رواية احبك لعن ابو حظ جمعني فيك -10
اللي تبي تعرس مافي ولاواحد يطق الباب واللي ماتبي عشر طقات على الباب )))
.................................................. ...................
نواف متضايق من انه خلاص بيتزوج ولحد اللحين حاله مع الكلب((تكرمون))
مشاعل بس دازو العيار وصار يطلع معاها للمطاعم ويتواعدون مو كأنه اللي بيتزوج بعد كم اسبوع
عكس اخوه فهد اللي يعد الايام وبيلتقي بحبيبه اللطفوله ريم
.................................................. ..................
همسه مستانسه اليوم بيطلع مشعل من المصحه
وبدت ترتب مع شغالتها الشقه وتعدلها
.................................................. .....
نجي لااروع ثنائي على قلبي
ريان وصقر
على حالهم ماتغير شي سوى ان صقر اللي تعدل في الفتره اللي راحت
صار تقلبات جو مره كذا ومره كذا
وزاااااااااااااااد العيار لما طلب منها تأكل حبوب منع الحمل
انفجعت لما طلب منها ليه وعشان ايش واللي يصير ذا كله هو ماخذها ليه اول مره تسال عمرها ليه
بس وش بيدها خصوصا انه متحسن من ناحيه انه مره كل شهرين يوديها لبيت اهلها
.................................................. .......
اليوم امور
جديده صارت
في الرياض
وخصوصا في شقه
همـــــــــــــــــــــــــــسه
و
مشعـــــــــــــــــــــــــــــــل
همسه جالسه تناظر عمرها لابسه فستان قصير لحد الركبه احمر مبين بياض بشرتها اللي تتحسد عليها ومسيحه شعرها ومسويته رول
ومكياجها الخفيف ومبين دقه وجهها
كانت جالسه بالصاله على كنبه عريضه عليها ورد منثور وقدامها
وكان قدامها طاوله طويله نسبيا عليها مالاذ وطاب وكيك مكتوب عليه بطريقه حلوه ((الحمد لله على السلامه حبيبي))
وجنبه علبه صغيره مزخرفه داخلها مفتاح كشخه
وكانت هذي هديتها له بمناسبه سامته وخروجه
وكان من حظها انه كان فيه معرض مقدم عروض بدون دفعه اولى بأقساط خذت له سياره قسطها مو غالي مره
على لونه اللي يحبه الكحلي .
على الساعه 8 العشاء
دق الباب فرحت همسه هذا اكيد مشعل هو خبرني انه بيطلع العصر وبيمراهله بعدين يمر عليها
الخدامه : ماما هذا بابا مشعل
فرحت عدلت شعرها وهي تشوف زوجها مشعل مقبل عليها فتحت يديها له سلم عليها وجلس جنبها
همسه بفرحه : هلا مشعل اخبارك
مشعل : الحمد لله انتي اخبارك وش سويتي بغيابي
همسه تمسك يديه : كل خير
مشعل الحمد لله
همسه مسكت العلبه ومدتها له :تفضل
مشعل : وش فيها
همسه : هديه بسيطه
فتح مشعل العلبه واستغرب لما شاف مفتاح
:لايش هالمفتاح
همسه : هههه قوم طل من الشباك وقل وش تشوف تحته
قام مشعل واكبر علامه استفهام على وجهه
ولما طل شاف سياره حلوه لونها كحلي صافه
مشعل :سياره
همسه ابتسمت له
مشعل : لاتقولين
بس كيف جبتي سعرها
همسه : ماعليك اهم شي سلامتك حط المفتاح في جيبه وجلس جنبها
همسه حتى انا جبت لك هديه
همسه مانساني يناس : ايش هي
مشعل يترك يديها : همسه انا ماقصرت معك تزوجتك وسترت عليك ووتحملتيني لين قلتي بس
همسه يالبى : وين الهديه مشعل تحمست
مشعل بنظره عجزت تفسرها : بروح اجيبها هي برى بس امسكي اعصابك
استغربت وحست بنغزه في صدرها
طلع مشعل ودخل بـــــــــــــــــ
بـــــــــــــــ
بـــــــــــــــــــــــــــ
بـــــــــــــــــــــــــــ
وحده لابسه عباتها
همسه : مين هذي مشعل
توه بيتكلم تكلمت المره وهي تفسخ عباتها
:انا عهود
زوجه مشعل الجديده واللي انتي جالسه في بيتها
همسه منصدمه من الموقف: ايش مشعل هذي وش تقول
مارد عليها بس قرب من عهود وحظنها من جنبها وباسها على خدها
: ايه هذي عهود زوجتي تزوجتها قبل شهر اصلا كنت طالع بذيك الفتره خلصت علاج وانا توي جاي من اهلي معرفهم عليها ماتتصوري قد ايش فرحوا بها قالوا يله فرحتين بسلامتي وزواجي من مره كاااااااااااااااااااااااااااااامله تلبي لي طلباتي مو نصف مره بدل ماتخدمني انا اخدمها
انهبلت همسه : هذا ايش يقول : مشعل وش تقول انت
مشعل : همسه قومي تغظي
عهود : ايه تغطي جالسه قدام زوجي وشدت عليها مايجوز
همسه : انا زوجته
مشعل : همسه انا طلقتك من دخلت المصحه وملكت على عهود
صدمه
ورى
صدمه
عهود: وهي تجلس وتحط رجل على رجل : تصدقين مشكوره على الجو اللي انتي مسويته بتسلى انا مع شعولتي فيه واللحين مشعل تكفى طلعها برى جابت لي الغثيان هي وشغالتها
مشعل صار ينادي الشغاله وقفت قدامه : يله ضفي اغراضك انتي وذا اللي قاعده كلها ولاتخلي شي
عهود: ههههههههه تصدقين رحمتك مصدقه انه مشعل بيرجع لك اصلا انا فكرت كيف وافق يخذ وحده مثلك
كتمت عبرتها وجات خادمتها ولابستها العبيه وخذت تاكسي لبيتهم بس اللي زاااااااااااااااااااااااااااااد عليها انهم لاموها انها السبب في انه مشعل ياخذ وحده ثانيه
خلاااااااااااص تحطمت فوق مانهم زوجني واحد سكير جالسين يلموني
ساعدتها شغالتها بالجلسه على السرير
وطلعت
هنا انفجرت همسه
تصيح وصارت تظرب رجليها كله منك انتي سبب تعاستي انتي اللي حارمتني كل شي حلو في دنيتي
نامت بعد مانهارت من كل شي حولها وكااااااااااان اخر اسم نظقته
((ايااااااااد احتاجك ))
وناااااااااااااااامت
.................................................. .................
في بيت ابو سعود
سعود يستهبل على خواته اللي جالسين قددامه
: مااصدق انه خلاص بعد اسبوع معاااااااااااااد به انثى بالبيت ونااااااااااااااسه
سكته امه على راسه : وانا وش ياولد
سعود يحك راسه : اه يمه يعور نسيتك عاد
عبد الملك: احسن احسن ولاعاااااااااااااااد تخيل غسق ماتشاركني بالعبي
ولاتحارشني على التلفزيون
غسق : وتبن تبي فرقاي يالنتفه
سعود: اوف عروس جريئه تتكلم قبل زواجها
ريم : ليه العريس مايتكلمون
سعو بفلسفه : اكيد تنطم مده قبل زواجها عشان تتعود على قل الهذره
ام سعود: ماوك تطلع مع ربعك
سعود : هههه طرده بس ولايهمك طالع بااااااااااااااااي
وكذالك الولده قلعت عبد الملك لغرفته
وجلست مع بناتها وهاتك ينصايح
ووجيه البنات حمر وخضرا
.................................................. ................
في بيت ام تركي
ام تركي : يمه تركي وش رياك اخطب لك
تركي : لاااااااااااااااا تكفين ماابي على اخر عمري اجيب لي محقق ومستكشف و
قاطعته امه : حشى ياولد وش قلت ويهون عليك ياتركي تخليها بخاطري
والله ودي اشوف اعيالك حولي في هالبيت الوسيع
امه لما طرت له العرس تذكر على طول
المزرعه لما كانت تقومه صبا
تركي : بس اللي ابيها توها تدرس
ام تركي بفرحه : منهي يمه وانا روح اخطبها لك واذ على دراستها كل البنات اللحين يتزوجون وهو يدرسون
تركي بحياء : كح احم ايه صبا اخت صقر
ام تركي من فرحتها قامت تصغرط : ونعم والله ياولدي والله انها في نفسي تاخذها من زمان
تركي: اجل خلاص كلمي خالتي وشوفي ردها
ام تركي : تامر واناامك
والزين انها مخلصه امتحانات
ابتسم تركي وباس راسه وطلع لاصحابه
.................................................. ...................
في الامارت
وعود وفايز
كانوا طالعين على البحر
وعود وهي جالسه جنبه وكانت علاقتهم علاقه اخوان
وعود: تصدق اشتقت لشرقيه
فايز: يله كلهم كم شهر ونرجع
سكتت وعود لما تذكرت انها خلاص كلها كم شهر وترجع بورقه طلا..حست بضيقه في صدرها لما طرالها الموضوع
هي ماتنكر انها تعودت عليه وانها ......... زفرت التفت لها فايز
: وعود وش فيك
وعود تهز راسها : مافي شي ولفت بوجهها
مسك ذقنها ولفها : وعود فيك شي انا ادري فضفضي لي تكفين
وعود ودموعها تنزل وش لقول لقول اني مابي ارجع ابي اقعد معك وان حب الطفوله ارجع بس انا نفسي مدري عنك يافايز هل اللي تسويه عشاني شفقه ولاحب : مافي شي صدقني بس الجو كتم وش رايك نرجع للشقه
فايز وهو يبتسم لها : خلاص نروح الشقه ساعه بعدين نروح نتمشى في احد المجمعات ونتعشى بالمره وش رايك
وعود : على امرك
................................................
في بيت صقر
......................:خمس دقايق ولا والله لاخليكم
اصلا الشرهه على اللي يطلع حريم
ام صقر تلبس برقعها :وش بلاك معصب كنه شابتن فيك الضو((النار))
صقر وهو يسك اسنانه : وين ال..استغفر الله
وهو يستغفر جات ريان وصبا لابسات ومخلصات
صقر: شوفوا قبل مطلع تمشون مع بعض مو اقول يله تقلون فلانه مهيب معنا شوي وتجي ولا....
تدزه امه : اخلص روح قرب السياره
ركبوا السياره وراحوا للسويكت
يشترون فساتين
لزواج غسق وريم
صقر: شوفوا بروح للكوفي عند تركي لكم امممم 3ساعات وابجي
امه : لا تجي لين ندق عليك اعوذ بالله وهذي حالتنا معك كل مره نروح السوق
دخلو ا السوق
ام صقر لقت لها جلابيه فخمه مره على طول اما صبا وريان مافي شي اصلح لهم
ريان لفت نظرها فستان ليموني مره حلو
: صبا شوفي مو حلو
صبا:وااااااااو يهبل باخذه
ريان: لا والله انا لقيته اول
صبا: افاااااااااااا ريان بعدين شوفي انتي ذا لايام ساااامنه مايصلح لك
ريان سفهت بها وخذته تحاسب عليه
ريان: عضي شحمه
فطست ضحك صبا لما سمعت ريان تقول كلمه صقر
صبا: ههههههه اجل عضي شحمه اقول امشي كلكم خلصتوا وامي تنتظربرى
اتصل صقر على امه يسألهم خلصوا ولا
امه قالت انه مابقى الاء صبا
عصب وقال اجي وهي ماخلصت تركبون السياره
انهبلت صبا : يمه تكفين مو على كيفه
ريان تمسكها شوفي المحل الي شريت منه فستاني فيه واحد فوشي حلو هيا نروح نشتريه قبل مايروح
وعلى طول نشتري المكملات
نصف ساعه وهن مخلصات
وجاء صقر والحمد لله انهم خلصوا ولا كان علوم
اما عند فايز ووعود في المجمع
مرت من جنبهم شله بنات
وحده من البنات
: واااااااااااو بنات شوفوا مو يشبه ماجد المهندس
البنت الثانيه : بجد خاصه مع العوارض االلي حاطه فديته
ولعت وعود منهم : خير انتي وياها
البنت الثالثه: تكفين عطيني رقم اخوك
البنت الاولى : ايه صراحه احسدك عليه
وعود: احترمن انفسكن
فايز يمسكها : وعود خلاص امشي
وعود: لا ماتسمعهن وش يقولن ولا مستانس
فايز وجهه صار !-!
البنت الثانيه : اوبس بنات شكلها زوجته صراحه احسدك عليه امبين انه مررررررررره رومتك
ولعت وعود ودزتها
البنت ماسكتت دزتها لين بغت تطيح مسكها فايز قبل لاتطيح
وهزاء البنت االلي واقفه قدامه ومسك وعود وهم يمشون
: خلاص وعود يكفي بلاك ترتجفين كل هذا عصبيه ولاغيره
وعود مستانس الرجال ماعرفت وش ترد عليه : خلنا نروح البيت
فايز واااااه ياقلبي شكلها تغار : طيب من عيوني بس يله فليها
سكتت وركبوا السياره طالعين من المجمع
علىى الطريق
وعود: لو سمحت مر حلاق على طريقك
فايز؟؟؟؟: ليه
وعود: ليه يعني بحلق شعري ابيك تحلق عوارضك
فايز بغى يطير اكيد تغار لعن ابو ياشيخ
: لاوالله اقعد بشنب بس لا اسمحيلي
وعود: تلتفت عليه : لامو على كيفك عوارضك هذي ماجابت الاالمشاكل
ياخي حط سكسوكه قفل امممممممم أي شي بس عوارض لا لا
فايز : تغارين
وعودوش رايك : اكيد مو اخوي
حطمته الكلمه وعاندها وراح على طول للشقه
نزلت وعود وصقكت بالباب وسبقته لباب الشقه
عصب فايز من حركتها بس طنش وجلس يهدي نفسه وراح للشقه وملامحه جامده فتح الباب ودخلت وسكر الباب وراح لغرفته ينام
.................................................. .................................................. .............................................
بليز ابي توقعاتكم للروايه وللاجزاء الباقيه والجايه
وذا شفت توقعات تبرد القلب عهد علي لاانزل لكم باتين يوم الاربعاء وطوااااااااال مره
بس ردود وتوقعات ماطلبت شي ...
اللي عاجبته الروايه من البادايه لحد اللحين يقيمني
ويالبى قلبوبكم
الباااااااااااارت الخامس عشر
ريان وصقر
ريان: صقر عطني سبب يخليني اكلها حرم عليك تحرمني من الاولاد انت تدري انه ممكن ابطي بعدها مااجيب وحده من معارف امي كلتها وجلست عشر سنين ماحملت((صدق ترى السالفه ))
صقر وهو يسكر ازرار بجامته وينسدح على السرير: لاني ببساطه مابيهم اللحين ولاتخليني اعصب وبعدين مو رحنا للدكتره وهي اللي وصفتها لك وماطفشتي من النق طفي النور وتعالي نامي
ريان : مافيني نوم
صقر: خلاص اطلعي برى وطفي النور
انقهرت منه بغت تعاند
بس خافت منه
طلعت وراحت لغرفه صبا
شافتها نايمه
راحت للصاله للي فوق وحطت mbc2 تتابع فلم
ما لقت شي صاحي رجعت للغرفه
دخلت غرفتها
بشويش ماتبي تصحي صقر عشان ما يهاوشها
انسدحت ونامت غصب من الطفش
نواااف ومشاعل
نوااف: وربي ما اقدر اتخيل اني اصلايمكن اخذا احدغيرك ياعمري
مشاعل: تصدق اموت الف مره لما اتخيل انه فيه وحده راح تشاركك كل شي وحده له حق فيك
نواف: حبي انا قلت لك اتزوجها على ورق بس
مشاعل بمياعه :لا حبيبي بعدين ذا البزر تروح تفتن عليك
حبيبي
نواف:عيون حبيبك
مشاعل : اممممممممم ابي اشوفك
نواف: اجيك اللحين
مشاعل: هههه حلوه امم وش رايك بكره في مطعم كوبرا شندي
نواف: لااااااااامقدر انتي عارفه المطعم قريب من الكورنيش والناس عليه زحمه خاصه انه عطله
مشاعل بوقاحه : حبيبي ابي اشوفك واشبع منك
نواف كان مايحب جرائتها معه يحب البنت بحياها: مشاعل حبيبتي اخليك اللحين بروح الدوام عندي استلام
مشاعل اربي متى يفهم ذا الرجال : اوك حبي باي
نواف: بايات
تنهد هو يحس ان اللي يسويه غلط بس وش يسوي بقلبه اللي اختار
سامحيني يابنت عمي بس انا ماحب شي انفرض علي وخاصه اني قلبي مو لك
طلع للدوام
.................................................. .....................
في بيت ابو اياد
كان هناك اياد مجتمع مع عيال عمه
ابو ماجد
طبعا ماجد عمره 26 سنه
موظف في القطاع الخاص
وبندر عمره 20 سنه طالب جامعي
وصديق ولدعمه اسمه فهاد
كانوا جالسين جلسه شباب ((احلفي))
سوالف عن مباريات سيار كل ابو شي
قطع سوالفهم
ماجد بسؤال ذي مغزى : اقول اياد اخبار زوج اختك
اياد مارتاح لسؤاله
: الحمد الله بخير وصحه
حتى لما اخر مره شفته لما وصلت ريان للدمام الله يسعده يارب
ماجد : امين
لا صدق هو ش وظيفته
اياد: اممم ايه عريف في القوات البحريه مدري رقيب مدري والله
قطع اسأله ماجد فهاد: اقول شباب
سمعتوا عن مشعل
ماجد : مين مشعل
فهاد : مشعل ولد ال.... اللي تو طالع من مستشفى الامل
بندر: ايه اعرفه اللي بيتهم في اول الشارع
فهاد: عليك نور تصدق تعرف بنت ابو محسن
المقعده
كان اياد على اعصابه وشوي ويمسك فهاد من ياقته عشان يخليه يتكلم
بندر: أيه
فهاد : تخيل سمعت امي واختي يتكلم عنهم
سمعت انها اللي دبرت له سرير في الامل بالواسطه
ولا فوق كل هذا شاريه له سياره بالتقسيط
تصدق وش جازاها به
تخيلوا اول ماطلع راح لهله ودخل عليهم ببنت ويقول هذي زوجتي
واقنع اهله عاد تصدقون ا ن اهله اصلا فرحوا بها وقالوا انه احسن لودنا من ذا المقعده وبعدين فرحوا بها قام وودها لمرته الاولى
وقال لها هذي زوجتي وانتي اصلا مطلقك من اربع شهور ملكت عليها وطلقتك
اياد انهبل كيف كيف يسترجي يسوي بروحه كذا هي حساسه كيف تقبلت الصدمه
فهاد: عاد تصدقون كله كوم واهلها كوم صارو هم يلومونها على زواجه والوضع عندهم عادي
اياد: وكيف عادي واحد مطلق بنتهم ومن اربع شهور وماخذعليها مره وعادي
بندر: ياخي ماتعرف ابو محسن اخر مايفكر فيه ياخذا حق من حقوق بناته
اياد ماعاد تحمل حس انه بينفجر : عن اذنكم بروح اجيب العشاء
طلع للسور وخذا نفس عميق وده بس يكون عندها ويضمها ويهديها ويفهمها انه عندها لايهمها شي
دخل لهله وخذا العشاء تعشوا الشباب وروحوا
اما اياد انقهر زود لما سمع من امه ان اهلها ماعملوا لها أي شي يرد لو شوي من كرامتها
فكر
وفكر
وفكر
وفكر
و
تذكر ابو سلاسل
واحد كان معه في السجن
قضيتها كبيره بس عنده وسايط كثيره
الاكيد انه اللحين طلع
كان ابو سلاسل مرتاح لا اياد وعشان كذا عطاه رقمه لابغاء شي ولا طاح في مشكله
صعد يركض لغرفته وصار يفتش في دروج غرفته وين حطيت البوك وين
واخيرا لقى بوكه اللي كان معه ايام سجنه طلع منه الرقم ودق عليه
بعد السلام والكلام
اياد: ابو سلاسل تكفى طالبك بخدمه
ابو سلاسل بعربجه: جيتك
اياد: عندي واحد معتدي على شي يخصني وغالي على بكثير
ابوسلاسل :تم اعتبر من اليوم هو ميت
ايادخاف منه : لا بس ابيه يتنوم في المستشفى بس لمده شهر
ابو سلاسل : هع هع هع هع هع هع يارهيف طيب تام وكم عندي من اياد تامر شي يالحبيب
اياد :لاسلامتك
ابو سلاسل :طيب ارسل عنوانه
وبكره جايك اجله اوه اقصد انه داخل المستشفى
سكر منه وهو مستانس على انه بياخذ حق همسه من هالحقير
.................................................. ........................
اما عند الجازي ومتعب
الصباح الساعه 10
..............: يالجازي مو لازم روحتك لهم
الجازي : لا والله اقولك بنات خالتي العرايس
ولا اروح
متعب : يابنت الناس ماعندي اجازه وتروحين الدمام عشان زواج
الجازي : عاتي اروح مع اهلي اهلي رايحين يحضرون ويتمشون لاتنسى تراها عطله
متعب : وانتي شيوديك مع اهلك هاه فهيميني
الجازي :متعب ترانا بفتره لازم كل احد منا يعد عن الثاني فتره
الله يخليك وافق
متعب : بس
الجازي : بس ايش متعب والله العظيم اني محتاجه فتره اكون فيها ذهني فاضي بعدين بظحكه تشتاق لي
متعب:ههههه انا من دون شي مشتاق يله قومي بنتك خلينا ننزل
الجازي: لازم
متعب : الجازي وش قلنا اليوم خميس وغدانا مع بعض
الجازي : طيب شوي بس اغير لبسي
يتبع ,,,,
👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك