رواية منهو يصالحني عليك -3

رواية منهو يصالحني عليك -3

أتصلت ألهآم برهف ..

ألهآم : وينك ؟؟

رهف (ببرود) : من قآل لك بجي معك ؟

ألهآم (بعصبيه) : أوكي أوكي (وقفلت الخط)

رهف بهآلوقت مآتت ضحك وآستآذنت من آهلهآ ونزلت بسرعه تمشي لسيآرة مشآري ..

مشآري : وش فيك .. مآرآح تجي ؟

ألهآم : لآ .. حرك ..

وهم بيمشون خلآص .. آلتفت مشآري وشآف رهف جآيه تمشي صآر ينآظرهآ ..

كل مشآعره تحركت .. أنفآسه صآرت سريعه .. مآيدري وش يصير فيه أذآ شآفهآ ..

أم ألهآم : ليش مآتمشي؟

مشآري (وهو ينآظر ألهآم بأبتسآمه ) : أنتظر رهف ..

ألهآم (مستغربه ) : قلت لك مارآح تجي ..

مشآري : طيب لفي يمين ..

لفت ألهآم وشآفت رهف جآيه لعندهم ( وصآرت تضحك)

ركبت رهف ..

رهف : آلسلآم عليكم

الكل : وعليكم السلآم ..

رهف : كيفك خآلتي؟

أم ألهآم : بخير .. شلونكم أنتو؟

رهف : كلنآ بخير / كيفك مشآري ؟

مشآري (بنبره هآديه) : بخير دآمكم بخير ..

رهف (آستحت) : يآعسآه دوم ..

وهي دآخله جو وميته حيآ فجآه جتهآ ضربه مع الجنب .. مسكت جنبهآ وهي كآتمه آلأه ..

لفت بسرعه على ألهآم ونآظرتهآ بنظره معنآهآ خير وش فيك علي ..

ألهآم (بصوت عالي) : بصرآحه أموت بآللي ينشفون دمي بعدهآ يجون بكل برآئه وكآنهم مو مسوين شي ..

رهف ( وهي كآتمه الضحكه همست لـ ألهآم) : نتفآهم بعدين .. مو قدآم أخوك ..

مشآري (وهو عارف أنهآ تقصد رهف بس مسوي نفسه مو فآهم ) : تصدقين مثلي آحب آللي كذآ ..

رهف بهآلوقت تمنت أنهآ جلست بسيآرتهم ولآ جت مع خآلتهآ ..

.

.

.

.

[ البآرت السآبـــــع ]

قطعو نص المسآفه .. والهدوء عأم السيآره ..

آلتفتت ألهآم على رهف ..

ألهآم : أكيد جوري مشت؟

رهف : أن شآء الله أنهم مآشين معنآ ..

ألهآم : قهر لو مآيجون ..

رهف : وش رآيك نرسل لهآ ..

ألهآم : جبتيهآ .. (وطلعت جوآلهآ) ..

"بسيآره ثآنيه .. على نفس الطريق "

جوري تلعب مع أختهآ رذاذ .. وأمهآ جنبهآ .. وقدآم فآرس يسوق فيهم وجنبه أبوه ..

حست جوري بجوآلهآ يهز بشنطتهآ .. طلعته لقت مسج .. المرسل ألهآم (هآي جوجو .. بشري مشيتو؟)

جوري حبت تلعب بأعصآبهم ردت عليهآ ( لآ أبو على أخر لحظه رفض .. أنآ دآخله أنآم .. آستمتعو بوقتكم )

جآء المسج للبنآت .. لمآ فتحوه تحطمو .. بعدهآ رضو بآلأمر الواقع .. وصآرت كل وحده ترسل من جوآلهآ لجوري مسجآت تقهرهآ .. (مشى عليهم مقلب جوري)

وبالسيآره الثآنيه جوري تضحك على اللي بيصير بآلآخير ..

وصلت سيآرة فآرس ونزلو .. قآبلهم أبو ألهآم آللي كآن وآصل قبلهم بوقت ومجهز المكآن ..

لمآ وصلو لقو الخيأم منصوبه وكل شي مرتب حتى النار شابينهآ ..

دخلت جوري وأمهآ خيمة الحريم اللي تبعد مسآفه عن خيأم الرجآل ..

بعد وصولهم بنص سآعه وصلو السيآرتين الثآنيه .. سيآرة خآلد وسيآرة مشآري ..

نزلو البنآت هلكآنآت للخيمه .. وكآنت المفآآآآآجأه !!

البنآت بصوت وآحد : جوووووووري؟!!!!

جوري ( وهي تضحك) : هآلمره أنآ الفآيزه ..

صآرت ألهآم تنآظر برهف ورهف تنآظر بألهآم وطبو عليهآ ..

وآستمر الضحك واللعب الى أن رآحو بسآبع نومه حتى قبل يتعشون لآنهم من رجعو من الجآمعه مأنآمو ..

أمآ البآقيه تقهوو وتعشو وسولفو وضحكو بعدهآ الكل فرش فرآشه ونآم ..

"يوم الخميــــــس السآعه 7:30 صبآحآً"

فتحت جوري عيونهآ شبعأنه نوم ..

لفت يمين لفت يسآر مآلقت البنآت ..

طلعت تمشي برآ لقتهم توهم صآحيآت ورآيحآت يغسلون ..

جوري : صبآح الخير ..

البنآت : صبآح النور .. صح النوم ..

جوري : صح بدنك أنتي ويآهآ ..

(البنآت يضحكون) : يلآ عن آذنك ( ومشو )

جوري ( بأنفعآل ) : وين وين وحده منكم تبقى معي .. على آلآقل صبو على يدي مويه خلوني آغسل ..

البنآت مآكآنهم سآمعينهآ ..

صآرت تتكلم وتتوعد لحآلهآ وهي مآسكه المويه بيد وتحآول تصب على يدهآ .. ومآهي قآدره ..

فجأه جآء صوت من ورآهآ : محتآجه مسآعده ..

(صوت خآلد ..اللي كآن صآحي من وقت وجآلس ينتظر أخته وبنت خآلته ألهآم يخلصون عشآن يجي يغسل بعدهم ..

بس جت جوري وآضطر ينتظر بعد .. الى أن حس بأنهآ محتآجه أحد يسآعدهآ )

جوري من الآرتبآك نست تحط الغطآ على وجههآ ..

رفعت رآسهآ بسرعه وفكت المآء من يدهآ ووقفت ..

صآرت تنآظره وتتذكر وين شآيفته ( أيوه أيوه هذآ هو نفسه اللي آخذ عقلي لمآ كآن يتعشى مع الشبآب ذيك الليله ..

آيه هو نفسه اللي سآلت رهف عنه وقالت هذا أخوي .. ايه هذا خآلد أخو رهف )

خآلد ( بأبتسآمه تذبح عآد السؤال مره ثآنيه ) : محتآجه مسآعده .؟

جوري ( أنتبهت لنفسهآ ورمت الغطآ على وجههآ ) : لآ لآ مشكور ..

خآلد ( رفع المآء ) : خليني آسآعدك ..

جوري (والحيآء ذآبحهآ ) : تسلم مآتقصر ..

خآلد : أوكي خليني آوصل لك المآء لـ خيمتكم .. ( وشآل المآء وصآر يمشي لخيأم الحريم .. ورهف تمشي جنبه )

وهم يمشون ( تنآظر رهف خآلد بنظرآت آعجآب : ردة فعله معي بتذبحني .. سبحأن اللي خآلقه .. وسآمته تجنن )

بنفس الوقت كآن خآلد يتكلم بينه وبين نفسه ( هذي مو رهف ولآ ألهآم .. آجل أكيد صديقتهم جوري .. يآحلووهآ قمممر بعز النهآر مآشي جنبي )

نزل خآلد المآء لهآ عن الخيمه وآستأذن ورجع ..

جوري على طول دخلت عند البنآت اللي كآنو يرآقبون الأحدآث من بعيد ويضحكون ..

جوري (بعصبيه) : آسخف منكم مآشفت ..

رهف وجوري (بضحك) : ليش وش فيك ؟

جوري (تقلدهم ) : ليش وش فيك ؟؟ أقول ولآ كلمه أنتي ويآهآ ..

ورآحت عند ضحى آللي كآنت جآيه معهم وبآلهآ مشغول بـ ليآن ..

جوري : ضحى ضحى

ضحى : هلآ

جوري : غسلتي ؟

ضحى : لآ لسى صآحيه ..

جوري : طيب كويس تعالي معي خليني آصب عليك وصبي علي .. < معأنآه

ضحى : أوكي .. يلآ

وغسلو ورآحو يحضرون الفطور قبل يصحون الكبآر .. ولمآ جهز كل شي الكل صحى ..

وآجتمعو الحريم على الفطور .. مثل مآآجتمعو الرجآل بالجهه الثآنيه وصآرو يفطرون..

بعدهآ تفرقو .. الحريم جآلسين يتقهوون وسواليف ..

البنآت يتمشون برآ ..

الصغآر يلعبون ..

الرجآل بالجهه الثآنيه يتقهوون ويسولفون عن آلأسهم وعن الريآضه ..

أمآ الشبآب بعدهم نآيمين مآصحى منهم الآ خآلد ..

البنآت وهم يتمشون ..

جوري : تصدقين ضحى آحسدك على قدرتك على الحفظ .. جآيبه كتبك معك حتى هنآ ..

ضحى (تقول بقلبهآ مآتدرين أني أنقل كتآبي معي وأنآ مآني حول المذآكره )

رهف ( بأستهبآل ) : قولي مآشآء الله لآيجي أختي شي ..

جوري : ترآ عيني بآرده تطمني مع هذآ مآشآء الله ..

ألهآم : ضحى وش فيك منتي معنآ ..

ضحى (وهي تفكر تعلم البنآت السآلفه ) : لآ بس فيه موضوع شآغل بآلي شوي ..

البنآت بآهتمآم : وش هو ؟

(وحكت ضحى للبنآت سآلفة ليآن واللي صآر يوم الأحد )

ألهآم : يآحيييآتي وربي مآيستآهلون

جوري : حسبي الله ونعم الوكيل عليه ..

رهف : ضحى وأنتي يوم أنك توعدين البنت قآدره تسوين شي؟؟؟

ضحى : أنآ مآقلت لكم آلآ عشآن تسآعدوني ونسآعدهآ ..

رهف : أنتي عآرفه أن هآلموضوع أكبر من أننآ نفكر نحله ..

جوري : وش رآيك نعلم الرجال يمكن يقدرون يسآعدون ..

ضحى (بسرعه) : لآ لآ آلآ الرجال لآ يعرفون بالموضوع ..

ألهآم : آجل وش بيدنآ حنآ ..

ضحى : خلآص آصلآ السآلفه مآهمتني وبشيلهآ من رآسي ( وبدآخلهآ تقول مآرآح آستسلم ورآح آسآعدك لوحدي يآ ليآن )

تقفل الموضوع ونسوه البنآت ..

.

.

.

.

[ البآرت الثآمــــن ]

" بعد صلآة العشآء "

طلعو الشبآب كل وآحد بسيآرته .. أنتبهو لهم البنآت ..

ألهآم : وين بيروحون ..

جوري (بملل) : يآليت يآخذونآ معهم .. بديت آطفش ..

رهف : رآح آكلم خآلد وآسآله وين رآيحين ..

جوري لمآ سمعت آسم خآلد رآحت بعآلم ثآني ..

أتصلت رهف بخآلد ..

رهف : هلآ خآلد ..

خآلد : آهلين ..

رهف : آشوفكم طآلعين .. على وين ..

خآلد : آبد بنروح نطعس (وضحك)

رهف : وآآآآو

خآلد : يآعمري ياللي تحمست .. خير ؟ وش بك ؟

رهف : خآلد خآلد خذنآ معك بلييييز ..

خآلد (بدهشه) : وين آخذكم ؟

رهف : معك وين مآتروح ..

خآلد : آحلفي ؟ لآيكون مخلفكم ونآسيكم ..

رهف (ضحكت) : يلآ بليييز دودي

خآلد : فيهآ دودي .. مو لله ..

البنآت بهآلوقت .. مايدورن على أيش تحمست رهف وودهم بسرعه تقفل عشآن تعلمهم ..

رهف : أخر كلآم آيه ولآ لآ ..

خآلد : أنتظركم لآتتأخرون ..

رهف : يسسس .. أوكي بس نجيب عبآيآتنآ وجآيين ..

خآلد (يضحك ) : أوكي يلآ بآي ..

رهف قالت للبنآت وبسرعه رآحو يلبسون عبآيآتهم ..

خآلد (نزل من سيآرته لعند سيآرآت الشبآب .. وقال بصوت عآلي عشآن يسمعون) : كلموني البنآت يبون يطلعون معنآ .. بأخذهم معي أنتو آسبقوني ..

مشآري وفآرس : أوكي .. سلآم (ومشى كل وآحد بسيآرته )

بعدهآ وقف فآرس سيآرته ونزل يركب مع مشآري .. لآن العدد صآر آقل ..

رجع خآلد لسيآرته ومشى لعند خيمة الحريم مكآن مآكآنو واقفين البنآت ..

وبسرعه ركبو معه .. رهف قدآم جنب أخوهآ .. وألهآم وجوري وضحى ورآ ..

طبعآ رذاذ شآفت الشعب يركبون السيآره طآرت معهم .. وعبود معهآ كالعآده ..

خآلد (التفت وهو قآصد) : الله كل هآلشعب بيروحون معي ؟؟

(الكل تفشلو وصآرو يضحكون)

رهف (بحمآس) : يلآ يلآ خآلد الوقت يدآهمنآ

خآلد : آحلفي ( وقعد يضحك بعدهآ مشى)

جوري مبسووطه كثير أنهآ مع خآلد صآرت تتخيل أن السيآره مآفيهآ الآ هي وخآلد وطآلعين يتمشون ..

خآلد قلبه يدق عارف أنه بدأ يحبهآ .. كآن يبآدلهآ بنفس الشعور والنظرآت ويمكن نفس الخيآل ..

علآ على صوت الآغنيه وكآنت آغنية يآرآ وفضل شآكر ..

خدني معك بالجو الحلو

خليني معك أسرح يا حلو

جمآلك جمآل مش عآدي

كلآمك كلآم مش عآدي

شو بدك دلآل ع صوت الدلآل غفيني

وشو بدك غرأم بليل الغرأم هنيني

خيالك خيال مش عآدي

وجايني بزمأن مش عآدي

بتوعدني بأمأن لآقيني

لآقيني بمكآن تننسى الزمآن و نغني

طبعآ خآلد معه البنآت فـ مو قآدر يسرع آو يخآطر فيهم وصآر يتمشى بهدآوه ..

طلع ع الشآرع العأم مشى مسآفه بعيده شوي الى أن وصل للمحطه .. آلتفت على البنآت وشآف وش يشربون ..

ونزل وشرى لهم .. ورجع من نفس طريقه وصآر مكمل فيهم دآخل البر ..

والعيآل فآرس ومشآري أنوآع الفله والتطعيس كآن رآكب معهم فهد ..

بالجهه الثآنيه خآلد علقت سيارته بالرمل وابتلش .. واللي خلآه يتوتر وجود البنآت معه وبالليل ..

صآر يحآول يطلع السيآره .. مأقدر .. يتلفت يدور جوآله ..

(بقهر ضرب يد بيد ) : نسيت جوآلي .. رهف هآتي جوآلك

رهف (بخوف ) : مآجبته ..

خآلد : ضحى جوآلك معك ؟

ضحى : لآ مآجبته ..

رهف : بنآت مين اللي جآبت جوآلهآ ..

ألهآم : للآسف مآجبته ..

جوري : ثوأني أنآ جآيبه جوآلي ..

مدت جوري الجوآل لخآلد .. آخذ الجوآل وهو ينآظرهآ بالمرايآ

خآلد (بأبتسآمته) : مشكوره .. فكيتي آزمه ..

جوري (بنفس آلأبتسآمه) : ولو

لمآ آخذ خآلد الجوآل أتصل أول شي بجوآله .. يمكن يكون معه بالسيآره بس طآيح يمين ولآ يسآر ..

لمآ أتصل مآسمع صوت جوآله وتأكد أنه مو بآلسيآره ..

خآلد : جوآلي مو بالسيآره .. لو بالسيآره سمعت صوته ..

رهف : طيب مو لآزم تكلمهم من رقمك كلم من رقم جوري ..

خآلد : وهذآ اللي بيصير ..

وأتصل على العيآل عشآن يجون يطلعونهم ..

وصلو لهم العيآل وساعدوهم .. ورجعو للخيآم ..

تعشو وقعدو شوي وكل وآحد رآح ينآم ..

خآلد وهو منسدح وجوآله بيده يفكر بجوري ( من جد آخذت عقلي .. معقوله حبيتهآ؟؟ بصرآحه البنت تنحب .. كل شي فيهآ روعه )

بعدهآ فتح جوآله وشآف رقمهآ لآنه أتصل منه على جوآله ..

ينآظر برقمهآ ويبتسم .. حفظ الرقم عنده .. ومع التعب نآم بدون مآيحس بنفسه ..

"يوم الجمعــــــه"

صحو بدري مثل كل مره .. وفطرو ..

طلعت رهف تغسل .. بالوقت اللي كآن فيه مشآري عند المويه .. شآفته وآرتبكت وقررت ترجع لين يخلص .. وهي رآجعه نآدآهآ ..

مشآري : رهف ..

رهف (لفت بحيآ) : سم

مشآري (بأبتسآمه) : ليش رجعتي ؟

رهف : عآدي خذ رآحتك .. برجع بعد شوي ..

مشآري : لآ لآ تعآلي أنآ خلصت ..

رهف مآتدري وش تقول مره مستحيه وماتتحمل تكون هي ومشآري بمكآن وآحد لوحدهم ..

مشآري يفكر يكلمهآ يقولهآ اللي بقلبه لآنه مآيضمن يشوفهآ مره ثآنيه خصوصآ أنه مآشي بعد أسبوع بوقت مآتكون رهف مشغوله بأختبآرآتهآ ..

مشآري (آخذ عزم وقآل بصوت هآدي) : رهف ممكن كلمتين قبل أمشي ؟

رهف : أكيد .. تفضل ..

مشآري ( بكل جرآءه ) : بصرآحه مآكنت متخيل أن خآلتي عندهآ بنت كذآ مثلك ..

رهف مستغربه من جرآئته ولآ ردت ولآ بكلمه تبي بس ترجع ..

مشآري : عآرف آحرجتك .. بس هذآ الجد .. وأنآ آسف لو كلآمي ضآيقك ..

رهف تتكلم بينهآ وبين نفسهآ ( آه يآمشآري لو تدري كآن بنفسي أقولك هآلكلآم قبل تقوله ..

كآن نفسي آكون بجرآئتك وآرد عليك وأقول اللي بقلبي بس مآ أقدر مآ أقدر ..)

مشآري : يلآ عن آذنك .

رهف مآزآلت وآقفه بصدمتهآ .. أنتبهت أنه مشى ورآحت تغسل ورجعت ..

"عند البنآت"

ألهآم : وش فيك تأخرتي؟

رهف : --------

جوري : رهيف وش فييك ؟

رهف : -------------

ألهآم (ضربت يد رهف) : اللي مآخذ عقلك ..

رهف (حست عليهم) : هلآ هلآ

ألهآم : وش اللي هلآ لنآ سآعه نكلمك ..

رهف : سوري بس مآكنت معكم .. وش كنتو تقولون ؟

ألهآم : وش فيك ؟ رحتي تغسلين رجعتي مختبصه ..

رهف ( بفهآوه) : هآه

جوري (بصوت عالي) : رهيييف تكلمي وش فييك ؟

رهف : مشآري

ألهآم : مشآري أخوي ؟

جوري : وش فيه مشآري ؟

رهف (وهي سرحأنه) : كآن عند المويه ولما جيت آرجع نآدأني وقآل لي كلآم مآفهمته ..

ألهآم (بفضول) : وش قآلك ؟

رهف : قآل مآكنت متخيل أن خآلتي عندهآ بنت مثلك !!

ألهآم (مآتت من الضحك ) : يآحليلك يآمشآري ..

جوري : يآعيني يآعيني

رهف (بعصبيه مصطنعه ) : وجع .. ليش دآيم تفكيركم غبي مثلكم

ألهآم : غبي؟ أي غبي؟ وآضحه مثل عين الشمس ..

جوري ( تصفر) : الولد حبك

رهف ( بحيآء) : آقووول الشرهه علي قآعده معكم ( وقآمت )

( البنآت بهآلوقت تسدحو من الضحك )

قضو بآقي اليوم مثل اللي قبله .. ونآسه وآجوآء ولآ آروع ..

مرت آيأم المخيم سريعه .. عآشوهآ لحظه بلحظه .. آخذو مآيكفيهم لفترة آلأختبآرآت ..

وآلأهل حسو بالرضآ التأم من نآحية نفسية أولآدهم ..

ومشآري اللي كآن رآح يسآفر بعد آيأم معدوده من هآلآيأم ضحك وأنبسط مع آهله وآصدقآئه ..

آخذ آكسجين بس مآأتوقع بيكفيه لسنه قدآم ..

بـ هذي الرحله أختلطت مشآعرهم ببعض .. بس مآكآن فيه مجآل للتعبير ..

.

.

.

.

[ البآرت التآســـــع ]

"يوم السبــــــــــت"

بدأ التخطيط والتأشر والجد وآلأجتهآد ..

"في بيت ألهآم"

ألهآم لف وتدور وترقى فوق وتنزل تحت وتحوس ومآخلت مكآن مآدخلت فيه !! (تدور ملزمتهآ)

أخر شي تذكرت أنهآ عطتهآ وحده من البنآت ومآرجعتهآ لهآ ..

ألهآم (بفقدأن أمل) : يآللله ذكرت .. أنآ عطيت عبير الملزمه وللحين مآرجعتهآ (وصآرت تفكر وتفكر وش ممكن تسوي) مآفيه مجآل آتأخر بالمذآكره أكثر من كذآ ..

رآحت بسرعه وأتصلت على رهف .. رهف بهآلوقت حآطه جوآلهآ ع السآيلنت ومشغوله مع الكتب والمذآكره ..

ألهآم (جلست محتآره) : وش هآلوهقه .. وش آسوي الحين .. !!

دخلت عليهآ أمهآ وهي تكلم نفسهآ .. خآفت عليهآ ..

أم ألهآم (بدهشه) : ألهآم وش فيك حبيبتي ؟ كل هذآ من تأثير الأختبآرآت ..

ألهآم (بسرعه) : مآمآ ملزمتي عند وحده من البنآت .. ومآفيه مجآل آتأخر أكثر من كذآ بالمذآكره ..

أم ألهآم : آلله يهديك وأنتي ليش مآ أنتبهتي لآ أغرآضك آللي عطيتيهآ البنآت .. وش يمديك الحين تسوين !!!

ألهآم (بتوتر) : مآمآ لآتزيديني ..

أم ألهآم : طيب أهدي أنتي الحين ..

ألهآم : وش آسوي !!

أم ألهآم (وهي تدور حلول) : خذيهآ من رهف ..

ألهآم (بسرعه) : رهف من اليوم مآترد ..

أم ألهآم : طيب جوري مآهي معكم بنفس السنه والقسم ؟

ألهآم : جبتيهآ مآفيه آلآ جوجو

ورآحت بسرعه لجوآلهآ .. وأتصلت بجوري .. بس حتى جوري مآترد ..

شآفت مآفيه آلآ أنهآ تتصل على تيلفون البيت ..

كآن فآرس جآلس مع رذآذ اللي كآنت تتآبع آفلآم كرتون بحمآس ..

أتصلت ألهآم على البيت ..

ألهآم : آلو .. السلآم عليكم ..

فآرس : وعليكم السلآم ..

ألهآم : ممكن أكلم جوري ؟

فآرس (وكآنه عرف الصوت) : مين أقولهآ ؟

ألهآم : قولهآ ألهآم الله لآيهينك ..

فآرس (مبسوط) : هلآ والله ألهآم كيفك ؟ وكيف المذآكره ؟

ألهآم (بحيآء) : الحمدلله كل شي تمآم .. أنت كيفك ؟

فآرس : بخير الحمدلله .. أمممم ثوأني أنآدي لك جوري ..

حط فآرس السمآعه .. وغآب بكل هدؤء ..

رآح لجوري ينآديهآ لقآهآ مشغوله ..

جوري : قل لهآ رآح أتصل عليهآ بعد مآ أخلص على طول ..

فآرس : أوكي أنآ رآيح أقولهآ بس لآتتأخرين ..

بهآلوقت جآت رذآذ .. أخذت السمآعه ..

رذآذ (بكل برآءه) : ألو مين؟

ألهآم : آهلين ذوذو

رذآذ : مآآآآآأمآآآآآآ

ألهآم (تضحك) : لآ أنآ أخت عبوود

رذآذ ( تصرخ متحمسه) : وينه عبودي

ألهآم : شوي يجي .. وين فآرس بالبيت؟

رذآذ : فآرس رآح فوق

ألهآم كآنت تبي تتأكد مين اللي رد عليهآ ..

بالوقت اللي كآنت تتكلم فيه رذآذ كآن فآرس نآزل وسمعهآ لمآ قآلت فآرس فوق .. عرف أن ألهآم تسأل عنه ..

رذآذ (بسرعه) : جآء فآرس ( ورمت السمآعه ورآحت بسرعه تكمل متآبعتهآ )

رجع فآرس مبتسم وهو ينآظر رذآذ آللي رآحت تركض لمكآنهآ ..

فآرس (بنفس آلأبتسآمه) : آلو

ألهآم : أيوه

فآرس : معليش جوري مشغوله .. شويآت وترجع تتصل فيك ..

ألهآم (بربكه) : أوكي مشكور .. بآي .

فآرس ( مآزآل يبتسم) : بآي .

ألهآم نست الملزمه واللي آخذت الملزمه ونست آلمذآكره والأختبآرآت وكل شي ..

مآكآن في بآلهآ آلآ فآرس وصوته اللي عزلهآ عن العآلم ..

فآرس آللي ماتحرك من مكآنه .. حب ألهآم وصوتهآ وطريقة كلآمهآ ..

والشي اللي خلآه يفكر أكثر سؤآلهآ عنه ..

كآن يقول في بآله (يآترى سؤآلهآ مقصود ؟؟ ولآ أنآ مآفهمت رد رذآذ زين ؟؟ جيت في بآل ألهآم ؟ ولآ مآدرت عني؟ )

قطع عليه آفكآره صوت ركض جوري آللي جآيه مسرعه من الدرج ..

جوري (بسرعه) : هآه قفلت ؟

فآرس : شوي شوي لآتطيحين وتنكسرين علينآ ..

جوري (بقلة صبر) : وخر مآني فآضيه لك يمكن عندهآ شي مهم ولآ آلأسئله تسربت ( وبسرعه آخذت السمآعه وأتصلت على ألهآم)

جوري : هلآ ألهآم

ألهآم : وينك أنتي؟

جوري : وش فيك؟ كنت مشغوله مع الشغآله تدرين توهآ جآيتنآ مآتعرف شي ..

ألهآم : هذي أخرتهآ ؟ والمذآكره ؟

جوري : وش دعوى بتعطلني ..

ألهآم : لآ وأنآ متصله عليك على بآلي فآلحه ..

جوري : ليش فيه شي صآعب عليك ؟

ألهآم : يآليته على كذآ .. على آلآقل آكون فآتحه الكتاب وقآريته .. أنآ لسى مآبديت ..

جوري : تستهبلين؟

ألهآم : آتكلم جد .. شآيفه الوقت منآسب للآستهبآل ..!!

جوري : ليش مآبديتي ؟

ألهآم : ملزمتي مع عبير .. ومآيمديني أجيبهآ ..

جوري : طيب وش رآيك تجين عندي نذآكر سوآ وأنتي طآلعه تصورين حقتي ..

ألهآم : فكرتك حلوه .. بس خليني آشوف رهف .. وآستأذن من أمي ..

جوري : أوكي بأنتظآركم ..

ألهآم : أوكي بآي .

جوري : بآي .

لفت جوري بعد مآقفلت على أخوهآ اللي كآن لسى وآقف ويسمع كلآمهآ ..

جوري : يآهوووه وين سآرح ..!

فآرس (بأنزعآج) : وآلله يآ أنتي مزعجه بششكل يآلطططيف (ومشى)

جوري (مستغربه) : وش فيه هذآ بعد ؟

طلعت ترتب غرفتهآ اللي كآنت حوسه وكلهآ آورآق وكتب (آستعدآد لآستقبال البنآت عندهآ)

بعدهآ رآحت لـ أمهآ تعطيهآ خبر أنهم جآيين ..

ألهآم بهآلوقت أتصلت برهف وبرضو مآترد .. آضطرت تروح لحآلهآ ..

حطت خبر عند أمهآ ..

وصلت بيت جوري .. أول مآدخلت قعدتهآ الشغآله بالصآله ..

بعدهآ نزلت جوري وسلمت عليهآ وأطلعتهآ معهآ فوق ..

سولفو شوي .. و بدو بالمذآكره ..

ورقه طآيره وورقه طآيحه وورقه عليهآ شآي < من الحمآس

وكتآب طآيح تحت الطأوله .. وكتآب مفتوح ع الفهرس .. وكتآب مكتوب عليه بالخط العريض (يآرب وفقني) < آيأم الثآنوي

جوري : جعت

ألهآم : تصدقين آيأم الأختبآرآت نأكل مأنحس ..

جوري : لآ لآ أنآ آكل بشرآهه ومآ أحس أني آكلت ..

ألهآم ( تضحك ) : على نهآية آلأختبآرآت مآرآح تطلعين مع البآب ..

جوري (بغرور) : لآ مهمآ أكل مآ يزيد وزني ..

ألهآم (بأستهزآء) : آرفقي علينآ ..

جوري (تضحك) : وش جآي على بآلك تأكلين؟

ألهآم : أمممم أي شي ..

جوري : طيب وش حآبه تشربين ..

ألهآم : هآتي شآي ..

جوري : تكرم عينك (وطلعت)

رجعت ألهآم نزلت رآسهآ على آلملزمه وتقرأ بصوت وآطي .. وتحآول تحفظ ..

فآرس كآن دآخل غرفة جوري ومآكآن عآرف أن ألهآم فيهآ .. حآط الفوطه على رآسه وينشف شعره وهو منزل رآسه ..

فآرس : جوجو وين آلأستشــو ( رفع رآسه )

بهآلوقت رفعت ألهآم رآسهآ وآلتقت عيونهم ..

فآرس طآرت عيونه بجمآلهآ .. مآكآن متخيل أنهآ بهآلحلآ ..

(كآنت لآبسه جنز مآسك على جسمهآ .. وتيشيرت فوشيآ بـ أسود ..

شعرهآ رآفعته على فوق بأهمآل وشآبكته بقلم .. وخصله طويله طآيحه على وجههآ )

ألهآم كآنت تنآظر شكله وكيف كآن جنأن .. شعره خصلآت مبلله طآيحه على عيونه .. عيونه آلخضرآ مآخلت فيهآ عقل ..

مآكآنت عارفه وش تسوي هو اللي دآخل عليهآ يعني مآيمديهآ ترجع آو تطلع آو تسوي آي شي .. وآلآخ طول وهو وآقف ..

فآرس (حس بنفسه وآرتبك وحآب يتدآرك الموقف) : آسف .. كنت أبي جوري آسف مره ثآنيه (وطلع)

ألهآم قلبهآ زآدت دقآته وأنفآسهآ سريعه .. ووجههآ آحمر .. وقفت ورجعت تقعد ..

فآرس وهو طآلع قآبل جوري ..

فآرس : وينك أنتي؟

جوري (بخوف) : ألهآم عندي لآيكون رحت الغرفه !!

فآرس : آحلفي ؟ وأنآ وش عرفني أنهآ عندك ..

جوري (بعصبيه) : يآلله عليك .. وش كنت تبي؟

فآرس (ببرود) : آلأستشوآر .. بجفف شعري

جوري : طيب ثوأني وأجيبه لك ..

رآحت من عنده وهي تطآلع فيه بقهر ..

فآرس يقول بنفسه ( يآحظك يآجوري مقآبله هآلقمر وتدرسين معهآ )

دخلت جوري على ألهآم .. وهي تنآظر فيهآ تنتظر ردة فعلهآ .. ألهآم كآنت سرحأنه مآحست فيهآ ..

آخذت آلأستشوآر وعطته فآرس ورجعت مره ثآنيه وأنتبهت لهآ ألهآم ..

جوري : عآرفه لآتقولين شي .. ترآ مآكآن يدري ..

ألهآم (تمثل العصبيه) : بصرآحه حركه غبيه منك .. ليش مآحطيتي عنده خبر ..

جوري (بأستهبآل) : من زينك عآد ..

ألهآم (بدلع) : مسكينه .. مآرآح أرد عليك ..

كملو مذآكره .. بس ألهآم مو على بعضهآ .. توقف وتقعد وتتمشى بالغرفه وتقعد فوق الطأوله تقوم وتقعد ع الآرض ..

جوري : سلآمآت ؟ تعأنين من شي؟

ألهآم : مآني قآدره آحفظ ..

جوري : عآرفه ليش .. أنآ آسفه .. من جد رآح عن بآلي ..

ألهآم : أيش آللي رآح عن بآلك ؟

جوري : أني آعلم فآرس ..

ألهآم ( مشت وقعدت جنبهآ وتتكلم بأهتمآم ) : تصدقين جوجو آحس بأحساس غريب تجآه أخوك ..

جوري : كيف؟

ألهآم : عيونه تحكي معي .. بس مآني فآهمه ..

جوري : آلله آلله ..

ألهآم (بحيآء) : جووووري !!!

جوري : خير خير مآقلت شي .. (وتضحك)

ألهآم (بحزن) : مآرآح تفهميني ..

جوري : وأنآ أقول كذآ بعد ..

ألهآم (تضربهآ بالآورآق ) : ذآكري ذآكري يالفآلحه ..

رجعت ألهآم البيت ..

وصآرت تفكر بفآرس .. مأقدرت تذآكر أبد ..

يتبع ,,,,

👇👇👇

تعديل المقال