رواية شوفوا الزمن كيف قاسي مخلي راسه براسي -11
يتقدم الزواج
نيهاد بخوف:لالالالالالا..
مختار فقع ضحك:هههههههههههه ليش خايفه مني ترا ماباكلك يوم الزواج يعني عااادي
نيهاد سكتت بخجل:........
مختار لسه يضحك:الوو وين رحتي..؟
نيهاد:امممممم معاك بس بلاه غير الموضوع
مختار:ههههه خلاص لعيونك نغيرو .........
................
ــــــــ
ام ياسر:يلا تعالو اتعشوو
الكل قام على الطاوله وياكل وهوا ساااكت وبذات ياسر وريناد في عاالم تاااني والام في عاالم..
ام ياسر:يووو اخيـرا اجتمعنا والله كان نفس يالجمعه دي تكوون من زمااان (تنهدت)آآه كانت امنيتي اني اشوفكم معايا
ياسر:حتى انا والله ...اييوا صح سلطان يسلم علييكي هوا وخالد
ام ياسر:الله يسلمك ويسلمهم....بس ميين سلطان..؟
ياسر ضحك:اييش بك ياأمي نسيتيه...سلطان صاحبي مرررره اللي عندو اخت وحده
ام ياسر:اهااا ايوا عرفته حكيني عنو نسسيت مررره
ياسر:هههههه امممم صاحب شركه واللي اشتغل فيها ووعنده اخت وحيده اسمها العنود عمرها كدا اممم اعتقد 25 وأبوه مسافر ومرره مايجيهم إلا ناااادرا وامهم متوفيه
ام ياسر:الله يرحمها....صح انته لسه اللين دحين تدرس ولا خلصت؟
ياسر:لالا لسه باقي شويا خلاص واخلص
ام ياسر:اهااا وكيف العيشه بمليزيا؟
ياسر طالع بريناد اللي على طول ركزت معاهم بالكلام:عاادي تماام
ام ياسر:مين معاك بالسكن؟
ياسر:اممم واحد مليزي مدري تركي خلاص اخر سنه دي له.. وبنت لبنانيه اسمها رناد
ام ياسرابتسمت:وي لبنانيه مره وحده ماشاء الله..
ياسر:ههههههههه لالا حبووبه....ووانا ووحده اسمها الاء
ام ياسر:اهاااا ...وايش جنسيتها الاء؟
ريناد:سعووديه
ام ياسر طالعت فيها:ايش عررفك؟!
ريناد تطالع بياسر:بنت عمتي كيف ايش عرفني
ام ياسر:اهاااا مااشاء الله...طيب حكيني عن عماتك واعمامك كيف كنتي هنااك؟
ريناد تتذكر بفرح:أياام ولاآآاححلى
ياسر ابتسم بس اتذكر الاء:اممممممم
ام ياسر:طيب حكينا كييف كانت؟
ريناد:امممممم عندي عمين وعمه العم الاول عندو ولد وبنت هوا دا اللي كنت عايشه عندهم بابا جهاد امممم البنت ساره عمرها 23 والولد عبد الرحمن اتوقع 28 حاجه زي كدا..
ياسر منتبه معاها:ايوا 28 قدي عبد الرحمن
ام ياسر:ماشاء الله تعرفه؟
ياسر:ايوا صاحبي
ريناد كملت:وو امممم لحظه افتكر ههههه والعم التاني عندو ولدين وبنت الاولاد كبار امم عبد العزيز كدا 24 وفيصل برضو 28 وريما تاني متوسط
ياسر:اييوا حتى فيصل مرره صاحبي وعندهم اخو كبير كمان اتوفى
ام ياسر:اهااا الله يرحمه ....اييوا والعمه..
ريناد طالعت بياسر:اممممم عندها بنتييين بس..ريهام والاء,ريهام مخطوبه لـ فيصل والاء تدرس برا مع (خنقتها العبره)مع ياسر
ام ياسر طالعت بياسر:اهااا هيا دي الاااء
ياسر اشر بمعنى اييوا
ريناد:مرررره حبوووبه(تطالع بياسر بنظرات إحتقار) اموووووووت فيها..
ام ياسر:اهااا كم عمرها هيا؟
ريناد:اممممم 19
ام ياسر:اهااا لسه صغيره
ريناد تطالع بياسر وتهز راسها وترفع حواجبها وتلمح بالكلام:اييوا مررره صغيييره يامامااا..
ياسر انقهررررر من اختوو والمشكله هوا مايبا امو تحس بشي..
بعـد كلامهم ونقاشاتهم..
ام ياسر:خلاص انا رايحه انام نعست
ياسر:طيب..
ام ياسر تأشر لغرفه:انا بنام بدي وانتوو نامو بدي..
ريناد""وي وي انااام معاه..!!"":..........
ــــــــــ
بيت ابو مختار - غرفة ملك..
تكلم عبد الرحمن بالجوال..
ملك:الوو عبد الرحمن
عبد الرحمن:هلا ملووك اخبارك؟
ملك:تمااام انت كيفك؟
عبد الرحمن:تماام دامك تمام
ملك ابتسمت وبعدين كملت..:امممممم عبد الرحمن ممكن اشوفك بكره..؟
عبد الرحمن استغرب اللهجه الجاده حقت ملك بس ماحب يتدخل:اووكي قولي فين واناا بجيكي بكره
ملك:خلاص برسلك مسج بعدين
عبد الرحمن:اووكي
ملك:يلا بباي
عبد الرحمن:باي
بيت ابو فيصل - جناح فيصل
عبد الرحمن ابتسم:سلطان عزمناا عندو
فيصل ضحك:وي وي سلطاااان واخيـرا..
عبد الرحمن:ههههههههههههههه
فيصل:مين عازم الاخ؟
عبد الرحمن:والله مادري..بس تعال نروح ونغير جو انا طفششت مرره ترا..
فيصل يستهبل:سلامتك من الطفشش
ـــــــــــــ
بـعد لمنام ياسر دخلت تنام..
ياسر يتفرج فلم مرعب ومندمـج معاه..
وريناد تتفرج شويا وتغطي عينها شويا وهي كاارهه حياتها انها معاه..
بعد لمن خلص الفيلم
ريناد معصبه:دحين انا كيف انام بعد دا الفيلم..؟
ياسر:مشكلتك والله..ليه تتفرجي
سكتووو الاتنين لدقايق..
ريناد بتردد:اييش اخبار الاء؟
ياسر ارتبك:همممم..تمام..ليه مابتتصلي عليها
ريناد قامت من الكنبه تدور بجيوبها:لحزه ..اووف وينه؟؟
ياسر:مادري عنك
ريناد تتذكر:يوووو..نسيته ببيت ماما 2
ياسر ابتسم ومدلها جواله:دقي عليها من عندي
ريناد""وه وه اييش الطيبه دي اللي نزلت فجأه..!"":اوك
ياسر""كويس انها وافقت ابا اشوف ردة فعلها"":........
ريناد دقت ومايرد
ريناد:اوووف ماترد..
ياسر""ههههههه اكيد بتتردد ترد عليا ولا لا..:استني شويا طيب
ــــــــــــ
فـ مليزيا -سكن مها..
الاء من اول مادق راحت المطبخ ماتبغى مها تحس بشي..
الاء""اففف والله حيواان وله عين يتصل كماانه"":.......
ولسه الرنين متوااصل
الاء""مالي إلا اديـه بزي واللي يصير يصير"":........
ـــــــــــ
بـ الفندق عند ام ياسر
ريناد:يوؤ ادتني بزي
ياسر""هههههههه عنيييده بطبعها"":حاولي تاني طيب..
ريناد:اووكي(رجعت واتصلت)
ـــــــــــ
بـ مليزيا - سكن مها
الاء رجعت للغرفه اللي قاعدين فيها
ورجع يرن..
مها:ههههه ايش عندك انتي اليوم؟
الاء:ههههههه ولا شي بس مزعج
مها:بس شكلوو مابيتوب
الاء:ايوا احسن لي اقفل الجوال وارتاح
مها:برااحتك
(قفلت جوالها الاء)
ــــــــــــ
بـ الفندق
ريناد طفشانه:يوووه وكمان قفلت الجوال..!
ياسر ماسك ضحكته:اهااا خلاص هاتي جوالي
ريناد مدت له الجوال:انا بروح اناام (وراحت الغرفه التانيه)
ياسر:هههههههههه والله دي البنت تعججبني..عليها حركااات هههههههه ششي..
ارسلها رساله((رينـآآد عنـدي))..!
ـــــــــــ
بـ مليزيا..
بعـد وقت
الاء:يووه خلاص لازم افتح جوالي ماقدر هع
مها:هههههه خللاص افتحيه يكون تاب
الاء ابتسمت وفتحت جوالها لقت رساله جديدة
فتحتها من رقم ياسر.:ريـنآآد عنـدي
الاء مو مصدقه فتحت عيونها ع الآآخـر وعادت تقرا الرساله اكـتر من مره ..مرره مو مستوعبه الكلمتين دي ..!
راحت الاء المطبـخ واتصلت على ياسر
الاء بخوف:الوو..
ياسر""هههههه مصيرها تتصل"" قال بملل:هلا
الاء معصبه نوعآما:ويـن ريناد؟
ياسر:عندي...
الاء""اففففففف ياربي يحب يقهرر من بروده"":وين عندك
ياسر ببروؤد:بالسريـر..
الاء انصصدمت""لا ياربي لا مو معقوله اللي صارلي يصير لـ ريناد لااا ريناد صغيرره"":كيــف...!؟
ياسر ابتسم:ناايمـه..
الاء""قاعد يستهزئ دا ولا كيف افف وربي يجيب المررض"" تقلده ببروده ومن جوتها تغلي:طيب صحيها
ياسر""هههههههههه امووت انا ع البرود ككككك"":ماقدر اصحيها اقوولك ناااايمه
الاء""يوو دا ماينفع معاه ولا اسلوب اففف"" عصبت:صحيــهااااااا...
ياسر يبين انوه عصب ومن داخله يضحك:ناايمه ناايمه ناايمه ..انتي كيف تفهمي..؟
الاء""يوو الله يستـر منه"":ياسر لو مااعطيتني ياها يسير كلام تاااني
ياسر مو قاادر خلاااص:مع نفسك (وقفل الخط وفققع ضحك)
ياسر مدمع ضحك:هههههه ياسبحاان الله يعججبني لمن انرفزها مادري ليه..والله اني غريب ..!
.....................
تذكير بالبارت الـسابق
...ياسر سلم على اختو طبيـعي جداً عشان أمو لاتشك بشي...
...ساره منومه بالمستشفى وماتعرف شي عن حكاية ريناد واليوم بتخرج من المستشفى...
...زواج مختار بعـد 10 ايام...
...امممم ريناد عرفت امها على اعماها وعيالهم وكانت تلمح بالاء كتيـر عشان تحرق دم ياسر اخوها!!...
...ملك وعبد الرحمن بيتاقبلوو بكـره..!!!!!...
...فيصل وعبد الرحمن رايحين عند سلطان اليوم...
...ريناد نست جوالها ودقت من جوال ياسر اخوها على الاء...
...الاء شافت الرقم وقفلت جوالها وبعدين ارسلها رساله ياسر((ريناد عندي))!!!! >مختـصر شديد...
ــــــــــ
البـآآرت السادس عشر /16
بالفندق...
اول ماقفل ياسر من الاء جلس يضحك ورن جواله..
سلططن يتصل بك..
ياسر باين من صوته انه يضحك:يآأهلاااا..
سلطان مستغرب:وسهلآلآ..ضحكنا معاك ..اشبك مبسوط؟
ياسر:ولا يهممك اجيك واضحكك
سلطان:ههههههه تفهمها ع الطاير انته ماشاالله
ياسر:لييش؟
سلطان:لالا بس عشان بيجو العيال عندي تعاال تحلى الجلسه هع
ياسر:ههههه احم احم ترا يكبر راسي بعدين
سلطان:شكلو كبر من زمااان مافي داعي هع....المهم في بيتي هااا
ياسر:اووكي دحيــن جاي ترا اصلن خلقه طفششان بالفندق نامو الاهل وصح صح في حكاوي كتـير بقولك ياها ياشيخ اكشششن..
سلطان:هههههههه حبه حبه ..خلاص بسسرعه تعاال حمسستني مالت عليك
ياسر ويفتح باب الجناح:ههههههه وعليك يلا شلااام (ورااح عند سلطان ببيته وحكااه كول شي)
سلطان مفتح عيونه ع الاخر:وااااااااه وربي انك نذذذذل
ياسر:هههههههههه خلاص وهادي توته توته خلصت الحتوته ..انته ايش سار معااك
سلطان مو مستووعب:لحظه لحظه يعني ريييناد اللي كنت بـ.... تسير اختك
ياسر:ايوا..تصدق والله محد يتوقع ذا الششي
سلطان:واااه قد ايش الدنيـا صغيـره
ياسر:اششوى ماسويتلها شي..متى يجو الشباب؟
سلطان قام:يلا شويا ويجوو..تعال نطلع الحوش ابغا اغير من المكيفات ترا سويتلكم جو خطيــر برا
ياسر:هع هع يلا نشووف
بعد وقـت..
جوو فيصل وعبد الرحمن وسلمو وجلسو فلله ع الاآآآخـر...>ياحظهم هع
بعـد العشـآآء..
سلطان وعبد الرحمن كانو جالسين بزاوية لوحدهم وفيصل وياسر بزوايه
سلطان:اييوا كيف اهلك ان شاالله تماام
عبد الرحمن:الحمد الله..ساره تطلع بكره ان شاالله من المستشفى
سلطان""كويس جت منه"":امممم اييوا اختك اييش سارلها؟
عبد الرحمن:عامودها الفقري تكسرت فقرات منو وسوولها عمليه خطيـره كانت نسبة النجاح قلييله مرره بس الحمد الله نجحت
سلطان:الحمـد الله..
عبد الرحمن:وفيها شوية جروحات
سلطان:صح ايش سارلها هيا؟
عبد الرحمن:تقول طاحت!!
سلطان""وه وه والله تعرف تتصرف دي البنت مافي منها اتنين هع"":كيـف طاحت؟
عبد الرحمن بحيرة:مادري والله تقول كانت تمشي ومدري ايش سار وماشافت وراها وطاحت..
سلطان""هههههه تأالف حكاية..ويلومني فيك والله"":اهاااا
عبد الرحمن:وانته اييش اخبار اهلك؟
سلطان:كالعاده ابويا مسافر واختي تماام والله
...........(وكملو سهرتهم وكل واحد رجع لبيته بعدها ونام)
ـــــــــــ
اليـؤم اللي بعدوؤ..
بعـد العشآء..
بالمستشفى عند ساره بالجناح..
ساره طااايره من الفرح
ساره:يوووه واخيرا بفتك من على المستشفيات وربي خنننق
ام عبد الرحمن تضحك:خلاص ياسوسو ترا رجيتي المستشفى كلها
ساره:هههههه لازم يامااما اعبر عن شعوري اني بخرج هع...إلا وين رنوود غريبه ماجت معاكي..؟
ام عبد الرحمن تصرف:يلا خلاص ترا السواق تحت بعدين لاتقولي نسيتي شي
ساره تلتفت يمين ويسار:ههههههه اصلاً ماجبت اشياء كتـيره
رجعوو بيتـهم...
عبد الرحمن يستناهاا بالصاله بفرح
عبد الرحمن:كلوووش..الحمد الله ع السلامه ياروحي (وراح يسلم عليها)
ساره ابتسمت:الله يسلمك
عبد الرحمن:نوؤتي البيت من جديد
ساره ضحكت:منور بوجودكم..(لفت على امها)ماما وين رنوود وحششتني الدوبه؟
ام عبد الرحمن سكتت
ام عبد الرحمن سكتت
ساره بإستغراب:وينهـآآ..؟
ام عبد الرحمن بحزن::ببيتها
ساره بإستغراب:بيتها...!!...هادا بيتها
ام عبد الرحمن بحزن فظيـع على ريناد اللي تعتبرها زي بنتها تماماً:بيت امها ياساره
ساره مو مصدقه فتحت عيونها ع الآخر:ايــش امها رجعت...!!؟!؟!؟!؟
ام عبد الرحمن:ايوا واخدتها من امس
ساره طالعت بعبد الرحمن:وانته عاارف؟
عبد الرحمن بحزن على ريناد يمووت فيها:اييوا
ساره دمعت عيونها:ليييش لييش ماقلتوولي ليـــش...؟ ع الاقل كنت اوقف معاها اساندها ياما وياما وقفت معايا وساندتني ع الاقل ارد اعتبارها ليا ومعرفوها وجميلها حتى وانا بالمستشفى مافرقتني يوم كل يوم عندي من الصباح لـ الليل..(بكيت) ليش ماقلتولي ليييييش..؟!
ساره تمسح دموعها:وينها دحيـن..؟
ام عبد الرحمن:بفندق اعتقد..
ساره:لااازم تيجي عندي اليوم ابغا اشووفها بليـز مااما..
(((يدخـل ابو عبـد الرحمـن..جآآي من السفر وسوالهم ياها مفآجأه..!!..)))
ساره على طول مسحت دموعها وفرحت كثيـر انو ابوها جاا
ابو عبد الرحمن بفرح:موفـآآـجأآه..
سارة بفرررح:بااااباا وحششتني
ام عبد الرحمن وعبد الرحمن ابتسمو بفرح:اهلييييين (وراحو يسلمو)
عبد الرحمن مبتسم:ماشاء الله من متى واصل جده؟
ابو عبد الرحمن:هههههههه من ساعه ونص كدا بس عشان المطار زحمه والطريق..
ابو عبد الرحمن جلس جنب ساره ومسك يدها:كيفك دحين؟؟...ان شاء الله احسن؟؟
ساره والحزن بااين على عينيها:الحمد الله تمام
ابو عبد الرحمن:الحمد الله..(لف على ام عبد الرحمن وعبد الرحمن)وين حبيبتي التانيه رنود غرييبه ماجت تسلم على ابوها؟؟
ام عبد الرحمن طالعت بالارض بحزن
ابو عبد الرحمن:وينها؟؟
عبد الرحمن:جت امها واخدتها
ابو عبد الرحمن منصدم:إيــــش..!؟!؟!؟!..متى الكلام هاذا...؟!
عبد الرحمن:امس جت واخدتها..
((وحكوو الحكـآآيه))
ـــــــــــ
بالفندق..
ياسر رجع متأخر ونايم ع الكنبه لانو ريناد مقفله الغرفة بالمفتاح عشان مايدخل احد هع
ام ياسر صحيت وغسلت ووجها وصلت وراحتلهم:مساء الخير
هدوؤوؤء..لامجيـب
ام ياسر توقعتهم بالصاله جالسين بس ماشافت إلا ياسر نايم ومتبهدل بنومه راحت عنده بهدوء
ام ياسر:ياسر..ياسر
ياسر:همممممممم..
ام ياسر ضحكت:قوم يلا بلا كسل
ياسر فتح عيونه بكسل وابتسم يوم شاف امه..عدل جلسته وراح الحمام الله يعزكم
بعد لمن خرج..
ام ياسر:ليـه نايم هنا...؟
ياسر""اففف كلو من الغبيه ريناد"" يصرف:الساعه كم..؟
ام ياسر:يلا خلاص العشاء انته متى جيت ؟
ياسر فتح عيونه ع الاااخر:عشاااااااا...!؟!؟وي وي مررره ماحسيت بنومتي معناها حالتها حاله
ام ياسر:يلا قوم انا بروح اشوف اختك(وراحتك)
ياسر:افففففف اغبا اخت بالعاااالم عندي..
ياسر قام وصلى واخد اغراضه وخرج للشركه..
ـــــــــ
بـ المطعم..
ملك تدق على عبد الرحمن ومايرد
ملك:يوو عبد الرحمن يلا رد بسرعه..
ريهام:استني شويا طيب
ملك:اوكي..صح اول مايجي لايشوفك طيب
ريهام:ههههه حااضر..
ــــــــــ
ببيت ابو عبد الرحمن - الحوش
عبد الرحمن يمشي رايح سيارتوو حس جوالو ينور
عبد الرحمن خرج الجوال من الجيب..:قلبو يتصل
عبد الرحمن ضرب جبهتو:يووو (على طول رد)هلا حياتي
ملك:اهليـن..يلا ترا انا استناك
عبد الرحمن:اوكي جاي بالطريـق وسووري عشان مارديت لاني كنت حاطه ع السايلنت وساره رجعت من المستشفى وابويا دوبو واصل من السفر وانتبهت لجوالي
ملك بإحراج:اااه اسفه لو عطلتك
عبد الرحمن ضحك:لالا عادي مو لازم تعتذري ماحصل شي..خلاص دحين جايك
ملك:اوكي سي يو
ــــــــــ
بـ المطعم..
ريهام:ويـنه؟
ملك بإرتباك:جاي بالطريـق(مسكت يد ريهام برجفه)والله خااايفه ريهاام
ريهام:لالاتخافي ماحيسير إلا كل خير
ملك مدمعه بحزن:أي خير اللي تتكلمي عنو وانا بسيب عبد الرحمن..!
ريهام:خلاص خليكي قويـه قدامه ساامعه
ملك بحزن:ان شاالله
ريها تلتفت في المطعم:مو كأنو زحمه شويا
ملك:اممممم اصلاً 24 ساعه زحمه
بعد 10 دقايق وصل عبد الرحمن
ملك بخوف وترتعش ومااسكه بريهام:لا لا والله ماقدر اقوله الله يخليكي خليكي جنبي
ريهام حضنتها بخفيف:والله ماقدر ان شاالله اراقب الاوضاع من بعيد مو حلوه لو عرف عبد الرحمن اني جيت معاكي.يلا الله يكون بعونك ترا دخل..!
ملك تبلع ريقها:ادعيـلي..
ريهام وهيا تروح:ان شااالله ياقلبي وخليكي قويه لاتضعفي..
عبد الرحمن جا عندها مد يده:اهليـن..
ملك وباااين على عيونها الخوف مدت يدها وهي ترتعش وكلامها متقطع""آخر مره امسك يدك ياعبد الرحمن ..(تنهدت بقلبها)آآآآآآآه بس"":هلااا
عبد الرحمن حس انو فيها شي,بخوف:كيفك..؟
ملك بصوت متقطع:الحمد الله على كل حال
عبد الرحمن عقد حواجبه:ملك الله يخليكي لاتتكلمي باالالغاز فهميني حبه حبه اييش فييكي..؟! ايش سارلك..؟!
ملك خنقتها العبره خلااااص استجمعت قوها وقالت:عبد الرحمن..اااا..انا..انا
عبد الرحمن:انتي اييش؟
ملك وفيها الصيحه:انـ انـ خطبت..
عبد الرحمن فتح عيونه لآآخر حد مو مستووعب اللي تقوله ملك كيف كيف كيف...اسأله كثيـره تدور براسه!!!!!
عبد الرحمن بصدمه بصوت واطي:اييش!!!!!!
ملك غمضت عيونها بقوه وقالت بسرعه:انخطبت
عبد الرحمن خلاص حاس نفسو شويا ويغمى عليه من شدة الصدمه ملك ملك ملك حبيتو ونور عينو وكل شي بحياتو تتخلى عنه بهاذي السهوله وعلى طول عين بـ عين انخطبت حقد عليها من قللبه
عبد الرحمن عقد حواجبه:ملك(اشر عليها وعلى نفسو) لاتعرفيـني ولا اعرفـك ساامعه...
ملك فتحت عيونها بسسرعه اول ماقال الجمله إلا عبد الرحمن ماتوقعتو يفهم الموضوع غلط ويحكم عليها بسرعه لانها متعوده من عبد الرحمن يجلس ويفهم الموضوع بعدين يحكم مو على طول بالطريقة هاذي..!!!!!
ملك بسرعه:لاااااااااااااااااا (بكيت بكا يقطع القلب من جد كان من قلبها تبكي على فرااق عبد الرحمن..وريهام تشوف من بعيد وتمسح دموعها من شدة الموقف)
عبد الرحمن عصب بس بهداوة:ايش لا يا (ماقدر ينطق اسمها على طول كمل بسرعه)انخطبتي وخلاص(قالها وهوا كااره حياتوو مو متخيل ملك تكون مع رجال تاني غيره ابد ابد مو متخيـل وعصب اكثـر)مـبروك الله يوفقك معاهدامك حبتيه ضحيتي بي انا عشانه ياحظه الله يهنيه
(كلمات اغنية راب..نفسي انزلها لكم بس ماحصلت الرابط ^^ اسمها اظن ~سهـم الحـب~)
ملك زاد صياحها:لاااا والله لو بيدي ماكان وافقت
عبد الرحمن بإستهزاء:أجل بيد مين..خطيبك..
ملك سكتت..
عبد الرحمن كمل:خلاص م ملك من اليوم وراايح ماتعرفيني ولا اعرفك حتى اتصال لاتتصلي لو سمحتي
ملك خلاص ماتقدر تسمع كلام جارح اكثر وهيا مو السبب
ملك قعدت على ركبها وتبببكي مررره حتى اكتر اللي بالمطعم استغربوو:والله لو بيدي ماكان وافقت والله انه اللي اسويه كله عشانك عشانك والله ياعبد الرحمن بسسس...
عبد الرحمن دق قلبه بسررعه بس مابين تركها وخرج من المطعم والدنيا دايره فيه..
ملك خلاص انهاارت بكي وعلى طول جت عندها ريهام تهديها...
ملك تبكي بحرقه:كله بسببه..اكرهك..اكرهك ياانور اكرهــك..
ــــــــــــ
عبد الرحمن طلع ودخل سيارته وهوا خلاااص حاس نفسو كأنو مشي العالم كله من التعب
على طول راح البحـر اقرب شي من عنده
عبد الرحمن مدمع:ليــه ياملك لــيه..والله ماهقيتها منك ابـد..وحبنـاا كلو اللي ضااع ...!!
سار يتذكر كلامها في باله..:
((ملك ببكي:والله لو بيدي ماكان وافقت والله انه اللي اسويه كله عشانك عشانك والله ياعبد الرحمن بسسس...))
عبد الرحمن بحزن:اييش قصدها بدا الكلام....!؟!؟!
ضرب راسه بخفيف وشغل المسجل جت اغنية سهم الحب مرره يحبها بس اول مره يحس بشعورها من جد...
(كلـمـآآـتهآآ..~)
{{{ليـه ياقلبي خنتيني
وغرستي في سهم الحب
طب ليـه طب ياما انا وفيـت
رسمتيك احلى رسمه ..اعطيتيك قلبي البسمه.. اتنفستيك مثل النسمه..
خيالك كانت رسمه والنكران لانسان كان صادي نلغي كل امال عمره ماخان صان العشره ....
هالزمان وحيد يعاني من كلمة خلاص انسان يقص قلبي جرحني خلاني ورده نص بستان كنت افعله نيراني وانا اعاني مع حبي في نصفن كان ااه
ياقلبي قولي ليه..خنتيني انا ليه..وياما انا اعطيت..لكني بنسا كل الايام .ونساااك
كنت اشوف الدنيا فيه..كنت احب خوفي عليك..كنت انا عايش حزين.كلا لسنين..لكني والله قررت امحيك من ذكرااي
ليـه ياقلبي خنتيني
وغرستي في سهم الحب
طب ليـه طب ياما انا وفيـت
والنكران لانسان كان صادق معطيك الامان..عمره ماخان .. صاعن العشره.. وتركتيه في هاالزمان وحيد يعاني من كلمة خلاص انساني ..يا قسوة قلبيك الأناني..
يا قلبي قولي ليه خنتيني انا ليه ويامه انا اعطية لاكني بنسه كل الايام...وانساكي
...كنت اشوف الدنيافيك.. كنت احب خوفي عليك ...كنت انا عايش حزين كل هاالسنين...لاكني والله قررت امحيك من ذكرياتي...
ايش دنبي اني اعطيتيك الى تبغيه..اعطيتيك قلبي وقلبي ليه طعنتيه...بكيته سويتي فيه كل شئ ...مابيكافي قلبيى اي شئ باقي حي ...نورة الشموع في وقت الدموع..
قلبي يبكي من الالم..وقلبي يهز الضلوع ..مافكرة انا في يوم الرجوع ...بخلي حياتيك كله دموع.. جا اليوم الى تدفعي فيه الثمن ...انا واثق من رجوعك معا مرور الزمن ..الزمن يمر والطيبه تفر
...وش حيبقاليك من هاالدنيا غير المر...حتبكي وتقولي فين حبيبي القديم بكون انا اختفيت ورحت معا السنين..الله يوفقك معاه دامك حبيتيه..ضحيتي بي علشانوه يا حظوبه الله يهنيك...
ليه ياقلبي خنتيني انا ليه وغرستي فيا سهم الحب طب ليه طب ياماانا وفيت..}}}
خلصت اتـصل بـ فيصل لانو يحس نفسه شويا ويدوخ مو قادر يسوق وعشان مايسوي حادث
فيصل:هلا عبد الرحمن
عبد الرحمن بإنكسار:فيصل تعال ضروري انا عند بحر.....
فيصل خاف على عبد الرحمن من صوته:عبد الرحمن اييش فيك صاير شي في احـد..؟
عبد الرحمن بلع ريقه:تعاالّي بسسرعه (وقفل..!)
وجت اغنية بعدها..وش جاه...
{{{
وش جاه محبوبي مشى وخلاني ...
مـابين نيراني وبين أحزاني ...
واللي يسوي سواته ماهو عاقل ...
يحبني موت ويصاحب ثـاني ...
>ّ محبووووبي مشى وخلاني ...}~~
خلوه على كيفه يدور غيري ...
يرتاح وأرتاح أنا من تفكيري ...
مافاد لا حبي ولا تقديري ...
مابيه حتى لو تعنى وجاني ...
>ّ محبووووبي مشى وخلاني ...}~~
والله شكله من البدايه خاين ...
خداع مافي شي من عينه باين ...
للحب والعشره أبد مو صاين ...
ضحكته ويا للأسف بكاني ...
>ّ محبووووبي مشى وخلاني ...}~~
..}}}
ـــــــــــ
آســفه من اعمآق قلبي
او اخليها صميم قلبي يكون احسن هع
والله بجد ايام فررري سووري..^^
دا البارت عشان خاااطركم والله
ادري حزيـن شويا بس ان شاالله البارت الجاي يكون سعيد..
وبعدين تعاللو(هااا جينا خخخخ)مين قدكـم حطيتلكم باليوم بارتيـن
وي وي ولا عمرها سارت في تاريخ الشوق ذبحني >احلللفي بس لا وعملتلها تاريخ الاخت هع
ههههه بارت الفجر وبارت المغرب
يلا تتهـنوؤ...
قرآآءة ممتـعه..
انهـآآء البـآرت الـ 16
نلاقـكم على خير في البآرت الـ 17
|||...الشوؤق ذبحني...|||
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك