يزيد بي الصوع بذكرى كنت بها المنهاني -14

يزيد بي الصوع بذكرى كنت بها المنهاني -14

آلعيش و آللحم .. و آلسلطه .. و آلروب .. و آلمآي ..

ولآول مره آحس آنيه معرسه وملتزمه في آشيآء وآيد ..

آول مررررررره آحس آنيه ربت بيت ..

قلت للبشكآره آتييب آلآكل من آلبآب آللي ورى ..

وآنآ سبقتهآ من آلبآب آلجدآمي ...

ووصلنآ للقسم ..

وجفت عمي و غآنم يآلسين على آلكنب ..

وغآنم لآزآل على حآله ..

مكتفـــي بآلوزآر بس ..

خذت آلآكل عن آلبشكآره قبل لآ تدخل ..

لآنيه مآحبيت آنهآ آتجوف غآنم وهو جي ..

مدري ليش .. ؟؟

حطيت آلآكل في آلدعنه .. و لفيت يدآ غآنم ..

: هذآ آلغدآ .. آمممم بغيت آييب لك شي ثآني ..

غآنم : لآ لآ .. بس تعآلي يلسي هنآ ..

وآشر ليه على آلكنبه آللي يآلس هو عليهآ ..

آنصعت لآمره بسسسسس لآن آبوه موجود ..

و غصبت عمريه على آليلسه حذآله ..

غآنم وهو يبتسم ويلف يده آليسآر على جتفيه : آبويه يوصينيه عليج .. يخآفنيه آقصــر عليج في آلمآنيآ .. مع آنيه آجووف آنه لآزم هو يوصيج عليه ..

عمي : هههههه لآ لآ من صوب بنت رآشد آنآ متآكد آنهآ مآبتقصـــر عليك بشي ..

غآنم : يعنــــي آنآ آللي بقصـــر آلحين ...؟؟

عمي : هههه آنته ويوم في آلدآر حآيتك مآتتنشد عنهآ .. وين وآنت مسآفر .. ؟؟

غآنم : آفآآآآ .. طآيح من آلعين ثرني ..

عمي : لآتكثــّر كلآم وآيد .. قوم تغدى .. ومآ يحتآي آقولك تفكر بآلكلآم آللي قلته لك ..

جفته آرتبك شوي و نزل رآسه : آن شآء آلله ..

نش عمي وآقف و قبض آلدرب يدآ آلبآب من بعد مآآستآذن يطلع ..

لحقته عشآن آطلعه .. بس آلتفت لورآه و طآلعني ..

عمي : هنآك ريلج .. مب هنآ .. خلج ويآه .. وآنآ آلدرب آندلهآ ..

آنحرجت منه : آن شآء آلله ..

رجعت لغآنم في آلصآله ..

ويلست على آلكنبه ..

وطبعآ غآنم يآلس في آلدعنه و يتغدى ..

: آممم شوه رآسك آلحين ؟؟

غآنم : آهون عن قبل ..

: آممم يعني بعده يعورك ..

غآنم : آلم خفيف .. آمممم آلبندول آللي في آلكيسه وين ؟؟ مآريتيه ؟؟ ( مآشفتيه ) ..

: آممممم .. هيه آنآ ضميته عنك ؟؟

غآنم : جيه يآهل تجوفيني جدآمج ؟؟

: يوم آنك تآخذ عشرحبآت فـ آقل من يوم في نظريه هيه يآهل ..

جفته آبتســـم و نزل عيونه على آلآكل ويلس يآكل من آلغدى ..

بس سكوت مآطول ..

غآنم : آممممم آغرآضج جآهزىت للسفـــر ؟؟

مدري ليش حسيت آن هآلوقت نآسب عشآن آطلع آلقهــر آللي فيه .. : ليـــش آنته آصلآ قلت لي آن آلسفـــر آليوم ؟؟

غآنم ببرود قهرني : آوك عندج وقت آلحين .. رتبي آغرآضج وحآولي مآتكثرين عن آلشنطه آللي في زآوية آليمين ..

مدري كيف آبدى آرتب ملآبسي ..

طلعت آلشنطه .. و حطيت آول شي كل آغرآضي آلشخصيه آللي بحتآي لهآ .. بعدين بديت بآلملآبس ..

آغلب ملآبسي كآنن عبآيآ و جينزآت و تيشرتآت و جلآبيآت خفيفآت .. ولو آقولكم آنيه مآحطيت لي ولآ مخور بتجذبوني ..

بس فعلآ و لآ مخور حطيت لي .. لآنيه آعرف همريه مآبلبسهن ..

رتبت ملآبسي كلهـــن ..

وآخيــــــــــــــرآ تسكرت آلشنطه ..

خليتهآ على حآلهآ ..

وفجآه تذكرت آمآيه ..

طلعت بسرررعه للصآله .. و جفت غآنم منسدح ..

وقفت مجآبلتنه ..

: آممممممم بتخطفني عند آمآيه ؟؟

غآنم : متـى ؟؟ آلحين ؟؟

: مدري كيفك ؟؟

غآنم : بآلليل .. و نحن طآلعين آوك ..

: مآعليه ..

غآنم : وعيني آلعصـــر ..

: آمممم عندك فون .. رككب آلمنبه بروحك ..

غآنم : وليش آركب منبه وآنتي موجوده .. حرمتيه بلآش ؟؟

: آحلم آنت بس . آحلم ..

مر آلوقت عآدي وآيد ..

آلعشآآ آلسآعه 9 طلعنآ .. طلعنآ من بيت عمي لبيت آبويه .. سلمت على آمآيه .. و توجهنآ للمطآر من بعدهآ عشآن آلسفــــر ..

البارت التاسع ..

يا نسايم صباح ثلوج .. كوفنتري !!

ضاق صدر العليل وما لقى له مكان !!

لو حدايق دروبش .. جوري وبختري

ما ملت عيني لو هي تنبت الزعفران

ولو عرفتي غلا الدوحه بعين قطري !!

كان يمديش تدرين الوفا .. كيف كان !!

بش رفيق ٍ عزيز وعادني محتري

شوفته لا رجع لي لو يطول الزمان !!

ضيقتي تقول وينه .. بس أقول اصبري

كل غايب وعذره .. والغياب امتحان

شوف الايام تجري يا رفيقي جري !!

والزمن ما يفرق في شجاع وجبان

ليه اغبي همومي يا الهموم اظهري !!

وخلي دموع حزني فوق خدي تبان

جاني " من حياتي .. طعنة فظهري !!

وين ابلقى قضى فالوقت والوقت خان

والله اني من الدنيا وأهلها ( بري )

غير من حب بنت ٍ حبها لي كيان

مستعد أني آبيع العمر وأشتري !!

قربها .. والمحبه / والدفا / والحنان !!

كانها من نصيبي يا الهموم اقصري

وكانها حظ غيري .. يالله المستعان !!

تجلبت و انا احس انيه مب مرتاحه في رقاديه .. في شي مضيج بي .. في شي مب مخلني مرتاحه في الرقاد ..

عدلت من وضعي .. و انجلبت على ظهريه ... وتميت اطالع المكآن من حولي ...

عمضت عيوني لثواني معدوده ..

آلحيين استوعبت انا وين ..

الين استوعبت بانيه في آلمآنيآ ..

لفيت يدآ اليانب اللي احيد غانم راقد فيه ..

بس مآريته ...

تنهدت ..

وقمت من على الكرفايه متوجهه للحمام ..

وتسبحت .. و طلعت من الحمآم ..

بمآ آن الاغراض لازالت كلها في الشنطه ..

خذت لي جنز " سكني " وبلوزه بلون اصفـر غامج ..

ونشفت شعريه و خليته مفجوج عشآن ينشف اكثــــر ..

وبلحظه ..

نسيت انيه انا مهآ ..

نسيت انيه انا مها الدلوعه .. اللي ماتشتغل باي شي من هالشغلات ..

نسيت كل شي كل شي ..

و بديت ارتب الملابس في الكبت ..

خلصت شنطتيه ..

ومن بعدها انتقلت لشنطة غانم اللي كانت مفجوجه وملعوزه من الخاطر ..

تنهدت .. و نشيت ارتب اغاضه في الكبت ..

ويوم خلصت طلعت من الغرفه متوجهه للصاله ..

شغلت التيلفزيون ويلست على الكنبه و انا ابدل بين القنوات ..

كل القنوات اجنبيه .. لجيه ماعيبنيه اي شي ..

توجهت للمطبخ ..

وفجيت الثلاجه ..

وآنصددددددددددددددمت بشوفة غراش الخمر دارسه الثلاجه ..

آستغفر الله ..

سكرت الثلاجه ...

وطلعت برى المطبخ ..

ماعرف شوه اسوي ..

توجهت للدريشه ... و تميت اطالع العالم برى ..

رغم الثلوج الموجوده برى ... الا انه القسم دافي .. ودفوته حيييييلوه ..

تميت اجوف العالم اللي برى ..

اندمجت بالمطالع ..

بس اللي قطع عليه صوت الباب وهو ينفج ..

فزيت متروعه ...

لكني ارتحت يوم جفته غانم ..

سكر الباب و تجدم و يلس على الكنبه ..

غانم : شحآلج ..

: تمآم ..

سكتنآ لفترره ..

ولكن محال يتم السكوت عند غانم ..

غآنم طالعني وهو يبتسم : كآشخـه ..

لا ارادي ابتسم و لفيت ويهي و ان ارفع قذلتيه عن عيونيه ..

غآنم : هههههههه عنبوه والله ماقلت حآيه ..

غيرت الموضوع و بعدها الابتسامه في ويهي : وين رحت ؟؟

غآنم : والله دوآم ..

فجيت عيوني بصدمه : من اليوم ..

غآنم وهو يبتسم : ولعلمج بعد الدوآم مب مخلص الحين .. لازم يخلص بعد ساعتين تقريبآ ..

طالعته بأشمئزآز : يعني بيلس بروحي في الشقه طول اليوم ... و الله آخآآآآآآآآآف ..

غآنم : هههههههه ماعليه بتتعودين .. آمممم تعشيتي ..

: فجيت الثلاجه ومالقيت غير صف غراش خمور ..

غآنم : عن يكون شربتي منهن بس .. ههه ..

طالعته بنظرة تكبر و غرور : لا لا ناويه على سهره الليله بهن ..

جفته فج عيونه و هو يطالعنيه ..

شكـــــــــله انصدم ..

شكــــــــــــــــله فسر كلامي على كيفه ..

شكــــله فهم كلامي بمنظور ثاني ..

تلاحقت على عمريه و قلت له : هآه هآه لاتفهم غلللللط .. سهرتيه بعيده عنك ..

بس لحظـــة ترآخآ على و راه و تم يضحك عليه ..

غآنم : والله آنج مهب صآحيه .. سيري سيري لبسي لج شي غير هاللي لابستنه خلينآ نطلع نتعشـى ..

روحت عنه يدآ الغرفه .. و لبست العباه و الشيله و طلعت له ..

بس مآلقيته .. ><

وين روح هذآ ؟؟ مسررع مآ ألقآه .. و مسرع مآ آغيبه ..

لكن ما مداها هالتساؤلات ادور في الخاطر الا به طالع من المطبخ ..

روحنآ و تعشينآ في وآح من المطآعم العائليه ..

عيبنيه الاكل ... و خص آنه على يوووع ..

تذكرت ويع راسه ..

: آممم شوه راسك ؟؟؟

ومن غير لا يطالعنيه : آمممم شي مايعنيج ..

طنشته ..

مع ان في خاطريه كنت ارد عليه .. بس بحكم المكآن الي يالسين فيه سكت ..

تعشينآ .. و خلصنآ .. و طلعنآ نتمشــى عشان نرجع للفندق ..

كنآ نتمشـــى و كلن منآ ساكت ..

بالنسبه ليه ..

كنت افكـــر في هالشهـــرين اللي بجابل فيهم ويه غانم ..

كنت افكـــر شقآ بيمرن ..

اذا انا من اليوم ملانه و عايفه حياتي ..

كيف .. ؟؟ كيف بصبر ليه بعد شهرين اذا مب آكثــر ..

تنهدت ..

وآتوقع ان تنهديتي وصلت لغآنم ..

لانيه لمحته لف عليه و طالعنيه ..

بس مسررع ما اختفت هالنظــــره ..

وصلنآ للفندق ..

ودخلنآ الجنآح مالنآ ..

وانا دايركت رحت لغرفة النوم ..

فصخت عباتي ..

وشليت لي بيجآمة نوم طويله ورحت يدآ الحمآم ..

بدلت ملابسيه .. وغسلت يديني وويهي .. و طلعت ..

تفاجأت بوجود غانم في الغرفه ..

منسدح على الكرفايه ..

ومغمض عيونه ..

توجهت لعلاقة الملابس و علقت عليها الفوطه ..

ووقفت جدام التواليت و يلست ادهن يديه ..

وقبضت الدرب يدآ الباب ابا اطلع ..

غآنم : سكري هالليت من تخلصين ..

: ماعليه ..

سكرت الليت و طلعت للصاله ..

وشغلت التيلفزيون و يلست ادور في عالقنوات ..

وعلى هذا الحال لين مآطحت على قناه تابعه للسعوديه " السنه النبويه "

ويلست اسمع القران فيها لين شي من الوقت ..

ومن بعدها رقدت و انا مب حاسه بعمريه ..

كل اللي حسيت فيه هو صوت غانم وهو يوعيني ..

في عز رقادي .. بس لمحة العصبيه تنعرف في وصوت غانم ..

غآنم : وبعدييييييييييييييين ويآج انتي ؟؟

لفيت يدآه وآنآ مب مصحصحه : شفيك ؟؟

غآنم : كلمتين و بقولهن .. بغيتي تتبعينهن كيفج .. مابغيتي اتحملي اللي بييج .. رقآآد الصاله هذا مايعيبني فآهمه .. آخر مره آجوفج راقده هنآ .. ولا والله .. و الله يامهآ اان اللي بيصير مابيرضيج ..

رغم انيه كنت راقده ..

رغم انيه بعديه مسطله ..

ورغم كل الاوضاع اللي فيها الحين ..

طآلعته .. و آنآ مركزه نظرتيه عليه : لــــيش انت مب متعود تاخذ حايتك منيه بالغصب .. ( وستهزئت به زود ) هه مايهمنيه اللي بتسويه ..

مآقلت هالكلمتين .. الا بيده ممدوده لرقبتيه ..

مسكنيه من رقبتيه .. و شدني بقوه بالقرب منه ..

بس ..

ويت ويت . .

الحين بسسسسسسسسس آنتبهت للون الاحمر الطاغي في عيونه ..

ومحول البيآض للون الاحمر ..

غآنم و بنبره كلهآ تهديد في تهديد : تدرين شوه اللي يمنعني من انيه ارتكب اكبر جريمه فيج ؟؟

ركزت عيونيه في عيونه وهيه تعلن التحدي اتجاه عيونه ..

: صدقني الجريمه اللي بترتكبها فيه بكون شاركره لك عليهآ .. لانها بتفكنيه منك ومن عذآآآآآآآبك .. تعرف شوه يعني بتفكنيه منك ؟؟

حسيت آن شدة يده تقوت آكثــــر على رقبتيه ..

بس تدرون ..

على كثــــر مآكآن يشد على رقبتيه .. مآكنت آحس بهآ موليه ..

مدري هل فقدت الاحسآس ..

مدري هل فقدت خلاياي الاحساس ..

او .. تعودت على لمسآته المقررفه بالنسبه ليه .. ؟؟

مآزآلت عيونيه متمسكه بعيونه ..

وعيونه متمسكه بعيونيه ..

لـآآآ .. لـآآآآ ..

هذي ابدآ مب عيون غآنم ..

مب عيوون غانم اللي عرفتها من البدآيه ..

>< هذآ شخص غير غآنم ..

>< هذي عيون غير عيون غآنم ..

حسيت بيدينه ارتخن من على رقبتيه ..

ارتخت .. ارتخن ..

ارتخن ..

لين ماتحررت رقبتيه منهن ..

بس هذا خلا زندي ( اعلى اليد ) يتطوّق بيدينه ..

غآنم بهمس غريب و بسيط : دآم هالشي فيه راحه لج ... خلج .. خلج جي متعذبه .. خلي حررة اليووف تبرد بتعذيبج ..

فرنيه على الكنبه ..

ورووح عنيه متجه للباب ..

مآقدرت آمنع دموعيه من انهن يهل من عيونيه ..

مآقدرت آمنع شهقاتي بانها تفارق صدريه ..

مآقدرت اسوي شي ..

ماقرت غير انيه اصرخ بصوت ممزوج بالصياح و القهـــر ..

: يعلللللللللللللك الموووت ... يعلللللللللللللللللك ماترجع بالدرب اللي بتطلع منهآ ..

وكنت في باليه دعاوي وآيد ..

بس ..

بس صوتيه خاني و آنبح من الصياح و منعني اطلع كل اللي في خاطريه ..

دفنت ويهي في المخده و يلست اصيح ..

آصييح و ليت الصايح بيخفف عنيه شي من اللي فيه ..

بالعكس ...

الي حسيت به هو زيآدة الهم فوق الهم ..

صحـــت .. لين ماحسيت ان صدريه بيتفجــــر من زود صياحي ..

سمعت صوت الفون و هو يصيح ..

قمت له ابا اجوف امنوآ متصل بيه ..

آبتسمت رغم صياحي وشهقاتيه ..

يالله يعلنيه فدآك يا حميد ..

انت . .انت الوحيد اللي ذكرتني ..

رديت عليه و انا متولهه عليهه و على صوته و على كل شي كل شي ...

: الوه ..

حميد : حي الله بهالصوت اللي ماسمعته من 4 ايام .. شحالج الغاليه ...؟؟

شهقت من آثر الصيآح : تمآآم من سمعت صوتك ... انت شخبارك .. ؟؟

حميد : بعافيه .. و يسرررج الحال ..

مآقآل جي ..

الا و انا منفجــره صياح ..

شوه اسوي .. مآآقدر ..

مآآقدر آكآبر اكثر من جي ..

توالفت عليه كل الاعواق ..

عوق الحقــــير غآنم ..

وعوق ولهيّه على حميد و آهليه ..

حميد : افاا افاااا شو هذآ مهآ .. تصيحين ؟؟

: تولهههههههههت عليكم .. و انتوآ حتــى مآفكرتوآ تتلون بيه ..

حميد : يابوج خفنا من غانم .. خفنآ لا ناخذج عنه و يدعي علينآ ... و تحيدينيه انا مااا اقهر دعآوي حد عليه ههههه ..

ماقدرت ارد عليه لانيه كنت اصيح ..

وحميد متلوووم عباله انه هو سبب صيآحيه ..

حميد : مهآآآ وانا اقول خلااص ودرتيها هالحركآآت عنج .. بس شكــــلج آمرره ما استغنيتي عنهآ ..

حاولت اقوي عمريه بس مآقدرت ...

وتميت آصيح ..

حميد و بصوت مبحوح : مهآ .. آنآ غالي عندج ؟؟

: وتشك في هالشي ؟؟

حميد : عيل كلمتين و بقولهن و يتنفذن بالحرف الوآحد فآهمه .. مسحــي دموعج .. و روحي غسلي ويهج و ارقبج على الخط اوك ..

: حمـ ...

حميد قاطعنيه : جب .. كلاميه يتنفذ يالله ..

خليته على الخط .. و سويت كل اللي قالي اياه بالحــرف الوآحد ..

هذآ حميد .. و ماروم اقوله لااا ..

ومآروم ارده في اي شي ..

غسلت ويهي .. و رجعت له على الخط مره ثانيه ..

حميد : هآه الغاليه سويتي اللي قلت لج عليه ..

: هيه ..

حميد : تمآآآم ... الحين تعيبيني ( تعجبيني ) شخبارج ؟؟

: تمآآم .. انت شخبارك .. و شخبار اميه و ابويه وحمود ..

حميد : كلللللللهم بخير و عافيه .. وهزرهم لو يدروبي ارمسج جان كلهم عفدوآ على التيلفون .. ههههههه ..

: ههه والله افتقدتكم وآيد ..

حميد : قوليلي .. شخبار غانم وياج .. اوكيه ؟؟

ارتبكت و توترت : هيه اوك ..

حميد : مهآآآ بلا جذب ..

نزلت دمعتيه مره ثانيه .. اصلا دموعيه ما واحن ينشفن : حميد مب مرتاحه .. مب مرتاحه موليه .. ماباه .. ومابا اييلس عنده ..

حميد : مهآ حبيبي لازم في اي زوآج تصير مشآكل بين الزوجين .. و خص آنكم بعدكم في بداية زواجكم .. مايصير تعالجين كل شي جي ..

: حميد مااقدر اتحمل زوود .. مآآقدر ..

حميد : آفآآ مهآ .. تبين آطلعين جدآم العالم كلهم انج مب قدهآ ..

صحت زود : العالم ماعاشوآ يوم وآحد من اللي يالسه اعيشه ويآ غآنم .. ومآيهمنيه اللي بيقولونه ..

حميد : اوك شوه اللي مخلنج مب قاهرتنه .. ؟؟

: وآيد .. وآآآآآآآآآآيد يا حميد ..

حميد : اوك قوليليه منهن ..

حآولت آصبر عمريه و انا اتكلم : شوه تبانيه اقولك يا حميد .. اقولك انه على مد اليدين تراه مد يدينه عليه .. و انه على المنآزع ابدآ مب مقصر عليه ..

حسيت الصدمه بانت في كلامه : كل هذا مسونه فيج لين الحين ؟؟

: يمكن آنآ آكون مقصـــره في حقه في الفرآش .. بس مآآقدر .. والله مآآآقدر ..

حميد و بعصبيه : الجــــــــــــــــلب ولو انج مقصــــره بالف قصووور بس ما يمد اييده عليج .. جيه شوه ماوراج اهل ؟؟

تميت ساكته و انا احاول آمنع صياحيه يطلع له ..

حميد : آستغفــر الله ربي العظييم .. خلاص مآعليج خلي الموضوع عنديه و انا بتفآهم ويآه ..

تسرعت بسرعه : لا لا .. ارجوك حميد .. لا تكلمه و لا تتفاهم ويآه ..

حميد بتهديد : ليـــش بعد مهددنج ؟؟

: لـآآآوالله لـآآآآ .. بس آنت لا ترمسه .. مآبآ مشآكل زود يآه ....

حميد بعصبيه : بسسسس جب .. آعنبوووه في اربع اياام يسوي بج جذآ .. ولو انا مب متصلبج ما رمستــــــــي ..

تميت آصيح و انا مب قآدره ارمس ..

مب قآدره ارد على حميد ..

تلومت انيه قلت له ..

تلوومت انيه عطيته علوميه ويآ غآنم ..

تلووووومت بكل المحادثه اللي صآرت بيني و بينه ..

ومدري شقآ سكرت في ويهه ..

مآبآ ارمسه ..

خلااص مآبآ ..

مابآ مآبآ ..

والله يآخذ ذيج الساعه اللي رديت عليه ..

سمعت التيلفون صآح آكثر من مره ..

بس مآرديت ..

وللمره الرابعه صآح .. و من زود قهريه و الضيجه اللي فيه قمت و فريته على التواليت باقوى مآعنديه ..

وآعلن التيلفون طيحته و هو متكســــر .. و المرايه اعلنت ظهور شي من التشققآت عليهآ ..

دفنت راسيه في المخده التآبعه للكرفايه ويلست آصيح ..

صحـت .. و صحت ..

وليت الصايح نفعنيه بشي ..

يعلك بزوآآآآآآآآآآآآل يا غانم ..

يعلك بـ يآثووووووم يشلك ..

عمريه ماوصلت لهالدرجه من الصيآح ..

عمريه ماوصلت لمرحله حسيت بيني و بين الجنون شعررره ..

شعـــــره .. واذآ آنقطعت بيوصل لمرحله اعلى عن الجنون ..

مدري كيف رقدت ..

مدري متى رقدت ..

مدري وين رقدت ..

..

نشيت من التعب والالم اللي في ظهـــريه اللي من اول يوم ليه ويا غانم لين اليوم ما فارقنيه .. تمددت على الكرفايه .. وتلاحقت تنهيدتي لتمدديّه على الكرفايه ..

غمضت عيوني من بعد مآطآحت عيونيه على المرايه المنكــــسره ..

الله لا ردك يآغآآآآآآآآآآآآآآآآآنم ..

الله لآآآآآآآآآآردك جآنك خليتني في هالخبال اللي عشته آمس ..

قمت من على الكرفايه و روحت يدآ الحمآم .. تسبحت .. وحآولت اتنآسآ كل شي في سبوحيه ..

آنسى غانم ..

آنسى المشآكل ..

آنسى كل شي كل شي ..

غمضت عيوني و الماي الحار يصب من فوقيه ..

بس مسرررع مآ آنيه آبتسمـــت ..

تدرون ليش ..

لان الامل بعده باقي في الحيآه ..

وآنآ المفروض آتعود على هالشي .. و مآتهزنيه اي كلمه يقولهآ غآنم ..

لان نحن بعدنآ عايشين ..

وكلآآآآم غانم ما بيّموّت حد جآن آنه مب قآصر الاجل ..

لان نحن عيال اليوم ..

وبننسى اللي صار امس .. و بنعيش اليوم وبآجر ..

ملاحظه دآيمآ آقولهآ في حيآتي ..

" دع الابتسآمه تلازمك في آشد آحزآنك .. فـ ربمآ تكون سبب في سعاتك "

سكرت المآي .. و لفيت الفوطه عليه ..

وطلعت للغرفه ..

لبست ليه جينز سكني باللون الرمادي ..

وبلوزة هاينك باللون الاسود ..

نشف شعريه .. و طلعت للمطبخ .

فجيت الثلاجه .. و جفت فيهآ آكل ..

آبتســـمت .. وآخيرآ لقيت شي غير الخمر ..

>< بس منوآ يابه ؟؟ معقوله هو ؟؟

تنهدت ..و خذت ليه عصير اورنج وطلعت للصاله و انا اشربه ...

توجهت للدريشه و يلست اجوف الجو ..

يآلبيه عليه ..

مدري ليه تذكـــرت عويش ..

يمكن لانيه متآكده انهآ عكسيه الحين ..

مستآنسه .. مبسووطه .. و فرحآنه ..

مهووووووووووووووووووووووووووووووووووووووي سكري هالسالفه خلآآآآص ..

انتي قلتي بتعيشين اليوم بيومه .. وماعليج من حد ..

تنهدت ..

وتميت آطآلع برى ..

مر الوقت ..

سآعه ..

و سآعتين ..

وعشــــر ..

ويوووم كآمل ..

وقمت آحآتي غآنم ..

مب من غلآته .. بس لانيه في بلاد غربه ..

ومآعنديه حد غيره هنآ ..

طلعت من الغرفه و انا ابا اجيك على تواجده ..

وصددمني توآجده على الكنبه و هو منسدح و ريوله ممدوده على الطآوله ويدينه وحده منهن على راسه مغطي بهن عيونه .. و الثانيه ممدوده على ستاند الكنبه ...

لفيت على وراي ابا ارجع للغرفه ..

خلااص .. دآم آنه موجود الحين برتآح .. و بتطمن آنه مآحد بيعتدي عليّه بغيابه ..

شغلت تلفزيون الغرفه .. و يلست ابدل بين القنوات ..

مآعرفت وش آحطي من القنوآت ..

في النهايه استقريت على قناة المجد للقرآن ..

ويلست آسمع القرآن ..

آممممممممممممم ملل ..

شوه ايلس اسوي الحين ؟؟

كل شي مرتب و نظيف ..

مدري شوه اللي شتت فكــري لثوني ..

حآولت القى السبب لكن عييت ..

فريت عمريه على بطنيه ودفنت ويهي في اللحآف ..

مابا افكــــــــــر في شي .. مابا افكــــــــــــر في شي موليه ..

بس الكلام اللي كتبته لكم ما وافقني ..

لانه عاندنيه التفكيـــر ..

و خلانيه افكـر في رآشد ..

خلانيه آفكــــــــــر في سعيد ..

وخلانيه افكــــــــــــــــــر في كل حد ..

رآشد .. رآشد .. رآشد ..آنت الانسآن اللي لين اليوم حآقده عليه ..

لانك انت السبب باللي فيه الحـــــين ..

وسعيد .. سعيد .. سعيد اللي كآن بيشرينيه بمآي عيونه . وآن طلبت مهريّه روحه بيلفيهآ ليه .. بس آنآ .. ؟؟ آنآ الغبيه اللي مب في ويه النعمه ..

آمآ آنت يآ غآنم ..

الله يابك ليه .. عشآن بسسسسسسسسس يرآوينيه شقآ قدرته عليه ..

يوم شاورنيه رآشد قلت له مب قد العرس آنآ ..

ويوم يانيه سعيد قلت له آعتبره اخو من بعد مآكآن حبيب في زمن آلمراهقه ..

تنهدت ...

ومآدريت ان تنهيدتني بتكون سبب في دخول غانم ..

سمعت حركه في الغرفه ... وخمنت انه غانم ممن غير لا ارفع راسي ..

سمعت باب الكبت وهو ينفتح ..

ومن بعدهآ سمعت باب الحمآم وهو ينفتح و يتقفل ..

وكلهآ دقايق معدووده و الباب منفج مره ثانيه ..

ما تجرأت ارفع راسيه موليه له ..

اقل من دقيقه مر الوقت ..

يتبع ,,,,

👇👇👇

تعديل المقال