رواية منهو يصالحني عليك -2
بهذا الوقت وصل فآرس أخو جوري .. قبل تروح لفت على البنآت عشآن يجون معهآ وتوصلهم ..
طبعآ مثل كل مره رفضو .. على أسآس بيجيهم مشآري بعد شوي ..
بعد محآولآت من جوري .. وافقو ورآحو معهآ ..
"بالسيـــــــــآره "
الكل بعد ماركبو : السلآم عليكم
فآرس وبهدؤئه المعتآد : وعليكم السلآم
جوري : فآرس معي البنآت وصلهم قبل ..
فآرس : أبشري
ألهآم ورهف : كيفك فآرس ؟
فآرس : الحمدلله ..
جوري : أيوه ألهآم وش قال أبوك ؟
ألهآم (بصوت وآطي) : رآح يرسل لـ أشرف وآحد من اللي عنده يشوف وش السالفه ..
بعدهآ لفت على رهف وبهمس : نسيت أن بابا رآح يرسل لنا مشآري ..
رهف ( وبنفس الهمس ) : أتصلي عليه وعلميه أننا راجعين مع جوري ..
ألهآم : أوكي
واخذت جوآلهآ وأتصلت بمشآري وقالت له لآتجي رجعنا مع صديقتي جوري ..
فآرس بين فتره وفتره يرفع عيونه للمرآيآ وتطيح عينه بعين اللي ورآه ( ألهآم )
ينآظر بعيونهآ وبدآخله يقول (بحياتي مآشفت بحلآهآ .. مين هذي؟؟ أنا سمعت جوجو تناديهآ ألهآم .. بس مين ألهآم ؟؟ أول مره أسمع عنهآ )
ألهآم بينهآ وبين نفسهآ ( يالله جمآله مو طبيعي .. معقوله هذا فآرس آللي دايم تحكي لنا عنه جوري ؟؟ سبحآن الله الشبه بينهم كبير )
قطع أفكارهم وصمتهم صوت جوري
جوري : فآرس تدل البيت ولآ اوصف لك ؟
فآرس (بأبتسآمه) : لآ والله ياليت توصفينه
بهذا الوقت ألهآم ذابت في مكآنهآ ( يالله على أبتسآمته .. بيذبحني .. ماأتحمل ..)
لفت عليهآ جوري وصآرت تكلمهآ عشآن توصف لهآ وين البيت ..
جوري : ألهآم .. ألهآم ..
رهف حركت ألهآم : بنت
ألهآم وكآنهآ صحت : أيوه أيوه جوجو .. سمي
جوري : أوووه .. اللي مأخذ عقلك
ألهآم بضحكه : لآ بس سرحت شوي .. أمري
جوري : بس أبيك تعلميني أسم الشارع .. ترآ ماادل كثير بحيكم
ألهآم صآرت توصف بيتهم بصوتهآ الهآدي .. وفآرس رايح بعالم ثآني
بعدهآ وصلو للبيت ونزلت رهف مع ألهآم ماحبو يتعبون فآرس
رهف : يعطيكم العافيه ..
ألهآم :آسفين تعبنآكم معنآ ..
جوري : آقووول ترآ بزعل
فآرس ينآظر ألهآم بأبتسآمه : ولو تعبكم رآحه .. مآسوينا شي
البنآت : مع السلآمه وقفلو باب السيآره ( ودخلو البيت )
بهآلوقت مشآري بالصاله متوتر وينتظر أخوه يرجع .. أو أي أحد يطمنه عليه ..
وهم دآخلين البيت كآنو مره خآيفين على عبدالله ومايدرون وش صآر فيه
رهف : ماكلمك أحد يطمنك ؟؟
ألهآم : لآ لسى
رهف وهي تشيل اللثأم : ياحياتي ياعبود
رفعت عينهآ الآ بعين مشآري ورجعت الغطآ
البنآت : السلآم عليكم
مشآري وقف : وعليكم السلآم
رهف بحيآ : كيفك مشآري ؟
مشآري : بخير .. كيفك أنتي ؟
رهف : كويسه
ألهآم : وين أمي ؟
مشآري : أمي بالموت هدت .. والحين بغرفتهآ ..
ألهآم : أوكي .. أذآ رجع عبود طمني
مشآري : أوكي
وطلعت ألهآم ورهف فوق ..
.
.
.
.
[ البآرت الرآبـــع ]
"بغرفة ألهآم "
رهف : أيوه ألهآم
ألهآم : وش أيوه ..؟؟ شيلي عبايتك خليني اكلمهم تطلع لنا الغدآ
رهف (بلكآعه) : أوكي
ألهآم : رهووووف وراك كلآم قولي قولي
رهف (بضحكه) : لآ ابد .. خليني اكلم أمي بس أقولهآ أني عندك يالشينه
ألهآم : أوكي أنا بطلع اغير ..
بهآلوقت دخل أبو ألهآم وعبود
مشآري : هلآ يبه ( وباس رآس أبوه ) وعيونه على عبدالله : هلآلآ والله بعبووودي
وصآر يتكلمون عن اللي صآر ..
مشآري : أنا طالع اطمن أمي والبنآت فوق
وطلع لغرفة ألهآم
مشآري يطق الباب : ألهآم .. الهآااأم
رهف بحيآ : اهلين مشآري .. ألهآم مو هنآ
مشآري بأرتبآك : أوكي بس حبيت اطمنكم عبود تحت وهو طيب وبخير ..
رهف : الله يطمنك
بعدهآ رآح لآمه يطمنهآ ..
رجعت ألهآم .. وتغدو سوآ .. وبعد الغدآ قعدو يسولفون ..
ألهآم : ياحليله فآرس بصرآحه كفو
رهف بلكآعه : وش كفو ؟ ترا ماسوى شي غير أنه وصلنا للبيت
ألهآم : وهذا ماتعدينه شي؟
رهف : أوكي شي بس مو ذاك الشي
ألهآم بقلة صبر : رهف واللي يرحم والديك اسكتي
رهف بتفكير : أمممم طيب
ألهآم : والله منتي خآليه
رهف (ضحكت ) : ألهآم مالآحظتي نظرات فآرس لك؟
ألهآم بحيآء : لآ .. ليش أنتي كنتي تراقبينه ؟؟
رهف : واراقبك بعد .. بصرآحه اتعب أنا على نظرآت الآعجاب
ألهآم ( رمت عليهآ المخده ): ماودك تطسين لبيتكم
(رهف تضحك ) : الآ يلآ تبين شي؟
ألهآم : من جدك ؟ خليك بس
رهف : بروح أنآم مره هلكآنه
ألهآم : نآمي عندي بلآ سخافه
رهف : يوم ثآني
ألهآم : أوكي برآحتك
رهف : يلآ تعالي وصليني للباب
ألهآم بعبآطه : ماتدلين الباب؟
رهف : الإ بس شوفي قدآمي أحد ..
ألهآم : أوكي يلآ
ورآحت ألهآم مع رهف لعند الباب
ألهآم : ماتبين أنادي أحد يوصلك لبيتكم؟
رهف : لآ مايحتاج قريب ودايم اروح واجي لحالي
ألهآم : أوكي الله يستر عليك
رهف : مع السلآمه
وطلعت رهف من عند الباب الدآخلي وصآرت تمشي وقبل تطلع مع الباب الرئيسي سمعت صوت ينآديهآ
التفتت بسرعه .. شافت مشآري .. قاعد بالحديقه يتقهوى ..
لآبس برمودآ بيج وتيشيرت آسود .. الهواء حايس شعره آلأسود الكثيف وصاير جاي على عيونه ..
كآن مسوي ( ديرتي فيس ) .. بأبتسآمته العريضه قآم وصآر يمشي لعندهآ ..
وقف قدآمهآ وهو ماسك نظآرته بيدينهآ الثنتين وباين عليه الربكه ..
هي مأقدرت تتحمل ابددد ..
وصآرت تقول بنفسهآ ( بطلته هذي وابتسآمته يابيموتني يابيموتني وحده من هآلثنتين )
مشآري : اهلين رهف
رهف : هلآ والله
مشآري : خلآص رايحه للبيت ؟
رهف : ايه
مشآري : وتجسرين ترجعين لحالك ؟
رهف : ايه متعوده .. وأمأن أن شاء الله
مشآري ( وفي نفسه يبي يطول الحديث معهآ ) : مآشاء الله عليك ..
( ووقف يناظرهآ ) أنتبه لنفسه : طيب ليش ماتقعدين مع ألهآم مسكينه تمل لحالهآ ..
رهف : الجايات أكثر ..
مشآري : أوكي على رآحتك ..
رهف : تأمر على شي ؟
مشآري : سلآمتك .
رهف : الله يسلمك .. يلآ باي .. ( ومشت )
مشآري : بآي ..
وطلع ورآهآ ووقف عند الباب .. عشآن يتطمن أنهآ دخلت بيتهم ..
وهو واقف يحس قلبه يدق بسرعه يناظر بشكلهآ بمشتيهآ بمسكتهآ لشنطتهآ اللي رأميتهآ بأهمال على كتفهآ ..
وصلت رهف لباب بيتهم .. وقبل تدخل لفت على بيت خآلتهآ .. شافت مشآري ينآظرهآ بأهتمآم .. ناظرته بعدهآ نآظرت بالآرض ودخلت بسرعه لبيتهم ..
رجع مشآري لقهوته وهو يفكر ببنت خآلته اللي خذت عقله ..
قطع حبل افكآره صوت أمه ..
أم ألهآم (وهي تمشي لعنده ) : يآزين الجو عندك ..
مشآري (حس بأمه ) : هلآ والله بالغاليه .. ( قآم من الكرسي اللي كآن قاعد عليه ) .. وأشر لـ أمه على الكرسي : تفضلي يايمه ..
قعدت .. وسحب له الكرسي الثآني وقعد عليه .. وصآرو يسولفون بكل شي ..
الين ذكرت أمه أن ولدهآ يدرس برا والحين جالس قبالهآ ؟؟ شلون ؟ ودرآسته وش صآر عليهآ ؟؟
أم ألهآم : يمه مشآري .. متى ناوي ترجع لبريطآنيآ..؟
مشآري (بمزح ) : ليش مليتي مني يمه؟؟
أم ألهآم : لآتقول كذا والله لو على كيفي ماخليتك ترجع هنآك لحالك ابد
مشآري : يابعد عمري والله .. بس أنا لآزم ارجع بعد شهر..
أم مشآري : شهر؟
مشآري : ايه الحين عندي اجازه .. فيه مناسبتين ورا بعض وكل مناسبه لهآ اجآزه .. شبكوهآ ببعض وخلوهآ شهر ..
أم مشآري : الله يوفقك .. وتخلص درآسه وتجينا بالشهآده ..
مشآري : اوعدك ارفع رآسك .. ( وقآم باس رآس أمه )
" في بيت رهف "
رهف على سريرهآ تتقلب ماجآهآ نوم ( وين النوم اللي من اليوم فيني طار .. وين التعب اللي احسه أختفى !! كل هذا تفكير بمشآري ؟؟!!
معقوله حبيتك يامشآري ؟؟ وينك عني من زمآن !! مع أننا اهل مآكنت آعرفك لآني ماكنت اشوفك دايم ..
يالله بيرجع يسافر وبيغيب مره ثآنيه وكل مشاعري بتموت ..
هو أنا حبيته اصلآ عشآن أقول هآلكلآم!! طيب وش اسمي هآللهفه عليه وهآلتفكير الدايم فيه ؟؟؟
لآلآ هذي كلهآ اوهآم .. أنا لآزم اشيله من بالي دآمي بـ أولهآ عشآن ماأتعب )
وصآرت تفكر وتفكر لين غلبهآ النوم ورآحت بسابع نومه ..
.
.
.
.
[ البآرت الخآمـــسَ ]
أبو ألهآم بهذا اليوم مارآح للشركه بعد مارجع مع عبدالله .. وكآن طول يومه مع عياله ..
صحت ألهآم ونزلت للصاله لقت أبوهآ وأمهآ وأخوهآ عبدالله ..
ألهآم : السلآم عليكم ..
الكل : وعليكم السلآم ..
أم ألهآم : زين صحيتي بدري ..
ألهآم : ليش.؟
عبدالله (بلقافه ) : بابا مسوي عشاء عندنا بالليل عشآن أنا ماصآر فيني شي ..
(الكل يضحك على برآئة عبدالله وطريقة كلآمه )
ألهآم : آهآ عشآن كذا يالدبدوب .. ( ورآحت عنده وصآرت تدغدغه وهو ميت ضحك )
أبو ألهآم : مثل مااتفقنا (ووقف )
أم ألهآم ( وقفت معه ) : أن شاء الله ..
أبو ألهآم : يلآ بالآذن ( وطلع ) ..
أم ألهآم : الله معك ..
قآمت ألهآم لعند أمهآ ..
ألهآم : مآما صح كلآم عبدالله؟
أم ألهآم : ايه يمه .. بنسوي عشاء عائلي الليله بمناسبة سلآمة أخوك ..
ألهآم (بتفكير ) : أممممم عائلي؟؟ يعني بس بيت خآلتي ؟؟
أم ألهآم : آيه .. وبعزم جاراتي ..
ألهآم : طيب أنا بكلم بيت خآلتي اعزمهم .. وبعزم صديقتي جوري واهلهآ ..
أم ألهآم : أوكي ..
ألهآم : يلآ استأذنك ..
وطلعت غرفتهآ وأتصلت على خآلتهآ وعزمتهم .. بعدهآ أتصلت على جوري اللي كآنت قاعده بالصاله مع أخوهآ فآرس ..
ألهآم : الو .. السلآم عليكم
جوري : وعليكم السلآم .. ياهلآ والله بألهآمي ..
ألهآم : كيف جوريتي ؟
جوري : احلفي عاد .. جوريتك آجل ؟
ألهآم ( وهي ميته ضحك ) : أيه
جوري : بخير .. أنتي كيفك؟
وصآرو يسولفون وعزمتهآ وأكدت عليهآ تقول لآمهآ وأبوهآ وفآرس ..
بهآلوقت فآرس كآن يسمع المكآلمه .. ويضحك بدآخله على هبآلة أخته وصديقتهآ .. (يقول بنفسه الله يستر من هآلآحساس اللي ذابحني تجآهك يآ ألهآم )
قفلت جوري .. ولفت على فآرس اللي سرحأن بعيييد ..
جوري وبصوت عالي : فآرس خلآاااص عاد ..
فآرس (نقز من صوتهآ ) : خير خير وش فيك ؟؟
جوري : وش سالفتك أنت ؟ لك كم يوم منت على بعضك ..
فآرس ( بآستحقآر ) : مافيني شي أنتي اللي وش فيك على هآلصرآخ
جوري : اليوم العشآء عند بيت صديقتي ألهآم .. بمنآسبة سلآمة أخوهآ من الحآدث .. لآزم تروح معنآ .. بلييييز
( وصآرت تلزم عليه لآنهآ تعرف أخوهآ مآيحب كذآ طلعآت )
فآرس : لآلآ أنسي تدرين فيني مآأحب اروح عزآيم
وجوري تترجآه وهو رافض .. بعدهآ صآر يفكر يروح عشآن يتعرف على عآئلة ألهآم أكثر وأكثر ..
جوري : أخر مره أطلبك .. بتردني؟؟
فآرس : خلآص خلآص .. بروح ..
جوري ( بكل قوتهآ ) : يسسس
فآرس : كل هآلحمآس ؟؟
جوري : أنت مآتتخيل وش كثر تمنيت تتعرفون عليهم أكثر .. والله نآس طيبين وحبوبين وينحطون ع الجرح يبرى ..
فآرس : طيب يالجرح روحي خليهم يجهزون لي ثوب ويكوونه مع شمآغي ..
جوري : أوكي مأطلبت .. يلآ بالآذن ( وطلعت فوق)
الكل لبس وكشخ وتجهز ..
لما صآرت السآعه 9 ونص مسآءاً الكل اجتمع ببيت أبو ألهآم ..
"بمجلس الرجآل"
كآن فيه .. أبو ألهآم وأخوهآ مشآري .. وأخوآن رهف فهد وخآلد .. وأبو جوري وأخوهآ فآرس .. وكآن فيه كم رجآل "جيرأنهم" ..
أبو ألهآم آخذته السوالف مع أبو جوري وفهد اللي كآن تفكيره وسوالفه اقرب للشياب أكثر من الشباب ..
السوالف اللي يشاركهم فيهآ بعض الآحيأن خآلد لآنه يشتغل بنفس شركة أبو ألهآم .. واغلب سوالفهم عن الشركه ..
بعدهآ قآم خآلد ورآح يجلس جنب مشآري وفآرس اللي اخذتهم السوالف عن دول برآ والدرآسه ..
مشآري : يالله وآلله زمأن عن جمعتنآ هذي
خآلد : يلآ مآبقى لك شي وترجع على طول .. عاد الله يعيننآ على مقآبل وجهك بكل منآسبه وبكل ويك أند وبكل وقت ..
مشآري (بغرور) : وش حيآتك بدوني علمني بس ..
خآلد : قم لآ بالجوآل ..
فآرس (يضحك ) : بصرآحه يبيلنآ طلعه محترمه قبل تمشي
مشآري : وش رآيكم الخميس الجآي ..
خآلد : وين نآوين؟
مشآري : نطلع شآليهآت مثلآ؟
خآلد : من رآيي دآم الجو برد نخيم بالبر يومين ثلآثه ..
فآرس : رآيي من رأي خآلد ..
مشآري : أممم دآم كذآ معنآته لآزم كل وآحد مع عآئلته ..
وكملو سوالف وتخطيط .. بعدهآ قآم مشآري وآخذ رآي الشيآب ووآفقو .. ووصل الخبر للحريم .. وصآرو ينتظرون يوم الخميس ..
بهذآ الوقت ..
عبود اللي العشآ عشآنه .. يلعب بالحديقه مع رذاذ أخت جوري اللي كآن مبسوط فيهآ..
"عند الحريم"
أم ألهآم وأختهآ أم رهف وأم جوري ونجلآء زوجة فهد وكم وحده من جيرأنهم جالسين يسولفون ..
طبعآ سوالفهم عن المطبخ والعيال والمسؤؤليه ..
بالجهه الثآنيه البنآت .. رهف وألهآم وجوري وضحى ..
ألهآم : بنآت وش رايكم نطلع نتمشى بالحديقه ..
جوري : يكون احسن لآني مليت من سوالف العجز ..
رهف (وهي كاتمه الضحكه ) : أمك معهم ياحقيره ..
جوري (تنآظرهآ بدهشه ) : ايه وأنا ماقلت شي غلط ..
ألهآم : اللي يسمعهآ يقول قاعده بينهم .. هذا وأنا مبعدتك عنهم قد ما أقدر ..
( جوري ضربت كف ألهآم اللي كآنت فاهمتهآ وماتو ضحك )
رهف : ماأردى منك ياجوجو الآ هآلهبله .. قومي قومي أنتي ويآهآ قبل ارتكب جريمه ..
وطلعو يتمشون برا وهم يضحكون ..
الجو برآ كآن روعه .. بجهه من الحديقه الخدم يرتبون البوفيه ..
الجهه الثآنيه عبود ورذاذ يلعبون وأصواتهم وضحكآتهم المتعاليه معطيه جو للمكآن ..
البنآت صآرو يتمشون من أول الى أخر المكآن .. مع ضحك واستهبال وتعليق ..
طبعآ كآنت معهم ضحى اللي الآي بود بيدهآ طول الوقت وبعآلم ثآني وماهي فاهمه شي من اللي يقولونه البنآت ..
(ألهآم تنآظر ضحى ووتأشر لهآ )
ضحى (شآلت السمآعآت ) : نعم ؟
( جوري ورهف ماتو ضحك على رد ضحى .. هي كآنت على طبيعتهآ .. بس ردهآ جاء جاف )
ألهآم ( وهي تمثل الخوف ) : خلآص خلآص مآآبي شي ..
ضحى (تضحك ) : سوري كنت دآخله جو مع الآغنيه.. جد وش بغيتي؟
ألهآم (تمثل الحيآء ) : آبد حبينا نتعرف ..
ضحى ( تكمل سمآجة ألهآم ) : كم الرقم؟
جوري : من الأخر ماعندهآ وقت (وتضحك )
ألهآم ( تضحك) : من جد
وصآر الكل يضحك ..
جوري : ضحى مدري ليش احسك تحبين ورايحه وطي بالحب ..
ضحى : أنا ؟ بصرآحه ماعندك سالفه بعد هذي ..
رهف : الله وأكبر .. من وين جاك هآلآحساس .. ضحى تحب .. لآلآ أكيد جاء عقلك شي ..
ألهآم : ليش مالهآ قلب؟
رهف : الإ لهآ بس حاليآ حبهآ وعشقهآ آلأبدي الكتب .. تدرين دآفورة البيت ..
(ضحى تنآظرهم وتضحك ... أكبر منهآ بس تحس أن سوالفهم تضحك ماهي من مستوى تفكيرهآ .. مع أنهآ آصغر منهم بس بعقلهآ أكبر)
جوري : تخيلو أنا أطلع الدافوره بينكم وأجيب الأول على جآمعات المملكه ..
( وصآرو يتكلمون عن الدرآسه ومواقف مرت عليهم وسوالف وضحك .. بعدهآ حسو ببرودة الجو .. دخلو بالصاله )
صآر وقت العشآ .. وطلعو الرجال يتعشون بالحديقه ..
طبعآ كآنت الصآله تطل ع الحديقه ..
البنآت أول ماصآرو الرجال برا قربو وصآرو يتفرجون عليهم ..
وأكيد رهف نظرآتهآ على مشآري اللي مأخذ قلبهآ ..
وألهآم نظرآتهآ على فآرس اللي بعد هو الثآني ملك قلبهآ ..
أما جوري فكآنت نظرآتهآ على شخص كآن معطي الجو طابع ثآني بضحكه ومزحه .. وتراقب كل حركاته وعاجبهآ ..
أما ضحى بعالم لحالهآ ..
خلصو الرجال عشآء ...
جات أم ألهآم للبنآت ..
أم ألهآم : بنآتي الحلوات وش قاعدين يسوون ؟
رهف (بأبتسآمه) : ولآ شي خآلتي .. أمري
أم ألهآم : مايأمر عليكم ظآلم .. ابي تطلعون ترتبون البوفيه بعد الرجال عشآن نقلط الحريم
ألهآم : والخدم وينهم ؟
أم ألهآم : الخدم حطوه المره الأولى لآن مايبيه له شي .. ابي تأخذونهم وتروحون ترتبونه من جديد وتزيدون الناقص ..
جوري : أن شاء الله ولآ يهمك ..
أم ألهآم : الله يعطيكم العافيه ( ورجعت للحريم )
طلعو البنآت مع الخدم .. وصآرو يحطون ويشلون من هآلصحون وآلأكل ..
جوري وقفت شوي تفكر ..
ألهآم : هلوووو .. وين رحتي .. !!!!
جوري : قربت منهآ .. ألهآم ممكن سؤال؟
ألهآم (آستغربت حال صديقتهآ) : وش فيك؟
جوري : مافيني شي بس بغيت آسأل سؤال ممكن ؟
ألهآم : ممكن ..
جوري (تأشر على كرسي) : اللي كآن قآعد هنآك على ذآك الكرسي مين؟
ألهآم (مآزآلت مستغربه ) : أممم مدري نآسيه ..
جوري : مالت عليك ( ومشت تشيل الصحون)
ألهآم (بأنفعال) : الشرهه مو عليك علي أنا اللي آسمع لك ..
رهف : وش فيكم؟
جوري (حست أن سؤالهآ الكل بيعرفه ) : رهوفه مين اللي كآن قآعد هنآك ( وأشرت على نفس الكرسي)..
رهف : هذآ أخوي خآلد ..
جوري : آهآ ..
رهف (مستغربه ) : ليش تسألين ؟
جوري (أنتبهت لنفسهآ وكيف جآلسه تسأل كذا) : آ آ آبد
(ألهآم ورهف صآرو ينآظرون بعض وبعدهآ ينآظرون جوري )
جوري : خييير وش تنآظرون ؟؟
( الكل : ولآ شي وضحكو .. )
بعدهآ دخلو قلطو الحريم على العشاء .. وطلعو كلهم يتعشون برا ..
بعد آلأكل .. قعدو شوي وتقهوو شاي .. وبعدهآ الكل رآح لبيته ..
" في بيت جوري "
جوري (تسأل أهلهآ) : هآه كيف ؟ أن شآء الله أنبسطتو ؟
أبو جوري : أيه والله يآبنتي .. نآس آجآويد .. وقعدتهم مآتنمل ..
أم جوري : آيه الله يوسع صدورهم بالعافيه ..
جوري (بأبتسآمه) : أميين .. وآلله يخليكم لي يارب ..
وطلعو ينآمون .. آلإ فآرس قعد بالصآله .. يتآبع فيلم ..
غيرت جوري ملآبسهآ .. ومسحت مكيآجهآ .. ونزلت تشرب مويه وتطفي أنوآر البيت قبل تنآم ..
أنتبهت لصوت التلفزيون ورآحت للصاله ..
جوري : فآرس؟
فآرس (وهو متحمس مع الأحدآث ومآينآظر فيهآ ) : هلآ
جوري : للحين مآنمت ؟
فآرس : ماجآيني نوم ..
جوري (مشت وقعدت جنبه) : فيك شي؟
فآرس ( لف عليهآ ) : لآ آبد
جوري : أكيد ؟
فآرس : آيه أكيد تطمني ..
جوري : أمممم طيب مآقلت لي أنبسطت اليوم ..؟
فآرس : أيه الحمدلله فلينآهآ ..
جوري ( بأبتسآمة تدل على رآحه ) : كويس ..
قعدو شوي بعدهآ رآحو على غرفهم عشآن ينآمون ..
.
.
.
.
[ البآرت الســـآدس ]
" يوم الأحـــــــد "
البنآت بالجآمعه يسولفون عن هآلطلعه .. وكيف أنهآ قبل الأختبآرآت بأسبوعين ..
رآحت تكون كـ تغيير جو وآستعدآد قبل بدآية الأختبآرآت وحوستهآ ..
خصوصآ أن هآلأسبوعين كل الطلآب يغيبون عشآن يذآكرون للأختبآرآت .. يعني مثل آلأجآزه ..
" في مكآن ثآني .. بالتحديد بمدرسة ضحى"
ضحى كآنت مآشيه لفصلهآ .. شآفت بنت تبكي ومقطعه نفسهآ بكآء ..
رآحت عندهآ وبكل حنيه حطت يدهآ على كتف البنت ..
ضحى : سلآمآت .. وش فيك حبيبتي تبكين ؟
البنت : ----------
ضحى ( وقلبهآ متقطع عليهآ) : ممكن آعرف ليش تبكين .. يمكن أقدر أسآعدك ..
البنت (رفعت رآسهآ لضحى) : مآرآح تقدرين ..
ضحى بأبتسآمه ( أنبسطت أن البنت ردت عليهآ) : طيب علميني وشوفي رآح أقدر ولآ لآ ..
البنت صآرت تنآظر بفصلهآ .. شآفت آلأستآذه وصلت .. قالت لضحى مآأقدر آتكلم الحين مضطره آرجع الفصل ..
آتفقت معهآ تقآبلهآ أخر الدوآم بنفس المكآن .. ورآحت كل وحده على فصلهآ..
كآن بآل ضحى مشغول طول الوقت ( وش فيهآ البنت ؟؟ وش ممكن يبكيهآ بهآلطريقه ؟؟ ياترى أقدر أسآعدهآ ؟؟
وصآرت آلأفكآر توديهآ وتجيبهآ الى أن سمعت صوت آلجرس آللي يدل على نهآية أخر حصه يعني نهآية الدوآم )
دخلت آغرآضهآ بسرعه بشنطتهآ .. وآخذت عبآيتهآ .. وأستأذنت من صآحبآتهآ .. ورآحت بسرعه لنفس المكآن ..
لقت البنت جآلسه تنتظرهآ وشنطتهآ جنبهآ .. كآن شكلهآ يكسر الخآطر ..
قعدت ضحى جنبهآ وبأبتسآمه جذآبه صآرت تسألهآ وتأخذ وتعطي معهآ ..
ضحى : كيفك يآقمر ؟
البنت : مآشي حآلي
ضحى : أول حآجه ممكن آعرف آسمك ؟
البنت (بتردد) : آسمي آآ آسمي ...... (وبسرعه نطقته) آسمي ليآن
ضحى ( وبنفس آلأبتسآمه) : عآشت آلأسآمي ليونه .. أممم أي سنه ؟
ليآن : بـ أولى ثآنوي ..
ضحى : موفقه أن شآء الله .. أمم طيب ممكن آعرف وش اللي بكآك اليوم ونزل دموعك ..
ليآن ( والحزن بدأ يبين على ملآمحهآ الطفوليه) : آبي آشوف أمي لي 3 شهور عنهآ ..
ضحى : ليش وين أمك ؟
(حكت ليآن لضحى قصتهآ وعيونهآ غآرقه دموع )
( ليآن بنت كآنت عآيشه مع أمهآ وأختهآ آلأصغر منهآ بعد مآصآر خلآف بين أمهآ وأبوهآ أدى آلى فرآقهم وتشتت عآئلتهم لسنين ..
وبحيآتهم مآعرفو أبوهم آو شآفوه .. بعد مآكبرو البنآت رجع يأخذهم من أمهم ..
صعبه يكونون عآيشين آحسن حيآه مع أمهم ومتعودين على حيآتهم ويطلع لهم بآلآخير شخص يقول أنه أبوهم ويأخذهم بالقوه )
ضحى الصدمه والدهشه بعيونهآ وهي تسمع ليآن ..
( صآرت تقول في نفسهآ معقوله بآقي ناس كذا ؟ بآقي ناس بهآلقساوه ؟ بآقي ناس بهآلأنحطآط الفكري ؟
طول عمره مافكر ببنآته والحين لما ربتهم أمهم وكبرتهم وتعبت عليهم جاي بارده مبرده يأخذهم ؟؟
مسكينه هآلأم أكيد متقطع قلبهآ على بنآتهآ .. ومسآكين هآلبنآت مآلهم أي ذنب )
قطع سلسلة آفكآرهآ صوت ليآن ..
ليآن : آبي آشوف أمي
ضحى ( بأهتمآم ) : كم لكم عن أمكم ؟
ليآن : 3 شهور تقريبآ ..
ضحى ( بأبتسآمه عريضه ) : ليونه وعد مني ترجعون لأمكم .. بس عندي شرط ..
ليآن (بلهفه) : جد ؟ وش شرطك ..
ضحى : تنسين هآلسآلفه وتشيلينهآ من بآلك الى مآبعد آلأختبآرآت .. تدرين مآبآقي عليهآ شي .. آبيك تشدين حيلك عشآن تفرحين أمك ..
ليآن ( والفرحه مو سآيعتهآ ) : آوعدك آشد حيلي ..
ضحى ( مسكت يد ليآن ) : ليونه أنآ معك .. تطمني وأنسي السآلفه ..
(ليآن مآهي عآرفه وش تقول كآنت تمسح دموعهآ )
ضحى (بسرعه) : ليونه عندك جوآل ؟
ليآن : أيوه ..
وآخذت ضحى رقمهآ .. ووعدتهآ ترجعهآ لآمهآ ..
بعد مآطمنت ليآن ورآحت كل وحده على بيتهآ ..
رجعت ضحى لبيتهآ وكلهآ هموم وسآلفة ليآن مآغآبت عن بآلهآ ..
غيرت ملآبسهآ ورمت جسمهآ على السرير ..
وصآرت تكلم نفسهآ ( وعدت ليآن .. يآترى رآح أقدر آوفي بوعدي؟؟ الموضوع أكبر مني .. شلون بسآعدهآ ؟؟
مع كثر آلأفكآر آخذت نفس عمممميق وقآلت بصوت عالي رآح آوفي بوعدي لك يآ ليآن بآذن آلله )
مر اليوم بدون أحدآث تذكر ..
"يوم الثلآثـــــــــآء"
ألهآم ومشآري بالصآله ..
ألهآم : مشآري وش رآيك نمشي بكرآ بدل يوم الخميس ..
مشآري : وش تفرق ؟
ألهآم : عشآن تكون آربعآء وخميس وجمعه .. والسبت نرجع .. تدري آلأختبآرآت مآبقى عليهآ شي ..
مشآري : أوكي .. رآح آحط خبر عند الشبآب ..
"يوم الآربعــــــآء"
بعد مآصحو ورآح الكل لدوآمه .. آلأمهآت صآرو يجهزون للرحله ..
لآن بعد مآيرجعون العيال والبنآت الظهر رآح يتغدون ويمشون ..
كآن اليوم من أوله حمآس وونآسه عند الكل ..
"بآلجآمعه"
ألهآم : رهوفه وش رآيك تجين معنآ بنفس السيآره اليوم ..
رهف : ليش وسيآرتنآ تروح فآضيه ؟
ألهآم : يآشينك .. فيهآ أخوك وأبوك وأمك والشغاله وغرآضكم .. أنتي تعالي معي .. سيآرتنآ مآفيهآ الآ عبود وأنآ ..
رهف ( بدهشه) : لآ يآشيخه !!!
ألهآم : وش فيك ؟؟ أذآ أبوي وآالسآيق بسيآره ثآنيه ومعهم الآغرآض مين بيكون مع مشآري غير أمي قدآم وأنا وعبود ورآ ..
رهف ( لمآ عرفت أنآ مشآري اللي بيسوق فيهم أنبسطت ) : أممم طيب آشوف ..
ألهآم : مآلت عليك ( ولفت على جوري ) جوجو نمرك تجين معي ؟
جوري : آجي معك وأخوك اللي يسوق!!! بصفتي آيش؟
ألهآم (بخيبة أمل) : مآلت عليك أنتي الثآنيه .. خلونآ نحس بمتعة الطريق ..
جوري ورهف (يضحكون) : بصرآحه حلوووووووووه
مرت السآعتين وطلع الكل على بيته ..
تغدو وبدو يتجهزون اللي يلبس واللي يركب الآغراض .. واللي منسدح يرتآح شوي ..
"عند بآب بيت ألهآم"
البآب مفتوح الى آلآخير .. ومشآري مع أشرف (السآيق) يركبون آلآغرآض ويرتبون ..
مشآري كآن لآبس ثوب رآفع آكمآمه ولآبس نظآرآته ..
على نفس الشآرع بس بجهه ثآنيه .. فهد وخآلد يركبون الآغراض ..
طلعت رهف تبي تركب السيآره آلتفتت لبيت خآلتهآ شافت مشآري صآرت تنآظر فيه ( ليش يجذبني؟ ليش هو مو غيره؟؟ مآآتحمل شكله آتعب )
ورجعت دآخل لمآ شآفتهم مطولين ..
بهآلوقت مشى أبو ألهآم مع السآيق ..
بعد سآعتين ..
مشآري كآن بيحرك السيآره (بيمشون) .. ألهآم على آعصآبهآ ..
ألهآم : مشآري مشآري وقف لآتمشي ..
مشآري (مستغرب ) : نسيتي شي؟
ألهآم : لآ بس رهف بتجي معنآ ..
مشآري (سمع آسم رهف صآر قلبه يدق بسرعه ) : أوكي
أتصلت ألهآم برهف ..
ألهآم : وينك ؟؟
رهف (ببرود) : من قآل لك بجي معك ؟
ألهآم (بعصبيه) : أوكي أوكي (وقفلت الخط)
رهف بهآلوقت مآتت ضحك وآستآذنت من آهلهآ ونزلت بسرعه تمشي لسيآرة مشآري ..
مشآري : وش فيك .. مآرآح تجي ؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك