعد ربع ساعه كانو النبات يهرجو في المطبخ دخل احمد
احمد:.صباح الخير
البنات :.صباح النور
شهد:.قبل ماتسال تقلد احمد اشبها رجلك يااسراء ؟ وقالت له
اسراء:.هههههههههه شاطره حافظه الدرس
احمد:.سلامات سرو ماتشوفي شر
اسراء:.الشر مايجيك
احمد:.يلا راحت عليكم
حنين :.ايش اللي راح علينا
شهد:.صح لاتحكم من عندك
احمد:.وي اكلتوني
عهد:.طيب يلا قول
احمد:.كنت ابغى اسوي تحدي
اسراء:.يلااا من زمان عن التحدي
احمد:.هههههه دحين انا قلت بلاش عشان رجلك
اسراء:.ماعليك فيا بس قول
احمد:.التحدي انو انو انو
شهد:.انو ايش يلا اللي بعدها
احمد:.نروح عند الغنم
حنين:.وععع
احمد:.ههه وهذا انا لسى ماكملت كلامي
شهد:. طيب رحنا ايش نسوي بعدها
احمد:.وابغى منكم تحلبو واللي تحلب اللبن لها اللي تبغى
عهد:.وع ماابغى اروح هذا اللي ناقص
حنين:.من جد ولا انا ماابغى اروح
اسراء:.وربي فله يلا انا ابغى ادخل التحدي
عهد:.انتي من جدك
اسراء:.لا من عمي هههه
اسراء:.وانتي شهد تروحي ولا لا
شهد:.ايوا رايحه على الاقل احقق شويه من حلم الطفوله
حنين:.هههه ايش هو حلمك
شهد:.اعيش حياه هايدي ودحين اتحقق جزء منها
عهد:.كيف؟!
شهد:.انا هايدي واحمد بيتر واسراء كلير
احمد من اول ساكت ومتحمس يحسب عندها سالفه رمى عليها علبه المناديل:.بيتر في عينك
اسراء ميته ضحك من رده فعل احمد:.ههههه وانا ليش كلير شافيتي ماقدر امشي
شهد:.لا محروقه
اسراء:.حماااره
احمد:.يلا اللي تبغى تجي تروح تجيب العبايه
راحو اسراء وشهد واحمد
اما حنين وعهد جلسو ويسو حلى للقهوه
ودخل عليهم حاتم
حاتم:.كيف حال الحلوين
حنين:.تمام انتا كيفك
حاتم:.منيح
عهد:.غريبه صاحي
حاتم:.ليش
عهد :.عشان امس سهران مع اسراء في المستشفى
حاتم:.ههه ليش قالت لكم
حنين:.هههه وربي تحزن
حاتم :.ليش
حنين:.لو اقولك عاده القصه 10مرات قليل
حاتم:.وي ليش دا كلو
عهد:.كل مين يجي يسال وهيا تجاوب
حاتم:.فين شهد
حنين:.مع اسراء واحمد
عهد:.اتخيل حاتم الهبل اتحداهم احمد يرحو يحلبو من الغنم
حاتم:.ههه لاتقولي راحو
عهد:.ايوا ولا ازيدك من الشعر بيت الخبله تقول ابغى احقق جزء من احلام الطفوله
حنين:.هههه بس بصراحه رده فعل احمد تحفه
حاتم:.ايش سوى
حنين :.شهد تبغى تعيش حياه هايدي فتقول احمد بيتر واسراء كلير دام انها محرقه بدل معوقه
عهد:.المشكله انو احمد متحمس يحسب عندها سالفه
حاتم:. دحين هما فينم
حنين:.عند الغنم
حاتم:.وربي مهوين
عهد:.ماقلت شي جديد
حاتم هو رايح لي مجلس الرجال سمع اصواتهم قال بروح يشوف
على ماوصل كانو مخلصين بس كل واحد فيهم ميت ضحك قامو البنات وراحو وحاتم راح عند احمد
حاتم:.بشر كم وحده ماتت تحت يدهم
احمد:.اسكت ياشيخ وربي جننوني قلتهم بلاش تحدي يقولو مافي وبيغي يكملو
حاتم :.ليش ايش سو
احمد:.قول ايش ماسو وجلس يقلدهم
حمود هدا شكلو يخلع غيرو .وهدا يطل فيا بي نضارات تخلع غيرو.هدا شعرو فيلو وسخ غيرو .وهدا مدري ايش فيلو غيرو..
حسسوني انهم يختارو عريس وفوق كل هدا لما اسقرو على واحد حطو مناديل في يدهم وجلسو يحلبو
حاتم:.ههههههه وربي تحف ههههه مناااديل هااا هههههه
احمد:.ههه ااه بس قد ماضحكت قد مارفعو ضغطي
بعد المغرب جو الرجال اللي عزمهم الجد للعشان رجعت حاتم زياد وبعد مااخرجو
رجعو العوايل لي البيت وكل مين شاف اشغاله
(... قراءه ممتعه..)
(... البارت 11..)
يوم السبت العصر
عهد:.شهد بروح لي حنين تجي معايا
شهد:.مين جاي
عهد:.خالاتها وبناتهم جاين يسلمو على حاتم
شهد:.طيب جاين يسلمو على حاتم اشلنا نروح
عهد:.انا بروح اساعد حنين وبعدها عندي كدا شي ابغاها تشرح لياشي ماني فاهمته
شهد:.طيب إسراءجايه
عهد:.لا
شهد:.ليش
عهد:.كلمتها حنين تقول بيت جدها مسوين عشا لي زياد وامها اصرت عليها تروح
شهد:.افففف
عهد:.رايحه ولا لا دحين
شهد:.ايوا رايحه احسن من الطفش وجلست البيت
في بيت ابو حازم ..
جالسين البنات هرج وسوالف ودق جوال حنين وكان حاتم يقولها يبغى يسلم على خالاته قبل لايروح للشباب
ودخل حاتم وجلس يهرج
هيفاء:.واااو حنين اخوكي محلو
حنين :.عيونك الحلوة
شهد اعطتها نظرة
هيفاء:.اشوف كلامي مو عاجبك ياست شهد
شهد:.لا مو عاجني عندك مانع
حنين انقذت الموقف قبل لاتصير مضاربه بذات كل وحده تموت على مضاربه ومحد يقدر يسكتهم
حنين:.بنات يلا نروح الغرفه الثانيه بعيد عن الحريم وناخذ راحتنا اكثر
البنات:.يلااا
هيفاء:. اصبري شويه نروح
شهد :. يختي استحي على دمك وقومي بس
عهد :. شهــــــــــــد
شهد:. ماقلت شي غلط الا تبغى تشوف حاتم غصب من جد قلة ادب
هيفاء :. عيدي ماااسمعت ياست شهد
شهد :. كلام الملوك ماينعاد وطلت في حنين يلا نروح واللي بيغى يجلس يجلس .. طلت في هيفاء
جلسو يهصو البنات لين الساعه 11مافي احد بالبيت غير عهد وشهد وحنين بالصاله ويتفرجو على فلم
وعلى الساعه وحده دخل حاتم
حاتم:.اهلين بالحلوين
حنين:.هلا فيك
عهد:.وسهلين بالحلو
شهد:.هلا والله اسفرت وانورت واستهلت وارحبت
حاتم:.لا لا لا مقدر على كدا
حاتم:.هاا كيف هرجتكم
عهد:.حلوه
شهد:.وع مره ماهي حلوه
حاتم:.ههه افا ليش ياشهد
حنين:.ههه لابس عشان الثنائي ما جات اليوم وتعاونها على مضاربه
شهد:.يختي وربي غثا بنت خالتك مااااحبها وترفع ضغطي
حاتم:.مين قصدك
شهد:.هيفاء
عهد تستهبل:.شكلك ياشهد ماعرفتي
شهد:.ايش اللي ماعرفتو؟!
عهد:.امي تبغى تخطبها لي فهد
شهد:.نعم نعم نعم والله مايخذها
حنين:.شهدو تراكي تتكلمي على بنت خالتي
شهد:.قلتيها بنت خالتك مو اتكلم عليكي
حاتم:.ههه يلا انا طالع الغرفه
شهد:. حاتم
حاتم :. هلا
شهد:.تبغى تنام
حاتم:.لا ليش
شهد:.عشان لو الاخوات جو يذاكرو اجي اهرج معاك
حاتم:.الله يحيكي
طلعو بنات غرفه حنين
حنين وعهد جلسو يذاكرو
اما شهد جلست تقلب جهاز حنين ..لقافه*_^
شويه يدق جوال عهد
عهد:.هلا
فهد:.السلام عليكم
عهد:.وعليكم السلام
فهد:.اقول عهد
عهد:.قول
فهد:.شوفي انا تعبان ومكسر وابغى انام لو حاتم صاحي خلي يجيبكم لو نام بكره الصباح اجي اخذكم
عهد:.من جدك تتكلم انتا
فهد:.ايوا من جدي
عهد:.لو قلت من بدري نجي مع السواق
فهد:.خلاص شوفي حاتم ومع السلامه
عهد:.اف عله
شهد:.ايش في
وقالت لها عهد ايش قال
حنين:.عادي يابنت حاتم يوديكم
عهد:.لاصعبه اكيد تعبان
شهد قفلت جهاز حنين
شهد:.لاصعبه ولاشي اخو على فاضي انا دحين بروح اجلس معاه شويه إذا خلصتو تعالو
راحت شهد ودقت الباب
حاتم:.ادخلي
شهد:.اهلا باخي الحبيب
حاتم:.اهلا باختي الحبيبه
جلست فوق السرير
شهد:.على فكره حاتم
طل فيها حاتم يستناها تتكلم
شهد:.النذل فهد نام مو جاي ياخذنا وقال خلو حاتم لو كان صاحي يجيبكم
حاتم:.مافي مشكله متى ماحبيتو تروحو اوديكم
شهد:.انا عادي عندي بس عهد تقول صعبه ومدري ايش
حاتم:.هههه ايوا خليكي كذا ولاتسوي حركات بيننا مالها داعي
شهد:.طيب يلا وخر اعطيني الابتوب شويه
حاتم:.هههه وي ماصدقتي
شهد:.شفت كيف
حاتم:.طيب تعالي
جات شهد وكتبتت الايميل حقها ودخلت وشافت اسراء متصله
شهد:.اخيرا دخلت
حاتم:.مين
شهد:.اسراء
حاتم يبغى اي شي عنها:.طيب يلا كلميها
شهد:.اشبك متحمس
حاتم:.مين قلك اني متحمس
شهد:.مدري عنك
شهد:.اهلين بالدوبا
اسراء:.هلا فيكي
شهد:.سرو وحشتني توبه اجي جمعه منك معايا
اسراء:.فيس خجلان >اول مره ادري اني مهمه
شهد:. ههههههههههههههه مو لايق الخجل مررررة
اسراء:.ههههههههه غصب عنك كل شي عليا حلووو >فيس مطلع لسانهـ
شهد:. اقلبي وجهك
اسراء:.العله جاات ؟!
شهد:. اي جات
اسراء:. صارات احداااااث ولا لا
حاتم جلس يضحك
شهد طلت في :. اشبك ؟!؟!
حاتم :. حتى اسراء ماتبغى هيفاء
شهد :. فوق ماتتصور كره العمى زي ماتقول
حاتم :. طيب والسبب
شهد :. مافي شي محدد بس اللي اقدر اقولو لك انها ثقله دم مررررررة
اسراء :. حاطه فيس معصب
شهد :. اشبك ليش عصبتي
اسراء :. هبله اكلم نفسي انا ردي عليا
شهد :. سوري تيب
اسراء:. طيب جاوبي صارات احداااااث ولا لا
شهد :. اي الغبية لاازم تسوي اشيا مالها دااعي بس انا واقفه في حلقها
اسراء :. تعجبيني ههههه
شهد :. احم احم .. فيس خجلان
اسراء:.اقول شوشو
شهد:.قولي
اسراء:.متى اخر مره دخلتي المنتدى
شهد:.قبل شويه ليش
اسراء:.ابوخالد في
شهد:.ايوا
اسراء:.اهااا
حاتم بهذا الوقت اتنرفز وحس انو في شي .. واصر الا يعرف السالفه ..>>>خاايف انها تكون حبيته ..
شهد:.اقول لايكون حبتي
اسراء:.ههههه اما احبه كثري منها
شهد:.عشان سوالك غريب
اسراء:.لا غريب ولاشي بس كل موضوع صار اختلاف في وجه النظر وابغى اقولو عليها لو ما اتفاهمنا اترك االمنتدى
شهد:.اهااا
شهد :.طيب دحين كيف تتكلمي
اسراء:.اضيف ابوخالد بالمسن ويصير التفاهم بعدها حذف
شهد:.من جدك تتكلمي
اسراء:.ايوا من جدي بعدين ايش يفرق كانو بالرسايل اكلمو ونتفاهم وبعدها بلوك ودليت وصلي اللهم وبارك
شهد:.طيب بايت ايميل تضفي
اسراء:.التاني حق المنتديات
شهد:.برب
اسراء:.تيت
في هذي الحظه دخلت عهد
عهد:. مراااحب
حاتم :. مرحبتين
شهد :. هاا خلصتي
عهد :. ايوا خلصت حاتم تودينا دحين
حاتم :. يلا
حاتم قام لبس الثوب وشهد تلبس العبايه
شهد:.باكو
اسراء:.ولكمو
شهد:.اسمعي بروح البيت دحين اكلمك اذا وصلت
اسراء :. ليش فينك دحين ؟
شهد :. عند حنين
اسراء :. اهااا
شهد:. اوكي سرو مسافه الطريق واكلمك
اسراء:.اوكي لو خرجت يعني نمت
شهد:.اوكي سي يو
اسراء:.سي يو
هما في السياره
شهد:.بنات تصدقو
حنين:.ايش في
شهد:.سرو في احتمال تترك المنتدى
عهد:.لااا ليش
شهد:.مدري تقول اختلاف وجه نظر وتبغى تكلم ابو خالد
حنين:.وماقالت لكي ايش في
شهد:.لا
عهد :.غريبه من اسراء المنتدى روحها الثاني و24 ساعه عليه جالسه
حاتم:.دحين مين هو ابو خالد اللي جالسين لكم ساعة تتكلمو عنه
شهد:.مدير المتندى
حاتم :. ماشالله داقين العلاقة معاة
شهد:. لا بس هو اخلاق ومتحرم
حاتم :.عاايشة معاه الاخت
شهد :. لا بس من كلامه وتصرفاته
حاتم :. يمكن كلو تمثيل
عهد :. لو تمثيل مايجلس يمثل على الكل وواكثر من سنة
حنين:. صح ولابد يجي اليوم وينفضح
حاتم :. مدري عنكم بس انتبهو ولا تاخذو راحتكم مرة معاه
شهد :. طيب اللي يسمعك نبغى نجلس معاه جلسة
حاتم طل فيها بي نظرة يعني اسكتي احسن لك
وصلو البنات البيت وهما راجعين حاتم وحنين
حاتم :. اقول حنين هيا اسراء مدمنة على المنتدى مرة
حيين :. مرررة
حاتم :. طيب ايش السبب
حنين:. اول شي تقول لقت المتعة في وناسة وفله وارتااحت في وكمان صحباتها في واحنا كمان
حاتم :.اهااا
حنين:. ليش تسال
حاتم :. شاايفها اكثر وحدة مدمنة فيكم
حنين:. لا شوف هيا لو جلست بالمنتدى ماتخلي في حاله
حاتم :. كيف يعني
حنين:. يعني تجي فترة مافي اعضاء تنزل مواضيع تحمس الاعضاء او تسوي استايل جديد لي المنتدى غير الخبال لما ترد ع المواضيع
حاتم :. يعني فضاااوة
حنين:. هو من ناحية فضاوة فيها فضاوة بس متعة لما نجتمع الكل ونسوي هيصة بالشات المنتدى حتى بعض الاحيان توصل الرد اكثر من 4 صفحات في اقل من ربع ساعة
حاتم :.ههههههههه ماااقلت فاااضين
وصلو لبيت وكل مين حط راااسه وراح في سااابع نومة
قراءة ممتعه
(..البـــــــــــــــــارت 12 ..)
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك