رواية توصي شي انا بكره مسافر -27
سحر : و كيف البيبي
سديم : يسلم عليك هلا عمتي تفضلي
أم خالد : كيفك يمه عساك بخير
سديم : بخير ربي يسلمك وينه عمي
أم خالد كلمه أبوك و راح له
سديم : تفضلوا حياكم والله تو ما نور البيت
أم خالد : وين أمك و لميس
سديم : راحوا عند عبدالله يباركون له
سحر : و إنتي وش تسوين هنا توني شفت زوجك طالع من عندك
سديم ارتبكت : هاااه إيييه أنا تعبانة شوي تعرفين الحمل وقلت له يوديني عند أهلي أريح يومين و جا يشوف إذا ناقصني
شي أو بحاجة شي
سحر : ههههههه أشوفه طالع مبسوط كل هذا عشان شافك
سديم : وش تحسبين أكيد زوجي و يحبني عقبالك يا دبى
أم خالد : الله يسمع منك يمه
سحر : لا أعوذ بالله
سديم : ما فيه فايدة عمتي لا تحاولين
أم خالد : أجل زين يمه حصلناك بالبيت وإلا كان قعدنا ورى الباب
سديم : بأروح أسوي القهوة
أم خالد : ما يحتاج حبيبتي
سديم : وش دعوة عمتي كلها 5 دقايق و هي جاهزة
بالمطبخ .......
سديم : ميري سوي قهوة على النار و كلمي كومار يجيب من برى حلى و معجنات
ميري : إن شاء الله
سديم : قولي له بسرعة أنا بأطلع أغير بيجامتي
أم خالد : سحرووووه وشو له تقلبين بجوال سديم استحي على وجهك
سحر : عادي يمه نمون على بعض
أم خالد : يا شيين اللقافة
سحر تفتش بالصور : يمه طالعي طلال وش زينه يهبل
أم خالد : يا بنت استحي
سحر : من جد كامل و الكامل الله مركز و سمعة و جمال وو سامة ما شاء الله
أم خالد : يالله عقبالك
سحر : جتني السومة من هالطاري يمه طالعي هذا خطيب لميس
أم خالد تناظر فيه : بسم الله عليه الله يحفظه
سحر : هههههه مزيون .. آآآآآآآآه يمممه لو تسمعين ضحكته عذااااااب شي جنان ضحكته ترد لك الروح
تخلي كل شي فيك يبتسم
أم خالد تضربها : سحرووووه إذا ما عقلتي بأوريك ترى
سديم : هههههههه وش فيها سحر
أم خالد : ما تستحي وجهها مغسول بمرق
سديم : إييه عمتي ما تخلي طبعها
سحر : و أنا وش سويت ما قلت غير الصدق
سديم : وشو الصدق
سحر : قلت إن ضحكته عذااب و تجنن و ترد الروح
سديم : ههههه إييه مين هذا
سحر بهيام : راااااكان
سديم تشهق : خطيب لميس
سحر : هو بعينه
سديم : ههههههههه هييين إن ما علمت لميس عليك طلال ما خليتيه في حاله و الحين راكان حشا تزوجي و ريحي
عمرك
سحر : هههههههه يا شيخة
^_^ الجزء الخامس عشر ^_^
يا حبيبي يا غلاتي يا دوى قلبي الجريح .. إنت روحي إنت عمري دامك بقلبي كبير .. لا يهمك أي مخلوق كبير
دامك بعزة غلاتك دايم بقلبي كبير.. لا يهمك لا يهمك ,,,,,
انتهت الاختبارات و خلصت الدراسة و الكل استلم شهادته و الحين جا وقت الصيفية اللي كل الطلاب مخططين لها
بيوم زواج لميس .....
بغرفة العروس ....
سحر : بنات وش الفرق بيوم زواجكم و يوم زواج سديم
غلا : إممممم وش الفرق
ليان : تقصدين الزفة
حنان : لا يمكن الشكل
فجر : إمممممم لا لا يمكن هي تزوجت لوحدها و إحنا ثنتين ثنتين
غلا : إيه لو هاللي راسها يابس موافقة كان تلقينها اليوم واقفة جنبها
سديم : ههههههه عرفت الفرق
سحر : وشو يالله
سديم : إننا بيوم زواجنا كنا خايفات و كل وحدة حالتها حالة أما لميس مبسوطة و فالتها
سحر : هههههههه كفك صصصصح و يلوموني فيك يا شيخة إنتي كربوني بالضبط أنا وياك طبق الأصل
البنات : هههههههههههه
لميس : وجعععع بنات بعدين وشو له أخاف من راكان بعد قلبي
سحر : هههههههه ربي منزل عليها السكينة اليوم بس تصدقين ما ألومك ضحكته بتنسيك الخوف كله
لميس تحذفها بكرتون المنديل : انقلعي
سديم : هههههههه تذكرين غلا أنا وياك كنا نتعازم على الطلعة
غلا : ههههههههه و أنا راح أنسى ذاك اليوم
حنان : يالله لميس خالتي تقول خليها تطلع
سديم : بنات بطني مو مخرب شكل الفستان
ليان : بلعكس طالعة تجننين عمري ما تصورت أشوفك حاامل
سديم : هههههه ولا أنا
فجر : يالله لموسه طفو النور
انزفت لميس على أغنية أجنبية Jesse_McCartney_-_Take_Your_Sweet_Time
كانت مرة روعة فستانها على الجسم لونهأبيض بدون أكمام و من تحت دائري بدون ذيل جاي طبقات فوق بعض
من تحت الصدر إلى الأخير فكت شعرها و حطت طوق ورد أحمر و مكياج هادي
رهف : بنااات لميس طالعة مرة تجنن
ريم : إيه بسم الله عليها الله يحفظها
غادة : مسوية كل شي هادي زي الفرنسيات
رنا : أحلى كذا عني أنا ما أحب العفاشة
رهف تمسك يد لميس تطلعها : الله يحفظك
لميس بابتسامة: كيف شكلي
رهف : رووووعة
لميس تبوس راس أمها : ......
أم فراس : ألف مبروك يالغلا
لميس : الله يبارك فيك يمه
أم ريان : عروستنا بسم الله عليها تجنن يا حظ راكان فيك
لميس تبوس راسها : تسلمين خالتي
مها : سديم
سديم بابتسامة : هلا مهاوي كيفك يا دبه وحشتيني
مها تحضنها : والله إنتي اللي وحشتيني كيفك طيبة
سديم : أنا تمام الحمد لله
مها تحط إيدها على بطن سديم : باقي لك شهر صح
سديم بابتسامة : إيييه
مها : يا ربي يا حلوة متى تطلعين من بطن أمك عمتك تستناك
سديم : ههههههه أحسها منزعجة بس ترفس بطني
مها : هههههههه والله و يا سديم خلاص بتصيرين أم
سديم : شفتي كيف الله يعين على التعب .. إلا وين أمي
مها : أمي تعبانة شوي الله يشفيها ما تقدر تجي و أصرت إني أحضر أنا و طلال تقول فشلة
سديم : يا حياتي يمه و الله إني مقصرة معها
مها : ما تتصورين قد أيش اشتاقت لك يا سديم حرام عليك شهر و زيادة ما شافتك
سديم : راح أزورها إن شاء الله
مها : ما اشتقتي لطلال
سديم تتغلى : لاااااا
مها : ههههههه كذاابة واضح بعيونك أوووووه نسيت هاني يستناك بالغرفة تبع العروس
سديم : هااااني و إنتي كيف شفتيه
مها : هاااااه إييييه هو قال لطلال يناديك و طلال خبرني
سديم مستغربة : ولييش ما دق على جوالي
مها : آآآ أييه جواله ما فيه شحن
سديم : أوكيه خلاص أنا رايحة له
مها : أووووه بغت تكشفني
في الغرفة .....
سديم :هلا هاني وش بغيت
طلال : يعني لو داريه إنه أنا ما جيتي
سديم : طلاااااال
طلال : يا عيون طلال .. كيفك
سديم نزلت عيونها بالأرض : الحمد لله
طلال : وحشتيني
سديم : ......
طلال يرفع راسها : للحين ما سامحتيني للحين شايلة علي حرام عليك ارحمي حالي ما تشوفين
شكلي كيف صاير
سديم : طلال ليش نحفان كذا إنت ما تاكل
طلال : من وين يجي لي نفس آآكل و أنا ما أشوفك قدامي
سديم : .......
طلال : سديم خلاص عاد ارحميني و ارجعي معاي البيت أنا اشتقت لك و أمي و مها و عبود كلهم مشتاقين لك
سديم تحضنه : و انا بعد عيشتي بدونك مو عيشة غيابك عني خلى حياتي بدون طعم
طلال يمسح على شعرها : وحشتيني كثييير
سديم تبعد عنه : أنا رايحة
طلال يمسح دموعها : ليش هالدموع الحين مو وقته بتخربين مكياجك
سديم : ههههههههه وش اسوي إنت كلامك حلو و أنا حساسة
طلال يبوس راسها : الله لايفرق بيننا يالغلا
سديم : آآآآمييين يالله أنا رايحة أكيد يدورون علي
طلال : راح ترجعين معي
سديم تهز راسها و تبتسم : إيييه
مها : هههههههه طاب الخاطر
سديم : مشكورة يا مها
مها : ههههههه العفو تدرين حسبت إنك بتضربيني
سديم : أكيييد من غير ما تقولين بس مو الحين لا رجعنا البيت
مها فرحت : من جددددددد
سديم : ههههههههه إييييه شوي شوي
مها : طيب البسي عباتك راكان الحين بيدخل
سديم : آآآه منك قولي بعد توني تذكرت
مها : ههههههههههه إييه
عند الباب .....
راكان : ها ريم شكلي مزبوط
ريم : الله يحفظك يالله ادخل
راكان : ههههههههه
ريم : ليش تضحك
راكان : تصدقين ما أدري
ريم + راكان : ههههههههههههه
على الكوشة ......
سحر : بناات جا المزيون
غلا : هههههههه الله ياخذك على الأقل استحي من لميس قدامك
لميس : هذي تبيني اذبحها اليوم ما باقي غير تسلم عليه لا وصل
سحر : تصدقين فكرة حلوة يمكن أعجبه و ياخذني
لميس : سحروووه انزلي
سحر : هههههههه فديتك والله و فديت الغيرة أمزح على طول ولعت
البنات : ههههههه
أم ريان : ألف مبروك يمه
راكان يبوس راسها : الله يبارك فيك
أم فراس : هالله الله في بنتي يا راكان
راكان يبوس راسها : في عيوني ياعمتي
لميس بابتسامة : تسلم عيونك
راكان يبوس راسها : ألف مبروك حياتي
لميس : الله يبارك فيك
راكان يحط الدبلة بإيدها اليسار : خلاص من اليوم إنتي زوجتي
لميس : احلف
راكان : ههههههه
لميس : لا تكفى مو هنا
راكان يكتم ضحكته : آآآآسف
لميس :هههههه راكان
راكان : خلاص يمه نبغى نمشي
أم ريان وشو له مستعجل
راكان : يمه إنتي تعرفين أنا ما أحب هالأجواء
سديم : خلاص لميس قومي مع زوجك باخليها تشغل الأغنية
لميس : سدييم
سديم : هلا حبيبتي
لميس : باقة الورد أعطيها لعبيير
سديم : إن شاء الله
لميس : تكفين وصليها لها و سلمي عليها
سديم : من عيوني
راكان : مين هذي عبير
لميس : صديقة الطفولة
انزفوا على يا يمه حبيته لمنى أمارشا و راحوا للفندق الله يوفقهم
أما بالنسبة لسديم رجعت مع زوجها لبيتها ....
في بيت طلال .....
طلال : تو ما نور البيت
سديم : منور بوجودكم
مها : عاد إنتي وجودك شي ثاني
سديم : وينها أمي
مها : بغرفتها
سديم تفسخ عبايتها : بأروح أسلم عليها
طلال يمسك إيدها : تعالي
طق طق طق
أم طلال : ادخلوا يمه جيتوا .. سدييييم
سديم تسلم عليها : يا عيون سديم
أم طلال تحضنها : وحشتيني يمه وشلونك
سديم تبكي : بخير يالغلا سلامتك ما تشوفين شر عساه فيني ولا فيك يالغلا
أم طلال تبكي معها : بسم الله عليك يمه بعيد الشر عنك
سديم : وش تحسين فيه يمه
أم طلال : شوية سخونة
سديم : سلامتك يمه .. أنا بأروح أبدل ملابسي و أسوي لك شي تاكلينه
أم طلال : ما أبي شي يمه مالي نفس
سديم : لا ما يصير يالغلا لازم تاكلين لك شي ما راح أطول
أم طلال : الله لا يحرمنا منها والله إنها شمعة البيت
طلال + مها : آآآآآمييين
أم طلال : هذي هي يا طلال رجعت لا تضيعها من إيدك مرة ثانية
طلال : إن شاء الله يمه
مر شهر وسديم جابت بنوته حلوة زي القمر سمتها ديمة .....
سديم : يا ربي يا ديمه ريحيني شوي والله ما عرفت لك بس تصيحين
طلال يشيلها : بس يا حبيبة بابا خلاص ياقلبي أشششش نامي يا ديمة نامي يا حلوة نامي يا روح بابا
سديم : يا سلام سكتت الدلوعة
طلال يبتسم : نااامت
سديم : احلللف يالله علمني وش سويت لها والله حرام أنا من اول أسكت فيها ومو راضية تسكت و إنت بكلمتين نامت
طلال : ههههههه حست بأبوها
سديم تبتسم : احللللف
طلال يحطها بسريرها : هههههههه فديتك سدومتي
سديم : دامها نامت تعال سولف معي
طلال بابتسامة : جااايك
سديم : طلال
طلال : نعم يا قلبي
سديم : أبي أكلمك في موضوع
طلال : تكلمي
سديم : هاني يبي مها
طلال بابتسامة : من جدك
سديم : إيه من أمس و هو مزعجني
طلال : أكيدبأوافق و أنا بألقى أحسن منه لأختي
سديم : أجل خلاص يجون أهلي و يخطبون البنت رسمي
طلال : الله يحييهم يالغلا
في بيت أبو ريان .....
راكان : وين ريان و غادة
أم ريان : راحوا لشقتهم
لميس : رنا أصب لك شاهي
رنا : لا مشكوورة ما أبي منك شي
لميس : طيب تبين عصير
رنا تصارخ بوجهها : قلت ما أبي يعني ما أبي ما تفهمين
راكان عصب : رناااااا وبعدين معاك
رنا خافت : آآآسفة
راكان يصارخ : لا إنتي شكلك يبي لك تربية من جديد
لميس تمسكه تهديه : حبيبي عادي وش فيك عصبت أنا ما زعلت منها
راكان : على الأقل تحترم وجودي
لميس : معليش راكان هدي نفسك ترى العصبية مو زينة
أم ريان : رنا روحي لغرفتك أشوف
ريم : الله يهديها هالبنت معليش لميس امسحيها بوجهي
لميس : صدقيني ما زعلت رنا اعتبرها زي اختي
راكان : فديتك والله
رهف تشاور لميس : لميس قد سمعتي راكان وهو يغني
لميس تحمست : لا ليه هو صوته حلو
رهف : صوته حلو بس جته فترة ما صار يغني ما ندري وش السبب و إلا هو كان دايما لما يجلس معنا يطربنا بصوته
لميس : هههههههه يمكن التزم
رهف : إييه هين التزم والدخان 24 ساعة بفمه
لميس : طيب راح أقول له .. ركاان
ركان : هلا حبيبتي
لميس : ممكن اطلبك طلب
راكان : عيوني لك
لميس : تسلم عيونك
رهف : عيني عينك ما في حيا
الكل : ههههههههه
لميس : يقولون صوتك حلو
راكان : مين قال
لميس : ما أدري بس يقولون وش رايك تغني
راكان : لا مالي نفس بعدين أنا من زمان ما غنيت
لميس : تكفى راكان طلبتك
راكان : طيب راح أغني بس ما تعيدونها مرة ثانية عارف إنها رهف اللي قالت لك
لميس : ههههههه يالله طيب غني
راكان : وش تحبون تسمعون
لميس : أي شي
راكان : أمي يا أول حب عشته في دنياي يا أول اسم خطت شفاي طاريه إنتي هوى روحي
و بعروقي الماي عمري بدونك عمر ما عشت أنا فيه ادعيلي ربي يحقق لي مناي و ارفع أنا كفي إلى الله
و ادعيه يا ربي تمنحني رضاها في دنياي و اما رضت عني ترى العمر ما أبيه
لميس تصفق : صوتك جنان حرام عليك تحرمنا من صوتك
راكان : هههههههه احلفي
لميس : والله
راكان : دامك طلبتي مني أغني الحين أنا بأطلب منك تغنين
رهف + ريم تحمسوا : إيه يالله لميس سمعينا صوتك الكناري ما ياخذ إلا كناري
لميس تتهرب : أنا صوتي مو حلو
رهف : بلاش كذب صوتك حلو
لميس : مين قال لك
رهف : سمعتك مرة تغنين بالمطبخ
لميس : يمه منك فضيحة
راكان + ريم : هههههههههه
راكان : هو فيه أحد رهف ما تفضحه يالله غني
لميس : استحي
راكان : من مين تستحين ما فيه غيري و أمي و البنات
لميس : إحمممم طيب خلوني أفكر وش أغني
رهف : خذي راحتك أهم شي تغنين
لميس : أوريك يالسوسة .. صدقني لو في يديني أشيل همك لأشيله و إني لأسهر معاك و أسامرك كل ليله ما دام قلبي
لقاك و كل روحي فداك لا تخاف و انا معاك يا شمسي و بدري
ريم : صوتك يجنن مرة نعووم
راكان يقلد صوتها : صدقني لو في يديني أشيل همك لأشيله و إني لأسهر معاك و أسامرك كل ليله
لميس : راكااااااااان هين أوريك
راكان : هههههههههههه صوتك حلو والله
لميس : إيه طيب وين بتروح مني
راكان : هههههههههه
أم ريان : أنا بأروح أنام تصبحون على خير
الكل : و إنتي من أهله
لميس : أنا بأروح أجيب جوالي من الغرفة و أجي
راكان : جيبي جوالي معك
لميس : إن شاء الله
فوق في جناح الغرف .....
لميس : معقولة رنا تبكي الله يهديك يا راكان ما كان له داعي هالعصبية
طق طق طق
رنا : مين
لميس : أنا لميس ممكن أدخل
رنا : أيش تبغين
لميس تفتح الباب : حياتي رنا وش فيك
رنا : لميس اطلعي برى
لميس تجلس جنبها على السرير : إنتي زعلانة من راكان
رنا : لااا إنتي ليش تحبين تدخلين نفسك بشي ما يخصك
لميس : أنا ما أقصد .. طيب رنا أتمنى إنك تعتبرني مثل أختك و أكثر و صدقيني مهما تسوين معاي ما راح
أزعل منك لأن ما في أخت تزعل من أختها أنا راح أتركك براحتك و متى ما احتجتيني أنا موجودة
رنا : لميييييس
لميس : عيون لميس
رنا تبكي و تحضنها : أنا أنا....
لميس تمسح على شعرها: بسم الله عليك وش فيك
رنا : أنا خايفة
لميس : من أيش خايفة
رنا : أنا خايفة من الفضيحة يا لميس ما أدري أخواني لو دروا وش بيسوون فيني
لميس خافت : سويتي شي غلط
رنا : لميس تكفيين ساعديني
لميس : طيب لا تبكين عشان أقدر افهم السالفة
رنا تبكي : أنا كنت أكلم واحد أسلي نفسي بس ما توقعت بيوم من الأيام يقدر يهددني
لميس : طلعتي معااه
رنا : لا ما طلعت و لا أعطيته صوري و لا شي بس كان يسجل صوتي لا كلمته و انا ما أدري و طلع إنه يعرف
أخوي راكان و لو ما طلعت معاه بيفضحني
لميس : لا حول ولا قوة إلا بالله طيب أهم شي ما طلعتي معاه ما عليك منه أنا راح أحلها لك
رنا تمسك إيدها : تكفين لميس لا تقولين لراكان
لميس : لا مجنونة أنا عشان أقول له
رنا : خلي هالشي سر بيننا
لميس : ما يحتاج يا رنا إنتي أعطيني رقم جواله
رنا : ليش ؟.
لميس : إنتي أعطيني الرقم و لا تخافين أوعدك إني راح أحل المشكلة طيب
رنا تحضن لميس : لميس سامحيني ما أذكر إني عاملتك معاملة حلوة و مع ذلك أشوف منك الابتسامة و المحبة
لميس : اللي أبيه منك الحين تكونين طبيعية و لا توضحين أي شي خلاص
رنا : أكييد
لميس : يالله قومي صلي لك ركعتين قبل ما تنامين و ادعي ربك .. تصبحين على خير
رنا : و إنتي من أهله
في غرفة راكان و لميس .....
لميس : هلا هاني كيفك
هاني : تمام حبيبتي إنتي كيفك و كيف راكان
لميس : إحنا تمام الحمد لله حياتي هاني بغيتك بخدمة
هاني : آآآمري يالغلا
لميس : ما يامر عليك عدو بس أبغى يكون هالشي بيني و بينك
هاني : ما يحتاج وش بغيتي
لميس : أخت راكان يتصل عليها واحد و يهددها بتسجيل صوت لها إذا ما طلعت معه راح يوصله لأخوها
هاني : تكلمه
لميس : إيه الله يهديها بس هي عرفت غلطتها و أنا أبيك تحل المشكلة بدون راكان ما يدري
هاني : خلاص إن شاء الله أعطيني رقم جواله
لميس : ****** 0506
هاني : أوكيه ولا يهمك اعتبري السالفة خالصة
لميس : مشكور هاني
هاني : العفو
اليوم الثاني ......
هاني : وهذي كل السالفة يا عبدالله
عبدالله : طيب إنت الحين عرفت مكانه
هاني : إيه عرفته
عبدالله يحط المسدس بجيبه : يالله مشينا
عند البيت .....
هاني + عبدالله : السلام عليكم
الشاب : وعليكم السلام
عبدالله : معي خالد سعد
خالد : إيه وصلت أقدر أخدمكم بشي
عبدالله : بغيناك بموضوع بس ما ينفع على الباب
خالد : إيه تفضلوا حياكم
هاني : إحنا جايين بموضوع حساس بس ما نبي لف و دوران
خالد و ما أعجبه الكلام : خير إن شاء الله
هاني : جايين نسألك عن وحدة اسمها رنا
خالد : هاااه لا ما أعرفها لييش
هاني : قلت بدون لف و دوران
خالد : قلت لك ما أعرفها و إذا هذي سالفتك تفضلوا اطلعوا برى
عبدالله يطلع المسدس : بتعترف و إلا أيش
خالد خاف : تهددني ببيتي لا و مسدس بعد أنا لو أكلم الشرطة تروحون فيها
عبدالله يطلع بطاقته : لا ما يحتاج تناديهم لأنهم موجودين بتعترف و إلا أفرغ المسدس براسك
خالد خاف : خلاص خلاص بأتكلم إييه أعرفها بس أكلمها بالتلفون
هاني : ليش تهددها تستخدم ألاعيبك الشيطانية عشان تسلي نفسك
خالد : ما ضربتها على يدها وقلت لها كلميني هي اللي كلمتني
عبدالله : اسمعني إحنا بنخليك بس هالبنت تنساها فاهم و تنسى رقمها و لا تفكر تقرب صوبها اسمعني ترى بإشارة
مني أقدر أنهيك فاهم
خالد : إيه إيه فاهم
هاني : طلع رقمها أشوف
خالد : هذا هو
هاني يمسح رقمها من جواله : هذا أنا مسحته و لا تفكر تجيبه مرة ثانية
خالد : إن شاء الله
عبدالله : حط شي واحد ببالك من دق باب الناس دقوا بابه خاف على خواتك لا أحد يلعب عليهم خاف الله فيهم
تراك مسؤول عنهم و مسؤول عن بنات الناس يالله يا هاني مشينا
في سيارة هاني .....
هاني : مشكور يا عبدالله ما قصرت
عبدالله : واجبنا
هاني : خلني أكلم لميس اطمنها
لميس : هلا هاني بشر
هاني : خلاص حلينا السالفة ما راح يقرب صوبها مرة ثانية بس قولي لها تنتبه لنفسها ترى مو كل مرة تسلم الجرة
لميس : فديتك يا هاني مشكور حبيبي
هاني : العفو يالله سلمي على راكان
لميس : يوصل إن شاء الله
راكان بابتسامة : أشوف حبيبتي مستانسة وش عندك
لميس تصرف السالفة : إييه هاني بعد قلبي يبي يتزوج
راكان : ما شاء الله من بنات عمك
لميس : لا لا بيآخذ أخت طلال زوج سديم
راكان : والنعم فيهم ما شاء الله
لميس : إيه الله يوفقه
راكان : روحي البسي عباتك بنطلع نتمشى
لميس : إن شاء الله
عند غرفة رنا ...
لميس : رنا نايمة
رنا : ادخلي لميس
لميس بابتسامة : كيفك
رنا : الحمد لله هااه صار شي
لميس : تطمني يالغلا مشكلتك انحلت ما راح يقدر يسوي لك شي
رنا تحضنها : مشكورة يا لميس الله لا يحرمنا منك
لميس بابتسامة : آآآمين يالله أنا رايحة راكان يستناني
رنا : بتروحون مكان
لميس : بنروح نتمشى حابة أجيب لك شي معي
رنا : آيسكريييم توفي من كون زون
لميس : من عيوني
رنا : الحمد لله هااه صار شي
لميس : تطمني يالغلا مشكلتك انحلت ما راح يقدر يسوي لك شي
رنا تحضنها : مشكورة يا لميس الله لا يحرمنا منك
لميس بابتسامة : آآآمين يالله أنا رايحة راكان يستناني
رنا : بتروحون مكان
لميس : بنروح نتمشى حابة أجيب لك شي معي
رنا : آيسكريييم توفي من كون زون
لميس : من عيوني
بعد 3 سنوات .....
عند سديم و طلال .....
عبدالله : ماما المدرسة وعع أنا ما أبغى أروحها
سديم : ليه يا ماما المدرسة حلوة مين قال لك هالكلام
عبدالله : بابا يقول المدرسة وعع مو حلوة
سديم : طلال و بعدين معاك ليش تخوف الولد من المدرسة
طلال : هههههههه أنا قلت عبود ليش تكذب على ماما
عبدالله : أنا ما كذبت إنت قلت كذا
طلال : ههههههه أمزح معك المدرسة حلوة مررررة
عبدالله : إيه خفت من ماما
طلال : عبوووووود
سديم : هههههههه أحسن تستاهل
طلال : إيه خليك مع ماما حبيبتك ديمة حبيبة بابا هي بتروح معي للسوبر ماركت وشوف إنت مين يشتري لك
عبدالله : بابا أنا آآآآسف أبي أروح
طلال : لا لا بس ديمة صح حبيبتي
ديمة بفرح : بااااابا
طلال : هههههه يا روح بابا إنتي
عبدالله شوي و يبكي : بابا والله آآآسف
طلال : هات بوسة و تروح معي
عبدالله يبوسه : بابا أحبك
طلال : هههههههه أبوك يالمصالح
مها : سديم بنتك طفشتني بس تصيح
سديم : لا والله أنا اللي بأصيح تعبت معاها والله يا طلال توبة أحمل مرة ثانية
طلال : ههههههههه
سديم : إيييه أضحك لو إنك مجرب التعب ما ضحكت
عند لميس و راكان .....
راكان : يسوري تعال نرش أمك بالموية
لميس : راكان يا ويلك
راكان : هههههه يالله ياسر واحد اثنين ثلاثة
لميس عصبت : رااااااكاااااااان
راكان : ههههههههه بالله طالعي شكلك
لميس تركض وراه : هييين أنا أوريكم
راكان يركض بياسر : لا لميس أعقلي أنا عندي مشوار
لميس : مالي دخل فيك جنيت على نفسك
ياسر : هههههههه بابا ماما جت
لميس ترش راكان : ههههههههه أخذت بثاري
راكان شالها : قولي والله
لميس خافت : وش بتسوي
راكان يدور فيها : هههههههههه أحبك يا مجنونة
عند هاني و مها .....
هاني : حياتي وينها ريفان
مها بابتسامة : نامت
هاني : تدرين حبيبتي
مها : همممم
هاني : إنتي أحلى شي صار بحياتي ما تخيلت بيوم إني ممكن أحب
مها بحيا : من جد
هاني بابتسامة : إنتي أول وحدة دخلت هالقلب
مها : أعرف
هاني : ههههههه أبوك يالثقة
مها : ليييه ما يحق لي
هاني : إلا يحق لك ونص يا قلبي
عند غلا و فراس .....
غلا : جنا صبا بابا جا
جنا + صبا : بابا
فراس يحضنهم : يا عيون بابا
جنا : وين الحلاوة
صبا : أنا أبغى حلاوة
فراس يعطيهم : فديتكم والله .. كيفك حياتي
غلا بابتسامة : بخير حبيبي يالله بدل ملابسك و انزل تغدى
فراس : إن شاء الله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
سديم و طلال و عبود و ديمه و لين
لميس وراكان و ياسر
هاني و مها و ريفان
غلا و فراس و توأم بنتين جنا و صبا
" الاستغفار و الدعاء كان له أثر و طبعا ربي ما خيب رجاهم ورزقهم ببنتين وش زينهم"
سحوووره تزوجت واحد زيها " على قولة المثل الطيور على أشكالها تقع هههههههههههه "
لكل شيء نهاية و هذه نهاية روايتي " توصي شي أنا بكرة مسافر " عشت مع أبطالها لحظة بلحظة لكل منهم مكانة
في قلبي و جزء من شخصيتي رواية فيها من الواقع الكثيييير .. لكل منهم شخصية مميزة
أبو فراس بطيبته و حزمه بعض الأحيان .. أم فراس بطيبتها و ابتسامتها .. الجدة بأسلوبها المرح و حبها لأحفادها
فراس : بغروره و حبه في نفس الوقت .. عبدالله بحنيته و طيبة قلبه .. هاني بمرحه و حبه لسديم
سديم بعنادها و حبها لباسل وطلال .. لميس برومنسيتها و مواقفها مع راكان .. غلا بحبها لفراس
فجر بطيبتها و عقلانيتها .. سحر برجتها و هبالها .. سمر بلسانها الطويل .. طلال بحبه لسديم و خوفه إنه يفقدها
باسل بحبه المخلص لسديم ..
و ما ننسى " أبو إياد . أم إياد . إياد . ليان و خالد . حنان و ياسر "
لا أخفيكم أنني كنت سأتوقف عن إكمال الرواية بسبب الظروف التي مررت بها أعلم بأن الكثير مل من الانتظار
و سئم من أعذاري المتكررة لكنني أقدم لكم أسفي أشكر كل من كان متابعا لروايتي
لا أنسى أبي الغالي الذي شجعني على الكتابة وصديقتي ميشو فلكم مني خالص الشكر
أتمنى أن تكون روايتي قد حازت على رضاكم و أن تكون النهاية على الوجه الذي تريدونه ..
حبي و مودتي لكم ,,
بقلمي .. $ بسمة أمل $
النهـــــــــــــــــــــــــــــــاية
تجميع ورد الجوري
اللهم لك الحمد حتى ترضى وإذا رضيت وبعد الرضى ,,, اضف تعليقك