رواية شوفوا الزمن كيف قاسي مخلي راسه براسي -8
مها تواسيها:خلاص انا بجلس معاكي الين ماتنامي وبعدين بيجي عندك ياسر
الاء سمعت طاري ياسر خافت’’اييييش ياسر يجي هنا وانا نااايمه نووو ويييي’’بتوتر:امممممم لا مابغا احد خلاص انتي لمن انام روحي
مها بإستغراب:ومين يهتم فيكي؟؟
الاء:انا اهتم بنفسي
مها تأشرلها بالحلم:ايوا ايوا نامي واصحي وقوليلي ايش حصل,,قال انا اهتم بنفسي قال,,انتي ماتقوومي من السرريرر مفهووم؟؟!
الاء ضحكت:ههههههههه سرتي تتكلمي زي ماما
مها ابتسمت وجنب الباب:احلااام سعيـده
الاء سررعه:لآلآلآلآلآلآلآلآ
مها ضحكت:ايش في تراني نعست...
الاء توسعلها:تعالي نامي جنبي في مكـان
مها:ههه لالا اصلآ انا لو جيت بنام بالكنبه
الاء:ااااااف مها ياوييلك مني روحي كلمي الدكتوره دي ولا ازهميها انا بكلمها
مها:لالا خلاص انتي لمن تنامي انا بروح اكلمها ولو سمحتلي بنام ولو ماسمحتلي(سكتت)
الاء مانتبهت لكلام مها:طيب يلا احكيلي حتووته هع
مها تقفل اللمبه وتفتح الابجوره:ههههه سرنا اطفال
الاء كشرت"خلاص شكرا مابا شي
مها بمزح:العفوو ماسوينا إلا الواجب
الاء بمزح:ماااالت عليييك(ونامت وهيا مبتسمه)
___________________
فـ الشركه الليل-مكتب فيصل
عبد الرحمن يضحك:تعررف آآخر الاخباار
فيصل طالعوو بإهتمام:إيش
عبد الرحمن:بيعملولنا رحلة بريه عشان ملكتك انت وريهام,,ههههههه مساكين مو فاهميـن تماام
فيصل فتح عيونه ع الاخر:رحله برررريه!!!!
عبد الرحمن:امممم مو رحله بريه رحله بريه يعني شبيها..
فيصل:ووين ان شاء الله؟
عبد الرحمن:مدري اسأل ابوك بس انا سمعت ابويا يقول مناطق جبليه وفيها بحيرات مدري شي زي كداا
فيصل:هههههه رحله ع الجبال ماشاء الله إلامتتتى؟
عبد الرحمن ضحك:فنهاية الاسبوع اعتقد
فيصل:مسااكين مو عارفين انو حيتأجل الزواج أسـآآسـآآ...
عبد الرحمن:الله يقلع شياطينك اسمع لو احد قلك سوي نفسك منك داري عن شي قلك سبرايس بيعملولك
فيصل غمزلو:من عنووني
عبد الرحمن ضحك:تسلملي عنوونك
عبد الرحمن +فيصل:هههههههههههههههههههه
___________________
ببيت ابو عبد الرحمن
ساره تسلم على امها:يلا ببباي
ام عبد الرحمن:باي,,إلا صح لاتتأخري طيب
ساره:اووك وبعدين عادي مامتوو دا بيت صحبتي وبعدين اخوها صاحب عبد الرحمن يعني مافي خوف
ام عبد الرحمن ابتسمت:طيب ولاتنسي تسلميلي عليها..إلا ايش اسمها نسيت
ساره:هههههههه العنوود اووك يوصل بااي(وتروح بيت العنود اخت سلطان!!)
انتظرووووني بالبارت العاشر ^_*
تذكير بالبارت السسابق...:
...عبد الرحمن يتصل بمزعج ساره اخته إلي هوا سلطان وترد عليه اخته العنود !...
...هروب فيصل عشان مايتزوج...
...الشرطه مسكت سلطان وودوه للمركز وفتشو سيارته ...
...الاء حملت من ياسر !!!!!!...
...مشاكل ساره وسلطان رجعت والتهديدات من الطرفيـن !...
...مها صديقت الاء عرفت انو الاء حامل بس مو عارفه من ميين ؟!...
... الرحله الي بيروحوها العائلات...
...ساره تروح بيت سلطـآن عند اخته العنود !!!!....
ــــــــــــــــــــــــــــــــــــ
البارت العاشر /10
بيت ابو فيصل - المجلس..
ريما بفررح:وااااااااو والله من زماان ماخرجنا خرجات عائليه اخر شي المزرعه
ام فيصل ابتسمت لبنتها:ههههه وان شاء الله دي الطلعه تنبسطو فيها
ريما:اكييييييد لازم تكووون فللللله هع
ابو فيصل ابتسم:خلاص جهزو نفسكم بكره العصر بنتحرك كلنا طيب
ام فيصل:ان شاء الله
طلعت ريما غرفتها وهي مبسووطه ع الآآخر
فتحت للاب توبها ودخلت المسن
ريما:يارب فاتحه الاء يارب فاتحه الاء (انفتح ايميلها وقعت تدور)
ريما بطفشش:اففففففففف مو مووجوده قهرر (استغربت)غريبه هيا دوم تفتح دا الوقت!! خلاص خليني اروح اكلم رنود احمسها شويا هع
ودقت على ريناد وجلسو يتكلمو ع الرحله ومخططاتهم..
ــــــــــــــــــــــــ
بعيدآ عـن هاذا كـله..:
اليـوم عيـد بالنسبـه لها واخيـرآآ خرجـت من الهـم والغـم والنـكد بتخرج من دا كله بتخرج من السجن بعد 10 سنوات متواصله
ماتدري وين بنتها المفقووده ومهي عارفه هيا حي ولا ميته ولا.........
ــــــــــــــــــــــــ
فـ مليزيـآ..المستشفى
الاء بجديه:انا قررت انزلو..!
مها معصصبه:الاء خلاص شيلي الفكره دي من راسك قلتلك
الاء سكتت بحزن
مها حست فيها:حرام والله حرام ماتسمعي كلمة ماما طول عمررك..
الاء بكيت:والله والله مو بيدي والله موبيدي
مهـا حزنت عليها كثيـــر بس ماحبت تبين لها وتزعلها اكثر:خلاص انتي اطلعي من المستشفى ويسير خير فالبيت..
الاء:ماقدر افكر بالبيت هنا اررحم
مها التزمت الصمت...
ــــــــــــــــــــــــــــــ
ببيت سلطان... - جناح العنود
العنود:ههههههههههه والله انك تحفففه
ساره:اقووول لو ماتسكتي ياوييلك هع
العنود:ههههههههههههههههههههههههه خلاص بسكت بس ماقدر
ساره ادتها نظرت عصبيه ولعبت
العنوود:آآه يابتـنيي آآه هع هع (ولعبت دورها)
ساره رن جوالها ردت وهيا معصبه على ضحك هع
ساره:أهلالآ
عبد الرحمن:أهلييين ترا شويا وبمرلك الوقت تأخر
ساره كشرت:يوووو عبد الرحمن ششووويا بسس
عبد الرحمن:اوك نص ساعه لا اكثر عشان ترجعي تنامي رايحين بكره بدري
ساره:امممم طيب يلا باي وثانكيو
عبد الرحمن ابتسم:ولكم باي
ساره حطت الجوال جنبها:يلا كملي بسررعه ترا شويا ومروحه
العنود تطالع ساعتها:يوو بدري سوسو الساعه 1ونص لسه واجاازه يعني عادي
ساره:لالا عشان بكره بنخرج بدري مع العيله وعشان نصحى بدري نجهز
العنود:اهاااا عشان كداا اوكي يلا نخلص بسرعه
___________
يوم الجمعـه...
الرجال والشباب راحو يصلو الجمعه ورجعوو تغدو ع السريع وحركوو...
بعـد ساعتيـن من الطريـق وصـلو
عند البنات كلهم متأففين وتعبانين
ريناد:اففففففففف ايش دا الطريق مررره طويييل وتععب
ريما تكمل عنها:وقررف وكأننا رايحين الطايف اففف
ساره وريهام يطالعو فيهم ويضحكو على اشكالهم:ههههههههههههههههه
ـــــــــــــــــــــــــــ
عند الشباب
عبد الرحمن قام:بروح اكلم القاطع سلطان وبجي طيب
فيصل:اووك
عبد الرحمن خرج يتمشى بالمكان:الووو
سلطان بضحك:هلاااا وغلاااا
عبد الرحمن ضحك:مااالت,, تعرف ترحب لاكن ماتعرف تتصل تسأل عن الاحوال
سلطان:افااا كنت متصل فيك وكنسلت المهم كيفك اخبارك؟
عبد الرحمن:تمااام يالقااطع
سلطان:يووو لاتذلنا خلاص والله حقك عليا
عبد الرحمن فقع ضحك:هههههههههههههههههههه
سلطان ابتسم برواق:دوووم الضحكه
عبد الرحمن:هههههههه بقطع عليك الجوو إلا ايش اخبار القاطع تو2
سلطان ماقدر:ههههههههههههههههه مين ياسر
عبد الرحمن:هوا في غيره هاذا اول مايروح يدرس ينسااااانااا نهائيـآآآ
سلطان:هههههههههه والله حتى انا ناسيني شكلو حب الاخ هناك...
عبد الرحمن:هههههههههههه لايسمعك ياسر يذبحك هع,, كم باقيلوو هناك ويرجع؟؟
سلطان:اممممممم هوا له 3 سنوات هناك ودا اخر ترم خلاص ويرجع لشركتي
عبد الرحمن:اهاااااا,,,إلا ايش بتسووي؟
سلطان:امممممم جالس اشوف اوراق مو مهمه
عبد الرحمن:اهااا شكلي قطعت شغلك يابزنس مان ههههههههه
سلطان:لالا افااا ولا شي عااادي
عبد الرحمن بضحك:ومين قالك اني بقولك دا الكلام إلا لانو بيخلص رصيدي عليك وانت مرره ماتستاهل
سلطاان بمزح:وجججع المفرووض لك الشرف انو اسمي موجود بجوالك *.^
عبد الرحمن:ههههههههه ايوا صح المهم لاتنسى تسلم على ياسر ووصله كلامي اوك
سلطان:هههههه ان شاء الله.. يلا خدمات؟
عبد الرحمن:لا حبيبي يلا سلام
__________
فشركة سلطان - مكتبه
دخل محمد وعطاه الاوراق
سلطان قعد تمام واخد الاوراق:كلووووش واخيرآآ
محمد ابتسم:تامر على شي ثاني؟
سلطان:لا شكرآآ (وخرج محمد من كتبه)
سلطان يقرا بإهتمام:امممممممممممم عمرك 23 يعني (وهوا يكمل قرايا)
رايحه رحله ماشاء الله (ابتسم بإستهزاء)انشووف ايش راح يصيرلك بالرحله ياسروونه هههههه
ــــــــــــــــــــــــــ
عند النساء..:
الحريم بجهة هما وسوالفهم الي ماتخلص هع
والبنات بجهة
ريهام وساره سرحااانيــن وبكوكب تااااني
ريهام’’اففف ياررربي سااعدني يالييتني ماوافقت على فيصل آآآه’’
ساره وهيا تطالع جوالها وتشوف الرسايل دخلت على رسايل س
ساره’’اففف هاذا مايزهق لا وناويلي على نيه الله يستر منه شكله مايتووب’’
ساره قامت من سرحانها,بضيق:بناات انا بروح اتمشى شويا حاسه اني انخنقت..
ريهام مسررررحه
ريناد +ريما:اووك باااي...
ساره طلت بريهام:تجي معايا؟
ريهام صحت من سرحانها:هااا ,,لالابجلس هنا
ساره:براحتك (وخرجت تتمشى)
ساره لابسه عبايتها الكتف وحاطه الطرحه على رقبتها وشعرها مفتوح ويطير مع الجوو
ساره مرره سرحانه بسلطان ومو حاسه بنفسها وهي تمشي وتمشي وتمشي وصلت مكان بعيـــد مرـره عن مكانهم
((توضيح:المنطقه الي راحوها فيها جبال متوسطة الارتفاع يعني مو عاااليه مرره فهمتوو؟؟>اتتحدى هع>امممم كانت واقفه فوق دا التوضيح وتحته بحيره هع))
سلطان’’كأأنهاا حآآسه انتي بسويلها شي سبحان الله’’:.......
قرب منها مررره من وراها
ساره حست انو في خطوات تتقرب من عندها لفت بسررعه لقته قدامها
ساره:!!!!!!!!!!!!!!!!!!!!!!!!
سلطان مسك يداتها ودفها لحافة الجبل وهوا قدامها
ساره تطالع ورا برعب:لآلآلآلآلآلآلآلآلآ(تحاول تصرخ عشان احد يسمعها)آآآآآآآآآ...
سلطان ابتسم:لاتحاااولي لاحياة لمن تنادي ههههه يعني بتوضيح محد بيسمعك ياحياتي
ساره بخوووف لانو كل شويا يقربها:يامجنوووون......
سلطان:بباي (ودفها ع البحيرة وطآأآحت ساره...!!؟!!)
سلطان بعد لمن سوا جريمته مشي بكل برود ولا كأأنه سوا شي وركب سيارته يراقب الوضع..
ساره اتشقلبت عدة مرات من فوق الجبل الين صخره كبيره وطاحت فيها على ظهرها واغلب جسمها دم.....
_____________
عند البنات...
ريهام:مو كأانو سوسو تأأخررت...؟ هي قالت مابتطول...!
ريناد:ايييوا صح يلا نروح نشوفهاا هع
ريما:هههه يلا
___________
فيصل:افففف زهقاااااااان يلا قوم نتمشى شويا
عبد الرحمن:يلاا خلاص انفجر راسي من زنك اففف
فيصل:ههههه لزوووم هع يلا يلا قوم بس
عبد الرحمن قام:يلا امشي
__________
ريهام وريناد وريما يمشو يدوروها كل وحده مكان بس قريبين من بعض شويا يعني يسمعو الكلام...
ريهام:يوو وينها سوسو!!! اختفت...!؟!
ريما:بنااااااااااااااااااات تعااااالوؤوؤو بسسسسسسسرعه....(جو ريناد وريهام جري)
ريناد + ريهام:ايش في؟؟
ريما وهي تأشر:شووفووا ماكاأأنو في وحده بنت طايحه هناك
ريناد يشوفو:ويين؟
ريهام:مني شايفه شي
ريما:هههه انتي وين نضارتك ليش ماجبتيها؟
ريهام:مااحبها يلا يلا وييين؟
ريما ركزت بالعبايه والشعر شهقت بأأأعلى ماعندها حتى البنات ارتعبوو:وااااااااااااااااااااااااا سآآآآآآآآآآآآآآآآآآآآآآآآآآآآره
ريما + ريهام بخووووف:إيــــــــــــــــــــــــــش...!!!!
ريما تأأشر:شوووفووو ركززززو (دموعها نزلت) إلا إلا اكيييد ساره يامااااماااا
ريهام شهقت:وااااااااو اهيااااا شوووفي(وهي تسحب ريناد لعندها)اهيا شوفي كيف الدم عليها
ريناااد:ويييييين؟؟
ريهام:اهييي الي فوق الحجره الكبييره دييكا...
ريناد فتحت عيونها ع الآآخر:لالالالالالالالالا مستحييييل سووسوو
ريما + ريهام بخوف:روحي نادي اي احد من الرجال بسسسرعه
ريناد بخووف:طيب(رااااحت بسرررعه وماحصلت من بعييد إلا قدامها فيصل وعبد الرحمن راحت جري عندهم ودموعها على خدها وخااايفه على ساره)
ريناد تتنفس بسرعه من الجري وتسحب يد فيصل وعبد الرحمن وهما مستغربيــن..
عبد الرحمن:اييش فيييكي رييناد
ريييناد تبكي:بسرررعه خفووو
فيصل:ايش في احد سارله شي
ريناد:تعاااالو بسسسسسسسسسسرعه(اشرت لهم على مكان ريما وريهام من بعيييد وراحت تزهم ابوها وهما راحو جري لعندهم)
فيصل وعبد الرحمن وصلو بخوف:ايييييييييش فيييييييي؟؟
ريما و ريهام يبكوو من قلللب ويأأشروو على ساره
فيصل وعبد الرحمن طالعو وين مايأشروو وانصدمووو
عبد الرحمن فاتح عيونه ع الآآخر:سااااااااااااااااااااااااااره
فيصل طالع فيهم :ايييييش ساااارلهاااا؟؟
ريما تهز كتوفها بمعني مادري:ماادري مااادري والله(وكملت بكيها)
على طوول نزلولها فيصل وعبد الرحمن واتصلو بالامن حق المكان..
ـــــــــــــــــــــــــــــ
ريما وصلت بعد جرري لعند الرجال وراحت عند ابوها وهيا تبكي
ابو عبد الرحمن قام بسرعه من الخوف:اييش فييكي ريناااد؟؟
رينااد وهي تااهق ويلا الكلام يطلع منها:س س سـااااااره
ابو عبد الرحمن بخوف:اييييش فيهاااا؟
ريناد اخدت يد ابوها وودته للمكان الي كانو فيه
ابو عبد الرحمن وقف منصصصدم:وهوا يشووف الرجال يطلعوو ساره وكلها دم
على طول راح شغل السياره واخدوها ع المستشفى.....
ــــــــــــــــــــــــــــ
بمليزيا..-المستشفى..
الاء بطفشش:مهوها يلااا ماقدر على قعدة المستشفيات البااايخه
مها:هههه وربي انك غريييبه كلر شويا تقولي شي خلاص لحزه اخدلك ازن من دكتورتك واشوف حالتك تسمح ولا لا.
الاء:طيييب لا تتأخرري
مها:هواااء هع (وخرجت)
5 دقايق ودق الباب
الاء ابتسمت:ادخلي مها..هاا ايش قالت..(سكتت لمن شافت ياسر الي دخل مو مها!!)
ياسر:الحمد الله ع السلآلآمه....
الاء اختفت ابتسامتها وعصصبت:انته بذذات ماتكلمننني سااااامع(دموعها خانتها وبكت)دمرتني دمرت حياتي ومستقبلي الله يدمر حياتك زيما دمرتها عليا..
ياسر قاطعها:ممكن تسمعيني..؟
الاء:ولآلآلآكلمــه بسسسرعه برآآآآآآآآآ
ياسر:سؤؤال...متى طالعه بس..؟
الاء بكدب:بعد اسبوؤوع بسبتك (دخلت مها الجناح)
ياسر:اوكي بس رح تسمعيني بتسمعييني
الاء مررره رجعتلها البكي والهلوسه:برآآآآآآآآآ
ياسر:مو انا الي تطرديني بس والله ثم والله تستاااهلي الي يجيك واكثــر بعد (وخرج من الغرفه معصب لقا مها بوجهه طنشها وطلع)
مهااا دخلت الغرفه وكل نظرات الاستغراب بوجهها ومو فااهمه شي..:.......!!!
والاء بس تبكي بهلوووسه
مها بإسستغراب:ايش فيكم انتي وياسر اصواتكم لين برا...!؟!؟
الاء اكتفت امها تبكي وماردت ومها احترمت مشاعرها وسكتت وجلست تهديها
________
ياسر وهوا يدخل السكن:اففف مالت عليها من جد اخررج بكرامتي احسن لي (فكر) انا مدري ليش مهتم فيها ورحتلها تنقللع والله تتحمممد ربها اني رحت اتحمد لها بالسلامه ( ابتسم)
بس والله السكن هااادي مرره بدونها هع هع
_____________
كل عائلة ابو عبد الرحمن بالمستشفى وفيصل وريهام وريما كمان والاهل الباقين محد قلهم عشان مايخوفوهم
ريناد بخوف:اووووف هادا كلوو عمليه ماسارت...
ريما:ولا ولاده كدا!!لنا اكتتر من 3 ساعات هنا
ريهام بحزززن:والمصيبه نسبة نجاحها 20% بس
ريناد ودموعها سالت على وجهها:يااارب تنجح ياااارب
الكل:آميــــــن
ام عبد الرحمن تبكي وتدعي لبنتها الوحييـده ان العمليه تنجح وتقوم بالسلامه
والكل خاايف عليها ويدعيلها بالسلامه
وبعد ثلث سآأعه
طلع الدكتـوؤور واخيــرآآ
ابو عبد الرحمن وام عبد الرحمن وعبد الرحمن راحو لعنده والكل قام من الخوف
الدكتور ابتسم:الحمد الله نجحت العملية
الكل ابتسم:الحمد الله يارب الحمد الله.....
ابو عبد الرحمن:ممكن نشوفها..؟
الدكتور:الحين هيا لازم ترتاج لانو العمليه كانت صعبه ويبغالها راحه ومانقدر ندخلكم تعالو بكره ان شاء الله تقدرو تدخلو لو اتحسنت حالتها
الكـل استسـلم لكلام الدكتور ورجع لبيته وهوا مطمن على ساره...
___________
...:مشكووور ع الرقـم
الموظف:لاشكر على واجب
اخذت الرقم واتصلت عليه ومحد رد...!
...:يوو يـآآربي ردوو...خلاص بكره ادق عليهم دحين الوقت تأخر (وراحت للفندق)
ــــــــــــــــــــــــــ
الاء بعد لمن هدت وريحت ابتسمت:فلللللللله واخيييييرآآآ (كشرت لمن اتذكرت)امممممم ممكن طلب مهوها وان شاء الله ماازعجك فيه
مها ابتسمت:انتي مو تامري تدللي
الاء ابتسمت:مابا ارجع لسكني ابا اغير شويا ابا اغير نفسيتي بداك البيت
مها:ههههه والله وجات منك مرره ماتوقعت بس معليـش اكيد يسس لاني انا كنت بقلك نفس الكلام هع
الاء باستها على خدها:تسللللمي ياقلبـي...والله تعبتك معايا
مها:لالا عاااادي تعبك رآآحـه....يلا قومي غيري ملابسك والبسي عبايتك عشان نروح (وراحت تجهز اغراض الاء,والاء قامت تغير لبسها)
ــــــــــــــــــــــــ
بالسعوديه-جده-شركة سلطان-مكتبه...>كأأني عملتها بالتفصيل الممل ههههه
سلطان يكلم جوال
سلطان:أهليـن وؤيـنك يالقآأطـع...؟
ياسر: هللآلآ والله
سلطان كشر:اف اف اشبك كدا زعلاان والله ماهقيتها منك مو بنت الي تهزك
ياسر:هههه لالا بس مقهوؤوؤوؤور
سلطان:اممم اييوا عارف اجلو ملكة فيصل عشان ساره (وحكـآأه القـصه)
ياسر فاتح عيونه ع الاخر:وربي حيوؤوؤوؤوآآآآن هع اف اف كلللل هاذا يططلع منك!!!!!!!
سلطان:هههه واكثثثر من ماتتوقع
ياسر:وربي ساره دي طلعت ششي جريييئه الاخت هع
سلطان ضحك:رووح انقللع محد قهررررني زيها والله تووّلّي مو انا الي ادخل التوقيف لا ومن مين من سارونه الززفتـه..
ياسر:ههههههههه ترا اسمها ساره مو (يقلد سلطان)ساارونه هع
سلطان:اقوول لايروؤح بااالك بعييد ترا من القهررر بس والله وتشوه سمعتي كمان لالا وتااجر مخدرات وربي حيواااااانه
ياسر:هههههههههه الله يستر من الي جااي هع
سلطان:ههههههه ,,,إلا متى جااي؟؟
ياسر:مارح اقدر اجي الامور عندي ملخبطه شويا...-_-
سلطان:اهاااا صح عااارف اخـرر الاخبار عندنا
ياسر:اييش هيا؟
سلطان:الملك......عفا عن كل السجناء الي لهم 10 سنوات واكثر ومادري ليش السبب طويـل مني فاضي اقراه وماقريته هع
ياسر:ههههههه الله ع الكسسسسل...وانا ايش دخلني تقولي د الخبـر مايهم شي
سلطان بضحك:مدري عن لساني والله
ياسر وهوا يتذكر فتح عيونه ع الاخر:ايـــش ياسلطاااان عفا عن الي 10 سنين واكتــر.....؟؟!؟!؟!؟!؟!
سلطان مستغرب:اييوا لييش؟
ياسر منصصدم:متأأأأأكد.....؟
سلطان:اييوا متأأأكد دوبي اقرا بالجريده
ياسر:لزوووم اجي عندكم
سلطان يقلد ياسر:مارح اقدر اجي الامور عندي ملخبطه شويا...ههههههههههههههه سبحااان مغيـر الاحوأأل
ياسر:هههههههه والله شي مههههم...
سلطان:طيب ايييش هوااا؟
ياسر ابتسم بفرح:كل شي بوقته حلوو وعلى فكره انا بروح الرياض
سلطان زااد استغرااابه:كمااان بسسسرعه قوووول ايش عندك لاتفقدلي اعصاابي
ياسر يقوم ويلبس جاكيتو:اقوولك كل شي بوقته حلووو يلا سلام مشغوول
سلطان يبا يرد يسمع تووت توووت تووت
سلطان:اشبوو داا حالته صصصعبه اليوم هع هع....!؟!
تذكيـر بالبارت العاشر...:
...خرجت العوائل للرحله >والله ماعرفت اسميها هع...
...امممم في احد خرج من السجن يعني بعيدا عن هاذا كله بس ترا مجهول بس من اقرباء ياسر >تشويق هع...
...ساره راحت لعند صحبتها العنود اخت سلطان ورجعت بدري عشان تجهز للخرجه...
...مكالمه بين عبد الرحمن والقاطع سلطان >خخخخ ...
...سلطان اخد الاوراق حقت معلومات عن ساره...
...وصلوو الرحلـه...
...ساره راحت تتمشى لوحدها...ولقت سلطان فجأأه!! وسارت مخاصمه وانتهت بدف سلطان ساره لتحت....
...ريما وريناد وريهام شافوها طولت راحوو يودوروها ولقوها وخافو وبيكيو ونادو عبد الرحمن وفيصل وابو عبد الرحمن...
...ياسر زار الاء بالمستشفى وتخاصموو وبعدين رجعت مها لعندها وشافتها تبكي وماسألتها عن شي...
...راحو المستشفى كلهم لحالة ساره واحتاجو يسوولها عملي للعامود الفقري ونسبة النجاح 20%....
...امممم الشخص المجهوؤول اخد رقم وطلع مايرد بس بيتصل عليه قريب !...
...الاء خرجت من المستشفى وراحت لسكن صحبتها مها...
...اممم مكالمة طويلة مع سلطان وياسر وشويا فيها عن الشخص المجهول الي طلع من السجن !!...
...ياسر قرر انه يروح الرياض لشي.. !...
ـــــــــــــــــــــــــــــ
البارت الاحدى عشر /11
في المستشفى عند ساره
(((امممممم اعطيكم نبذه صغيره عن البنات الموجودات....:
ساره..:طويله ونحيفه بس مو مرره عضمه يعني لالا امممم شعرها طويل لحد خصرها نااعم لونه بني عيونها وسااع وملامحها جريئه وحواجبها كأنها مرسومه وبشرتها برونز ودااايم تلبس بنطلونات وتيشرتات ماتحب التنانير والفساتين كتير...
ريهام..:حلوووووه شعرها بني طوله الين كتوفها و عيونها كبـااار ومررره رووعه لونهم اسود ومطلعه شكلها جذابه اكثر وطويله وبرضوو جسمها مره حلوو وتحب تلبس فساتين قصيره وتطلعها مرره نعوومه )))
بشاير..:مو مرره طويله,حلوووه وملامحها غامضه شويا ومو مرره بيضه فيها سمار شويا بس مطلعها روووعه ومرره حبووبه...
ريناد..:بنت رجججججججه بمعني الكلمه هع بس حبوووبه حيييل طويله نحيفه ماتعرف شي اسمو تنوره هع حياتها كلها بناطيل × بناطيل امممم عيونها سودا وشعرها اسود ومطلعهااا كأنها حوريه مررره جنااان....
ريما..:تششبه لـ ريناد برجتها هع مو مرره طويله وجسمها حلوو وعيونها زرقا وشعرها بني على مشقر شويا طالعه لامها...)))
بشاير:الحمد الله ع السلامه قلبي..
ساره بتعب:الله يسلمك
ريهام:كيفك دحين ان شاء الله احسن...؟
ساره:الحمد الله
ريهام:عاارفه...
ساره:ايش؟
ريهام:وزاجي بيتأأاجل...
ساره بحزن:ليــــــــــش..؟؟؟
ريهام بتعصيب:ايش اللي ليش شوفي حالتك ماتسمح تروحي زواج كدا وبعدين لزوم انتي تكوني اول المعزومين ولا...
ساره طالعت امها:متى بطلع ماما؟
ام عبد الرحمن:لمن تتحسني ان شاء الله
ساره:ماما طفشت من المستشفى ابا اروح البيت
ام ريهام:لاااا ماينفع ترجعي لسه حالتك خطره ويمكن يأثر ع العامود الفقري خليكي هنا عندهم ارتاحي...
ساره بصوت واطي:اوووووف
بشاير بهمس:استغفر الله قولي الحمد الله على كل حال مو اف يعني انو لاسمح الله ماسارلك اكتر من الي انتي فيه...
ساره ابتسمت:والله من الطفشش بس الحمد الله
بشاير بمزح:افاا عليكي هادا ونحنا جنبك...
ساره ضحكت:ههههه والله من جد مرره طفششش ابا العب اجري اسوي شي غير قعدة السرير الممله دي...
ام عبد الرحمن سمتعتها لفت لعندها:ايـش قال تلعبي وتجري قال خليكي مرتاحه ولا تسوي مجهود كبيـر عشان مايألمك ظهرك...
ساره بصوت واطي للبنات:والله انو لو في الاء دحين كان شردتني من المستشفى هع
البنات:هههههههههههههههههههههههههههه
ساره ابتسمت:فديتها والله وحششتني..
البنات ابتسموؤ
ساره تطالع ببشاير:صح وين العنود ليش ماجت معاكي..؟
بشاير:اعتقد قالتلي انو خارجه مع بنات خالتها وقالت ان شاء الله بكره بتيجيلك..
ساره ابتسمت:اممممممم(طالعت بريهام)وويـن المرجوجات ريناد وريما مالهم حس ..؟
ريهام بمزح:هههههههههه بلاه ساره احسبي كم سؤال تسألي من اول ماجينا وانتي تسألي عامله تحقيق ولا ايش خلاص ارتاحي وسيبي اللقافه هع
ساره:هههههههههههههههههه لزوم اطمن على العيله هع,,,إلا جد جد وينهم؟؟(ينفتح الباب)
ريناد + ريما بلقافتهم المعتااده:مين هما إلي وينهم؟؟
ريهام تطالع فيهم بضحكه:جبنا سيرت القط جانا ينط
ريما:ماشااااء الله يعني تحشحشو فينا...
ريناد لادنها:هههههههههههههه خطيروؤن الجمع تحشحشو هع
ريما:ههههههههههههه اعجبك صووح (طالعو فيهم)
ريناد:يلا قوولو ايش قلتوو عننا بسرررعه
ساره:ههههههه قلنا انو لكم وحشششه وبس
ريناد وريما طالعو بعض بشك:بسس.......
ساره:اقوووول تعالوو جنمبي حكوني من سوالفكم إللي ماتخلص هع
ريهام بضحك:ماااشاء الله مااشاء الله يعني انا وبشاير شكلوؤ مرره مالنا لزمه
ساره:ههههههههههههه شفتكم ساكتين قلت يمكن دولا الثرثارات عندهم حكاوي يلا يلا قولو شي
______________
بمليزيا - بالطريق على سكن مها وجنب سكن الاء هوا...
(((اممم بما اني قلت اكتتر البنات خليني اقول دولا كمان هوع,,الاء ومها...:
الاء..:امممم حلوووه وجذااابه مرره عيونها مو مره كبار بس لونها ازرق فاتح >طالعين لاجدهم هيا وريما>نحيـفه ومرجوجه شويا هع وماتتعترف انو في شي فالحياه اسمها تنوره مرره تكررها يابناتيل يافستان قصير وبسس...
ملـك...:ملامحهااا هااااديه مرره حلوووه وخدودها حمرا من دون شي طويله ونحيفه وبنت وزيـر بس امها وابوها ماتو بحادث وماعندها إلا اخو واحد...)))
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك