رواية الا فراقك -13

رواية الا فراقك -13

طالعها بحزن شوي...

امل- هلا..

بندر- تذكرين شكل عمي سلمان ؟؟

امل- لا ...اذكر ابوي يقول عندي له صور ...بس ماكان يخليني اشوفهن...

بندر- طيب ...ابيك تشوفينه...بس مو تصيحين....

امل- طيب... والله امنيتي اشوفه ...

بندر- قومي...

قام وراح لغرفته...لحقته.....طلع من الدرج ...اللبومات ....فيه واحد منهن لونه ابيض قديم ...

جلست امل على السرير ...جلس جنبها ...فتح الالبوم......طلع صورة كان فيها ابو خالد...ورجال ثاني...اللي هو ابو امل...

بندر- هذا هو عمي...

اخذت امل الصورة...وجلست تتأمل بها وهي مبتسمه ابتسامه كانها حزينه..

امل- الله يرحمهم ...

جلست تذكر خالها وشلون كان يعاملها....امتلت عيونها دموع وقالت- الله..يرحمه..

بندر شك انها ماسكه دموعها...مسكها مع كتفها وقال - امل....شوفيني...طالعي فيني..

امل ما رفعت عيونها ....بندر- امول...

نزلت دمعتها....

بندر- انا قلت لا تصيحين...

امل- لو كان حي....كان خالي ما قدر يسوي فيني ....

بندر عصب وقال- وش ذا الكلام...

امل سكتت

بندر- خالي قدر ياخذك المرة ذيك لانك انتي تبين.....لكن لو كنتي ما تبين كان قدرت اوقفه ولا اخليه ياخذك ....بس تذكرين كلمتك اللي قلتيها لي...

امل ستغربت من بندر....بندر يهاوشها....

بندر- انتي قلتي لي انا كبيرة ...ما عدت امل اللي تقول حاضر طال عمرك...لا تدخل فيني...

امل دنقت ...

بندر- كنت اقدر ما اخليه ياخذك..

امل- ووصيت ابوي...

بندر- اللي صدمني انك قلتي وصيت عمي ....ماقلتي وصيت ابوي...

امل- خلاص يا بندر..تكفى ..

بندر- بس مو تقولين لو ....امل...

شهقت شهقه خفيفه وقالت- بس يا بندر...

قامت ....كانت بتطلع...مسكها وقال- والله ما قصدي...اجلسي ...ما ودك تفرجين على صورك وانتي صغيره؟؟

امل مسحت دموعها ...وطالعته وقالت- طيب...

جلس وجلست ......فتح الالبوم الثاني ....كان عمرها سنتين....

امل- من وين لك الصورة...

بندر- سرقتها من ابوي الله يرحمه...

امل- ههههههههههههههه حلوه سرقتها...

فتح الصفحات ...كان الالبوم لها لحالها...نادرا ما تشوف صورة سارة او خالد...

فتح الالبوم الثاني فيه صورهم كلهم...سارة وخالد وهو وامل ..وابوه حتى امه...

امل- امممم ما عندك صورة امي الله يرحمها...

ضحك وقال- يا مهبوله....ههههههه قوية ذي صورتها عندي...

امل- انت تقول انها توفت وهي ماتغطت عنك...تذكر...انت قلت لي...

بندر -بس ما احتفظ بصورتها..

امل- طيب ....مو عند امي...ولا عند خالي؟؟

بندر- لا ..ما اعتقد عند خالي شيء...بس امي لا ما عندها...

امل- طيب وشلون كان شكلها؟؟

بندر- كان شكلها ....اممم ....

طالع امل وقال- كانت تشبهك...فيها منك...كانت عيونها مثل عيونك...خدودها ودائرة وجهك...شفايفها مثل شفايفك....هذا اللي لذكره

امل- طيب ....بيتنا الحين من اللي يسكنه؟؟

بندر طالعها وقال- مو كافي اسئلة...

امل-لا ...ابي اعرف كل شيء عن ابوي وامي..

بندر- الحين فيه عايلة من القصيم...

امل- اها ...صح اهل القصيم حبوبين...اعرف بنات من القصيم بالمدرسة...والله يهبلون...

بندر- يهبلون بالشكل...

امل- هههههه بكل شيء...تبي شكل ...وتبي اخلاق...

بندر- الله يستر عليهن...

امل- امين ...طيب ....بحتفظ بالصورة ...

بندر- حقت عمي؟؟

امل- ايه...

بندر- خوذيها بس انتبهي عليها...

امل- بحطها بعيوني...تصبح على خير...

بندر- تلاقين الخير...

اخذت الصورة وطلعت ...بندر دخل الالبومات..رجعت وقالت- بندر....وين الرسمه؟؟

طلعها من الدرج نفسه وقال- خوذي....اخذتها....وضحكت بقوة

بندر ابتسم وقال-عاد هذا رسمك...تبيني اشتري مثلها...

امل- بقطعها...

بندر- لا لا...هاتي ...

اخذها منها وحطها بالدرج وسكره وقال- ذكريات...

امل- يالله بروح انام.....

طلعت ...

.........................................

كان بيقوم شاف صورة طاحت من الالبومات كانت لامل....ابتسم واخذهاوانسدح وجلس يتأمل فيها....يتمنى ترجع صغيره ...او يصير عمرها عشرين بسرعة العمر هذا ما يبيها فيه...

بندر- والله ابي اتزوجك واخلصك من الظالم....

غمض عيونه ....

...................

دخلت الغرفة وسكرت الباب ....اتسطحت وشغلت الابجورة ...وهي تتأمل بأبوها...

امل مسحت الصورة بيدها وقالت- الله يرحمك....

نامت والصورة على صدرها..........

..............

الصبح الساعة 11 كان الكل قايم....وهذي مو من عادتهم.....

كانوا جالسين بالصالة....

امل معها صحن فستق وتتفرج على التلفزيون ...وسارة جنبها وتاكل معها....

بندر معه جريده وخالد معه جريدة الرياضيه....وامهم جالسه عندهم بس...

ددددرررررررررررن ددررررررن

بندر- خالد رد...

خالد- لا انت عنده....

بندر اخذ السماعة-الو ....هلا والله وغلا.....اخبارك ....الحمد لله...الله يسلمك...اخبار القصيم.....اعذرنا يا عم والله مشاغل ...

التفتوا كلهم...عرفوا انه عمهم سعود

بندر- اجل بتجون....الله يحيكم...بس والله ما تطلعون من البيت ...لا شقة ولا فندق ....بتنامون عندنا...لا لا ...ياعم والله البيت كبير الحمد لله....ههههههههههههه ان شاء الله....يبلغ ان شاء الله ...استعجلوا علينا ..تعالوا ...يالله ...مع السلامه

سكر.....

خالد- عمي ؟؟

بندر- ايه..

خالد- بيجي لرياض؟؟

بندر- ايه...

سارة- وبناته؟؟

بندر- العايله كلها..

سارة- يهوووو

امل- حلو ....يصير معنا احد...

بندر- ايه اظاهر مو مطولين...

امه -الله يحيهم...

بندر التفت لامل وسارة وقال- المهم وناستكن....يمكن ياخذون شقه...لكن ابيكن تتصلن عليهم وتقولون البيت كبير ونبيكم عندنا.....

سارة- طيب...

خالد- بس موتاخذينهن ياسارة وتروحين بهن لهدى...والله لا اذبحك ان شفتك رايحه لها ...

ضحكوا وسارة قالت- تراهن بنات مو عيال عشان تغار...

خالد- زوجتي كيفي...المفروض انتي ما تشوفينها...وانا اسمح لك لأنك بمقام الاخت

سارة- عاد اقول لا يكثر.....ومن هي هدى...

خالد- طيب ترى ما اخليك تحضرين الزواج....باقي له شهر ونص هاااه....

سارة- مالك غنى عني...

بندر- وامول وين تروح....مو اخته.....

ابتسمت امل وهي تقول بقلبها((وش يقصد....لا يكون بيفهمني اني مثل اخته...))

خفت ابتسامتها وقامت وقالت- اكيد بساعد امي على كل شيء....ولو ما تجي سارة ما راح ينقصنا شيء...

ساره- ياتبن....الحين قدام اخواني بسكت لكن بالغرفة انا اوريك

عطتهم ظهرها وكانت بتروح...

بندر- وين مو جالسه معنا....اول مرة نصحى الوقت هذا اجلسي...

خالد- خلها تستعد من الحين...ما احد بيساعدها بزواجي على التعب...

سارة- ترى عاد صدق اكنسل زواجك...

خالد- عاد اذا كنسلتيه انا بعد بكنسله...

ساره- يعني لازم تحضره الغاليه اختك سارونه...

امل كانت تطالعهم وهي مبتسمه....

خالد- اكيد ههههههههههههههههه

ضحكوا ...

صدت وصعدت الدرج .....ودخلت الغرفه وسكرت الباب ونزلت دمعتها....مشت وجلست على سريرها وهي تصيح ...

طلعت الصورة ...وقالت- ياليت لي اخوان مثل سارة...كان ما يقول لي بندر اختي ولا شيء...

شهقت وهي تصيح وقالت- اكذب على نفسي ليش...هم مو اهلي...اصلا انا مالي اهل...

.................

بالصاله

كان يفكر ...امل مو على طبيعتها...

سارة- احس ان امل بعد ما جت من خالي متغيره

بندر التفت لها وقال- شفتي عليها شيء...

سارة- الحين صارت ما تنام الا واسمعها تصيح او مشغله لها انشوده وتنام عليها ....عكس اول...يعني احسه اول تنام وهي مرتاحه ...الحين لا...

خالد- يمكن من معاملة خالي لها ...

امها- بسم الله على بنتي...انا بقوم اشوفها...

خالد-لا يمه اجلسي....خفوا على البنت....خلوها تجلس لحالها...وخلوها تجي معنا....اكيد انها تبي لحالها مدامها قامت من عندنا

بندر ماجاز له كلام خالد

بندر- سارة جيبي لابتوبي...

سارة- تكفى بندر ...ما ابي...

بندر- آآآآآآآآه طيب...

قام وساره مطيره عيونها ...ما قال قومي وغصبها...

اصلا بندر كان ناوي يمر امل ويشوفها....

صعد الدرج وهو يفكر بكلام سارة....

وقف عند نهايه الدرج والتفت للغرفه ...وهو يفكر يروح او لا....

بندر- بروح...

طق الباب وطق...

امل قامت ومسحت دموعها ....ودخلت الصورة بالدرج....وقامت تفتح...

امل- هلا بندر...

بندر لاحظ انها صايحه ....

بندر- امممممممم.....امل...

امل- سم...

امل- سم...

بندر- شوفي..اول شي ....تعالي لصالة....

راح للكنب وجلس عليه...طبعا الصاله اللي فوق....

جت وجلست قدامه....

بندر- امل....اذا فيه شيء مضايقك...او خايفه من ابو وليد او خايفه من اي شيء....خبريني.....انتي مو عاجبتني....

امل ابتسمت وقالت- من قال لك اني متضايقه او خايفه....انا دامني معك ومع اهلي...مستحيل اتضايق....يكفي انك تسألني الحين...ومهتم فيني....انا ما تضايقت ابد...

بندر- تسلمين...بس اشوفك متغيره....

امل- اذا كنت ابي شيء ما ترددت وطلبته منك...

بندر- مني انا بس...اوكي؟؟

امل- اذا كنت تبي منك بس اوكي...

بندر- ايه بس مني

امل- تامر امر

بندر- طيب يالغلا ...بس لا يضيق صدرك...

امل تبسم وتقول- طيب...

بندر- تامرين شيء؟؟

امل- ايه...

بندر- هلا..

امل- ابي آيس كريم ...

ضحك بندر وقال- اها بدينا بالدلع ...طيب وش بعد...

امل قامت وقالت - امزح

بندر- لا جد تبين شيء ...

امل- ابدا...

بندر- طيب

قام وقف جنبها وهو يطالعها وقال- صحيح ان خالد اخوك....لكن ...ما ابيك تطلبينه شيء..

رفعت عيونها له كان يطالعها ...وابتسم لها ...

كمل طريقه ودخل غرفته ...

......................

قامت ودخلت الغرفة....

.............

مر اسبوع....اليوم العم سعود بيجي....

سارة طايرة من الفرحه...

بندر دخل وقال- سارة...سااارة...

امل جت وقالت- سارة تلبس...تامر شيء؟؟

بندر- ايه ...ابي ..القهوة ...جيبيها بالمجلس...

امل- طيب...

بندر- او ثقيله؟؟

امل- يعني..بس ماني جايبه القهوة بجيب التمر والحلا...

بندر- طيب باخذها ...الحقيني بالتمر والحلا...

راح للمطبخ ودخل واخذ صينية القهوة....اخذت صنية التمر والقهوة ...ومشت وراه...دخل المجلس ونزل الصينيه..دخلت

قالت- انا مسويه الحلا ...ياويلك ماتاكل...

بندر التفت لها وقال- ياويلي....لا اجل باكل ...طيب لو ما اكلت ...فيه عقاب؟؟؟

امل- اممممم....لا ...بس بزعل...

بندر- اها....اجل لازم اكل عشان الغاليه امل ماتزعل...

ضحكت وهي مستانسه وقالت- ايه

بندر- عطيني...

اخذ من الصحن قطعة وقالت- لا بندر مو الحين...

بندر- نزلي الصينيه...

اكلها مرة وحده ...وقال- واااو السكر كثير...لامسته؟؟؟

استحت وقالت- اقولك انا مسويته..

بندر- اها....بس والله طعمه رهيب...يالله روحي ...اشوفك مالبستي...

امل- عادي ...انا بطلع لهم كذا...

بندر- اصلا ...انتي لو مالبستي...كلك على بعضك قمر....بس روحي البسي لا تفشلينا ..من زمان عنهم...

امل- مو تقول قمر...

بندر- ايه قمر...بس اللبسي تصيرين احلا من القمر...

ابتسمت وقالت - طيب...

طلعت وهي طاااااااايــــــــــــره من الفرحه وهي تقول- وه ياقلبي ...والله ما اصدق ...

ركضت وهي تصعد الدرج....دخلت الغرفة وهي مبتسمه ...

سارة- اخترعوا شيء اسمه طق....لوكنت البس...دخلتي علي وشفتيني...

امل- اقول لا يكثر...علمي نفسك انتي تدخلين بدون طق...

سارة- يوووه كل ما قلت شي قلتي انتي انتي....اقول اكرمينا بسكوتك..

امل- لا ما راح اسكت.....

فتحت دولابها وقالت- والله اليوم مستانسه.....

سارة- لان عمي بيجي..

امل- لا لا ...مو لانه بيجي....بس مستانسه كذا...تدرين سارة....

طلعت لها لبس وسكرت الدولاب واستندت عليه وقالت- الله يفحظ اخوانك لك....

سارة طالعتها وهي مستغربه!!!

امل- بالذات بندر....ربي يوفقهم ويحفظهم....الله مارزقني بخوان ...ولا بأهل...لكن عمي ما قصر...ماتعودت اقوله عم...صرت اقوله يبه ...خالد وقلت خالد ولا فكرت اقول لاحد انه ولد عمي ..اقول اخوي خالد....

سارة ابتسمت وقالت- وانا ....تقولين لي بنت عمي ؟؟

امل- انتي اختي...وخالتي امي....

سارة- وش فيك نطيتي بندر...

عطتها امل ظهرها وقالت- تدرين عاد...عطيتك وجه....انقلعي بالبس....

سارة- طيب ...والله لا اعلم بندر....

يتبع ,,,,

👇👇👇

تعديل المقال