رواية ياروح الروح حبك فرضته -17
لجين:انا خلصت كلامي من زمان
عبدالله:احبج
بشاليه
دلال :مريوم ماني قادره انام والله خايفه بشكل موطبيعي
مريم:لا انشالله مايصير شي...وطلال يتصرف
دلال:كل شي توقعته منهم الا هشي يخربون بيتها لهدرجه حقد وكره ..ليش شنو ذنب الي سوته الي يضرونها جذي
مريم:حسبي الله ونعم الوكيل فيهم
دلال:مريوم لازم كل يوم انطلع صدقه
مريم:وانا من متى قايلتلكم...بس لجون اتحط كل يوم
دلال:الحمدالله ..الصدقه تدفع البلاء
مريم:لا وينها مابينت
دلال:يمكن ردت البيت
مريم :ادق عليها اشوف
دلال:خليها لاتزعجينها تلاقينها مستانسه مع ريلها طرشيلها مسج
مريم:اوكي ...خذت تليفونها وكتبت المسج(لجون بتنامين عندنا ولا بتردين بيتكم) وطرشت المسج
على البحر
وصل المسج حق لجين
عبدالله@@ :مسجات هل هزه من منو
لجين:ههههه شفيك بطلت عينك جذي اتلاقيه طلال ولا البنات
عبدالله:شوفي منو
لجين قرت المسج:هذي مريوم تسأل بتنامين عندنا ولا بتردين البيت
عبدالله:والله خوش فكره
لجين:اي فكره
عبدالله يحرك حواجبه:انرد البيت ..ابي آخذ راحتي اكثر
لجين طرشت لها (لا مابي ارد بنام اهني)
عبدالله:شقلتي نرد بيتنا
لجين:لا عبدالله شيردنا بهل ليل
عبدالله:عادي
لجين:لا هني اونس
عبدالله:لا مو وناسه هناك احلى ..وحرك حواجبه
لجين:عبدالله
عبدالله:هههههههههه...فديت الي يستحون والله ....لجونتي والله احبج
وضلو يسولفون الي صبح
لجين:صار الصبح وحنه ليلحين بمكانه ..جسمي تكسر
عبدالله يطالع الساعه:بيه اساعه 7 والله ماحسيت بالوقت
لجين:اكيد بمر ابسرعه ....الحيات جذي الحظات الحلوه ابسرعه تمر
عبدالله:والله لخلي لحضاتنا كلاها حلوه ...يالله قومي الحين ظهرج متيبس
لجين:لا موايد ...وقامو وهما يمشون
عبدالله:والله موحرام الحين كل واحد فينا ينام بمكان
لجين:من تزوجنا وحنا جذي
عبدالله:بس الحين الوضع يختلف ...لجوني خنرد البيت الحين الصبح مو ليل
لجين:عبدالله كلها باجر واهلك ايون
عبدالله:شي نومني الحين
لجين تبتسم:لا انشالله تنام ..يالله تمسي على خير
عبدالله :جذي ..بدون شي
لجين:عبدالله
عبدالله:عيون عبدالله قلب عبدالله
لجين:خلاص بروح باي
عبدالله سحبها صوبه وباسها على راسها :الحين روحي
لجين ادخلت الشاليه وكانت مومصدقه الي صار وقعدت تحت ماقدرت تصعد فوق ومسكت تليفونها ودقت على ساره
ساره وهيا بسابع نومه:الوووو
لجين:سارونه قومي بسج نوم
ساره:انتي منو
لجين:انا لجين ...قومي عني لج اخبار حلوه
ساره:لجون اذا قعدت ادق عليج
لجين:ساره ماني قادره انطر ...سمعي امس شصار ...عبدالله طول اليل يقولي احبج...والله ماتدرين اشكثر مستانسه ...عبدالله يحبني مثل ماأنا احبه
ساره قامت وقعدت على الفراش:شنو شنو قلتي عيدي مره ثانيه
لجين:اقولج امس طول اليل يقولي احبج
ساره بصراخ:وناااسا....قولي كل شي بسرعه من اول مادخلتو الشاليه لي الحين
لجين:كنا نالعب اونو وفي شرط الي يفوز يطلب طلب ....وعبدالله فاز
ساره تقاطعه :وشنو طلب
لجين:يبي بوسه
ساره:هههههههههههه والله عياره ..وبعدين
لجين:وانا مارضيت ...وهوه مصر الا يبيني ابوسه جدام الكل ...وان ماعطيته ويه..وبعدها سحبني من ايدي وداني السياره واااي كل ماأتذكر قلبي يرقع...وبعدها نزلنا على البحر وقالي انه يحبني من زمان
ساره:لحظه في جزء مفقود ...بسياره شطار
لجين بخجل:ساره
ساره:هههه بستي
لجين:لا اهوه
ساره:هياااااااااااااااااااا وناساااااااااااا
ساره من كثر الصراخ قعدت الي بالبيت كله
عبدالرحمن بطل عليها الباب وهوه مخترع:ساره شفيج شصاير
ساره:هههههههههه ابوي قعد من صراخي
عبدالرحمن بنبره حاده:اشفيج اتصارخين خبصتي قلبي
ساره:مافيني شي قاعده اكلم لجون ونفعلت اشوي
عبدالرحمن :فيهم شي
ساره:اي يحبون بعض..وعبيد امس طايح فيها غراميها
لجين :ساروه فضحتيني
ساره:ههههههههههههه بابا انحرجت
عبدالرحمن يبتسم:الله يبشرج بالخير ...خل ابشر امج
ساره:باب ابي الحلاوه
عبدالرحمن :من عيوني
ساره:ستلملي عيونك ياحلو ...لجون كملي وبعدين ابوي راح
لجين:ساروه فشلتيني
ساره:اي فشلتج لو تشوفينه شلون استانس والله ردت له الروحه
لجين يالها خط ثاني :ساره هذا عبدالله قاعد يدق علي
ساره:روحي باجر انا عندج وابي التفاصيل
لجين:اوكي باي
ساره:باي
لجين ردت على عبدالله:هلا عبدالله
عبدالله:لجون اتكلمين منو
لجين:اكلم ساره
عبدالله:ههههههه عطيتيها الاخبار
لجين انحرجت :اي
عبدالله:هههههه....لجون امشي نطلع ماني قادر انام
لجين:والله حتى انا ...بس لازم اتنام ترتاح اليوم عندك دوام بليل ...خلها باجر نطلع
عبدالله:اوكي ...لجونتي
لجين:نعم
عبدالله:اموووه احبج
لجين:وانا بعد ...يالله روح نام
عبدالله:اوكي ياقلبي انتي بعد روحي نامي ولادقين على ساره كلها باجر بتشوفينها ...واذا قعتدي من النوم قعديني
لجين:انشالله...يالله باي
عبدالله:اموووه باي
بيت حنان
حنان:شفيها تصارخ
عبدالرحمن يبتسم :الله يسلمج ولدج ومرته يحبون بعض
وهيا مستانسه ...لجين داقه عليها وتقولها الاخبار
حنان:صج والله خل اقوم ابي اعرف شصار بينهم
عبدالرحمن :الله يهنيهم انشالله
ساره نازله من السلم:كللللللللللللللللللللللللوش ...مابغو
حنان:تعالي قوليلي الي السالفه ابوج مافهمي عدل
ساره :غالي وطلب رخيص..بس بالاول وين حلاوتي
حنان:انتي تامرين امر
ساره امسكت امها من ايدها:تعالي خل اقولج السالفه
بشاليه اساعه 5 العصر
دلال :طلال انت اتكلمها ولا احنه نكلمها
طلال:لا خلوني انا اكلمها ....ابي اعرف بعض الشغلات منها
دلال:شنو الي بتعرفه
طلال:موكل شي لازم اتعرفونه لا وينها
دلال:نايمه
طلال:روحي قعديها خل اكلمها ...دام ريلها نايم ..هذا انسب وقت
دلال:اوكي...وراحت اتقعدها....بهدوء ...لجون لجون
لجين بطلت عينها شوي:هلا
دلال:قومي طلال يبيج
لجين:دلال فيني نومه خليها بعدين
دلال:لجون يبيج الحين الموضوع مايتأجل قومي
لجين:شصاير
دلال:قومي وانتي تعرفين
لجين:انشالله...بس قوليله اصلي واسبح وبعدين انزل
دلال:اوكي بس لاطولين
لجين:انشالله...وقامت خذت لها شور على السريع وصلت ونزلت تحت
طلال:صح النوم
لجين:صح بدنك
طلال:تعالي خل نتمشى بره ..ومسك ايدها وطلعو من الشاليه يتمشون
لجين:خير شنو الموضوع الي تبيني فيه
طلال:ابيج تسمعيني لي الاخر وماتقاطعيني
لجين:تفضل
طلال:لجون انتي شرايج بلبسج
لجين:من اي ناحيه
طلال:بدون لف ودوران ...انتي لازم اتغيرين لبسج وتردين لجين الاوليه الي تحب تكشخ على الاخر
لجين:اي بس
طلال يقاطعها :لجون ريلج له حق يشوفج كاشخه ...وريلج ماله ذنب يشوفج كله لابسه اسود..باجر من الصبح انا وياج بروح السوق ونسويلج انيو لوك
لجين:والله ودي بس اخاف عبدالله مايخليني اروح ويقولي انا اوديج
طلال:اذا جذي انقوله...اني ابي آخاذ رايج بجم شغله
لجين:كيفك بس لاتقوله اني انا الي بروح خلها مفاجأه
طلال:وفيه شي ثاني اهم
لجين:شنو
طلال:خوله وخلود...لاتعطينهم مجال ينرفزونج وعامليهم ابرود
لجين:طلال انا كثر ماأقدر قاعده اتحاشاهم
طلال:وانا مابيج تتحاشينهم ابيج اتواجهينهم...لجون خوله وخلود قاعدين يخططون على خراب بيتج
لجين@@
طلال:الي مايستحون ...خلود حاطه عينها على ريلج وتبي لها
لجين عيونها غورقت:ومالقت الا عبدالله اتناشبني عليه ...انا شمسويتلها ..وانا اقول ليش كل ماقعت معات تضايقت جنه ريلها مو ريلي...طلال قولي شسوي والله ادري هذي لي حطت الشي ابراسها تسويه
طلال بعصبيه:تاكل تبن ...انتي سمعي كل كلمه اقولها لج ونفذيها بالحرف
لجين:والله خايفه
طلال:قتلج سمعي الي بقولج ...ونفذيه بالحرف
بشاليه
عبدالله قعد من النوم وعلى طول راح شاليه الحريم
عبدالله:السلام عليكم
الكل :وعليكم السلام
عبدالله:مريم لجونتي نايمه ولا قاعده
مريم:لا قاعده وجنها بره تتمشى مع طلال
خلود عبدالله احطلك شي تاكله
عبدالله:لا مشكوره آكل مع لجونتي
خلود:لا اكل الحين اهيا كلت
مريم:لا ماكلت شي تنطرك ..تقعد علشان تاكل معها
خلود:لا كلت انا شفتها
عبدالله:مومشكله آكل بعدين معها
خلود بعصبيه:على راحتك...بس انت الي خسران
عبدالله مسك تليفونه ودق:الووو ..حبيبي وينج
لجين:قاعده على البحر مع طلال
عبدالله:اوكي الحين ايلج
لجين:اوكي
خلود:خلك قاعد وين بتروح
عبدالله:لا بروح عند لجونتي
دلال:اي روحلها اتلاقيها ناطرتك على نار
عبدالله يبتسم:عن اذنكم
خلود:خذني معاك وقامت
مريم:اشوي وتنفجر امسكت تليفونها ودقت على طلال
طلال:شفيج معصبه
مريم:العله الي ماتستحي يايه مع عبدالله عندكم ...عمه الريال ياي حق مرته وهيا لزقه
طلال:والله ماتستحي...روحي الحين وراقبي الثانيه
مريم :اوكي باي
طلال باي..يكلم لجين...قعدي عدل خل انام بحضنج ولعبي بشعري
لجين:اوكي
طلال:خلود يايه مع عبدالله ...موتنرفج...خلج هاديه
لجين تضايقت وايد:اوكي
خلود:مادري ليش احس لجين ماتحبك
عبدالله:.......
خلود:وانا ادري اهيا اتحب منو
عبدالله:@@ليش اهيا بحياتها احد
خلود:والله لو ماكنت غالي جان ماقتلك...اهيا اتحب ليث وتموت فيه...بس الكل استغرب لمن وافقت عليك...يمكن الانه امه ماتبيها
عبدالله ساكت ولا كلمه
خلود: خالتي شيخه ماتبيها ...وعمي راشد اهواه الي كان يحن يبيها له وحتى ليث....بس جنه سمعت انه بيرجع هل يومين وتخيل ليلحين مايدري انه متزوجه الله يستر لي درى شبيسوي
عبدالله قلبه انقمت وايد من الي سمعه...ولمن وصل عندهم شاف طلال نايم بحظنها
خلود:24 ساعه بحضنه بفهم منو ريلها..احسها تتهرب منك وايد
عبدالله:طلال موجنك ماخذ مكاني
طلال:لا هذا مكاني
لجين وهيا تبتسم:طلال قبل هذا مكانك الحين مكان عبدالله
طلال:افا لجون اتفشليني جدامه
عبدالله يبتسم ومن شافها نسى كل الي قالت خلود
لجين:طلال ماأفشلك انت عزيز وغالي بس ريلي غير
عبدالله:يالله قوم قالتلك انا غير
طلال:امرنا لله
طلال قام وعبدالله انسدح مكانه
خلود ممكن اقعد معاكم
لجين:حبيبتي خليها مره ثانيه ابي اقعد مع ريلي شوي ....صارلي جم ساعه موقاعده معاه
عبدالله:حبيبتي والله
لجين تبتسم بويها وتلعب بشعره
طلال:خلود امشي خليهم على راحتهم
خلود بنفسيه:انزين
طلال خلاه خلود تمشي جدامه يبي يتأكد انها راحت الشاليه
وهما قاعدين في شاب وقف يطالعهم
عبدالله :نعم في شي
الشاب:اي متى اي دوري كل اشوي واحد نايم ابحظنها
عبدالله فز من مكانه وعطاه بوكس على خشمه:صج ماتستحي على ويهم
الشاب:انتو الي ماتستحون
وقامو يتكافخون ولجين تبجي طلال شافهم ورد يفاككهم
ولجين دقت على دلال
لجين وهيا مختبصه:دلول قولي حق الشباب طلال وعبدالله قاعدين يتهاوشون على البحر ..بسرعه خل ايون
دلال:اوكي الحين باي
يو الشباب وفاككوهم
الشاب:والله لردلك الصاع صاعين يا..
عبدالله كانو ماسكينه الشباب :اذلف يا...
لجين كانت اشوي بعيد وقاعده تبجي وترجف عبدالله من شافها تبجي راحله بسرعه
عبدالله لمها حيل:بس حبيبي خلاص حصل خير
لجين:عبدالله عفيه لاتتهاوش مره ثانيه ..والله قلبي شوي ويوقف
عبدالله:خفتي علي
لجين:والله بغيت اموت
عبدالله باس راسها :حبيبتي انتي...يعل يومي قبل يومج
لجين:لا يومي قبل يومك انا ماقدر اعيش بدونك
عبدالله:وااااي والله احبج...لاتزعلين اثنينا بيوم واحد
لجين:عورك
عبدالله:يخسي هذا يمد ايدا علي
لجين:الحمدالله ...بس لاتعيدها مره ثايه
عبدالله:تبيني اسمعه يقول جذي واسكت خل يحمد ربه ماذبحته
نهاية البارت
البارت 34
عبدالله:يخسي هذا يمد ايدا علي
لجين:الحمدالله ...بس لاتعيدها مره ثايه
عبدالله:تبيني اسمعه يقول جذي واسكت خل يحمد ربه ماذبحته
بشاليه
خلود:هذا من صجه تهاوش ونطق عشانها...واي باط جبدي
خوله:سليمه صكته هذا كفو تذبحين روحج عليه
خلود:اي كفو انتي مو شغلج كلها يومين وخليه مايشوف غيري
لجين ادخلت الشاليه مع عبدالله وهما ماسكين ايد بعض
لجين:شنو تبي تاكل
عبدالله:مومشتهي آكل شي
خلود:قتلك اكل قبل ماتطلع بس انت الله يهداك لزمت الا تاكل معها
لجين جنها ماسمعت شي :اذا جذي انا بعد مابي آكل
عبدالله يطالع خلود ويتنهد
لجين:عبدالله انا يوعانه
عبدالله يبتسم:اوكي
لجين:تبي اسويلك باستا
عبدالله:لاتسوين شي ...الموجود يبيه
لجين:اوكي...ودخلت اتبيب شي ياكلونه
خلود:باجر ليث بيوصل الله يستر من الي بصير
عبدالله يطالعها وهوه منقهر..وكان يغلي من الداخل
خوله:اي والله الله يعين عمي راشد باجر
مريم:على شنو الله يعين عمي راشد
خلود:ليث بيوصل باجر ...والله يعين عمي راشد اذا عرف انه لجين تزوجت
مريم انفجرت عليها:وليش انشالله وهوا شكو تزوجت ولا لا ...كل شي نصيب ...خلود قصري الشر لاتشوفين شي عمرج ماشفيه
عبدالله تضايق وطريقت مريم الي اكدتله كلام خلود قام وطلع بره الشاليه
مريم راحت عند طلال وقالتله الي صار ....طلال راح عند لجين
طلال:لجون هدي الي بيدج وروحي حق ريلج ...مايندرى خلود شنو قايلتله عن ليث ..وتوه جدامه عبدالله اتقول الله يعين راشد اذا ليث عرف انه لجين تزوجت
لجين:استغفر الله ربي وأتوب ليه...وراحت بره عند عبدالله
لجين:عبدالله الاكل زاهب
عبدالله:.....
لجين راحت صوبه ومسكت ايده :ماتبي تاكل
عبدالله:مالي نفس
لجين:عبادي شفيك
عبدالله ابتسم لمن سمع اسمه:شقلتي
لجين:قلت شفيك
عبدالله:لا الي قبلها
لجين تبتسم:قلت عبادي اشفيك
عبدالله :احبج
لجين:وانا بعد
عبدالله:حلفي
لجين:والله العظيم انا بعد
عبدالله:لجونتي ابي اسألج سؤال ..بس ماراح ارضى بغير الصراحه
لجين:وانا عمري ماجذبت ...قول
عبدالله:صج انتي وليث كنتو اتحبون بعض
لجين:اذا قتلت لا صدقني
عبدالله يتنهد:بس الي سمعتا غير جذي
لجين:عبادي ...انا عمري ماحبيت بحياتي ..انت اول وآخر حب بحياتي...واذا على ليث اهوا حر بمشاعره انا مالي شغل فيها
عبدالله:انا سمعت انكم اتحبون بعض وايد...وشكلي خرب على حبكم
لجين :عبدالله اقولك انا ماحبيته اتقولي خربت عليكم ..واذا كنت احبه صدقني جان ماتخليت عن هل حب وقتله عن كل شي واكيد بقدر ضروفي الاني مضلومه...بس الله يشهد علي ...ليث بحسبت اخوي وعمري مافكرت فيه كزوج او حبيب...والي قالك هل كلام يبي يخرب بينا
عبدالله يبتسم:محد يقدر يخرب بينا
لجين:والحين ماتبي تاكل عبادي والله يوعانه
عبدالله:يخسي اليوع يالله امشي ناكل
ادخلو الشاليه وعبدالله مستانس وايد
لجين:ناكل داخل ولا هني
عبدالله:ماتفرق معاي
لجين:اوكي اقعد الحين ايبلك الاكل....وراحت يابت الاكل
عبدالله:سويتي باستا
لجين:لا هذي مريوم مسويتها ...لذيذه
عبدالله وهوا ياكل:حلوه بس مومثل الي انتي تسوينها ...باستتج غير...مريوم تسلم ايدج
مريم :بالعافيه
عبدالله:الله يعافيج
لجين:عبادي اليوم خنرد البيت...باجر عني شغل لي الراس
عبدالله:اي بس انا عندي خفاره اليوم ...شلون اتنامين بروحج
لجين:امممم...مو مشكله انام عند سارونه او اروح مع طلال انام بشقته..الانه باجر شغلي معاه
عبدالله يحرك حواجبه ويبتسم:اذا جذي اوكي انا بعد ابي اغراض من البيت ...ناكل ونطلع
لجين تبتسم:اوكي
خوله:لجين ماشوفج لابسه دبلتج ....وينها ودي اشوفها
لجين اتطالع عبدالله ...الانه بالاساس عبدالله ماخذالها دبله
عبدالله:انا شلون نسيت....دبلتها مو عندها وديتها يضيجونها ونسيت ايبها لازم باجر ايبها
لجين ابتسمت ابويها
عبدالله:يالله خلصي صحنج انا ابي ارد بسرعه ...ويغمزلها
لجين وهيا منحرجه :انشالله
بدخلت طلال
طلال:لجون قلتي حق ريلج ولا انا اقوله
لجين :لا قتله والحين بننزل
طلال:اذا جذي انا بعد انزل معاكم...بس بتنامينا بيتكم ولا عندي
لجين اتطالع عبدالله:مادري...وتكلم عبدالله...وين انام
عبدالله:دام باجر شغلكم مع بعض نامي عنده احسن
طلال:ليش انت منت ياي معانا
عبدالله:لا انا بعد اشوي عندي دوام لي الصبح
طلال:اممم...خلاص ننزل مع بعض ...بس اننتو سبقوني وانا اي وراكم
بعد ساعتين عبدالله ولجين اطلعو من الشاليه وبعدها بنص ساعه طلال طلع
بسياره
لجين:عبدالله ابي اعرف منو الي قالك عن سالفة ليث
عبدالله:لجونتي انسي السالفه خلاص
لجين:لا ابي اعرف منو
عبدالله:واذا عرفتي اشبتسوين
لجين:ماني مسويه شي بس بعرف...معني عارفه منو بس بتأكد
عبدالله:عارفه منو
لجين:اي خلود صح
عبدالله:اي ...بس شلون عرفتي مريم قالتلج شي
لجين تضايقت وايد:لا
عبدالله:شفيج ليش مديتي البوز شبرين
لجين:مافيني شي ...وسكتت طول الطريج
عبدالله شافها متضايقه وايد وماحب يضايقها اكثر مسك ايدها وضل ساكت لين وصلو شقتهم
عبدالله:لجين وصلنا
لجين كانت سرحانه:هلا...اي يالله
عبدالله:تعالي وين رايحه... مابيهم يدرون اني هني
لجين:ليش
عبدالله يبتسم ابخبث:بس
لجين :على الاقل انسلم عليهم
عبدالله:اذا دخلتي ماتطلعين من عندهم ...تعالي بس
واول ماصعدو فوق
لجين راحت صوب العصافير:مساء الخير ولهت عليكم .....قولولي شسويتو بغيابنا
عبدالله:تلاقينهم خذو راحتهم اكثر ابروحهم بالبيت ...وقف وراها ولمها حيل
لجين بدا الخوف يتسلل لي قلبها:عبدالله وخر
عبدالله :انسي انا ماصدقت اني اكون معاج بروحنا
لجين:عبدالله بس شوي بروح ازهب اغراضي
عبدالله:لاحقه ..وبدا يبوس رقبتها
لجين قلبها يرقع:عبدالله....بس خلاص
عبدالله:لجونتي احبج
لجين:عبدالله فقصت بطني
عبدالله وخر:اوه نسيت
لجين جنها ماصدقت ونحاشت بسرعه ادخلت الغرفه بس نست تقفل الباب
عبدالله راح وراها ودخل الغرفه:شفيج انحشتي مني
لجين:عبدالله عفيه لاتسوي شي
عبدالله يضحك:امممم افكر ...وقرب صوبها ولمها حيل
لجين كانت مثل الجهاز الي حاطينه على الهزاز ...كانت ترجف وايد
عبدالله:حياتي شفيج ليش ترجفين جذي
لجين:مادري
عبدالله:اتخافين مني
لجين:لا بس مابي...وسكتت
عبدالله:خلاص هدي انتي الحين وماراح يصير شي وانتي مو راضيه
ورن تليفونه
عبدالله :هذا وقته
لجين:رد شوف منو
عبدالله:لا الحين مابي شي يخرب علينا...اناماصدقت متى انصير بروحنه..وباسها على راسها....لجونتي...احبج اموت فيج.
ورد رن تليفونه
عبدالله :اف مزعجين
لجين:اي رد عليهم يمكن يبونك ضروري
عبدالله:الووو
عمار:سنه على ماترد
عبدالله:ماكنت عند التليفون ...عمار بغيت شي مشغول حدي
عمار :اي لازم اتي المستشفى الحين...عندا ضقط موطبيعي محنه قادرين انلحق على المرضى
عبدالله بنفسيه:اوكي نص ساعه واكون عندكم
عمار:عبدالله لا طول....يالله مع السلامه
عبدالله:الله يسلمك
لجين:قتلك يبونك ضروري
عبدالله:ومالقو الا اليوم ...لجونتي انا باخذلي شور على ماتخلصين بس بسرعه
لجين:اوكي
عبدالله بعد ماخلص ولبس ودا لجين بيت طلال وهوا راح المستشفى
طلال:لجون روحي نامي باجر ورانا فراره من الصبح
لجين:انشالله ...تصبح على خير
طلال:وانتي من اهله
ليجن دقت على عبدالله بس مارد عليها ... بعدها طرشتله مسج0(كان ودي اسمع صوتك قبل ماأنام)
ثاني يوم الصبح لجين وطلال اقعدوم مبجر وطلعو على طول
بسياره
طلال:وين بتروحين
لجين:اول شي ودني محل ورد
طلال:ليش
لجين:ابي اطرش بكي ورد حق عبدالله بدوام
طلال:اوكي
وراحو محل الورد ...وخلصو وراحو السوق ...لجين خذت 5 بوكيهات ورد وكل بوكيه احلى من الثاني
بالمستشفى
عبدالله كان توه خالص من الشغل وقاعد معه عمار...ادخلت عليهم السستر وشايله اول بوكيه
عمار:سستر من له هل بوكي الحلو
السستر:ده لدكتور عبدالله
عبدالله بستغراب:لي انا من منو
عمار:حسافه عبالي لي
عبدالله قام وخذا الكرت الي على البوكيه....الكرت كان مكتوب فيع(....أ.....وتحت آخر الكرت من لجونتك)
ودخلت السستر الثانيه بيدها بوكيه ثاني :دكتور عبدالله بوكي ورد ليك
عبدالله قام وخذا الكرت(ح)
ودخل عامل من المستشفى يدز عربانه كبيره وفيها 3 بوكيهات كبار
وخذا الكروت الي عليه
الكرت الاول(ب)
الكرت الثاني(ك)
الكرت الثالث(أمووووت ....فييييك....وبكل صراحه ..أ ح ب ك )
عبدالله متششق من الوناسه(والله انا الي اموت فيج)
عمار:عبيد جنه في اشياء مادري عنها
عبدالله:اووو ...اشياء وايد
عمار:اتحبون بعض
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك