رواية شغب في مدارس الرس -3
حاتم- ابد سلامتك بس ابي اعرف من ......
مها قامت وقالت- لا ......
دخلت غرفتها وسكرت الباب ......
حاتم- يانذله...
طلعت وقالت- من اللي معك اليوم؟؟
حاتم ابتسم وقال- قولي لي من اللي معكن انتي وندى
مها- طيب بس وعد تعلمني من....
حاتم- وعد.
مها- هذي فيافي ...اخت ندى
حاتم- وش اسمها مو دلعها
مها- فيافي ما احد يناديها الا فيافي ....
حاتم- لا يشيخه ....اسمفها فاتن؟؟
مها- لا .....
حاتم – اجل ....اشوفها تقزني
مها- اجل شفتها ....اسمها فايزة تقول انك تهبل ......
حاتم- أيــــــــه ادري هذي قديمه
مها- وانت؟؟
حاتم- وش دخلك .....
مها- ايه هين ...بس قل لي مين ....
حاتم- واحد بأول ثانوي ......
مها طيرت عيونها وقالت- وراه اطول منك
حاتم- ما ادري ......
مها- ياعومري عليك ما دريت انك قزوم
حاتم- هو اطول واحد بالمدرسه ....اطول من المدرسين ...
تركها وراح ......
.............................
قامت العصر ....مدت يدها للجوال شافت رساله من مها انها بتجي ....
ندى نطت وقالت- اكيد الحين على الابواب .......
دخلت الحمام غسلت وتوضت وصلت والبست ....حطت كحل ومرطب وطلعت تعلم فايزه ..
دخلت المطبخ وهي تقول- فايزة فايزه ....سمعت صوت مكيف المجلس ....قالت- يافشله جت ولا استقبلتها .......
دخلت وهي مبتسمه .....اختفت ابتسامتها .........تطالع مو مصدقه ...ماقدرت ترمش بعيونها ..امتلت عيونها دموع
اخوها سامي- تعالي وش فيك واقفه ...
قالت بهمس والصيحه واصله – فــ... فيصل ....
فيصل- اهلين ندو ....وقف وهو يشوف اللي حوله ظلام بس انه يطالع لجهه صوت ندى
وكانه يطالع فيها
قربت منه وهي تقول – الحمد لله على السلامه ......
ضمته وهي تصيح ......
فيصل- الله يسلمك ...اخبارك...
بعدت عنه وقالت- بخير من الله ..
سلمت على ابوها واخوها احمد وقال- المفروض على ابوي اول
ندى ابتسمت وقالت- والله مو مصدقه ان فيصل قدامي......
جلست جنبه وقالت- والله اني مشتاقه لك مآآره...
فيصل يطالع الارض ويقول- وانا مشتاق لك مره.....للحين تصيحين ؟؟
ندى- والله فرحانه بشوفتك...
ابوها- وحنا .....مو فارحانه فينا
ندى- الله يخليكم لي .....اخبارك احمد واخبارك يبه
ابوها واحمد- بخير
فيصل- ابلوشني كل شوي يقولون لي انت وش تبي بالسعوديه
ابوه- انت اللي ابلشتنا تقول ابي ارجع ....
فيصل- آآه تو ما عرفت اتنفس زين .....هو ندى بالسعوديه بتصير السعوديه جنه
ندى- ياقلبي.....
دخلت فايزة وقالت- ندو ....وش رايك بالمفاجئه ؟؟
ندى- تجنن ....
فايزه- من عازمه؟؟
ندى نطت وقالت- جت؟؟
فايزة- تدرين .....ليش ماقلتي لي البس ...
ندى- ما دريت
ضحكوا
سامي- انتي عازمه احد؟؟
فيصل- ونسيتي
ندى- فشله والله فشله
طلعت تركض ......
ندى- يوووه اسفه ......مهاوي اخوي فيصل جاي اليوم
مها- الحمد لله على سلامته ...
ندى- تعالي لغرفتنا ......وبلا هالرسميات .........ارمي عبايتك.....
مها- يوه بس مو كذا اصبري لازم ثقل ....
ندى- اخواني كلهم بالمجلس ما نقدر نروح للمجلس ..تعالي لصاله الداخليه ....اقلطي حياك الله
مها ابتسمت ودخلت لصاله وجلست على الكنب ........
فايزه – هلا والله ....
كانت ببجامتها .....
مها- اهلين فيافي ...
فايزة- علومك ؟
مها – بخير...
فايزه- والله ما علمتني ندى الا يوم قالت لي ناني ان فيه بنت يبغى ندى ....ولا يمدين اغير..
مها- عادي حنا اهل......
فايزه- اخبار اخوك
ضحكت مها وقالت- الله يهديك عرف انك كنتي تطالعينه
فايزة وجهها حمر وقالت- لا تكفين ....يافشله ؟.....
ندى دخلت ومعها القهوة وقالت- نزلي عبااايتك
مها- طيب طيب ......
وقفت ونزلت عبايتها وقالت- اخبار اهلك بعد السفر ....
ندى- تمام.....
مها – متى وصلوا؟؟
ندى- قبل ما تجين لقيتهم جالسين بالمجلس ....والله انصدمت
مها- اجل انا وش جايبني ...روحي استانسي مع اهلك جايه بوقت غلط
فايزه- لا لا وين...لاحقين على اخواني
ندى- أي والله انثبري لا تروحين
مها- صعبه صعبه ....
ندى- لا صعبه ولا هم يحزنون كلها العصر ولو تكملينها عشاء وسهره بعد احسن
مها- لا تكفين العصر وبس ...بحرمكن من اخوانكن ....
فايزة- لا ماعليك
.....................................
فيصل- ابو اسرار
سامي- سم ...
فيصل- وين اسرار
سامي- يوم انزل نايمه
فيصل- مشتاق لها .....
سامي- اروح اجيبها
قام وراح يجيبها من فوق
احمد- من صديقه ندى اللي جايه هذي
امه- هذي بنت جيراننا مالهم سبوعين
احمد- اجل في بيت ابو عبد الله ؟؟
امه- ايه...
فيصل- اخبار البنات ....
امه- بخير ....
ابوهم- اخبار امتس؟؟
امهم- امي ...اليوم بروح ازورها
فيصل- بروح معك.....
كان اخوه احمد يطالع فيصل ....يالله عليه عيون مو على احد......عيونه وساع مكحله رموشه كثيره عدسته مثل لون شعره الاسود......ومع ذلك فاقد نعمتهن....فيصل مو بس عيونه حلوه الا هو كله وسيم ....احسن من خواته ...
..........................
على اذان المغرب ....رجعت مها لبيتهم ......
ندى دخلت غرفة فيصل وقالت- سلاااااام.........
جلست على السرير وهو كان متسطح ويسوي لنفسه مساج براسه ....
ندى- تعبان خيو
فيصل- لا........بس تعودت على ان الممرضين يسون لي مساج.......
ندى- انا اسوي لك.....بعد يديك.......
فيصل- تسلمين ....
حطت يدينها على جبينها وهي تضغط بخفيف على جبينه ...
فيصل- استانستن مع صديقتكن
ندى- ايه البنت ونيسه .....
فيصل- هاه وشهي السوالف اللي بتقولينها لي.....
ندى- كثيييير....
فيصل- اسمعك......
كان يطالعها ....لكن ما يشوف ....عيونه تتبع الصوت وبس ......
ندى امتلت عيونها دموع وهي تطالع فيه كان مبتسم وتقول بقلبها- مين اللي عطاك عين ياعسى عيونه تختفي .......ياليته يموت عشان ترتاح .....
فيصل- وشفيك سكتي....وشهي السوالف...
ندى اخذت نفس وقالت بصوت مبحوح- لا حقين .......
فيصل بعجب- وشفيك؟؟
ندى- مافيني شيء...
فيصل سكت وهي كملت له المساج ........
.................................................. ............
مها دخلت ورمت عبايتها ......
امها- عبايتك وديها لغرفتك...
مها- يومآآآآآآآآه ......
امها- بلا دلع ...
مها- نبي خدامه نبي خدامه ........
امها- لو بنطلب توها .....اخلصي علي ودي عبايتك للغرفه لا تحوسين
مها اخذت عبايتها وراحت لغرفتها ...ورمتها على السرير وطلعت لغرفة حاتم ....
دخلت وقالت- حاتم.....
مو موجود....
مها- يوماآآآآآه ....وين حاتم؟؟؟
امها- طالـــع ....
اتجهت لصاله وجلست تتابع التلفزيون.....
فارس دخل ومعه كورته ويقول- ابي مويا
مها-وين كنت؟؟
فارس- العب مع العيال ....
مها- اها....
................
اليوم الاربعاء .......
مها- ما ابي اروووووووح
امها- بتروحين قومي البسي
مها- يمه شوفي شعري ...ما تروشت
امها- غسليه وجعدي....تروحين يعني تروحين ......
مها رمت البطانيه وقامت وقالت- لا اله الا الله للحين بزر ......
حاتم كان بالمطبخ ياكل من هذا وهذا ..........
مها- سلاااااام
رمت شنطتها وجلست تفطر
حاتم- وش فيك؟؟
مها- ما ابي اروح.....
حاتم- ايه ....احسن روحي
مها – ليش ما تجهزت وين ثوبك ...وكتبك
حاتم- ماراح اروح.....
مها- يوماآآآآآآآآآآآه.......ما ابئ اروح ليش حاتم ليش......وين مرام
حاتم- تقول عندها اوف
ماه وقفت معصبه وقالت- كل شيء على مها ...مها فيها بلاوي الدنيا ......
اخذت شنطتها وطلعت .....
كانت تمشي وهي تكلم نفسها ومعصبه ....
مها- وانا اللي انغصب وانا اللي اسمع لكلام واخواني ماعمرهم سمعوه وانا اللي مستقوين عليها .....الله يستر بعد ندى لا تغيب....اخذت الفه وقربت من بيت ندى وقفت تنتظر انها تطلع .....انفتح الباب وطلعت فايزه ....اتجهت لها وقالت- صباح الخير
فايزه- هلا .....صباح النور.....
مها- وين ندى ....
فايزه- وراي ....اخر شيء شفتها فيه وهي تسولف مع فيصل.....
سمعن صوتها بتطلع- يابعد قلبي يا اخوي مو مثلك يا احمد....
وصوت ولد من وراها – بوصلكن .....
ندى طلعت وقالت- اهنين مهاوي ....
ندى- هلا ......
طلع فيصل وقال- ندى
ندى- عيونها
فيصل يطالع مكان ندى ويقول-....جيبي لي معك من مدرستك هديه ....
مها تطالع بفيصل يطالع ندى ماتوقعت انه فيصل
ندى- وش تبي الهديه ..طالع الارض وقال- اللي تبين ...هديه يعني ذوقك...
فايزة- فيصل....
فيصل-هااااه....
فايزة- ترى معنا بنت
مها انصدمت ؟((فيصل))
فيصل رجع على ورى ودخل بهدوء ...انحرج
ندى- يادبه ....ليش تقولين له احرجتيه لو مشتيها
فايزة- عادي...
مها تطالع مكان الباب وقالت- جدكن هذا فيصل.....
ندى- يس...
فايزه- كل من شافه قال هذا مو اعمى ...
ندى تنرفزت من كلام فايزة وقالت- لا تقولين اعمى .....ياللا مشينا....
مها بتغير الموضوع- وش مغير الاحوال يافايزة ...ليش الصبح تجين معنا...
فايزة- ايه تعالي ...وين اخوك؟؟
مها- ههههههههههههههههه يادبه اليوم غايب....
فايزة- قهر قهر قهر
ندى ساكته وتمشي ....
مها- لايكون حبيته من اول نظره
فايزه- لا بس كنت ابي افتح نفسيتي على هالصبح ...
مها- وانتي الحين منسده نفسك
فايزة- يص ...
مها- اجل عمرها مانفتحت دام اخوي اللي يفتحها ....الولد اللي معه امس احلى ...تراه يصلح لك بأول ثانوي...
فايزة- يووه اجل اخوك قزوم ....الولد اللي امس اطول من اخوك....
مها- ايه قزوم....ندى .....ندى
ندى- خير..
مها- شوي شوي والله ما قلت شيء.....استاذه نهله اليوم علينا؟؟
ندى- ايه ما تشوفين رغد امس مستانسه ....
مها- ايه زين بحضر لها حصه ...
ندى- ما انصحك ...كله عيونها على رغد...استغفر الله جد انها مو بصاحيه...
فايزه- اصلا رغد تحبها بعد....اذا تكلمت عنها كلامها يصير غريب....
مها- انتي وش عرفك ...ماعمرك جلستي مع رغد...
فايزة- الا دايم تجينا ونجيها .....او نجتمه بقريه المراجيح
مها- ما ادري..
.......................
كان جالس وهو يفكر
احمد – بروح اليوم لدوام....تبي شيء فيصل ؟؟
فيصل- سلامتك...
احمد- يالله....اذا بغيت شيء اطلب ....
فيصل- ما ابي الا سلامتك..
كان للحين منحرج من انه طلع قدام البنت ...يعني اعمى وش بتقول عنه........
.............................
كانت مها حطاه يدها على خدها وتفكر.....ماسكه خط....
تقول بقلبها((فيصل....سبحان الله كأنه يشوف.....يعني لهدرجه العين اللي صابته قويه ...الله لا يوفق من كان السبب مسكين ....))
زهره- بنااااااااااات ابشركم اختبار الادب تأجل ....
ندى- الله يبشرك بالخير.....لولوووووووليش
زهره- بس تراه يوم السبت ....وتقول اديبه انوه اذا ماجبتن العشرات فتوبه ااجل لكن...
سهام- ياشيخه عاد انا اللي بذاكر ....مناها...
زهره- اللهم اني بلغت الله فشهد
دخلت نهله
البنات- يوووووووه .....
رغد حطت يدهاعلى خدها بدلع ..
ندى- مها مها....شوفي نهله...
التفتت وهي تطالع .....كانت المعلمه مرتبكه ...ورغد تطالع فيها بابتسامه ...وتلعب بشعرها...
فيه بنت اسمها ابتهال ....كانت تطالع المعلمه بحقد ...تطالع رغد وهي معصبه.....
ابتهال- ما نبي درس...نبي فرقاك...
نهله بربكه- اجل وشوله اخذ راتب واجي من بيتي...
رغد- الله يخليك لنا يا استاذه ....
ابتهال- ووع ....
رغد افتحت ازره صدرها وطلعت عقد حرف نهله
مها مصدومه وهي تشوف هالمنظر.....قالت لندى-ابتهال تحب رغد؟؟
ندى- ايه تغار من نهله لان رغد ماتعطيها وجه
مها- الله لايبلانا
ندى- عادي.....
مها- لا مو عادي ....حرام
ندى سكتت ما تقدر ترد بالدين ...
مها- بالله عندك عادي
ندى- صراحه منظر تعودت اشوفه
مها- الله يهديهن
ندى كانت تطالع بمها باعجاب.....البنت عاقله دينه مع انها لاعابه ....يعني دين وعقل مع فرفشه وضحك ...
ندى بصوت خفيف- بسألك ..
مها- هلا....
ندى- وش رايك فينا ....ونهله تعطينا الاسئله
مها ابتسمت وقالت- لو تبين الصح ...بتعرفين انه حرام ودرجاتك كلها بالحرام
ندى- بس...
مها- بكره اذا تبين تكفرينها .....لازم تصدقين او ان المعلمه تسامحك ...كم بالله اختبار كان غش
ندى طالعت الارض وهي منحرجه وقالت- كثير...
مها ابتسمت وقالت – توبي .....واعترفي للمعلمه انك غشيتي .....كل المعلمات .....راح يسامحنك....
ندى- بس انا ما احفظ بسرعه
مها- بس اذا نجحتي تحسين بلذة نجاحك.....غريبه هالمعلمه البنات يسولفن ولا كأنها موجوده
ندى- ايه شوفي من تطالع ....ذايبه عند رغد...
مها رفعت عيونها وقالت- الله يهديهن ....
................................................
مها- الله يهديهن
ندى كانت تطالع بمها باعجاب.....البنت عاقله دينه مع انها لاعابه ....يعني دين وعقل مع فرفشه وضحك ...
ندى بصوت خفيف- بسألك ..
مها- هلا....
ندى- وش رايك فينا ....ونهله تعطينا الاسئله
مها ابتسمت وقالت- لو تبين الصح ...بتعرفين انه حرام ودرجاتك كلها بالحرام
ندى- بس...
مها- بكره اذا تبين تكفرينها .....لازم تصدقين او ان المعلمه تسامحك ...كم بالله اختبار كان غش
ندى طالعت الارض وهي منحرجه وقالت- كثير...
مها ابتسمت وقالت – توبي .....واعترفي للمعلمه انك غشيتي .....كل المعلمات .....راح يسامحنك....
ندى- بس انا ما احفظ بسرعه
مها- بس اذا نجحتي تحسين بلذة نجاحك.....غريبه هالمعلمه البنات يسولفن ولا كأنها موجوده
ندى- ايه شوفي من تطالع ....ذايبه عند رغد...
مها رفعت عيونها وقالت- الله يهديهن ....
................................................
................................................
فايزة جالسه بالفصل وهي تسولف ...كانت نوره بجنبها .....
نوره- فيافي تدرين .....امس حمودي يقول لي انه يحبني
فايزه طالعتها بنظره تعجب وقالت- وانتي صدقتي هاه؟؟
نوره- لا ....بس اعيش جو واغيره شوي ....
فايزة سكتت وبعدت عيونها عنها .......
نوره- والله وناسه الدنيا وش تبي منا ........
فايزة- بس حرام.....
نوره- الله غفور رحيم......
فايزه بقلبها- ناس ما تفكر.....وش ذا النفاق ....الله غفور رحيم ...معتمده على مغفرة الله .....يعني على كيفها بتقول يارب اغفرلي وبس....
مريم- نواره تدرين ان عندنا اليوم حصه سابعه
نورة- ايه داريه .......
مريم- آآآخ بس ....لا ورياده بعد.....بتجينا الموزه ....
فايزة- اهون من معلمة التفصيل تشرح لنا وحتى بالرياده
مريم- وع كلهن وع .....
خلود جلست جنب فايزة وقالت- فيافي .....
فايزة- هلا...
خلود بهمس- ناصر قالت لي شيء عنك
فايزة – وش قالت؟؟
خلود بصوت خفيف- شكلها تحبك
فايزة طالعتها وقالت- لا تفكر حتى ...
خلود- انا وصلت لك....تقول كل ماشافتني وين فايزة ما اشوفها اخبارها اشتقت لطلتها
فايزة تنرفزت وقالت- بس انا ما احبها ....يختي اخاف منها بقوة
خلود- غيريها.....هي ماكانت كذا .....اذكرها بنت عاديه ...
فايزه- جد....وش اللي قلبها
خلود- بعد ما اختلطت مع الشله ..
فايزة تفكر ......
.................................................
بمكان ثاني غير الرس ......بالتحديد عنيزة ...
كان جالس يشرب قهوه .....
اسما- يبه ....ابي عدسات لعيوني....
ابوها- وشوله ؟؟
اسما- العدسات تكبر العين
ابوها- والله لونك عيون ولد ابو سامي ....كان ما احتجتي عدسات....
اسما- لا بسم الله علي ....ذاك اعمى
ابوها – لا بس عيونه ....ما ادري من عطاه عين...
اسما- ايه اذكره ....هو بعد ماطاح بالمسبح .....
دخل حمد وقال- السلام عليكم .....
الجميع- وعليكم السلام
حمد- هاه يبه نروح نشوف الفحص ...ابي اخلص من هالامور بسرعه
ابوه- على ايش اعجله....
حمد- ابي اخلص
اسما- حماده ...وش رايك من احلى عيون انا والا ولد بوسامي فيصل الاعمى
حمد- وفيه احد مثل عيونه ...
ابو حمد- انا قايلك ....
حمد – يبه ...يالله ...
ابوه-يالله بس هالفنجال....
شرب القهوة وقام ....
ملااااحظة ((ابو حمد هو اللي معطي فيصل عين ))
...............................................
طلعن من المدرسه
فايزة- قهرررر ليش اخوك ما درس اليوم لازم يغيب يعني
مها- لو بيدي مع شوشته سحبته عشان يدرس ...بس العين بصيره واليد قصيره ...
ندى- ههههههه ...اقول فايزة ...فيصل وش يحب اكثر السنكرس او الجالكسي او الكتكات
فايزة- ما ادري
ندى- اذكر كان يحب الكتكات بس اخاف يحب شيء ثاني
مها- انتي شريتي المقصف كله .....
ندى- عشان فيصل ..كل شيء يهون ....
........................................
دخلت البيت ورمت شنطتها وقالت- سلااااااام .....
كان متسطح على الكنب ....وقال- وعليكم السلام....ابئ الغداء بسررررعه حطوووه
مها- لا وتشرط وانت غايب
حاتم طالعها وقال- ليش الغيره
مها- اغار انا اغار......هه اغار عاد على مين اغار.....اقول اروح اغير ملابسي احسن لي....
راحت لغرفتها وطرررخ بالباب .....رمت عبايتها وطاحت على السرير وهي تقول-آآآآه ...
اخذت نفس عميق وطلعته وقالت- الله يعينه ......
رجعت تتذكر اللي صار اليوم الصبح
مها- سبحان الله ارتحت له من اول ماشفته.....ما الوم ندى على انها تحبه بقوه......
فتحت ازارير مريوله وقامت ..
.......................
فيصل ماسكهن بيده وقول- وش كل هذا
ندى- هذا كتكات وهذا سنكرس وهذا جالكسي وهذا ريبل ...وهذا....
فيصل يقاطعها- ماراح اكل كل هذا نتقاسمهن بيننا
ندى- جبتهن لك...حتى صديقتي تقول ماخليتي شيء للبنات
فيصل ابتسم وقال- لاتكون اللي اليوم معك ....
ندى بضيق – الا هي...
فيصل بتعجب- وليش تقولينها بضيق ....
ندى- ولا شيء...
فيصل- لاجد وش فيك....
ندى بتردد- حسيت...
وسكتت
فيصل – اني انحرجت يعني ؟؟
ندى ماردت ابتسم وقال- ياقلبي ياندو .....انها هذا قدري....يعني واذا كنت اعمى ...مافيها شيء....هي قالت شيء عني؟؟
ندى – لا ...بس ماصدقت انه انت ....
فيصل- هي اللي امس عندكم
ندى- ايه
فيصل- ومالهم سبوعين ساكنين وعلاقتك صارت معها كذا ....ماشاء الله عليك لهدرجه اجتماعيه
ندى- تصدق ..والله احسها احسن من بنات الفصل كله حتى اللي امشي معهن هي احسن منهن..
فيصل- عرفتيها بهالاسبوعين
ندى- بهالاسبوع هذا بس....هي بدت تدرس من السبت ...وانا من شفتها ارتحت لها بقوة عشان كذا خليتها معي.....
فيصل- وتشوفينها احسن من البنات الثانيات......طيب بايش؟؟
ندى وهي تطالع لفوق وتقول- بدينها ...اخلاقها ...مزحها....يعني تخيل ...حنا نغش ...والاسئله تجينا ومانعترف نذاكر...هي تقول ابي انجح بتعبي عشان يصير راتبي حلال ....وتخيل فيه بنات يحبن بعض ...هي تقول الله يهديهن ..وشلون يفكرن كذا...وتدعي لهن بالهدايه...
فيصل- لحظه ...انتي تغشين....
ندى حطت يدها على فمها وقالت- لا البنات انا لا ....
ضحك وقال- لا ياشيخه .....جد ندو ماتوقعت ان الغش هين عندك....كلام صديقتك صح...بكره اذا توظفتي راتبك مو حلال......وبعدين الرسول قاله ((من غشنا فليس منا))
ندى- انا صراحه بتركه ..لان مها اقنعتني اليوم ....كلامها حلو
فيصل- ماشاء الله عليها...هذي خليك معها دايم...بعدين وشلون البنات يحبن بعض..يعني اشوفه شيء عادي؟؟
ندى ابتسمت وقالت- مو انها تحب صديقتها انا احب مها واحب صديقاتي ...بس العاده ان البنت لها حبيب مو حبيبه....هن كل وحده تختار حبيبتها....
فيصل- اوووف....
دخلت فايزة وقالت- بسرعه بسرعه الغداء ينتظر...
فيصل- جايين ....
طلعت وتركتهم
فيصل- طيب وشلون ...اكيد انه حرام...
ندى- منظر متعودين عليه .......
فيصل- غريبه...البنات تفكيرهن بريء
ندى- أيــــه واضح بسم الله على البنات .....البنات اوووف ما تدري وش وراهن....
فايزة دخلت وقالت- انتم بسرعه تعالوا....
ندى- جينا...
وقفت ومسكت يد فيصل وهي تمشي معه ...
فيصل- اجل البنات مو على نياتهن....
ندى- نهائيا ...انتبه للكنب لا تصدمه.....
..........................................
..........................................
بالليل .....
مها تنزل مع الدرج وهي تقول- بررررد ....الشتاء دخل .........
مرام قدام التلفزيون- مووت مو برد....اليوم الصبح اهون من الحين
مها- انتي غايبه مادريتي هو برد او حر
مرام- وش هالغيره....
دخل ابوهم – السلام عليكم......
مرام ومها- وعليكم السلام....
مها سلمت عليه وباست راسه ....
مها- اخبارك بابي
ابوها- بخير ...هاه وش تبين ....
مرام-ههههههههههه اكيد ماورى هالحركه وبابي الا طلبات
مها ابتسمت وقالت- حركات ابوي فاهمني.....يبه ...ابي بكره نكشت للبر تكفى ...من الصبح نطلع دام الجو مو حار...والشتاء دخل ....
ابوها – ايوالله انها زينه.....خلاص بكره الصبح القاكم جاهزين.....وين فارس وحاتم
مها- مع امي .....رايحين لجدتي ....
ابوهن- وليش مارحتن معهن عشان تسلمن .....
مها- بكره نبيها تروح معنا هي وخالتي وخالي ....
ابوهن- وعمكن ؟؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك