رواية ذنبي احبك موت وذنبك بالاحساس طفله -5
وهذا باارت يديد ممكن يكون قصير اسمحولي بس انا قلت ان كل يوم بنزل بنزل يعني مابي اخلف في وعدي حتى لو قصير
وبحااول اخلصهها بسرعه وان شالله تعجبكم ^^^
حـــور ..
ياحياتي ولله هاللولوة تكسر الخاطر على نياتها صج ماتعرف حركات خبث وغيره
طيبه وتعورلي قلبي حيييل مسكيينة طفللله عقلها عقل اطفال كل ماقولها شي تستغربت وتصدق
معقولة في ناس بهالزمن جذي ؟ ..
كنت بالسيارة ناطره يوسف يدخل لولو البيت ويرجع شوي وركب السسيارة وقال
: السلام يا حلو
حور بفرح ّ: وعليكم السلام
يوسف بتنهيده : ااخ يا حور ذبحني هاليعقووب ولله ذبحني ..!!
حور بهتمام : لييش شسوا بعد
يوسف بقهر : يختي مجننن هالبنت المسكينة معذبها .. البنت احس فيها حاله نفسيه
حووور تكمل : اي ولله صح يا يوسف تصدق مساع اسولف معاها ماتعرف شي
وتخااف وتردد ويوم قتلها نكون ربع ماتعرف شلون استاانست وكل ماتسوي شي
تقول اسفه مو قصدي غيره مافي ثقه بنفسهااا عديمة الثقه ومعورة قلبي حيل ..!!
يوسف باعجاب : ولله انج حنونه يا حور
حور بخجل : ادري
يوسف بنص عين : لا ولله
حور بدلع : ماقلت شي غلط ..
يوسف : العن ابو الغرور بس ..
حور بغرور : لايق علي .. !!
يوسف : خبله ..
حوور عصبت : يوووووووووووووووسف
يوووسف : حمارة ..
حووور بزعل : يسفوووووه .. !!
يوسف بهمس وصوت خفيف : مينونه
حور ماسمعت عدل : هاا
يوسف : كيكه
حووووور عصبت : يالمليييق .. !!!!!!!!!!
وظلينا على جذي يارب اتممم علينا يارب يااااااااااااااااااااااااااااااااارب اخاف اكون بحلم ..!!!
..
لــــولوة ..
ياربي ششحلاتها حوور تهبل صرت رفيجتها وناااااسه الحين اقدر اسولف وياها واشوفها
احبها حيل حبيتها اصلن اهيا طيبه وحتى يوسف ظلمته حييل طيييب وياي كلهم طيبين
الا يعقوب مايحبني ولله ان انا ماسويتله شي ولله .. :(
ياربي تسهل علي .. الحين بعد اسبوع التسجيل بالجامعات وانا بسجل شلون اكلم منو
اكلم يوسف؟ لا لا فشللة .. ماكو الا يعقوووب .. آآآآآه .. يارب تسهل علي يارب .. !
قررت قرار ان انا لازم اتحجب خلاص كبرت على ان ماتحجب مع ان محد يشوفني
كله بروحي بس لازم بعد هاذي حياة وبقول حق حور تشتريلي ملافع وحجابات ..!!
بدلت ملابسي ولبست دراعة نوووم قصيرة لفوق الركبه لونها ابيض عليها دباديب
واايد بجميع الالوان وبطلت شعري .. آآخخ احب شعري يذكرني بامي يوم كانت
تهتم فيه وتحطلي حنه وزيوووت الله يرحمج يا يمه ..!!
توني بحط راسي عالمخدة وانام والا اسمع دق عالباب ..
لوولوة : منووووو
يعقوب : انااا
يماا خفت يعقوب شيبي فيني يالللللللللللللللللللللللللللللله مالي خلق اكيد بيزفني
اخاف اقوله اني نايمه ؟ ها شلون غبيه بيعرف اني قاعدة لاحوول ياربي تسهل علي
يعقووب مرة ثانيه : لولوة بطلي الباب احسلج ماباكلج انا ..!!
لولوة بتردد : زيين
قمت من فراشي وبطلت الباب ناظرني نظرة غريبه حسيت على دمي لبسي غللط فشلة ..!
يعقوب بتنهيدة قويه : ممكن ادش الغرفه ؟
لولوة بقققت عيوني بقوة اول مرة من دخلت هالبيت بيصيرلي سنتين يقولي بدش الغرفه
غريبه .. بتردد دخلته الغرفة وظليت واقفه مكاني .. قالي يعقوب بصوت جبروتي قوي
: قعدي شفيج واقفه ..
لولوة قعدت مكاني ورفعت راسي وقتله : بغيت شي؟
يعقوب بملل: اي بغيت
لوولوة : شنوو
يعقوب بحدة : تبين تدرسين ؟
لولوة بغرابه وخوف طبعا : اكييد
يعقوب ورافع حاجب : ووين؟
لولوة : اذا ينفع طب ابي طب واذا لا هندسة .. !!
يعقوب بعد فترة طويلة من السكوت قال : شوفي ياا بنت الناس انا بطلب منج طلب
نبي نعقد بيني وبينج اتفاق مانبي هواش ولا شي انا بتعامل معااج زين وانتي لاتخافين مني
ولا شي .. انا بساافر برا اتعالج هذا اخر قرار قررته وباخذج وياي ماقدر اخليج اهني
راح اسجلت بالجامعه والدوام راح يبدا شهر 10 اكيد واحنا الحين شهر 6 تروحين معاي
وتقعدين اهناك خلصت العلاج قبل الدوامات رجعنا ماخلصت ترجعين بروحج وبيكون احد وياج
بس مابي العلاقه تكون بيني وبينج جذي اعتبرييني اخو لج صديق ابو اي شي ..
لان لان ( بتردد ) انا بعد ماتعالج بطلقج .. !!!!!!!!!!!!!!!!!!!!!!
لاااااااا يطلقني لا قلبي قام يطق بقوووة بقووة
خفت حسيت ان يعقوب يسمعني ناظرته له بسرعه اشوف فيه ردة فعل ممكن يكون سمع
نبضات قلبي؟ .. بس ماكو شي جمااد
وين اروح اذا طلقني وين .. ؟ صحيح انا دايم اقول وودي اطلق منه بس انا اكون مقهورة
انا مالي احد الا يعقوب انا مابي اعيش بمكان ثاني ابي معه يعقوب اخاف بروحي ..
لولوة بحزن وونبرة بكي : ووين اروح انا اذا طلقتني؟
يعقووب بصدمة وعينه قويه علي قال : ماتبين اطلقج؟
لولوة تبجي : اااننـ ـ ـ ت ماتبيني وانا ماقدر اجبرك على العيشه وياي بس انا يا يعقوب
مالي حد ماعندي احد اروح له انا اخاف ماعرف الا انت وامي وابوي ماااتوو .. !!
يعقوب بحدة وقسوة : بس انا مو متحمل او متكفل فيج يا لولوة .. انا تزوجتج عشان ابوي
وابوج المريض وبس . !!
وبس ..!!
وبس ..!!!
تركني ورااح بيطلقني لمن يعالج بيخليني .. ااخخخ ..
نمت وانا حزينه كل ليلة انام فيها وانا حزينة لازم اشوفلي شغل عشان اجمع فلوس
لازم اسويلي شي لااازم .. خلاص يعقوب تحملني بما فيه الكفايه وانا لازم اعتمد على نفسي ..!!
يالله انزلت دمعتي انا شنوو اقووول كلامي مو معقول .. !
صغيرة عمري ماصار 17 سنة وماعندي الا شهادة الثانويه شنو اسوي اخ ياربي سهل علي .!!
حســـن ..
احس بتأنيب الضمير باني كنت مو معا امل كاني بالي وعقلي بمكان بعيد عند وحدة ثانيه
عند شــوق .. !!
حرام امل مالها ذنب .. انا حبيتهاا وبالفعل ابي ارجع لها لان امل غير عن شوق .. !!
شــوق .. !!
اخ يا شوق .. شوق حبي الاول حب المراهقه والشباب حبي الي كاان المفروض يكون
حب ابدي .. !! مافي شي يفرقه بس شوووق انا ظلمتهاا ظلمتهاا وقلت ان ماتبيني
وخلتني .. !!
لكن طلع العكس للحين الفكرة ابالي شوق انغصبت عالزواج وكانت تحبني واختفت عشاني .. !
والحين ترملت واهيا ماكملت 27 سنة .. !! وعندها ولد واسمه حسن .. !!
ولدها اسمه على اسمي .. دليل حبها لي وان ابدا مافكرت تخوني .. ااخ ياشوق
ليش طلعتيلي ليييييييييييييييييييييييييييييييييييش انا حبيت امــل .. !!
ياربي سهل الحين احس اني بحالة غريبه .. مشتت الافكار .. !!
..
بعد مرور اسبوع .. !
امـــــل ..
كنت اطالع الساعه اليديدة يا حلاتهاا تهببلل فديته حساااني يابها لي هدية ولله اني احبه
وعمري مااكرهته بس زعلت منه صج كرامتي انهانت صج لكن ولله احبه ولله ان طيب
الحمدلله جمعني فييه مثل ماكنت اتمنى .. !!
يا حلاته يننننننننننننننننننننننننننننننننننننننن ولله ان حييل حلووو البطه.. بس مضايقه
احس في شي شاغل بالله ان شالله يكوون خيير .. !!
ايي نسيت اقووولكم بعد 4 ايام ملجتنا بتكوون .. :$ واااي مستحيه خخخخخخخ
احس اني بتزوج اول مرة .. !!
واهوا صج جذي اانا ماحسيت بطعم الزواج الصجي مع حسن اول مرة وان شالله بحس فيه
مرة ثااانيه .. !!
مسكت تلفوني واتصلت رنه رنتيين ورد علي احلى صوت
امـل بحب : السلاااااااااااااااااااااااااام يا احلى حسوون بالدنيا . .!!
حســن بحب وابتسامه : وعليكم السلام يا روح حسون وحياته وقلبه وعمره .. !!
امل خجللللت حييل : حياتي حسون شلوونك ؟
حســن : بخير الحمدلله شخبارج نتي قلبي؟
امـــل بفرح : دام انت بخير اناا غصبن عني بخير .. خخخ
حســن : وشخباار الاهل
امـــل : ولله تماام .. !!
حــســن : هاا بعد 4 ايام بي واخذج على طول
امل : من وين؟
حســن بهبال: يعني من وين بالله ها؟
امل بغباء : شحقى تاخذين بنطلع؟
حســن : ايي
امل : ويين
حســن : بيتنا
امــل بخجل : اي بيت؟
حســن : بيتي انا وزوجتي
امـل : ايي زوجه :@:@ هااا
حســن : زوجتي اليديدة انا تزوجت .. !!
امـــل : يالخايين باي
حسـن : هههههههههههههههه مالت عليييج ولله انج غبيه ...
وقعدنا نسووولف وطولنا بالسوالف اليوم لا لا النفسية عال العال الحمدلله ياربي تخليه وتفرحه ..
ـــور ..
للحين ابجي ولا قادرة اصدق الي صار الخاين الحقير الجذاب النصاب انا حبيته
حبيته واهوا نصااااب .. دايم كنت اقول ليش هالتغير المفاجا وليش صار طيب معاي
اثااااري يلعب عليي الخااااااااااااااااايييييييييييييييييييييييييييييي يييييين اكرهك ..!!!!
سمعت صوته واهوا يقرب مني : حووور حرام عليج ولله ان مالي شغل ..!!
حوور تبجي : وخر عننييي اكرهك انت جذااب جذبت علييي وخنتني ليش يا يوسف
ليييش انا انـ ـ ا حبـ ـيتك حرام عليييك انا استانست لما صرت وياي غير واخر كل هذا
تخوني يا يوسف تخووووووووووني .. !!
ليش ماقتلي انك ماتبيني وماتبي قربي جاان ابتعد وخليتك ولاا صار الي صار بيني وبينك ..!!
يــوسف بصرااخ : حراااااااااااام علييج يا حووور انتي مو فاهمه شي مو فااهمه ولله مو فاهمه ..!!
وكل شي راح يبين ( وقرب مني بتهديد ) وشيلي من بالج سالفة انج بتروحين او اطلقج
فهمتي او لألألأ ..!!
تركني ورااااح مو قادرة اصدق مو قادرة بس احس ان صااج بكلامه .. ياربي !!
رديت ابجي مثل اول .. !!
..
يــوسف ..
وقفت بقهر بالصاله وانا ادور يالله كل شي صار عكس مابيه صحيح اني انتقمت وسويت الي براسي
بس حوور ماصدقتني وافهمت غللط وللله اني حبيتها ولله وتعلقت فيها وصارت غاليه بقلبي
لكن افهمت ان الي بيني وبين نووور علاقه وحب ..
اي صح تبون تعرفون شصار .. قبل تقريبا اسبوع .. !!
كنت واقف بالحديقه واتكلم ..
... : يا قلبي خلاص انا الحين يايلج لا تخافين ... اي دقي على جاسم .. ها؟ .. اها اوكي
... لا لاتقوليله شي اوووكي .. يا فديتج اكييد احبج .. !!
اسمعتني حووور ..
التفت وراي واشوفها كان بيدهاا صحن طاح منها وانحاشت تركض وانا مصدووم
ركضت وراها بقوة وانا اقولل حوووووووووووووووووووووووووووووور حوور
حووووووووور صبر صبر ..
حاولت افهمها لكن لا جدوى حاولت وحاولت بس ماسمعتني حوور عقلها عقل صغار
تنهدت بقوة وانا اتذكر الموقف .. صحيح فرحت حييل وحسيت بطعم الانتصار
لكن .. !! الي سويته صح او غلط .. !!
..
نــــــــــور .. !!
انا اانا تسوي فيني جذي يا يووووسف اناااااااااااااااااااااا ااخ يالقهر اخخ يالقهر
مت مت قهر حسيت بقهر وحقد من يوسف انا يخرب علي كل شي الحين
جاسم طلقني وخلاني عقب ماعرف ان لي علاقه بيوسف وطبعا جاسم يوم شاف يوسف
انصدم وماعرفت ليش انا ..؟ بس بعرف .. !!
لكن انا اعلمك يا يوسف انا اوريك انا منو ان ماخربت عليك عيشتك ماطلع انا نور
تلعب علي وتتقص علي واخر شي تقطيني مثل الجلـــب .. !!
مسكت تلفوني ودقيت على فرح
نور : هلا فرح
فرح : هلا نور
نور : فررح ابيج بموضوع ضروري ضروري .. !!
فرح امريني شبغيتي؟
نور: تعالي وانا اقولج شنو ابي .. !! صكرت من فرح وانا على ويهي ابتسامة والله لعلمك يا يوسف
واوريك انت شنوو انا تسوي فيني جذي عبالك انا سهله انا يا ما وياما دمرت ناس ماوقفت عليك انت .. !
...
لولوة ..
ابتسمت بويه يعقوب الي فرحني بهالخبر وقتله بكل امتنان وشكر : مشكور يايعقوب
لله يخليك ويطول بعمرك ..
يعقوب بجمود : العفو ماسوينا شي ... مبروك
لولوة بفرح : يبارك بعمرك ولله اني مستااانسه حييييييييييييل وناااااااااسه يعقوب
وناااسه راح ادش الجاامعه لللللللله .. ( دمعت عيوني ) ماتخيلت بيوم من الايام بصير جذي
يعقوب بهدوء : ولييش ماتوقعتي انتي شناقصج .. ؟
لولوة بحزن : يعني حالتي كاانت صعبه وفقيرة انا كنت على قد حالي كان كل همي ان
اشتغل وااساعد امي وابوي .. حالتنا صعبه وانت ادرى ( قعدت امشي بالغرفه ) انا انـ ـا
ماااكنت مثل باجي الاطفال عمري ماشريت لعبه او حلاوة او اشتهيت اروح الملاهي ورحت
كنت اصبر واحط بقلبي وماقول حق احد كان ابوي دايم يبجي واسمع يقولي لامي وانا صغيرة
انا اتعذب بشوفج لولوة جذي .. انا ماكنت اعرف شيقصد وكل ماكبرت كنت افهم اكثر ..
( خنقتني العبرة ) .. وسكت
قال يعقوب : وانتي شنو كنتي تشتغلين ؟
لولوة بألم : اخيـ ـ ط وواوصل طـ ـلبات حق اهل فريجنا والبيوت القريبه مني .. ووكنت
ابيـ ـع اغـ ـراض مستعملة .. !!!!!!!
يعقـــــوب بكل صدمه : تبيعين اغرااض ؟؟ شلوون ؟ وين قاعدين احنا .. !!
لولوة تبلع ريقها وخنقتها العبرة قالت : بلى يصير كنت ابيع بسوق الجمعه ( سوق عندنا
يبعون فيه الاغراض المستعمله وغيره من هالسوالف ) .. !!!
يعقــــوب بصدمة اكبر : لاااااااااااا مستحيـــل .. !!!!!
..
يـــوسف ..
افف وبعدين وياج يا حوور بطلي الباب ..
كنت اكلم حور من ورى الباب واقولها بطلي مو راضيه تفهمني ولا شي كرهت هالشي
حييل حسيت بفرق بين وجودها والحين يوم اختفت .. يالله ولله اني مو قادر
لازم تفهمني واهيا مو راضيه انا راح اوضح لها كل شي بس تصبر علي .. !!!
تركت البيت كله وطلعت بكل قهر ورحت بيت يعقوب اخوي دخلت داخل وسئلت الخدامه
قتلها وين بابا يعقوب قالت بغرفته .. صعدت يالله البيت شكبره هاذذا وشكله غثيث ويضيق الخلق
الالوان غامجه وهادي ومافي حياااة ولا احد يقعد .. يعقوب بغرفته من صار الي صار
ولولوة بغرفتها بعد . .!! وهالخدم ولله مرتاحين ماكو عندهم شغل .. للله يهديك يا يعقوب
ياخوي ويشفيك .. !!!
دخلت الغرفه وشفت يعقوب كعاادته رافع راسه ويطالع من الدريشه قلت : السلام عليكم
يعقوب بنفس : وعليكم السلام هلا يوسف ..
يوسف ااففف منه داايم منفس حضرته بس نتحمل : هلا هلا شلوونك ..؟
يعقوب بملل : اشايف ..
يوسف استغفرلله : لي متى يعني يا يعقوب شهالنفس شصاير لك .
يعقوب بحدة : ولا شي .. !!
يوسف بتاففف : بلى فييه ..
يعقوب بعصبيه : ياخي غصب فيه قتلك مافي شي شتبي الحين خلصني ؟
يوسف رفع حاجبه : احترمني عالاقل انا اخوك ويايلك بشوفك شخبارك وانت جذي ..
يعقوب سكت : ... اوكيي
يوسف : هاا يعقوب شسويت على السفر ؟
يعقوب بهدوء : شسويت بعد بساااافر ( وناظرني وبسخريه ) وادري روحتي مامنها فايدة
بس بحاول اروح ..
يوسف بابتسامه : بلى منها فايدة منها انك ترد يعقوب الاولي يعقوب الحبوب الطيب
الي يحب كل الناااس والمرح الكوميدي .. !!!
يعقوب بصراخ : يعقوب الاولي مااااااااااااااااااااااااااااات . !!!!! ماات وانتهى
انتهى من عقب ماااا خلتني نووور انتهى من عقب ماااصرت معاق انتهى من عقب
من عقـ ـ ب ( بألم ) تزوجت لولوة هالطفله .. !!!
يوسف : استغفرلله العلي العظيييم .. !! استغفرلله يالله رحمتك فينا .. !!!
..
لولوة ..
كانت الابتسامه على ويهي وانا رحت بشوف يوسف واسلم عليه واسئله على حور
استانست يوم دريت ان وصل .. يحليله ولله ن خوش واحد دايم احس بالذنب
لمن كنت ادعي عليه واظلمه .. المهم رحت صوب غرفة يعقوب عشان اذا طلع اكلمه
لكن انصدمت بالي اسمعه .. !!!
يعقوب يكرهني .. :( .. اخخخ ويقول حق يوسف اني غثيثه عليه وعله واني
فرقته عن حبيبته واني انا السبـب في اعاقته ..
لا لا مو صج شلون انا السبب في اعاقته .. انا ماعرف مالي شغل بشي حرام علييه
حرام عليه كل ماقول ان يعقوب طيب وحبوب يزيد حقد وقسوة .. ااخ مسكت راسي
انا صغيرة على هالعيشه يا دنيا صغيرة على هالعذاب ..
بس ماقدر اسوي شي حياتي بيده بيد يعقوب وانا لازم اتحمل واصبر.. !!
فجأه رفعت راسي عقب ماسمعت صوت .. : اوووه لولوة اهني هلا هلا ولله
لولوة بنظرة ألم : هلا يوسف هلا فيك .. !!
يوسف بمزح: وشلونك يالبطة .. !!
لولوة بزعل : انا مو بطه ..
يوسف يقهرها : بلللللللللىىىى بطه ..
لولوة ودها تبجي : حرام علييييك اصلن حتى حور بطه
يوسف : ههههههههههههههههههههههههههههههههههههه شفيج زعلتي
اصلن شكلج حلوو عيل تبين تكونين عصله وييععع خلج جذي مربربه شحلوج ..
غمزلي وراح ابتسمت بألم ااه يوسف مو مثل اول يا يحليله ياليته اخووي .. !!
انزلت مني دمعه مسحتها بخفه وقمت من مكاني بروح غرفتي بس سمعت الصوت
الي يامه ويامه قهرني .. !
يعقوب بعصبيه : انا جم مرة اقولج اذا في احد زارني لا اطلعين من غرفتج هااا؟
لولوة بخوف : بـ ـ ـس هــ ـ اذا يـ ـو سف عادي
يعقوب بصراخ : لا مو عاددييي ترى انتي تفشليني جذييي وبعدين شعرج مايتبطل
جمعييه او ربطيه اي شي سوي فيه ولا تلبسين قصير .. صج ياااهل ..
لولوة تبجي : حراام علييك انا شسويت لك تكرهني جذي ماااحبك انا
يعقوب بقهر منها : وشدعوى انا الميت علييج يالله ذلفي عن ويهي طلعي وخري لا اسوي شي
تندمين عليه ولله يالله برا .. !!!
...
شـــــوق ..
ناظرت نفسي بالمنظرة واطلقت بوسه بالهوى حقي يا حلاتي ولله اهبل ...
سمعت صوووت ولدي حسن يبجي : ماما ماماااااااااااااااااا ابييي حلاوووو
شوق بابتسامه : يا روح ماما زين حياااتووووووو .. !!
حسيت بألم بيني وبين نفسي على هاليتيم ياا حياتي ولله فقد ابوه واهوا ماشافه .. !!
بس ولله يا حسن يا ولدي لخليك ماتحس بفقدان الابو .. واذا ابوك ماات انا بيبلك ابو ..
بكل حقد وقسوة نااظرت للفراغ وانا في قرارة نفسي اتخذت اول خطوة ارجع فيها حسن
حسن الي كان يموووت علييي وانا بعد وبنشوف بالنهاية منو بيفوز انا او انتي يا أمل . !!
..
نــــور ..
صكرت من فرح وانا خلااص عزمت اسوي الي براااااسي .. مهما كانت النتيجة
انا الي بفوز وانا الي بنتصر عليك يا يوسف يالحقير وبوريك في هالعيووز هههااااي
يا حبيلي لج يا فرح ولله انها طررررر .. !!
عدلت من شكلي ونزلت تحت اقعد مع ( اهلي ) وييع حدي صايرا ماطيقهم الحمدلله ان
جاسم ماقال شي عن سبب طلاقي لفضحيته اهوا بعد كلنا بالهوى سواا .. !!
..
يعـــقـــوب ..
يالله راسي صارله كمن يوم يعورني حيييل ومافاد فيه شي اكل بهالبندول وماكو فايدة
احاولت اتحمل ماكو فايدة سمعت صوت الباب وقلت بنفس وتنهيدة كبير : منوو
... : انا لـ ـ ـولـ ـ ــوة مممكن ادش
يعقوب ااففففففف: افففففففففففففففففففففففففف دشيي خلصيني
لولوة بخوف : يعقوب الخدامه تقول انك مو متغدي ولا متريق ولا ماكل شي قلت بي اشوفك
اخاف فيك شي ..
يعقوب بحدة وقهر وصوت عالي: لاتخافين بعدني مامت ولا ابي منج او من غيرج شي
ذلفي طلعي براا .. !!
لولوة بهدوء وثبات ولاول مرة : مايصير يعقوب لازم تااكل ويهك مصفر وشكلك تعباان ..!!
يعقوب بصراخ : اقولج طلعي برا مابي منج شفقه ولا شي يالله لا بارك الله فيج ولا فاليوم
الي شفتج فيه ويبت انا مو ملزووم اقعدج عندي انتي بعدج يااهل وطفله شللي خلاني ايبج عندي مادري
اففففففففففففففف منجج يا كرهي لج يا لووولوة يا كرهي لللللج .. !!!!!!
لولوة بدموع وصراخ : انت ليش جذي تعاملني ليييييييييييييييييييييش ..!!
يعقوب يرفع حاجب وبعصبيه واضحه: وشلون تبيني اعاملج هااا .. اصلن حمدي ربج اني
انا ماخذج من الشارع وقعدتج في بيت ولا تحلمين في حلمم حتى قصر عمرج ماشفتيه
ودخلت احلى المدراس ومافي شي ماعندج وفوق هذااا كله ( وبكره موجه لها ) انتي السبب
في اعاااقتي وفييي تخليييي نوووور حبيبي عنييي كلللللللللللللللللللللللللله منج اكرهج يا لولوة
واتمنى موووتج تدرين ؟
عقب هالكلام الي قلته والي اكييد يخلي الطوفه اتحجى ماشفت لها اثر .. !!
مادري شللي خلاني اقول هالكلام .. بس انا مصدع حييل وتعبان وواتصال سلمان امس
لعب فيني لعب حسبي لله ونعم الوكيييل بالي كاان السبـــب .. !!
لولوة ..
لا لا مو قادرة اتنفس اصلن من البجي بس قاعدا اشاهق بقووووة اخ اانا شسويت
لي متى بتحمل لي متى .. ياربي ياربي ارحمني برحمتك ياربي خذ روحي وفكني من هالعذاب ..!!
تنفست بقوة حيييييل ماقدرت امنع نفسي عن البكااء ليش يسوي فيني جذي يعقوب ليش
انـ ـا شسويتله آآآآآء .. بس خلاص هذا اخر قرار راح اسوي ومالي شغل بعدهاا
لبست يمعت اغراضي كلها وشدعوى من كثرهم .. وو نسيت اقولكم انا الحمدلله
تحجبت ولاول مرة لبست بنطرون جينز وقميص وردي فااتح وملفع دبل فيس وردي لون القميص
والثاني بييج فاتح كان شكله حلوووو مسكت اغراضي كلهاا واخذت الابتوب وبعض الاغراض
الي عطاني اياهم وفلوس الي كل يوم اتيني من عنده وبقوة دخلت غرفة يعقوب وانا افتح الباب
لقيته نايم عالفراش ولاول مرة اشوفه بشكل جذي كااان بدوون بلوزة وشعره طاير لي ورى وشكله
حلووو قام قلبي يدق طبووووول قلت انا بصوت قوي وانا احط كل الاغراض : مشكور يا يعقوب
على كل شي سويته لي .. !!
انا طالعه وبرووووح ومابعد بتشوووف ويهي وهذيله اغراضك والفلوس الي عطيتني اياهم
كان ودي اعطيك الملابس بس انت ادرى ماعندي هدوم اطلع فيها بس لا تخاف
بردهم ان شالله برد لك كل الفلوس الي صرفتها عيل طول هالسنتين
لكن انا تحملت تحملت وايد بس بعد ماقدر اتحمل انت جرحتني واذيتني
كل يوم وانت معذبني حاولت اتقرب منك بس ماكو فايدة ماكو فايدة انت صخر
جماااد عمرك مابتحس يا يعقوووووب . مشككووور مرة ثانيه. . اتمنى لك الشفا والراحه ...!!
ناظرته بنظرة فيها خوووف وألم كأني اتمنى ان يقولي لا تروحين : مع السلامة يا يعقوب
يالي بيوم من الايام كنت اعدك ابــــوي .. !!!!!!
...
.
.
.
.
.
سمعت صووووت اصطدام او طيحه قوية التفت وراي وانا اشوف لكن .. !!
لولوة بصراخ : لااااااااااااااااااااااااااااااااااااااااااااااااا اااااااااااااااا .. !!!!!!!!!
..
حســـن ..
يالله كنت مملان من الدوام تلفوني رن رفعته اكييد اموله يا قلبي ولله فديتها
شفته لا ماكانت امل كان رقم غلط طنشت رد دق مرة ثانيه شلته
حـسن : الو
.... : احبك . !!
هاا شسالفه ؟ منو هذا
بارتباك : نعم ؟
... : اموت فيك .. !!
حســن وكأنه عرفت صاحب الصوت : منو وياي ؟
شـــوق بدلع وااضح : حياتك وقلبك وعمرك بعد منو وياك ماعرفتني قلبي؟
حــسن وقلبه يدق بقوة وبعصبيه : شوووق شسالفه شهالكلام عيب
شوووق بزعل ( كذب) : حساااااااااااااااااااااني انا تقولي عييب اانا
حســن وماسك اعصابه : اي انا ريال بتزوج بعد جم يوووم وبرد لحرمتي ومابي
اي كلام او علاقه ثانيه انتي خليتني وخلاص وتزوجتي وريلج لله يرحمه وان شالله تشوفين
وااحد احسن مني يحبج ويااخذج ويالله اخليج انا ..
صكرت بويها كانت بتقول شي بس صكرت اخخ يالقهر هاذي شفيها توه اطلعت وصارت جذي
ولله ولله ياشوق لو انج قايل لي الحقيقه قبل كل هذا جان شفتيني اموت عليج
بس ماقدر انا حبيت امل وبتزوجها ومستحيل افكر بهالشي مرة ثانيه مستحيل .. !!
حاولت اشيل شوق من بالي والتهي بشغلي بس هيهيات .. !!!!!
..
حــــور ..
آآه يا يوسف ااه صارلي فترة جم يوم ماكلمه ولا يكلمني ولا اهم يحزنون الخاين
سمعت الخدامه تقولي في وحدة تبيج عالباب استغربت مني .. امل او لولوة ؟
لا مستحيل جان دقو عليي
قتلها بملل دخليها .. شفتها ادخلت بنت اكثر ماقدر اقول عنه عااديه او اقل من عاديه
سمراا نوعا ماا طوييللله وضعيفااا حيييل ( عصله) .. المهم كاانت تبجي استغربت
قالت لي : انتي حوور
قتلها : اييي
البنت تبجي : انا فررح
حوور بغرابه : منو فرح ؟
فرح بخبث وبكاء طبعا : اأأأه يا حور انا داخله على الله ثم عليج الله يخليييج
الحقيني استريني الله يسترج دنيا واخره لله يخليييييييييييييج .. !!
انا حيل استغربت منها شفيهاا هاذي؟ . اكسرت خاطري قلت لها: امريني اختي شتبيني
شسالفتج ..؟
فرح : انا انــ ـ ـا حاامـــل حاامل من يوسف ريللللللج ريييلج كانت له علاقه وياي
كان يحبني وكنت اموووووت فيييييييه ومرة قالي تعالي براويج الشقه مالت زواجنا
رحت وياه بكل امر وطاعه ولاني امووت فيه ويوم رحت معاها صار الي صار
اغتصبني غصب علي وانتهك شرفي وعرضي .. وحملت منه انا انا شسوي قدام هلي
ولله اني راح امووووت انا ييتلللج دخييييييييييييييل ساعدني لله يرحم والديج ..
واشهقت في بكااااء كبير .. !!
صدمه لا لا مستحيل يوسف يسوي جذي
بصراخ : انتي جذااابه جذااااااااااابه
البنت : لا لا حرام عليييييك انا عندي الدليل
وراوتني تلفونهاا كله صور يوسف واهيا معااه ومسجاات ورقمه عندها استغربت من كل شي
قمت اصارخ واطردها براا وانا صارت فيني حاله هستيريه .. !!!!!!
..
يـــــــوسف ..
رديت البيت بسرعه عقب ماكلمتني الخداامه وقالت لي ان حووور ميته ؟
مت خووف شنو ميته طااح قلبي حسيت نفسي مت روحي رااحت طلعت من الشركة وانا
مادري عن شي
مشيت يمكن 200 او اكثر اقصى سرعه زيين وصلت بدون شي .. !!
ركضت وانا اصارخ ويينها وينهاااااااااااااااااااااااااا
شفتهااا ممددده بالارض هزيتها مرة مرتين وكانت اتنفس قلت لها : حووووووووور
حوووري حيااااااااتي ردييي حوووووووووووووووووووووور
حوور : ................. !!!!!!
يوسف بصراخ وخووف كبير : ردي تكفين لله يخليج يا حووور ..
قمت واتصلت عالدكتور ياه وقال ان فيها نهيار عصبي .. كله مني كله منييي
قام وعطاني بعض الادويه مع الالتزام بالهدوء والراحه .. !!!
رحت لعندها الغرفة وانا ميت خوف عليها شصار لها فهمت من هيلين اللبنانيه ان
اكو مرة يات لها كلمتها عقبها قامت تصارخ واطردها من البيت ..!!!
اخخ ليكون نـــور .. !!!!!
رحت عندنا : حووور حياتي
حــور بهدوء : اطلع برا
يوسف باصرار : حوووور
حورر : اطلع برااا يوسف
يوسف ماسك اعصابه : قلبي انتي شفيج؟
حووور : يوووووووووووووسف خلاااااااااااااص مابيك اطلع برااا خلني بروحي
وياليت لو اطلقني يكووون افضل واحسن لي ولك ... !!!!
اطلقها؟
نعمم؟
ماسمعت ولله هههااااااااااااااي ضحكتيني .. ولله حلمها حلمها اطلقها .. !!!!
خليتها على راحتها مابي اضغط عليها وطلعت .. !!
مسكت تلفوني بكل قهر ودقيت بعد فترة طويله سمعت .. صوت ريال
: الووو
يوسف احم احم : تلفون نور ؟
الرجل : لاخوي غلطااان .. !!!!
صكرته اخ يالقهر غيرت خطهااااااااااا والا يمككن لعبه يديدة بس انا اعلمج انا اوريج ماتوقعت
ان كل شي عادي عندج ااخخخخخخ .. !!!!!!
ياربي صبرني بس انا بالي طوويييل ولله المستعاان .. !!!!!
...
امـــل ...
رابع مرة ادق عليه ومايرد علي شسالفة شفييه اففف ليكون رد مثل اول؟
لا لا مستحيل حسن مو جذي انا متأكده من حبه لييي ..
تلفوني رن فزيت وياه بلهفه لكن كانت حوور ..
امـل بفرح : هلاا بحوري ..
حور تبجي : امللللللللل اممللل لحقيني لله يخلييج امل
امل بصدمه : شفييج حيااتي شفييج شصاير ؟
حوور بصراخ : خاااين اكرهه ماحبه يا امل مابي اعيش وياه .. !!!
امــل : استهدي بالله وقوليلي شفيج ؟
حور : تعالي لي
امـــل بتفكير : امممم زين عيل ساعه بالكثير ونا عندج .. !!
صكرته من حور ولبست ودقيت للمرة الاخيرة على حسن ولا في رد افففففف . !!!
وصلت لعند حور وعلى طول رحت لها لقيتها بالغرفة شكلها مبهذل شعرها منتثر حوالين
جتوفها ولبسهاا اي شي .. عيونها متفوخه من الصياح والبجي يهه شفيهاا هاذي ؟
اقتربت منها اول مااشافتني يت على طول احضنتني واهيا بس تشاهق وتبجي صراحه
عورت قللبي .. !!!!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك