رواية شوفوا الزمن كيف قاسي مخلي راسه براسي -15
ريما وسارة:ههههههههه (سكتو شويا..وبعدين جا صوت مسج من جوال ساره)
ريناد تغمزلها:نبا نشووف ايش كتبت
ساره:هههه بعدين اصلا مافيا دحين افتحها
ريناد وريما:ياااربي ع الكسسل..
ساره تصرفهم:اقوول ويـن ريهام ماشفناها..؟!
ريناد فاهمه انها تصريفه بس احترمت رغبتها:يلا ريوم نشوفها
ريما:اووك هيا (وراحو خرجو)
ساره اخدت نفس:وووه.شكلي كنت بروح فيها (وفكت المسج)
{..انا مااحب دي الحركات ولا بتشوفي شي مايعجبك ترا..}..قريته وهيا مكشره..:ماالت..ؤف بس والله يمكن يسويها احسن خليني ادق..
ـــــــــ
بالشركة - مكتب سلطان..
بـ مكتب سلطان..كان عندو خالد ولد خال ياسر..وصاحبو..
سلطان ضحك:مصيـرها تتصـل..
خالد:ياخي خلاص سيبها في حالها..تراك طفشتها
سلطان:لو سمحت بدون تدخل..وبعدين لسه ماشبعت منها..والله لااذلها ذل..
خالد اتكا ع الكنب:والله انت وياسر ماشفت انذذل منـكم..
سلطان:ياحليـلك خلوود على نياتك..بس خلاص لاتتكلم برد..(رد)..هلا وغلا سارونه..
ساره:خير..ترا اسمي ساره ها مو (وهيا تقلده)سارونه..
سلطان:خلاص آسفين سارونه
ساره اخدت نفس قبل لاتنفجر:طيب نعم دحين انت ايش تبغى كل يوم داق..تراك منكد عيشتي..طفششتني..
سلطان ببرود:منك انتي ابد مااطفش..
ساره:اسمع انا ماني فاضيه لناس زيك ماعندها ماعند جدتي.. وروح العب غيرها ومو عليا فااهم..
سلطان عصب:لا انا إلي فاضي لأمثالك الحين وبعدين ياقلبي انتي الخسرانه مو انا..واصلا انا اتصل اذلك بس سامعه يابنت جهاد..
ساره انقهرت من كلامو وقفلت بوجهه..
سلطان وهوا يرمي ع الجوال ع الكنبه معصب:والله اخر زمن بنات يقفلو بوجهي..والله انا لك والزمن طويل يا (قال بإستهزاء) سوسو..
خالد قام يهديه:اقووول يارجال اعقل
سلطان:اجل انا انا تقفل بوجهي..!!
خالد"لا وربي قويـة بحقك" ببرآئة:اممممم تعرفني صريح..
سلطان ابتسم من قلبو ع الكلمة هع:يووب..؟
خالد:اممم انت بصراحه طفشتها ياشيخ خلاص وبعدين تراها اخت صاحبنا..
سلطان جلس ع الكنب:يب عارف بس ايش اعملها تسوي حركات تقهرر..بس بجيب راسها بجيـبوؤو..
خالد بلع ريقه"الله يستر منك بس"
سلطان:تشرب شي..؟
خالد وهوا يروح للباب:لا خلاص بروح مكتبي
سلطان:ياشيخ اقعد ماعندك شغل خلاص..وانا مزاجي مره متعكـر..اااخ وين ياسر بس انت مامنك فايدة
خالد:ؤهووو لااايرحم ؤمك اسكت..اصلن انتو لو اجتمعتو الاثنين الشياطين تلعب بعقولكم..
سلطان:هههههههه حـلوة منك ويلا اجلس معايا ابا اقولك شي..
خالد قعد:معنو مامعايا شغل يعني احسن اروح البيت بس لاجل عين تكرم مدينة..
سلطان يغمز:ياخطيــــر..
ـــــــــــــــــ
بالاستراحة - غرفة ساره..
ساره بعد لمن قفلت جن جنوونها من كلماتوو..
ريناد وريما دخلو:hi
ساره تهدي نفسها:أهلاً..
ريناد:تحت قاعدة لوحدها بالحديقة وشكلها زعلانه من شي بس ماحبينا نتلقف هع..
ريما بهمس:اقوول اشبو العالم كلو زعلان..؟!!
ريناد رفعت كتوفها بمعنى مادري:اقولك خليهم دول مع زاتهم امشي نتصل بلولاش..
ريما بوناسة:يووب لها وحششة..هع (وطلعوو وساره ماحست فيهم لانها كانت مره مسرحه)
ريناد:تعالي نقعد هناك ع المرجيحه
ريما:اووك..صح جوال ماما معايا
ريناد:لا انا عندي رصيد ابا اخلصو قبل لا ياخدوه عليا..
ريما:هههههاي اووك..
ريناد:إلا تعالي
ريما بإستعباط:ها جيت
ريناد:هوع..متى بتطلعي جوال..؟!
ريما:مدري عن ماما دي مره الجوال ممنوع عندها وبعدها تحكيلي قصة حياتها وهيا صغيره انو كانو بأعمارهم ماعندهم جوالات وماادري ايش
ريناد:ههههههههههه ياحليلها عمتي..قوليلها انتو جيل ونحنا جيل..
ريما:قلتللها تقول برضوو انتي صغيره ؤؤف..
ريناد تطلع لسانها:احسن..
ريما:يامااالت هيا اتصلي على لولاش سريـع..
ريناد تدق:اووك..
ــــــــــــــــــــــ
ببيت ابو مختار - جناح ملك..
ملك تطالع نفسها بالمرآية وتلبس الحلق:ؤؤف..ان شااالله مايجوو اخوانها من الرضاعه ياربي عليهم منحـرفين بقووة..
مختار يدق الباب:ملوووك سلامات تكلمي نفسك
ملك ضحكت وفكت الباب:أهلاً
مختار يطالع فيها بإعجاب:وه وه ايش الحلاوة هادي..(ملك كانت لابسة فستان لحد الركبه ولونو بني وفيبو حركة حلوة من فوق وشعرها زيما هوا لونو البني مفتوح ومع عيونها العسليه طالعه روؤعـه)
ملك ابتسمت:عيونك الاحـلى..
مختار:اصلا بدون ماتقولي عيوني احلى..
ملك:يااربي ع الثقة العمياا
مختار:ههههههه اقول انا نازل وسريع لا تتأخري
ملك وهيا تاخد عبايتها:اووك (وتنزل..)
ــــــــــــــــــ
بالهند - في الجامعة..
عبد العزيز:آآآخ بس واخيرا بارجع السعوديه
هاني:يلا هانت والله حتى انا وحشوني اهلي
عبد العزيز:وانا اكثـر..إلا هنون..
هاني:هنون ها اصغر عيالك
عبد العزيز:هههه لا افاا بس ماقلتلي من فين بجدة؟
هاني:اممممم في الشمال
عبد العزيز:اهااا..اووك اقولك من دحين لو خلصنا مو تقطع ها
هاني:لا توصـي حريص والله تحت رمش العين نايم
عبد العزيز:ؤهوو لا اليوم فيك شحنه كهربائية زايدة
هاني بضحك:انا ولا انته إللي كل يوم شحناتك طالعه ماشاالله ايش اسوي العدوة جاريه
عبد العزيز:ههههه انا يحق لي اما انت ماعندك احد
هاني:اقووول بس طير لمن لمن الاقيها.. يحلها الف حلال
عبد العزيز:ااه بس يلا موفـق..
هاني:يسمع منك..اقول كأنك من اول تأهإه خلاص شكلو طاقاتك نفذت هيا ارجع شقتك
عبد العزيز غمزلو:شكلوو كداا..
هاني:ههههههه عقبالي
عبد العزيز:هههههه آمين..هيا اشوفك بجدة سلام
هاني بإبتسامة:سلام (سلمو على بعض وكل واحد رجع بيتو)
_____
بـ مليزيا - سكن الاء
الاء وهيا تتعشى ع الطاولة لان جوالها طالعت الشاشة(رنود يتصل بك)
ابتسمت مره وحشتها..بس تدكرت انها قالتلهم ومره خايفة ردت فعلهم "ياربي احسن اطنشهم"(حطت الجوال ع السايلت ورجعتو ع الطاولة)
رناد بإستغراب:شو بكي ردي عم بيدق من اول..!
الاء وعيونها تدمع نفسها ترد بس مو قادرة:لا خلاص...
ياسر يقاطعها:خلاص براحتك ولو تقفلي جوالك يكون احسن
الاء طالعت فيه بنظرة حقد واخدت جوالها وقامت من الطاولة وردت:الوو..
ريناد طآآيرة من الفرح واخيرا ردت:الااااااااااء
الاء دموعها نزلت:رينــاد والله وحشتيني موت
ريناد بفرح:وانتي اكتتتتتر (ريما تاخد الجوال)
ريما بفرح:لووولاش يادوبا اخبآآرك؟
الاء بفرح اكتر:ريمان اهنن اهنن..تماام وانتي كيفك؟
ريما:تماامو..اخبارك مع إللي ببطنك..؟
الاء"ياربي شكلهم بقوة فاكرين ودحين كمان بيدخلو بالموضوع..":الحمد الله
ريما:كيف سار..(ريناد تاخد الجوال:لحضة بحط سبيكر..
الاء بصوت واطي:بنات دحين في ياسر بالبيت خلوها بعدين
ريما + ريناد بسرعه:لالا دحييييينا..
الاء ضحكت عل لقافتهم مايبطلوها:ولا يهمكم احكيكوم التفاصيل بالمسن
ريناد تذكرت:ايوا مبلكتناا هاا
الاء:هههههه والله مايهون عليا ابلككم بس مره منحرجه منكم كنت
ريما:يلا ايزي حكي دحين
الاء اخدت نفس:نفس اليوم والطيارة جنب بعض والسكن نفسه (قالت بمزح)بس الغرفة غير
ريما:الناقص نفس الغرفة كمان
الاء تضحك:فديتك والله ريري ختيره..
ريما:هع اعجبك..
ريناد متحمسه تبا تعرف اشياء عن اخوها:ايوا بس من اول تتغزلو ببعض ترا وانا ساكته هيا سريع كمللي..
الاء:هووع..ومره جاتني حالة إستفراغ كتير رحت الدكتور انا ورناد
ريناد:ؤما رحتي الدكتور معايا
الاء:هههههه ماقلتلك اللبنانية إلي معايا بالسكن اسمها رناد كمان هع..
ريما:ههههه سبحان الله..شكلو عشان تتذكريها كل شويا هع..بس يلا كملي
الاء:وطلعت حامل وياسر عرف طبعا وانا بالمستشفى كانت معايا مها..ماقصرت الله يعافيها وقفت معايا بأشياء كتير..
ريما وريناد:لولااااااش يابايخه سريـع
الاء:ههههههههههههه ماالت انا اعمل تشويقات اشبكم انتو
ريما:يلا طيب كملي
الاء:وبعدها لمن رجعت السطن عرفت انو ياسر جا السعودية من رناد وديك الايام كانت تنام عندي مهوها بعض الاحيان وبعض الاحيان تروح لو عندها جامعة
ريناد:ههههه ايوا وانتي نايمة حضرتك بالبيت..بس يلا يهون دامك بتخليني عمه هع..(ريما تضرب ريناد ع الخفيف)
الاء ماسمعت الكلام لانو كان مقطع:ايش عيدي الصوت انقطع عندي
ريناد تذكرت انو الاء مو عارفه ياسر هوا اخوها عضت شفايفها وسكتت
الاء:الووو وينـكم..!؟
ريما:ايوا كملي وبعدين لمن رجع ياسر..؟
الاء بحيا:صحيت وهوا قاعد ع الكنبه جنبي انا قلت شكلي بحلم راح قام وباسني بخدي وقلي ها تأكدتي انك مو بحلم
ريناد وريما مع بعض:وااااااااو يقلـع
ريناد:والله لولاش وسارت تستحي هههههه
ريما:شايفة كيف الزمن يغير
الاء:مع زاااتكم انتي وياها
ريناد:هههههههه اوك كملي تحمست
ريما بضحكه:حاسة نفسي اقرا رواية هع
ريناد:ههههه عليكي لمبة..يلااااا كملي البارت سريـع
الاء:مره دخلتو جو ترا..
ريناد وريما:هههههههههههههه بقوة
الاء:انا قمت من الحركة وهوا كان جالس وبعدين مدري ايش سار وقرب مني (بحياء)آآآ..اعتقد قلتله ابا انام ضحك وقام من الكنبة وجا عندي وحط يدو على خصري..(تبا تطفشهم)كح كح كأنو في بزران هنا
الاء وريناد بزعيـق:كممممممممملي
الاء:هههههههه ادني ابغاها يابنات
ريما:اخلصي علينا كملي
الاء:اوك خلاص هدو هدو..(رجع الحيا)اممم وبعد لمن حط يدو على خصري قال تبيني انام معاكي..كخ احم لا والله في بزران عيب هع
ريما وريناد:ههههههههههههههههههههه
ريما تغمز لرينادبهمس:عليييكي اخو..*__^
ريناد مفقه ضحك:تحـفه..
الاء:اقوول اكملي احسنلي..انا بعدت يدو وجتني حالة الاستفراغ هيا تيجي من الخوف (يدخل ياسر الغرفه >طبعا دق بس الاء مع الضحك ماسمعت...سكتت وبلعت ريقها) بصوت خفيف:بنات اكلمكم بعدين سلام (وتقفل..لفت على ياسر لقتو واقف جنب الباب)
الاء:نعم..؟!
ياسر:الله ينعم عليكي..لحظه خليني احزر..امممم اكيد دي رنود
الاء تتذكـر:ايوا صك لمن اتصلت عليك ديك المرة لمن كنت بجده..قلتلي ريناد عندي ومادري ايش خرفتلي لسه ماكلمتك عليها
ياسر مبتسم:ليش في شي مو عاجبك انها عندي
الاء:اكيد بنت عمي
ياسر:واخـ.......
ـــــــــــــــ
انتـهى البارت الـ 22..
قرآآءة ممتـعة..
ومعليش كان المفروض احط بارت قبل الاختبارات بس اللاب ارتفع قبل..×.×
وهادا بارت وان شااالله كمان قريب بارت تعويض..
|||..الشوؤق ذبحني..|||
تذكير بالبارت السابق ..:
... ساره ماترد على سلطان لو احد في..وسلطان يكره حركاتها معاه وبذات آخر شي تقفيلة الخط بوجهو...
...سلطان وساره والزمن طويل ^^...
...ريناد وريما دقو على الاء وحكتهم إللي سار من يوم حملت..
...وإلين دحين الاء مو عارفه انو ياسر اخو ريناد..!؟!...
...ملك مو مره مع اولاد عمها بالرضاعه ومنحرفين مع بعض...
...عبد العزيز رح يرجع السعودية إجازة شهرين وبعدين يرجع يكمل ترم من دراستو وبعدها يرجع السعودية ويعيش...
...هاني صاحب عبد العزيز ويعرف حكايتو بالهند كلها...
...ياسر حـيقول لـ الاء انو ريناد اختو..!...
ـــــــــــــ
البارت الـثالث والعشرون / 23..
الاء:ايوا بنت عمي
ياسر ببرود:واختي..!
الاء بدون اهتماملانو تعرف كلام ياسر كثير وهيا تتنرفز منو فقالت:ايوا فـ الإسلام (وخرجت من الغرفة تكمل عشاها)
ياسر مستغرب من ردة فعلها جلس ع الكنبه "معقووله مو عارفه..لالا مستحيـل..صحيح رنود ماتحبني بس اكيد قالتلها هيا وياها الروح بروح"(قام وخرج لغرفتو وجلس يفكر)
ـــــــــــــ
بالاستراحة عند ريناد وريما
ريناد:آآخ يابطنــي
ريما تضحك:ايش الاخ دا إللي عندك مره جريييئ
ريناد وهي تبكي ضحك:وانا ايش إللي دراني انو كدا جريئ
ريما:مسكينه لولاش..متى حتقوليلها انو اخوكي..؟
ريناد تتنهد:آآه..مدري والله
ريما:اتخيلي اخوكي قالها
ريناد بخوف:لالا والله كف
ريما رجعت تضحك:اوكي الكف له مو ليا ها
ريناداستوعبت:ايوا لو قالها هع
ريما:هيا امشي ندخل
ريناد:يلا
ــــــــــــ
فيصل وهوا جالس قدام عبد الرحمن ومعصب منو:زفـت,حماار,حطيتني بموقف...
عبد الرحمن يضحك:ولا ارووع داري
فيصل يستهبل:ايوا مره روعه بسويلك ياه مع خطيبتك ان شاالله
عبد الرحمن:اييزي باخد راحتي معاها..بس مااظن إنو ليا خطيبة بعد ملك
فيصل:اقوول بلا استعباط بتخطب غصب وانا بختارلك كمان هع
عبد الرحمن:هههههه عز الله رحت فيها..إلا تعاال من جد عزوز اخوك يبا يخطب ولا اشاعه
فيصل:لا بجد مو اشاعه
عبد الرحمن:حركتااات والله انتو خطبتو وانا اكبركم لساتني
فيصل:ايش يعني نستناك لمن تخطب وبعدين نخطب حضرتنا هههه حاله والله
عبد الرحمن:طيب ليش تتزوجو بسرعه لدي الدرجه تبو الفكه
فيصل فاقع ضحك:اكثر من كدا نعيش شبابنا (يقلد عبد العزيز اخوه)انا بعيش شبابي مع زوجتي هههههههههه
عبد الرحمن يضحك:لا الاخ عقلو اكبر منك هع
فيصل:اقوولك صح تراه جاي بالطريق
عبد الرحمن:ؤؤمااا خلص دراستو..؟!
فيصل:باقيلو ترم وبعدين بيجي يدرس التخصص هنا
عبد الرحمن:اهاا موفـق
_____
ببيت عم ملك الوحيد
ملك"يارب مو موجدين يارب":السلام عليكم
الكل:وعليكم السلام
ملك تنهدت بقلبها"اااه الحمد الله"وراحت تسلم على بنات عمها
لين:اهلييين ملك نورتي البيت
ملك بإبتسامه:منور بوجودكم
يارا:من زمان ماجيتي عندنا وحشتيني
ملك:وانتو اكتـر والله..بس ايش اسوي مره ضغط مع الشغل
يارا:إأممم موفقـه
ملك:الجميع ان شالله
لين:ماعرفناكي ع الموجوديـن كلهم صحبات سوزي بزران هع
ملك:هههه ماشاالله فينها هيا؟
يارا:يلا شويا ونازله ؤمي (جدتي)معاها فوق
لين وهيا تكلم يارا اختها الكبيره:إلا صح حيجو حسن و احمد
ملك"لااا ؤف لاتجيبو سريتهم"
يارا:يب قالو حيجو بس ع الساعه 10 كدا عشان حسن شغلو واحمد ساهر برا مع اصحابو
لين:إممممم وحشوني
يارا:ايوا بايخين ماصارو يجو دايم
ملك:إيش اخبار نسرين وبنتها؟
يارا:كويسه تسلم عليكي وعلى خالتي
ملك:الله يسلمها..كم سار عمر روزي؟
لين:سنه ونص
ملك:يختوو وحشتني
لين:ههههه حتى انا قهر يعني لازم تروح الشرقيه
يارا شافت سوزي نازله قامت تباركلها:Congratulations(مبروك)
سوزي بإبتسامة اطفال:God bless you(الله يبارك فيكي)
ملك ولين قاامو وباركولها وادوها الهداية وصبحاتها جو وفرحوها كمان
سوزي:Mam where Hassan and Ahmad (ماما وين حسن واحمد؟)
جدتهم:Shortly after attending the (سيأتون بعد قليل)
سوزي:I miss them (وحشوني)
جدتهم ابتسمت
قطعت سوزي الكيكة ورقصت مع صحباتها وبعدين روحو صحباتها ع الساعه 9 وهيا كانت نعسانها حدها وراحت تنام
لين تجلس ع الكنب:اااه اتهلكت
يارا:هههه هادا وهيا حفلة اطفال
جدتهم:كيف امك ومختار عشانهم طيبين
ملك:الحمد الله كلهم بخير..وامي تسلم عليكي
جدتهم:الله يسلمك ويسلمها..وينها ليش ماجأت معاكي
ملك:واللع عندها زيارة عند وحده ولدت
جدتهم:اهاااا..يلا عن اذنكم بنات انا نعست وبطلع انام..تصبحو على خير
البنات:اذنك معك..وانتي من اهلو
جدتهم:صح ولو جو الشباب لاتعملو ازعاج ها
يارا بضحكه:إن شاالله
(راحت الجده وبقيو البنات)
لين:اقول يارا ملك امشو نطلع فوق غرفتي
يارا:اممم بكيف ملك..وين حابه تجلسي انا طفشت من القعده ع الكنب..ولا ايش رايكم نروح نتمشى بالحديقة
ملك:ليش لا (وقامو البنات لبسو عباياتهم لانو في سواقين برا)
_________
بالإستراحة-برا
عبد العزيز يكلم جوال:هلا حبيبي ايوا انا دحين داخل
تينا:الحمد الله على سلامتـك
عبد العزيز:الله يسلمك من كل شر يالغلآ
تينا:اوكي عزوز اسيبك الحين مع اهلك
عبد العزيز بتنهيـدة:اااه بس وحشتيني
تينا وجها حمر:مسررع تراك كنت عندي
عبد العزيز:ولو.. يلا كلها قليل وارجعلك
تينا:اوكي انتبه لنفسك
عبد العزيز:يو تو..تامري على شي
تينا:سلآمتك حياتي(وقفلت)
عبد العزيز وهوا يدخل جوالو بجيبو:كح كح
فيصل اول ماسمع الكحه قام
عبد الرحمن:سلامة قلبك..خير!
فيصل بضحكه:ياعبط عزوزووي جا
عبد الرحمن قام:امااا (وطلعو يشوفوا برا)
فيصل وهوا فرحان يسلم على اخوه:اهلااان..اشتقت لك يادب
عبد العزيز بفرح:وسهلااان..وانا اكثر
عبد الرحمن:كيفك اخبارك احوالك علومك
عبد العزيز:حبه حبه عليا
عبد الرحمن:هههههههه والله من جد وحشتنا
عبد العزيز:كح كح
فيصل:عارف اول ماكحيت قلت لحمتو انو عزوز جا
عبد العزيز:ليـه..؟!
فيصل:كحتك اول ماتدخل البيت اعرفك اخويا من لحمي ودمي
عبد العزيز:كح كح
عبد الرحمن ضحك:ماتلاحظ راسو كبـر
فيصل:إلا والله مووت
عبد العزيز:اقول وخرو بس(بصوت واطي) فين الشياب..؟
فيصل:هههههههاي جوا تلاقيهم
عبد العزيز تركمهم وراح يسلم عليهم
ـــــــــــــ
عند البنات:بنااااااااااات
ريناد وريهام:ها ها
ريما:خيوو إجا
ريناد وريهام فكروها تستهبل:احلفي بس
ريما طايرة فـرح لانو عبد العزيز اقرب واحد لها من اخوانها ودايما تقعـد معاه ويتونسو غير عن فيصل ولمن كان فهـد عايش:والللله جا حماااااسيشن
ريناد وريهام:واااااو..متى جا؟
ريما:قبل شويا ودحين بيجي يسلم على ؤمي..هيا هيا باي بروح اسلم عليه وحشني موت (وراحت وهيا تنطنط)
ريناد تطالع بريهام:الحمد الله والشكر..استخفت البنت
ريهام:ههههههههههه بقوتين
ـــــــــــــــــ
ملك:يمـه لين سامعه صوت باب
لين لفت ع الباب ولقته ينفتح خافت وبعد لمن شافت انو اخوها ابتسمت:يب يب جا حسون
ملك:حسن..؟!
لين:هههههههه ايوا
ملك بمزح:اقوولك لاتقعدي تدلعيلي هما قولي اسماءهم تمام
لين:ههههههه حاضر طال عمرك
ملك:يب امشي تمام
لين مسكتها مع يدها:هياا مشتاقتلو ابا اسلم عليه..منك جاية.؟
ملك"ؤف ياربي فشلة اقولها مابا اسلم على اخوكي لا والمشكله شافني معاها خلاص":يلا
لين راحت وحضنتو:حسووووون وحشتني
حسن وهوا يحضنها:وانتي اكتر ياقلبي
ملك"الحمد الله والشكر..اصلا انا شاكه انو دول اخوان..!":اهلين حسن
حسن مد يدو:اهلا اهلا ملوك
ملك ابتسمت مجامله ومدت يدها:كيفك؟
حسن:تمام التمام بشوفتكم..وانتي اخبآرك؟
ملك:كويسه
لين:ويـن حمود.؟
حسن:بالطريق دوبي كلمتو
لين:اهااا (طلعت يارا من الفلة)
يارا بفرح:هلآلآلآ والله
حسن:هلا فيــك
يارا تحضنو:تو مانور البيت خيو
حسن:منـو بوجودكم
ملك"ؤف احس شكلي غلط×غلط":........
لين:هيا امشو ندخل جوا
حسن:يلا..(وهما يمشو)كيف كانت الحفلة اليوم
يارا:حلوة
حسن:جدتي وسوزي نايمين.؟!
لين:يب يب
ملك بهمس ليارا إللي جنبها:انا بروح الحمام
يارا:اوكي (وراحت ملك)
ــــــــــــــــ
بالسيارة
مختار:هلا والله
ملك:اهلين..اقول ترتر بزي؟
مختار عجبو الدلع:هههههه ترتر في عيونك..ع العموم لا عادي ليش؟
ملك:رجعني من بيت عمي دحيــن
مختار يطالع ساعتو:غريبه دي المره بدري
ملك"يوؤ ايش اصرفلو":إممم بس نعست
مختار:اووك جايك بس ترا في احد معايا (وغمز لنيهاد)
ملك بفرح:ؤما لاتقوول نهود
مختار:عليكي كرهباء يابنت
ملك:حركتااات اوك تعال سريع لاتتأخر
مختار:وسرت سواق والله
ملك:هههههه اوك آسفين بس تعال سريع وحشتني الهبله
مختار:اقوول بس عن الغلط
ملك تضحك:طيب طيب اكلتني بقشوري وي ..سلملي عليها(وقفلت)
مختار:ملك تسلم عليكي
نيهاد بإبتسامة:الله يسلمك ويسلمها
مختار:اااه بس..ماتحسي انو ملك دايم تخرب خرجاتنا
نيهاد(صريحة درجة اولى):ههههههههه نوعاً ما
ــــــــــــــ
بالإسترآحة - عند النساء برا
ام عبد العزيز والدمعة بعيونها:الحمد الله رجعتلي سالم يآرب
عبد العزيز:يوؤ خلاص يالغالية شوفيني قدامك بصحتي(بإستهبال) وهبالي وغبائي
ريما:ههههههههآآي وانا اشهد
ام عبد العزيز:إستحي يابنت دا اخوكي الكبير
عبد العزيز:وي ياؤمي ايزي دي ريوم عيوني تقول زيما تبغا
ام عبد العزيز:ههههههه بس تفتش البنت
عبد العزيز وريما فتحو عيونهم ع الاخيـر:وه وه وه وه
عبد العزيز:ياحركتااااات تفتش ها
ريما تغمز لأمها:والله وتعرفي حضرمي ها
ام عبد العزيز بإبتسامة:اشبكم بس عشان زلة لسان
ريما:هههههههه حلللوه
عبد العزيز:اقول ريوم في كلام خاص يعني بالعربي شقلبي
ريما:طيب طيب لايكثر هرجك (ودخلت جوا عند البنات)
ام عبد العزيز :هاا ايش اخبار تينا؟
عبد العزيز:الحمد الله تسلم علكي كثييير السلام
ام عبد العزيز:الله يسلمك ويسلمها......>ولق لق لق
ـــــــــــــــ
بمليزيا - سكن الاء
ياسر دخل غرفته وهوا للحين مصدوم:غريييبه ياناااس ريناد ماتقولها..!!!..خلاص داك ماهي عارفه خليها تعرف بنفسها )فـتح الاب ودخل المسن على طول:اما محد فاتح(طالع ساعتو)إمممم دحين عندهم 10 ونص بس غالبا دا الوقت كلهم يفتحو..! سكر الشاشة ودق على سلطان يسيله..
ياسر:الو
سلطان:هلا والله تو مانور جوالي
ياسر:ادري ادري
سلطان:صح صح..
ياسر:اقول بلا كثرة كلام بتخلص رصيدي انته ماتسكت..اسمع غريبه ليش مو داخل المسن؟
سلطان بضحكه:داخل بس اوف لاين
ياسر:اهاااا قول كدا ةالباقيين طيب وينهم؟
سلطان:إمممم انا بالبيت رجعت قبل شويات وخالد استأذن من اول وعبد الرحمن وفيصل راحو استراحة مع اهلهم
ياسر:اهااا ياخي طفشآآن
سلطان:القلوب عند بعضها ياخوي
ياسر:مالت عليك وانا اقول مافي غير سلطون يونسني طلعت نفس الحالة
سلطان:تعال تعال..ايش الاخبآآر معاك؟
ياسر بخبث:تماام التمام
سلطان:ؤهوو لا في تطورااات سريع حكي
ياسر:ؤف بيخلص رصيدي بعدين
سلطان بطفش:ياليـــل التكرنه انته ورصيـدك..قحروطي واحد
ياسر:هههههههههه لا ياحبيب إلبي دي تصريفه بس غير مباشرة للموضوع
سلطان:طيب اخلص علينا بتقول ولا لا
ياسر:افااا بس كم عندنا سلطونات
سلطان معصب:وااااحد
ياسر:اعصاااابك ياشيخ (ماسمع إلا تقفيلة الخط)
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك