رواية توصي شي انا بكره مسافر -8
فراس : جالسة لحالها
عبد الله : لا طبعا ياسر معها و إذا جيت يطلع
فراس : طيب وفجر بنت عمي إنت عارف إنها محيرة لك
عبد الله : عارف
فراس : طيب و إذا أبوي قال لك تزوجها وش تسوي
عبد الله : عادي بأتزوجها وتبقى حنان معي
فراس : أكشخ حنااااان ههههه
عبد الله يبتسم : .......
فراس : طيب يا عبد الله لو أبوي درى بيخليك تطلقها
عبد الله : لا مستحيل أطلقها السالفة لعب بزران هي وبعدين حنان حامل
فراس : حااامل
عبد الله : هههههه إيه وراك مستغرب و إلا مو مالي عينك
فراس : ههههههه ألف ألف مبروك والله وبتصير أبو يا عبود
عبد الله بابتسامة : شفت كيف
فراس : روح الله يوفقك بس انتبه الزواج مسؤولية
عبد الله : عارف الله يكون في العون و أنا أخوك
هاني + أحمد : وش عندكم
فراس : هلا حياكم
عبد الله يناظر بالساعة : أوف الساعة 3 الفجر
هاني : ويعني عادي
فراس يغمز لعبد الله : يالله خلونا ننام عبد الله عنده دوام بكره من الظهر
عبد الله بابتسامة : سمعتوا من الظهرررر
هاني : إحنا من 9 الصباح
فراس : و إنت وش عليك جالس على مكتبك والهوى يجيك من كل مكان وعبود الله يكون في عونه
أحمد : صادق فراس هاني طف النور وخلنا ننام
هاني : تصبحون على خير
فراس + أحمد + عبد الله : و إنت من أهله
_^ الجزء السادس ^_^
كل ما زاد بعدك زاد حبك زياده .. ما نسيتك لو زماني نساني .. لو قلت أحبك قليله ما تكفي ..
حبي لك أكبر من الدنيا وما فيها ..
نروح للرياض .. وتحديدا في بيت أبو خالد
سحر : سمر يا زفته جيبيها
سمر تركض : ما فيييه
سحر : أعطيني المجله لا يجيك شي تندمين عليه
سمر معنده : ما فيييه و أعلى ما بخيلك اركبيه
فجر : هيييه انتي وياها وش عندكم
سحر : قولي لها تجيب المجلة
فجر : استغفر الله العظيم كل يوم على هالحال .. وبعدين إنتي ليش تاخذين مجلتها
سمر : تستاهل واقفة ساعة قدامها أسألها وين بلوزتي الحمراء مطنشتي تقرا بالمجلة
سحر تشد شعرها : ولعنتين فيك و في اليوم اللي جيتي فيه يالزفت
فجر : أستغفر ي ربك وش هالكلام
سمر تصيح : آآآآآآه آآآآه يمه .. فكي شعري يا كلبه
سحر : مالكلبة إلا إنتي يا مال الماحي إن شاء الله
فجر تفك سمر منها: خلاص هذا إنتي أخذتي المجلة فكيها وروحي على غرفتك
سحر : إيه ما عليه هين هين
سمر : والله لأعلم ماما تأدبك
سحر : شب يالله ضفي وجهك
تن .. تن .. تن .. تن
فجر : هذا أكيد أبوي وخالد جو من الشغل
سمر : ميييين ؟؟؟
أبو خالد : افتحي سموره
سمر بفرح : بااااابا
أبو خالد : ههههه عيون أبوها .. السلام عليكم
خالد : السلام عليكم
فجر + سحر : و عليكم السلام
فجر تسلم : كيفك يبه
أبو خالد : بخير يالغلا
سحر بابتسامة : كيفك أبو سحووورة
أبو خالد : هههههه بخير حبيبتي .. وينها أمكم
فجر : أمي راحت قبل شوي تزور جارتنا أم وليد تعرف توها والد
أبو خالد : إيييه زين
خالد : جاهز الغدا تراني ميت جووع
فجر : يخسى الجوع يا قلبي دقيقتين وهو جاهز
مر اسبوعين على أبطال قصتنا وما فيه أي جديد يذكر كل لاهي بمشاغله ....
في بيت أبو فراس .....
سديم : فقدت حمود وحشني الغبي
لميس : الله يوفقه إن شاء الله
الجده تمسح دموعها : آآآمين .. وعساه يرجع لي سالم
سديم : وشو له الدموع يالغالية
الجده : فقدته حياتي ما تسوى بدونه شي وشو له يروح ديرة الغرب ويترك أمه
لميس بحزن : هذا مستقبله يا جدة
سديم : جده حرام عليك هو قايل لك إذا مانتي راضية يمه أجلس أهم شي رضاك صح
الجده : الله لا يحرمني منه
سديم : هو محتاج دعواتك وصدقيني كلها سنتين ويجي إن شاء الله
هاني : سلاااام يا حلوين
الجده : حياك يمه
سديم + لميس : هلا هاني
هاني يسلم على جدته : كل عام و إنتي بخير يمه .. رمضان كريم
سديم + لميس بفرح : صدددددددق
هاني بابتسامة هادية : إيييه
الجده : الله يبارك فيك يا ولدي ويسر لك دربك وممشاك
هاني : آآآمين يالغالية
سديم + لميس يسلمون على جدتهم : كل عام و إنتي أحلى صبوحة
الجده : هههههه الله يرجكن بنات وخرن عني
هاني : و أنا مالي بوسة .. كل عام و إنت بخير
سديم : والله لك أحلى بوسة يالغالي كل عام و إنت بخير
هاني : و إنتي بخير يالغلا
لميس تحضنه : كل عام و إنت بخير هنوي
هاني : ههههه و إنت بخير يالغلا .. وينها أمي
سديم تركض : فوق بغرفتها بأروح أبارك لها قبلك
هاني يلحقها : يامال العافية تعالي أنا أول
سديم : ههههههه فيك خير اسبقني
لميس تمشي : ههههههه الله يخلف
سديم : تفتح الباب بقوة : يممممممه
أم فراس : بسم الله الرحمن الرحيم .. وش صاير يمه
سديم : كل عام و إنتي غلاي
أم فراس بابتسامة : الله يهديك فجعتيني و إنتي بخير يمه بكره رمضان
سديم : إيييه
هاني : آآآآآه .. كل عام و إنتي بخير يا أحلى أم بالدنيا
أم فراس : و إنت بخير حبيبي
سديم : ههههههه المهم إني سبقتك
هاني : مالت عليك
لميس : كل عام و إنتي بخير يالغلا
أم فراس : و إنتي بخير حبيبتي .. عسى الله لا يحرمني منكم كلكم
هاني + سديم + لميس : آآآآآآآآآآآمين
أم فراس : دام بكره رمضان خل أنزل أسلم على أمي فديتها
سديم : و أنا بأروح أكلم غلا وليان
في بيت أبو إياد .....
ترن .. ترن .. ترن ..
غلا : نعم
سديم : أبوك يالرزه ما يليق عليك
غلا : ههههههه سديم يالهبلى كيفك
سديم : تمام .. و إنتي
غلا : بخير يا قلبي
سديم : كل عام و إنتي بخير يا قشطة
غلا : و إنتي بخير يا سكر
سديم : كيف خالتي شخبارها
غلا : بخير ما عليها
سديم : وكيف الدبى ليان
غلا : ليان جنبي
سديم : وش تسوي
غلا : تتفرج على مسلسل
سديم : ههههه الله يخلف .. ما كلمك فروس
غلا باستهزاء : تصدقين كل يوم أسمع صوته
سديم : ههههههههه غبية
غلا : و أنا صادقه من يوم الملكة ما سمعت صوته ولا كلمني
سديم : أعذريه مشغول
غلا : مشغوول ههه يمكن
ليان : أمحق من شغل .. سديموه لا تدورين أعذار لأخوك و أختي جالسة بحسرتها
سديم : ههههههههههههههههه
غلا بابتسامة : إيييه أضحكي وش عليك
ليان تسحب السماعة : وحشتيني يا دبى
سديم : و إنتي أكثر ههههههه
ليان : كل عام و إنتي بخير
سديم : و إنتي بخير .. وش هاللقافة
ليان : مالت عليك هذا و أنا أبغى أسمع صوتك
سديم : هههههه أمزح معك .. وش رايكم تجون تسهرون اليوم عندي
ليان : أوكيه اعتمدي
سديم : ههههه مين أعطاك الإذن
ليان : عادي وش فيها رايحة بيت عمي أبوي ما يقول لا
سديم : أوكيه أستناكم
ليان : طيب .. وينها لموسه
سديم : فوق بالغرفة
لميس : هذا أنا جيت أعطيني إياها
سديم : أوكيه باي
ليان : باي
لميس : هلا وغلا بالصوت
ليان : هلا فيك قلبي
لميس : كل عام و إنتي بخير
ليان : و إنتي بخير حياتي . كل عام و إنتي بخير
لميس : و إنتي بخير .. من زمان عنكم
ليان : وش نسوي تعرفين أشغال
لميس : الله يعين وينها غلا
ليان : غلا
غلا سرحانه : هممممم
ليان : هيييييه وين رحتي
غلا : هلا
ليان : كلمي لميس
غلا تسحب السماعة : هلا لموسه
لميس : هلا فيك
غلا : وينه يحي عنك
لميس : ههههههه حظرته لسى ما جا
غلا : ههههههه الله يصبرك
لميس : هههه آمين كل عام و إنتي بخير
غلا : و إنتي بخير حياتي
لميس : سديم يالهبله شوفي مين على الباب شكله أبوي جا
غلا : إيه كيفكم وكيف عمي وخالتي
لميس : كلهم بصحة وعافية
فراس بصوت واطي : مين تكلمين
لميس : إنت جيت
فراس : توني
لميس : غلا
غلا : نعم
لميس : لا ما أكلمك
غلا : هههههه سمعتك تقولين اسمي على بالي تكلميني
فراس سحب السماعة وراح للصالة الداخلية .....
غلا : لميس
فراس : ........
غلا : لميس زفته وراك ما تتكلمين
فراس بابتسامة : وحشتيني
غلا مصدومه : فرااااس
فراس : عيونه
غلا : .......
فراس : كيفك غلاي
غلا : إحمم الحمد لله أنا بخير و إنت كيفك
فراس : بخير دامني أسمع صوتك ,, كل عام و إنتي بخير
غلا بحيا : و إنت بخير ..
فراس : وينك ماسمعت صوتك ولا تكلميني
غلا انفجرت فيه من قهرها : مين اللي مفروض يدق هاااه أنا و إلا إنت
فراس : .......
غلا عصبت : و لا حتى فكرت ترسل رسالة تسأل فيها أنا بخير .حية . ميتة
فراس : أنا أسأل إياد عنك كل يوم
غلا : لا والله عذر أقبح من ذنب
فراس مستانس وهي معصبة : طيب أوكيه حقك علي بس لا تعصبين
غلا وكنها هدت : سوري بس نرفزتني
فراس : هههههههههه يا زينك و إنتي هادية
غلا راحت فيها : هههههه أحسن بعد تستاهل
فراس : كيف عمتي
غلا : بخير الله يسلمك
فراس بابتسامة : دوم إن شاء الله
غلا : تسلم
فراس : كيف ليان
غلا باستفهام : وليييه تسأل
فراس : عادي وش فيها بنت عمي وحاب أسأل عنها
غلا : لا والله أحلف
فراس : ههههه عادي زي أختي
غلا عصبت : إيه اليوم أختي بكره الله العالم وش تصير
فراس : ههههههه أبي أشوف مرتي وهي تغار علي
غلا بحيا : أووه منك فراس خلاص عاد
فراس : أنا أدري عنك عصبتي الله يهديك ههههه
غلا : أوكيه أنا الحين بأسكر
فراس : أوكيه سلمي على عمي وعمتي
غلا : يوصل إن شاء الله ..مع السلامة
فراس بابتسامة : في أمان الكريم
أبو فراس : كيفك يا عمه .. كل عام و إنتي بخير
الجده : و إنت بخير يا ولدي .. هااه بشر وشلون الشغل معك
أبو فراس : ماشي حاله الله يكون في العون .. بس نبغى دعواتك
الجده : الله يوفقك يا ولدي وييسر طريقك وممشاك إنت وعيالك
أبو فراس : آآآآآآآميييين .. سديم وينها أمكم
سديم : بالمطبخ تجهز الغدا
أم فراس : هلا أبو فراس كيفك يالغالي
أبو فراس بابتسامة : بخير يالغلا .. كل عام و إنتي بخير
أم فراس بحيا : و إنت بخير
سديم بلقافه : أووووه أكشخ دحوم وسعوده عليكم حركات .. يمه جايبه 5 عيال و باقي تستحين
أبو فراس يدق راسها : استحي يا بنت على بالك وجهها مغسول بمرق زي بعض الناس
الجده : الله يخلف و أنا أمك دامها تبي الناس كلها زيها
سديم : لا والله .. وش قالوا لكم
فراس : وهم صادقين من متى و إنتي تستحين –ما أقول غير الله يعين اللي بياخذك
سديم : شب إنت شب .. جاي مناك عشان تتفلسف
أم فراس بابتسامة : الله يهديكم يالله تعالوا الغدا بيبرد
فراس : أنا طالع أنام مالي نفس للأكل
أبو فراس : أقول امش تغدى وأنا أبوك
فراس : والله مالي نفس يبه
أبو فراس : على راحتك
على طاولة الطعام .....
أبو فراس : هاااه هاني كيف الشغل معك
هاني : تمام الحمد لله
أبو فراس : الله يوفقك إن شاء الله .. وكيف باسل مع شغله
هاني : ما عليه أموره ماشية .. بس مسكين تعبان هاليومين
أبو فراس : ليه سلامات
هاني : مسكته سخونه قوية و أخذ له إجازة
سديم شرقت بالأكل : كح .. كح .. كح .. كح.. كح ..كح
أم فراس : بسم الله عليك يا بنتي
أبو فراس بخوف : لميس أعطي أختك مويه
سديم : كح .. كح .. كح .. كح
لميس : خذي سديم اشربي بسم الله عليك
هاني بابتسامة : كل هذا خوف .. لا تخافين عليه قط بسبع أرواح
سديم تناظره بحقد : ......
الجده : هههههه إيييه و أنا أمك يقول المثل ومن الحب ما قتل
لميس : أكشخ صبوحة وصرنا نعرف الحب
الجده : هههههه استحي على وجهك
أبو فراس : خلوا بنتي تاكل واسكتوا يالله مالكم شغل فيها
ترن .. ترن .. ترن .. ترن
أم فراس : لميس يمه قومي شوفي التلفون
لميس : هذي أكيد ليانوه بنت عمي و إلا غلا ما فيه غيرهم
الجده : قومي ردي بسرعة قبل لا يسكر
لميس : نعم .. وبعدين معك إنتي الناس حزة غدا وشو له الإزعاج
المتصل : .........
لميس تصارخ : هيييييييه مين أكلم أنا يا مال الماحي إن شاء الله ليانوه وراك ما تتكلمين
المتصل بصوت رجولي : إحممممم أبو فراس موجود
لميس مصدومة : سوري ما سمعت
المتصل :أقول أبو فراس موجود
لميس وراحت فيها : إيه موجود مين أقول له
المتصل : قولي له راكان
لميس تتكلم بصوت واطي : ولعنتين فيك يا لميسوه الحين أيش بيقول عنك الرجال بيقول هذي ما ربوها أهلها
الله يفشلك هذي مو أول مره
راكان مستعجل : لا ما راح أقول بس نادي أبوك بسرعة
لميس بخوف : دقيقة .. يبه . يبه
أبو فراس : نعم
لميس : واحد يبيك بالتلفون
أبو فراس : نعم
راكان : السلام عليكم
أبو فراس : هلا راكان كيفك
راكان : بخير الله يسلمك
أبو فراس : وش فيك عسى ما شر
راكان : الشر ما يجيك طال عمرك بس ممكن تجي الشركة الحين ضروري
أبو فراس بخوف : ليييه وش فيه
راكان : الموضوع ما ينفع بالتلفون بس ياليت تجي بسرعة إنت وفراس
أبو فراس : أوكيه .. أوكيه مع السلامة
راكان : مع السلامة
أبو فراس : هاني .. هاني
هاني : سم يبه
أبو فراس : سم الله عدوك روح لأخوك فراس وقوله يلبس بسرعة بنروح الشركة
أم فراس : عسى ما شر
أبو فراس : والله ما أدري علمي علمك
سديم نغزها قلبها : الله يستر
هاني : فراس .. فراس
فراس : همممم
هاني : قوم البس بسرعة وروح للشركة مع أبوي
فراس بخوف : وش فيه
هاني : ما أدري
فراس : اللهم اجعله خير .. أوكيه ثواني بس أبدل ملابسي
أبو فراس يصارخ : فراس و أنا أبوك يالله بسرعة
فراس يركض بالدرج : هذا أنا خلصت يالله مشينا
بالشركة .....
أبو فراس : راكان تعال للمكتب بسرعة
راكان : أوكيه
فراس : يا ربيه وش السالفة خوفتني يبه
أبو فراس : و أنا وش دراني
راكان : السلام عليكم
أبو فراس + فراس : وعليكم السلام
أبو فراس : وش فيك راكان
راكان بخوف : طال عمرك صحتك ألزم ما علينا والحلال بداله حلال
فراس بشك : وش تقصد
راكان : الصفقة الأخيرة اللي ساهمنا فيها
أبو فراس بخوف : بلاها
راكان : أبو فراس إحنا خسرنا الصفقه هذي
أبو فراس عصب : وشلووون و أنا دارسها دراسه و متأكد منها
راكان : وهذا اللي محيرني
أبو فراس : إنت تعرف كم راح تخسرني هالصفقة
راكان : .........
أبو فراس : 4 ملايين ما هي ببسيطة وشلون أرد راس المال على الأقل
فراس : وش هالمصيبة
راكان : حاولنا بكل الطرق إننا نكسب الصفقة بس ما أدري وشلون صار كذا
أبو فراس : حسبي الله ونعم الوكيل .. حسبي الله ونعم الوكيل
فراس بتفكير : حمد ما غيره
أبو فراس : بلاه حمد
فراس : البلا من تحت راسه هو السبب .. تذكر راكان يوم أقول لازم نراقبه
راكان : إيييه صح
أبو فراس : وشلون يعني
فراس : يعني حمد هو اللي يرسل للشركة اللي تنافسنا كل المعلومات المهمة
أبو فراس عصب : والله لو يطلع هالكلام صدق ما يقعد دقيقة وحده بالشركة بعد اليوم .. راكان روح ناد لي حمد بسرعه
راكان : ابشر طال عمرك
طق .. طق .. طق
أبو إياد + إياد : السلام عليكم
أبو فراس + فراس : وعليكم السلام
أبو إياد : خير إن شاء الله وش صاير
إياد : كلمنا راكان وجينا بسرعة صار شي
أبو فراس مهموم : .........
فراس : عمي .. إياد .. الصفقه اللي كنا مشاركين فيها إحمم خسرناها
أبو إياد مصدوم : كيييييييف ؟؟؟؟
إياد : فراس إنت وش قاعد تقول
فراس وهموم الدنيا على راسه : اللي تسمعه
أبو إياد : إنا لله و إنا إليه راجعون اللهم إجرنا في مصيبتنا و اخلفنا خيرا منها
حمد : هلا طال عمرك بغيتني
أبو فراس يناظر له بحقد : تعال اجلس
فراس : تعال راكان استريح
حمد مرتبك : نننعم ..
أبو فراس : أنعم الله بحالك .. اللي يشتغل عندي بالشركة وش مطلوب منه
حمد بخوف : يأدي الشغل اللي عليه
أبو فراس : وشلون يأدي الشغل اللي عليه
حمد : أأاا إييييه يأديه بكل أمانه
أبو فراس بصبر : حلوووو واللي ما يخلص بشغله عندي وش أسوي فيه
فراس يناظر بنص عين : ينفصل من الشركة بدون أي كلام وفوق هذا كله ماله حقوق عندنا
حمد بخوف : إإيييه صح
أبو فراس عصب : حمد كلمه ورد غطاها إنت اللي تعلم الشركة المنافسة بأسرارنا
حمد ارتبك : هاااه إيييه لا وششلون طال عمرك
أبو فراس : اتركني من اللف والدوران وقول الصدق
فراس : من فتره يا حمد و أنا شايف لخبطه بالحسابات .....
حمد : أنا مو ماسك الحسابات
فراس : عااارف و لا تقاطعني .. محمد هو اللي ماسك الحسابات ومن يوم ما توظف هنا وشغله ما يحتاج أتوقع إن الكل يعرفه
ولو أجيب موظفين الشركة كلهم يشهدون عليه .. كذا مره محمد يشوفك بغرفته تقلب بالملفات صح
حمد : هااااااه لااا إيه أدور على أوراق تخص شغلي
فراس باحتقار : أوراق تخص شغلك بغرفة محمد هاااه أوكيه هذي نمشيها .. وش تفسر لي كل ما يدخل عليك راكان
و إلا أحد الموظفين تسكر السماعة بسرعة
إياد : كذا مره يا حمد كشفتك عند الباب تتجسس ومشيتها لك
حمد : .........
أبو فراس : وش ردك على الموضوع
أبو إياد بصوت واطي : راكان
راكان : سم طال عمرك
أبو إياد : متى وصلك الخبر
راكان : بعد ما رجعتوا للبيت بشوي جاني اتصال
أبو إياد : لا حول ولا قوة إلا بالله
أبو فراس : وراك ساكت ما تتكلم
حمد وقرر إنه يعترف : إيه طال عمرك أنا
أبو فراس يصارخ : ولييييييييه تخوننا و إحنا اللي وثقنا فيك
حمد : لما كلمني صاحب الشركة اللي تنافسنا أغراني بالفلوس وقال إنه بيعطيني مبلغ كبير وصدقني يا أبو فراس
أنا محتاج لهالمبلغ كثير .. أبوي متوفي من زمان و أنا اللي أصرف على أهلي و أمي مريضة
بسرطان الدم الله يكفيكم شره و أنا محتاج لهالمبلغ عشان أعالجها
أبو إياد : الله يهديك يا ولدي ومالقيت غير هالطريقة .. ليه ما جيت و أنا أبوك وطلبتني
حمد : الشيطان ساعتها كان معي .. والحين يا أبو فراس لا فصلتني من الشغل مين بيصرف على أهلي
ووين بألقى لي وظيفه ثانيه
فراس : ههه جنيت على نفسك
أبو فراس حن له : أنا ما راح أفصلك من الشركة بس هذا مو معناته إنك ما تعاقب
حمد : اللي تسويه طال عمرك راضي فيه
أبو فراس : مخصوم من راتبك 1500 لمدة سنه كامله .. و أتمنى إنك ما تكرر هالشي مره ثانيه
حمد : إبشر
أبو فراس : روح لمكتبك
فراس : هذا اللي قدرت عليه يبه وسويته
أبو فراس : أمه المسكينه تعبانه يبي لها علاج
فراس باستهزاء : ههه صدقته لعب عليك بكلمتين
إياد : إستغفر ربك يا فراس أحد يكذب بالمرض ويتبلى به على أمه
فراس : استغفر الله العظيم
أبو فراس الهم هد حيله : الله يكون في العون الحين وش نسوي بهالمصيبه وشلون أرجع راس المال على الأقل
راكان : الله في العون يا أبو فراس
أبو إياد : هونها وتهون و أنا أخوك الله يسهل
استراحة .....
حين ترتشف فنجان قهوة تذكر أن بعد العسر يسرا
نروح لبيت أبو عبد الله .....
طلال : وينه زوجك فيه
سارة : بشغله
مها : وهذا كل يوم كذا دوامه صباح ومساء
ساره : إيه مسكين الله يعينه هد حيله الشغل
طلال : الله العالم وش هالشغل تلقينه متزوج مسيار وعايش بالعسل
ساره زعلت : لا والله تركي ما يسويها أصلا هو ما يطالع غيري
مها : إيه المسكين ماخذه عقله عايش بخوف منك
طلال + أم طلال : هههههههههه
ساره تكش عليها : مالت عليك باقي نشوفك
مها : أنا ما أتزوج قبل ما يتزوج طلول
طلال : هههههه وشو له هالتعقيد باقي تستنيني
مها : إييه و إلا تبيني اتزوج و اترك عبود فديته لحاله
طلال بابتسامه : الله لا يحرمني منك يالغلا
مها : ولا منك طلول .. بس ساعات تخوفني
طلال : هههههههه ليش شايفه دراكولا
مها : يمممه يا شينك لا عصبت تصير تخوف أكثر من دراكولا .. حتى ساعات أخاف أكلمك
طلال : ههههههه الله ياخذ إبليسك لهالدرجة
مها : و أكثررررر بعد ههههههه
طلال : ههههههه تسمعينها يمه وش تقول
أم طلال : وهي صادقه الله يعين اللي تاخذك
طلال دمعت عيونه من الضحك : ههههههه يممه هههههه خلاص بغيتك عون صرتي فرعون
مها : عشان تعرف معاناتي المره معك لا عصبت
طلال : هههههه الله يقطع ذا الوجه خلاص عاد بموت من كثر الضحك
ساره : الله يخلف لا عصبت ما سكت و لا ضحكت ما سكت
طلال : كله من أختك الشينه .. إلا وينه عبودي
مها : نايم فديته لعب لين مانهد حيله من التعب
طلال : أوكيه مها نروح أنا وياك لبنده عشان نشتري لرمضان
مها بفرحة : يس يس ما عندي أي مانع
ساره : أوكيه روحوا و أنا بأجلس مع أمي استناكم
طلال : لولو تجين معي
لولو : إييه خالوا أجي
طلال : فديت حبيبة خالوا .. مها روحي البسي عباتك وصحي عبود
مها بابتسامة : إن شاء الله
نجي نتعرف على عايلة طلال بصراحة أنا ما أذكر إذا أنا عرفتكم عليهم أو لا
طلال : عمره 30 سنه وسيم وما عليه زود شعره أسود واصل إلى رقبته عيونه سود ومو أبيض مره يعني وسط
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك