رواية انا اطري على بالك كثر ما انت تطري -21
إياد نزل راسه ع الأرض
إياد: تكفى أبوي سامحني وماعاد أعيدها ان شاء الله
أبو محمد:وإذا عدتها ..
إياد: لا ان شاء الله ماراح اعيدها أي شئ يزعلك ماراح اسويه
أبو محمد:انا راح اسامحك وإذا عدتها لاعاد تكلمني لأن ماراح ارضى عليك
إياد: لا لا توبه ماراح اعيدها
أبو محمد:نشوووووووف
إياد: يعني اللحين مسامحني وراضي علي
أبو محمد:إيوا
إياد بفرح : الله يخليك لنا ياأحلى وأطيب أب ف الدنيا
أبو محمد:يللا روح تغدى ونام ,,, وياويلك وسواد ليلك لو أسمع إنك مسوي شئ ف عيال الناس ,, واي شئ يصير معاك تعال قلي أول مو إنت اللي تتصرف
إياد: من عيوني ياالغالي ,,, عن إذنك بروح انام
أبو محمد:إذنك معك
×××××××××××××××××××××××
الـــســـاعـــهـــ 7:30 مساءً وقت خطوبة عبد الله
أم محمد: واتي جهزي الفحم عشان نبخر
واتي: حاضر مدام
أم محمد: يا الله جوري وعليا ماوصلوا اللحين نتأخر ع الناس
جوري وعليا: السلام عليكم
أم محمد: وعليكم السلام ,,, ليه متأخرين؟؟
جوري: كان سالم ف مشوار
أم محمد: طيب يللا خلونا نمشي
جوري: وين عبودي؟؟؟
أم محمد: يوووه نسيته
جوري: هههههههه خلاص أمي بالها كله ف الخطبه
عليا:ههههههه ياحليلها خليها تفرح فيهم
عبد الله: سلام
الكل: وعليكم السلام
عليا: مبروووك ياولدي مقدما والله يكتبلك اللي فيه الخير
عبد الله: الله يبارك ف عمرك خالتي ,,, هااا جاهزين
جوري: خلاص بطلنا مابنروح
عبد الله: لــيــــهــ
جوري: ههههه مستعجل الأخ اللي يشوفك مايقول إنه هذا اللي كان رافض
أم محمد: جوري سيبي أخوكي ف حاله
عبد الله: هين ياجوجو انا اوريكي
أبو محمد: منيره خلاص خلصتوا
أم محمد: إيه اللحين جايين
سعود: مشاري انت روح البيت وبكرا نتقابل
مشاري: وانت مو براجع
سعود: لا ... بقابل واحد من اصحابي أباه ف سالفه
مشاري بشك: واحد!!! انت وراك سالفه ايش هي؟؟
سعود: هاا... وانت ايش دخلك لاتحشر عصبك ف شئ مايخصك
مشاري: خلاص خلاص أكلتنا ,, انا بروح البيت
سعود: الله معاك((( أدى مشاري ظهره وراح)))
مشاري: سعود وراه شئ لازم أعرف هو ايش يفكر انا عندي إحساس إنه مسوي مصيبه وموهق احد فيها أمشي وراه من دون مايحس واعرف سالفته.....
سعاد: تفضلوا ., تفضلوا,, البيت بيتكم حياكم
حامد وناديه: يزيد فضلك
حامد: حسن وينه ف المجلس؟؟
سعاد: إيوا
حامد: أجل بروحله عندي موضوع خاص
سعاد: خذوا راحتكم انا وعمتي بعد عندنا سالفه
حامد: هههههه يللا عن إذنكم
سعاد: إذنك معك
ناديه: هاا... يابنتي كيفك مرتاحه مع حسن
سعاد: الحمد لله مو مقصر معاي ف أي شئ ومخلني ع كفوف الراحه
ناديه: الله يهنيكم ويسعدكم يارب ف حياتكم ويبعد عنكم الحساد
سعاد: آآمين الله يسمع منك
ناديه:ها.... مافي شئ ف الطريق
سعاد بخجل: ماادري ... ليه كم يوم أحس بخمول وتعب
ناديه بفرح: صدق ,,, يارب تكوني حامل ليه مستنيه من بكرا روحي للمستشفى وشوفي
سعاد:عايدي ياعمتي تعب عايدي مااعتقد إني حامل
ناديه: مافي قلت من بكرا روحي تكفين
سعاد:ههههههه ولايهمك ,,, انا حاسه انهم يقولوا مجرد إرهاق
ناديه:يارب ياسوسو يحقق اللي ف بالي وأشوفك أم
سعاد بخجل: الله كريم ياعمه,, أووه نسيت أضيفك وأضيف حامد
ناديه: تعالي إرتاحي ماابى شئ
سعاد:لا ولوو.... لازم نضيفكم قدركم عالي
ناديه: الله يسعدك وينور طريقك يارب...
( الــــبـــــارتــــ الــــتــــــــاســـــــعــــ عــــــشـــــــــر)
أنا بشرح لكم حزني وحزني من صدى الوجدان
إذا غاب الحزن عني مسحت إدموعي بيديه
أنا مجروح في جوفي وصوتي للألم عنوان
ونفسي ما تعاف الصبر وهي للحزن مشريه
<فـــ بــيـــت أبــو سعد بالـــتــحديــد عــنــد الـــحـــريـــم>
أم سعد: تو مانور البيت
أم محمد:منور بأهلها
أم سعد:وينكم ماعاد نشوفكم ولاتزورونا مثل قبل
أم محمد:السموحه ياأم سعد ماتعرفي شغل البيت خاصه الاولاد كبروا وكبرت مسؤلياتهم
أم سعد:صدقتي والله..... كيف الصبايا عساكم بخير
جوري ولجين: الحمد لله ياخالتي
أم محمد:وين عروستنا؟؟؟
أم سعد:هههههه دقايق وتكون عندكم
أم سالم: كيف سعد وبنوتته؟؟
أم سعد: الحمد لله,,, أما بنته ماشاء الله عليها الله يحفظها أول ماتطب بيتنا لين تروح وهي تشتغل ف البيت صرت قبل ماتجي أشيل كل شئ عنها
الكل: ههههههههههه
أم سالم: الله يحفظها لكم
((( بعد دقايق دخلت مروج عندهم ـــ كانت لابسه تنوره طويله لونها بيج وبدي داخلي لونه أورنج وعليه بلوزه كم طويل مقلم ,, ولابسه شوز وإنتوا بالكرامه لونه أورنج فاتح وتاركه شعرها ع راحته ,, شعرها طويل مرا ولونه أسود,, كانت راسمه عيونها باأولاينر وحاطه قلوس خربزي فاتح مرا كان شكلها كيوت ))).......
< عــــــــــــــنـــــــــــــــد الــــــــرجــــــــــــالـــــــــــ>
أبو محمد:كيفك ياأبو سعد وكيف العيال ؟؟
أبو سعد:الحمد لله كلنا نزقح ........ إنت كيفك وكيف دنياك؟؟
أبو محمد:يسرك الحال
أبو سعد:كيفك ياعبد الله وكيف الوظيفه معاك؟؟
عبد الله: بخير ياعمي عساك بخير
أبو محمد: خلنا ندخل ف الموضوع ع طول ,,انت عارف عبد الله وهو بمثابة ولدك وهو كبر وقد المسؤليه وحبينا نزوجه قلنا مابنلاقي أحسن منكم نناسبهم وبنتك مروج سيدة البنات
أبو سعد:.................
أبو محمد: وعبد الله شاري بنتك وصراحه مابنلاقي أحسن منها إن رضيتوا خير وبركه وإن رفضتوا هذه قسمه ونصيب وأمانه معاك إذا بتسألوا عن عبد الله إسألوا مافيها شئ هذا من حقكم
أبو سعد: مايحتاج نسأل عنه رجال بمعنى الكلمه ومتربي أحلى تربيه
أبو محمد: الله يسلمك ,, والله يقدم اللي فيه الخير
أبو سعد: اللهم آآمين ... عن إذنكم أشوف الأهل
أبو محمد: إذنك معك ياأخوي
ِِِِِِِِِِِِِِِِِِِِِِِِِِِِِِِِ
سعود:ثامر قلي إيش صاير معاك من الألف للياء
ثامر:إيش أقلك كل شئ انت عارفه
سعود:ثامر تكلم بشويش أنا جنبك لاتصارخ
ثامر:أووووه آآسف ع الازعاج
سعود:ثامر الموضوع مافيه إستهتار تكلم
ثامر:قلتلك إيش صار إياد كشفني وتضاربنا قدام بيتهم وأخذتنا الشرطه وكتبونا تعهد يعني الموضوع خرج عن سيطرتي
سعود بقهر: آآآآه يالقهر أنا كل ماأخطط تفشل انا عشرين مرا اقلك إنتبه لاحد يشوفك الليحن إيش أسوي
ثامر:سعود انا سويتلك اللي تباه أذيت إياد ف الجامعه وبرا الجامعه
سعود:عارف بس لللآن مابرد قلبي عليه
ثامر:متى يطيح اللي ف راسك؟؟
سعود:ماادري لو القتل موحرام كان قتلته وريحة نفسي
ثامر:الحمد لله انه حرام,, المهم انت اللحين ايش بتسوي
سعود:مو ف راسي فكره بعدين أقلك
ثامر:لا ... لاهنا وبس انا خرجني منها
سعود:ايش تقصد بكلامك
ثامر:يعني ياأستاذ سعود انا كاتب تعهد لو اعيدها راح يسجنوني وانا مو ناقص ..
سعود:يعني أفهم من كلامك إنك بتتخلى
ثامر:مجبووووور
سعودبقهر: مشكور
ثامر:سعود خرج الولد من راسك أخذت انا حقك وزياده وكرهته ف حياته
سعود:والله مو إنت اللي تقرر ع حسب مزاجي
ثامر:بـــكــــيــــفكــــ
(مشاري بصدمه : معقوله سعود بالدنائه هذه مااعتقدت انه ورى هذا كله ولا بعد يدخلهم للشرط هانا ماراح اسكت لازم أقول لإياد )
××××××××××××××××××××××××××××××××××××
حامد:حسن ابو سالم ارسل سلمان لألمانيا
حسن: ألمانيا!! ليه؟
حامد:يقول ف شغل هناك وبعدين بيطلب طلبيه جديده
حسن: انا حاس إن ابو محمد وابو سالم انهم بيكبروا ف السوق ويتطوروا
حامد:يكبروا ههههههههه ضحكتني صراحه راح نشوف
حسن: ياالله منك ,, حامد انا أخاف تنكشف
حامد:ياالله كم مراا اقلك مستحيل بأي لغه تفهم
حسن: خلاص سحبناها
حامد:آآه ياحسن متى يجي اليوم اللي اشوفهم متدمرين وأرتاح
حسن: إنت ماعندك غير السالفه هذه
حامد:السالفه هذه اللي مضايقتك أنا اتعب فيها
حسن: شكله ف مواال عراقي ف راسك
حامد:ههههههه حلوه هذه إلا عراقي وتركي وغيره
حسن: الله يعينك ع نفسك
حامد:ف شئ ان شاء الله راح يصير يابكرا يابعده المهم قريب
حسن: تصدق دائما تحسسني بإحساس غير
حامد:عارف انك تستخف بعقلي بكرا أثبتلك ياحسن
( فـــــــــــــ بـــــــــيــــــــــت أبــــــــو مــــحــــمــــــد)
عبد الله: والله ياام محمد عرفتي تختاري
أم محمد: ههههههههه قلتلك أوثق فيني مستحيل أزوجكم أي كلام
محمد: مبروووك يادب والله يكتبلك اللي فيه الخير
عبد الله: آآآآآآمين من قلب
الكل:ههههههههه
جوري: شكل البنت أخذت عقلك
عبد الله: وبقوووه والله خبلتني هذه من أول نظره كيف بعدين
الكل: ههههههه
محمد: ماشاء الله صرت تطلع حكم
عبد الله: تدري اني فرحان إنك ماوافقت عليها لو ادري انها كذا كان ماترجيتك
أم محمد: ياولد إستحي
الكل: هههههههههه
أبو محمد: ان شاء الله تكون من نصيبك ياولدي
عبد الله: الله يسمع منك ياالغالي دعواتكم
جوري: يللا عن إذنكم بروح البيت عندي دوام بكرا وإنت ياقيس لاتحلم كثير
عبد الله: مع السلامه ,,, خليكي ف نفسك
جوري: شكرا طرده محترمه ههههههه
عبد الله: ابوي متى راح يردوا ؟؟
أبو محمد: ياولد أثبت ليه الإستعجال
عبد الله: ياأبو محمد إنت راحت عليك ماراح تحس فيني
أم محمد: نــعـــم,,, إيش تقصد
الكل: ههههههههههههههه
عبد الله: لا ياالغاليه لاتفهمي غلط إنتي الكل ف الكل بنات الديره مايسوون ظفر منك
أم محمد: أحـــســــب ...
عبد الله: يللا تصبحون ع خير بروح لغرفتي اخلص شغلي وانام نومه حلووه
أم محمد: وإنت من أهله.. الله يعيننا عليك لين يردوا
عبد الله: دعواتك ياالحبيبه
:::::::::::::::::::::::::::::::::::::::::::::::::: ::::::::::::::::::::::::::::
( الســـاعــــهـــ 10:14 مساءً)
جنى: إياد انا مرا زعلانه منك
إياد: أفــــــــا .... ليه؟
جنى: ألف مرا اقلك إياها لاتسوي ف الاولاد شئ لو أدري انك بتوصلها لكذا كان سكت وماعلمتك
إياد: والله يستاهل وزوود لأن الولد اللي ضربته كل مايشوفني يقلبها معاي حرش وأطنشه لكن يوصل للبيت أحش رجوله مو بس أضربه
جنى: ياحبك للمشاكل
إياد: ماعلينا منه... إنتي كيف السكوول معاكي ؟
جنى: تكفى لاتجيب سالفة الدراسه ياكرهي لها
إياد: ههههههههه,,,, خلاص هانت راح تنفكي منها
جنى: نفسي اغمض عيني وافتحها ألاقي نفسي معايا الشهاده
إياد: أشك إنك بنت,, انا اعرف البنات يحبون الدراسه عكسنا
جنى: ياعمي روح بلاحب بلا وجع قلب
إياد: إخس ياراشد
جنى: ابو يسامحك ولا لا
إياد: إيه سامحني وقلتله ماعاد أعيدها
جنى: من جنبها والله
إياد: أحــــــــــاولــــــــــ
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
< الســــاعــــهــــ 1:30 مساءً>
محمد:ياالله مين هذا اللي يتصل عليه ف الوقت ذا .... ألـــــو
:السلام عليكم
محمد:وعليكم السلام
:محمد راشد.....
محمد فز قلبه: إيوا انا مين؟؟
:معاك الدكتور .... ف مستشفى..... آآسف إتصلت عليك ف الوقت هذا بس مضطر.
(محمد حس الدنيا تدور من حوله واطرافه بردت من الخوف )
محمد: عسى خير إن شاء الله
:كل خير ان شاء الله ,,لازم بكرا الساعه 8:00 تمر علي ف المستشفى ضروري
محمد:خير يادكتور قلي حالتي لها علاج ولا لا
:أكيد ياأستاذ محمد انت تعال بكرا وكل خير ان شاء الله
محمد:ع خير بإذن الله بكرا أجيكم مع السلامه
( يارب ياكريم بكرا يجيني خبر حلو ,, يارب انت الشافي المعافي إشفي عبدك المريض ... اللحين بكرا إيش أقول لأبويا كيف استأذن منه ,,,, يارب ريحني من التفكير والهم وإشفني وإشفي كل مريض)
حسن:سوسو فيكي شئ ؟؟
سعاد: هــا.... لابس تعبانه شوي
حسن بخوف: ايش حاسه ف شئ يوجعك
سعاد: لاياقلبي تعب عايدي
حسن:بكرا ان شاء الله لاتداومي بوديكي المستشفى ونطمأن
سعاد: مايحتاج روحه للمشتفى عيوني انا متأكده انهم يقولوا إرهاق بس
حسن:حتى ولوو.... نروح يعني نروح
سعاد: وشغلك
حسن:ف حريقته.. بستأذن من المدير اهم شئ صحتك عندي فوق كل شئ
سعاد: الله يخليك لي
حسن:وياكي,, يللا ياعسل نامي عشان ورانا مشواار
سعاد: ان شاء الله تصبح ع خير
حسن:وانتي من اهله ياروحي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
( فــــــ صـــــبــــاحـــــ بـــيــــتـــ أبـــــو مــــحــــمـــد)
أبو محمد: صباح الخير
الكل: صباح النور
أبو محمد: عبد الله وين؟؟
أم محمد: نايم من يااليوم اصحي فيه مو راضي
أبو محمد: والدوااام؟؟
أم محمد: شوي أحاول فيه
أبو محمد: يللا ياعيالي كلوا لاتتأخروا ع المدارس
إياد: أمي لاتنتظروني ع الغداء مابرجع بدري
أم محمد: ليه؟؟؟
إياد: عندي محاظرات لليل أخر محاظره تخلص الساعه3:00
أبو محمد: لاتنسى اللي إتفقنا عليه وإذا شفته اليوم لاتديه أي إهتمام
إياد: حاضر ولايهمك
محمد: إمممممم أبوي اليوم مابجي للشركة بدري
أبو محمد: وليه إن شاء الله
محمد:عندي موعد ف المستشفى
أم محمد: كنت عارفه انك تعبان من ايش تشتكي ياولدي
محمد: لاتخافين علي ياست الكل ,, معايا توعك ف المعده
أم محمد: هذه من أكل المطاعم نحطلكم أشكال وألوان من الاكل هنا ولاتحبوون
أبو محمد: طيب متى موعدك؟؟
محمد: شوي رايح
أبو محمد: خلاص روح بس لاتتأخر عندنا شغل
محمد: ان شاء الله ,, امي محتاجه شئ اجيبه معاي
أم محمد: سلامتك ياولدي موقاصرني شئ الحمد لله
محمد: الحمد لله ,, يللا مع السلامة
%%%%%%%%%%%%%%%%%%%%%%
< الـــســــاعـــهـــ 7:30>
أبو سالم: حامد ايش الإزعاج هذا اللي برا ايش صاير
حامد:ماادري,, مصممين يقابلونك
أبو سالم:خلهم يدخلوا اشوف نهايتهم
حامد:طيب...
: إنت تركي..... صاحب الشركة
أبو سالم: إيه أنا .... خير ف شئ مقومين الشركة علينا
: من فين يجي الخير وإحنا.....
×××××××××××××××××××××××××××××××××××××××
حسن:ها... يادكتوره بشري
الدكتوره: مبروووك المدام حامل
حسن بفرح: سوسو حامل
الدكتوره:أيوا ....( باللهجه المصريه هع)
حسن:مبروووك ياأحلى وأغلى زوجه ف الدنيا
سعاد بخجل: الله يبارك فيك
الدكتوره:حاولي يامدام إنك ف الشهور الأولى ماتشتغلي فوق طاقتك ولازم تتغدي كويس عشان صحتك وصحة البيبي
حسن: أصلا مين قلك إنها تشتغل ماراح أخليها تمسك أي شئ
الدكتوره: كل شهر تعالي عندي عشان نعمل تحليلات ونطمن ع صحتكم
سعاد: إن شاء الله ,, بس يادكتوره احس بدوخات وخمول
الدكتوره: هذا شئ طبيعي راح اكتب لك بعض الادويه
حسن: دكتوره حامل ببنت ولا ولد
الدكتوره: هههههه مستعجل الأستاز ماراح يبان اللحين يبان ف الشهر الرابع
حسن: اللي يجي من الله حياه الله ,, يللا ياسوسو أرجعك البيت واروح للشغل
سعاد: طــيــــب
الدكتوره: يتربى ف عزكم ان شاء الله
محمد:صباح الخير
توفيق:صباح النور
محمد:توفيق انت فاضي؟؟
توفيق:إيه ,, اليوم ماعندي شغل خير ف شئ
محمد:امس ف الليل اتصل عليه الدكتور وطالبني
توفيق:صدق ,, اللحين انت وين؟؟
محمد:رايح للمستشفى حدي خايف
توفيق:لاتروح انا بمر عليك ونروح سووا
محمد:لا .. مابتعبك انا اروح واردلك خبر
توفيق:موبكيفك انا جاي آآخذك وان شاء الله خير
محمد:من يوم ماقفل من عندي موبقادر انام ولا أصبر الله يستر
توفيق:ان شاء الله خير يامحمد انت إدعي
محمد:يارب ياكريم يقلي الدكتور خبر مفرح وأشفي من المرض وارتاح
توفيق:كله بالأجر يامحمد ,, ربك رحيم
محمد:ونعم بالله,,, يللا انت تجهز وتعالي لانتأخر مو بقادر أستنى دقيقه وحده
توفيق :ان شاء الله مسافة طريق فمان الله
محمد: الله معاااك
$$$$$$$$$$$$$$$$$$$$$$$$$$$$$$$$$$$$$
إياد: نواف تدري قبل شوي قابلت مين؟؟
نواف:لاتقلي ثامر
إياد: ف غيره
نواف:تعرضلك
إياد: هو أساسا يقدر مو أنا وإنت ربيناه
نواف:هههههههههه
إياد: بس انا شايف الولد مرا متغير غير عن اول
نواف:طبيعي بيتغير مو أكل مننا ضرب
إياد: خليه يولي انا كل ماأجيب سيرته ضغطي يرتفع
نواف:أبوك إيش عملك لمن رجعت
إياد: زفني وسمعني كلام لكن ف الأخير رضى عليه وخلاني أديه كلمه إني ماأتعرض لأي أحد
نواف:الحال من بعضه ,, متى آآخر كلاس عندك الساعه كم؟؟؟
إياد: آآخر كلاس عندي الساعه 3:20 كل شوي يتغير الجدول
نواف:أجل انا أستناك لين تخلص ونروح لمكدونالدز
إياد: والله إنك فاضي , انا ياالله ياالله أخلص وأروح للبيت واحط راسي
نواف:من بعد ماكدونالدز ف خط الجامعه ماهي بعيده
إياد: إذا خلصت أشوف ,, يللا انا بروح باقي 5 دقايق وتبدئ المحاظره
.................................................. ..................................
فـــــــــــــــــــ مـــــــســـــــتــــــشـــفـــــــــــى
النيرس: محمد راشد..... تفضل الدكتور عايزك
محمد بخوف: حاضر,, توفيق تكفى لاتسيبني تعال أدخل معاي
توفيق: إيش فيك يامحمد صرت تتصرف زي الأطفال
محمد: توفيق لاتزيد عليه انا مو ناقص أحس قلبي بيخرج
توفيق: سلامة قلبك تعال نشوف الدكتور يللا
( دخلوا عند الدكتور ومحمد حاس برجله ثقيله من الخوف)
الدكتور: إتفضلوا
محمد: ها.... يادكتور قلي ايش الخبر المهم
الدكتور: كل خير يابني
محمد: تطفى يادكتور قول اللي عندك ولاتخبي علي أي شئ راح اتقبل
الدكتور: هدئ نفسك يامحمد لاتخاف واللي بقلك راح يفرحك كثير
محمد: خبر مفرح!! قول يادكتور فرحني
الدكتور: امس قبل مااكلمك جاني إتصال من الهند وخبروني إنهم لقيولك كليه متطابفه معاك ....
<محمد ساكت من الصدمه مو مستوعب >
توفيق بفرح: صدق يادكتور, الحمد لله لك يارب محمد ايش فيك أفرح مو هذا اللي بتسمعه
محمد: لحظه ,لحظه عيد الخبر دكتور ترى مو مستوعب
الدكتور: هههههههه يحقلك ماتصدقش ..المهم اللحين روح مع النيرس وسوي تحاليل شامله نهائيه ولازم خلال هذه اليومين تكمل إجراءات السفر بأسرع وقت كل ماإستعجلنا كل ماكان ف صالحنا
توفيق: أنا أرتب كل شئ دكتور
الدكتور: مبروووك يامحمد والله يشفيك ان شاء الله
محمد: الله يبارك ف عمرك مشكوور يادكتور
الدكتور: ماعملنا حاجه هذا واجبنا ,, يللا روح سوي التحاليل عشان تخرج اليوم ف اليل ان شاء الله
توفيق: بإذن الله يللا عن إذنك دكتور
الدكتور: إذنك معك
محمد: توفيق للآن مو مصدق الخبر,, لك الحمد يارب (ونزلت دمعه من محمد)
توفيق:ربك كريم يامحمد ,, اللحين إيش تقول لأهلك لمن تسافر
محمد:ماادري والله ... خاصه إن الشغل كثر علينا هذه الفتره وابوي محتاجني
توفيق:لازم تقلهم يامحمد
محمد:نـــعــــم,,, مستحيل انت ماتعرف امي ايش يصير لها لمن تشوف أي احد فينا تعبان
توفيق:طيب ع الاقل قول لسالم عشان يغطي عليك
محمد:أشووف.... يللا خلنا نسوي التحاليل عشان ارجع للشركة ابوي ينتظرني
توفيق:يـــــــــلــلا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،
حامد: انا راح اوديكي لبيت عمتك لمن اخلص أمر عليكي
سعاد:ايوا ودني عندها لأن راح أطفش لوحدي
حامد:إن شاء الله ,,,, تكفين لاتشتغلي إرتاحي
سعاد:هههههه لاتخاف عليه حتى لو إشتغلت مرااح أشتغل فوق طاقتي
حامد:معليش لاتشتغلي انا راح اقدم ع خدامه
سعاد:خدامه!! والله ماتدخل بيتي خدامه
حامد:ليه تحلفين أنا ابى راحتك والخدامه راح تسوي كل شئ
سعاد بعصبيه: آآسفه خدامه ماتدخل بيتي ولاتحط يدها ف أي شئ ’’ انا اخدم بيتي بنفسي
حامد:إنتي سامعه كلام الدكتوره إيش قالتلك
سعاد بعصبيه: أنا اعرف مصلحتي محد يعلمني إيش أسوي ولا ما أسوي
حامد: طيب خلاص لاتزعلي مانجيب خدامه
سعاد:سامحني تكلمت معاك بالطريقه هذه بس انا اكره الخدامات من كثر مااسمع قصصهم وبلاويهم ..
حامد:عايدي ياروحي مقدر كلامك يللا وصلنا للبيت إنتبهي ع نفسك وسلميلي ع عمتك
سعاد:يوصل وإنت بعد إنتبه ع طريقك لاتسرع
حامد:من العين هذه قبل هذه يللا مع السلامة
سعاد:بحفظ المولى
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
أبو سالم:راشد مصيبه وصابتنا
أبو محمد بإنفعال:خير إيش فيه
أبو سالم:من وين يجي الخير أنا وإنت خسرنا ياراشد
أبو محمد:تركي إنت إيش جالس تقول مو فاهمك تكلم كويس
أبو سالم:المشروع اللي سويناه فشلنا,, قبل شوي صارت لويه ف الشركه
أبو محمد:كيف يعني ؟؟؟
أبو سالم:الزبائن اللي إشتروا مننا السيارات جايين يطالبون بحقوقهم
أبو محمد:أي حقوق ترى مو فاهمك هدئ عشان أفهم منك
أبو سالم:مو أنا وإنت قبل كم شهر طلبنا كميه من السيارات
أبو محمد:إيــــــــــــهـــــــ
أبو سالم:بعض السيارات مشت بس شهر وخربت الناس جايين يطالبون مني أرجع فلوسهم
أبو محمد:إيــــــــش!! وكيف طلعت السيارات خربانه إحنا إستلمناها سليمه
أبو سالم:هذا هو اللي مجنني ماادري الغلط مننا ولامن الدوله اللي طلبنا منها
أبو محمد: إيش تقصد من كلامك يعني خسرنا فلوسنا
أبو سالم:مبلغ مو بسيط ماني عارف كيف أتصرف
أبو محمد:كم مليوون؟؟
أبو سالم:خسرنا مليونين
أبو محمد:لاحول ولاقوة إلا بالله وإيش راح نسوي ف المصيبه هذه
أبو سالم:لازم نسوي إجتماع مستعجل ونفكر
أبو محمد:خلاص الساعه 10:00 مناسب
أبو سالم:ان شاء الله راح اجيك للشركه
أبو محمد:الله يسامح اللي كان السبب
****************************************
جوري: سلام يا أمر<< باللهجه المصريه خخخخ
لوجي:وعليكم السلام ’’’ إزيك ياختي ؟؟ وإزاي العيال؟؟
جوري: ههههههههه قلبنا مصاريه ومي نقلك عندي عيال
لوجي:نتأمل ههههههههه
جوري: تافهه..... إيش جالسه تسوي؟
لوجي:ولاحاجه بعد شوي بروح لعدد من المرضى وأدرس حالاتهم النفسيه
جوري: آآخر شئ شكلي بشوفك إنتي اللي معاكي حاله نفسيه
لوجي:فال الله ولافالك هين يادبه أنا أوريكي
جوري: ههههههه,,, امزح معاكي إسمعي اليوم تعالي عندي طفشانه
لوجي:وليه مو إنتي؟
جوري: لوجي بلا عبط تعالي عندي ف سالفه بقولها لكي لاتفوتك
لوجي:دام فيها سالفه مهمه أجيكي ليه لا
جوري: للقافه زي الصاروخ تجي لكن شئ ثاني مانحصل منك
لوجي:كل شئ محسوب عليكي يادبه لين أقابلك وأوريكي
جوري: ماتقدري ف من يحميني
لوجي:قصدك سالم ضحكتيني مايقدر
جوري: بلاش فلسفه انا بقفل ولاتنسي تجي ok
لوجيk
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك