رواية الا فراقك -14
سارة ابتسمت وقالت- وانا ....تقولين لي بنت عمي ؟؟
امل- انتي اختي...وخالتي امي....
سارة- وش فيك نطيتي بندر...
عطتها امل ظهرها وقالت- تدرين عاد...عطيتك وجه....انقلعي بالبس....
سارة- طيب ...والله لا اعلم بندر....
امل- اسمعك قايله له...
طلعت وقالت- نشوف...
امل ابتسمت وقالت- بندر حبيبي....تبيني اقوله اخوي...
..............
نزلت سارة وشافت بندر يسكر الباب توه داخل...
سارة- بندر ...
بندر- هلا...الله وش الحلا ذا كله...
ساره- كلك ذوق ...اقول...
بندر- سمي ...
سارة - امل ...قبل شوي قالت لي..ان الله يحفظ اخوانك....عمي اللي هو ابوي ما عمره قالت له عم تقوله ابوي ..وخالد ما عمره قالت له ولد عمي تقوله اخوي..
بندر هنا كان خايف تقول وبندر اخوي...
قالت- وان خالتي هي امي...واني انا ..يا سارة الحلوه اختها....شفت ...وما قالت اسمك....صدت وقالت اطلعي ...
بندر ابتسم وقال- انا اخوها ...وبعدين انتي وش النفاق هذا...
سارة - اصلا انت واحد ماينقال لك شيء...خالد دايم اقول وش قالن عنه البنات يضحك ويعلق...ولا عمره قال منافقه...وانت وش النفاق ..اقول ...
بندر- روحي روحي الله يستر عليك...
تركها وهو مبتسم......
امه- بندر ...وين اخوك؟؟
بندر- بالدوام....خلاص بيجي الحين...
امه- الله يحفظه...
..................
كان على البحر جالس وهو يفكر......
((امل تعتبره اخوها ...والا تحبه....مو معقوله عمرها كذا وما تغطى عنه....وش اللي علقها في بالي....كله منك يا ام وليد...الحين لو ابي اتزوجها ماراح يرضون...انا اخو مين ...وهي بترضى بأخو وحده تعذبها))
وقف وقال- لو كانت تحبه هذي هي المشكله...بس مدامه خاف عليها ...فهو يعتبرها اخته...حتى لو كان يحبها ...اوووووف....وش وهقت نفسك فيه يا سعود...جيت لشرقيه بتنسى ...تفكر فيها ...
...........
وصلوا عايلة العم سعود...بعد السلام ....
ام عبد العزيز - ماشاء الله ياسارة انتي وامل....والله تغيرتن...محلوات
سارة- تسلمين...
امل ابتسمت بس...
ام خالد- سارة ...روحن انتي والبنات فوق...
سارة- يالله...مها ..منى... امشن فوق ....
مها- طيب....
امل- بجيب لنا عصير واجي...
قامت وراحت للمطبخ...فتحت الثلاجة واخذت جيك...
امل شافت صنية الحلى ناقصه...
امل- نور...
نور- نأم
امل- من اخذ الحلى
نور- بندور...
امل- بندر..
ابتسمت وقالت- بالعافيه...
اخذت صينيه .........
اعرفكم بعايلة سعود
عبد العزيز وعمره 22 ...
وبعده ((عبد الله وعمره 19 ...هذا مو حق دراسه ...حق تفحيط ...يعني الولد مهجول..))
بعده مها وعمرها 15 ...((العادة اللي فيها ..انها دايم هواش مع عبد الله...وتهاوش مع منى لكن هي تعتبر طيبه مع منى....بس تتهاوش معها...))
واللي بعدها منى وعمرها 13 ((مسالمه ...بس تتهاوش مع هاني داااااااايم دايم ))
واخيرا ....هاني وعمره 10سنوات ...((على صغره الا انه راعي مشاكل ...بذات مع خواته ))
.........
مها-سارة ....شفتي هانا مونتانا...
سارة- الله تهبل..والله صوتها يعيش بجو..
منى- يووووه ...بلا نصب...هانا مونتانا ماتعرف تعيش بجو...الا اذا كان جو خبال...
مها- ايه ...لانك ماتحبينها تقولين كذا..
منى- تدرين سوير ...انها هي وصديقتها مسميات انفسهن ...مايلي وليلي...
سارة- والله؟؟
مها- ايه انا مايلي وجواهر صديقتي ليلي...
سارة- غريب ..شكلك مجنونة بها...
مها- اليوم بتجي ثلاث حلقات ورى بعض....
جت امل ....
امل- السلام عليكم...
الجميع- وعليكم السلام...
منى- لا تصيرين مثلهم ...تحبين هانا مونتانا...
امل ابتسمت وقالت- عاديه....
منى- اها...اشوى..
مها- امل...كم عمرك؟؟
امل- 16 ..وخلاص بدخل الــ17 ...
مها - كم بينك وبين سارة...
سارة- بيني وبينها شهرين...
مها- اها ..قهر بتسبقني لــ 17 ...
امل- عاد اللي يسمعك يقول بتقدرين تنطين الــ16عشان تاصلين قبلنا...
ساره- هههههههه...امل اكبرنا...يوووه عجوز....قومي..
مها- ومنى اصغرنا...بزر ...روحي العبي مع هاني...
منى- ومن كبرتس انتي...
...........
خالد- والله الدوام يتعب...
عمه- بس احمد ربك واشكره انك لقيت وظيفه...
خالد- الحمد لله...
عمه- شف عبد الله نسبته 63 ....وينه وين الوظيفه....بس نبي واسطه ندخله اي كليه
عبد الله- يبه...هذا وقته تعلمهم نسبتي...
ضحك بندر وخالد...
عبد العزيز- تستاهل...
عبد الله- انا قد قلت لك...ما ابي ادرس...بس ما انت سامعني...
عبد العزيز بصوت خفيف- اكرمنا بسكوتك...
ابوه- ميخالف الحين دور لك شغل...
سكت عبد الله ....
بندر- وانت عبد العزيز ..كم بقى وتخلص من المعهد
عبد العزيز- الحمد لله النصف هذا وبس...
بندر- الله يوفقك...
...................
بالعشاء ...امل وسارة يساعدن نور على ترتيب السفرة...
امل اخذت صينيه دخلت مها ومنى قالن- نساعدكم؟؟
سارة- امممم...ايه ...تعالن رتبن السلطة بس...
طلعت امل وراحت للمقلط.....نزلت الصينيه...دخل خالد وقال- امل ...متى العشاء...
امل قامت وقالت- الصحن ثقيل...لازم انت وبندر تشيلونه..
خالد- طيب جاهز؟؟
امل- ايه...
رتبت المويا ...واخذت الصينيه ..ودخل بندر وخالد
امل- باخذ لكم طريق مها ومنى قدام...
طلعت قبلهم ....دخلت المطبخ قالت - مها منى ....بندر وخالد بيجون...بياخذون العشاء ....اطلعن...
مها علامة تعجب...ومنى بعد...
طلعن...
..............
منى- الحين امي ما قالت انها بنت عمهم ؟؟
مها - الا ...بس شكلها ماتغطى عنهم....
منى- ايه من صغرها معهم...مثل اختهم...
مها - بس حرام...الحين امل كبيرة...سمعتيها ...بتدخل الـ17.....
منى- بس تعودت عليهم...
مها - ياحظها ما تغطى عن عيال عمها ..تعالي نشوفهم...
جلسن يطالعن من فوق الدرج...يشوفن باب المطبخ بندر كان واقف عنده...وقفت قدامه امل وقالت- ليش تاكل من حلاي وانا ماسمحت لك...
بندر ابتسم وقال- معقولة ماتسمحين لي....
امل- اي ماسمحت ..
.....منى- شوفي مثل اخته...بعدين هم كبار ...فرق بينه وبينها...
.........
امل- امممممم...خلاص ...بالعافيه...المهم اعجبك...
بندر- بس الظاهر ما اعجب الرجال..
امل- اهم شيء انه اعجبك انت...
بندر- تسلمين يالغلا...
خالد- بندر...تعال...
دخل بندر...وامل مانزلت عينها عنه....طلعوا من جنبها...وراحوا...
................
امل - باقي عشاء الحريم...يالله نحطه...
ساره- اوكي....آآآه...طفشت
امل ابتسمت وقالت بقلبه((ولله لو انك عند ام وليد ان تعرفين معنى آآه هذي....والله الشغل هذا بسيط مقارنه باللي تسويه))
................
بعد العشاء ....
مها- امل ....اظاهر انك متعوده على عيال عمي بقوة...
سارة- ايه مثل اخونها
امل- اكيد متعودة...انا من عمري ثلاث سنوات وانا عيشتي معهم...اكلي معهم لعبي كل وقتي معهم...
مها- طيب من احسن واحد من عيال عمي...؟؟
امل ابتسمت....
سارة- اكيـــــد بندر....اصلا من اول ماعرفته.....هو مدلعها بشكل...
منى- إلى الان مدلعها...
سارة- ايه....
امل- والله بندر عسل...
سارة- اذا راحت مع خالد لسوق ...تشتري اغراض بسيطه ....واذا راحت مع بندر...ما تطلع الا بثلاث ميه او اكثر..طبعا لها لحالها على اغراض بايخه ...غير الملابس
امل- والله هو يغصبني على الشيء اللي امسكه...
منى- ياحبي لولد عمي هذا...
امل طالعتها بنظره مالها معنى...
منى ما كانت تطالع امل...
امل- هو حبيب...عسل بشكل
مها- حتى شكله ...يهبل ...
امل ضاق خلقها...
مها- حتى خالد حلو ...لكن بندر احلا....ياحظ زوجته فيه...
قامت امل وقالت- تبون شيء من المطبخ؟؟
سارة- سلامتك....
نزلت مع الدرج وهي معصبه.....فتحت الباب الداخلي ...وطلعت للحوش....جلست على الثيل...وقالت- بدينا....والله مو طايقه احد يتكلم عنه كذا....معقوله يتزوج...وينساني...لا لا هو يحبني...ايه هو يحبني....
انفتح باب الشارع ..دخل هاني....ودخل وراه بندر وهو مبتسم....
التفت وخفت ابتسامته ....
هاني- هذي امل او ساره...
بندر- امل....هاني حبيبي ...ادخل...
دخل هاني....
بندر اتجه لامل وكانت رافعه عيونها له ...
بندر- يالغلا...وش مجلسك لحالك هنا...
جلس جنبها..
امل- لا ...بس حبيت اشم هواء..
بندر- احسك متضايقه..
امل- ما اكذب عليك ..ايه ضايق خلقي..
بندر- من ايش ؟؟
سكتت ...
بندر- وشو منه ضايق..
امل- مو لازم اعلمك...
بندر- قولي...
قامت وقالت- مو لازم..
مسكها مع يدها وجلسها وقال- ما احب شيء يضايقك ...قولي وش اللي مضايقك..
امل ابتسمت وقالت- والله يا بندر ...نسيتني الضيقه...خلاص ما عدت ضايقه..
ابتسم بندر ونزل عيونه وقال- يالغلا ادري انها تصريفه...
امل-ههههههههههههه وربي مو تصريفه ..
بندر- لا لا ...وش فيك..
امل- الدعوه كلام قالنه مها ومنى وتضايقت منه...هن مايدرن انه يضايقني...
بندر- اها....والله انك دلوعه...هذا دلع...بعدين ليش ما قلتي لهن اني ما احب الكلام هذا...عشان مايقولنه مرة ثانيه وبعدين يضيق خلقك...وتجلسين لحالك..
امل- امممم لا لا ...اخاف يفهمون ليش ما احب الكلام هذا...
بندر- خلاص بس لو شفتك ضايق خلقك مره ثانيه ...ما لي دخل...ماني جالس اراضيك...
طالع الساعه...قال- اووووه دوامي..
امل- عندك دوام....
بندر- ايه...
امل- ومتى ترجع ؟؟
بندر- ارجع الساعه سبع الصبح...
امل- اها....الله يعينك....بتجي وانت جوعان؟؟
بندر- ايه....وش اسوي..اشكوى لله
امل- اوكي ....الساعه سبع ...بتلقى فطورك جاهز...ما راح اخليك تنام وانت ما اكلت ...
ابتسم وقال- تسلمين لي يالغلا...بس لاتنامين وتنسيني...هههههه
قام وقال- عاد مو تدلعين علي ...قومي قدامي روحي للبنات ...خوذي لي طريق ...بالبس واطلع...
امل- مو لازم تمر من عندهن...بجيب لبسك لك..
بندر استغرب وقال- طيب وشعري ...وجزماتي ...اصلا وين البس؟؟
امل- يوووه ...طيب البس بمجلس الرجال...لا تجي من قدامهن..
بندر ابتسم ...عرف ليش تضايقت وليش ماتبيه يمر...
امل- طيب طيب...كيفك...باخذ لك طريق...
مشت قدامه وهو واقف يطالعها ومبتسم...ويقول بقلبه((تغار !!!!امولتي تغار علي!!)) ...ضحك ضحكة خفيفه ..لانه مستانس
صعدت الدرج ووقفت قدامهن...وقالت- ادخلن الغرفة بندر بيجي...
مها- مابوه طرحه عبايه...
امل ماسكه نفسها لا تكلم وتفضح نفسها....
سارة- لا ....اجيب؟؟
امل- ارتاحن ودخلن ...هو بيلبس يعني بيطول شوي...افضل لكن تدخلن...
مها- طيب ....
منى قامت وقالت- بس بخلي الباب مفتوح عشان اشوفه...
ضحكت ساره ومها...
امل مابتسمت حتى....
منى- امول...ممكن جوالك...
امل- على سريري ....خوذيه...وسكرن الباب ...
دخلن وسكرن الباب....
امل- اووووووه...
طلعت راسها من فوق وقالت- بندر بندر...تعال...
صعد بندر الدرج وهو مبتسم...التفت لباب وقال- بالغرفة..؟؟
امل- ايه..
بندر- افتحي الباب بشوفهن...
امل هنا الصيحه وصلت وقالت- حياك....
مرت من جنبه وهي معصبه...نزلت مع الدرج...بندر ضحك بخفيف ....دخل غرفته لبس الملابس ...نزل ...وهو نازل شاف امل جالسه بالمطبخ وحاطه يدها على خدها ...ومعها كاس شاهي نعناع..وتحرك الشاهي يمين يسار
دخل المطبخ التفتت له وقالت- ان شاء الله شفتهن؟؟
بندر- ههههههههههههههههه وانتي وش عليك شفتهن او لا....
امل ارتبكت وقالت- كيفك ...بس اذا حاب مساعده...تبي لهن صورة والا افتح الباب لك ...انا حاضر...
بندر- اها....والله حلو...يعني لو خطبت بتساعديني على اني اشوف خطيبتي...
نزلت عيونها للكاس ...حست انه جرحها...وقالت- الله يهنيك..
بندر شاف نظرتها وعيونها وحس ان مال امه داعي يقول الكلام هذا...
بندر- طيب....
امل مارفعت عيونها ....
بندر- انا طالع...
طلع بسرعة....وقف عند الباب وهو يقول- اعتذر....لالا ...يووه
التفت لها وقال- اموله ...تبين شيء من برا...
امل مارفعت عيونها وقالت- سلامتك ...
بندر- طيب انا....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك