رواية انا اطري على بالك كثر ما انت تطري -19
حسن:هـــا.... حياتي إيش رايك ف البيت؟؟
سعاد:حلو مايحتااج
حسن:عيونك الحلوه حياتي عجبتكي غرفة النوم ولا أغيره
سعاد:تجنن الغرفه ماشاء الله يكفي إنها تصميم فرنسي
حسن:الحمد لله عجبك البيت خفت مايعجبك ذوقي
سعاد:كيف مايعجبني البيت والذوق ذوق حبيبي
حسن:فديييتك يابعد كل البنات يللا حبي برتب معاكي الأغراض بعدين نآآآكل
سعاد:والله ماتحط يدك ف أي شئ أنا كله بسويه
حسن:ليه ياعمري كذا ماتقدري عليه لوحدك
سعاد:لاأقدر والشغل متعوده عليه
حسن:الله لايحرمني منك ,, يللا انا بروح أجيب لنا شئ نآكله إيش حابه أجيب..
سعاد:إممممممممم أقلك بس ماتضحك
حسن:قولي ماراح أضحك
سعاد:نفسي ف البيك ليه شهر ماأكلته
حسن:ههههههه سيبتي كل شئ ورحتي للبيك
سعاد:ليه تضحك مافيها شئ وانت تعرف إن أهل جده وغير جده مايستغنوا عن البيك
حسن:هههههههه ف هذه صدقتي من يوم مايفتح لين يقفل والمحل مايندخل من كثرة الناس ماشاء الله
سعاد:وجيب معاك فريش برتقاال
حسن:تآمرين أمر يالغاليه
سعاد:مايامر عليك عدو ... ولاتتأخر عليه مااقدر أجلس ف مكان وإنت مو موجود ..
حسن:أجل بطلنا مابنروووح
سعاد:هههههههه لاتكفى روح حدي جيعانه
حسن: هههههه حاضرمن عيوني مع السلامة
سعاد:بحفظ المولى...
:::::::::::::::::::::::::::::::::::::::::::::::::: ::::::::::::::
( الــــــــيــــــــومــ الــثــانـيــ فــــ شــركـــة أبـو ســالــمــ)
سلمان:صباح الخير
حامد من غير نفس: صباح النور
سلمان:عمي يقلك أدني باقي معاملات السيارات اللي باقيه ف المعرض
حامد:أي سيارات؟؟
سلمان:اللي قبل شهرين طلبناها
حامد:أهـــا... وايش بتسوي فيها؟
سلمان:مااقدر أقلك
حامد:ماشاء الله تطورنا صار عندنا أسرار وخفايا
سلمان:ماراح أرد عليك ادني المعامله ورايا شغل
حامد:إخس يابيزنس مان // إنت قلي إيش بتسوي ووقتها افكر اعطيك ولا لا..
سلمان:لايكون انا اشتغل عندك وانا ماادري
حامد:لو تشتغل عندي كان ماخليتك دقيقه هنا
سلمان:إنت أصلا الكلام معاك ضايع أعطني المعامله وخلني أمشي
حامد:طيب لاتبكي علينا راح نعطيك
سلمان بصوت واطي :الرد ع السفيه مذله
حامد:تفضل ياأستاذ سلمان
سلمان:إستهزأ فيني لابكرا ماحركت فيني شئ
حامد:أقول ياأخ زودتها لاتجبرني أقص لسانك
سلمان:ماخفت منك أنا ساكت عشان محترم المكان وصاحب الشركه
حامد:كل مراا أكتشف فيك صفه جديده
<سلمان خرج من عند حامد عشان ماتكبر السالفه>
حامد: بالي مايردك هين ياسلمان راح أجلسلك جلسه محترمه أصبر علي ع بالك بتمشي كلمتك علي ولا بعد يتدخل ف كل شئ أسويه إذا ماخليت عمي يوثق فيني أكثر واكسبه ماأكون حامد ولد ....
( فـــــ جامــعـــة الملـــك عـــبـــد الـــعــزيـــز)
الساعة 9:20 صباحاً....
إياد:تدري اكره كلاس الماااث
نواف: هههههه والله تحمل مو إحنا أخترنا علمي
إياد:غصب عني ,,إيش رايك نروح عند مشاري وسعود
نواف:اذا فيه سعود مو برايح
إياد:انت ليه حاط دوبك ف دوب الولد
نواف:كذا من زمان ماأبلعه ولاأواطنه ف عيشة الله
إياد:نواف بلا دلع خلنا نروح عندهم
نواف:أمري لله
< وهم متجهين للكافيتريا قابلهم.....
:ياعيال شوفوا بينكي وبرين
الكل: هههههههه
إياد:ها ها ها تدري إنك سخـيـف
: والله السخيف إنت
نواف:إنت كل ماتشوفنا لازم تقلبها حرش
:إيه كذا ربي خلقني أحب أتمشكل
إياد:مو بس إنت ولاتفكر إننا خايفين منك ومن أشكالك ترى إحنا نغرقك ف البحر ونخرجك عطشااان
: يؤيؤ خوفتني تكفى يامعاذ إحمني
نواف:والله اللغه العربيه ف ديره وإنت ف ديره ثانيه
إياد: ههههه حرام أصلا زي أمثالك يدرسووا
:محد طلب رايكم وأنا وإنتوا الزمن بيننا طويل
إياد ونواف: مستعدييين
نواف:يللا يللا أعطنا مقفااااك
:الجامعه جامعة أبوووك أوقف ف المكان اللي يعجبني محد له لقف فيني
إياد:ماأقول إلا الله يعين اللي واقفين معاك ماادري كيف متحملين سخافتك
معاذ: هذا الشئ راجعلنا لاتدخل ياولد الناس فاهم
:أقول ترى تعديت حدودك
إياد:أوووه آآآسف جرحناكم
: تستهبل إنت ووجهك ,, قبل ماتمشي حاب أقلك شئ
إياد: ماأبى أسمع منك أي شئ
: لابتسمعه ’’’’ راح أخليك تندم ياإياد ع اللي تسويه وع كل كلمه تقولها
إياد: لا وبعد يعرف إسمي ويهدد
: أعرف عنك كل شئ وراك وراك والزمن طويل
إياد: وانا تحت أمرك وانا اللي راح أخليك تندم ...
///////////////////////////////
حسن: صباااحووو
حامد:أهلين صباح النور
حسن: إزيـك؟؟
حامد:موبخير
حسن: أووووووف إيش فيك؟
حامد:ولاشئ قبل شوي تضاربت مع هذا اللي مايتسمى سلماان
حسن: هههههه إنت ليه ماتسيب الولد ف حاله
حامد:تدري أحس بتسليه لمن أتضارب معاه
حسن: هههههه الله يقطع سوالفك ,, ها..إيش أخر أخبارك ف الشغل؟
حامد:قريب راح تسمع خبر جنااااان
حسن: دام قلت قريب يعني مابتقول
حامد:لا مابقول.. لأن لو قلت أخاف تتفركش
حسن: بكيفك’’’
حامد:اليوم عندك شئ بعد الدوام؟
حسن: لا
حامد:أجل خلنا نخرج نتغدى
حسن: آآآسف مااقدر آكل وهي ماهي معاي
حامد:لا والله // الله يرحم زمان أول كل يوم تتصل وتطلب نخرج
حسن: إنت قلتها زمان يعني ماضي واللحين تغيرت
حامد:أقول ولي ع اللي يعزمك يادب
حسن: ههههه ولاتزعل أنا عازمك ع الغدى ف بيتنا
حامد:إقلب وجهك مو بجاي بروح عند عمتي
حسن: إنت الخسرااان.
حامد:حسون العم ينادي علي أكلمك وقت ثاني
حسن: طيب فمان الله
ابو محمد: محمد ليه تأخرت؟؟
محمد:آآسف أبوي راحت علي نومه
ابو محمد:انت تعبان ياولدي؟؟
محمد:ها... لا مو تعبان
ابو محمد:إذا تعبان ارجع البيت
محمد:لا ياابوي مافيني شئ
ابو محمد:اجل خذ هذه الملفات وراجعها ونادلي سالم أباه يسوي شغله
محمد:حاضر ياأبوي تآمر بشئ
ابو محمد:مايامر عليك عدو توكل
محمد:معقوله يبان علي المرض يللا أصبر لين يردوا علي الهند ويلاقون لي كليه جديده يارب إشفني وأشفي كل مريض ..
سعود:إياد إيش فيك؟؟
إياد:واحد تافه كل مايشوفني لازم يقلبها حرش
مشاري: واحـــــــــــد!!
نواف: إيــهــ .. واحد متخلف ويقول بعد أعرف عنك ياإياد كل شئ ماادري مين اللي سلطه علينا ..
سعود: ههههههه ماعليكم منه
إياد: وربي دائما امسك نفسي الود ودي ألطشه وأعلمه الأدب
سعود: لاتسوي فيه شئ طنشه لاتحط عقلك ف عقله
إياد: خليه يولي وراه وراه
مشاري: إيش أجيبلكم معايا ؟؟
سعود: جيبلهم بيبسي خلهم يبردوا ع قلبهم هههههه
نواف: تستهبل إنت ووجهك
< سعود عض ع شفته : مااستهبل من باب الترفيه فقط
نواف: خلك ف نفسك أحسن
إياد: خلاص إنتوا الثنين اتضاربوا احسن ..
<الــــســــاعهـــ 5:30 مـــســــاءً
جوري:حيا الله من جانا
ريم:الله يحيكي حبيبتي
جوري:تفضلي .... كيفك وكيف أيامك وكيف الأهل ؟؟
ريم:الحمد لله تمام التمام,,,إنتي كيفك وكيف خالتي منيره؟
جوري:دووووم يارب ,, كلنا بخير
لجين: وإحنا مالنا رب
ريم وجوري:هههههههههه
ريم: ولاتزعلي كيفك يابطه؟؟
لجين: بطه ف عينك ,, الحمد لله تمام
ريم: هذه البنت ماتتغير
جوري: مستحيل...هـــا إيش صار ف موضوع أخوكي
ريم:والله مثل ماهي كل يوم أدعي إنه يرجع لنا ويترك البنت
جوري ولوجي: إن شاء الله
ريم: ياكثر من مراا اشوف البنت مع رجال قلتله ماصدقني اقله ترى تستغلك عشانك عربي يسمع من هنا ويخرج من هنا ..
لوجي: أكيد مايصدق دامه يحبها يشوف كل الناس كذابين لكن إذا شافها بعينه صدقيني راح يتركها ويرجعلكم ويتأسف بعد الكذب دائما حبله قصير
ريم: الله يسمع منك من بؤك لباب السماء
جوري:خلونا نغير الموضوع بأحكيلكم عن شهر العسل
ريم ولوجي :كلنا آذانٌ صاغيه
ريم: والله إحلويتي ياجوجو ماشاء الله لايكون الزواج يغير الوحده
جوري بخجل: عيونك الحلوه
لوجي: خلاص ياريموه من بكراا أنا وإنتي ندور لنا عريس ونتزوج عشان ننافسها بالجمال..
الكل: هههههه
جوري: الله يعيني ع إزعاجها لين تتزوج
ريم: هههههه حرام عليكي البنت تبي تكمل نصف دينها
لوجي: مالت عليكم إستهزؤا فيني بكراا أوريكم السنع
الكل: هههههههههههه
________________
جنى بعصبيه: إياد هااات الريموت
إياد: حك حك غباااااار يابنت من زمان مااشوفك شكيت إنك حيه
جنى: هاهاها تستخف دمك ادني الريموت
إياد:أوووووف ليه معصبه ترى الدنيا ماتستاهل
جنى: خلك ف حالك مالي خلق لك
إياد:جنوا إيش فيكي أول مراا تتكلمي معايا كذا
جنى: مافيني شئ معصبه كارها الدنيا
إياد:انا إياد ياجنى قولي ايش فيكي ,أحد زعلك , أحد آآذاكي
جنى: ..........
إياد:ترى لو ماقلتي لاعاد تكلميني مو أسرارنا لبعض
جنى: مااقدر أقلك
إياد:أجل انا بروح لغرفتي واذا تبيني تكلمي تعرفي وين تلاقيني
جنى: إيـــــاد
إياد:هلا آآمري إفتحي قلبك قوليلي وانا اساعدك
جنى: قبل مااقول تكفى لاتعمل مشكله
إياد:طيب قولي بس
جنى بتردد: قبل كم يوم وانا راجعه من المدرسه لقيت سياره كلها شباب تمشي ورانا ووصلوا لحد البيت وكل يوم ألاقي صاحب السياره واقف قدام البيت ..
إياد:نــعــم ,,, ومن متى هذا الشئ؟
جنى: قبل كم يوم تكفى ياإياد لاتسوي شئ
إياد:انا اوريكي فيهم ومتى يوقف الحقــ.....
جنى: بعد الساعه 1 الظهر
إياد:انتي لاتقولي لأحد انا اعرف اتصرف
جنى: إيش بتسوي؟؟
إياد:إنتي مالك متى تنصرفي من السكوول
جنى: الساعه1:00
إياد:خلاص بكراا أجي آآخذك وأشوف نهايتهم
جنى: طــيـبــ,,لاتقول لمحمد أو عبد الله تكفى
إياد:ماراح أقول بس بشرط أي شئ يصير معاكي قوليلي لاتخبي علي أي شئ..
جنى: إن شاء الله
>>الـــســاعهـــ 9:30 مــســاءً<<
حسن: سوسو ... سوسو
سعاد:هلا حبيبي آآآمر
حسن: مايامر عليكي عدو ,, إيش جالسه تسوي ؟؟
سعاد:ولاشئ بروح أسوي العشاء
حسن: لاتسوي عشاء روحي تجهزي بنتعشى ف مطعم (كنز أبحر)
سعاد:الله بتودينا لأبحر الشماليه ,, خلني أحسن أسوي هنا
حسن: انا ماابى أتعبك نآآكل براا
سعاد:تعبك رااحه
حسن: فــديـتـك.. يللا ياقلبي تجهزي ok
سعاد:ok حياتي دقايق بس ,,,إممممم حسوني ممكن بكرا ان شاء الله تودني عند عمتي وحامد
حسن: من عيوني يالغاليه ماطلبتي ,,إيش رايك أحسن نعزمهم ع العشاء بكرا ف بيتنا احسن
سعاد بفرح: فكراا حلوه راح اسويلهم احلى عشاء لاتقول من براا هذه المرا بحلف وكلم أهلك بعد ..
حسن: ههههههه تحبي التعب إنتي
سعاد:إيه أحبه أساسا البنت مكتوب عليها الشقى
حسن: ههههههههه الله يعطيكم ألــف عافيه
<<<<<<<<<<<<<<<<<<<<<<<<<<<
أم محمد:عبد الله تعال بكلمك ف موضوع
عبد الله:آآمري يالحبيبه
أم محمد:تعال خلنا نروح لغرفتي احسن
عبد الله:حركاااااات يامنيره عندك سر
أم محمد:ياولد إستحي تعال بس
عبد الله:هههههههه حاضر
((صعدوا الدرج ام محمد وعبودي وتوجهوا لغرفة النوم ))
عبد الله:هـــا.... يالغاليه إيش الموضوع
أم محمد:قفل الباب وتعال اجلس جنبي
عبد الله:هــا... قفلنا الباب تدللي
أم محمد:ياولدي انا نفسي افرح فيكم محمد رافض إنه يتزوج ويستقر انا ودي اشوف عيالكم قبل ماأموت
عبد الله:بعيد الشر عنك ياأمي الله يطول ف أعماركم
أم محمد:الله يسعدك ياولدي ,, تكفى لاترفض وتكسر ف خاطري انا تعبت من كثر ماافكر فيكم ماراح ارتاح لين اشوفكم وسط زواجتكم وعيالكم محمد رفض وماحبيت أضغط عليه لأن له كم يوم تعبان
عبد الله:ماعاش من اللي يكسر ف خاطرك ياأمي ,, بس موال الزواج مو ف راسي
أم محمد:إيش ناقصكم وظيفه وعندكم وفلوس وعندكم والحمد لله عندكم المقدره تفتحوا بيت انتوا عيالي وتربيتي قدها وقدود
عبد الله:تسلمين يالغاليه ,, من عيوني انتي أختاري البنت الحلال وانا وقتها اشوف
أم محمد بفرح: الله يفرح قلبك مثل مافرحتني روح الله يسهل طريقك ويوفقك ..
عبد الله:ويااااااكي يالغاليه
أم محمد:العروسه جاهز هانت بس قول تم
عبد الله:ماشاء الله ياأم محمد مخططه لكل شئ
أم محمد:هههههههه أكيد اخطط دام فيها مصلحه لكم
عبد الله:ومين هذه اللي ف بالك
أم محمد:بنت جارنا ابو سعد
عبد الله:والنعم فيهم عائله سمعتهم زي العسل وناس تنحط ع الجرح
أم محمد:يعني موافق ياولدي
عبد الله:أبوي يدري؟؟
أم محمد:يدري ع اني فاتحت مع محمد مو معاك
عبد الله:طيب يعني عندي شرط قبل مايصير أي شئ
أم محمد:أشرط ياولدي هذا حقك
عبد الله:أبي نظره شرعيه يمكن ماارتاحلها او ماتعجبني
أم محمد:ماطلبت أكيد هذا من حقك وحقها وانا متأكده راح تعجبك وترتاحلها لأنها بنت زي القمر ماشاء الله وأخلاقها رفيعه
عبد الله:الله يقدم اللي فيه الخير ياأمي
أم محمد:خلاص انا راح اكلم ابوك واحدد موعد معاهم
عبد الله: ع بركــــــة الله ...عن إذنك ياأمي بروح لغرفة محمد أكلمه
أم محمد: إذنك معك ..
<<توجه عبد الله لغرفة محمد وطق عليه الباب <<
///////////////////////////////
محمد: تفـــــضـــــل
عبد الله:كيفك يادب؟؟
محمد: الحمد لله بخير
عبد الله:سمعت من أمي إنك تعبان قلت أمر عليك وأطمأن
محمد: لامافيني إلا العافيه بس تعبان من الشغل والسهر
عبد الله بشك:متأكد إن هذا السبب
محمد: إيه ليه ف شئ ؟؟
عبد الله:أبد بس باين عليك مرا تعبان روح شوف شكلك ف المرايا
محمد بتوتر: شكلي.... لاعايدي ان شاء الله اصحى الصبح ومافيني إلا الخير
عبد الله:إن شاء الله ,,, تعال ليه ماوافقت ع مشروع أمي
محمد: مشروووع!!
عبد الله:إيه عن الزواج
محمد: هههههههههه ياحليلها أمي أقلها مابتزوج إلا ماسكه علي وتباني اتزوج
عبد الله: إيوا انت ترفض وأنا أتوهق
محمد: لايكون دبستها فيك
عبد الله:إهئ إهئ إيواااا
محمد: هههههههه تزوج طيب إيش وراك
عبد الله:وإنت إيش وراك
محمدإختفت إبتسامته وحس بنغزه ف قلبه
محمد: انا ماافكر بالزواج
عبد الله:انا وافقت ع البنت اللي امي اختارتها ف نفس الوقت موطاوعني قلبي اتزوج قبلك
محمد: من جد مبروووك مقدما ...لاإتزوج والله لاازعل منك لوعدتها ثاني
عبد الله:بس يامحمد...
محمد قاطعه: لاتقول بس ,,أنا أخوك الكبير واللي اقوله نفذه إتزوج قبلي يعني قبلي
عبد الله:ابوي راح يرفض
محمد: ماراح يرفض واذا رفض انا اكلمه انت توكل ع الله وعزم
عبد الله:ان شاء الله
محمد: قبل كل شئ اباك توعدني لمن تشوف البنت تآخذها بإقتناع مو تآخذها تسكيته لي ولأمي هذه حياه مو لعبه
عبد الله:أوعـــــدكـــ
محمد: الله يوفقك يارب
عبد الله:ويــــــايـــ
÷÷÷÷÷÷÷÷÷÷÷÷÷÷÷÷÷÷÷
إياد:نواف أباك ف مهمه
نواف:حسستني إني ف فيلم misson impossiple
إياد:انا مو فاضي لإستهبالاتك اتكلم جد معاك
نواف:امزح معاك انت ليه صرت جدي
إياد:جدي ولاخالي ,, المهم اسمع
نواف:قول ياشيخ إياد
إياد:قبل شوي تكلمت مع جنى وقالتلي ان ف شله شباب مشوا معاها من المدرسه للبيت وكل يوم صاحب السياره يوقف قدام البيت
نواف:نــعــم,,, ومين هذا المنـــ
إياد:ماادري والله حدي مولع آآآه لو بس يطيح ف يدي
نواف:طيب ايش نسوي معاهم
إياد:انا قلت لجنى انها ماتروح مع زمرد انا آخذها من المردسه
نواف:انت غبي اكيد يعرفونك وماراح يجووا
إياد:يعني أخليهم ع راحتهم
نواف:انا ماقلت كذا خليها تروح مع زمرد وانا وانت نمشي وراهم من بعيد لبعيد
إياد:خلاص ان شاء الله بكراا لاتنسى والله لأوريه نجوم الظهر
نواف:طيب
(الــــــبــــــــــارت الــــثــــامــــن عــــشــــــــر)
اضحك وفلّ حجاجك اشفيك محزون
دنياك ماتسوى وخذها نصيحه..
,,,
مادام مالك ميت ولا انت مديون
ارم الهموم وخل نفسك مريحه..
,,,
لو كانوا اصحابك يضاهون مليون
نق الكفو منهم وخل السطيحه..
جوري:حبيبي ليه جالس لهذا الوقت؟؟
سالم بإبتسامه جذابه:عندي شغل ياعمري
جوري:حتى ف البيت الملفات والشغل وراك
سالم:ههههههه شايفه كيف وانا اتعب كله عشان مين عشانك وعشان مستقبل عيالنا
جوري:الله يعطيك العافيه ويقويك ويخليك ذخر لنا
سالم:يعافيكي ربي .. آآمين وانتي ليه مانمتي ؟؟
جوري:مو راضي يجيني نووم
سالم:مو منك من سوالفكم انتوا الثلاثه
جوري:ههههههههه والله استانست معاهم فديتهم
سالم:ترى نغااااااار
جوري:ياعمري انا ع اللي يغاروا,, اصلا المفروض ماتغار لأن روحي وعمري وكل مااملك فداااك
سالم:ياحياتي.... الله لايحرمني منك ( وأعطاها قبله ع جبينها)
جوري بخجل: ولامنك ياأحلى مافي الكون
///////////////////////////////////////////////////////////
(ف صباح شركة ابو سالم الساعه7:20)
ابو سالم:سلمان ابى اطلب منك طلب
سلمان:انت تآمر ياعمي ماتطلب
ابو سالم:الله يسلمك,, اذا تقدر وعندك وقت ابى اخليك تسافر لألمانيا ف شغل واذا ماتقدر اشوف أي احد ثاني
سلمان:من العين هذه قبل هذه ياعمي
ابو سالم:يعني تقدر تروح
سلمان:إيه
ابو سالم:اجل مر ع حامد وخليه يحجزلك تذكره لأقرب رحله لأن الشغل مايتأجل مرااا
سلمان:ان شاء الله
ابو سالم:ومصاريف الرحله واكلك وسكنك علي لاتآكل هم اهم شئ تسافر
سلمان بخجل: الله يخليك لنا ياعمي
ابو سالم:اول مايسوي الإجراءات حامد تعال قلي
سلمان:ان شاء الله
*********************************
جوري:السلام عليكم
سالم:وعليكم السلام هلا حبيبتي
جوري:هلا فيك,,, سلومي ممكن تسمحلي اروح
سالم:تروحي وين ياحياتي؟؟
جوري:إممممم عندي تطبيق ف مستشفى سليمان فقيه لازم اروح اذا مارحت راح ارسب
سالم:ياالله يعني لازم
جوري:ايو ياقلبي إجباري اروح قبل شوي الدكتوره طلبت مننا
سالم:بس أخااااف عليكي
جوري:لاتخاف علي بنت رجال انا ,, ياعمري لازم احقق حلمي يعني لو مااروح للتطبيق كيف بصير دكتوره ناجحه
سالم:صح ياعمري يعني ماينفع تطبقون جوة الجامعه
جوري:للأسف لا...
سالم:خلاص روحي
جوري:راضي
سالم:إيوا ياحياتي هذه حياتك ودراستك مستحيل امنعك من تحقيقها
جوري:الله يخليك لي دوم مو يوم
سالم:وياكي يابعد كل البنات ومتى ترجعين ؟؟
جوري:ماادري والله اذا خلصت راح اكلمك
سالمk انتبهي ع روحك تراها غاليه عندي
جوري:دائما تخجلني بكلامك
سالم:ههههههه لأن كل كلمه وكل حرف تخرج مني اعنيها لايجي ف بالك يوم من الأيام اني اجامل
جوري:مستحيل ياعمري يجيني شك فيك
سالم:يللا يازوجي العزيزه مضطر اقفل جاني محمد محمل ملفات كثيره الله يعيني ع اخوكي
جوري:هههههههه خلي ابويا يعذبكم تستاهلون
سالم:فديت الضحكه وراعيتها
جوري:فداااك اللاش يللا ياقلبي وصل سلامي لحمودي مع السلامه
سالم:يوصل مع ألف سلامه
نواف: إياد وين رحت خليك مع الاستاذ
إياد:.........
نواف: اياد وجع
إياد:ها... معاك
نواف: واضح وين وصلت ف أي بلد؟؟
إياد:لسى ف جده ماتحركت
نواف: خفيف دم,,, خليك مع الاستاذ لايسألك وتورط
إياد:مو بقادر اتحمل نفسي يجي موعد الظهر بسرعه وانهي السالفه
نواف: لا أصبر الوقت يمشي بسرعه ومانحس
إياد:الله يقدرني واتحمل والله شكلي لمن اشوفهم بأطلع حرتي فيهم
نواف: ياالله منك ياإياد قلت خلاص
الاستاذ: خلصتوا سواليفكم؟؟
نواف: آآسفين أستاذ كنت أسأله عن شئ ف الدرس
الاستاذ: أي إستفسار إسألني انا عشان ماتسوون شوشره ف الكلاس
نواف: إن شاء الله ومرا ثانيه آآسفين
الاستاذ: يللا نكمل الدرس
إياد:ياخي روقنا مالت عليك وع شرحك
نواف: ههههههههههه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك