رواية الا فراقك -11

رواية الا فراقك -11

لامي....لاتتركني...والله بيذبحني.....

بندر مسكها مع يدها وقومها...

خالها- يا قليل الاصل....اتركها....

بندر وقفها وراه....وقال- تبي تاخذها....اذا دفنتيني تحت التراب...

خاله- اصلا انت ما تربيت....

بندر ساكت...

خالد- بس.....

خاله- العيب مو بك ...بس العيب باللي واقف يتفرج....واخوه ....

خالد اشتب نار.....قرب منهم ومسك خاله مع كتفه ....وسحبه ودفه بالاسنسير.....وقال- لا عاد اشوفك قدامي....ترا بسوي فيك شيء....توه طالع من المستشفى مو رايق لواحد مثلك...

خاله يطالعهم بنظرات تهديد- هين ...هين....تسون بخالكم كذا هاه....طيب...اوريكم من ابو وليد...

خالد- اعلى ما بخيلك اركبه....اختي ما تطلع بيتها...وانت ما تعتب على عتبة البيت.....وقد حذرتك...

خاله- ما عرفوا يربونكم....

قرب من خالد وقال- لو كنتم مربيين...

دفه خالد على ورى وقال- اقول لا يكثر....

ضغط رقم واحد....وسكر الاسنسير على ابو وليد ....

التفت على ورى...كانت ماسكه يد بندر وهي تصيح...

وحاطه راسها على ذراعه....وتصيح...

بندر ساكت ويطالع خالد...

خالد يطالع ببندر...وبعدين ينزل عيونه لامل...

بندر- امول ...بس ...خلاص...

امل- كنت بالمستشفى...

بندر- لا..بس....

خالد- خلاص عرفت....امل لا تقولين لامي....

امل- ليش بالمستشفى؟؟

خالد- صار له حادث امس ..

امل- صدق؟؟

بندر- حادث بسيط...

امل- بس...

بندر ابتسم وقال- ما تبين تشوفين امي...

...............

نزل وهو يمشي بسرعة.....ويقول- اوريكم يا عيال نورة....انا لكم ....والله لا ردها.....

ركب سيارته...شغلها...كانوا طالعين ....استأذنوا لامل بالخروج...وتوسطوا الشارع...

مشى ابو وليد وهو حاط عينه عليهم....بندر التفت ...ومسك امل مع يدها ...ورجع على ورى شوي...

بندر- خااااالد....

التفت خالد وكان يطقطق بجواله ...السيارة طايرة...ابعد عنها وكانت ناويه تجي فيه ...

بندر- هذا ايش.....بشر والا حيوان...

خالد- خالي؟؟؟

بندر- ايه....بدينا.....نوا على ذبحنا...

امل ساكته وتفكر...بندر- يلله....

طالع امل وكانت ساكته ....ابتسم بيلطف الجو عليها....

امل طالعت فيه وقالت- ليش هو كذا....

بندر- لانه واحد ما عنده احساس ولا قلب....امشي ....

................

انفتح الباب......

دخل خالد....

جته امه وقالت- اخوك بندر ...وينه؟؟

خالد- ما جبت بندر بس...شوفي...

دخلت امل ووراها بندر....

ام خالد- امل ...

عجزت تحرك...

سارة- يمه شفتــ....امل...

جت تركض....وضمتها....

امل- والله اشتقت لكم...

راحت لجهة امها وضمتها وهي تصيح وتوقل- ما ابي اروح مع خالي تكفون....

بندر- خلاص امل...ما انتي رايحه...

امل- الله يخليك لي....ولا يحرمني منكم

بندر ابتسم وقال- ولا منك يالغلا ...

ابتسمت ومسحت دموعها ....

خالد يطالع امل..تأكد انها تحبه...مو اخوه زي ما تقول...بس لازم يعرف...بندر مثلها او لا....

بندر-يلله بروح لغرفتي....تعبان...

امه- ما تبي عشاء؟؟

بندر- لا لا ...مشكورة...

صعد الدرج ورجله توجعه....دخل الغرفة ونزل الجزمات....كانت الشاسة ملفوفة عليها....

انسدح ومن دون شعووووور ....نااااااااام...

..............

دف الباب بقوة وهو يصارخ- انتم وجه خير....

جت ام وليد تركض وشافته- انت وش جابك....بيحققون معها...

ابو وليد- ليش تودينها للمستشفى اللي عيال عمها فيه ....

مسكها مع اذنها وقال- انتي ما تستحين على وجهك....عنز ما تفهمين....وديها لاي مستشفى بس مستشفى عيال عمها لا...

ام وليد- ابو وليد....انا وش دراني....سعود وداها...

دفها وقال- ومخليتها مع سعود....انتي ما تستحين...

ام وليد- اخوي وما يسوي شيء...

ابو وليد- ايه ما شاء الله ....ما فيه اعقل منه...طالع على اخته...بس انا اوريك يا بندر انت واخوك شيء ما عمركم شفتوه....

.......

................

دددن دددن ددن ددن <<المنبه...

كان مزعج...فتح عيونه ومد يده وسكره ....وكان نوي يرجع ينام...تذكر امل موجودة...فتح عيونه وقام...

بعد الوضوء طلع يمشيء....الساعة اربع ونص....ما قد اقام...لبس ثوبه واخذ شماغه...وطلع من الغرفة وهو يمشي...انفتح بابغرفة البنات ...

طلعت امل وقالت- صباح الخير...

بندر- هلا ...للحين على عادتك....ما تنامين....

ابتسمت وقالت- تعودت...

قال- يالله ...بطلع اصلي...

امل- تبي فطور؟؟

بندر- ياليت...

امل- طيب...

بندر- تعلمتي اجل عند خالي...

نزلت راسها وهي تقول بنفسها((اكيد والاقد مت لو ما تعلمت...))

رفعت راسها وقالت- ايه خلاص كبرت...

بندر- يلله...

نزل ....امسكت السلم وجلست تطالع ببندر...وحطت يدهاعلى خدها...وقالت- سامحته مع انه اهانني...يالله..الغالي ...من يقدر عليه...

نزلت للمطبخ....

...................

بعد الصلاة.....دخل ومعه من المطعم فول وعدس ومقلقل...ومن الفطور هذا....دخل المطبخ

بندر- السلام عليكم...

امل -وعليكم السلام...

بندر-جبت معي هذا ...

امل- طيب....احطهن...

سحب كرسي وجلس ....جلست تطالعه ....ابتسم...

وقال- يالله....اشتغلي...ابي اشوفك وانتي تشتغلين...

وجهها حمر وقالت- بس....

بندر- طلعه ما ني طالع....اخلصي...

امل- طيب...

جابت صحون...وزعت...شاف بندر انها منحرجه....

......................

((بندر))

يالله ....وانا اشوفها ...احس بوناسه مو بساعيتني.....ياليتها تجلس عندنا دايم....لهدرجة مشتاق لها...لازم ما اسمح لخالي ياخذها.....وش ياخذها وتتركني...صعبه اني ما اشوفها....والله مرت اربع شهور وانا كأني مو موجود....اجل لو بتاخذ

اكثر من الفترة هذي ....وش اسوي....

..........

((امل))

انا صحيح مستانسه انه جالس عندي...لكن والله احراج يشوفني وانا اشتغل...كنت اطالعه شوي والقاه مبتسم ويطالع فيني ولا بعد عينه ابد...

انا ما اقدر احط عيني بيعنه وهو مبتسم كذا .....والله تهبل ابتسامته....

..........

قام بندر وقال- انتظرك بالصاله....

امل- انا مجهزة فرشه بالحوش....عشان الهواء حلو والجو ...

بندر- يالله....عطيني الصينيه...الحقيني بالشاهي....

اخذ الصينيه اللي فيها الفطور...وطلع للحوش...

جلس ونزل الصنية ...جت ومعها صنية الشاهي ....جلست قدامه قال- حيا الله امل

امل ابتسمت ...وقالت - الله يحيك ....

بندر- بسم الله...

طلع خبز وقسمها نصين..مدها لها ...اخذته

بندر- اخبار الدراسة..

امل- الحين تسأل ...هههه الحين اجازة...

بندر- عادي....النصف هذا اخباره...

امل- ماشي حاله...

بندر- افا...ماشي حاله...

امل- عادي....انا اصلا مو مهتمه للمدرسة...

بندر- لا لازم تأمنين مستقبلك....

امل- وليش ؟؟....المهم اعيش...

بندر- لا ....يعني انا وخالد متولين امور امي وسارة وانتي صح؟؟....يعني ....بكرة بيتزوج خالد...وماراح يصرف عليكم مثل الحين...

امل بقلبها- يا رب مايقول اتزوج....

بندر- وانا ما راح ادوم لكم ...

امل- يعني بتزوج....

ابتسم وقال- يعني زواج ...سفر...يمكن...

امل- لا لا ما انت متزوج ولا مسافر....

بندر- طيب يعني انا يمكن اموت...

امل- بسم الله عليك...لا لا ان شاء الله تفائلوا بالخير...

بندر ابتسم وقال-عادي...كلنا...

امل- لا ...تكفى...

قالت من دون شعور - والله لو يصير عليك شيء اوتزوج....والله بموت....الا اني افارقك....وتتركني ولا تهتم فيني اخاف تزوج ....وتنساني....

بندر ابتسم وهو يقول بقلبه- الا انا اللي بهتم فيك اكثر من الحين....

امل سكتت شافت نظرته لها....وتذكرت كلامها وقالت بقلبها- مجنونة...انا وش اقول....

بندر سكت وكمل اكله وبعدين قال- تدرين ليش اقول كذا...ما ابيك تحتاجين احد....ما ابيك تطلبين احد...اطلبي مني انا...والله استانس لا طلبتي مني شيء....بس لا تطلبين من احد شيء...ابيك غنيه عن الناس...

امل ابتسمت وقالت- حتى خالد؟؟؟

- وش فيه خالد....

التفتوا

خالد- السلام عليكم...

جلس...

امل وبندر- وعليكم السلام...

بندر- لا يا امل....خالد عادي...لكن مو تكثرين...اطلبي كل شيء مني انا...

خالد- وش تطلب....هيييه تراي انا اخوها مثل ما انت اخوها...

كان خالد يقصد يشوف وجه بندر....بندر ما تغير وجهه وقال- لا بس انا ما ابيها تعود على طلب من احد غيري....لاني من صغري وانا مدلعها...صح امول...

امل ضحكت وقالت- ايه.....بس كنت مرة مدلعة والله ياليتني ارجع مثل اول صغيره...

خالد- يعني الحين بندر ما يدلعك

امل- الا بس مو مثل اول....

بندر- اقول ....سموا وكولوا...

...................

دخلت المطبخ ونزلت الاغراض على الطاولة...

بندر لحقها وقال- امل....روحي نامي الحين...الساعة سبع..ما يصلح تطولين..

امل- طيب...بس الاغراض بدخلهن بالثلاجه...

بندر- يا بنت الحلا امشي ....تقوم نور الحين....

امل- طيب...

تركت الاغراض وطلعت...كان يمشي جنبها...

امل- اخبارك الحين.؟؟؟

بندر- تمام...

امل- احس ان الحادث متعبك...

بندر- لا الحمد لله بس رجلي...

امل- الله يحفظك...

فترقوا عند نهاية الدرج وامل تقول- تصبح على خير...

بندر- تلاقين الخير....

وقفت عند الباب ...وهي تطالع فيه دخل غرفته وسكر الباب....دخلت وهي مبتسمه....

سكرت الباب ...وقربت من السرير وطاحت عليه وهي تاخذ نفس....

...............

خالد متسطح ويفكر ((يعني بندر يعتبر امل اخته.....بس اذا كانت هي تحبه مشكلة....ليته تروح عند خالي لو كانت تحبه...بس ما بعد كلامهابالمستشفى شيء...خلاص اثبتت انها تحبه...بس يمكن تحبه عشانه اخوها وهو الوحيد اللي يعطيها كل شيء....صح

اكيد عشان كذا....هي تحبه حب اخوه...لان ما احد يدلعها مثله...واكيد تبيه عندها دايم....بندر مو مثلي...يسوي لها اللي تبي...اجل الله يستر عليها...))

........................

الساعة اربع العصر....

سارة وهي طفشااانه- امــــــــــــل يا دبة قومي....قومي...

امل ما ترد...

سارة- يللا نبي نروح لسوق...

حركتها وقالت- بنروح لسوق....

امل فتحت عيونها بشويش وقالت- كم الساعة....

سارة- اربع.....

امل- نروح لسوق بالوقت هذا...اوووه تكفين...

غمضت عيونها....

سارة- انا طفشانه....وبندر يقول اوديكم لسوق...يلله ما صدقت..

امل فتحت عيونها وقالت- طيب....

ما صدقت انها تشوف بندر...ودها تشوفه بكل وقت...

.....................

نزلت امل ....بندر كان متسطح على الكنب ...

راحت للمطبخ....شوي ورجعت ومعها كاس كابتشينو وهي تشرب...جلست على الكنب....وبندر على الكنب اللي جنبها...

مسكت ريموت التلفزيون وشغلته وهي تدور ..التفت لبندر.....كان مسكر عيونه...كانه نايم...

صدت وهي مبتسمه...وطالعت التفزيون...دقيقة ...وتلتفت لبندر...كان فاتح عيونه ويطالعها...قالت - صاحي....؟؟

بندر- ايه....ابي كابتشينو....

امل- طيب...قامت راحت بتصلح له....

جلس وكان الكاس حقها على الطاولة...

بندر - امووول....مطوله؟؟

امل- خمس دقايق...

اخذ بندر الكاس وشربه....جابت له بكاس...وقالت- تفضـــ....

سكتت...

قال وهو مبتسمم- هذا لك...

ابتسمت وقالت - طيب...

جلست وهي طايرة من الفرحة....شرب بكاسها...

بندر- يالغلا ...تبين البرنامج هذا؟؟

امل- سم؟؟

بندر- تبين التلفزيون؟؟

امل- لا...

عطته الريموت وحط له كورة وجلس يتابعها ....

امل- عندك دوام اليوم؟؟

بندر- لا...اجازة مرضيه..

امل- تعبان..

بندر- لا ...عذر الحادث...

امل- على راحتك....

بندر قام وطلع......

...................

وقف عند الباب....

لو عبد الرحمن ينزل اغراضه ....

بندر- عبد الرحمن....هلا وغلا...حمد لله على السلااامة...

عبد الرحمن- هلا والله.....

سلموا على بعض ....

بندر- واضح يا اخي اللي تعبان من السفر...وجهك اصفر...

عبد الرحمن- ما احب امسك طريق...والحفر من قربه...

بندر- الله يعينك...طيب ارتاح داخل....

يتبع ,,,,

👇👇👇

تعديل المقال