رواية شغب في مدارس الرس -14
أحمد- الحمد لله بخير...
معاذ- واخبرا الوجع اللي دايم يجيك ...ان شاء الله زال؟؟
أحمد- اللحمد لله ....
معاذ لاحظ ان أحمد ما يبي يكلم والكلام يصعب عليه ...
معاذ- كنت ابي اسلم ..تامر شيء ...
أحمد بتردد- سلامتك...
معاذ- يالله ...
أحمد- معاذ...
معاذ- أمر ياقلبي...
أحمد بضيق والعبره خنقته - الاستراحه .....أبيك تروح لها...و..و....وشف الدواليب اللي بغرفة النوم.....بتلقى كاميرا فيها...تكفى كسرها ...ولا أحد يشوفها..
ندى وفايزة وفيصل وسامي وامهم وابوهم في اشدحالات التعجب...
معاذ- ما طلبت شيء يا أخوي ...الحين اروح .......أي أموامر ثانيه؟؟
أحمد- سلامتك
ندى بهمس- وش السالفه
معاذ- مع السلامه
سكر ...رجع سامي لمكانه وجلس .....
فيصل-أنا بطلع تامرون شيء
ندى- جب لي هديه معك من البقاله
فيصل- انتي كل يوم تبين شــ....
قطع كلامه شهقت أحمد ..
التفتوا له كان يبكي ...
امه زادت عليه وبكت معه ....
سامي- الله يهديكم وش فيكم انتن
فيصل وندى وفايزة انسحبوا من الغرفه على طووول
..............................
مها كانت بغرفتها معها كتابها تذاكر...
دخل فارس وقال- مها...خالي جاء...يبي يسلم عليك...
مها- جد؟؟؟
فارس- بسرعه تعالي...
رمت كتابها على السرير وقامت ....
طلع فارس وغيرت بجامتها ...
...........
فارس- وين مها يافارس ؟؟
فارس- الحين تجي ....
مرام- ايه واخبارك....
الخال فارس- تمام...انتي اخبارك ياقلبي....
مرام- بخير دامك قدامي...
ام حاتم- وشلون امي؟؟
فارس- تمام....والله ودها تجي تشوفك....بس انتي الله يهديتس ما تجينها....
ام حاتم- ويني وين البدايع ...أنا يالله اصل للسوق ...وتبي احد يوديني للبدايع ....ابو حاتم مو فاضي...وحاتم بعد يقول وشلون اوديك وانا ماعندي سيارة ....
فارس- طيب ليش ماتشترون له
ام حاتم- يطلع من الثانوي ونشتري له ....هاذي اخر سنه ...
فارس- الله يوفقه ....
دخلت ...
فارس-هلااااااااااااااااااااااااااا والله ....هلا وغلا ...
مها- هلا فيك ....وينك وين اياامك ...
قام يسلم عليها ....
فارس- بالبدايع وما ورائها....
مها-هع وماورائها ...وش عنده مدرس اللغه العربيه ..
مرام- هذا هم المدرسين .....
فارس- تطنزون علي...ايه وانا اللي مشتاق لكن وجاي اشوفكن ...
مها- تشتاق لك العافيه ....
جلس وجلست جنبه وقالت- هااه ...متى؟؟
فارس-خخخخخخ قريب ان شاء الله
مرام- يوووه وش فيكم انتم مع مع مها الغاز ...يمه شوفيهم
امه- وش تبين بهم...خليهم على راحتهم
فارس- اذا كبرتي نقول لك ...يوه مها اصغر من مرام ...أجل خلاص ما أقول لمها بقول لمرام
مها-هع هع ميخالف رح قلها ...
فارس- مرومه لا تزعلين هي تسألني متى ناوي اخطب...
مرام- ياسخفكم وهاذي فيها الغاز ...
امه- الا سمعت امي انها تبيلك بنت جيرانا بالبدايع...
فارس- لا لا ما ابيها...
مها- صديقتي ...وش رايك؟؟
فارس طالعها وقال- اذا اعجبن اسمها ميخالف ...
مها- ندى ...
مرام- لا لا صديقتي انا...
فارس- خلاص اتزوج ثنتين وبليله وحده ...
مها- لا والله خلاص ما ابيك لصديقتي ...تجرح مشاعرها..
فارس- خلاص ما ابيها...
مها- اصلا ابيها لحاتم ...
فارس- ماشاء الله من الحين تحجزين له ...
امه- حاتم ما يبي الا من طرف مها...
مرام- بزارين ...وصاروا يعرفون هالخرابيط...
فارس- مو خرابيط...اصلا حاتم ومها عقولهم اكبر من اعمارهم ...
مرام وش قصدك يخال...
فارس- ولا شيء...
مها- فارس ...من جد من تبي تتزوج؟؟؟
فارس- ما ادري...ابي وحده مثلك...
مها-خخخخخخخ ماراح تلقى ...انا فريده من نوعي
مرام- يآآآآآآآآي وش انتي؟؟ بعدين وش السالفه ماسكين على الفصيح ؟؟
حاتم وفهد بالحديقه ...
فهد- وينه؟؟؟
حاتم- حتى ما يرد ...ما ادري وش سالفته ....
فهد- يعني يخلينا ننتظر نص ساعة ....
حاتم وهو يتصل ويتصل....أخر شيء قفل...
حاتم- الجوال مقفل....لا اله الا الله ....
فهد- خلاص نلعب انا وياك...
حاتم- لا ....بروح اشوفه في بيتهم...انا لازم اشوف وش فيه ...
فهد- لا تخاف ...
حاتم- لا ...مشينا...
..............
طق طق طق ...طق طق طق ...
فتح اخو خالد...
حاتم- سلام عليكم ...
اخوه- هلا...وعليكم السلام ...
سلمو عليه ...حاتم- ننتظر خالد بالحديقه ولا جاء....بالله وينه؟؟
اخوه بتردد- هاه...انتم..ما تدرون...
فهد- لا اليوم ما شفناه ...وش صاير...
اخوه- الشرطه مسكوه...وهو بعنيزة ....
حاتم وفهد انصدموا...
اخوه- الله يطلعه بالسلامه
فهد- امين ...
حاتم- مسكوا معه احد...
اخوه- وانت تدري وش السبب ؟؟
حاتم- هاه...لا بس هو امس قالنا...انه بيروح مع منصور...لعنيزة ...
اخوه- ايوه...
حاتم توهق وقال- وقال ان منصور ناوي يفحط ..وهو معه ...
اخوه- منصور مين ؟؟
حاتم- واحد بمدرستنا ..
فهد- اي والله هو امس قالنا ....وما قدرنا نقنعه انه يترك منصور...
اخو خالد- المهم جزاكم لله خير....تامرون على شيء ثاني؟؟
حاتم وفهد- سلامتك ...
دخل وسكر الباب
حاتم- مو مصدقنا..يظن اننا السبب ....انا هذا اللي مخوفني من منصور ومصاحبته ....الله يستر لايكون فيه شيء ثاني ...
فهد- الله يعين ....ان شاء يطلع ؟؟؟
حاتم- ان شاء الله .....
..................
الصبح....
الحصه الثالثه .....
بفصل مها.........
خلصت استاذه نهله من شرح الدرس ووقفت عند الباب ونادت رغد تسولف معها ....ومو بس سوالف بعض الاحيان رغد تتجرا وتمسك يد نهله ....
ابتهال تطالع ....
مها تطالع بابتهال وقالت- احس ان ابتهال مو على بعضها...
ندى طالعت بابتهال...
وقالت- ايه اكيد بتصير كذا ..هي تحب رغد...
مها- لا ما اعتقد...احس ابتهال غير...
ندى- الا والله تحبها....
مها- ما ادري....
ابتهال قامت واتجهت للباب ......
ابتهال- استاذه ...ممكن اروح لستاذه الرياضيات ...عندي اختبار ما اختــ....
نهله قاطعتها- روحي روحي....
ابتهال ابتسمت وهي تطالع برغد ورغد تطالع بابتهال بغرور ...
ابتهال ابتسمت لرغد وغمزت لها وارسلت لها بوسه بالهواء....طبعا نهله ماتشوف ...مفهيه برغد ....
رغد ابتسمت لبتهال وبعدت عيونها عنها ...
ابتهال راحت تمشي وهي قمة الوناسه....
.................
طارق....
امه اكنت فوق راسه - طارق....ياولدي قم....وش فيك انت قم صل الفجر....ياطآآآرق...طارق...مير الله يهديك....طارق...طارق...
طارق فتح عيونه بشويش وطلع فيها وقال- تركيني انآآآم...
امه- طيب ماصليت الفجر...والساعه تسع ....
طارق اخذ نفس وقال- ما نمت زين ....
امه- ما ادري وش جايك ياوليدي...انت من جيت وانت مو مستانس...
طارق جلس بملل وعجز وطالع فيها....
امه-اطلب اللي تبي ...بس لا يضيق خاطرك.....
طارق ساكت ويطالع فيها...بعدين غمض عيونه وطاح على ورى ..
امه- عمك قايل لك شيء...
طارق- عمي ماقصر ...بس انا كذا ...ما ابي ادرس...
امه- كيف الدراسه بس انت وش اللي قلب حالتك
طارق- مافيني الا العافيـــآآآآآآه....
حط يده على شفاته وهو يتثاوب ...وقام وقال بصلي...
امه بتغير الجو عليه تبي تونسه- اجل اكيد تبي تتزوج...
كان بياقف ....ثبت على حركته .....
امه استغربت ...تشوفه يفكر....قالت- انت تبي تزوج؟؟
طارق طالعها......ويفكر بعمق....
امه-تبي نخطب لك واذا خلصت الدراسه تزوجها؟؟
طارق يفكر بكلام امه....ابتسم....
امه ابتسمت وقالت- وهذا اللي مضيق خلقك...بس من تبي ....وانا بقول لأبوك...
ضحك بخفيف وقام عشان يصلي....
..................
رغد تلعب بخصل من شعرها وتقول بدلع ...وهي جالسه على الطاوله والاستاذه نهله واقفه عندها وبشكل كانت قريبه منها...ما انتبهت للي حولها....ماتشوف الا رغد ...
ابتهال جت تمشي وهي تطالع فيهن...ضحكت بقوة ودخلت الفصل...
رغد حطت رجل على رجل وقالت- بالله نهوله...مو ساذجه هالبنت ...
نهله- ايه...ايه..مره...
- أستــــاذه نهلــــــــــه....
صوت ملا الصاله وصداه بكل مكان ....
نهله انهبلت ...والتفتت للمديرة بخوف...
رغد ماقدرت تحرك....
المديره- لا لا عشنا وشفنا.....هاذي المعلمه المحترمه ....
التفتت رغد للفصل...كانت ابتهال من بينهن تضحك....
ابتهال طالعت برغد وحطت عينها بعينها وقالت- العلك هاه....الحين الزباله انتي....
رغد عظت على شفايفها بخوف وقهر ...وامتلت عيونها دموع
المديره بعصبيه - وانتي جالسه على الطاوله....ونعم الادب والاحترام....انزلي قدامي للاداره ....
الاستاذه نهله- أنــا أنــ....
المديره- امشي امشي لاتحاوليــن....حسابي معتس...ما ابي امسح الارض فيتس قدام البنات.....
صرخت بقوة- قداااامي...
.....................
مها تطالع جهة الباب وتشوف المنظر المؤثر جدا....
التفتت لابتهال وكانت ابتهال مستااااانسه...
مها- هاذي تحب رغد...
ندى- والله كانت تحبها...اذكر كانت رغد تطيح وجهها قدام البنات
مها- اذا كانت تحبها ليش سوت كذا ....واضح ان هي السبب...
ندى- يمكن حقدت ...
مها- ان كيدهن لعظيم....عالم ما ادري وشلون تفكر....
............
وبعد ما انتشر خبر خالد انه بالسجن ...وطبعا كل السبب على منصور...نشر الخبر لانه ما امسكوه الشرطه ...
حاتم وفهد جالسين على الطاولات يسولفون...جاء واحد من الفصل الثاني اسمه عبد الرحمن....مر من عند حاتم وفهد طالع فيهم بتعجب وقال- مامسكتكوم الشرطه مع خويكم ...
التفت حاتم له بسرعه وهو معصب ....
فهد- ومن الل وصل لك الخبر ...هالجزيره ماشاء الله عليه...
حاتم قرب منه وقال- احفظ لسانك....كأني اسمع سبه...
عبد الرحمن ابتسم لهم ابتسامة استحقار وقال- كلكم سواسيه....يعني هربتوا من الشرطه اليوم بكره بتمــ...
دفه حاتم وطاح على الطاولات ...
عبد الرحمن وقف معصب وهو يمسك ظهره وقال- والله انك واطي....
دف حاتم ...وحاتم ضربه...وهو ينط حلى حاتم ويضرب .....
فهد يحاول يفرقهم ...
جا صديق عبد الرحمن ودف حاتم ...حاتم طاح على الارض....
جا صديق عبد الرحمن ودف حاتم ...حاتم طاح على الارض....
فهد يطالع ...مصدوم....طاح صديق عبد الرحمن وهو يضرب حاتم...
فهد سحب عبد الرحمن ودفه على صديقه وقال- والله حيوانين....
طاح عبد الرحمن على صديقه ...وقام حاتم وهو متألم من الضرب....
قام عبد الرحمن وصديقه وقال- مسوي فيها رجال...
ركض لحاتم...وحاتم ضربه مع بطنه ....
عبد الرحمن مسك بطنه وطاح على الارض وهو يتألم بقووووة....ويحاول ياخذ نفس...
صديقه- ياملعوون....
نط على حاتم وضربه...
حاتم وفهد طاحوا عليه ضرب ويقول حاتم- موب رجال...انقلع انت وصديقك..
الطلاب متجمعين عليهم.....دخل استاذ الدين ...وقال- حاتم فهد...وش اللي سويتوه....هالكبر وتضاربون...
جلس عند عبد الرحمن ....وقفه وقال- قدامي انتم على غرفة الوكيل....
فهد- استاذ جيين بفصلنا يدورون الضرب...
الاستاذ- قدامي انتم الاربعه ...
عبد الرحمن يطالع بحاتم بحقد .....وقف وقال- هين...هين ...
......................
رغد تصيح- والله يا استاذه انا ..انا....مالي دخل هي لعبت علي...دايم تنادين...
نهله- كذااابه...والله هي .....استاذه عهود انا ...
المديره- اوص انتي وياه...هاذا حبكن اللي عايشاته...استاذه نهله...ما ابي اشوفك مره ثانيه بالمدرسه...وبرفع للاداره انك ماتستحقين اسم المعلمه ابد....
انهارت نهله وهي تبكي وتقول- استاذه عهود الله يخليك هاذي اول سنه لي...الله يخليك ..لا تحرميني من الوظيفه الله يخليك....
المديره- ماعندي كلام غيره...دوري لك احد يجي ياخذك من المدرسه .....
نهله- استاذه سامحيني الله يخليك لعيالك ويخليهم لك.....كل السبب هي....كل السبب هي...
المديره- وش سوت هي...هاااه...
رغد ابتسمت ب وناسه ...يعني ماراح تسوي شيء...
المديره- ابيك تستدعين امك يارغد....وانتي مفصوله اسبوعين ...لا اشوفك بالمدرسه ....
كانت مثل الصاعقه على راس رغد....
المديره- وياليت بهالفتره تدورين لك مدرسه غير هالمدرسه ...
رغد- استاذه انا مالــ....
المديره- مليت من مالي دخل مالي شغل....هي السبب لا هي السبب....
بسرعه انتي وياها....كل وحده تدق على ولي امرها يجي ياخذها....
رغد وهي تصيح- الله يخليك امي لا تدري....
المديره- لا تجين المدرسه وامك مو معك...ترى بطردك برا
نهله- استاذه وانا....وانا وش اسوي....لازم اشتغل....
المديره - ما تستاهلين هالوظيفه...
..................
الوكيل - هالكبر ..طول وعرض وتتضاربون بنص الفصل....كم اعماركم انتم...استحوا على وجيهكم ....ما ادري نضجتوا والا لا....كم اعماركم هااه...
طالع بعد الرحمن وقال- كم عمرك هاه ...راح تهاوش...
طالع صديق عبد الرحمن وقال- كم عمرك انت الثاني....
صديق عبد الرحمن يطالع الارض وساكت ....
طالع حاتم وكان حاتم يطالع فيه ...طالع بنظره قويه وقال- قلي كم عمرك وانت تهاوش..
حاتم ابتسم وقال-19 وبدخل الــ20...
الوكيل يطالع فيه ....فتح عيونه لاخر شيء...
فهد بقلبه- رحت فيها ياحاتم
الوكيل- وترادد بعد
حاتم- انت سألتن كم عمري...
الوكيل- لا ....احلف ياشيخ...
حاتم - تراي مو اصغر عيالك تكلمن بهالطريقه ...
الوكيل بعصبيه- لا تقلل احترامك معي...
حاتم- انا محترم...
الوكيل يزيد بصراخه- احترم نفسك...اذا تكلمت انا تسكت وتنزل عيونك بالارض...
حاتم بعصبيه- وش انت عشان انزل عيوني بالارض عشانك....مثلك مثل اي واحد
الوكيل باستهزاء- وانت ماتحترم ابوك وتكلمه بهالطريقه...يمكن تكلمه بهالطريقه لانه معودك....
عض حاتم على شفته من القهر وقال وهو يضغط اسننانه ببعض ويقول- احترم نفسك...دام النفس طيبه...
الوكيل يطالع حاتم كان من جد معصب....يمكن يسوي اي شيء ويذبحه....
الوكيل سكت وقال- تعال انت وياه اكتبوا تعهد...
حاتم اخذ القلم من يد الوكيل بعصبيه وكتب الاسم والتارخ ووقع ...
ورمى القلم على الطاوله وطلع ....
الوكيل يطالع بحاتم ويقول بنفسه- لا والله كملت المدرسه...جاني منصور الثاني...
........................
طارق اتسطح على السرير وهوو مبتسم ويفكر...
طارق- اي والله امي كلامها صح..اقد اخذها الحين ...ولا اخلي فيصل يستانس..عمي مو رادني...بس هي اكيد بترفض....
قال بضيق- وانا ماودي اضغط عليها واخليها تكرهني زياده....مو ناقص انها طول هالسنين ما حبتن....هالبنت مافيه مثلها...كل البنات يحبن اللي يحبهن بس ليش ما تحبن ...
اتسطح على جنبه وقال- اذا تزوجتها وعاملتها مثل الملكه بتحبن اكيد....ابي احجزها بس....
مابيها تروح مني
دخلت امه عليه وقالت- طارق...تبي فطور.....تعال افطر معي....
طارق- يالله....
قام.........بالصاله.......
كان ساكت وياكل ...ولا يسولف...
امه- من تبي ياولدي...اللي فيك عشق ...مو هم...
طالع فيه وضحك وقال- تعرفين العشق من الهم...
امه- اي والله ياولدي....انت تبي مها
طارق يطالع فيها متردد يقول ايه او لا
امه- قل يا ولدي...انا حاسة فيك...
طارق أخذ نفس وقال- أنا يمه....ابي...
سكت
امه- ياولدي لا تسكت...الخير كثير وحنا نبيك تحجزها بس عشان ما يضيق خاطرك...انا ادري انها مها
طارق نزل عيونه وقال- وان هي ..ماتبيني...
امه- ما تبيك...اجل من تبي اذا مابغت ولد عمها...
طارق- لا يمه هالتعصب الحين مو موجود...
امه- لا لا ابد ماعليك...اصل سلمان يبي مرام وناوين نخطبها له....ونخطبهن كلهن لكم بيوم واحد..
طارق- يمه اخاف ..
امه- وش تخاف منه...البنت مو لاقيه احسن منك...
طارق طالع الارض وقال- ما ابي عمي يغصبها..
امه- مو غاصبها ...بعدين خطبه خطبه...
طارق- لا لا ....الله يكتب لي اللي فيه الخير...
امه سكتت وهي تطالع فيه ولا علقت ....
..........................
بالفسحه
مها- تخيلي بس اصير حرم الشيخ طارق....انجلط ياشيخه
ندى-خخخخخخخ ما تدرين
مها- على جثتي
ندى- اجل حرم الشيخ فيصل هع هع
مها- ايه كذا حلو ...
ندى- منعوووونه
مها-خخخخخخخخخخخخخخخخخخخخخخخخخخخ الله يرجتس يادووووبه....
ندى- الله لا تبتلينا بما ابتلاهم به ...
مها - وش اللي فيني هاااه
ندى- انك تحبين.....انا ما ابي احب الا رجلي...
مها- ان شاء الله ماتحبين الا رجلك ...
ندى- يابعد قلبي يامها ...لا يكون ضايق خلقك انك خايفه انك ماتخذين فيصل....
مها بملل- لا مو على هاذا...انا خوفي كله من طارق...
ندى- لا ما اتوقع...اكيد عنده كرامه ...
مها- ايه واضح الكرامه طاله من عيونه...والله ماعنده كرامه ...
ندى- ما اقول الا الله يعينك
مها طالعت السحاب.....وكان الجو غيوم....
وقالت بنفسها- لو بتزوج طارق....معقوله راح احبه.....يعني هو يحبن واكيد بيعاملن وكأني اميره...بس ليش كل هالخمس السنين اللي مرت ما حبيته....يعني مو معقوووله ابد...انا ماراح احبه ابد ابد..
سكتت شوي وقالت بتعجب بصوت خفيف- وانا ليش افكر كذا ....اكيد ماراح اتزوجه...
ندى-هاه....
مها طالعت فيها وابتسمت وقالت- اخبار فايزة وغيدا
ندى ابتسمت وقالت- اكيد هاذا اللي قلتيه
مها- اي...
ندى- ايه تمام وبخير وعافيه ....الجو حلو اليوم ...
مها- اي مااره خقق ...اقول تعالي لنا اليوم يا الشينه.....دايم انا اجيكم وانتي ما تجين ...
ندى- آآآآ اليوم؟
مها- ايه....ترى ابوي يطلع ...وحاتم يروح يلعب مع اصدقاه...
ندى- آآآآ اوك ....بس بشوف امي....وارد لك ...
مها- خلاص ...
.............
فيصل كان جالس يفطر....
وقال- يمه...ندى راحت للمدرسه ؟؟
امه - ايه....وانت تشووفها هنا؟؟؟
ابتسم وقال- لا الله يخليتس لي ...بس قلت يمكن غايبه ابيها تونسني...
اخذ نفس ...
امه- انت تعبان؟؟
فيصل - الحمد لله ....لا والله مو تعبان....الا اقول يمه...الحين اهل مها...صديقة ندى ....ماعزمناهم ولا تعرفنا عليهم...انا اعرف ولدهم وقد عزمني على القهوه وتقهويت معه..لازم يتعشون معنا..
امه- بقول لابوك...مير حنا الله يعيننا...بهالوقت ما نقدر...
قالت هالكلام بضيق...فيصل يطالع فيها..وتضايق وقال- هذا قضاء وقدر...حنا ان شاء الله صابرين ومحتسبين الاجر...
امه- ان شاء الله.....بروح اشوفه اذا كان صاحي....
قامت امه وراحت....جلس يفكر....لو يعزمون اهل مها...وتجي هي...بيحاول يشوفها زين...هو شافها عند غرفته بس ما شاف ملامحها صح...هاذي تعتبر مهمه له دامها تحبه ...
اخذ نفس وقال- انا وش يخليني افكر فيها بهالطريقه....مايصلح افكر كذا ....حرام علي اني اشوفها...استغفر الله ....اللهم لا تأخذني بما قلت ...الله ما رجع لي شوفي الا لازم احمده واشكره...استغفر الله
قال بقلبه- بس ليش افكر فيها كثير...أخاف احبها..وأنا ما....
غمض عيونه وقال- اعوذ بالله منك يا ابليس.....ما ابي اشوفها ولا ابي احبها ابد.....
اخذ نفس وتذكر طارق واضح ان طارق هو بياخذ مها....ولو بيخطب مها وش معه شهادة ....حتى الابتدائي مامعه ...ولو بيدرس ..البنت ماراح تنتظره ...سادس واول متوسط وثاني وثالث والثانوي ...
هاذي كلها سبع سنين...وطارق بسن الزواج....يعني يقدر يخطبها ....وولد عمها اكيد ماراح يرفضونه الا اذا كانوا ماعندهم هالتفكير....
فيصل- لا انا لها ولا هي لي...اصلا وش خلاها تحبن...
تذكر كلام ندى انها قبل ماينشفي...
هنا سكت....وتفكيره راح لمها نفسها ....يحاول بقدر المستطاع يتذكرها....كان شعرها لتحت اكتافها او اطول ..وحاطه بشعرها شباصه حمرا صغيره....كان بياضها واضح...وحاطه روج احمر...ولبسها كان اغلبه احمر ....
فيصل وهو يضرب راسه بخفيف- هاذا اللي قدرت تجيبه .....عيونها وملامحها الباقيه كيف....أووووه ....
دخلت امه وقالت- تسولف على نفسك ....
سكت وهو يطالع ويفكر...ضحك وقال- اي اسولف....هاه احمد صحى؟؟؟
مه- لا ....
....................
العصر....
دخلت مها غرفة حاتم وقالت- وين راح هاذا ....اخاف يجي ويدخل على البنت ....
جلست على سريره وهي تطالع بالحوسه ....
مها- يييييع وشلون يتحمل كذا .....وين لابتوبه....
اتجهت لدولاب...وفتحته ...لقت الابتوب ...اخذته ولقت وراه اكسسوارات ...
طارت عيونها .....وقالت من له ...مسكتهن وهي تطالع فيهن .....كان فيه اكسسوار عليه حرف f....تذكرت ان ندى لابسته عشان فيصل...
مها- من وين اخذه ....هاذا من ندى ..
دخل ...وجلس على السرير ولا انتبه لمها ....نزل جزماته ورفع عيونه ...وانصدم ....
مها وهي تفكر ...
حاتم بربكه- وش تسوين انتي.....وش القااااافه ....
مها التفتت له وقالت- من وين جاك هذا....
حاتم- كنت بعطيك اياه تعطينه فايزة ...
مها طيرت عيونها وقالت- فااااايزة ....
حاتم- لا يروح تفكيرك بعيد....
وقف وقرب منها ....وابعد الابتوب وااخذ خواتم وقال- طاحن منكن ذاك اليوم وكنت وراكن....اخذتهن ...
مها تطالع فيه بشك
عصب وفتح يدها وحطهن بيدها وقال- اللقافه مااالهاا داعي.....تجين من الباب لطاقه وتفتحين دولابي
مها تذكرت انها متلقفه طلعت لسانها وابتسمت وقالت- ماصار شيء ماصار شيء
حاتم ابتسم وهو يضحك عليها وقال- اقووول ....بلا استعباط....
مها- خخخخخخخ لا بس اذكر ان ندى لابسه هالاسواره ...ايه صح ...ترى ندى بتجي ..ما ابيك تدخــ...
حاتم- بتجي اللي تحبن؟؟
مها - ومن اللي قالك انه تحبك ....اقول اعقل ...
حاتم- لا مو معقوله ...اكييييد تحبن.
مها- انا لله .....خلاص ماراح اخليها تجي معنا ...دام تفكيرك كذا
حاتم- لا بس....بس انها ...
مها- وش فيها...
حاتم- خلاص خلاص...انا بطلع مع فهد
مها - اوك...
..........
ندى- بروح....
فيصل- خلاص انا بوصلك ....
فايزة- ابي اروح معك ...
ندى- اقول انثبري وين تروحين ...
فايزة- يا الله وش فيها ان رحت باكلكم
ندى- لا لا بس انثبري...
فيصل- مشينا.....
طلعوا يمشون ..كانت تمشي جنبه وقالت- فيصل.....
قال- هاه
قالت- يعني من كلامي عن مها.....وش رايك فيها.
طالع فيها وابتسم..وقال- بتقولين لها..
قالت- لا لا ماعليك...في بير...
فيصل- عادي ...
ندى- يوووه فيصل ياشينك....قل يعني مشاعرك...
فيصل انحرج- وش مشاعره...
ندى- معقوله مافيه مشاعر يعني ...كذا ما ادري وش اقولك بس اكيد فيه مشاعر تجاهها...
فيصل - هي تحبن اكيد؟؟
ندى طالعت فيه....وقالت- البنت مو تحبك...الا تعشقك...
سكت وطالع لسماء ...
ندى- ايــــــــــــــــــه اللي يعشقون ويطالعون اسما ان كانوا يفكرون بحبيبتهم ...
فيصل يطالع فيها وهو معصب وقال- لو مو بالشارع كان كسرت راسك ...
ندى- هع هع ....ابي علك...ادخل البقاله واشترلي ...
فيصل- لازم...
ندى- ايه.....
وقفت عند الباب ودخو وهو يقول- هالعالم نفسيه ...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك