رواية انا اطري على بالك كثر ما انت تطري -16
سلمان:السلام عليكم
حامدبدون نفس:وعليكم السلام
سلمان:اديني معامله شركهـ ....
حامد:وايش تبى فيها؟
سلمان:بأكلها يعنى ايه؟
حامد:هاهاها اول مرة ادري انك خفيف دم
سلمان:استغفر الله الله يعدي هذا اليوم ع خير
حامد:انت وبعدين معاك تحسسني اني راع مشاكل وماتشوف نفسك
سلمان:ماابغى ارد عليك ممكن تجيب الملف
حامد:لالاموممكن
سلمان:السبب؟
حامد:كذا بكيفي انا بسوي المعامله
سلمان:بس عمي طالب اني انا اسلمها
حامد:انت ماتفهم قلتلك انا بسويها واحمد ربك اني بشتغل عنك
سلمان:مشكور ماتقصر بس عشان مصلحتك
حامد:ايه ايه ماسمعت
سلمان:ولاشي مع السلامه
حامد:باللى مايردك، انا هذا الولد بيذبحني قبل يومي اووف منو حشى لصقه
:::::::::::::::::::::::::::::::::::::::::::::::::: :::::::::::::::::::
الساعهــ12:30 ظهراَ
ابو محمد: جوري تعالي معايا ف غرفتي أباكي ف كلمه راس
جوري: حاضر ابويا
ام محمد: ماراح تتغدوا؟؟
ابو محمد: لاحقين ع الغدى تعالي يابنتي
(توجه ابو محمد وجوري للغرفه)
ابو محمد: اجلسي يابنتي
جوري: حاضر
ابو محمد:راح اتكلم معاكي ف موضوع يخصك
جوري:يخصني انا !!!! ان شاء الله خير
ابو محمد: ههههههه اكيد خير,, اسمعي اليوم عمك تركي كلمني وطلب يدك لسالم
جوري نزلت راسها
ابو محمد:مابنحصل احسن من سالم وانا ماراح اتدخل ف قرارك هذا حياتك وهذا نصيبك انتي اللي بتعيشي معاهفكري يابنتي اكثر من مراا ولاتتسرعي ف قرارك
جوري:ان شاء الله ياابوي
ابو محمد: ان شاء الله جايين بكرااا بعد العشاء انا بلغتك عشان تفكري وتتجهزي
جوري:ع خير ياابوي ,,,, بس انا ماافكر بالزواج بكمل دراستي
ابو محمد: كمليها عايدي وانتي متزوجه محد بيمنعك انتي اشرطي ف العقد وقتها مين ماكان محد بيتكلم
جوري: طيب ابوي انت ايش رايك؟؟
ابو محمد:لاتهتمي ف رايي انا عمري ماتدخلت ف حياتكم ولا راح اتدخل ,, استخيري والله يقدم اللي فيه الخير
جوري:والنعم بالله
ابو محمد:يللا يابنتي خلينا ننزل نتغدى وفكري بكلامي ولاتتسرعي
جوري:ولايهمك ياابوي
جوري باست يد ابوها: الله يطول ف عرمك ويخليك لنا
ابو محمد: الله يرضى عليك ويسعدك
جوري:آآآآآآآآمين ويااااكم
ابو محمد: يللا حبيبتي ننزل وراح اتكلم اللحين مع اخوانك وامك عن الموضوع
جوري بخجل:يللا
"""""""""""""""""""""""""""""""""""""""""""""" """" """
سعاد: يللا حامد تعال للغدى
حامد: ............
سعاد: حاااامد
حامد: هاا........هلا معاكي
سعاد: باين من اول اتكلم معاك
حامد: سامحيني راح فكري بعيد
جلست سعاد قبال حامد
سعاد: حامد انا عارفه انك ماتحب احد يتدخل ف حياتك بس ف نفس الوقت مااحب اشوفك متغير وتفكر
حامد: لاتشغلي بالك مافيني شئ
سعاد: كيف مااشغل بالي ,,, اذا ماقلتلي تقول لمين؟؟ يااخوي قلي ايش فيك
حامد: ياعمري مافيني شئ بس مشاكل ف الشغل خاصه كثر علينا الشغل هذه الفتره
سعاد: قول والله ان هذا السبب
حامد: والله العظيم ,,,, لاتشغلي نفسك
سعاد: اللحين ارتحت حتى عمتي ناديه مشغول بالها عليك
حامد: لا طمنيها مافيني شئ
سعاد: يللا طيب عشان ننزل نتغدى
حامد: من عيوني ,,,,إلا تعالي مارديتي عليه موافقه ولا لا
سعاد بخجل: اعطيني وقت زياده
حامد: طيب خذي راحتك ,,,, يللا ننزل قبل مايبرد الاكل
سعاد: طيب
(حامد آآآآآآه ياسعاد ماتدري ايش اللي فيني ,, اللي فيني الجبال ماتشيله )
( الــــبـــــــــــارت الـــــــخـــــــامـــس عـــــــــشـــــــــــــر)
..تذكر يوم أقولك جسد يحتوي روحين ..
. وأوعدك ما أخليك وتوعد ما تخليني ..
.. أذكر يومها أشوف بالدنيا بس اثنـين ..
(مـــــــــــرت مــــــــلكــــــــــة ســــعـــــاد وجــــــــوري ع خـــــــير ,,)
سالم: صباح الفل والياسمين
جوري: صباح النور ياهلا
سالم:كيفك اليوم حياتي؟؟؟
جوري: بخير دام حبيبها بخير
سالم: دوووووم يالغاليه
جوري: دام غاليك
سالم: حبيبتي اليوم عندك شئ؟؟
جوري: لا ياعيوني فاضيه ,,, حتى لو مشغوله مستعده اترك كل شئ وافضالك
سالم:لا لا مااقدر انا ,,, هههههه طيب ياقلبي مفكر آخذك ونروح للسوق تختاري غرفة النوم ع ذوقك
جوري: ذوقي وذوقك واحد
سالم:لا انا من زمان مخطط محد يختارها غير صاحبة البيت
جوري: الله لايحرمني من وجودك ف حياتي
سالم:آآآآآمين ولامنك يالحبيبه
جوري: إمممممم سلومي ممكن اسألك سؤال؟؟
سالم:إسألي يابعد روحي
جوري: قبل ماأسألك أباك تجاوبني بكل صراحه وماتكذب
سالم:من عيوني آآآآآآمري
جوري: مايآمر عليك عدو ’’’’’ انت قد ايه تحبني ومن متى؟؟
سالم: ماعندي جوااااب
جوري: آآفااا,,, توك ايش قلت
سالم:تدري ليه ماعندي جواب
جوري: لا ..... ليه
سالم:لأن لو اتكلم من اليوم لين آخر عمري ماأقدر أوفيلك حبك ولابعد اموت ف التراب اللي تمشي عليه
>جوري خجلت من كلام سالم <
جوري: للدرجه هذه
سالم: وأكثر انا من يوم كنت صغير وانا احبك وكل يوم يكبر حبي لكي إنتي بالنسبه لي الهوى اللي اتنفسه ,,روحي اللي ساكنه ف جسدي,, قلبي اللي ينبض ....راح اتعب وانا اوصفلك
جوري: فدييييييييتك
سالم:فداكِ الكوون
جوري: سالم
سالم:عيونه
جوري: تسلملي العيون وراعيها ,,,, إنت كنت تتعمد تشوفني
سالم: ههههه حلو سؤالك راح اجاوبك ... صراحه لا بس كل مااروح مكان وانتي تكوني موجوده فيه يجي لقائنا صدفه
جوري: واحلى صدفه ,, بس عمرك مابينت لي انك مهتم فيني وتحبني
سالم:الكل يقلي كذا,,, يالحبيبه انا طبعي كذا كتوووم
جوري: اهم شئ انت لي وانا لك
سالم:الحمد لله يللا ياقلبي تجهزي عشان آآخذك ونروح
جوري: ان شاء الله حياتي مع السلامة
سالم: الله معاكي
،×××××××××××××××××××××××××××
ابو سالم: حامد كم بقى من السيارات ؟؟
حامد:مابقى شئ ياعمي كلها إنباعت
ابو سالم بفرح: من جد من متى؟؟
حامد:آخر سياره كانت قبل يومين
ابو سالم: الحمد لله,,, خلاص روح شوف شغلك وشوي انادي عليك
حامد:ان شاء الله
خرج حامد من غرفة ابو سالم وهو ميت من الفرح .....
حامد:: والله يومك قريب الله ع الظالم بروح اتصل ع حسن واقله عن الخبر..
:::::::::::::::::::::::::::::::::::::::::::::::::: ::::::::::::::
حامد: السلام عليكم
حسن:وعليكم السلام هلاا
حامد:عندي لك خبر مره حلوو
حسن:قوول اطربنا
حامد:الطلبيه كلها انشرت بلغت عمي ابو سالم وفرح شكلواا اللحين بيكلم ابو محمد ويقله عن المشرووع
حسن:من جدك تتكلم
حامد:ايه من جدي هذه المواضيع مافيها مزح قريب كل شئ راح ينتهي
حسن: آآآآآآآآه منك ,,,, ع العموم بستأذن منك وبآخذ اختك ع مطعم
حامد:خذها هذه زوجتك مالي دخل فيك
حسن:مشكووور تبى شئ قبل مااقفل
حامد:ايوا دورلي ع 5 انواع سيارات تكون غاليه
حسن:غالي والطلب رخيص من عيوني
حامد:تسلم ,,,,يللا فارق
حسن:مقبوله منك ,,مع السلامة
حامد: مع السلامة
ام محمد:جنى يللا تروحي معايا للسوق نشتري اغراض لرمضان
جنى:يؤ ياماما مافيني
ام محمد:يللا قومي بلا دلع مابنتأخر
جنى:حاضر,,ماما وين اياد؟؟
ام محمد: خرج مع اصحابه
جنى:ياريتني ولد اسوي اللي اباه
ام محمد: استغفر الله,, انتي ماادري كيف تفكيرك من فين تجيبي الكلام هذا
جنى:من اللي اشوفه
ام محمد:الله يهديكي ويصبرني عليكي .. يللا تجهزي نبى نروح بدري ونرجع بدري
جنى:طــــيـــــب
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
سعود: مشاري تعال بكلمك ف موضوع
مشاري:طيب... هااا ايش عندك
سعود:أباك توقف معايا
مشاري:أكيد... بس ماقلتلي ف ايش محتاج شئ
سعود:قبل مااقلك اوعدني الكلام مايخرج لأي مخلوق واذا خرج ماتلوم إلا نفسك
مشاري:خلصني .... قول ايش فيك
سعود:إياد من يوم جرحني وسمعني كلام زي السم قدامكم وانا للآن حاقد عليه وحلفت ماافوتها له كرامتي ماتروح
مشاري:أأوووووف ياسعود مانسيت اللي صار وإياد لمن سمعك كلام جارح كان معصب ماتعرف إياد...
سعود:معصب ,,فرحان ماهمني قبل مايفتح فمه يثمن كلامه باالأول
مشاري:ونهايه هذا الكلام ايش بتوصل
سعود:راح آآخذ حقي
مشاري:سعوود انت صاحي هذا صاحبك صحبة 6 سنين وين راحت
سعود:6 سنين , قرن , مايهمني كرامة الرجال ماتنهان
مشاري:ايش بتسوي؟؟
سعود:سألتني ايش بسوي ,, راح اسوي نفسي نسيت اللي صار واكسبه وبعد مااكسبه راح انفذ اللي ف راسي
مشاري:كيف يعني؟؟؟
سعود:راح اسويله شئ اخليه يندم ع اللي سواه فيني
مشاري:نـــعــــــم... انت ايش تقول , سعود لاتخلي الشيطان يلعب ف راسك ترى تندم
سعود: شئ فيه ترجيع كرامتي عمري مابندم
مشاري:سعود انت ايش جالس تقول وايش اللي تخططله
سعود:راح اخليه يندم وبس مااقدر اقلك
مشاري:انت صار ف عقلك شئ صراحه مو انت سعود اللي أعرفه
سعود:راح تتعود ع الوجه الثاني
مشاري:سعود لاتدخلني ف مشكالك خلني بعيد
سعود:يعني مابتوقف معاي
مشاري:آآسف اسمحلي مااقدر انفذ هذا الشئ مثل ماانت صاحبي إياد بعد
سعود:بكيفك بس راح اسوي اللي ف راسي وياويلك وسواد ليلك لو اعرف انك خرجت اللي قلته والله لأذبحك
مشاري:لا انت صار ف عقلك شئ ماتوقعتك حقود لذي الدرجه
سعود:واكثر الحقد مالي قلبي اللي يهيني يتحمل مايجيه ماعندي هذا أب هذا أخ
مشاري:استغفر الله ,,, والكلام لاتخاف ماراح اقوله لأي مخلوق
سعود: انا حذرتك
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛
ابو سالم: كيفك ياراشد ؟؟
ابو محمد: بخير والحمد لله كيفك وكيف الشغل معاك؟
ابو سالم:كله تمام,,, راشد عندي لك خبر
ابو محمد: قووول
ابو سالم:الطلبيه اللي قبل طلبتها كلها إنشرت ف شهر
ابو محمد: والله كلها
ابو سالم:ايه,, هااا ننفذ المشروع
ابو محمد: ان شاء الله خلاص راح اكلم سكرتيري حسن اخليه يجهز الميزانيه عشان نشتري
ابو سالم:ع خير ان شاء الله وانا بكلم حامد عشان يشوفلنا احسن السيارات
ابو محمد: اللي تشوفه يللا بروح اشوف الوضع اللي عندي ف الشركه واكلمك وقت ثاني
ابو سالم:الله معاك مع السلامة
( وقــــــــت صــــلاة الــعــصــر فــــ بــيـــت ابو محمد)
ام محمد: اياد يللا قووم
إياد:.......
ام محمد:اياد ياولدي يللا قوم للصلاه
< فز اياد من النوم بسرعه>
ام محمد: بسم الله الرحمن الرحيم ايش فيك
إياد بخووف: ماادري ياامي حلمت حلم مره يخووف
قربت ام محمد من إياد وحطته ف حضنها وجلست تسمي عليه
إياد:والله ياأمي احس نفسي بمووت
ام محمد: بعيد الشر عنك هذه كوابيس لاتفكر ف الحلم
إياد:ياأمي أشوف واحد يخنقني واللي يخنقني واحد من اصحابي بس ماني شايف مين هو
ام محمد:بسم الله عليك هذه تهاويل الشيطان قوم غسل وجهك وتوضأ وصلي
إياد:اللحين الساعة كم؟؟
ام محمد: اللحين إحنا العصر قوم قبل مايبدأو يصلوا
إياد:طيب
(إنتهى شهر شعبان بكل مافيه من احداث ....أول يوم ف رمضان)
ابو سالم:يللا ياعليا جهزي السحور وصحي الاولاد
ام سالم: صاحيين بجهز السحور وانادي عليهم
سالم: السلام عليكم
ابو سالم:وعليكم السلام ,,, اسمع ياولدي اليوم لازم تنزل السوق وتكمل اغراض بيتك
سالم:بدري ياأبوي
ابو سالم:مافي شئ اسمه بدري زواجك بيكون نهاية شوال
سالم:ان شاء الله ولايهمك
ابو سالم:وإذا ناقصك فلوس قلي وانا أحولك ع حسابك
سالم:موقاصرني شئ تسلم يالغالي
ابو سالم:الله يرضى عليك ياولدي لاتزعل حرمتك ولاتقصر معاها ف اتفه الأشياء
سالم:لاتوصي ياابوي جوري ف عيوني
ابو سالم:الله يخليكم لبعض ويحفظكم من كل شر
سالم:آآآآمين وياكم
لجين:مين هذه اللي ف عيونك؟
سالم:يالله ع اللقافه
لجين:هههههه,,, اسمع سلومي كلم احد من اصحابك يشتغل ف المستشفيات او يعرف احد من طرفه
سالم:وليه ان شاء الله
لجين:أباه يكشف عليه ونسوي غراميات ,, يعني ليه أبى وظيفه
سالم:ولازم ف المستشفى يعني
لجين:هااا..... وين اقدم؟؟
سالم:خلاص انا راح اشوفلك لاتآآكلينا بقشورنا
لجين:هههههه احسن عشان احرم جوري منك
سالم:فال الله ولافالك يالدبه ماصدقت انا آآخذها
لجين:ايوا يللا دافع عنها وانا إنساني
سالم:بدينا نغااار
لجين:ههههه مستحيل اغار من جوجو حبيبتي
سالم:إأحسب,,, يللا كلي ونقطينا بسكاتك
لجين: طيب ..... بسم الله
#############################
ناديه: حاامد يللا كُل قبل مايأذن
حامد:..........
ناديه بصوت مرتفع: حــــــــــامـــــــــــد
حامد:هاا..... هلا عمه
ناديه: أقلك كُل قبل مايأذن
حامد:ان شاء الله
سعاد: حامد فيك شئ
حامد:لا ياقلبي مافيني شئ بس جالس افكر بشغله طلبها مني المدير
سعاد:أهااا.... خلي الشغل ع جنب وتكلم معانا
حامد:ان شاء الله .,,, كيف الوظيفه مرتاحه فيها
سعاد:الحمد لله المعلمات مره طيبين
حامد:الحمد لله . شفتي قلتلك اخرجي واختلطي ف الناس راح تتغيري
سعاد: تعرفني انا انطوائيه ,,, بس تغيرت اللحين وتعودت ع كل الموجودين ف المدرسه
ناديه: الواحد مايعيش من غير الناس ياسعاد
حامد:متى حدد حسن زواجك؟؟
سعاد:ماقلك!! مو هو صاحبك
حامد:انا لمن اكلمه بس نتكلم عن الشغل واقفل مااسأله عن المواضيع هذه
سعاد:اان شاء الله بيكون زواجنا يوم 10\10 انا طلبت منه هذا التاريخ عشان وقت إجازه مو مدارس
حامد: الله يوفقكم
ناديه: متى الأخ ناوي يتزوج وافرح فيه
حامد: مو ف راس يالزواج
ناديه:ليه مو ف راسك ....
حامد:بعدين ياعمه لمن استعد بنفسي اقلك اخطبيلي
ناديه:ف وحده ف راسك ؟؟
حامد:هااا... انا مااروح ولا اخرج حياتي كلها شغل
سعاد: الله يرزقك ببنت الحلال اللي تهتم فيك وتريحك
ناديه: آآآآآآمين الله يسمع منك
حامد: سعاد تبيني انزلك اليوم للسوق ؟؟
سعاد:ايوا اذا كنت فاضي
حامد:خلاص ولايهمك
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!
عبد الله: ألــــــــــــــو
: السلام عليكم
عبد الله:وعليكم السلام
:كيف الحال؟؟
عبد الله: مين معايا؟؟؟
:وحده معجبه
عبد الله: لاياشيخه إحلفي
: هدي ليه انت بس معصب
عبد الله:ماشاء الله لايكون عايشه معايا وانا ماادري
:ياريتني معاك
عبد الله: استغفر الله....
:تبي تعرف انا مين؟؟؟
عبد الله: مايهمني مين تكوني ويللا فارقي ولاعاد تدقي
:إنت ليه قاسي
عبد الله: ياصبر أيوب يابنت الحلال ايش تبي
:أبااااااك إنت
عبد الله: نــــــعـــــــم,,,, أقول لاتنسي نفسك ترى احنا ف شهر رمضان يعني حرام تسوي كذاااا
:وخير يعني ف شهر رمضان
عبد الله: الظاهر انتي ماتفهمي مابضيع وقتي معاكي ’’’ انا اللي راح اقفل (( قفل عبد الله الجوال ف وجهها من غير مايديها فرصه))
عبد الله: اسنغفر الله ناس ماتستحي انا وين مااروح البنات يتبلواا عليه ويكلموني ..
((بعد دقايق جاء مسج لعبد الله فتحها كان مكتوب))
"شكل اليوم مالك مزاج تكلمني خلاص راح اكلمك وقت ثاني ع فكره نسيت اقل كانا البنت اللي شفتها ف مطعم فادان وهزأتني ,, ماراح تروح مني مثل ماجبت رقمك راح اوصل لبيتك أنا حبيتك حراام عليك لاتعذبني"
عبد الله: لاشكل هذه البنت استخفت او ف عقلها شئ ماشي انا اوريكي اصبري عليه راح اعلمك انا مين ؟؟
///////////////////////////////////////
<<بعد صلاة المغرب ف بيت ابو محمد>>
سعود: السلام عليكم
إياد من دون نفس: وعليكم السلام
سعود: كل سنة وانت طيب
إياد:وانت طيب
سعود:إياد ممكن تسمعني للآخر وماتقاطعني
إياد:خير ان شاء الله ايش عندك بعد
سعود ماسك أعصابه :الخير ف وجهك أنا ندمان ع اللي سويته فيك وياريت تسامحني وتنسى اللي صار ونرجع اصحاب وحبايب
إياد:انسى.. كيف تباني أنسى
سعود: انا غلطت واخذت حقك خلاص
إياد:صح اخذت حقي بس للآن مقهور منك
سعود:تكفى سامحني وإحنى ف شهر فضيل لاتخلي شئ زي كذا يفرقنا
إياد:والله إنت اللي بديت مو أنا
سعود:إعترفتلك إني غلطان سامحني يللا
إياد:خلاص سامحتك بس عشان انك صاحبي وماتهون علي عشرة 6 سنين
سعود بإبتسامه خبيثه: مشكوور ولاتشيل ف قلبك علي
إياد:خلاص طاح الحطب ف النار
سعود: الحمد لله ... عشان زعلتك عازمك ع كوفي ومن زمان ماتقابلنا
إياد:ماأقول لا ,, ف أي كوفي شوب
سعود: جوفريز كافيه
إياد:ok راح نتقابل بعد صلاة العشاء
سعود:بإذن الله .. يللا اشوفك ع خير مع السلامة
إياد:مع السلامة
سعود: ههههههه والله انك مسكين ياإياد ع طول تصدق ع بالك بفوتها لك والله لأوريك نجوم الظهر استنى علي مو انا اللي انهان وانسى ...
<<<<<<<<<<<<<<<<<<<<<<<<<<<<<<<
حامد: هااا... حسون سويت اللي طلبته منك
حسن:ايوا راح ارسله ع ايميلك
حامد: مشكور ماتقصرلاترسله ع ايميل الشغل
حسن:هاا ع وين؟؟؟
حامد: انت غبي ناوي تفضحني ارسله ع ايميلي العايدي
حسن:آسف نسيت راح ارسله لك شوي
حامد: لاتنسى عشان بكرا الصباح بإذن الله ع طوول اديها للأخ تركي
حسن:ههههههه وين الإحترام؟؟
حامد: مايستاهل احترمه المجامله لابد ف الحياه تنفع
حسن:خاصةَ انت ياكثر مجاملاتك المفروض نرقيك
حامد: تستهبل انت ووجهك أقول فارق روح استهبل ع راس زوجتك
حسن:ههههههه يللا بروح اتغزل فيها
حامد: سخيييف( ( قفل الجوال ف وجهه))
:::::::::::::::::::::::::::::::::::::::::::::::::: ::::::::::
عبد الله:سلام ياحلوو
خالد:وعليكم السلام
عبد الله: إيش فيك؟؟
خالد:مافيني شئ ,, انت كيف أول رمضان معاك ؟؟
عبد الله:خلووود لاتضيع قول إيش فيك
خالد:..... مافيني شئ
عبد الله: إلعبها ع غيري اقول انا جاي عندك
خالد:عبد الله لاتعب نفسك مافيني شئ
عبد الله: يللا قفل مسافه طريق واكون عندك مع السلامة
خالد:مع السلامة.....(( ياربي ايش اقوله والله احراج ياريتني مارديت عليه وانا ف الحاله هذه كان ماحس فيني اللحين مايسيبني لين اقوله ,, اوووف ياربي ايش اقوله...))
.................................................. ......................
<<ف كــــوفـــــي جـــــوفـــــــــريــــــــــــــز>>
مشاري: سعوود انت وين؟؟
سعود:ف كوفي شوب جوفريز
مشاري:معاك احد؟؟
سعود:شوي يجي إياد
مشاري:إياد!!
سعود:إيه كلمته وتأسفتله طبعا دست ع غروري وكبريائي عشان اجيب راسه
مشاري:ياالله منك ,, سعود لاتسوي ف إياد شئ ياخي سامحه وإنسى
سعود:خلي نصايحك لنفسك .. اقول إياد جاء بعدين اكلمك
إياد:السلام عليكم
سعود:وعليكم السلام هلا والله.
اياد:هلافيك
سعود:ها .. ايش اطلبلك ؟؟؟
إياد:قهوة تركيه راسي مصدع
سعود:تآآآمر أمر ... جرسون
الجرسون:طلباتكم ؟؟
سعود:2قهوة تركيه
الجرسون: حاضر
سعود:هااا... كيف ايامك؟؟؟
إياد: تمام التمام
سعود:ايش ناوي تسوي بعد ماتخرجنا؟؟
إياد: والله مفكر ادخل الجامعه واكمل دراستي عشان ابويا يسمحلي اتوظف ابوي عنده لازم الكل يكمل دراسته الجامعيه
سعود:شئ حلــــــــــو..
إياد:وإنت؟؟
سعود:ماادري مافكرت بشئ
<<جلسواا يسولفوا ويتذكروا مواقفهم ف الثانويه >>
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
جوري:الحلو كيفه؟؟
محمد:.........
جوري:حمودي ايش فيك؟
محمد:هلا جوجو... وينك بعد ماملكتي ماسرت اشوفك كثير لايكون سلومي بيآخذك مني
جوري:ههههههههه مستحيل احد يآخذني منك,,, سوري ع التقصير مشغوله شوي ف تجهيزات الزواج
محمد: الله يعينك,, قاصرك شئ
جوري:لاياعمري مو قاصرني شئ
محمد:إذا محتاجه شئ تعالي اطلبيه مني لاتطلبيه من احد غيري
جوري:ان شاء الله ولايهمك ’’’’’ حموودي
محمد:عيونه
جوري:ايش فيك احسك مو ع بعضك فيك شئ
محمد:لاياقلبي مافيني شئ
جوري:بدينا نكذب شوف شكلك كيف معتفس
محمد:هااا... وجهي
جوري:قووول افتح قلبك
محمد:راح اقلك ... قبل مااجي البيت شفت ف الطريق حادث وشفت الناس متجمعين ع الحادث رحت اشوف ايش فيه ياريتني ماشفت
جوري:ياالله.. كمل ايش شفت
محمد نزل راسه ع الارض: لقيته صاحبي توفيق
جوري:ياساتر ... مااات , عايش ,, قول بسرعه قلبي وجعني
محمد:ماادري ماادري ماني قادر انسى شكله أخاف يصير فيه شئ لاسمح الله
جوري:ليه مارحت ورى الإسعاف عشان تطمن عليه
محمد:رجولي ماعاد تشيلني لمن شفته هذا توفيق صديق العمر ,, الله يقطع الشيطان اللي خلانا نفترق ع سبب تافه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك