رواية كل يوم لك حال جديد يوم قريب ويوم بعيد -28
البارت الثامن والخمسين ,,
كانت نظرات الحيرة بعيون البنات وكل وحدة تناظر بالثانية شوي وبعدها يرجعون يناظرون بياسمين,,,,,
ياسمين وهي تمسح دموعها خفت مصايبكم قدام مصيبتي ولا لسه!!
مشاعل بهمس ياسمين..
ياسمين لااحد يواسيني .....كل الكلام اللي بتقولونه ماراح ياْثر فيني...كل شي بداخلي خلاص انكسر,,,,
نورة ونواف شلونه؟يعني تغير معك ولاعايش طبيعي!!
ياسمين تنهدت نواف هو اللي بيذبحني,,,والله ماني عارفة اتصرف معه ومعه شخصياته اللي يلبسها كل يوم؟
نوف شلون وصل لك؟ووين؟
ياسمين تنهدت بغرفته...في بيتهم...قال لي ان لؤلؤة عازمة بنات وتبيني اروح لها ويوم رحت ماكان احد بالبيت غيرنا!!!
نورة وطبعا ماكان عندك مجال ماتصدقينه؟
ياسمين تنهدت...
مشاعل ومنو اللي اقترح فكرة تعجيل الزواج وتحديد موعده؟
ياسمين ببرود هو...
مشاعل بهمس بنات لؤلؤة جاية صوبنا غيري السيرة...
ناظروا صوبها وابتسموا لها وجت وسلمت عليهم ووقفوا يسولفون عادي حتى ياسمين سولفت شوي معها وبعدين استئذنت وقامت عنهم كلهم يوم جا طاري العرس,,,
كان راجع اليوم بدري للبيت وعلى غير العادة لانه معروف بانتظامه بالشغل وانه مايحب الاستئذان كثير ,,جلس ينتظرها تدخل البيت علشان تهداْ اعصابه..كل تفكيره بكلمتها البارح..
دخلت مشاعل البيت وسلمت وهو عيونه معلقة بالباب...
ام تركي يالله يمه واللي يعافيك مدام تركي هنا بدلي بسرعة ونزلي بنتغذى كلنا مرة وحدة ماله داعي التاْخير,,,
مشاعل ليه وش عندك؟
ام تركي انا رايحة بيت جدك بسولف انا وخالتك عن العرس وبتجينا خالتك ام سعد بعد..
مشاعل امممم وطبعا انا معكم...
ام تركي تكلم تركي ياسمين ونواف حددوا موعد العرس اكيد عندك خبر؟
تركي ببرود أي...
ام تركي بضيق مو كنه بدري لسه ماجهزنا شغلنا كله؟
تركي ببرود اكبر أي شغل بعد!!!
مشاعل يالله انا ببدل وبنزل يالله لاتقولون انا اللي اخرتكم,,,
بعد ماراحت مشاعل..
تركي كيف بنتغذى ونوف ماوصلت؟
ام تركي لا نوف ماهي جاية اتصلت فيني استئذنت بتروح عند ياسمين,,,,سبقتنا في بيت جدك؟
تنهد بحرقة وبان عليه الضيق...يعني سوتها...قول وفعل تقرب خطوة وماراح ارجع بكرة البيت!!!
بس لاتكملها وماترجع صدق وتبات هناك؟؟؟
لالالا امي ومشاعل بيكونون هناك لليل واكيد بتستحي وبترجع معهم,,,,اه منك يانوف اه...وش فيك عليّ كذا بس!!!
في سيارة نوف وياسمين اللي كانوا راجعين فيها البيت دق جوال ياسمين وكان نواف المتصل,,,
نوف علامك تناظرين بالجوال كذا بخوف؟بينط لك بالسماعة وبيجيك يعني!!
تنهدت ياسمين وقالت بضيق لامو كذا...بس احس مشاعره متلخبطة معي وملخبطني معه.....كل مرة غير عن المرة اللي شفته فيها اخر شي..مدري متى بيرسى على بر؟
نوف اذا بيضايقك انك تسمعين صوته ها الفترة بلاها..منتي مجبورة؟
ياسمين هاليوم بالذات لازم اكلمه انا طالعة مع وضحى المغرب نتعشى وماابيه يسويلي سالفة خل استئذن منه,,,,
نوف قامت تناظرها وهي مرتبكة وماهي عارفة شلون ترد بس بالنهاية استسلمت وردت,,,
ياسمين بارتباك الو....
نواف وينك فيه؟
ياسمين راجعة البيت؟
نواف ووين كنتي يوم ادق لك قبل ساعة؟
ياسمين كنت بالمحاضرة وماقدرت ارد؟
نواف أي...
ياسمين ..........
نواف
ياسمين نواف انا بطلع اتعشى مع وضحى الليلة؟
نواف وين؟
ياسمين لسه ماقررنا؟
نواف وش عندكم؟
ياسمين عندنا سوالف مع بعض؟
نواف بثقة وها السوالف اكيد انا فيها؟
ياسمين بحدة لاتعطي نفسك اكبر من حجمك الطبيعي؟؟؟
نواف بتهديد ماسمعت!!!
ياسمين لاسمعت....
نواف بتهديد اكبر لاعيديها مرة ثانية ليش ان في ناس يبيلها فركة اذن ثانية علشان تعرف تتكلم عدل؟
تنهدت ياسمين وسكتت...
نواف شكلك فهمتي انك المقصودة؟
ياسمين تبي شي قبل لااسكر؟
نواف انا اللي متصل وانا اللي احدد متى يكون وقت المكالمة منتهي!!!
ياسمين ماني قاعدة بروحي بالسيارة معي بنت خالتي...
نواف منهي فيهم؟
ياسمين وش تفرق؟
نواف علشان اتصل في بيتهم اشوفها هناك ولامعك؟
ياسمين بانفعال يعني انا اكذب عليك!!!!طيب شكرا...باي...
قفلت السماعة بوجهه وتنهدت بقوة,,,,,
نوف دايم كذا لاعبين باعصاب بعض؟
ياسمين وهي مغمضة عيونها تداري دموعها قصدك هو اللي مايقدر مايستفزني !!!
بعد ماتغذت وسولفت شوي مع اهلها ركبت غرفتها تدق عليه صار شي لازم يعرفه,,,,,,
فواز بروقان بعد عمري ها الصوت؟
مشاعل هلا فواز شلونك؟
فواز تغذيتي!!
مشاعل أي..الحمدلله..
فواز هني وعافية؟
مشاعل وانت؟
فواز لالسه بدري.....
مشاعل اممم...
فواز وكيف كان يومك ان شاءالله مو متعب؟
مشاعل لا بس فيه نوع من انواع الكاْبة؟
فواز ليه عاد؟
مشاعل بتنهيدة شي صاير لياسمين وزعلنا عليه كلنا...
فواز خير...
مشاعل بنرفزة هذا اذا مايموتهامابيرتاح؟
فواز اووووف ليه عاد؟
مشاعل صرت مااطيقه؟
فواز مو ماخذين بعضهم عن موافقة ..مغصوبين على بعض؟
مشاعل أي...
فواز ليه كذا!!
مشاعل والله مدري.....المهم اليوم....جتني وحدة من البنات وقمنا نسولف مع بعض وفطرنا وتمشينا واخر شي توقع منهي كانت؟
فواز كيف يعني اول مرة تشوفينها؟
مشاعل يمكن كنت اشوفها وماانتبه تعرف الجامعة مو صغيرة...
مشاعل معك بالمحاضرات ولالا؟
مشاعل لاماهي معي....صاحبتها معي وجاية تشوف محاضرة اليوم علشان تنقلها لها وتعرفنا على بعض؟
فواز اممم مدري والله ماعندي خبر....
مشاعل انت عندك بنت عم اسمها غادة؟
فواز بصدمة غادة؟؟انتي وش تقصدين بالله!!
مشاعل هي قالت لي انها تصير بنت عمك....غادة السديري...هي صدق بنت عمك؟انا يوم شفتها حبوبة مثلك قلت لها هذا الرابط العجيب بينكم لانه مثلك حبوب ويدخل القلب بسرعة؟
فواز بعصبية وش ها السالفة الجديدة بالله!!!!
مشاعل سكتت...
فواز بنفس العصبية انتي باي حق تجلسين معها وتسولفين معها ...
مشاعل بتردد هي جتني وسولفت معي...
فواز بنفس العصبية يوم انك عرفتيها كان انسحبتي...؟
مشاعل بدفاع وهي جامدة من عصبيته انا ماعرفتها الا بالنهاية بالاول قالت لي غادة بس وعرفتني بصاحبتها اللي ماجت واللي هي بالاساس معي واخذنا وعطينا بالمحاضرة وبعدين مشينا مع بعض للكافتيريا وفطرنا مع بعض وسالفة تجر سالفة لين قالت لي ترى انا عرفتك وانتي ماعرفتيني لان فواز ماعرفنا على بعض....يعني بالاخير قالت لي انها بنت عمك؟
فواز بعصبية المفروض انك من البداية تسالينها انتي من بنته وماتحاولين تاخذين وتعطين معها باكثر من الدراسة وبس!!
مشاعل ..........
فواز بعصبية مشاعل انا ماابيك تشوفينها مرة ثانية سمعتيني ولااعيد كلامي!!
مشاعل بغصة ان شاءالله...
فواز بتنهيدة حارة اوووف ياربي....وكني مو قايل لك عن عمامي يامشاعل...جايتني ببرود تقولي شفت بنت عمك؟
مشاعل بدفاع وهي غصتها بحلقها من عصبيته عليها اللي توها تسمعها منه انا قلت لك مدري أنها تصير بنت عمك؟
فواز بتهديد وهذا انتي دريتي!!ان شاءالله بس ماخذتوا ارقام بعض؟
مشاعل ببحة وهي مقربة تبكي لا...
فواز أي زين بعد....لاشفتيها بكرة ولااللي بعده ولاان شاءالله بعد سنة سوي روحك ماتشوفينها ولو هي جت وحكت معك امشي لاتسمعين اللي بتقوله؟
مشاعل باستسلام طيب.....
فواز تنهد وسكت....
مشاعل بهدوء يعطيك اتطباع ان الشخص اللي تكلمه يايبكي يااوشك على الانفجار تبي شي...
فواز وكانه انتبه عليها ها...وين رايحة؟
مشاعل بروح ارتاح توني رادة وحدي تغذيت ودقيت لك....تصبح على خير,,,قالتها وماانتظرت منه أي كلمة سكرت بسرعة وقفلت جوالها بعد وقعدت تحرق بنفسها من قهرها...هاذي اول مرة يكلمها فواز بالطريقة ذي!!!
هي صدق تدري ان عمامه هو معهم مختلفين بس هي الصدق ماكانت تدري ان ها البنت بنت عمه غير بالنهاية؟وبعدين كل اللي بينهم كان سوالف عادية ماتدري ليش كبرها...
ناظرت بالجوال تفتحه ولاتتركه مقفل,,,,
كانت جالسة بغرفتها تفكر بللي سواه نواف بياسمين...وكيف بتكون علاقتهم بعدها وهل ممكن وحدة منهم تتعرض لها الموقف بيوم من الايام وبتقدر تتعامل معه؟
تنهدت يوم دق جوالها وهي تشوف رقم محمد اخو فارس متصل عليها ودق قلبها وقالت اكيد انه فارس مو محمد!! انتبهت ان بجوالها رسالتين ماانفتحوا وهي ماانتبهت لهم يوم يجون؟
معقولة فارس دازهم لي!!!
أي والا شلي بيخلي محمد يتصل فيني ..يمكن هو قايل له بتصللها من جوالك وعطاني مسج بس انا ماانتبهت له,,
تنهدت وقررت ماترد لين تشوف الرسايل ووقف اتصالاته,,,,
فتحت الرسايل وفعلا كانت الاولى من جواله هو(نورة هذا رقمي انا فارس معليش اكلمك)
بعدها بساعة جتها رسالة من جوال محمد اخوه(طيب بكلمك من جوال محمد بعد شوي)
اوووف بيفكرني اللحين حاقرته رغم اني تمنيته يكلم اليوم؟؟بس ليش مدري؟؟؟
دق الباب وجتها ريم اختها الصغيرة..
نورة في شي..
ريم عطتها الجوال هذا جوال خالتي ام فارس تقول فارس يبي يكلمك؟
نورة خالتي ام فارس؟
ريم أي هي قاعدة مع امي بالصالة ماشفتيها؟
نورة اكيد توها جاية لاني يوم ارجع من الجامعة ماكانت موجودة؟
ريم أي صار لها نص ساعة .....امسكي...قالت لي اجيب لك جوالها لان فارس يبي يكلمك؟
عطتها الجوال وطلعت من الغرفة وترددت شوي..حست بالاحراج بس ماتدري من شنو,,,,
بعد ثواني ردت بثقة نعم..
فارس ابي افهم شي واحد ليه كل ها البروج العاجية اللي تبنينها بينا!!
نورة باستنكار انا!!!
فارس يعني مقدر اكلمك ابدا على جوالك الشخصي؟
نورة مسوية انها مو فاهمة كيف يعني مافهمت عليك؟
فارس عطيتك مسج وبعدها اتصلت كيف مافهمتي!!
نورة جوالي بالشنطة لسه ماطلعته...انتظر شوي اشوفه...سوت روحها تحوس باغراضها والجوال اصلا بيدها بعدها قالت معليش انا ماطلعت جوالي من الشنطة من رجعت من الجامعة..معليش ماكنت قاصدة شي ابدا!!
تنهد بارتياح وقال لامعليش بس صار رقمي عندك ها..
نورة أي والمطلوب؟
فارس ماابيك تدقين لاتخافين بس ابي اذا دقيت لك تردين علي لو ماكان يضايقك؟
نورة بشوية هيام وانت ليه تبي تدق؟؟
فارس بهيام كبير علشان اتطمن عليك واسمع صوتك وارتاح؟
نورة استحت انها مشت الامور بسرعة بينها وبينه,وسكتت,,
فارس أي وشلونك؟
نورة بجدية الحمدلله..
فارس نورة ابي اسمع صوتك كل يوم ممكن؟
نورة غيرت الموضوع وش مسوي انت هنا...فتحت المكتب ولالسه؟
فارس معقولة افتحه وانتي ماتدرين عنه؟اساسا يوم الافتتاح انتي بتشرفيناوبتفتتحينه!!
نورة بكبرياء ليه؟
فارس بتنهيدة لانك انتي....ولانه شرف لي انك تفتتحينه بنفسك؟
نورة بحدة ممكن تتكلم معي بطريقة غير هاذي؟نظل انا وانت جيران نكلم بعض على التلفون؟
فارس تنهد وسكت وهي تفكيرها بنواف وياسمين وهل ممكن تكون هي ضحية فارس بيوم من الايام؟
على العصر كانت ام تركي وتركي ومشاعل ومرام في بيت الجد,,,,
كان تركي معهم على اساس انه رايح يسلم على خالته ويشوفها اذا تبي شي ويسلم على ياسمين بس نيته الصافية الصافية انه يشوف نوف,,,,
كان جالس بالصالة وامه راحت لاابوها وامها غرفتهم ومعها مرام ومشاعل ركبت فوق للبنات اللي اصلا ماكانت غير ياسمين هناك ونوف ومشعل بالمطبخ,,,,
تركي خالتي تبين شي محتاجة شي؟
ام مشعل عساك سالم يالغالي وعقبال مااشوفك معرس...قول امين...
تركي ان شاءالله.....امسكي..
مد لها بظرف وسئلته شنو هذا ياتركي؟
تركي عطيه ياسمين هدية بسيطة واذا احتجتي شي ياخالتي تراني موجود وبالخدمة؟
ام مشعل طول عمرك مامنك اثنين ياتركي...عسى الله يبلغني فيك...
تركي ووينها ياسمين ..ببارك لها؟
ام مشعل أي اللحين اناديها...
مشت ووقفت عند باب المطبخ وقالت لمشعل قوم ضيف ولد خالتك خل عنك السوالف,,,
ركبت فوق وطلع مشعل من المطبخ وحط الصينية على الطاولة ووقف كنه علم وجنبه احمد اللي مسوي نفس مشعل,,,,
تركي استريح؟
مشعل عدوك الريح؟
تركي وهذا تبعك بكل شي..خلاص يعني مامنه امل يتغير ويترقى؟
مشعل اوووف...وش شايفني عاد ياولد الخالة؟
تركي مارد بس قام يناظر بااحمد..زين بعد ان لبسه مرتب ولاكان قال ان علومها كلها انتهت,,,,
تركي وهو ياكل من الشيز اللي كان بالصحن وخالتي متعبة عمرها عليكم ولاعلى ابوها وامها؟
مشعل على الكل بس اذا تقصد هذا بلاعيارة يوم دريت ان بنت عمك هي اللي مسويته قمت تسوي ها الحركات تبي تلفت لها الانظار يعني!!
تركي حط الشوكة بالصحن وهو يناظر فيه..هذا نوف مسويته وهي بالمطبخ...لازم يكلمها قبل لاتجي خالته..
قال بصوت عالي يسمعها ووينها هذي السنعة اشوف بالبيت ماتسوي لنا شي ولاتدل المطبخ حتى؟
مشعل يالله عاد اقعد احسدنا ماتسوى علينا ها الشيز والا كل شوي بنحط لااحد منه بعد!!!اه بس خلها تصدق بوعدها وتنام معنا لين عرس ياسمين اذا ماكرفتها وخليتها ماتمسي وتصبح الا وتطبخ لي مااطلع مشيعل ولد امي وابوي!!
نوف من وراه غيرت رايي وسحبت كلمتي مدام هاذي نيتك؟
مشعل سوى روحه اختلع بسم الله!!انتي مو من اهل الارض؟
نوف وهي تناظر بتركي اللي كان يناظر فيها لا....
مشعل انا بعد قلت كذا!!!طيب وين الشاي ماجبتيه؟
نوف انا بصعد فوق روح جيبه انت اخاف خالد يجي اللحين,,,
مشعل راح المطبخ وهي مشت بسرعة بس صوت تركي وقفها.,,
تركي بلهفة نوف..
وقفت مكانها بدون ماتلف له,,,
تركي وقف بسرعة وصار وراها وقال بهمس ليه جاية هنا؟
نوف بحدة اخذت اذن من خالتي,,,
تركي برجاء وبتردين البيت؟
نوف بدون ماتلف له وبنفس الحدة لاطبعا....
تركي بحزن ليه؟
لفت له وصارت بوجهه وقالت بنفس الحدة لاني قلت لك اذا قربت خطوة وحدة لاتحلم اني ارجع البيت وانا عند كلمتي ياتركي؟
بغرفة البنات ,,,
ياسمين علامك داقة بوز؟
مشاعل وهي متحطمة فواز صارخ عليّ
ياسمين وهي تضحك أي وشنو فيها ذي بالله!!
ناظرت فيها مشاعل بدون ماتقول شي وقالت ياسمين بمرارة منتي متعودة مو؟انا تعودت اساسا لو يمضي يوم ومايصارخ فيه نواف علي ادري ان في مصيبة جايتني!!
مشاعل تنهدت وجت بتقول شي بس ياسمين قالت بسرعة تعودت...اصلا اذا صارت شبه يومية تتعودين عليها...
مشاعل هو عمره ماكان بها العصبية بس لان السالفة فيها عمامه وانا والله مو قاصدة ها الشي؟
ياسمين ماكلمتيه بعدين؟
مشاعل لا
ياسمين وانتي طبعا تبين تكلمينه وتبينين له انك زعلانة حييل منه؟
ابتسمت مشاعل ,,,
ياسمين قلتي له انك جاية هنا؟
مشاعل مدت بوز لا...قفلت الجوال من سكرت منه؟
ياسمين بعدك لاحقة عطيه مسج انك جايتني واتركي الجوال مفتوح على اساس انك تنتظرين موافقته وبعدها شوفي اذا دق ولا ماهو شايل هم؟
مشاعل بعد تفكير واذا قال لي بمرك انا اوصلك عند بيت جدك ؟
ياسمين قوليله انك عطيتيه الرسالة وجيتي مع تركي؟
مشاعل بيقول يعني منتي داقة تستئذنين وداقة علشان اتعطيني خبر
ياسمين انتي عطيه مسج وشوفي وش بيصير معك لاتقعدين تحنين؟
بعد صلاة المغرب كانت ياسمين مع خالد بالسيارة وبيدها جوالها تنتظر اتصال وضحى وكل ماجا خالد يتكلم تسكته باشارة من يدها,,,
خالد تنهد بتعب وقال بضيق ابي احد يسمعني يياسمين؟
بحدة قالت والاكيد اني مو ها الاحد؟
خالد بضيق ياسمين انتي تتعبيني كذا ,,يكفيني الهم اللي فيني والله...
ياسمين بلامبالاة تستاهل...
تنهد وسكت,,,
قالت بحرقة انتوا همكم تجرحون بس ماتحسون الا متاْخر بالذنب هذا في حالة انكم حسيتوا فيه؟
خالد ناظرها وسكت وبعدها قال انتي مختلفة مع نواف صح؟
ياسمين كل واحد فيكم انذل من الثاني....
خالد بحدة وش مسوي لك؟
ياسمين باحتقار لحد اللحين مو سواتك في اخته؟
سكت بعد ها الكلمة وقام يناظرها,,,,,
مو معقولة ابدا علاقتهم وصلت لها المستوى,,,اساسا هي كانت تكلمه وقلبها محروق,,,,هي عارفة خالد وتحبه وتغليه من بين كل ها العالم بس ماهي قادرة تتصور اللي صار له مع وضحى تحس بالاشمئزاز كل ماذكرت ها الشي ,,,كيف لو يصير نواف مثله يياسمين؟؟
دق قلبها من ها الفكرة,,,,,اصلا فكرة انه كان مع ريم قبلها تنرفزها وهي زوجته كيف تتخيل انه يخونها عادي تذبحه علشان ترتاح,,,
انتبهت على خالد يكلمها بلهفة هذي وضحى داقة لك شوفيها وينها فيه,,,؟
ياسمين وهي تناظر الشوق اللي بعيونه واللهفة اللي في صوته هلا وضحى...اي ..اي...خلاص طلبي على ذوقك انا جاية لك اللحين؟
دق جوال مشاعل وناظروا فيها البنات وابتسمت لهم..
نورة ها....مابغينا يافواز؟
نوف يارب يصير خوش رجال ومايراضيك ويغسل شراعك ويقولك كيف تطلعين بدون موافقتي!!
مشاعل ماله امل كان اقلب له عربجية علطول....المهم ابي اسوي صوتي يبكي شسوي؟
نورة اشرت على المكيف قابليه وخلي الهوى عليك وردي وانتي مقابلته وطولي نفسك,,
مشاعل اشرت لها باعجاب وقالت بديتي تفهمين الشغل كويس يارب نوقف معك بوقت الشدة مع فويرس؟
راحت مشاعل قبال المكيف ونوف لفت لنورة اللي سكتت وقالت بهمس غريبة ماتضايقتي!!
نورة بتنهيدة حاسة ورى تصرفاته شي..شنهو الله اعلم؟
نوف لاتقعدين توسوسين؟
نورة يمكن...بس فيه شي متغير عن اول مرة شفته فيها...المهم ماناوية تردين على تركي وبتظلين حاقرته...كم اتصال اتصل عليك وانتي تاركة التلفون صامت؟
نوف بضيق خله يتاْدب اذا مفكر اني العب معه غلطان وستين غلطان؟تركي قاعد يتمادى يوم ورى الثاني يانورة وانا ماابي اضيع لسه ماصار بينا شي رسمي؟
من جهة ثانية مشاعل ردت على فواز والهوى كله بوجهه وهي يادوب تتنفس هلا..
فواز مشاعلي...
قلبت الصوت مرة وحدة وجا مثل ماهي تبي الهوى من جهة والدلع من جهة ثانية وسوت نفسها بتموت عليه من كثر ماهي تبكي نعم..
فواز باسف حبيبتي ليه كنتي قافلة جوالك؟
مشاعل بعيارة انها زعلانة مووت كنت متضايقة؟
فواز بندم مني مو؟
مشاعل ,,,,,,,,,,,سوت روحها تشهق على اساس انها تبكي....
فواز بتحسر لاتبكين مشاعل واللي يسلم عمرك....
لفوا لها نورة ونوف وهم يضحكون عليها وهي ميتة ضحك بس قالت بلهجة بكي فواز انا ماكنت ابي ازعلك بس انا كنت فعلا مااعرفها ونيتي كانت عادية ماني متقصدة شي...
فواز خلاص لاتبكين لاتوجعين قلبي,,
مشاعل بتمثيل لاتصارخ عليّ مرة ثانية؟
فواز اسف ياقلبي...والله مااعيدها....وينك انتي!!
مشاعل في بيت جدي؟
فواز معليش امرك...
مشاعل لا....
فواز ليه...
مشاعل ماابي اشوفك اليوم..حاستك معصب واذا شفتك يمكن تضربني!!
فواز لاعاد مشاعل مو لهنا...انا اسف اصلا انا من سكرت منك وانا متندم اني عصبت عليك بس كل ماجيت ادق لك القاه مقفل رحت بيتكم وقالوا لي انك في بيت جدك وانا مااعرف بيت جدك وينه وماحبيت اجي لين نكلم بعض.....ابي اشوفك والله ابي اشوفك وارضيك...
في مطعم البردوني بالخبر,,,,
وصل خالد وياسمين وكانت وضحى هناك....
والتقوا نظراتهم في بعض ووضحى سوت الامور طبيعية قدام ياسمين وماحبت تكبرها,,,
وضحى هلا وغلا..مت من الجوع لسه بدري؟
ياسمين باعتذار والله حسبت بالدمام واخذت راحتي...
وضحى على بالي نواف بيجيبك لانه دق لي يسالني وين بنتعشى؟
ياسمين بامتعاض عادي تلاقينه اللحين جاي بالنص بينا!!
وضحى اوووف ترى ها بتاخذين اخوي تتحملين فيه وتدارينه ويلك ثم ويلك تقلبين عليه الموجة ترى ماعندنا غيره؟
ياسمين طلبي لنا بس متنا من الجوع..قالت اخوي وماعندي غيره؟
خالد بتردد وضحى...
وضحى بدون ماتناظره وبغصة ماانتبهت ان ياسمين حست لها خالد اجلس ليش متعب نفسك وواقف,,,,
تنهد بقوة وابتعدت هي عن كرسيه اللي كان على الطرف علشان يجلس عليه خالد وتوه بيدخل كان نواف جاي وقال من وراه بنقعد مع بعض؟
رفعت ياسمين راسها وناظرت بوضحى اللي ابتسمت وقالت لااخوها هلا وغلا,,,,توها مرتك بطاريك؟
نواف وهو يناظر بياسمين اللي كانت تناظره وش عندها؟
وضحى سلامتك بس تقول مايقعد معنا خالد اذا نواف ماهو معنا؟
نواف أي وهي الصادقة ناس دون ناس؟
ياسمين مسكت القائمة علشان تهرب منه...
وضحى كيف بتجلسون ولا....
خالد بسرعة أي طبعا بنقعد معكم..
ياسمين لا.....يعني انتوا روحوا الكبينة الثانية احنا نبي ناخذ راحتنا؟
نواف انا ابي افهم انتوا شعنه تسولفون ماتبونا نسمع؟
خالد باستسلام يالله امشي...نقعد جنبهم بنفس المكان ولاالعدم...
طلعوا نواف وخالد وسكروا وراهم الستار....وتنهدوا وضحى وياسمين بقوة بنفس الوقت وشالوا غطاهم عن وجوهم..
ياسمين بخيبة امل باضت العملية,,,,
وضحى بانكسار ليه؟
ياسمين بجدية تمنيت نتكلم على راحتنا عنهم بس راحت علينا,,,
وضحى ياسمين فيك شي مضايقك تبين تقولينه؟
ياسمين ناظرت بوضحى اللي كان شكلها فعلا تعبان وحست انها تبي تبكي بس مسكت نفسها باخر لحظة وقالت لا سلامتك بس مجموعة سوالف ودي اعرف رايك فيها,,,,
في الكبينة الثانية كان نواف ياكل ويسولف واموره ماشية طبيعي,,,,
بس خالد ماكان معه ابدا كان عند بنت العم...حاس انه بيبكي...رغم انها قاعدة تغطي على السالفة وتتكلم بطبيعة وماكان شي صاير الا انه حس فيها وفي انكسارها..تنهد بقوة وانتبه له نواف,,
نواف فيك شي؟
خالد انتبه ها..لا...
نواف بس انت مالمست حتى صحنك؟
خالد قربت اصير ابو....
نواف بتنهيدة رغم اني ابو بس مقدر افيدك بشي....
خالد انت ماتحب ولدك؟
نواف بحدة بما اني اكره امه فاكيد بكرهه...
خالد بس هو ولدك..قطعة منك يانواف..
تنهد نواف وترك الشوكة ومسك كاس المويه يشرب بهدوء....
بعدها خالد قال بتردد نواف...صاير بينك وبين ياسمين شي؟
حط نواف الكاس بقوة على الطاولة وقال بارتباك هي قايلة لك؟
خالد لا....بس انا حاس فيها؟
كانت علاقة خالد وياسمين مرة قوية ونواف عارف ها الشي فخاف انه يكون درى عن اللي صار,,
نواف وليه حاس عاد؟
خالد مدري صار لها يومين موعلى بعضها ومن حددتوا موعد العرس وانا حاس ان في شي بينكم....اساسا هي منقلبة فوق تحت ومن يجي طاريك تتغير...
نواف كيف يعني؟
خالد بحنان نواف....حط ياسمين بعيونك وداري عليها...لاتخسرها بلحظة من اللحظات تراها جوهرة؟كان يقصد وضحى بكلامه وماقدر يقولها بصريح العبارة,,,
نواف بتنهيدة قال تاكد مثل منت شايل اختي وضحى بعيونك بشيل انا ياسمين بعيوني!!
صد خالد بعيونه لاتبان دموعه,,,
**
بعد ماخلص عشاهم وقفوا كلهم علشان يطلعون ووضحى اكثر الناس كانت قلقا لانها عارفة خالد زين وعارفة نواف...اللي ماراح يمشي قبل لاتمشي هي وخالد,,,
المشكلة انها بحيرتين لو راحت مع نواف بيوديها الشقة وماراح يمشي غير لمى تدخل بيتها واذا ركبت مع خالد بتموت؟؟؟
انتبهت على صوت ياسمين تقول لها معنا ولامع اخوك؟
جاها نواف من وراها وحط يدها بيده وهم ينزلون الدرج وقال خلاص يروحون بيتهم ويتركون شوي؟
خالد لف عليه وهو يشوف عيون وضحى الزعلانة يالله اترك بنت اختي مافي تمشيات لين تاخذها ليلة العرس؟
نواف اقول روح داري مرتك وولدك بس مالكم شغل فينا انا وخطيبتي راضين بشوفتنا لبعض وطلعتنا!!!
ياسمين وهي ميتة خوف من نواف قالت بهمس يمكن تبي تجي معنا وضحى,,
نواف وهو يهمس لها وش تسوي معي ومعك وعندها خالد بالعقل؟بعدين انا اشتقت لك موووت؟
وقف قلبها وهم عند باب السيارة وقالت برجاء نواف تكفى برد مع خالد..
ناظرها بخبث خايفة مني؟
ياسمين لفت عنه لايشوف دموعها...
وعند سيارة خالد كانت وضحى تقدم خطوة وترجع الف خطوة وخالد وراها...قال لها بهمس وضحى...اركبي علامك؟
وضحى بحدة والله وجلال الله لو ماانا عارفة نواف زين ياخالد ودارية انه مابيتحرك من هنا غير لمى نمشي انا وانت ماكنت اضطريت اركب معك؟
تنهد خالد وقال في باله(هاذي فرصة ماراح تجيك ياخالد لاتفوتها)
اشوفكم بكرة على خير ياحلوين,,,
****
***
**
*
البارت التاسع والخمسين ,,,
***في سيارة وضحى وخالد,,,,,
وضحى بحدة خالد لاتمشي,,,
خالد بتعب ليه؟؟
وضحى لاتدعي البراءة ياخالد,,,انت عارف مثل ماانا عارفة ان نواف ماكان بيركب سيارته ويمشي غير لمى يشوفني جاية معك وانا ماكنت ابي اوجع راس البنت وخطيبها معنا,,
تنهد خالد وقال ياسمين اصلا...
وضحى بحدة اكبر خلا ص لاتكلمني,,
خالد ارجوك وضحى بس اسمعيني!
وضحى غمضت عيونها لاتقول أي شي لاني ماراح اصدقك ...انت جرحتني جرح ماراح يبرى ويندمل ابدا ياخالد....
خالد بتنهيدة طويلة لازم نقعد ونتفاهم...
وضحى بدون نقاش مستحيل....
خالد بحسرة ليه.....
وضحى لفت له تناظره وكانها تبي ترد عليه بس كسرها شكل المكسور,,,عمر خالد ماكان كذا والندم باين عليه....بس النفس عافته بعد فعلته الشينة والله مو قادرة افكر باي شي,,,,
خالد بهمس بس اسمعي لاتقولين شي بس اعطيني فرصة اعتذر لك؟
وضحى وهي لافة عنه للجهة الثانية اعتبر نفسك قلت اعتذارك وانا ماقبلته....
تنهد بقوة وبعدها مشى بالسيارة,,,,,
***في سيارة نواف وياسمين,,,
غطت وجهها بشيلتها بعد ماشالت نقابها وجلست تبكي وهي تدعي ان الموقف يعدي وتفتح عيونها وتلاقي نفسها عند باب بيتهم,,,
نواف برواق وش قلتوا؟
ياسمين مسوية انها مو خايفة وصوتها يبين انها تبكي وها الشي ماغاب عنه بس سوى روحه يجاريها ولعبة الاعصاب عاجبته حييل,,,
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك