رواية شوفوا الزمن كيف قاسي مخلي راسه براسي -24
ياسر:صباح الورد والفل والياسمين
الاء بتعب:صباح النور
ياسر:الحمد الله ع السلامه
الاء:الله يسلمك
ياسر:ماشاء الله الولد قمرر..طالع لأبوه
الاء ابتسمت:طلع ولد..؟!
ياسر:ايوا.. (دقايق وجات ام ريهام ومعاها فطور..)
ام ريهام:السلام عليكم
الاء وياسر:وعليكم السلام..
ام ريهام سلمت على ياسر والاء:الحمد الله ع السلامه
الاء:الله يسلمك من كل شر
ام ريهام:ان شاء الله ماتعبتي بالولاده
الاء:مو مره
ام ريهام:الحمد الله..(طالعت بياسر)..كيف الولد
ياسر:الحمد الله..
ام ريهام:مين يشبه؟
ياسر:آأمممم فيه من الاء كثير
ام ريهام:اهااا..يلا الاء كولي
الاء:مالي نفس بعدين
ام ريهام:كيف مالك امس..مااكلتي شي من امس
الاء:طيب..وين ابويا..؟
ام ريهام:وصلني وراح الشغل
الاء"حتى ماكلف على نفسو يتحمدلي ع السلامه":اهاا
ام ريهام حست ببنتها:صح يسلم عليكِ..وهوا جاء امس وشافك بس كنتي نايمه
الاء:الله يسلمه..(اكلت وهيا ساكته..وبعدين الظهـر جاؤو ريهام وام ياسر وريناد..)
ريناد:وين ولدك متى يجي
الاء:هههههه طيب على ايش مستعجله..دحين بيجي
ريهام:واخيرا صرت خاله (فتح الباب ودخلت الممرضه وجابت ولد الاء..)
ريناد وهيا تطالع فيه:مابغيت تيجي
الاء:هههههههه يتغلى عليكم
ريناد:يافديت التغلي لو منه
الاء:لافهـم بصراحه
ريناد:هههههههه..لاتتكلمي كثير تراكي تعبانه
الاء:طيب طيب
ريهام:ينااااسو عليه..انا بسميلك هوا
الاء:لا حبيبتي اخترتله اسم خلاص
ريهام:ؤوف مسرع..طيب ايش هوا..؟
الاء:عمووري
ريناد:وات عمآر...؟
الاء:لاااا..عمر
ريهام وهيا تكلم عمر:وه بس وه..عاشت الاسامي..زي جدك ها
ريناد تتريق:لافهم صراحه
ريهام والاء:ههههههههههههههه (بعديـن جاؤو اعمام الاء سلمو عليها وباركولها..وبعدين جاؤو ابو عبد الرحمن وابو فيصل..)
ابو عبد الرحمن:الحمد الله على سلامتك يابنتي..
الاء:الله يسلمك خالي
ابو فيصل:الف مبروك ع الولد..
الاء:الله يبارك فيك..(جلسو معاها شويا وبعدين راحو..)
ساره دخلت وهي طاايره من الفرحه:الف الف الف الف مبرووك يادوبه
الاء:هييي ترا خلاص رشيقه سرت
ساره:ههههههههه..ياهوؤ يارشيقه انتِ
الاء ضحكت:من جد مفلسسعه
ساره وهيا تشوف عمر:ياااااي..يزنننن
الاء:اكيد يزنن دام انا ؤمو
ساره:ؤف ع الوثووق..
ريهام:اول مره اشوف حرمه والده وتثرثر زيك
الاء:وه بتحسدووني..قولو ماشاءالله
ريهام:ههههههه ماشاء الله تبارك الله
ساره:صووح..عبد الرحمن يبا يباركلك
الاء لبست الطرحه:فينو هوا دحين..؟
ساره:برا..دحين بزهمو..(وطلعت وبعدين جات ومعاها عبد الرحمن..)
عبد الرحمن:الحمد الله على سلاامتك..وان شاء الله ماتعبتي
الاء:الله يسلمك من كل شر
عبد الرحمن:عارفين مين يشبه
ساره:مين..؟
عبد الرحمن يطالع بريناد:نسسخه من ريناد وهيا صغيره
ريناد:أمااا..طبعا عمتوو
الاء طالعتها بنـظـرة"يوؤ ريناد لاتفضـحي..":........
ريناد"واااااي صوح الناس مو عارفين..يلا كويس ماركز":......... (وبعدها طلع وجاؤو ام فيصل وريما وفيصل..ونفس الحكايه سلم عليها وخرج..وجلسو ريما وامها..)
ريما:يختوووو عليه
الاء:خلاص تغزل في ولدي
ريما:هههههه دوبه
الاء:يوه ريما قديمه دي الكلمة اعتزلتها من امس..دحين نحيفه
ريما:هههههههههههه مالت عليكِ
ام فيصل:خلاص بنات..لاتخلوها تتكلم كثير بتتعب
ريناد:هيا تبغا تتكلم مو نحنا
الاء بهمس لريناد:زفففففته
ريناد ماسكه نفسها من الضحك..جلسو عندها وتونسوو وبعدين رجعو كولهم ماعاد ريناد جلست عندها..وبعدين دخل ياسر..
ياسر:سلام
الاء وريناد:وعليكم السلام
ياسر يطالع بريناد:انتِ لسه هنا
ريناد:انا بنام عند لولاشنز
ياسر طالع بالاء:من جدها ذي
الاء ضحكت:ايوا
ياسر جلس ع الكنب بتنهيـده:اللهم طوولك ياروح..ترا لسانا متزوجين..عيب تقعدي معانا
ريناد:حتى لو متزوجين..البنت دوبها والده..مايمديكم تسوو شي
الاء:هيييييييييي
ريناد وياسر:ههههههههههههههههه
الاء:اجتمعوا الاخوان..يوب رنود مسكتي شي من المواد..؟
ريناد بإبتسامة هبله:ولآلآلآشي
الاء:فاااالحه..ترا شويا والاختبارات
ريناد:عاادي ياشيخه لاتاخدي همي..(بكي عمر..)..
ياسر:واي بس فديت إللي يبكي وأمو
ريناد:شكلو جوعان
ياسر ضحك:قلتيها بلسانك ياحلوة..بالفصحى يلا ادق ع السواق يروحك
ريناد:ههههههههههه تقهررر
الاء:خلاص خليكم بس قفلوو الستاره
ريناد قامت وهيا تضحك وقفلتها وقعدت مع اخوها إللي مقهوووور
ياسر:عارفه..قعدتك مال ؤم ابوها لزمه
ريناد:عارفه
ياسر:ؤووف وجهــك قوووي..
ريناد:عارفه
ياسر:علق الشريط
ريناد:عارفه
ياسر:ؤوووف (والاء تسمع ومااسكه ضحكها..)
ببيت ابو ريهام
ام ريهام:اليوم كل العايله جات المستشفى
ابو ريهام:اهاا..متى بتخرج..؟
ام ريهام:بكره
ابو ريهام:اهاا..ان شاء الله بكره ازورها ببيتها
ام ريهام ابتسمت"في تطوور..":......
___________
ببيت سلطان
سلطان:عارفه اخر خبر
العنود:وات..؟
سلطان:ياسر جالو ولد
العنود بصدمه:هآآه..دا إللي زواجه امس
سلطان ضحك:يب يب هواا..امس زوجتو ولدت
العنود:وااااو ع الصدف
سلطان:شايفه كيف
العنود:لحظه زوجتو اخت ريهام صح
سلطان:ايوا
العنود:ايش اسمها..؟
سلطان:الاء
العنود:اهااا
__________
بالهـنـد - عند ترف وعبد العزيز
عبد العزيز:عارفه في اخبار جديده بالعيله
ترف:ايش؟
عبد العزيز:بنت عمتي ولدت امس بيوم زواجها
ترف:أماا..إللي حكيتني عنها الاء..؟!
عبد العزيز:اييييوا
ترف:واااااو..صدف ششي
عبد العزيز:بكره ندق عليها دحين الوقت متأخر
ترف:برآحتـك
____________
اليـوم إللي بعـده - ع العـصـر
ياسر:نووووور البيت ياقلبي
الاء:منور بوجودكم
ريناد وهيا تكلم عمر:انت إللي منور البيت مو امك
الاء:ههههههههه عليك نذاله
ريناد:ههههههه وقسم إنو يزنن في يزنن في يزنن
الاء:قووولي ماشاء الله
ريناد:طيب طيب اكلتيني ماشاء الله تبارك الله
ياسر:ريناد ؤمي عارفه إننا وصلنا
ريناد:مدري بروح اشوفها (وراحت غرفة امها..)
ياسر:وه اخيرا سابتنا
الاء:ههههههه عليك تصريفات خطييره
ياسر:وان شاء الله ماتيجي بسرعه..كنت ابا اسألك سؤال مهم بالنسبه ليا
الاء:اتفضل
ياسر:زاد فضلك..لمن دقيتي عليه..(الاء توترت)..كنتي مره متغيره..ليه ايش صار..؟
الاء سكتت
ياسر:وبكيتي كمان..ترا والله مانمت وانا افكر فيكِ
الاء:وكيف نومة المستشفى..؟
ياسر ضحك:ابو كلب..بس لاتغيري الموضوع
الاء:طيب ترا مافي شي بس كنت استهبل عليك ابا اشوف ردة فعلك
ياسر:ههههههههه..ياشيخه مرره ماتمشي معايا..هاتِ غيرها
الاء:من جد..مافي شي مهم
ياسر:وليه بكيتي..؟
الاء ماقدرت تكمل كذبتها:اسمع
ياسر:كلي اذان صاغيه
الاء:ديك الليله....(ماكملت لان ام ياسر جات ووراها ريناد..)
ام ياسر:معليش لانكون قطعتكم
الاء ابتسمت:لا عادي حيآكِ
ام ياسر راحت تسلم عليها:الله يحيكي
ريناد:هايوو رجعتلكم
ام ياسر:كيفك اليوم..ان شاء الله احسن
الاء:الحمد الله تمام
ريناد:بلاه ؤمي مين يشبه عمعم
ياسر:عمعم مييين..؟!
ريناد:ولدك يعني مين
ياسر طالع بالاء:ايش الاسم دا..؟
الاء:يووه ماقلتلك خلاص بنسميه عمر
ياسر بتفكير:كويس اخترتي..لجدو مره حلو
ريناد:الزبده..هاه مين يشبه
ياسر:نسخه مصغره مني
ام ياسر طالعته بنظرآآت إنو في ريناد في الغرفه..طبعا الاء ماراح عليها المقطع وقالت لام ياسر بهمس:ريناد عارفه بكل شي
ام ياسر انصدمت وسكتت
ريناد:عارف حمتو ايش قال
ياسر:ايش
ريناد:قال يشبهني مره وانا صغيره (دق جوال ام ياسر وخرجت برا تكلم..)
ياسر:لا ولاشي
ريناد:اهـــم شي العيون..ههههههه
الاء:هييي لا تحشي
ريناد:والله غريب..طالع بني..معنو امو سماوي وابوه زيتي..حاااله
الاء:ههههههههههه
ياسر انتبه انو امو مافي:ريناااد
ريناد:هلا
ياسر:اطلعي شويا
ريناد:ماقدر افارقوو لو لحظه
الاء:ههههههههه اموووت انا
ياسر:بسم الله عليكِ من الموت حياتي..وانتِ شويا بس يلا
ريناد:نو نو نو ..خلاص معاكم الليل طويل بكون بغرفتي
ياسر تنهد:طيب خلاص انطقي وماتتكلمي كثير..لق لق لق بغبغانه
ريناد:ؤووف تراها قويه..بس احترامًا للولاش بسكت..(دخلت ام ياسر وادت الجوال لـ الاء..وهيا تقول:ترف تبغا تباركلك..)
الاء ابتسمت واخدت الجوال:هلا
ترف:اهلين ياقلبي..كيفك..؟
الاء:تماام..وانتِ اخبارك..وكيف عبد العزيز..؟
ترف:الحمد الله طيب..ويسلم عليكِ..والحمد الله ع السلامه..وان شاء الله ماتعبتي
الاء:الله يسلمكم من كل شر
ترف بضحكه:ممكن اكلم رنود
الاء:ؤك..يلا مع السلامه مني
ترف:مع السلامه
ريناد:هـآأيــوؤ وحشتيني يادوبه
ترف:اهلا اهلا ..وانتِ اكتـــر
ريناد:كيفك وكيف الجو عندك ان شاء الله مبسوطه..؟
ترف:الحمد الله..الجو خطيير..مره فلله
ريناد:اهم شي اتصورتي
ترف:هههههه بكل مكان زيما قلتيلي..والله كل ماتذكر كلامك اضحك
ريناد:ههههههه وه بس فديت كلآمي
ترف تكملها:عسل على قلبي
ريناد:وايش اخبار عزوزك
ترف:أماا حللللوه هادي عزوزك..بس يلا تماام يسلم عليكِ
ريناد:الله يسلموو..متى راجعين
ترف:وه خليتيني اصدق اني وحشتك من جد
ريناد:هههههههههه دوبه صدقي...(وجلسو يتكلمو حوالي ربع ساعه وبعدين قفلوو..)
الاء:حركتااات حركتاااات..مسرع دقيتي صحبه
ريناد:هههههههه ايش تحسبي..اصلاً طفشناها طفش مو الزواج انا وريوم مو طبيعي
الاء:استغفر الله..يوم الزواااج..
ريناد تضحك:طبعاً عشان تعرفي إننا احترمناكِ يوم زواجك
ياسر:ياهوؤوؤوؤوؤو
ريناد:والله انها عسل البنت دي
الاء:اتخيلي انا اول مره اسمع صوتها بس شكلها حبوبه
ريناد:يوب..ياحظ عزوز فيها ههههههههه
الاء:الله يرج ابليسك
ياسر طالع بساعتو:خلاص انتهى النقاش..عارفه رنود دحين يجي فيلم مررره حلو ع الام بي سي تو
ريناد:لا لسه الساعه 6 ..عااارفه بعد المغرب بييجي احد
الاء:مين
ريناد:نوو خليها سبرايس
الاء:وانتِ مين قلك
ريناد تطالع بياسر:إللي جنبك
ياسر ماسك اعصابو:ريناد لو اذن المغرب ولسه ماخرجتي ياوووويلك
ريناد قامت:ؤووكِ خلاص بس باخد عمعم معايا
ياسر عصب:خديييييه
ريناد:وه وه طيب اعصابك..(اخدتوو وقبل لاتطلع..)
الاء:انتبهـي علييييه..لو صارلو شي بشنقك..ولو بكي هاتيه بسرعه..لاتخلي صوته يروح
ريناد:طيب طيب طيب (وطلعت..)
ياسر:حشى دي كل التنبيهات له عشان طلع من الغرفه..وانا اروح واجي ولا حتى انتبه على نفسك حبيبي
الاء"ههههههه كيف مانتبهت..":........
ياسر تنهـد:ايوا كملي كلامك حق اول
الاء بسرعه عشان ماتدمع:حلمت حلم بشع علينا
ياسر يحاول يستوعب لانها سريع قالت جملتها:اهااا..علينا..!؟
الاء:ايوا..(سكتو شويا وبعدين قال ياسر..)
ياسر:فيا فضوول اعرفوه..لو ممكن
الاء:اااا...اخاف يتحقق لو قلتوه
ياسر:لا ان شاء الله مايتحقق
الاء بعد صمت:إنك..إنك.آآآه..إني اسقـط..واكون بين الحيـ...
ياسر قاطعها:خلاص وقفي
الاء تنهدت:مو تبغا تعرفوه
ياسر:غيرت رايي دامو فيكي
الاء:وفيك كمان
ياسر:ايش يصيرلي..؟
الاء:ماقدر اقوول
ياسر:خلاص طيب..وعشان كدا دقيتي وبكيتي
الاء:ايوا
ياسر:طيب ترا كلو حلم لاتقعدي تفكري بدي الاشياء..تفاألو بالخير تجدوه
الاء:ان شاء الله..(اذن المغرب وياسر راح يصلي وخرج..وبعدين جاء ابو ريهام..)
ابو ريهام:السلام عليكم
الاء مصدوومه" لايكون دا السبرايز إللي قالتلي رنوود..؟!":وعليكم السلام
ابو ريهام راح يسلم عليها بحنيه:كيفك يابنتي
الاء حضنتوو وبكيت:سامحني ياأبويا الله يخليك
ابو ريهام مااستحمل دموع بنته انهار قالها:مسامحك خلاص..
الاء شويا وبتطير من الفرحه:الله لايرحمني منك ياارب
ابو ريهام ابتسم:ولامنك حبيبتي
الاء اليوم عيـــد عندها:ماتبا تشوف عمر
ابو ريهام:عمر ولدك..؟
الاء:ايوا
ابو ريهام:خلاص غيري اسمه..
الاء بحزن:لااا انا سميته ومصره عليه
ابو ريهام:متأكـده..؟..يابنتي اكيد ماتبغيه بس عشاني..
الاء:لالالا انا عاجبني..اصلاً من زماان نفسي بعمر مو عليك وبس..
ابو ريهام اقتنع:طيب براحتك..(ابتسم)..جيبي عموري نشوفوه..
الاء شالت عمر من السرير وادتو ابوها:..اتفضل
ابو ريهام:بسم الله ماشاء الله ..(وجلس يتفرج عليه..)
الاء:ها ايش رايك فيه
ابو ريهام:اصلاً ماني مستوعب..إني صرت جد..الله يهديكي يابنتي كبرتيني (واداها عمر..)
الاء:ههههههههههه لو مو مني من ريهام
ابو ريهام:اختك دي الايام مو عاجبتني..في شي مزعلها..
الاء:يمكن عشان اتأجل زواجها
ابو ريهام:ههههههههه تفكيرك خورافي
الاء ابتسمت:طيب ممكن ليش لا
ابو ريهام:نحطو بالقائمه بس مره بعيد..في شي ثاني فيهاا..يلا الله يوفقها مع فيصل..(بكي عمر..وقام ابو ريهام..)
ابو ريهام:يلا اسيبك الان
الاء:بدري
ابو ريهام:من المغرب انا عندك..يلا المره الجايه ان شاء الله..وحاب اقلك شي
الاء:ايش
ابو ريهام باس راسها وقال:البيت بدونك مظـلـم ..
الاء"وااااي فديييتك يأأحلى اب..كنت حاسه انو قلبك ابيض..":افاا عليك..كل ماتبغوني اجي بس دقوو عليه..
ابو ريهام:لالا مايتحتاج..خليكِ عند زوجك يحتاجلك اكتر مننا..يلا اشووفك على خير
الاء:ان شاء الله ..مع السلامه..(وخرج ابو ريهام وبعدها دخلت ريناد..)
ريناد:هااه حكي
الاء:والله اليوم احلى يوووم عندي
ريناد:ايش صااار انا شايفتو خرج وهوا مبتسم
الاء بخبث:وه مسرع قزيتي ابويا
ريناد:هههههههه دوبه..يلا قولي ايش
الاء حكتها كل شي:ووبس
ريناد:واااه طمنتي قلبي الله يطمن قلبك..والله كنت اخاف من ابوكي لمن حكيتينا انا وريوم ايش سوالك بس دحين حبيتوه
الاء ضحكت:انتبهي تسمعك ؤمي بس ككككك
ريناد بضحك:بس ترا مو دي السبرايز
الاء:أمااا في احد كمان جاي
ريناد:يب يب..بييجو بشاير والعنود دحين
الاء مو مفتكره:مين دول
ريناد:يووه مخك زيروو..بشاير بنت خالي إلي اخوها خالد
الاء:ااااها..والعنود مين..؟
ريناد:العنود دي اخت سلطان..صاحب زوجك الروح بالروح..وعاااارفه
الاء:هااه..؟
ريناد:هوا إللي سوا المقلب حق زوجك
الاء:وليش ماتقولي اخويا..زوجك وزوجك وزوجك
ريناد:هههههه عشانه احسسك بالمسؤليه
الاء:لاااا تكفى حسستيني
ريناد:بس بس رجيتي عمعم
الاء:وش ذا الدلع المخمج
ريناد:واااااه ماأدرش انا ع اللهجه دي..دي لهجه جااامده اوي اوي
الاء ماسكتت:هههههههههههههههههههههه
ريناد:عااشت الضحكات..يلا بس شكل وحده فيهم جات..بوب
الاء لسه فيها ضحكه:توت
_____________
ببيت ابو عبد الرحمن - غرفة ساره..
يوسف:اهاا كويس اتزوجت..عشان نحدد زواجنا
ساره:ماكأنو بدري
يوسف:لا مرره مو بدري..انا استنى اليوم إللي اكون معاكِ على احر من الجمر..وانتِ تقوليلي بدري
ساره استحــت مرره:طيب إللي اتشوفه
يوسف:واخييييرا وافقتي يابعدي..ولآلآيهمك مايجي اسبوع إللا ونحنا متزوجين
ساره خافت:هآآآآه..اسبوع..؟؟!
يوسف:هههههههههه امزح..ابا اشوف ردة فعلك..ؤك حياتي كم يبغالك
ساره:مدري شهور
يوسف:لادي المره شكلك تبغي تشوفي ردة فعلي..بلاه ايش شهور..مرره كثير..بصراحه انا بعطيكي شهر موافقه
ساره:والله ترا قليل
يوسف:دي المدة إللي بصبر فيها عشانك..
ساره:آأممممم موافقه
يوسف ابتسم:لو كنت اعرف ازغرط كان زغرطت
ساره:ههههههههههههه
يوسف:فديت الضحكه وراعيتها..
______________
ببيت ابو ريهام - ع العشاء
ام ريهام"مبسوط اليوم":شفت حفيدك..؟
ابو ريهام ابتسم:ايوا شفته ربي يحفظه
ام ريهام:يشبه لمين
ابو ريهام:فيه شويا من الاء
ام ريهام متعمده:والاء كيفها..؟
ابو ريهام:الحمد الله..تسلم عليكِ وعلى ريهام..إلا ع الطـآري وينها ريهام..؟
ام ريهام:الله يسلمها..دي البنت ماتنشاف من بعد ماتزوجت اختها
ابو ريهام قام:بروح اشوفها..(وطلع غرفتها لقا الباب مفتوح دخل وكانت متمدده ع الكنب وتلعب بشعرها وسرحانه..)
ابو ريهام:سلام
ريهام انتبهت وقامت تسلم على ابوها:وعليكم السلام..كيفك ابويا؟
ابو ريهام:الحمد الله..وانتِ كيفك..؟
ريهام:تماام..اتفضل اقعد
قعد ابو ريهام وريهام قعدت قبالو ع السرير:ايوا اآخر اخبارك
ريهام:الحمد الله
ابو ريهام بمزح:كيف شعورك وانتِ خاله الان
ريهام:ههههههههههه رآئع جدًا
ابو ريهام:عقبآآلك ان شاء الله انتِ وفيصل مانشوف عيالكم
ريهام حززنت بداخلها"ومين قال اني ابغا عيال..لمن يعرف مين اتزوج..يصير خير.." ابتسمت مجامله لاأبوها:ان شاء الله ..
ابو ريهام:ماكلمك قريب..؟
ريهام:إلا امس
ابو ريهام:ومافتح موضوع الزواج..؟
ريهام:لأ..ليه؟!
ابو ريهام:اهاا..عشان ابو فيصل كلمني اليوم بالشغل ع الموضوع..وقلتله اسأل بنتي واشوف
ريهام:اهااا..وفيصل ايش رايه.؟
ابو ريهام:عادي عنده..بس انا مستغرب مافتحلك الموضوع امس لمن كلمتيه
ريهام"طبعا ماتفرق عنده..":آآه..طيب إللي يشوفوه
ابو ريهام فرح: من جد
ريهام:ايوا..نحنا اصلاً اجلنا الزواج عشان الاء..ودحين ولدت خلاص..
ابو ريهام:الله يبشرك بالخير يابنتي..خلاص ان شاء الله بكره اقول لعمك..(قام..)..انزلي تعشي معانا
ريهام:لا الحمد الله مالي نفس..
ابو ريهام:طيب براحتك..(وخرج نزل تحت عند زوجتو وقلها جواب ريهام وفرررحت من قلبها..)
ريهام تبكي"محد حاس فيني آآه بس..إما وريتك شغلك يافيصل الحقيــر..انت وإللي تكلمها ..والله يستر كم وحده كمان..يجيلك يوم بس..":..........
_________________
ببيت ابو عبد الرحمن
ابو عبد الرحمن:ردوو..
ام عبد الرحمن:بشر..!
ابو عبد الرحمن ابتسم:وافقت البنت
عبد الرحمن ابتسم"كل شي ماشي تمااام..":.....
ام عبد الرحمن زغرطت:الف الف مبرووك ياولدي
عبد الرحمن ضحك:الله يبارك فيكِ يالغاليه
ساره نزلت من غرفتها:ايش فيي..؟
ام عبد الرحمن فرحانه:مها وافقت
ساره:واااااااو مبروؤوؤوك ياخويا
عبد الرحمن:الله يبارك فيكِ ياأختي
ساره:هههههههه طيب بديكم بشاره 2
ام عبد الرحمن:هاتِ
ساره:زواجي قررب
ام عبد الرحمن:وه ..يعني متى..؟!!
ساره:كلمني يوسف اليوم..واتفقنا شهر
ابو عبد الرحمن:زين ماخترتوو..يمدآك تجهزي
ساره:ايوا
ابو عبد الرحمن:الله يوفقكم ويسعـدكم انتِ واخوكي
الكل:آآمين ..
____________
بإيطاليا - عند ملك وأنـور
ملك:ان شاء الله..وسلميلي على إللي عندك كولهم
ريناد:يووصل..سلام (وقفلوو..)
ملك:وااااو باقي رهووم فديت قلبها(ودقت على ريهام..)
ملك:اهليييين بقلبي هلا هلا والله
ريهام ابتسمت:هلآلآلآ فيكِ
ملك:وه اشبو صوتك تغيير..ايش كنتي تسوي
ريهام:ولاشي..بس عشان ماسمعتي صوتي من زمان يالقاطعه
ملك:ههههههه والله اليوم سويت صلة الرحم كثييير وخليتك انتِ آخر وحده..داريه لانو لو دقيت عليكِ اول شي بقعد اثرثر
ريهام:هههههه ايوا واخبآآآرك..مره اشتقتلك يادووبه
ملك:والله تمام..وانتِ كيفك ايش اخبارك..؟
ريهام:الحمد الله..وكيف انور معاكِ..؟
ملك:ابشرك صرت عادي معاه
ريهام:وااااااااو..شي حلوو والله
ملك ابتسمت:وكيفك انتِ وفيصل..؟
ريهام:الحمد الله
ملك:متى زواجكم ماكأنكم طولتوو..هادا وانتو انخطبتو اول ناس بيننا
ريهام:هههههه الله يرجك..تعرفي كل شويا تطلع شغله ويتأجل
ملك:ايوا صح مبروووك على الاء..صرتي خاله مين قدك بس
ريهام:الله يبارك فيييكِ حيآتي ..وعقبال ماتصيري عمه
ملك:هههههه الله يسمع منك
ريهام بمزح:وانتِ مافي شي بالطريق
ملك:مررررره لآ تفكري
ريهام:هههههههههههه الله يهديكِ
ملك:ويهديكِ معايا..وايش جديدك يلا اتكلمي
ريهام:يعني تبي تحليليني دحين وبعدين تجحديني شهر
ملك:ؤووف حاسبتها صح..إلا تعالي مين يشبه ولد اختك..وايش سموه؟
ريهام:والله مدري مين يشبه..وسموه عمر
ملك:وه وه وه عاشت الاسامي..على ابوكي ها
ريهام:ههههههههههه يب يب
ملك:لاتنسي تصوريلي هوا كل المراحل النمو..وبعدين صوريلي ياه مع بنتك
ريهام:احححلفي بس
ملك:هههههههههههههه من جد اكلمك عبال ماأرجع
ريهام:يلا ان شاء الله تمر هوا
ملك:ان شاء الله...(وجـلـسو يتكلموو ساعتين وبعدين قفلوو...)
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك