رواية الا فراقك -12

رواية الا فراقك -12

عبد الرحمن- هلا والله.....

سلموا على بعض ....

بندر- واضح يا اخي اللي تعبان من السفر...وجهك اصفر...

عبد الرحمن- ما احب امسك طريق...والحفر من قربه...

بندر- الله يعينك...طيب ارتاح داخل....

عبد الرحمن- اجل بقابلك...والله بنام...اشوفك اليوم بالليل....ياسر بيجي لاهله اليوم....بنشوفه...

بندر- اجل اشوفكم...العشاء علي....

عبد الرحمن- ما نبيه بالبيت....نبيه بالحديقة باي مكان..

بندر- خلاص...الحديقة ....بتصل على ياسر واقوله....

....................

سارة نزلت وهي تركض...

سارة- بندر وينه...

امل- طلع...

سارة- كذاب...قال بوديكن...

امل- بيرجع اكيد...

سارة- متى؟؟؟

امل- ما ادري...

..............

الساعة سبع دخل ....وهو ينادي - يمــــــــــــــــه يمه...

امه- سم...

بندر- تراي طالع انا والعيال برا...تبون شيء دقوا علي..

من اول ما سمعته ينادي ركضت لدرج...وقفت فوق تسمع ايش يقول...

امه- مسوين عشاء...

بندر- ايه....معشي عبد الرحمن وياسر...

امه- جو....؟؟

بندر- ايه...

امه- زين...الحمد لله على سلامتهم....تبونا نزين لكم سلطات شيء...

بندر- لا لا اشقى على الفلوس.....بعدين انا يمكن ارجع الساعة وحده..

.............

امل- اووووه وحده....اوووف والله بطفش....

رجعت للغرفة ....ورمت نفسها على السرير ...

كانت سارة على النت....التفتت لها وقالت- وش فيك ؟؟؟

امل- طفشااااانه

سارة- العصر اقول قومي نروح لسوق قلتي لا....وبندر التفخ سحب علينا...

امل ابتسمت وقالت- بندر تفخ....

سارة- طيب وش رايك نروح للجيران بشوف مرة اخوي...

امل- لا لناس ما ابي...

سارة- ليش؟؟؟

امل - ما احب.....احب اطلع مع بندر وخالد..

سارة- نروح نقول لبندر يودينا لمكان ما؟؟

امل- لا بندر عازم اصدقائه

سارة- هم يستانسون وحنا لا...

كملت سارة شغلها بالكمبيوتر...

اتسطحت امل وهي تطالع السقف....تذكرت صديقتها دلال ....قامت وقالت- تشوفين دلال بالمدرسه عندكم؟؟

سارة- ايه...

قامت وقالت - بدق عليها....

طلعت لصالة ونزلت مع الدرج تركض...

بندر وخالد كانوا يصعدون الدرج...شافت بندر يطالعها ومبتسم على برائتها...ارتبكت وهي تركض ...ما عرفت وشلون توقف ..نست وشلون تاقف..

خالد- شوي شوي لا ....

صرخت ...وكانت قريبه منهم...وطاحت ...لكن بندر مسكها ........

امل ابعدت وقالت- بسم الله...

بندر ضرب خالد بيده خفيف وقال- اذكر الله وانت تشوفها تركض ...

خالد-هههههههههه بسم الله عليك يالفراشة....

ضحك بندر وقال- لا يكثر....

طلعوا لفوق وهي واقفه .....اخذت نفس وكملت ركضها...

جلست عند التلفون ...اخذت دفتر الارقام ....وجلست تدور وتدور ...لقت اسمه ورقنها ...دقت عليها...

............

ابو وليد كان جالس بالصالة يفكر....

جاه ولده وليد- يبه.... ليش ما نسافر ...صديقي احمد سافر..وهو يقول....

ابو وليد عصب وقال- اقول انقلع لأمك لا تشوف شيء مايسرك....أنا فاضيلكم...

وليد خاف من ابوه وتركه ...

ابو وليد-والله البزارين البلشة...

جت ام وليد- وش فيك تصارخ.....

ابو وليد- انا انطرد...انا...اخر عمري انطرد...لا ومن اللي طردني عيال اختي....ما عرفت تربي ...ما عرفت تربي...

ام وليد- ما عليك منهم....

ابو وليد- انا ان خليتهم يتهنون ...والله لا يشوفون شيء مني ما عمرهم شافوه....

......

كانوا جالسين....

ياسر- ابشركم...

التفتوا له...

عبدالرحمن كان بجنب ياسر مبتسم...

بندر- وش السالفة؟؟

ياسر- خويكم خاطب...

خالد- الثانية...

ضحك عبد الرحمن وقال - لا ....انا اللي خطبت...

ابتسم بندر وقال- مبرووووووك....

عبد الرحمن - االله يبارك فيك ...عقبالك..

ياسر- بعد كم سنه...

خالد- على البركة....

ابراهيم صديق خخالد وبندر- مبروك....يالله ما بقى منا الا بندر...

عبد الرحمن-ان شاء الله زواجي مع زواجه...

ياسر- اجل مطول زواجك..

بندر يطالع يسار وهو رافع حاجبه ....

ياسر سكت ...

خالد- لا بندر مع زواجي انا...

بندر- بتوهقني انت....مابقى الا شهر ونص ...

خالد- عاد وش اسوي لك....

بندر- يالله العشاء جاء...

قام بندر

ابراهيم- لا تصرفها....تراك بتزوج ...

بندر- اذا فكرت ...

راح لسيارة المطعم يجيب العشاء...

...................

الساعة وحده ونص كانت جالسة بالصالة طفشانه ....او يمكن تنتظر بندر...اسندت راسها للكنب وغمضت عيونها.....من دون شعور نامت...

...

....

.....

دخل للبيت هو وخالد...

خالد- غريبه اذا كانوا نايمين....

بندر- تلقاهم من الطفش ناموا...

خالد- وش نسوي...بكرة نطلعهم...يلله تصبح على خير ...عندي دوام...انا ماني نصاب اقول تعبان وانا ما فيني الا العافيه....

بندر- يا اخي ارتاح احسن لي...

صعد خالد الدرج...بندر راح لصالة التلفزيون..شافها نايمه....

ابتسم وقرب منها وقال- امول .....امووول....امووله.....

فتحت عيونها شوي شوي....وطالعت فيه وطار النوم عنها ...امسكت رقبتها لانها نامت وهي مايله....

بندر- وش اللي منومك هنا؟؟

امل- كنت اتابع....ونمت....

بندر- طيب روحي نامي بالغرفة...

امل-لا خلاص تكفيني النومه هذي.... بروح اجيب لي عصير تبي؟؟

بندر- اممم جيبي...

امل- طيب....

قامت ....

بندر جلس واخذ الريموت وشاف فيلم رعب ...خلاه وتابعه..

نزلت الصينيه على الطاولة ....وصبت له بكاس...ومدته له...اخذه وقال مشكورة...

صبت لهاواخذته وطالعت التلفزيون .....دقيقه دقيقتين...التفتت لبندر وقالت- غيره ...

بندر- ابتسم وقال- ما فيه شيء؟؟

قالت- لا لا ما احب اجوائهم...

بندر- طيب وشنوع افلامك ؟؟

ابتسمت وقالت- الهنديات ...

طالعها وهو مستغرب

بندر- هنود...ههههههههههههههههههههههههههه ههههههههههه

امل- والله يهبل...

بندر- لا بايخات....اذا تضاربوا طلع صوت قنابل...ياشيخه وش افلام هنديه...

امل- ما تحبهن؟؟

بندر- لا ...

امل- امممم اجل حتى انا ما احبهن...

بندر- وليش تقلدين...

امل- اللي تحبه احبه ....واللي تكرهه اكرهه

بندر ابتسم وقال- تسلمين .....طيب اغير ...

دار بالقنواتوما لقى شيء...طفاه ونزل الريموت ...وقام

امل طالعت فيه وقالت- وين؟؟

بندر- بطلع بالحوش....

امل- اها...

بندر- امشي نجلس...

امل- اجي بعد شوي...

بندر- براحتك...

طلع للحوش....

طبعا الحوش نصه ثييل ((يعني عشب))

جلس على الثييل وجلس يفكر بروحته للبعثه...

قال- لو اروح ....خالد مو جالس هنا....يعني خالي يمكن يا خذ امل....صح بيلقى البيت فاضي...اجل بلا روحه....اجلس ممرض ولا ان امل تطلع من البيت....

......................

كانت جالسه تفكر تقول- اووووف اكيد يبغى لحاله...معقولة يعتبرني مثل سارة ...يعني لو كبرت....لا لا ان شاء الله ...هو يحبني ......والله ما ادري...

قامت وقالت- بروح لها...

طلعت للحوش ...التفت لها وطالعها....

اتجهت له وجلست قباله ....

قالت- وش تفكر فيه....

بندر- افكر بروحتي عشان اكمل دراستي...

تغير وجه امل....جلست تطالعه مو مصدقه

بندر- بس احسه صعبه ...يعني خالد بيتزوج....وامي تقول تزوج ورح...واترك البيت فاضي ما اقدر...

امل- وكم بتجلس هناك؟؟

بندر- سنه سنتين؟؟؟

امل سكتت وهي تطالعه ...

بندر - والله ما ادري اروح...والا لا ....سارة تقول احسن لك تروح...وامي ما ادري عنها احسها مو راضيه...

سكت وقال بقلبه((وانا الخبل اشتكي لها))

ابتسم وقال- كيف الروحه....امممم وش اقول....

امل وهي تفكر....حطت يدها على خدها وهي تمسحه ...تتأكد ان دموعها ما اطلعت....

بندر- امل....

امل- هاه ...

بندر- انا .....اسف ....

امل انصدمت يعتذر...!!!

أمل- !!!!!

بندر- تذكرين يوم كنا بالعزيزيه .....والله ما كنت بوعيي ...انا اسف ...اسف ...

امل طالعت الارض وقالت- اكيد مسامحتك لو ما تعتذر....انت الغالي....

ابتسم وقال- تسلمين.....

امل-بروح انام..

قامت...

بندر- غريبه...بالوقت هذا تنامين.....مو بعادتك...

امل- لا عادي..

بندر- تصبحين على خير يالغلا.

امل- يللا...تصبح على خير...

دخلت داخل وسكرت الباب الداخلي واستندت عليه اخذت نفس وقالت- تسافر سنه ..لا يارب ما يوفق ....يارب يغير رايه....

طلعت للغرفه..دخلت ولا سكرت الباب كان جزء منه مفتوح....جلست على سريرها وقالت- يارب ما يسافر....قامت راحت للشباك وابعدت الستاره....كانت تشوفه جالس وهو ماسك الجوال..جابت كرسي...وجلست قدام الشباك وهي تطالع فيه ...

اخذت جوالها وشغلت انشودة

((عساك دوم متهني

عساك دوم تذكرني

عساني دوم في بالك

عساك بس تفهمني

غلاك اللي مجنني

بقلبي دوم يتعبني

عساني بس وافي

عساك بس تفهمني

عساك بس ما تنسى

قلوب ودها ترسى

بين صدرك الجافي

عساك بس تفهمني

ارجوك كافي ارحمني

وتذكر ماضي الايام

عساها بس تشفعلي

وتحنن قلبك الجافي))

اخذت نفس وقالت- والله مايحس ...يقول لي كذا انا بسافر سنه سنتين...والله احسه ما يحبني...يعني ما يحبني لانه اكبر مني بتسع سنوات ؟؟....ما يهم العمر...وامي تقول له تزوج ...اوووف ما اقدر اعترف لاحد...ان اعترفت بيدرون ان اللي بقلبي لبندر مو اخوه بس...

شافته يقوم وينظف بنطلونه وقميصه من ورى ...ويدخل....

امل- اكيد بينام...

اسندت راسها وهي موجهه عيونها لسماء...

..........

صعد الدرج .....ووقف وطالع الغرفة..الباب مفتوح...وده يروح يشوف هي قايمه او لا ....بس يشوف ان مال امها داعي....جلس على الكنب اللي بالصاله ...واتسطح عليها ...

........

مرت نص ساعة تقريبا...

قامت بتجيب لها شيء تشربه...نزلت للمطبخ....وسوت لها قهوة فرنسيه ...وهي تصعد مع الدرج شافته...وقفت ابتسمت ...دخلت تجيب كراسة وقلم....جلست على الارض وحطت الكاس على حنب ومسكت الكراسه وبدت ترسمه ....كان نايم...تحرك وهو يمسك رقبته ...

امل- يا حياتي ..رقبته اوجعته....فتح عيونه شوي....ورجع غمضهن....بعدين فتحهن...وطالع بامل ....امل ابتسمت

بندر- وش تسوين؟؟؟

امل- ارسمك...بس انت حست الرسم...

بندر- ليش حسته...

امل- تحركت..

قام...سكرت الكراسه...

قال- بشوف شكلي...

امل- لا لا ...ما ضبطتها ...

بندر- مالي شغل ...بشوفها...عطيني...

وقف قدامها...كانت رافعه راسها بقوة وهي تطالعه ...

امل- لا ....

جللس قدامهاوقال- ابشوفها...

ابتسم وسحبها منها ...وهي ماسكتها...

بندر- امووول لا تعاندين....ان سحبت الكراسه بتطرين من سحبتي ...

امل ابتسمت ....بندر- عاد يالله يالغلا ...عطيني من دون هواش...

سحبها....وهي ما تحركت ....فتحها...كانت تتأمله بعد كلمة الغلا...

فتح الكراسه..وهو يفتح رسمه رسمه لها...ويبتسم...

بندر التفت لها وقال- تذكرين رسمة سيارتي ....رسمتيها لي ...وغبيتيها عن سارة بشنطتي ...

امل وهي تذكر ابتسمت وقالت- عندك؟؟

بندر- افا عليك ...اكيد...هذا انا الحين...والله رسمك دقيق ...انتي رسامه....يالله تكبرين شوي ...وتطلعين فنانة...ويطلع لك معرض...تحطين صورتي فيه...

امل- ههههههههه بحطك واحط صورة ابوي..الله يرحمه...

بندر- امل...

طالعها بحزن شوي...

امل- هلا..

بندر- تذكرين شكل عمي سلمان ؟؟

يتبع ,,,,

👇👇👇

تعديل المقال