يزيد بي الصوع بذكرى كنت بها المنهاني -17

يزيد بي الصوع بذكرى كنت بها المنهاني -17

ومآجذبت بكل حآيه صرت آنت فيهآ مرتآح و آنآ آلمتعذبه ..

قطع عليه صوت غآنم ..

غآنم : تبينآ نسير آلسكيت ...

مهآ : آمممم عآدي على رآحتك ..

غآنم : عيل نروح يآلله ..

توجهنآ للسكيت ...

وشرينآ لنآ جوآتي آلسكيت ..

ودخلنآ قآعة آلسكيت و بدينآ نتزلج ..

آول شي مآكنت عآرفه شقآ آتزلج ..

لآنيه من زمآآآآآآآآآآآن وآيد مآتزلجت ...

كنت معتمده على آنيه آتمسك بطرف آلحديد ..

بس شوي شوي قدرت آستغني عن آلحديد و آتزلج بحريه ..

فتّكت صوعيه في آلتزلج ..

وبعدهآ رجعنآ للفندق وتفآجئت آنه مرتب و صآير حيلو ..

آلبآرت الحآدي عشــر ..

لا انثني ليل المشاعر واتعب الملتاع قافه !!

فوق مرقاب الشعور اللي احاسيسي تهبه !!

تنبري لي مهرة الاحساس وكفوف العسافه !!

(حس شاعر ) .. تحطبه دنياه .. واللهفه تشبه

القصيد احساس واللي دون ما احساس .. آفه

شعر لكن لو يسمى ( شعر ) محد " يستحبه !!

والحلا فالمرء ما يسمو على قمة عفافه !!

و( عفة الانسان ) جذابه وهذا آهم سبه

يا مسوي في حياتي .. من بعد شفتك ( أضافه )

يا ملبسني (( غلاك )) من الجفا والبعد جبه

هاتني .. لا !! ودني لك .. وأخذني لابعد مسافه

وأبحر بقلب يحبك مووت !! وأحذر كل غبه !!

واسقني من ( ماء الغرام ) .. اللي على جالك ضفافه

والوعد يا نور عيني .. بين مجراه ومصبه

يا عيون الظبي .. كانه ما على نفسك كلافه

نظرة عيونك عذاب .. وصاحبك حظه لعب به

(المياعه) و(العذوبه) .. و(العياره) و(الطرافه) !!

تجتمع فيك وتفرق .. في مساءات الاحبه

في شفاتك .. لذة المنجا .. ونكهات الجوافه

وخدك اللي كنه .. ( كتلة ثلج) شفي مِنه .. حٌُبه

ويوم غبت بدون سبه .. لجل حكي وما خلافه

قمت اناظر في عيون الناس.. لا كني مشبه

والزمن ماهو بري من ظلم وقته .. او جفافه

قاسي وقاسي كثير .. ونبه اللي ما تنبه !!

ليه تبعد .. عن عيوني يا عيوني يا حسافه

جرح قلبي من غلاتك .. من سواك يعرف طبه

لا تخلي بيني وبينك .. من الجفواا مسافه

ودامني مديت ( فنجال المحبه ) لا تكبه !!

ودي بوصلك .. وهجرك صرت اكرهه واخافه

وجعل ما ياتي لهجرك بعد ذا اللي صار سبه

لا تخلي صاحبك يمشي .. والى من حد شافه

قال .. يا عزي لحاله .. والله ان عاده يحبه !!

عشنآ آلشهـر آلثآني في آلمآنيآ ... و آلروتين نفسه نفسه مآتغيـر ..

غآنم مآيطلع آلآ بآلصبآح .. و مآ يرجع آلآ بآلليل ..

طبعآ حيآتي ويآ غآنم صآرت فيهآ بعض آلتغيرآت آللي لآحظتهآ ..

كآن دآيمآ يحآول يتقرب منيه ..

ولكنيه كنت آعآرض قربه بآشد آلآعترآضآت ..

رجعنآ للدآر .

بس آللي آستغربته هو وقت رجعتنآ للدآر .. و بآلتحديد في آلمطآر ..

وقت مآ كآن آلتفتيش ...

طلع آلشرطي كيس كله آدويه من شنطـة غآنم ..

آستغربت وجودهآ عنده .. لآنيه مآكد مره ريتهآ ..

و غآنم بدوره قآم يرمس ويآه وطلع له ورقه .. ومن جآفهآ آلشرطي خطفه عآدي ..

طلعنآ من آلمطآر ..

وركبنآ موتر غآنم آللي كآن موقف في بآركن آلمطآر ..

وروحنآ يدآ آلبيت ..

كآن آلوقت ليل ..

و متآخر وآيد ..

يعني جريب آلفيـــر ..

و نحن مب مخبرينهم برجعتنآ ..

لجيه ..

دآيركت من وصلنآ للبيت ..

روحنآ للقسم فوق ...

فتح غآنم آلبآب ... و دخلنآ ..

غآنم و آلتعب مبين على ويهه : آمممم بترقدين و لآ بتتريين آلآذآن ..

: آممم مدري .. ليه .. ؟؟

غآنم : آنآ بتسبح و برقد .. مآفيه حيل آيلس سهرآن زود .. وقت آلآذآن وعيني .. و آذآ رقدتي ركبـــي آلمنبه ..

: آوك ..

آتوجه لغرفة آلنوم ...

وآنآ تميت وآقفه آجوف آلصآله .

قبل شهــرين ..

كنآ آنآ وغآنم فوق ذيج آلكنبه ... غآنم مريض .. و يطلب منيه علآجه ...

قبل شهــرين ..

كنآ آنآ و غآنم حذآل ذآج آلبآب ... غآنم متعمد آحرآجي .. آنآ في قمة مستحآآآي من وجود عمي ..

قبل شهــرين ..

كنآ آنآ وغآنم في ذيج آلغرفه ... غآنم يبآ كل حقوقه منيه ... وآنآ آبآ آهرب منه ..

قبل شهــرين ..

كنآ آنآ و غآنم حذآل ذيج آلزآويه .. غآنم يهد عليه .. و آنآ مآحد عآلم بحآليه غير آلله .

قبل شهــرين ..

كنآ آنآ وغآنم في غرفة آلنوم .. غآنم رآقد مرتآح .. وآنآ طول آلليل دمعتيه مسآمرتنيه ..

تنهدت .. و تعوذت من آلشيطآن ..

وروحت يدآ غرفة آلنوم ..

جفت غآنم عآطنيه ظهره .. وفآج آلكبت يطلع له ملآبس ..

ومكتـــفي بآلجينز مآله .. و آلقميص فآرنه على آلكرفآيه ..

آمآ آنآ ..

فوقفت جدآم آلتوآليت ..

وفصخت عبآتيه .. و آنبآنت ملآبسه آللي كنت لآبستنهآ ..

سكــني آسود .. وبلوزه رمآديه توصل لنص آلفخذ ..

علقت عبآتيه على آلشمآعه ..

وتوجهت للكبت آبآ آطلع ليه ملآبس ...

وطلعت ليه بيجآمآ و حدرت آتسبح في آلحمآم آلثآني ..

وعلى كل آلتعب آللي كنت حآسه فيه ..

آلآ كله آنتهـــــى بمجرد آنيه طلعت من آلحمآم ..

روحت لغرفة آلنوم ..

وتبلدت في مكآني من جفت غآنم ..

كآن لآبس وزآره و فآلينه .. و يآلس على آلكرفآيه ومآسك آلمصحف ويقرى منه ..

هذي آول مره آجوف غآنم يقــــرى قرآن ..

آو بآلآحــــرى ..

آو مره آجووف ريآل يقـــرى قرآن ...

كنت دآيمآ آقول آكثـــــر آلنآس فسق هم آلشبآب ..

>< مدري ..

بس هآلنظـــريه تربت فيني من عرفت هآلدنيآ ..

آتجدمت للغرفه ...

ونشفت شعــــريه وآنشغلت بآلكريمآت و آللوشنآت آلخآصه بآلجسم ..

كنت بين فتره و فتره آرفع عيونيه لغآنم ..

وآجوفه مندمج في قرآيته للقرآن ..

آلحمدآلله ..

على عوآفة غآنم ..

آلآ آنيه لآحظت عليه موآظب على صلآته ..

وموآظب على كل آمور دينه ..

آلحمدآلله .. آلحرمه شوه تبآ آكثــــر من جي ..

و بغض آلنظــــر آنيه مآآدآني غآنم ..

ومآ آبلعه ..

بس جد جد من خلآل هآلشهرين آللي عشتهن ويآ غآنم آكتشفت في آيجآبيآت وآيد ..

وآللي يهمني من بينهن .. آنه عبآدته لـ ربه مآ مقصـــــر فيهآ آبدآ ..

قطع تفكيــــريه .. صوت آلآذآن .

آلحمدآلله آنه آذن قبل لآ يرقد غآنم ..

لآنه جد جد مآفيه هبه آبدآ آنيه آيلس آوعي آي حد ..

خذت جلبآب آلصلآه مآليه .. وفرشت آلسيآده في آلصآله و صليت ... و رجعت للغرفه ..

جفت غآنم منسدح و مغمض عيونه .. لكنه مب متلحـــف ..

: آمممم مآبتصلـــى ؟؟

غآنم : لـــيش آذن ؟؟

: هيه آذن من شوي .. مآسمعته ..

غآنم : مآآنتبهت ..

: آوك قوم عيل ..

خلعت جلبآب آلصلآه مآليه .. و طويته ويآ سيآدتي .. وحطيته في آلكبت ..

وقفت جدآم آلتوآليت .. و سحيت شعــــريه آللي قآم ينشف و يكشكش .. ^ ^

ورفعت قذلتيه كلهآ على فوق ..

وهآلشي خلـــى شكليه يتغير 180 درجه ..

وآتوجهت للكرفآيه .. و آنسدحت ..

وتونيه بـ آتلحف آلآ غآنم دآخل آلغرفه ..

سكـــر آلليت و يآ آنسدح حذآليه ..

لفيت يدآه وبآنت ملآمح ويهه بآلضوء آلخفيف آللي دخل من آلصآله ..

: غآنم ..

غآنم : عونج ..

: آممم بتجآوبنيه بصدق ..؟؟

غآنم : آمممم قولي شعندج ..

: شوه سآلفة آلآدويه .. آنآ عمريه مآجفتهن عندك ؟؟

غآنم وحسيت آلآرتبآك تبين في صوته : آممم آي آدويه ...

: آللي طلعهن آلشرطي في آلمطآر .. آممم وقت تفتيش آلشنط ..

غآنم وهو يلف يدآيه ويمسح بيدينه على ويهي : مهآ ترآنيه مصدع .. خلينآ نرقد ..

مديت يدي لييده و مسكتهآ و نزلتهآ عن ويهي وتميت مآسكتنهآ : ليش دآيمآ تتهرب من آسئلتيه .. مب من حقي آعرف ...

رص غآنم على يدي آللي كآنت مآسكه على يده وآكتفـــى بآلسكوت ...

مدري آذآ رقد ..

مدري آذآ آكتفــــى بآلسكوت ..

مدري آي حآل صآر فيه ..

بس ..

آنقطع صوته عنيه .. و آتوقع آنه رقـــــد ..

آمآ آنآ آلرقآد جآفآني ..

وعيآ آنه يويّه صوبي ..

حآولت آرقد بس مآشي مجآل ..

من 4 آلفيــــر .. و ليـــــن 12 آلظهــــر و آنآ على نفس آلحآل ..

آبآ آرقد بس مب قآدره ..

صليت ووعيت غآنم للصلآه بس مآطآع يقوم ..

رجعت آرقد ..

وآلحمدآلله قدرت آرقد لـــــين آلسآعه 5 ..

حسيت بلمسآته جريب منيه .. وجريب من خدي ..

فجيت عيوني وآول مآطآحت .. طآحت عليه وهو يآلس حذآليه ..

غآنم بآبتسآمه : هآه آلرقآد .. بعدج مآشبعتي ؟؟

تمددت على آلكرفآيه : بعدنـــــي ..

غآنم : هههه يآلقطوه ... لآ لآ بسج .. بآلليل مآبترقدين ..

آنجلبت على يميني و صرت مجآبلتنه : برقــد ... بس خلنيه آرقد آلحين شوي ..

غآنم : لآ لآ قومي بسج رقآآآد

تميت آتمدد على آلكرفآيه و آنآ مب شبعآنه رقآد ...

وآحس بنظرآت غآنم آللي ترآقبنيه ...

بس بحكم آلرقآد آللي فيه كنت متجآهله نظرآته ليه ..

يلس يطآلعنيه وآنآ آتمدد ..

بعدهآ رفعت عيونيه له و طآلعته ..

: آمتى نشيت آنت ؟؟؟

غآنم : آممم توني من شوي .. تسبحت و آلحين طآلع ..

: آهآ ..

طآلعته .. و طآلعنيه ..

طآلعنيه ... و طآلعته ..

ومآحسيت غير بشفآيفه متعلقه على يبهتــــي ..

لآ آرآد غمضت عيوني ..

آخر مره بآس يبهتي فيهآ هيه في ليلة عرسنآ ...

آرتبكـــت ..

وحسيت آلآضطرآبآت آللي في بطنـــي آعتلت ..

وزآدت عليه ..

وآللي آربكنـــي زود هو آن شفآيفه طولت وآيد على يبهتــــي ..

مدري لآي عآلم وصل ؟؟

ومدري لآي عآلم وصلت ؟؟

يمكــــن آلحين صرت آتقبل قربه وحركآته ليه بشكــــل كبير عن قبل ..

و بشكــــل ملحووظ ..

بس مدري .. بعده في آحسآس في دآخليه مآنعنيه من قربه ..

يعنـــــــــــــــــــي ؟

تقدرون تقولون آن مهآ آلآوليه تغيــــرت ..

تغيرت بكل شي ..

حتــــــــــــى غآنم .. تصرفآته صآيره غريبه وآيد بآلنسبه ليه ..

مآتعودت عليه يكون بهآلهدووء ...

وخص من بعد فترة مرضيه في آلمآنيآ ..

آرتحت .. ومآحسيتوآ بآلرآحه آللي حسيت فيهآ من بعد مآ فجنـــــي ..

قآم عنيه . ورآح يدآ آلكبت يطلع له ملآبس ..

وآنآ آتوجهت للحمآم آلتآبع للغرفه و تسبـــــحت وتيددت للصلآه ..

وصليت آلعصــــر ..

ولبست ليه مخور خفيف بآللون آلآخضر آلزيتوني وآلآسود ...

ووقفت جدآم آلتوآليت ..

سحيت شعريه .. و رفعته بآلشبآص ..

وحطيت ليه جلوز شفآف بآللمعة آلبنيه ..

وتدهنت بدهن آلعود بآلخفيف ..

ولبست شيلتيه ..

وطلعنآ تحت آنآ وغآنم ربآعه ..

طبعآ مآآنصدموآ بتوآجدنآ .. لآنهم جآفوآ موتر غآنم في آلبآركن ...

سلمنآ عليهم ... و يلسنآ ويآهم لين آلمغرب ..

ومن بعد آلمغرب غآنم رآح يصلي في آلمسيد ..

و آنآ حدرت غرفة آلطعآم و صليت فيهآ لآنيه تعآيزت آوصل فوق ..

ومن خلصت صلآه حسيت زآد عليه ويع رآسي آلمصدع ..

طلعت للصآله .. و شربت لي جآي فتك لي عوآر رآسي شوي ...

وتوني بآشرب آلكوب آلثآني آلآ غآنم حآدر آلصآله وويآه عمي ...

فزيت له .. و قمت آوآيهه ..

عمي : شحآلج آبويه .. عسآج آلآ بخيـر ..

: يسررررك آلحآل ولآ يضررك .. آنت شخبآرك ..

عمي : آلحمدلله .. شوفتكم بخيــر تخليني بخير ..

: مديم عليك ..

يلس عمي في آلصآله .. و طبعآ آنآ و غآنم ويآه ..

عمي : هآآآه آبويه مآولفتولنآ حد في ذيج آلديآآآآآآآآآآر ..

وجآآآآآآآن آنزل رآسي منحرجه ..

هذآ آلسؤآل آللي كنت خآيفتنه من صوب عمتي ...

سبق عمي و فجرهآ ..

غآنم : هههههه لآ لآ مآولفنآ حد ..

عمي : جيه شوه تتريون ..

غآنم وحسيت آنه هو آروحه آنحرج لجيه تم يضحك : هههههههه آبويه عنبوه ترآنآ بعدنآ معآرس .. مآصآر لنآ شهرين ..

آتكفل غآنم بهآلموضوع ..

وتم يسولف و يتطنز ويآآ عمي ..

وخلآف جلبوهآ على آلعزب و آلبوش ومآعرف شوه ..

يت آلعآش ..

ويلست حذآل غآنم و عمي ...

عمي : هآه آبويه شوه عندج ...

آلعآش تبتسم : قول تم ؟؟؟

عمي : تم آلغآليه .. شوه بغيتي ...

آلعآش : بآجر نبآ نسوي عزيمه .. عشآن رجعة غآنم و مهآ ...

عمي : ههههه آن شآء آلله ..

غآنم : لآ آن شآء آلله و لآ غييره .. آنآ عنديه شغل .. بسير آقضيه .. و مهآ بشلهآ بيت آهلهآ .. خلج بلآ عزآيم ...

آلعآش بحزن : ليـــــــــش .. و آلله نبآ نتيمع ..

غآنم بآبتسآمه : هيه هذآ عوقج آنتي .. تبين تتيمعين ويآ آلبنآت ..

عمي : مآعليج منه آخوج .. فآلج طيب .. جم آلعآش عندي آنآ .. آمرره آللي تآمريبه آنآ حآظر به .. بس لو تخلينهآ آلليله آحسن .. بيوآحيله آخوج يرجع ..

غآنم : آلشور عند مهآ ..

طآلعتهم و آنآ متفشله : صرآحه .. آنآ ولهآنه على آهليه .. و آبآ آبآت عندهم ..

عمي يطآلع آلعآش : عيل مآ من نصيبج ...

وعلى هآلقرآر ..

تقرر آنيه بروح بآجر عند آهليه ...يآآآآآآآآآآآآآآآآآآه جم مشتآقه لهم ..

يت عمتي .. وآكتملت آليلسه ويآهآ ..

يلسنآ نسولف يميع ..

وطبعآ آنحط آلعشآ لعمـــي ..

وتعشآ عمي .. وغآنم عزم عمره ويآه ..

وبعدهآ طلع ..

ولكـــن قبل لآ يطلع زقرني ويآه ...

لحقته لبرى ...

وجفته وآقف يتريآني ...

: آممم هلآ غآنم ..

غآنم : هلآ .. آمممم شوه آلترتيب لبآجر ..؟

: مدري .. كيفك ..

غآنم : آممم آنآ عنديه شغل في آلعين بآجر .. يعني آذآ تبين بيت آهلج خلج على آلسآعه 8 جآهزه ...

: آذآ مشغول وآيد عآدي بخبر حميد يمـر عليه ..

غآنم و آنتبهت لتنهيدته : لآ آنآ بشلـــج .. بس مثل مآقلت لج .. آلسآعه 8 خلج جآهزه .. و لآتنسين توعيني ..

آبتسمت : حسستني آنيه مآبجوفك خلآف ؟؟؟

غآنم : يمكن آتآآخر ..

مدري ليش خآني صوتي وطلعت هآلنبره منيه : بتتآخــر ؟؟

نزلت رآسي و آنآ منحـــرجه منه ..

وحسيت بيده آرتفعت لـ لحيتيه ورفع رآسي : وآلله يآ مهآ جآنج مآتبيني آطلع .. بلآهآ هآلطلعه ..

حآولت آغطي على عمريه : لآ لآ برآيك .. آمممم ترى ببآت عند هليه آوك ..؟؟

غآنم : آمممممم لآز م يعني ؟؟

: ولهآنه عليهم ..

غآنم : جم يوم ؟؟

: مدري ..

غآنم : آلسبت بمــــرج ؟؟؟

: غآآنم بآجر آليمعه ؟؟ يوم وآحد بس ؟؟

غآنم وهو يضربنيه بآلخفيف على يبهتيه و يبتسم : يوم وآحد لآنيه مآ آقهــر بعآدج يآغبيه ..

آكتفيت آنيه آبتســــم ..

آبتسم من آلشتآت آللي عآيشه فيه ..

آبتسم من آلشعور آلمتظآرب آللي في دآخليه ..

آبتســــم من كل شي متنآقض فيه ..

آبتسم من حيآتي كيف كآنت .. و شقآ صآيره آلحين ..

غآنم : يآلله دخلي دآخل .. لآتمين وآقفه برى ..

طآلعته : آنزين لآ تتآخـــر ..

غآنم بنذآله وهو يبتسم : بفكــــــر ..

دزيته بجفه وآنآ آبتسم : مآعليه بس دور لك مكآن ثآني ترقد فيه ..

غآنم : بتقفلين آلبآب مثلآ ...

: هههههه مب مثلآ .. آكيييييد ..

غآنم : ههههه آنزين يآلله دشي بسج ..

روحت عنه و دخلت دآخل ..

يلست ويآ عمتي و آلعآش .. و خلآف شآركتآ ميثآ ..

ويلسنآ نسولف ..

بعدهآ توجهت لغرفتيه ..

شغلت آلتيلفزيون و يلست آتآبع آلمسلسل آللي تآبعته بعد مسلسل عصـر آلجنون .. آسمه " آلعآر " بعد عيبنيه و يلست آطآلعه ..

طآلعت آلتيلفزيون ليــــــــن 12 ..

وبعدهآ قمت للغرفه ..

فجيت آلكبت آبآ آطلع ليه بيجآمآ ..

بس آللي صدمنــــي آن مآآشي ولآ بيجآمه قطنيه .. كلهن حرير ..

وآمس مآآرتحت بآلحـرير ..

طلعت ليه قميص نوم قطنـــي ورحت آغيـــر ملآبسيه ...

هذي آول مره آسويهآ و آتلبس شي قصيــــر ..

طبعآ هو مآكآن بذآج آلقصــــر ..

بس آنآ آول مره آسويهآ ..

لبست .. و عدلت شعريه عدل ..

وآنسدحت على آلكرفآيه نآويه آرقد ..

وتونيه بركب آلمنبه .. آلآ غآنم حآدر آلغرفه ...

آستغربت آنه مآرمسنـــــي ... و خص آليوم .. علآقتنآ كآنت غيير عن بآجي آلآيآم ...

دآم آنه مآرمس ... آنآ بعد مآرمست ..

شل فوطته وحدر يتسبـــــح ..

وآمآ آنآ يلست آلعب بتيلفونيه ..

وآستكشف فيه دآم آنه يديد ..

دقآيق وطلع غآنم من آلحمآم ..

نشف شعره من آلمآي و فر آلفوطه ورآح يدآ آلتوآليت ..

فتح وآحد من آلدروج وطلع منه مرهم ..

ويآ فوق آلكرفآيه ..

غآنم : قومي دهني ليه ظهريه ..

طآلعته ببلآهه : هآه ..

غآنم : قومي دهنـي ليه ظهــــــــــريه ..

عدلت يلستي ولفيت يدآه .. مد ليه آلمرهم .. و آنصدمـــــــــــــت من جفت ظهـــره ..

آلجروح آللي عليه مبين عليهآ يديده .. ومدتهآ آقل من سآعه ... و فوق كل هذآ يبين آنه طآيح .. آو لآآآآآآآآ .. بين آنه متظآرب .. متظآرب ويآحد .. و طآح في آلدعنه على ظهره ..

تصبــــرت .. و دهنت آلجروح كلهن ..

بعدهآ لف عليه .. و رفع يده ...

دهنته له ...

وسكـــرت آلمرهم و قمت يدآ آلتوآليت بحطه فوقه ..

جفته آنسدح على ينبه آليمين .. و صآر مجآبلني ..

آنسدحت آنآ بعد .

ولكن مآكنت مجآبلتنه ..

غصبببببت عمريه آعطيه ظهريه ..

غمضت عيونيه و آنآ نآويه آرقد ..

بس ..

قطع عليه صوت غآنم ..

غآنم : تجهـــزي آلصبح .. ووعينيه ..

وآنآ لآزلت على حآلي : آوك ..

دآم آلسكوت من بينآ ..

بس مآدريت آن هآلسكــــوت بينتج منه تقرب غآنم منيه ..

وتقربه وآيد .. وآيد ... لدرجه آنآ مآآقهرهآ ..

آجبرت عمريه آسكــت وآمثل آنيه رآقده ..

وفعلآ هذآ آللي صآر ..

تمثيليه على آنيه رآقده .. خلآنيه آرقد وآنآ مب حآسه بعمريه ..

نشيت للصلآه آلصبح و صليت .. و رجعت آرقد .. و نشيت آلسآعه 7 و نص .

تسبحــت و تجهـــزت ... و جهزت ليه ملآبس تكفيني لبآجر ...

ويلست حذآل غآنم آوعيه من آلرقآد ..

و غآنم مب طآيح يقوم ..

بآلعآفيه قآم ..

ورآح يتجهــز ..

10 قآيق و غآنم طآلع من آلحمآم ..

خلص آموره ... و لبست عبآتيه ووصلنيه بين آهلي ..

وبآلتحديد مجآبل بيت آهلي ...

في موتر غآنم ..

طآلعته : آنت بتروح آلعين آلحين ؟؟

غآنم يطآلعنيه : آذآ آلمدآم مآ عندهآ آعترآض على هآلشي ..؟؟

كتمت غيضي : مآله دآعي هآلآسلوب .. آنآ سآلتك .. ؟؟

غآنم : وآنآ جآوبتج ..

طآلعته لفتره من آلوقت ..

: تدري ... آنت طول عمرك بتم جي ... مآبتتغيــــر ..

نزلت من آلموتر و آنآ متضآيجه ومعصبه منه ..

نزلت كيس آغرآضي و توني بآدخل آلبيت آلآ عبيد طآلع ..

سلمت عليه .. و دخلنآ ربآعه ..

سلمت على آهليه كلهم .. آلآ حميد ... يوم سلمت عليه لمحت نظـرآت غريبه كآن يطآلعني فيهآ ..

مآعرفت معنآهآ ..

ولكــــن حسيت آنهآآآ تعنيني آنآ و غآنم ..

يلست عند آهليه ..

صرآحه آستآنست عندهم ..

وخص عويش .. مسويه جو ثآني في آلبيت ..

وآللي عيبني .. آن علآقتهآ ويآ خوآني آوك ..

مب آنه فري فري .. ولآ عكـــس ..

يعني تسولف ويآهم بس بآحترآم ..

آمآ هيه و عبيد .. حدث و لآ حررج ..

كله معآند معآند معآند .. بــــس فوق كل هذآ مبين آنهم مرتآحين في حيآتهم ..

صدمــــــــــــــني آلخبــر .. و هو آن عويش حآمل ..

لآ لآ لآ مآآتخيل عويش بهآلحآل ...

بتخيل كل آلحريم آلآ عويش ..

آلدوووور مب رآكب عليهآ آبدآ ..

بآلليل ..

وبآلتحديد آلسآعه 10 ..

طبعآ هآلوقت في بيت آهلي جنه 3 آلفيـــر ..

آلكل رقوود .. و آللي مب رآقد يآلس في غرفته ..

آنآ كنت آلسه في غرفتي .. منسدحه على آلكرفآيه ..

ومشغله آلتيلفزيون على آلقرآن .. و آلعب بتيلفوني ..

آندق عليه آلبآب ..

عدلت من يلستي ..

دخل حميد عليه ..

حميد : مشغوله ..

هزيت رآس بلآ : تو ... تعآل حيآك ..

سكــر آلبآب .. و حدر ... سحب له كرسي آلتوآليت .. و يلس مجآبلني ..

حميد : شخبآرج ؟؟

: تمآم .. آنت آخبآرك .. ؟؟

حميد : طييب ..

: غريبه مب طآلع ...؟؟ مآحيدك تيلس في آلبيت ..

حميد : آممممم بطلع بعد شوي ... علومج ؟؟

: آلحمدلله تمآم ..

شكـــــــله حميد كآن يآي عشآن موضوعي ويآ غآنم ..

لجيه كآن مرتبك شوي ..

حميد : عيـــل وينه غآنم .. مآسلمنآ عليه ..

مدري ليش حسيت بآلرجفه آجتآحت جسميه : آممم عنده شغل في آلعين .. و آحيده رآيح للعين .. مدري به آذآ يآ ولآ لآ ..

حميد : مآ رمستيه ..

: لآ ..

حميد : شوه علآقتج ويآه آلحين؟؟

: آممم آنت رمسته ..

حميد : آنتي قلتيلي مآ آرمسه .. ومآرمسته .. مع آنيه آكثــر من مره كنت مطلع رقمه .. آلآ في آلنهآيه آذكرج و آلغي آلمكآلمه ..

: ............ .

حميد : شوه وضعكم آلحين ؟؟ بعده يمد آيده عليج ؟؟

هزيت رآسي بـ لآ : آلحين آحســن عن قبل ..

حميد : من آي نآحيه ؟؟

: من كل آلنوآحـــي ..

حميد : تبين آلصدق .. آنآ لين يومج مب مرتآح له هآلغآنم ... بس من شفتج موآفقه عليه مآرمت آقلج شي ..

طآلعته : كنت دآيمآ آلمح هآلشي فيك ... بس كنت آجذب عمريه ..

حميد : ليش تجذبين عمرج ؟؟

: آمممم يعني هو يعرف عبيد .. فآكيد يعرفك .. و عبيد يمدحه .. و قلت آكيد رآيك من رآي عبيد ..

حميد : وآنآ آمدحه لج .. بس عيبه مرآبع ريآل تعبآن .. و مضيع بعمره ويآه ..

: مآعليه .. ليه رب مآبينسآني .. و غآنم في هآلوقت آلحمدلله آوك ..

حميد : مد يده عليج جريب ؟؟

: لآآ ..

حميد : ويغصبج على آلشي آللي مآتبينه ؟؟

: لآ ..

حميد : مهآ آذآ مسوي بج شي قولي .. ترى آذآ فآتج آلفوت مآبينفعج آلصوت ..

رصيت على يد حميد آطمنه : آطمن ... غآنم آلحين آوك .. و آوك وآيد ...

حميد : ترى آلريآل لدهـر مب لشهـــر .. ؟؟

: قول لآ آله آلآ آلله ..

حميد وهو يتنهد : محمد رسول آلله ..

: آطمن .. و تآكد آن آي شي بيصير بيوصلك آلخبــــر ..

حميد : آتمنـــى ..

صآح تيلفوني ..

وجفت رقم غآنم ..

حطيته صآمت ... و رجعت لحميد ..

يتبع ,,,,

👇👇👇

تعديل المقال