رواية شوفوا الزمن كيف قاسي مخلي راسه براسي -30
ترف قامت:انام بالغرفه التانيه
عبد العزيز:هههههه طيب روحي
ترف باسته بخده وراحت الغرفه التانيه ونامت
_________________
بعـد اسبووعين من الاحدآآث
انتـشـر خبر زواج فيصل بالعايله..وكلهم انصدمو
في بيت ابو فيصل - غرفة ام فيصل
ريهام:عمتي انا شاكه انو رازان هيا
ام فيصل:بيني وبينك حتى انا بديت اشك فيها..هاذي البنت ماهضمتها من اول ماجات..مدري كيف فيصل اختارها
ريهام"بقولها مالي دخل":عمتي انا اعرف شي عنهم
ام فيصل استغربت:ايش هو..؟
ريهام:آأمممم من يوم ماخطبني فيصل ووافقت..رحت بيت ساره وكان هناك وسمعتو يتكلم مع وحـده..
ام فيصل:؟!!!
ريهام:ولسه قريب قبل لا يتزوجها مسكت جواله وشفت الاسماء عنده كلها اسماء عاديه..غير رازان كان مسميها r وحفظت الرقم عندي ولمن اتزوجها دقيت على بشاير وادتني رقم رازان وشفته نفس الرقم إللي معايا
ام فيصل:يعني...
ريهام:ايوا عمتي ميه بالميه انها هييا إللي سحرته..
ام فيصل:طيب كيف نخليها تعترف
ريهام ابتسمت:انتي قولي لعمي يكلمها ويخرشلها كم كلمه عن فيصل لمن تعترف
ام فيصل:هههههه طيب بكلم عمك..(وع الليل جاء ابو فيصل وقالتله ام فيصل بالموضوع..وبعدها راح جناح رازان..ودق الباب..)
رازان:نورو اكلمك بعدين في باب..باب..(وقفلت منها وفتحت الباب..)
ابو فيصل:السلام عليكم
رازان"ايش يبغا هاذا":وعليكم السلام..
ابو فيصل:ايش اخبارك مع فيصل
رازان:تمـآم
ابو فيصل:ممكن اقعد عندك ابغا افاتحك بموضوع
رازان:اتفضل..(بعد الكلام وسؤال عن الاهل والمقدمات دخل بالموضوع وقالها..)
رازان"ياوييييييلي انفضحتي يارازانوو":لا مو اناا إللي سحرته
ابو فيصل"باين عليها كذابه":يابنتي..لو مادليتينا على مكان السحر..رح يمووت فيصل
رازان بدت تدمع:اييييييش...!!
ابو فيصل"استغفر الله..":كذا قالنا الشيخ لازم تدلينا على مكانه عشان نفكه في اقرب وقت
رازان بعد تفكيير وتوتر..قالت لـ ابو فيصل فين مكان السحر..
ابو فيصل وهوا يقوم:حسبي الله ونعم الوكيل..(واداها كم تحذير من الذهاب لسحره وطلع يقول لـ ام فيصل..وجلست رازان تبكيي على فيصل)
ام فيصل فرحت بنفس الووقت وحقدت على رازان اكثر واكثر
ابو فيصل:خلآص ساميحها عاد كل واحد يغلط..يلا أهم شي اتكلمت
ام فيصل اتنهـدت وراحت لـ ريهام تبشرها..
عند ريما وريناد
ريما:كوويس اجل ماشفتيه لمن رحتي بيت خوالك
ريناد:لا الحممد الله ولا ابغا اشوفه
ريما:هههههه طيب يلا ماضيفنآآكي..
ريناد:مشكوره والله..اقعـدي بس..(دقت رينااد اخت سعيد على ريناد وجلسو يتكلموو ربع ساعه..)
ريما:وجع مابغيتي
ريناد:هههههه هادي إللي حكيتك عنها رينااد
ريما:اهااا وايش تبغى..؟
ريناد:عامله لمة بنات وتبغاني اروح عندها..صح وعزمتك انتي كمان
ريما:تعرفني..؟؟!
ريناد:لأ بس انا احكيها عنك خخخخ
ريما:ماشاااء الله عليكِ..المهم متى...؟
ريناد:بعد بكره
ريما:اهاااا اكلم ماما واشوف
_____________
بعد شهرر من الاحدآآآث..~
فـ الشركه - مكتب عبد الرحمن
فيصل:والله محتآآر فيهم ياعبد الرحمن
عبد الرحمن:طلق وحده
فيصل:كيف اطلق وحده تستهبل انت..ولو طلقت رح اطلق ريهام ومسستحيل الاهل يوافقو لاتنسى انها بنت عمتنا
عبد الرحمن:طيب رازان
فيصل:لآلآلآ ماقدر..(تنهـد)..ؤوففف كل ليله عند وحده..وصرت ماارتاح معاهم مره
عبد الرحمن ضحك:وليش ياحسره..بدال الوحده عندك ثنتين..يعني مرره المفروض ترووق
فيصل:هههههه..بس من جد..لمن اروح عند رازان كدا احس بشعور غريب وبذات انها سحرتني ولمن اروح عند ريهام ماقدر عليها صايره ماتطيقني ومع كـدا برضو اعتبرها كـ اختي ماقدر استمتع معاها
عبد الرحمن:إن لله..ههههههههه حالتك صعبـه لازم تشوفلك طبيب نفسي
فيصل:اقوول اصلاً الشرهه مو عليك الشرهه على إللي قاعد يفضفضلك
عبد الرحمن ابتسم:وه وه علييك..طيب يلا اتفضل كمل
فيصل:خلصت كلامي..بس ابغا منك الحل
عبد الرحمن:الحـل..انك تنسسا الماضي وتفتح معاهم صفحه جديده كلهم مو وحـده بس
فيصل:مااحس اني اقـدر..المهم يلا انت متى بتتزوج..؟؟؟
عبد الرحمن بخبث:بعد اسبوووع..آآه قد ايش متحمس
فيصل:الله يووفقك
عبد الرحمن:ههههه ان شاء الله..ووانت اكثر واحد عارف نوايايا
فيصل:مااقول غير الله يعين مها..يلا رايح مكتبي..سلام
عبد الرحمن:سلام ..(وطلع من المكتب وراح مكتبه..)
ببيت ابو فيصل - بعد العشاء الكل قاعد ع الكنب وريهام في الشرق ورازان في الغرب وفيصل جالس جنب امه والجهه التانيه ريما
فيصل يتفرج tv وعيونه كل شويا على زوجاته إللي كل وحده نفسها تذبح الثانيه
فيصل"هههههههههه اشكالهم نو كومينت..آأمممم ليلة مين اليوم..آآه يب رهومه..يلا خلينا نستفيد شويا من نصايح الدلخ حمتو":.........
ابو فيصل وام فيصل قامو:يلا تصبحوو على خير..
الكل:وانتو من اهله..(وطلعوو..)
ريما:رهووووم
ريهام:هلا
ريما:تعالي اسهري معايا اليوم
رازان"يارب تروح معاها وانفـك":.......
فيصل طالعها:لاياشيخه..اليوم ليلة ريهام
ريهام:آأمممم طيب..(طالعت بـ رازان بإحتقار وبعدين طالعت بفيصل)..انت روح عند زوجتك التانيه..ريوم تبغاني
فيصل قام وهمسلها في اذنها:لا ياحبيبتي ريوم بكره انتي اليوم ملكي
ريهام بلعت ريقها"من زماان عن فيصل الأولاني..ايام الزواج الاولـى..يلا ان شاء الله تغيير.."قامت معاه:اممم طيب سوري ريوم بكره ولآيهـمك
ريما:طيوب..تصبحو على خير
ريهام وفيصل:وانتي من اهله..(طالع برازان)..تصبحي على خير
رازان:وانت من اهلو..(وطلعوو جنآحهـم..)
فيصل قرب منها:اليوم بستأأذن لو آأمممم انتِ فاهمه
ريهام ابتسمت:ؤوكِ حلآلك
فيصل:طيب قبلها ممكن اقولك شي
ريهام:اتفضل
فيصل:اتـمنى تسامحيني على التصرفات إللي عاملتك فيها أوول
ريهام:أآأمممم تبغا الصرآآحــه ديك الايام كانت من جد كرهتك
فيصل:ودحين..؟؟
ريهام طالعت بالارض:العكس
فيصل قرب منها مره:فديييييت قلبك الابيض و..........................^_*
_________________
بيت ابو عبد الرحمن - غرفة عبد الرحمن
مها:آأمممم اخويا بيجي قبل الزواج بيومين هوا وزوجته
عبد الرحمن"آآآآآه ياملك..والله لأوريك ياأنور":اهـآأ..طيب مها بسألك سؤال غبي
مها:ههههه اسأل
عبد الرحمن:بكره مشغوله
مها:آأممم ولو افضـى عششآنك..ليه..؟
عبد الرحمن:ياقلبي ودي اآجي عندك
مها:اهـآآ..حيآآك الله بأي وقـت..
عبد الرحمن:ترا بجيكي من الظهر لو كدا
مها:هههههههههه
عبد الرحمن:فديت الضحكه..هاآ متى تبغيني اجي
مها:والله برآحـتك
عبد الرحمن:طيب بجي بعد 11 عادي ..؟..عشان دوامي..
مها:ؤوكـٍ لو كدا عادي
عبد الرحمن:تسلميلي روحي
مها:الله يسلمكـ....
وجلسسو يتكلموو..وعبد الرحمن آخر تحمـس لـ بكره..!!
......................
............
.......
ــــــــــــــــ
إلا هنا قد انتهــى البارت الـ 33..
قـرآءة ممـتعـة وان شاء الله يعجبـكم..
|||..الشوق ذبحني..|||
تذكير بالبارت السابق..:
... العايلة عرفت انه فيصل اتزوج رازان بس مو عارفين انها سحرته ...
...عبد العزيز رجّع ترف ...
...ياسر وعايلته راحو الطايف يومين ورجعو..وصآر موقف لريناد مع رجاآل...
...مختار وزوجته رجعو جده...
...ابو فيصل ودّا فيصل عند شيخ...
... رازان اعترفت فين مكان السحر وإنفك...
...بعد شهر من الاحدآآث ...
...فيصل صار تمام مع ريهام...
...عبد الرحمن زواجه بعـد اسبوع ورايح عند مها بكره..!...
...........
البـآآرت الـ رآبع والثلاثين / 34:
البآرت مآقبل الآخيــــــــــــــر ..
اليــوم إللي بعـده
بيت ابو ريهام - ع الغداء
ام ريهام:اليوم ريهام حتيجي عندنا..والله صارت تحزني مع فيصل
ابو ريهام أتذكر:تصدقي لسه ماكلمت فيصل..كل مره أأجل وأنسسى..إن شاء الله اليـوم بديه كم كلمه
ام ريهام:من جد ماصارت..مره ماتوقعتها تيجي منه..وكمان لسه مامر شهر وأتزوج..
ابو ريهام:ربنا يهديه..
____________
بيت ام ياسر - غرفة ريناد
ريناد:خارجين اليوم.؟
الاء:مااظن..ليه
ريناد:بخلي ريوم تيجي عندي وحشتني
الاء:ؤوكي ازهميها انا كمان وحشتني دي المصرقعه
ريناد:هههههه طيب..(دقت على البيت لأنو ريما ماعندها جوال..وردت عليها رازان)
ريناد:هلا
رازان ماعرفت صوتها:اهلين..
ريناد"وععع رزانو":كيفك؟
رازان:تماام..مين تبغي..؟
ريناد:ريوم
رازان:طيب دقيقه..(بعد ثواني جات ريما..)
ريما:مين؟
رازان:ماعرف..وحده تبغاكِ
ريما:اهاا..(واأخدت السماعه وردت)
ريما:هلا
ريناد:هلا واللله
ريما"دحين ماتعرف صوت اختها.!!":اأخبآآآرك..؟
ريناد:تماام وانتي..؟
ريما:تماام التمام..غريبه داقه..من زمان مادقيتي على بيتنا هـآآع
ريناد:هههههه طيب فاضيه اليوم..؟
ريما:يب واي..؟
ريناد:ؤوكِ تعالي عندي طفششانه
ريما:وه بس كذا..دحين بروح اكلم ؤمي وبتوافق ولايهمك
ريناد ضحكت:طيب بس لاتيجي ع العيشا..تعالي دحين شويا وبيأذن العصر
ريما:طيب طيب..يلا بروح اتجهز
ريناد:خخخخ ؤك سلام ..(وقفلوو..)
الاء:اكيد حتيجي
ريناد:طبعاً ماتقصصر ريوم فديتهاا
____________
بالهـند - عند عبد العزيز وترف
عبد العزيز:رح نرجع جده بعد 4 ايام
ترف:واااااااااااو
عبد العزيز:ها ايش رايك بالخبر
ترف:والله خطيييير..وأخييراً اشتقت لجدتي وجدي فديتهم
عبد العزيز:حتى انا وحشوني الأهل والله
____________
ببيت ابو يوسف - جناح يوسف وساره
ساره:وربي مآمنك فآآيدة اكلم العنود ابركلي
الاء:ههههههه طيب اصلاً عمور يبكي..يلا سلام
ساره بمزح:شوفلك التصرييفه طيب طيب سلام (وقفلوؤ ودقت ع العنـود وسووالف هيا وياها ..)
العنود:طيب انتي اصبري معاه يمكن يتغيير
ساره:لأ مااعتقد..وستحملت شهر واكثر ماقدر على كذا وبالذات إني ابينله الموضوع عندي اييزي وانا من جواتي احترق
العنود:آأمممم بس ترا لو طلقك ممكن الناس يطلعو كلام مو كويس لك..تعرفي مالكم كثير
ساره خآيفه:انا حصبر كمان عليه..بس لو طفح الكيل بكلم امي وعاد تقول لأبويا
العنود:ؤفف قوووية..احسن لك لاتقوليلي لأحـد..وحاولي تعدليه بنفسك
ساره:ماااتنفع معاه كل محاولاتي...
العنود تنهـدت:الله يكون بعونـك..(بمزح)..لاتكرهيني بالزواج ترا زواجي قريب
ساره:هههههههه لالا ان شاء الله بدر مافي زيه على قولتك
العنود:ان شاء الله...(وجلسوو يتكلموو وبعدين قفلوؤ )
العنود تطالع بأخوها:مولت ايش تتسمع كلام حريم
سلطان يبغا يحرجها:لسه انتِ مو حرمه
العنود ووجها حمرر:اقوول اخلص تراني بزي
سلطان:طيب طيب..مين دي إللي قاعده تشكيلك حالها ساعه
العنود قامت:وانت وش دخلك
سلطان:يوووه عنوده اتكلمي
العنود:سوسو بس ياااويلك يطلع الكلام
سلطان"ساره تبغا تطلللق من يووسف.!!!!!!!!":................(قام وراح غرفته وهوا منصدم وبعدين جتله فكره جهنميه بيعملها..)
_______________
فـ الشركه - مكتـب ابو ريهام
فيصل:والله كلامـك عين العقـل بس ايش اسوي
ابو ريهام:فيصل انت رجال مايعيبك شي..بس بنتي بصراحه ماارضى عليها..ياه ريهام يا زوجتك الجديده..عاد فكر و اختار
فيصل"استغفر الله بس":ان شاء الله
ابو ريهام:ومارح اتدخـل بخصوصياتك بس زوجتك مين اخترالك ياها.. !..عمتك تقول مره الله يستر عليهاا
فيصل يفكر وبصوت واطي:لا وساحرتني كماان
ابو ريهام انصـــدم:اييييش ساحرتك
فيصل انتبه لعمه وانحرج:بصرآحـه ايوا بس انفـك السحر
ابو ريهام:إن لله وإن إليه راجعون ..فيصصل وش فيك ليش ماتلطقهآآآ..سحرتك ولسه مقعدها معاك..والله يعلم بكره تروح تسحر مين..هـ الاشكال مع السموحـه ماينوثق منهم..وبنتي اخاف عليهاا..بالعربي يعني زوجتك الثانيه تشووفلها حـل ..
فيصل بتنهيـده:ان شاء الله عمي..(قام)..تامر على شيء
ابو ريهام:سلآمـتك وفكر بالموضوع زين
فيصل:ان شاء الله ..(وطلع وهموم الدنيا فوق راسه..بدون تردد راح البحـر)
__________________
ببيت مها ع الساعه 12 جاء عندها عبد الرحمن
عبد الرحمن:اهلييين وحشتيني
مها:هلا..وانت اكتر..(وبعدين ضيفته وجلسو يسولفوو)
مها:ماقلت ايش سبب الزياره
عبد الرحمن:الشووووق ذبحني ..
مها:اهـآآ...(قامت)..طيب ممكن اروح ابدل لبس بدأت اتضايق
عبد الرحمن:خدي راحتتك..بس سؤال ملقوف
مها:هههه قول
عبد الرحمن:ايش حتلبسي..؟
مها:بنطلون وبلوزة ايش حلبس يعني
عبد الرحمن:آأمممم لا البسي قميص نوم
مها ارتبكت:هاآه..
عبد الرحمن:لأني بطول عندك وشكلي حنام عندك
مها مستغربه:تنام عندي..؟!
عبد الرحمن:يب يب..لاتستحي ترانا متزوجين
مها منحررجه:آأمممم بس لسه ماصار زواج زواج
عبد الرحمن:طيب الزواج بعد 6 ايام..ايش حيصير يعني
مها طلعت الدرج:لآلآ ماافي
عبد الرحمن ضحك:لاتخليني اجيلك..
مها من فوق الدرج:حمتوو بلييز كل شيء بوقته حلو
عبد الرحمن بخبث:ايش اسوي النفس مشتهيتك
مها:مااااافي اصبـر كم يوم
عبد الرحمن:وليش اصبر..ماعليكِ الدورة ولاشي..حرام تسدي نفسي
مها"يوووه والله خاييفه"بعد تفكير 5 دقايق لبستله قميص وحاسه نفسها بتموت من الحيا
عبد الرحمن طلع عندها وصفر:مااتوقعت زوجتي بهالحلآوة
مها ووجها احمر:كح كح
عبد الرحمن:صحتيـن
مها:على قلبك..(قررب منها مره ومها يدها صارت ترتعش)..عبد الرحمن ايش رايك نأجل الموضوع ليوم الزواج
عبد الرحمن ابتسم:لآياشيخـه..مرره لأ..يعني قداامي(طالعها من تحت لـ فوق) وبدا الشكل وتبغي تأجلي..معلييش مقدر استحمل
مها قوس قزح:خلآص ترا مااحب هادي النظرات
عبد الرحمن:هههههه طيب وه بس فدييت الحيا انا و................................^_*
________________
بيت ام ياسر - غرفة ريناد
ريناد:حركات والله ؤمك تتطورت صارت تخليكي تسهري عندي
ريما:هههههه شوفتي كيف..
ريناد:إلا ايش اخبار اخوانـكم
ريما:والله مدري عنـهم..واحد كل يوم مع وحـده وماينشااف والثاني مايدق ولايسأل غير فالشهر مره موولت عليه من اخوان
ريناد:ههههههههههه أما اخوانـك ششي..إلا صح متى بيرجع عزوز..؟؟
ريما:آأممممم مدري..بس قريب
ريناد:اهـأإ
الاء جات ومعاها عمر:اقوول امسكي عمر انا بروح انام كم ساعه بعدين جيبيه
ريناد:ووين ابوه..انا عندي ضيفه هع
الاء:ريوم تسمحي اخلي عمر عندكم
ريما:ايوا طبعا
الاء:هههه يلا امسكي ياحلوة..وزوجي حيسهر عند سلطان
ريناد:اهااا..طيب جود نايت
الاء:جود نايت..(وراحت غرفتها ونامت..)
_______________
بعـد 4 ايااام...~
ببيت ابو فيصل - ع العصـر
عبد العزيز:وه فدييت بيتنا وإللي فيه وإللي بيدخلوه الان
ترف:ههههه طيب فك الباب بس..(بعد لمن دخلو مالقو احد بالصاله راحو جناحهم ونامو وع العشا صحييو وراحو عند غرفة ام فيصل ومحد داري انهم رجعو)
ام فيصل:ادخلي
عبد العزيز:وشو ادخلي قصدك ادخل
ام فيصل ابتسمت بفرح وقامت تسلم عليه:عبد العزييييييييز..الحمد الله ع السسلامة
عبد العزيز وهوا يحظن امه:الله يسلمك..ايش اخبآآرك..اشتقتتتلك يالغاليه
ام فيصل:الحمد الله..وانت اكثثر..(شافت ترف وراه وسلمت عليها)..اهليين يابنتي توو مانور البيت
ترف تبوس راسها:منووووور بأهله
ام فيصل:ايش اخبارك..كيفك مع عبد العزيز
ترف:الحمد الله تماام
ام فيصل شافتهم رايقين مو كأن احد توه واصل من سفر:متى جيتوو..؟
عبد العزيز ضحك:آأمممم الساعه 5 دخلنا البيت
ام فيصل تنحت:وفين كنتو من اول
عبد العزيز:في جناحناا
ام فيصل:وه ولا تتكلموو
ترف:ماحبينا نزعـجـكم
ام فيصل:اي ازعاج الله يهديكِ..ع العموم يلا ننزل تحت تتغدو
عبد العزيز:إلا وش حكاية ادخلي ههههه عجبتني
ام فيصل:هههههه بس خلاص صار البيت كله بنات
عبد العزيز:مين بنات..ريهام والخبله ريوم بس
ام فيصل"يووووووه صح الولد مو عارف":آأيوا وفي أحـد كمان
عبد العزيز:مين..
ام فيصل:رازان
عبد العزيز استغرب:مين رازان ذي..؟
ام فيصل:زوجة اخووك
عبد العزيز انصصصدم وحتى ترف معاه:هآآه..؟!!!
ام فيصل:اجلسسو اقلكم الحكاية..(وقالتلهم كل إللي صاار)
عبد العزيـز:اشك إنه فيصل بعقله شي..ليييش مخليهاااا
ام فيصل:والله اقنعناه انا وابوك بس يبغاله وقت يفكـر..والله اعلم كم بيحتاج
عبد العزيز:فينهم زوجات فيصل طيب
ترف بغيره:نعععم
عبد العزيز:ههههههه اقصد ريووم فينها وحشتني
ترف:على بااالي بس..ايوا حتى انا وينها ياعمتي
ام فيصل:تلاقوها بالغرفه..واحتمال نايمه
ترف:ناايمه..!؟
ام فيصل:ايوا امس سهررت عند ريناد ومارجعت غير الصباح مع اخوهاا يوم رجع من سفره
عبد العزيز:ليه فين راح ذا الثاني..؟
ام فيصل:راح المدينة له 3 ايام وامس الصباح رجع
عبد العزيز:ماشال احد معاه..؟
ام فيصل:لأ لحاله..
عبد العزيز:واليوم داوم..ولا..؟
ام فيصل:لآلآ شوفه نايم بالغرفه إللي جوا جناحي
عبد العزيز ضحك:اجل متزوج اثنين ع الفااضي
ترف بهمس:انت فاكر الناس زييك
عبد العزيز:ههههه ايوا صح انا سبيشل
ترف:اكييد
عبد العزيز قام:طيب تعالي نشوف ريوم
ام فيصل:لحظـه..ترا الان في حريم بالبيت..يعني كل ماتبغى تبغا تروح مكان تكح
عبد العزيز:يالييييل..طيب إلا فين جناحهم..
ام فيصل:رازان جناح فيصل زيما هوا اما ريهام فتحنالهم جناح فهد الله يرحمه
عبد العزيز وترف:الله يرحمه
عبد العزيز:طيب ولاتنسي قولي لـ فيصل لو اتجول في البيت انو في حرمه
ترف بهمس:حرمه هاه
عبد العزيز:خلاص بنت (ضحك بهمس)..مره ماينفعلك
ترف كشرت:يلا نطلع بس
عبد العزيز طالع بأمو:ووو يعني يكحح بأقوى ماعنده..والله مو بس انا اقعد اكحكح
ام فيصل ضحكت:طيب طيب..(وطلعوو لـ عند ريما لقوها توها خارجه من الحمام ووجها نوووم×نووم بس صحصحت لمن شافت عزوز وترف وجري لأحضانهم..)
__________________
ببيت مها - في الحوش وي تفك الباب
مها تحظن اخوها:وحشششششششتني مررره
انور:وانتي اكثثر ياقلبي..(وبعد سلام عليه وعلى ملك دخلوو وجلسو سوالف لمن خلآص)
أنـور:إلا ايش اخبار زوجك
مها:تمااام..يسلم عليك
انور:الله يسلمك ويسلمه
ملك قامت واعتذرت انها بتكلم صحبتها وانور ومها جلسو يتحكو ويتكلمو
ملك:اهلييييين
ريهام:هلا هلا هلا تو مانور جوآآلـي
ملك:هههه يسلموؤ..عااارفه انا عندددك بجده
ريهام زعقت بفرح:واااااااااااااو الحمد الله ع السلامه
ملك:الله يسسلمـك..(وجلسوو يتكلموو وبعدها)
ريهام:عاارفه
ملك:ايش
ريهام:عبد الرحمن حيتزوج قريب دحين
ملك حزنت بس مابينت:اهـآآ الله يوفقـه
ريهام:ان شاء الله..اسمعي لازم اشوفك
ملك:آأمممم طيب حياكي اي يوم..ترا نحنا قاعدين عند مها
ريهام:أهااا ؤوك نتلاقى
ملك:بس مو اليووم..عشان بروح أسلم على ؤمي
ريهام:لآلآ مو اليوم حتى انا اليوم فيصل جاء من السفر عيب اسيبه اول يوم وأروح
ملك بإستغراب:ليه وين كان..؟
ريهام:بالمدينه
ملك:شغل ولا ايه..؟
ريهام:ههههه سياحه امزح كذا يعني يغير نفسيته مره متضايق
ملك:اهـآآ..يوووه في كلام كتيير بقولك ياه بس لمن اشووفك
ريهام:ؤوكي وانا كمان..يلا سي يو
ملك:سي يآآ ..(وقفلت منهاا وراحت عند انور ومها وكانو يتكلمو انقلش)
ملك:اقوول اتكلمو عربي
مها:ههههه طيب..إلا صح ماحتروحي عند ؤمك..؟
ملك:إلا..اول ماانور يقوم حضرته
انور ابتسم وقام:هياا طيب
ملك:وه ايش دي السسرعه
انور:شفتي كييف انا سابقك ع السياره (وطلع..وبعدهاا بثواني طلعت وراحو بيت ام مختار..وتقابو وأحضآآن وبكا مايخلص)
مختار:الحمد الله ع السسلامه
انور:الله يسلمك ويعافيك
مختار:نوؤورتو البيت
انور:النور نورك والله..(وبعدين قعـدو مع بعض..)
_______________
ببيت ابو عبد الرحمن - غرفة عبد الرحمن
عبد الرحمن:ماضيفنااك
فيصل:مويه
عبد الرحمن:لازم تشغلني قول سلامتك ع الاقل
فيصل:لاياشيخ قوم بس اتحرك
عبد الرحمن قام:هههههه طيب ..(راح المطبخ وطلع كاستين مويه لقا امه ع الدرج)
ام عبد الرحمن استغربت:لمين الكاسه الثانيه..؟
عبد الرحمن:لـ فيصل
ام عبد الرحمن:فيصل عندنآآ..!
عبد الرحمن:ايوا..ايش فيكي استغربتي
ام عبد الرحمن ابتسمت:لا بس اقول من زمان ماجاء عندنا
عبد الرحمن ضحك ودخل الغرفه
فيصل:سلامات
عبد الرحمن:ؤمي مستغربه انك عندناا ولسه اليوم جاي من السفر
فيصل ابتسم واخد المويه:ترا بسهر عندك مافيا ارجع البيت
عبد الرحمن:له له له وبتسيب زوجاتك عشااني
فيصل:ههههههه صرت انقهر من تصرفاتهم كل وحده نفسها تذبح الثانيه..خليني اليوم ارتاح
عبد الرحمن:الله يعينك ههههههه إلا اليوم ليلة مين..؟
فيصل ضحك:رازان
عبد الرحمن:واااااو ترقب الازعاااج
فيصل قفل جواله:كوويس ذكرتني هع
عبد الرحمن:ورربي إنك فال ؤمها
فيصل:طنشش تعـش..(وبعدين فتحلهم فيلم رعب وجلسو يتفرجوو)
________________
ببيت ابو فيصل - في المجلس
عبد العزيز:وين فيصل ذا..صحي وهبق على طوول..حتى ماسلم عليه
ام فيصل:مايدري إنك هنا
عبد العزيز:طيب انا على خبري يرجع الساعه 11 اشبو اليوم طول
ام فيصل:مدري..خلاص روح نام تسلم عليه بكره
عبد العزيز قام:طيب تصبحي على خير
ام فيصل:وانت من اهله ..(وجلست تتفرج شويا وبعدها راحت غرفتها)
في جناح رازان تطالع الساعه..
رازان:ؤووف فينه..؟؟!..اليوم رجع من السفر ولا شفته وجواله مقـفل..(تذكرت وعلى طول عصبت)..لايكوون عن ريهام الحقيره في ليلتي.. ! (بعد دقايق قامت وهيا معصبه وعلى جناح ريهام)
ريهام قامت من السرير"يوؤ ايش دا الدق والازعااج..؟!!":مين
رازان:انا
ريهام بهمس:وش تبا ذي الثانيه (فتحت الباب)..خير
رازان دفتها:وين فيصصل ياسرااقه تاخذيه حتى في ليلتي
ريهام"ايش تخرف ذي..!":مين السراقه انا ولا انتي..وبعدين احتررمي نفسك
رازان طنشتها ودخلت الغرفه والحمام وقاعده تدور على فيصل
ريهام"وش فيها ذي اكيد استخفت":انتي ايش تسووي يامجنونه
رازان:ويين فيصصل طلعيه بسسرعـه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك