رواية ياروح الروح حبك فرضته -13
عبدالله:لا ما تعطيج
ساره:انا ومرت اخوي ننياز ..انت خلك بعيد
عبدالله:لا والله هذي مرتي واذا قتلها لاتعطينها ماراح تعطيج...وهوه يطلع الاغراض طلع الجنطه الي كان ماخذها لها
ساره:يالعيار ...تاخذلها هيرميز واحنه ميو ميو
عبدالله خزه خزه :ساره
ساره:لاتخز جذي عليها بالعافيه ...يعني الواحد مايتغشمر
عبدالله:شوفو هذا خذيته حق طلولي ..كان ماخذله ملابس برشلونه...انا وياه نفس الشي
لجين:وناسه اتصيرون طقم
عبدالله :دورت اصغر بس ماحصلت
ساره:لا هذا مقاسه زين
عبدالله:مو حق طلال
ساره:حق منو
عبدالله:حق ولدي
ساره:خل يطلع بالول
وطلع طقم الكارتير عبدالله:لجين شرايج فيه
لجين بحراج:وايد حلو بس ليش يايب كل هذا
عبدالله:تستاهلين اكثر ..وسكت وهوه يطلع اغراض لجين وهم اغراض طلال كان حاطهم بجنطه وحده ...طلع بربتوز ديور صغير..شرايج فيه..هذا حق بيبينا
لجين استانست وقامت من مكانها وقعدت على اللارض
عند ساره:واي يهبل ...وحط البربتوز على بطنها وجنها اتكلم الياهل...شوف بابا شو يابلك بابا مانساك
عبدالله كان يطالعها شلون مستانسه وتكلم الياهل..شكلها كان وايد حلو
لجين:عبدالله ابي اخذه بخلي ينام عندي
ساره:هههههههههههههههههههه...منو ينام عندج البربتوز
لجين:اي محتره ..ماشرولج مثله
ساره:هههههههههه ...لجون ينت ...هههههههههه....لجون احنه نبي عبدالله ينام عندج مو البربتوز
لجين@@و اسكتت ولا كلمه
ساره:لاطلعيني جذي بالله عليكم انتو الاثنين متى بتحسون انكم متزوجين ...اذا موعلشانكم علشان الياهل ...شنو ذنبه يعيش جذي
عبدالله:الي يسمعج يقول كل واحد ابيت ولا مطلقين
ساره:عبود انا مو قاعده اتغشمر ...والله ماودك ولدك ينام عند باليل ..ماودك تسمع صوته وهوه يبجي كل شوي يبي حليب ...انتو شفيكم الي صار صار ..انتو الحين متزوجين ..لازم اتعيشون حيات طبيعيه ..كل اناس اتغلط ....ليكون عبالكم انكم عالجتو المشكله...اتو غلطانين انتو عالجتوها جدام اناس ..بس بينكم المشكله مثل ماأهيه
عبدالله ولجين ساكتين ولا كلمه
ساره :عبود لجين كان كانت ضحيت حمد والله انها ماتدري بالي صار الحقير قالها تعالي البيت بحجت يبي يشوفها ومشتاقلها ..وهيا مثل بنته والي آخره..يعني اهيا ماتعمدت اتروح اهناك
عبدالله نزل راسه:والله ادري
ساره:عيل ليش اتعاملها جذي ...عبود الله البنت اذهبه وماتحصل مثلها لو تفتر العالم ...وانا ماأقولك هل كلام الانها قاعده..انا ابي لكم الخير انتو ثنينكم طيبين وتستاهلون...لجون عبدالله مومثل ماأنتي متصوره ...عبود طول عمره يخاف من ربه..والي صار كان شي خارج ارادته...الله العالم شنو كانت حالته وقتها
لجين:اذا كل واحد كان متضايق وحالته حاله...وشرب وسوا جذي ...وسكتت
ساره مسكتها من ايدها :تبين اتعرفين اسبب
عبدالله :ساره
ساره:ليش ماتقولها يمكن ترتاح وتريحها
لجين دمعتها انزلت على خدها اليمين ولحقتها دمعه على خده اليسار ودمعه ورا دمعه
ساره:لجون حبيبتي لاتبجين عفيه اذا تبون ترتاحون لازم تبدون صفحه يديده
عبدالله بعصبيه:ساره خلاص سكري الموضوع
ساره:لا ماراح اسكر الموضوع لي متى بتتهربون من بعض ...لي متى كل واحد فيكم خاش كلام بقلبه وموراضي يقوله ...عبدالله لجين الله يخليكم اذا موعلشاني علشان الي ياي بطريج فكرو فيه شوي ...ولاتكونون انانين وايد
عبدالله كان متضايق الانه لجين كانت مستانسه وايد وبعدين بجت:انزين ممكن اتأجلين الموضوع
ساره:لا اليوم بتحلون كل شي ولا والله تنسى عندك اخت اسمها ساره
لجين ردت اقعدت على القنفه وردت راسها لي ورا ..وكانت اتفكر بكلام ساره(الياهل ماله ذنب)
طلال ولد اميره رد من الحظانه وعرف انه عبدالله رد من السفر صعد فوق
طلال:عبودي وركض عند عبدالله
عبدالله:هلا بالبطل ..شوف شنو يبتلك ..
طلال:ابي العاب
عبدالله:يبتلك العاب وايد ويبتلك ملابس برشلونه مثل ملابسي
طلال:هييييييي ..اتيني
عبدالله:تبي تلبسه
طلال:ا ي اي
عبدالله لبس طلال الملابس ...طلال كان مستانس وايد فيهم
طلال يوري ساره:حلو
ساره:انته حلو وملابسك حلوه
طلال : دون دون(يعني لجون)وركض بوريها ملابسه طلال صعد على القنفه وقط روحه على لجين بس اركبه طقت ابطنها بقوه لجين من قوة الطقه ويها احتقت وطلال من الخرعه على طول وخر ....لجين تكورت مثل الربيانه
عبدالله قلبه شوي ويوقف من الخوف:لجين اشفيج ..قوليلي شتحسين فيه
لجين كانت تتألم وماقدرت تتكلم
ساره اتصارخ على طلال:انت اشسويت
عبدالله بعصبيه وخوف:ساره لاتصرخين عليه مو وقتج روحي يبي مفتاحي بسرعه
ساره:بتروح جذي
لجين بألم:ساره وديني الحمام بسرعه
عبدالله وقف مثل الصنم
ساره حاولت اتشيلها ماقدرت:عبدالله ساعدني
عبدالله ماقدر يتحرك
ساره:انت شفيك تعال ساعدني
لجين بهل وقت بدا يخف عنها العوار شوي وقدرت اشويه اتعدل روحها
عبدالله لمن شافها تحركت يه وقعد على الارض :قوليلي شتحسين فيه
لجين:احس بشي يشد بقوه
عبدالله بخوف:وليش بتروحين الحمام
لجين:مادري بس جنه ...وسكتت
عبدالله شالها ودخلها الحمام وساره كانت معها
عبدالله :ساره يبيلي كرسي بسرعه
ساره يابتله كرسي عبدالله قعدها عليه
عبدالله:لاتقومين مره وحده قومي اشوي شوي
لجين اتهزر راسه يعني اي
عبدالله :انا ورا الباب وطلع اهوا وساره
لجين قامت اشوي شوي وكانت تحس انه البيبي قاعد يتقطع
عبدالله ورا الباب :الله يستر
شوي وسمع صوت لجين تبجي
عبدالله:ساره دشي شوفي
ساره ادخلت الحمام ولجين قاعده على الكرسي :البيبي طاح
لجين تبجي:مادري مادري
عبدالله:دخل وشالها ...ساره بسرعه بطلي الاصنصير انا قافله
ساره اركضت وبطلت الاصنصير ونزلت معاهم
عبدالله حط لجين بسياره وطيران على المستشفى...ساره ماقدرت اتروح الانها لابسه بجامه وردت ادخلت داخل وقالت حق امها واميره الي صار
حنان كانت على اعصابها:والله اذا الياهل طاح ماستبعد يطلقها
عبدالرحمن:صلو على النبي انشالله ماكو شي
اميره اتصرخ على طلال:انت حمار ماتدري في بطنها بيبي اشلون اتنط عليها جذي
عبدالرحمن:اميره لاتصرخين عليه وهوه شدراه ياهل مايعرف بهسوالف
ساره:بابا دق عليه شوف شصار
عبدالرحمن :اتلاقينه ليلحين ماوصل
بسياره
عبدالله:ليلحين في عوار
لجين:خف اشوي
عبدالله:الحمدالله ..بس انشالله مايكون فيه شي
لجين بحزن:ماضنتي
وصل عبدالله المستشفى وطلب لها ولجير وراح صوب امراض النسا
عبدالله يكلم الرسبشن:منو من ادكاتره فاضيه
الموضفه :هلا د.عبدالله عندك الدكتوره هاله ماعندها احد
عبدالله :اوكي
وراح الغرفه طق الباب ودخل
د.هاله:د.عبدالله حمدالله على السلامه
عبدالله:الله يسلمج..دكتوره مرتي حامل وتعرضت لي طقه على بطنها
د.هاله:انشالله ..سليمه
عبدالله شال لجين وحطها على السرير وضل واقف
د.هاله كانت ترفع ملابس لجين ولجين اتنزل
د.هاله:مالك..مكسوفه
لجين اشوف عبدالله :لا بس
عبدالله:لجين خليها تشوف شغلها
لجين انحرجت منه ...د.هاله ارفعت ملابسها وحطه الجل على بطنها وسوت لها سونار
عبدالله:بشري
د.هاله:الحمد الله..وضع البيبي ممتاز ...ماشالله زي الحصان...وسمعتهم صوت دقات قلبه
لجين:دكتوره اكيد مافيه شي
د.هاله:بصي ..ده بيلعب في بطنك
لجين على كثر خوفها والالم الي كانت اتحس فيه ارتاحت وايد:انزين ودم الي نازل
د.هاله:لا ممكن يكون خارجي ..بس لازم ترتاحين هل فتره
عبدالله:اذا على الراحه ولا يهمج ماأخليها اتقوم من مكانها
وطلعو من المستشفى بعد ماكتبتلها الدكتوره شويت فيتامينات
بيت حنان
حنان:طول وايد عبدالرحمن دق عليه شوف اشصار
عبدالرحمن:انشالله
بسياره
عبدالله:الحمدالله تطمنا على الياهل
لجين كانت حاطه ايدها على بطنها:الحمدالله...عبدالله صج كنت خايف على الياهل
عبدالله:والله قلبي بغه يوقف ..هذا ولدي ولازم اخاف عليه ..وانتي كنت خايفه
لجين:وايد
عبدالله:الحمدالله انه بخير ...ويبتسم...حتى لو كان لاسمح الله صار فيه شي ..انسوي غيره عادي
لجين:@@
عبدالله:هههههههههههههههه...والله صج ..لجين لو كان صاير فيه شي ..تطلبين الطلاق
لجين:لا
عبدالله تشقق من الفرحه:يعني تبيني
لجين انحرجت :عبدالله انا طول عمري احلم اني اعيش بجو اسره ..والحمدالله اهلك امحسسيني اني بنتهم ومابي افقد هل احساس
عبدالله يعفس ويها وكان ناوي يكمل الحوار الانه حس انه بدا يسحب حجي منها بس صوت التليفون كان مزعج وقطع الحوار الي بينهم
عبدالله:هلا يبه
عبدالرحمن:هلا فيك...اشصار طمنى امك قاعده على اعصابها
عبدالله:لا الحمدالله مافي شي ..ولدي صامد في بطن امه
عبدالرحمن:زين الله يبشرك بالخير
عبدالله:يبه ولا عليك امر قول حق الخدم يصعدون اغراض لجين فوق
عبدالرحمن:ياغالي وطلب ارخيص......يالله اخليك الحين خل ابشر امك..يالله مع السلامه
عبدالله:الله يسلمك
لجين:ليش قتلهم يصعدون اغراضي
عبدالله:جنه المحاضره مالت سارونه مانفعتج ويبيلج غيرها ...من يوم ورايح ماكو حركه وباخذ اجازه وبجابلج
لجين :عبدالله دام ادكتوره طمنتنا مايحتاي كل هذا
عبدالله:انا بجابل ولدي انتي شحارج
نهاية البارت
البارت 28
عبدالله:جنه المحاضره مالت سارونه مانفعتج ويبيلج غيرها ...من يوم ورايح ماكو حركه وباخذ اجازه وبجابلج
لجين :عبدالله دام ادكتوره طمنتنا مايحتاي كل هذا
عبدالله:انا بجابل ولدي انتي شحارج
لجين :لابس مايصير اتهد شغلك
عبدالله:ماراح اهد شغلي ..آخذ زام ليل وبنهار اجابلج..اقصد اجابل ولدي
لجين:على راحتك
عبدالله:لجين اتحبينه
لجين بستغراب:احب منو
عبدالله:ولدنا
لجين: انت اشدراك ولد ...كان مبين بسونار
عبدالله:لا مايبين الحين...بس حاس انه ولد
لجين:امممممممم....دام مجرد احساس لاتقول ولدنا قول بيبينا بالله طلعت بنت
عبدالله:لاتزعلين..اتحبين بيبينا
لجين:هذا قطعه مني شلون ماحبه
عبدالله:الحمدالله انه ماصار فيه شي ...وطلول انا اوريه
لجين:عليك الله ماتقوله شي...راحم ماكان يقصد وبعدين ماشفته اشلون خاف ...والله عور قلبي
وهمه يسولفون رن تليفون لجين
لجين :هذا طلال...الووو
طلال:اي يابه اي من لقا حبابه نسى صحابه
لجين:ههههههههه
طلال:شلونج يالخايسه
لجين:دام سمع صوتك انا بخير ..انت اشلونك
طلال:علينا سمعتي صوتي ارتحتي ..قولي شفت عبدالله ارتحت
لجين:عمي
طلال:ردت قالت عمي...المهم حجزت سيشيل بتين
لجين:متى
طلال:بعد اسبوعين
لجين :اي زين اكون مخلصه الفاينل..منو بكون معانا
طلال:العايله الكريمه كلها حتى اهل ريلج حجزتلم شاليه بس بعدنا بيومين الاني ماحصلتلهم
لجين:حلو اذا جذي لازم اقول حق عبدالله ياخذ اجازه سبوع
طلال:اي بس طريقنتا مومثل كل مره
لجين:شلون يعني
طلال:شاليه حق الحريم وشاليه حق الريايل وشاليه حق الشباب بس بيت سالم شاليه بروحهم
لجين: بيت عمي سالم بروحون بعد
طلال:اي
لجين:امممم
طلال:اوكي بلغي عمج انهم بعدنا بيومين
لجين :انشالله
طلال:يالله قلب باي
لجين:باي
عبدالله: شفيه عمج
لجين:حاجزين شاليه بعد اسبوعين وكل بروح وقالي قولي حق عمج حصلهم بعدهم بيومين
عبدالله:اممم...وانا شكو آخذ اجازه
لجين:ليش مابتي ويانا
عبدالله:ومن قال بتروحين
لجين@@:ليش ماأروح
عبدالله:نسيتي كلام الدكتوره
لجين:عبدالله والله اوعدك ماأتحرك ولا اسوي شي بس بروح
عبدالله:لي ذاك الوقت يصير خير
لجين:....
عبدالله:شفيج طخيتي
لجين:مافيني شي
وسكتو طول الطريج بس عبدالله طول الطريج يفكر بكلام عمار وكلام ساره
عبدالله يطالع لجين وقول بقلبه(ليش مااعطي روحي فرصه يمكن فعلن اتعلق فيها...واهم شي انها شايله فكرت الطلاق من بالها وانشالله كل شي يتغير مع الوقت )
وصلو البيت ....عبدالله ماخلا لجين تمشي شالها وصعدها فوق ... ادخلو شقتهم وشاف كل اغراضها موجوده والخدم يعدلون الغرفه وحطون الملابس بالكبت وحنان كانت على راسهم واقفه ..عبدالله حط لجين على الفراش
حنان:خطاج السوء حبيبتي
لجين:خطاج الاش خالتي
حنان:الحمدالله انه بخير ماصارله شي
عبدالله :الحمدالله..بس لازم ماتبذل اي مجهود ولازم ترتاح
حنان:اي يمه لاتتحركين من فراشج...وكل شي يوصلج لي عندج
لجين:مشكوره خالتي ..بس مايحتاي كل هذا
عبدالله:لابيه ماكو حركه كلش بس اذا بتصلين او بتروحين الحمام
لجين:بس القعده بالفراش بروحها تيب المرض
حنان:لاتيب المرض ولا شي اهم شي راحتج وراحت البيبي
عبدالله:يمه الخدم ماخلصو
حنان:الحين يخلصون..بس انت وين بتنام
عبدالله:بنام هني ...لازم اكون يمها
حنان استانست:اي صح يمه مالازم اتخليها بروحها موزين
عبدالله:يمه بعد اذنج خلي الخدم ايوبولها اكلها فوق ..مابيها تنزل ...الانها اذا نزلت بتحوس
لجين:عبدالله مولهدرجه
عبدالله:لجين انتي لازم ترتاحين واقل مجهود بتعب الياهل
لجين:....
حنان:يمه ريلج معاه حق..وبعدين انتي بجريه وماتعرفين
لجين:الي تشوفونه
بغرفت ساره
اميره:والله طلعتي داهيه ياسارونه
ساره:لا داهيه ولا شي يعني لي متى بظلون جذي السالفه مصخت وايد
اميره:يبيلهم فتره يتأقلمون فيها مع بعض ..بس الحين عبدالله لازم نعطيه دروس تقويه
ساره:دروس شنو
اميره:بدلع لازم يتعلم اشلون يعاملها عدل
ساره:حبيبتي عبود يعلمني وعلمج مايحتاي اتعلمينه ...بس يحتاج اشوية بوش
اميره:ايوا عليج نور هذا الي بوصله ...ولازم نفتح عينه على اشياء ثانيه..وتحرك حاجبها
ساره:ههههههههه...الحين منو الي طلعت داهيه انا ولا انتي
بليل بشقة عبدالله ولجين
عبدالله دخل الغرفه ولجين كانت منسدحه على الفراش
عبدالله:مانمتي
لجين ارفعت نفسها:لا مامني قادره انام
عبدالله:تحسين بعوار
لجين:احس بملل
عبدالله ابتسم:تبين اتروحين اصاله اتشوفين تلفزيون
لجي:اي
عبدالله:اوكي
لجين نزلت ريلها على الارض عشان اتقوم
عبدالله:ها ها وين
لجين:بروح الصاله
عبدالله:انا اوديج...وشالها وطلع من الغرفه وراح الصاله وحطها على القنفه
لجين:مشكور
عبدالله:لاتشكريني انا ماسويت شي....شنو ودج اتشوفين
لجين:مادري كيفك
عبدالله:انا متابع مسلسل حلو اتشوفينه معاي
لجين:اي عادي
وهمه يتابعون المسلسل وصل مسج حق عبدالله وبعد جم ثانيه وصل نفس المسج حق لجين ...المسج كان من ساره(شقاعدين اتسون)
عبدالله رد عليها(سارو بطلي لقافه عيب)
لجين(قاعدين انتابع مسلسل)
وشوي وصل مسج لهم ثنينهم(ساره:بلاد لاتشوفون مسلسلات سخيفه تلصقوا بعض وايد احسن وفي حركه اسمها بوسه المتزوجين يمدحونها وايد جربوها)
عبدالله قرا المسج ومات من الضحك ولجين عيونها طلعت
عبدالله استوعب انه نفس الوقت الي يوصله فيه المسج هم يوصل حق لجين
عبدالله:لجين ..ساره الي مطرشتلج المسج
لجين:اي
عبدالله:عطيني تليفونج
لجين اختبصت ماتبيه يقرا المسج الثاني:ليش
عبدالله:بشوف نفس المسجات الي مطرشتها لي
لجين:تفضل
عبدالله شاف المسجات:والله هل بنت مادر على منو طالعه اتحب العياره
لجين:.....
وصل مسج ثاني بس هل مره على تليفون عبدالله ...المسج كان من عمار(عبيد قاعد ولا كل عاده بسابع نومه)
عبدالله دق عليه
عمار:عبيد قاعد والله غريبه
عبدالله:الي يسمع يقول 24 ساعه مكبر المخده
عمار:المهم شسويت اليوم مع المدام
عبدالله:ولا شي
عمار:شنو ولا شي ..انت ماكو حساس ..لاماكو حساس..والله لو انا مكانت جان علوم يومين ماخليها تطلع من الغرفه
عبدالله:ههههههههه
عمار :انزين بوسه مني مناك
عبدالله:هههههههههههه انتو شفيكم اليوم عليها
عمار:منو البوسه
عبدالله:اي
عماره:ليش في احد غيري قالك عنها
عبدالله موقادر ياخذ راحته بالكلام:تقدر اتقول جذي
عمار:عبيد صاير ذرب حدك ..في احد يمك
عبدالله:اي الاهل
عمار:ايوااااااااا...عاش عبود عاش السبع ماوصيك هالله هالله بالحجي الحلو ومعامله الحلوه
عبدالله:انشالله...عمار انا هل يومين ماقدر اداوم مرتي تعبانه وايد
عماره:افأ عسى ماشر
عبدالله:ماشر طلول اليوم حاشها على بطنها بقوه وديتها المستشفى والحمدالله تطمنت على البيبي بس مابيها تتحرك
عمار كان ساكت مومصدق الي سمعه:عبود مرتك حامل
عبدالله:شنو انا ماقتلك
عمار:اايا التعبان لا ماقتلي...كل الي اعرفه انك بعد مادخلت عليها ماصار شي بينكم
عبدالله:اي شفيك من اول مره
عمار:هههههههههههههههههههه صج والله من اول ليله حملت ..من صجك ولا تتغشمر
عبدالله:والله شفيك
عمار:ماشالله تبارك الرحمن ...هههههههه عبيد والله انك ريال ... اثارك فلفل...ههههههههههه...من يوم ورايح بناديك عبدالله السبع
عبدالله :قل اعوذ برب الفلق
عمار:ههههههههههههه صاروخ مو عبدالله ...عبيد اذا الوضع صار بينكم عادي لازم نفتح حظانه
عبدالله:ليش انشالله
عمار:كل سنه ياهل ...لازم حظانه
عبدالله:عيونك ...قول ماشالله
عمار:ههههههههههههه ماشالله تبارك الرحمن....عبيد جد جد ...هالله هالله فيها مايحتاي اعيد الاسطوانه
عبدالله:انشالله بس انت حاول اتسد مكاني بالمستشفى وانا بشوف شنو الاوقات الي اقدر اداوم فيها
عمار:يبه لاداوم جابل مرتك ..يمكن لي جابلتها اتحبها
عبدالله:انشالله
عمار:اكيد انشالله...عبيد انت ودك
عبدالله:اي
عمار:دام جذي ابشر بسعدك ...تراهن اعطيك اسبوعين بس وتيني مثل المينون
عبدالله:ههههههههههههههههه ميونون مره وحده
عمار:اي مينون...انزين روح حق مرتك يالله مع السلامه
عبدالله:حياك
عبدالله يطالع لجين ويبتسم(الله يغربل بليسكم شيشتوني)
لجين:عبدالله ...عبدالله
عبدالله:نعم
لجين:المسلسل خلص
عبدالله:اي مانتبهت
لجين:الي ماخذ عقلك
عبدالله:لجين سولفي عن نفسج....ابي اعرف كل شي عنج
لجين:شنو الي تبي اتعرفه بظبط
عبدالله:كل شي
لجين:اممممممممم ...اسمي لجين يوسف ال..عمري 20 سنه ...متزوجه والحين حامل...وريلي اسمه عبدالله ال......هههههههههههههه وبعد شنو بتعرف عني
عبدالله:والله صج كملي ابي اعرف كل شي
لجين:عبدالله جد شنو بتعرفه مادري شنو بضبط تبي
عبدالله:اطباعج ...شنو تحبين ..شلون كانت حياتج قبل ...منو رفيجاتج ...وين الاماكن الي تحبين اروحينها
لجين:اطباعي مفروض انت اتعرفها مو انا اقولك..بس حياتي كانت عاديه قبل ...بين الجامعه وبين بيت عمتي عاليه ...وبعدين رحت بيت عمي طلال امي لمن اتعبت قالتلي روحي هناك..ورفيجاتي دلال ومريم ماعندي غيرهم هذيل اقراب مني وايد ...ومافي اماكن معينه احبها وكل طلعاتي مع طلال عمري مارحت مطعم ولا سوق بروحي وبس
عبدالله:انتي وطلال وايد متعلقين بعض
لجين:اي يمكن الانه ضروفنا متشابها...اثنينها فقدنا الام والابو..انا عن نفسي عمري ماحيست بحب وحنان الابو وسكتت
عبدالله شافها تضايقت وحب يغير الموضوع:انا حدي يوعان ..انتي مايعتي
لجين:اسويلك عشى
عبدالله:انتي قعدي ماكو حركه ...شنو مشتهيه تاكلين
لجين:لا انا مابي شي
عبدالله:لجين مابي آكل بروحي ...اذا ماتبين تاكلين انا ماآكل
لجين:خلاص آكل معاك
عبدالله:شنو تبين
لجين:مادري اي شي على ذوقك
عبدالله:ماكو غير بيدزا الوحيد الي يوصل هل وقت
لجين:اوكي
وصل عشاهم وعبدالله زهب الطاوله وحط الغراض ويه بشيل لجين
لجين:طلبتك
عبدالله:عطيتج
لجين :لاتشيلني
عبدالله:موبكيفج ...بشيلج غصبن عليج..وشالها
لجين:عبدالله والله اخاف يصير فيك شي موزين ...شنو ناوي تكسر ظهرك
عبدالله:عبالج انتي ثقيله انتي والياهل وزنكم 46 ..ريشه...وقعدها على الكرسي
عبدالله قعد ياكل وشاف لجين ماكانت تاكل عدل
عبدالله:لا جذي ماينفع ...ومد ايده بوكلها
لجين:لاانا آكل بروحي
عبدالله:لجين لاتستحين انا ريلج يالله ياشاطره اكلي من ايد ريلج....عبدالله ضل يحن عليها لين قامت تاكل من ايده
لجين كانت مستانسه وبنفس الوقت منحرجه منه...وبعد ماخلصو ...شالها
وراحوا لغرفه حطها على الفراش وغطاها عدل
نهاية البارت
البارت 29
لجين كانت مستانسه وبنفس الوقت منحرجه منه...وبعد ماخلصو ...شالها
وراحوا لغرفه حطها على الفراش وغطاها عدل
بعد يومين اساعه 2ونص
عبدالله كان زامه ليل وساره كانت عند لجين ...ساره كانت قاعده على اللاب ولجين اتحوس بالقنوات
ساره:لجون مافيج نومه
لجين:لا ...اذا دايخه روحي نامي
ساره :اي والله حدي دايخه وباجر وراي قعده من الصبح
لجين:ذكرتيني.....باجر لازم اروح الجامعه بشوف متى متحاني
ساره:ليش اتروحين خلي عمج يشوف متى امتحانج
لجين:لا انا بروح الاني باخذ من البنات اوراق مهمه
ساره :اذا جذي قومي نامي انتي بعد
لجين:بعد اشوي اقوم
ساره:لجون دقي على عبدالله وسولفي معاه
لجين:الحين
ساره:اي الحين اشفيج مستغربه...دقي سولفي معاه
لجين:بس اكيد عنده شغل وموفاضيلي
ساره:لا زام اليل خفيف ...مومثل النهار ...دقي عليه ترى سوالف اليل حلوه وايد
لجين:وانتي شدراج انها حلوه
ساره:هذا شي معروف الانه اريال يكون هادي وتقدرين تسحبين منه حجي وايد
لجين:اممممممممم
ساره:يالله دقي
لجين:لا خليها بعدين
ساره:ماراح اتحرك من مكاني لين ادقين عليه
لجين:ساره ..ادق عليه هل وقت شقوله
ساره:اممم...قوليله باجر بروح الجامعه ...وبعدين السوالف تطلع
لجين:اوكي
ساره:قولي من الاول ودي اكلمه بس مستحيه...ههههههههه....دام جذي تصبحين على خير
لجين :وانتي من اهله
لجين قامت ودخلت غرفتها ولبست نفنوف قطن لونه اسود وفيه ورود بالابيض حفر و قصير وراحت انسدحت على الفراش ....كانت الافكار اتدور براسها ....عبدالله تغير وايد معاملته صارت وايد احسن
معقوله كل هذا علشان الي ابطني ..ولا ...لالا اكيد علشان الي ابطني ...آآآآآآآآآخ يليتني اقدر اقول الي بقلبي ....شلي صار فيج يالجين هذا الي اعتدا عليج اشلون قلبج حبه...انا شلون حبيته ..شلون راح انسى الي صار فيني .....بس يمكن كل الي صار خيره لنا .....سبحان الله ربه ضارة نافعه .....وبعدين عبدالله قالي لو صار بالياهل شي انسوي غيره شنو قصده...هههههه..
و ليش كان يعاملني بقسوه في بدايت زواجنه.....اللهم لاأسألك رد القضاء ولاكن اسألك الطفه فيه... وهيا تفكر بحالها غمضت عينها ونامت
الصبح اساعه 10 عبدالله دخل الغرفه وشافها نايمه راح قعد على الفراس .... كان يتأمل شكلها وهيا نايمه ...كانت مثل الملاك
عبدالله وهوه يمسح على راسها:ماشالله تبارك الرحمن
لجين بطلت عينها شويه:عبدالله.... متى وصلت
عبدالله :توني واصل
لجين قامت اقعدت بعدين تذكرت انها لابسه حفر وقصير ....ردت انسدحت وتغطت
عبدالله يبتسم:اشفيج انسدحتي جذي
لجين:لا بس ...
عبدالله:عادي قومي ...ولا تستحين مني
لجين:.....
عبدالله:الي يشوفج يقول اني مو ن......معاج ...انا شايف كل شي بعد تستحين من شنو
لجين عينها غورقت
عبدالله:اووووه.....يبا ما كان قصدي شي ...قومي يايبلج شي حلو بره
لجين:..........
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك