رواية خليجيات في الامارات -11
الحلقه الحاديه عشر
طلعت من الكلاس بسرررررررعه وراحت صوب الكافتيريا ويلست .. وعلى طول اتصلت فيه ..
رن الموبايل الين ما رد ..
مروان : مرحبآ
روان تبتسم : مرحبتين .. صبآح الخير
مروان : صبآح النور والنوير ..
روان : شخبآرك ..؟؟
مروان : بخير الله يسلمج .. انتي اش حالج ..؟؟
روان : تمام الحمدلله
مروان : شو الصحه ..؟؟
روان تضحك : ماشي كحه هههههه
مروان : دوم يآربي .. شو ما رحتي الكليه اليوم ..؟؟
روان : امبلا أنا بالكليه ..
مروان : وين البنات عاد ماشي حشره
روان تضحك : ههههههه لو يسمعونك
مروان : خلج ساكته عاد ههههه
روان : توني استأذنت من السير وطلعت
مروان : كيف ..!
روان : قلت له راسي يعورني ههههه
مروان : ويا راسج الحين مب عشاني تودرين دراستج
روان : شسوي يوووبا تولهت عليك آننننننننه
مروان : فديت البحرينيه آنــــــــــــا هههههههههه
روان : اش دعوه ...!!
مروان : وليييييييش طلعت هالكلمه
روان تضحك : عشان أذكرك اني بحرينيه
مروان : ويآ رآسج يالدبه .. انزين شو يديدج ..؟؟
روان : ماكو بس باجر بروح لعشاء العمل اللي يتكلم عنه أبوي
مروان : آها شي طيب والله
روان : تدري مروان ...!
مروان : روحه .. عيونه
روان : تسلم لي عيونك والله
مروان : قولي ..؟؟
روان : تدري مالي خاطر اروح العشاء ..
مروان : وليييش انزين ..؟؟
روان : ما ودي والله وتدري ما أحب هالسوالف
مروان : انزين ليييش تروحين .. ما أحيدج تروحين ..!
روان : اي بس أبوي ملزم الا اروح وياهم
مروان : ليكون تلبسين فستان ولا بدله ترا عشا العمل يكون مكس ..!!
روان : أدري بلبس عبايه وبعدين أنا متى طلعت بدون العبايه والشيله
مروان : هي أباج جذا ..
روان : شخباره اخوك بعده مرقد ولا ..؟؟
مروان : لا طلع خلآص ..
روان : الحمدلله ع سلامته
مروان : الله يسلمج غلاي
روان : مرواني الحين انت مشغول وله ..؟؟
مروان : لأ مب مشغول ..
روان : اي أشوه هههههه ودي اكلمك
مروان يستعبط : متولهه عليه ..؟؟
روان بعصبيه وطفوليه : ع شووووووون عيييييل ..؟؟
مروان يضحك : خلاااص يوووبا عن ينط لج عرج بس ههههههه
روان : اي أقول بعد ..!!
مروان ببرود : وأنا مب متوله عليج
روان بصدمه : له له .. خلاص زعلانه
مروان يضحك : أنا أموت على شي اسمه روان ههههه
روان : اي أبيك جذي لا تصير مثل هذيل اللي ما يعرفون شي اسمه فن التعامل
مروان : لا أفا عليج هههه أعجبج أنا
/
.
/
بعد ما خلصت المحاضره البنات طلعو من الكلاس .. نور وأريج طلعو أول شي ووقفو يدام الباب يتريون الباجي ..
طلعن بدور وأريج .. ولحقتهم ملاك ..
شوق : مبرووووك عقبال المحاضره اليايه ههههههههه
بدور : اي والله مبروك هههههه كل يوم بنجذب على عمرنا ونبارك لأنفسنا لما تخلص السنه
نور : مو باقي شئ ع السنه بتخلص خلاص ههههه
أريج : صح ملوك وين راحت روان
ملاك تمد بوزها : يعني ما تعرفون سوالف ربيعتكم راحت تكلم مروانها
شوق : اي وأنا أقووول البنيه اش فيها .. طلعت جذي يعني ..
بدور : آخ منها والله لو اني مكانج ملاك جان سطرتها عدل
ملاك : ههههههه كثر ما تسوون مروانها يتم مروانها ههههههههه
نور : هذي روانووو انهبلت والله قامت تطوف محاضرات والسبب مروان أحد يكلمه يابنات مو زين كذا بعدين البنت بتعيد الماده ولاشي كذا
ملاك : حليله هو روحه يرمسها ويقول لها بس هي عييت تفهم ..
بدور : مالكم شغل يلا يلا نروح ناكل بموت من اليوع
اريج : يلــــه أنا بعد ههههههه
ملاك : أكبر همكم بطنكم أعوذ بالله
شوق : يما منج عاد انتي شنو ..؟؟ هههههه
ملاك : ههههه ايوع بس أقاوم عسب ما أمتن
نور : يلا بسرررعه يمكن نلقى روان بالكافتيريا ..
/
.
مايد ابتسم وهو يطالع البنيه وقال : اش حالج أختي ..؟؟
البنيه : بخير الله يسلمك أستاذ ..
مايد : شو تشربين ..؟؟
البنيه : مشكور ما تقصر ..
مايد : ما يستوي .. خلاص عصير برتقال أوكي ..؟؟
البنيه : دامك مصر .. اللي يعيبك ..
مايد رفع السماعه ودق على حمود وقال : هلا حمود ........... قول لهم ييبون اثنين عصير برتقال ....... أوكي ........
بعد ما أنهى مكالمته .. رفع راسه وطالع البنيه وقال : ما عرفتج السموحه
البنيه : لا عآدي أستاذ أنا يديده .. ويايه أقدم على وظيفه ..
مايد ببرود .. يعني مالها علاقه بسعاد .. ضاع الأمل الوحيد اللي بداخله وقال : عندج شؤون الموظفين جان تقدمين أوراقج ..
البنيه : بس قالو لي لو ترمسين الأستاذ مايد شخصيا بتتوظفين بأقرب وقت ..
مايد : أوكي .. عطيني أوراقج ويصير خير ..
البنيه عطته الفايل وقالت : وياك وصايف .. عندي دبلوم بالحسابات المصرفيه وهم عندي خبره سنه ونص بشركة .............. وعندي دورات ..
مايد وهو يطالع الأرواق .. قال وهو متعجب : حـــــلو .... كم صار لج متخرجه ..؟؟
وصايف : سنتين .. خذيت الدبلوم وناويه ع الماجستير انشالله .. بس قلت أدبر أموري أول
مايد ابتسم وهو يطالع شهايد الخبره .. وقال : شكلج شاطره بهالسوالف ..
وصايف : انشالله أكون عند حسن ظنك أستاذ
مايد ابتسم : عيل خلاص من باجر بس يرتبون أوراقج والأسبوع الياي بتبدين دوام
وصايف ابتسمت : بهالسرعه ..؟؟
مايد : جان تبين نأجل عادي ..
وصايف : لا بالعكس .. أصلا أنا محتايه هالفتره ..
مايد : أوكي خلاص عيل الأسبوع الياي
وصايف ابتسمت : مشكوور أستاذ ..
مايد : الشركه اللي كنتي فيها كم كنتي تستلمين ...؟؟
وبدا حديثهم عن الشغل والراتب .. وساعات الدوام ..... وأمور كثييييييييره تخص الشغل ..
/
.
/
دخلو البنات صوب الكافتيريا ...
ابتسمت لهم روان وقالت لـ مروان : يلا حبيبي بصكر البنات يو ..
مروان : أوكي .. ديري بالج ع روحج
روان : انشالله وانت بعد
مروان : أوكي .. بآي
روان : بآي
بدور ابتسمت : اش قاعده تسوين
روان : اللي تشوفينه ههههههههه
شوق : انتي ما تملين سؤال ..؟؟
روان مستغربه : من شو ..؟؟
شوق : اربع وعشرين ساعه تحاجينه ..!!
روان : قل أعوذ برب الفلق من عيونج
شوق : هههههههه لا تخافين عيوني مو حاره
نور : اطلبو أي شي بسررررعه لا أطيح عليكم هنا
ملاك : هههههههههه أريجوووه يلا اليوم دورج
أريج : شو تبون ..؟؟
ملاك : مثل كل يوم
أريج : أوكي هههههه
بدور : بروح مع أريج
ملاك : أوكي فكه هههههههه
روان : اش صار بأخر المحاضره ...؟؟
شوق : اش صار يعني ..!! أكيد شرح في شرح
روان : ما طولتو ..؟؟
ملاك : هي حضرتج من يلسنا وانتي أبا أطلع وأبا أطلع ذليتينا ويا هالراس ..
روان تضحك : اي شسوي تولهت على مرواني
ملاك : الله يعافينا يارب منج ومن مروانج هههههههه
روان مبوزه : لا تقولين جذي بعدين بزعل منج
ملاك تحط يدها ع حلجها : هه خلاااص بسكت بس لا تزعلين هههههه
نور : أوف جعت .. خل يجيبون الأكل بسررررعه ..
شوق : مب بطن ماشالله تنكر .. اش كثر تاكلين ..؟؟
ملاك تضحك : ورآحت فيها نووووووووور ههههههههه
نور تضحك : ما تشوف حالها .. والله انتي البطه مو أنا شوفي حالك اش كثر تاكلي ..
شوق : انزين سكتي فضحتينا ههههههههه
نور تضحك : شوفوها شوفوها .. الدبه تاكل وتاكل بس لما حنا ناكل تضحك علينا
ملاك : هي هي شطوره نور .. علميها شغلها ..
نور تبتسم : شـــوق يالبطــــــــــــــه
شوق تمد بوزها ..
تقول : محد غيرج يالبـــــــــــــــتــــــــــــــــــه
ملاك تضحك : وزعلت البنيه ..
نور تبتسم : هههههه خلاص خلاص .. هذي اريج جت خلونا ناكل وحنا ساكتين لأني ميته جوع
ملاك : كلنا ميتين جوع ههههههه
روان : أشك انكم يايين من مجاعه
بدور : لا يا شيخه هذي انتي هههههه
روان : مو أنا اللي ميته ع الأكل
نور : ياربي منكم سمو واكلو بس ..
ملاك : اي ولا تراني بقضي ع الأكل كله ههههههه
نور تطالع الكل باكل ما عدا شوق .. استغربت وقالت : شوق اكلي
شوق بزعل : مــــــــآ بـــــــــــــآكل
نور : كل ذا زعــــــــــــــــــــــل ..........؟؟
شوق ترفع حياتها : اي زعلانه ..
ملاك : خلاص بنراضيج
شوق : لأا لأا ما برضا أنا خلاص زعليــــــــــــــــــــت
بدور من ورا تصارخ : وع مووووووووولت عليج ذكرتيني بـ حمدددددآني يوم يقول زعليت ههههههههههه
شوق : حمدي ربج ذكرتج فيه ..
بدور : وه متى يكبر ويعقل هالولد
نور تبتسم : لما خالته تكبر وتعقل ههههههه
بدور : اش قصدج يالدبـــــــــــه
نور تطالع الكل ببراءه : ولا شـــــــــــــي هههههه
أريج : يلا كلو ولا تراني باكل أكلكم
روان : مجآعه ههههههههههه
شوق : اكلو أنا ما باكل وياكم
أريج تسحب السندويشه وتقول : أنا باكلها عنج لأاني جوعانه
شوق تسحبها وتقول بسرررررررعه : لأا لا منو قال باكل باكل ..
نور تضحك : شفتو هههههههههههه
شوق تناظرها بعتب : ههههههه يالدبه
نور : ما تقدر تقاوم الجــــوع .. والله انك هبله شوقاني ههههههه
ملاك : تراني باكل وان خلصت ووحده ما بدت .. باكل سندويشتها
روان : اش بلاكم ..؟؟ كلكم صايرين مجاعه هههههه
ملاك تأشر بعينها لـ نور بمعنى اباج بسالفه ..
نور : بنات عن اذنكم شويآت
بدور : اي ترا اذنج معاج ما بناخذها ههههههههههههه
نور : يا سخفك يا بدووووري ههههه
بدور : رشي علي ملح هههههههههه
نور : يلا بروح التواليت
ملاك : نور بيي وياج ترييني
نور : يلا
ملاك : شويآت بنآت
شوق : اش هاللهجه اللي كلها تخبيص ..
روان تبتسم : نازله موضة ههههههههه
ملاك تبتسم لهن وتلحق نور ..
نور تمسك يد ملاك وتقول : خير ..؟؟
ملاك : مو اهني تعالي الحمامات
نور مستغربه : اش صاير ملاكي ..؟؟
ملاك تفتح الباب وتدش .. نور تصكر الباب وتقول : ملاك حبيبتي شو فيج ..؟؟
ملاك خايفه : نواري ابي أقول لج شي .. بس محد يدري
نور : أوكي قولي يا ملاك سرك في بير
ملاك : نواري أخوي مايد متغير ..؟؟
نور مستغربه : كيف ..؟؟
ملاك : ما ادري .. فيه شي بس مب طايع يرمس
نور مستغربه : أحد مضايقه ..؟؟
ملاك : ما ادري والله بس حالته ماتسر طول النهار راقد وبليل يطلع
نور متخرعه : ليكووووووووووووون .........................
ملاك تقاطعها : لا لا مو لهالدرجه عاد مايد يخاف ربه .. شي ثاني بس ما ادري شو ..؟؟
نور : مثل ..؟؟
ملاك : والله ما أدري يا نور ولا يا على بالي شي
نور : يصير خير انشالله يلا نرجع للبنات طولنا
ملاك : نواري اباج عون تراني .. وبعدين ها يزاي أشكي لج
نور : لا ملاك لا تصيرين ماصخه وتفهمين غلط بس المكان مو مناسب أي أحد بيسمعنا
ملاك : وش السوا عاد ..؟؟
نور : بتصل فيكي ..
ملاك : ما ينفع
نور : ليييش
ملاك : شوقاني بتكون عندج وتبين الصراحه مابا أي أحد يدري غيرج ..
نور : خلاص أجل بفكر بحل وبكلمك
ملاك : أوكي أترياج نواري
نور : يلا بس نرجع للبنات طولنا
ملاك : يلا
نور : لا تفكري حبيبتي انشالله مافيه الا كل خير وشوية تعب وارهاق
ملاك : انشالله بس ما أعتقد
نور : انتي عيني خير وان شاء الله ما يكون الا خير
ملاك : الله يسمع منج نواري
نور : سرينا ؟؟؟
ملاك تبتسم : سرينا ............
/
.
/
ميره تطالع حمدان وهو ياكل : حمداني حبيبي كل شوي شوي
حمدان : مابي
ميره : بتغص عيوني
حمداني : مابا
معضد يطلع من الحجره ويبتسم .. تبتسم له ميره وتقول : غريبه طلعت مبجر
معضد يلف ويقول : جان ما تبيني عادي ارد البس وارجع الدوام
ميره تضحك : ههههههه لا بس أسأل مو شي ثاني
معضد يضحك ويقول : حمداني حبيبي ليييش ما رحت الحضانه ..؟؟
ميره : ما يبا .. يقول يبي يقعد معاي
معضد : بيني وبينج أحسن .. يوم يروح الروضه عقب بنحاسبه .. مب الحين من ثلاث سنين دخلناهم الحضانه
ميره تبتسم : اي صدقك هههههه
معضد : حمداني حبيبي تعال بوسني
حمدان وهو ياكل : مابا بابا
معضد : حشا مب يح اللي مسوي بك جذا
ميره تضحك : هههههههه تدري بولدك عاد عشقه اليح ..
معضد يبتسم : باكله تراني حمداني
ميره تضحك : بيصيح الحين خله بحاله .. تعال اقعد حبيبي
حمدان يصد ويطالع أمه ...ويقول : منو حبـــــــــيــــــــبش ..................؟؟
ميره تضحك : انت انت بس كل
معضد يتجدم عن ميره ويقعد : هههههههه غيور
ميره تبتسم : مب رايح بعيد
معضد : انزيييييييييييين ..............
ميره : وبعدين .......!!
معضد : ما عرفتي ليييييييش ياي ..؟؟
ميره مستغربه : تقول رخصوك ...؟؟
معضد : لأا شي ثاني
ميره مستغربه : عاد ليييييش
معضد يبتسم : ناسيه انه اليوم موعد المستشفى ..؟؟
ميره تبتسم : فديتك هههههه
معضد : يلا تلبسي عسب نروح
ميره تبتسم : علني ما خلا منك والله ..
معضد : مستغرب كيف نسيتي موعدج ..؟؟
ميره تبتسم : تدري عاد من أحمل أصير نسايه هههههه
معضد : توج أربع أشهر.. من الشهرالياي الكرشه بتبين هههههه
ميره : لا تضحك .. ترا الا شهور وتروح خلاص
معضد يبتسم : هههههه فديتج .. أوكي يلا استعيلي تراني خذيت ساعه وحده ريست وبس
ميره : أوكي خلاص بس البس عبايتي ..
معضد يبتسم لـ ميره وهي ماشيه ويقول : أوكي حياتي
حمدان : بابا وين راحت بدور
معضد يحط يده ع راسه ويقول : راحت الجامعه باباتي .. بدور تروح تدرس
حمدان يبتسم : بابا انته ليييييش كل مره تعصب .........؟؟
معضد ابتسم : من ذكائك حبيبي هههههه يلا روح قول للخدامه تغير لك عسب نروح المستشفى
حمدان : مابا بابا بيعطوني ابره
معضد يبتسم : مب انت حبيبي ماماتك
حمدان يبتسم : ماما .......؟؟
معضد : هي حبيبي
حمدان : بيعطون ماماتي ايـــــــــبره
معضد : هي لأنها ما سمعت كلام ماماتها وسوت فوضه
حمدان ابتسم : أنا أسمع كلامك
معضد : أدري بك شاطر .. يلا حبيبي روح بسررررعه
حمدان ابتسم : انزين
ميره تطلع من الحجره وتقول : حمداني باباتي تعال عندي
حمدان : ماما بغير ملابسي
ميره : تعال أنا بغير لك
حمدان يبتسم ويقول بأسلوب طفولي : ماما بيعطووووج ابره ......؟؟
ميره تبتسم : لا حبيبي
حمدان : بابا يقول بيعطوووج ..
ميره : حبيبي بيعطوني دوا لأن في بطني في نونو
حمدان يطالع بطن ميره ويقول : وينه ما اشوفه
ميره : هي حبيبي ما تشوفه لأنه داخل
حمدان : متى يطلع ..؟؟
ميره : بعد خمس شهور ونص جذي
حمدان : يعني كم ..؟؟
ميره : قلبي انت أسألتك كثيره هههههههه بيطلع قريب بس انت ادعي يكون نونو حلو
حمدان : انزين بنيه ولا ولد ........؟؟
ميره تبتسم : اليوم بنعرف حبيبي
حمدان : خلوني اشوفه انزين
ميره تبتسم وهي تغير له : أنشالله حبيبي بس يطلع بتشوفه
حمدان : عاد كيف اليوم بتعرفون لو ولد ولا بنيه
ميره تبتسم : أه منك يالفيلسوف هههههه بيسوون لي شي اسمه تلفزيون
حمدان مستغرب : كيف
ميره : لو الين باجر بفهمك ما بتفهم ههههه ... باجر تكبر وتعرف بروحك هههههه
ميره رفعت راسها عشان تمسك يد حمدان ويطلعون .. شافت معضد متسند على بابا الحجره ويطالعها ..
ابتسمت ميره بحيا ونزلت راسها وقالت : حمدان يلا باباتي نروح
حمدان يطالع ابوه ويقول : عندنا نونو
معضد يبتسم : ههههه فديتك .. يلا نروح
ميره تبتسم : يــــلا ..
/
.
/
روان تبتسم لأريج وتقول : يالدبـــــــــــــه ادعي لي باجر ما أحضر عشاء العمل
أريج تطالع برع وتقول : لا انشالله تروحين له هههههههه
روان : دبـــــــــــه ترا الحين بنزلج من سيارتي
أريج : ما ترومين هههه
روان : الا أقدر ونص هههههههه
أريج : جربي
روان تضحك : بس لو انج ما تهونين علي
أريج : تدرين في خاطري اروح البحر
روان : بتحترقين بهالشمس
أريج : لا بالعكس الجو حلو وبعدين نحن بنهايات شهر 12 يعني الجو حلو
روان : اي صدقج .. أقول جيري ودنا البحر
أريج تبتسم : يافديت روحج أنا هههههههه هذي الصديقه ولا بلاش
روان تبتسم : فديتج .. أقول أتصل بمروان ييي
أريج تكشر وتقول : الحين ودي أطلع وياج وأخر شي تقولين بتصل بمروان
روان تبتسم : اي خلاااااص ولا يهمج هههههههه بنكون بروحنا
أريج : اي خليج كذا أحسن ههههههههه
روان تبتسم : لييييييييش يعني كلكم تكرهون مروان
أريج : ومت قال نكرهه ..؟؟
روان : انتو كلكم تتضايجون منه ولا يبت طاريه
أريج تبتسم : لا ما ننزعج بالعكس ..
روان : عآد .......؟؟
أريج : بس انتي مروان صار كل شي بحياتج ..!!
روان تبتسم : اي لأنه اهو كل شي بحياتي
أريج : حتى ولو .. بس انتي أهملتي كل شي بالكون حتى روحج ودراستج من عرفتي مروان
روان دمعت : حتى انتو أقرب ناسي تقولون جذي ..!
أريج : رواني قلبوشه لا تفهميني غلط بس هالصدق لأنج أهملتي أشيا كثيره من عرفتي مروان
روان : بالعكس أروج مروان خلاني أشوف أشيا بالدنيا أنا بعدني ما شفتها ولا عرفتها .. وعاني من خيالي .. وطلعني من عالمي اللي كنت فيه
أريج : حتى ولو .. يعني ما تهملين روحج
روان : ومنو قال اني هامله روحي ..؟؟
اريج : الكل ملاحظ روان
روان تبتسم : ما عليج منهم وبعدين أنا الحمدلله أكل أشرب وألبس وهم أدرس
أريج : والله هذي حياتج وانتي حره بس تأكدي اني أحبج
روان ابتسمت : أدري ... يلا يلا وصلنا البحر
أريج ابتسمت : من زمان ما ييت للبحر
روان : اليوم طلعي اللي بقلبج صج صج ههههههه
أريج تضحك : لا لا موصج خخخخخ
روان : دووووبه .. أقول حطي تلفونج ع السايلنت ما نبي ازعاج
اريج : لا حرااام أمي يمكن تتصل
روان : أها دام جذي خلاااص ..
اريج ابتسمت : وانتي حطيه ع السايلنت ..؟؟
روان : ما اقدر مروان بيتصل
أريج تضحك : ردينا ع الطير ياللي ...؟؟
روان تضحك : لا خلااااص .. يلا نتمشى ههههه
أريج تطالع البحر وتقول : رواني بقول لج شي بس أمانه ما تزعلين مني ...
روان تبتسم : قولي .....؟؟
أريج : روان أمانه محد يدري ..؟؟
روان : محد بيدري وما بزعل ..؟؟
اريج : روان أنـــــــــــأ ........................................
الخميس 9-9-2010, 12:22 am
عسآكم من عوّآده
يتيمة زايد
إڷـےٍ آڷلْقٍــآءْ فٍـےٍٍٍ آڷحًـڷقْهٍـ آڷقًــآدٍمْـهٍـ ..
ღ الحلقه الثانيه عشرღ
ملاك ابتسمت لها .. وقالت وهي داخله : السلام عليكم
فاطمه : وعليكم السلام ورحمة الله وبركاته
ملاك تتجدم عنها وتبوس راسها وتقول : اش حالج أمايه ..........؟؟
فاطمه : بخير بنتي انتي اش حالج وشو الدراسه اليوم
ملاك : عال العال أمايه هههه
فاطمه : دوم ياربي .. أمايه تراني ميته يووووووووووع
ملاك تضحك : ههههه جان تتغدين
فاطمه : اتريتكم عسب ناكل سوا
ملاك : فيج الخير والله أمايه ترا مو زين لصحتج
فاطمه : أي مو زين .. ما أحب أكل بروحي ماتييني نفس
ملاك تبتسم : أوكي عيل ما بخليج تيوعين أكثر بروح بغير وبنزل عسب ناكل
فاطمه : بس أخوج بعده مايا
ملاك : تعرفين أمايه عاد ميود امبونه يتأخر
فاطمه : هي صدقج يلا عيل بسررررعه سيري غيري عسب ناكل وأرقد من الفير وأنا ناشه
ملاك تبتسم : أوكي ثواني يالغاليه ..
تجدمت ملاك عن الدري صدت طالعت فاطمه .. وقالت فخاطرها .. ياربي اش كثر أحبها والله انها أمي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك