رواية حنيتك راحت لوين وشفيك ما تشتاق لي -23
البارت الخامس و العشرين~~
7 الصبح
ابتعدت عنه .. بكل هدوء وللحين ببالها مفاجئته الي ماتوقعتها .. او بالأصح ناسيتها.. تذكرت ال صار بينهم امس وبتسمت بخجل ..باست جبينه برقه .. وخذت لها شاور سريع .. ولبست لها من ملابس محمد وصلت.. وتوجهت للصاله عشان ماتزعجه .. وشغلت التلفزيون
عند بطلي.. الي قعد من نومه .. وهو منزعج .. صار يدور عليها بركان الغرفه .. لكن لاوجود لها .. عرف انها بالصاله .. وعدل جلسته وخذ له شاور سريع .. وصلى االصبح وتوجه لها
في الصاله
محمد ااكتفى ببتسامه وهو يجوفها لابسه تيشيرته الي واصل لها لي الركبه .. قرب منها وهي مااحست فيه من سرحانها
جلس وحط راسه المبلول بالماي على فخذها : صباح الحب ياروح محمد
جواهر الي انتبهت له وصادتها رعشه خفيفه من قطرات الماي الي انزلت عليها : صباح العشق ياقلب جوجو
محمد وهو على نفس وضعه مسك يدها وباسها : فديتج انا
جوااهر ببتسامه : يفداك الكون
لفت انتباها كتف محمد المحمر وبتسائل : محمد اشفي كتفك محمر
محمد وهو يطالعها بنص عين : وحده متوحشه عضتني
جواهر الي تذكرت وتلون ويها من لحراج ونزلت راسها : آسفه ورفعت راسها وبخوف : يألمك
محمد وهو يغمض عينه : عسل على قلبي
جواهر صارت تمسح ععلى راسه بحنان وبتسائل: ليش مانمت في االغرفه
محمد وهو بنفس وضعيته وبهدوء : انتي تركتيني نايم .. ورحتي
جواهر ببرائه : والله ماحبيت ازعجك
محمد فتح اعيون وحده : اتمنى مايتكرر هل شي .. لأني اول مافتح اعيوني ابي ااجوفج بحضني
جواهر :طيب
ضل الصمت بينهم وكل واحد تفكيره بالثاني
محمد : حبيبتي
جواهر وهي تمسع على شعره بهدوء:اعيونها
محمد :تسلم لي ااعيونج .. اقدر اسألج وتجاوبيني بصراحه
جواهر ضربات قلبها موقادره توقف وخايفه من سؤاله وبتوتر لاحظه محمد : ا كـــ ـــ ــ يد
محمد عدل جلسته وصار يناضر اعيونها الي يعشقها : مو انا وانتي اتفقنا انه مانخبي شي عن بعض
جواهر هزت راسها بالموافقه
محمد وهو يكمل كلامه : يعني ماراح اتخبريني
جواهر نزلت رااسها .. ومانطقت بحرف
محمد وهو متتأكد انها امخبيه عليه .. وماحب يجبرها وبحنان مسك يدها الناعمه وبسهاا : متى ماتبين تتكلمين .. تأكدي انه زوجك ينتظرك .. ويحبك ويخاف عليك اكثر من نفسه
جواهر دمعت اعيونها من حنانه قربت منه وضمته بقوه وشفاتها ماهمست بغير كلمه : احبك
محمد ضمها بكتافه العريضه وحب يحرجها :ادري اني حلو وحضني احلا
جواهر تمسكت فيه اكثر وبدلع : حمودي
محمد الي مات على دلعها وخايف يتهور : جوج
جواهر وهي ترمش بعيونها : قلبها .. وروحها .. وعمرها .. و
محمد حط يده على شفاتها وحملها وهمس بذنها : استحملي نتايج دلعج
لوووووووووووووووووووووووووول
مشفر
...................................
جواهر بحراج : محمد خلااص
محمد وهو رافع حاجب :حلالي وكيفي
جواهر وهي تمسك يده : وأحد قال لك غير جذي
محمد وهو على نفس وضعه قرب منها وطبع بوسه طويله على شفاتها : الي يقول كلمه اقطع الساانه وكمل كلامه بهمس : انتي ملكي انا وبس
جواهر قلبها صار يضرب بقوه وهي تجوف نظرات محمد المتلهفه ماقدرت تتمنعه اكثر وستسلمت لحبيب قلبها
لووووووووووول مشفر
************
بين إيديا وأحس إنك بعيد موت باحضانك مثل قطعة جليد
علم العشاق كيف الحب يكون بلاحواجز أحلى طعم الحب أكيد
زيد ناري وخلي بجروحي ملح خلي نسهر ليلنا لحد الصبح
ولا تفكر حبنا غلطة وإلا صح شما يعدي العمر حبنا يظل جديد
إقترب مني ترى الدنيا فرص وأخذ من شوقي إذا شوقك نقص
خلي أحكيلك مواويل وقصص شما يعدي العمر حبنا يظل جدي
اخذ عكازه وصار يحاول يقرب منها وهو نادم على اعترافه .. ااهي مالها أي ذنب .. ليش يعذبها
خالد الي وصل لي مستواها وبصعوبه وتعب : شيخه شيخه
عند عبدالله وابو شيخه الي اسمعو صوت ارتطام قوي بالأرض وصوت خالد الي ينادي.. دخلو وتفاجئوا بمنضر الشيخه المغمي عليها والاكثر من جذي ويها المتحول لونه للأزرق
قرب منهاا عبدالله وتفاجئ من صرخه خالد الي تمنعه
خالد بحده : لاتتقرب منها
عبدالله بعد تردد اكبير حملها بين ادينه وماهتم لكلام خالد وصراخه ودخلها غرفه فاضيه وشغل جهاز التنفس (الاكسجين) لحين مانتضم تنفسهاا ورجع لون ويها الطبيعي
نرجع لخالد الي اول مره يحس بالعجز .. ورغم غيرته الي وصلت لي اخر حد عنده وهو يجوفها بين ادين عبدالله .. الا انه ماقدر يمنعه
خالد بقهر ضرب يده بقوه على الارض: انا السبب .. انا االسبب ..اهي مالها ذنب .. الذنب ذنب النذل ثامر .. ماراح أتنازل لك لو اجوفهم يعدمونك جدامي
نرجع لعبدا لله
الي غطاها وماسمح لنفسه بالجلوس اكثر .. اهو سوى مهنته كطبيب .. والحين انتهى دوره .. طمن ابو شخه على صحتها وتوجه لخالد وهو بكامل عصبيته
عبدالله وهو يحاول يمسك اعصابه لايثور بويهه: اشقلت لها ياخالد .. وبصرخه اذاا ماتبيها طلقهاا .. لاتعذب البنت فاهم
خالد ابرود وهو يسوي نفسه مومهتم : لاتتدخل بيني وبين زوجتتي
عبدالله بستهزاء وهو يصفق له بيده: ماشاء الله اخيرا اعترفت انها زوجتك ولها حقوق عليك
وكمل كلامه وشرار يتطاير بعيونه :صدقني ياخالد لوجفتك مأذيها راح يكون شغلي معاك وتأكد اني اول شخص راح يوقف بويهك
خالد الي انصدم من كلام عبدالله ورده فعله القويه وبتسائول وهو موحاب يبين خوفه : وينها فيه
عبد الله وهو يتعوذ من الشيطان وتنهد بقوه : ركبت لها المغذي وهي الحين نايمه
خالد الي ضربات قلبه صارت تضرب بقوه : فيهاا شي
عبدالله بقلبه ( واضح حبك ياخالد ليش اتكابروتعذب نفسك وتعذبها)
عبدالله : ضيق تنفس .. انت تعرف انها تعاني من الربو .. واي شي يضايقها يزيد النوبه عليها وبتسائل انت قلت لها عن ثامر
خالد بقهر والم بنفس الوكت وهو يتذكر اخته وفضل السكوت
بعد مده من الصمت
خالد وقف واخذ عكازه
عبدالله بستغراب: وين رايح
خالد مارد عليه وصار يحاول يمشي
عبدالله فهم عليه وقرب منه وساعده وصله لي غرفتها
دخل الغرفه وجاف ابو شيخه الي جالس يقرئ على راس بنته
ابو شيخه رفع راسه وجاف خالد الي مانطق بأي حرف وفضل لنسحاب
نرجع لخالد الي علق اعيونه على ابره المغذي الي بيدها وجسمها النحفان..ورغم هذي كله ماقلل هل شي من جمالها
قرب منها .. ومسك يدها بقوه وهو حاب يحسسها بقربه ..
خالد بندم وهو منزل راسه الي يتفحص ويها : آســــــــــــــــــــف ياحياتي
شيخه الي كانت تسمعه وتحس بلمسات يده الدافيه .. وماصدقت الي تسمعه .. خالد المغرور يعتذر؟؟ ومن من ؟؟ منهاا !! وقال لهاا حياتي
قصب عليها أفتحت أعيونها وصارت ترمش أكثر من مره وهي تحاول تستوعب الي يقوله
وتفاجئت اكثر وهي تجوف انفاسه تحرق ويها .. تعلقت عينها بعينه وبدون حساس لقت نفسها ترفع يدها وتتلمس جرحه
ماتدري ليش من تشوفه تحس انه شموخ كله فيه خصوصا مع خشمه الطويل السليل ...و عيونه الي كانت بنيه مايله للسواد ورموشه كثيفه وحواجبه مرسومه على طول العين ... كلهذه يجذبهاا له .. ظلت تطالعه ومشاعر غريبه قاعده تتفجر فيها ... ليما حست ان ويهها ينبض بالاحاسيسس تجمت مشاعرهم ونسو المكان الي اهم فيه
وباسها خالد بوسه طويله بكل شغف منه
بعد مده وهم على نفس االوضع
انفتح الباب ودخل عبدالله وعلى شفاته بتسامه
:خالد تقدرتطلع من وختفت ااحروفه وانحرج هذول فاصخين الحيا وناسين المكان الي اهم فيه.. عبدالله طلع بدون أي كلمه من ااحراجه
نرجع لشيخه وخالد
شيخه وهي تحس نفسهاا .. راح تبكي من لحراج .. ومااقدرت تنطق بحرف
وخالد الي ملامحه جامده ومابين عليه أي شي وبنبره حنان اول مره تلاحظها شيخه وهويمسك يدها الي فيها ابره المغذي: تألمج
شيخه الي يدها صادتها رجفه من دفا يده وكتفت وهي تهز راسها بالموافقه وللحين مومصدقه انه خالد القاسي يعاملها بهل حنان .. تحس نفسها فحلم وماتبي تصحى منه
خالد جلس بقربها .. ومسك يدها الي فيها المغذي ورفعها لشفاته وباسها .. وهي انحرجت من نظراتته الي شوي وتاكلها .. وفهمت منه انه هذي طريقته بالاعتذار
بعد مده من الهدوء وخالد للحين ماسك يدها وموجه نظره لنافذه الغرفه : راح اسافر بعد يومين
شيخه الي كانت امنزله راسها .. أرفعته وتجمعت الدموع بعينها .. يعني اهي ماخطئت بتفكيرها الحنان الي عاشته من شوي كان كله حلم ومن هل لحظه راح يصبح شتات
شيخه بصوت مخنوق وهي تكتم ادموعها : تروــــــــ ـ ـ ـ ـح وترجــ ــ ــ ــع بالسلامه
انتظرت منه جواب .. وتفاجئت وهي تجوفه يضغط على يدها وكنه يطلب منهاا شي .. بشكل غير مباشر
خالد رفع راسها بطراف اصابعه وبقلبه (نفس ماتوقعت دموع)مسح على خدها بلطف وبمفاجئه ماتوقعتها شيخه !!: ماتبين اتين معاي !!
ارفعت راسها بحركه سريعه .. وهي تدور على الصدق في كلامه .. لكن كل الي لقته ملامحه الجامده الي ماتدل على أي رده فعل .. ودها لومره تفهمه بس اهو دايم يتهرب منها.. ومو ماعطهاا أي فرصه
مر عليها اخر موقف لخالد وتهامه لهاا انه بسببها توفت مرام وبسببها اهو فقد رجله وبسببهااا صار وحيد .. وقالها عن ثامر ونتقامه .. وهي ماستحملت اتهاماته
ووصلت لهل مكان
خاالد الي لاحظ شرودها وهز كتفها وهو ينتظر جوابها ...
شيخه بخوف حاوله مات بينه : موااافقه
خالد كان يبي يكمل كلامه .. لكن هل مره انفتح الباب ودخل ابو شيخه
ابو شيخه ببتسامه لبنته : جذي تخوفينا عليج
شيخه وهي تجوف يد خالد الي متعلقه بيدها وحست بغضط خفيف من يده وكنه ماايبيها تذكر الي صار بينهم (من مشاكل لحد) ابتسمت مجامله : ابي اجوف غلاتي عندك
ابو شيخه قرب منها وباس راسها : الله يحفظك إنشاء الله .. وهتمي بنفسك .. عشان أنجوف حفيدنا
شيخه وخالد على طول التفتو لبعض .. وهي حست انه الدم تجمع في ويها من لحراج .. مجرد ماتتخيل انه يكون عندها ولد من خالد اهو الشي طبيعي لكن خالد بسبب قسوته .. مااعطاها المجال انه في يوم يفكرون بمولود يشارك حياتهم .. وشلون ايي المولود وهو ماقرب منها!!
اابو شيخه الي ماحس بتأثير كلامه على طرفين وكمل حديثه : عبد الله يقول انه موعد سفركم بعد يومين .. لألمانيا .. وشي ثاني وهو يوجه كلامه لخالد
: العكاز يضرك بهل فتره .. انتبه لنفسك ويفضل انك تستخدم الكرسي المتحرك
.................................................. .........
في بيت عبدالرحمن
االعنود وهي تحس بألم ببطنها ومو قادره تصبر وبصوت يا الله يطلع: عبدالرحمن بطني .. قوم وبصرخه عبدالرحمن
عبدالرحمن الي ناايم ومو حاس فيها .. وحس بحد يهزه بقوه .. وبصوت مليا نوم : العنود نامي
العنود بصرخه : بطني قوم
عبدالرحمن فتح اعيونه وطالع العنود الي متكوره من الم بطنها وموقادره تستحمل
في المستشفى
الدكتوره ببتسامه : حبيبتي شي طبيعي تحسين بالألم بهل اشهر .. وهذي دليل على تحرك الجنين
العنود وجهت نظرها لعبدالرحمن الي باين عليه التعب .. اوقفت وقربت منه وهو بدوره شكر الدكتوره وطلعوا من المستشفى
في السياره والصمت سيد المكان
العنود وهي منزله راسها: انا آ ســ ـــ ــ فه
عبدالرحمن لف ويهه لها وببتسامه تعب : ليش تعتذرين ياقلبي
العنود وعيونها دمعت : ادري انك تعباان .. بس شاسوي والله احس بألم قوي ببطني
في اليوم الثاني تكرر نفس الشي .. وعبدالرحمن يحاول قد مايقدر يكون متفهم وضعها وخصوصا انه اول مولود لها
احم ^_^ في اليوم الثالث
عبدالرحمن بصوت مليان نوم وبتعب: تكفين ابي انام وراي دوام .. ودكتوره قالت باقي لج شهرين
العنود وهي تهزة: عبدالرحمن انا متملله اسهر معاي
عبدالرحمن تغطى ونام وهو ماعطها اكبر طاف
العنود تنرفزت منه وطلعت من الغرفه .. وماتدري ليش طرت بببالهاا وحبت اتروح لها
وضربت الباب بخفه وتفاجت وهي تجوفها فاتحه لها الباب
عايشه وهي منزله راسها : تفضلي
العنود دخلت والصمت سيد المكان .. العنود وهي تحاول أتتغير الجو الكئيب
:شخبارج حبيبتي
عايشه وهي منزله راسها وبنكساار : بخير
العنود وهي حابه تبتدي مسكت يدها بحنان : انتي الحين ببيتج وأبيج تنسين كل الي صاار .. وتبتتدين حياتج من اول ويديد .. وتبنين مستتقبلج .. وعتبريني اختتج
عايشه الي دمعت اعيونها من طيبه العنود وبفرح : صج راح تعتبريني اختج
العنود هزت راسها بالموافقه
عايشه ماستحملت ااكثر ودخلت في نوبه بكاء : والله آسفه سامحوني انا متندمه وشيطان اعمى بصيرتي وماكان عندي من يوعيني عن الضلال الي اناا عايشه فيه
ا
العنود آلمها قلبها عليهاا وحبت تطلعها من حزنها ووحدتها وبنشااط: اتعرفين اتطبخين
عايشه بستغراب ومسحت ادموعهاا وهزت راسها بالنفي
العنود اوقفت ومسكت يدها:انا يعانه امشي معاي
عايشه اكتفت ببتسامه وتوجهو مع بعض للمطبخ
في المطبخ
العنود : انا خاطري بمكرونه طلعي لي خضار ووووو ......
وصارو يطبخون معع بعض ولأول مره عايشه تحس بجو الأخوه و الراحه النفسيه وهي بعيده عن امها
بعد مانتهو
العنود وهي تطالعها : اشرايج انشغل لنا مسرحيه
عايشه ببتسامه : صج
العنود هزت راسها : امممممم انا مايب راسي غير طارق العلي
عاايشه ببتسامه :انا بعد احب تمثيله وربي انه يموت من الضحك
واخذواكلهم وصاروا يطالعون المسرحيه ومافي غير صوت ضحكاتهم الي ماليه البيت وتعلقياتهم على ابطال االمسرحيه
الساعه 4 الصبح
العنود بنعاس وهي تتثاوب: تعبت
عايشه بنعاس اكبر : انا بعد
العنود : ماقدر اصعد فوق تعبانه
عايشه بفرح وبتسامه : نامي معاي
العنود : وهذه الي بيصير
الساعه6 الصبح
قعد عبدالرحمن وصار يدور عليها .. وتذكر اخر كلامها وبتسم على هبالها تعبته وايد.. بحملها ..دخل الحمام اكرمكم الله وخذ له شاور
وبعدها طلع ولبس بدلته العسكريه الي تزيده هيبه وتعطر وصار يدور عليها
: العنود .. حبيبتي ..العنوــــــــــــــــ
وقف وهو يجوف عايشه جدامه وهي لابسه جلال الصلاه
عايشه وهي منزله راسها : العنود داخل بغرفتي
عبدالرحمن بستغراب يعني اهي مانامت معاه .. مارد عليهاا وهو مستحقرها من اخر موقف لها ودخل الغرفه وجاف حبيبه قلبه الي باين عليها التعب قرب وجلس على ركبته .. ومسح على خدها لمورد بحنان
عبدالرحمن بصوت حنون : عنوده .. حياتي ..
العنود الي حست فيه وفتحت اعيونها وجافته .. ولفت عنه بزعل
عبدالرحمن الي عرف انها زعلانه لأنه ماسهر معاها من تعبه
: افاااا تبيني اروح وانا زعلان .. مافي بوسه
العنود ماردت عليه
عبدالرحمن وهو يسوي نفسه مومهتم وجلس بقربها وحط يده على بطنها : شخبار حبيب بابا
العنود تنرفزت منه وبعدت يده : ماحبك
عبدالرحمن وهو كاتم ضحكته : انا
العنود صارت اتطالعه بقهر : ادري انك ماتحبني
عبدالرحمن وهو معلق عينه بعينها : انا ماحبك اناا .......وسكت مده ......... انا اتنفس هواك
العنود صارت على شفاتها ابتسامه خجل وقربت منه وطبعت بوسه على خده : احبك
عبدالرحمن بغرور : ادري
العنود : يا المغرور وكملت بنبره هاديه .. تدري
عبدالرحمن صار يطالها وينتظرها تكمل كلامها
:ماعرفت اانام عدل وانا موفي حظنك
عبدالرحمن ببتسامه وهو يغمز لها : راح انعوض اليوم
العنود اضربته على كتفه : سخيف
عبدالرحمن : هههههههههههه فديت الخجول ياناس وصار يطالع ساعته : او انا تأخرت لازم اروح الشغل تامريني بشي حياتي
العنود : سلامتك حبيبي وتذكرت شي : أي حبيبي
عبدالرحمن : آمري
العنود : بعد ماترجع من الشغل ..ابي اروح السوق عشاان اشتري ملابس لعايشه
ععبدالرحمن بضيق: مابيج تحتكين فيها انا خايف عليج وعلى ولدي منها .. وانشاء الله من اعيوني رااح اوديكم .. انتي بس ارتاحي
وباس راسها : تحملي بروحج ... مع السلامه
العنود بحب ومن قلبها : ربي يحفظك وسامحني لأني ما جهزت لك فطورك
ارسل لها بوسه عند الباب وهو متوجه لشغله
عند عايشه الي كانت يايبه الشاي لهم وسمعت كلام عبدالرحمن ورجعت المطبخ وضلت اتصيح بقوه ..
: والله اني تابيت .. ودخله في نوبه بكااء وبعد تفكير : انا لازم اثبت لهم اني تغيرت وبطريقتي
مسحت ادموعها ودخلت عند العنود وبهدوء
:السلام عليكم
العنود:عليكم السلام
عايشه بهدوء وتوتر بنفس االوكت: االعنود انا حابه اكلمج بموضوع
العنود بستتغراب:آمري
عايشه : مايامر عليج ضالم .. الي حبيت اقوله اني
راح اشتغل وانا مكمله جامعه وشهادتي راح اتساعدني
العنود بندفاع: قصرنا عليج بشي .. ضايقناك ؟؟
عايشه برد سريع : لااوالله ابد .. انتو وقفتو معاي وانا مانسى لكم هل معروف .. لكن مومعقوله اني راح ااعيش معاكم العمر كله .. انا حابه اكون نفسي .. وبنبره حزن
لازم ابدي من يديد .. الله يخليج كلمي عبدالرحمن وقنعيه.. يودي اوراقي
العنود الي احترمت رايها : ولو اني متأكده من جوابه .. لكني باحاول اقنعه
عايشه بفرحه : قربت منها وحضنتها : مشكوره وربي ماراح اانسى معروفج
........................
في بيت ام جسار
منصور بصدمه من كلامها : انتي مينونه اشقاعده تقولين
نور ودموعها تنزل وبصرخه: اطلع بره .. انا مومحتاجه شفقتك اطلع
منصور بعصبيه حط يده على شفاتها وبحده: قصري صوتج .. ورايج مايهمني .. لأني اقدر اخذج من ذي اللحظه
وخذ نفس وهو يحاول يهدي نفسه : سألتيني وقلتي اشتبي بوحده ماتجوف .. واحب اخبرج انه الجواب عندج..وانتي بنسبه لي كامله و(الكامل الله) وقرص خدها وبحنيه
ابيج بالحلال يابت الناس لا تعذبيني
نور بقسوه على نفسها وعلى منصور: الله يخليك اتركني
منصور: ماراح اطلع الا وانا ماخذ االجواب الي يرضيني
نور ببكى : مابيني وبينك أي شي .. الله يخليك اطلع
منصور الي تلفه اعصابه منها : يعني افهم انج رافضتني
نور وهي منزله رااسها : ألف بنت تتمناك .. ومسحت ادموعها .. الله ايسر لك دربك ويعطيك بنت الحلاـــــــــــــــ
قاطعها منصور وهو يكسر حوض السمك لصغير بالغرفه الي خلاها تشهق بقوه من الصوت الي اصدر الصدى قوي
كملتي كلامج استاذه نور .. اناا مابي االالف الي تكلمتي عنهم .. وبصرخه
.. ابيج انتي .. انتي وبس .. ماتمنيت ولا راح اتمنى ببنت أتشاركني حياتي غيرج .. عطيتج آخر كلام عندي .. واناا راح اتقدم لج.. وبتهديد .. لو رفضتيني يانور صدقيني راح اخذج بطريقتي واتوقع انج اتعرفين اشلون
وماعطاها أي مجال تتكلم وطلع وسكر الباب بقوه وهو بكامل عصبيته وضيقه .. ماكان يبي يجبرها لكنه ماقدر يستحمل وهو يجوفها تبتعد عنه
توجه للمستشفى واخذ ناصر ومريم وسلطان الي صار بخير
........................................
في بيت منصور وناصر
منصور ببتسامه وهو يخفي وراها حزنه: نور البيت
ناصر وهو يرد له الابتسامه :بوجودك ياخوي
مريم بمرحها المعتاد : لابوجودك ولابوجوده .. نور البيت بوجودي اانا وسلطان
لأول مره تنرسم على شفات ناصر ابتسامه لأخته .. قرب منها وبدون سابق انذار باس خدها : الله يخليج
مريم الي اخجلت من اخوها .. اول مره تجوفه حنون عليها .. نزلت راسها وبهدوء نادر مايصدر منها : تسلم
ارفعت بصرها لخوها الي باين عليه سرحان ومو معاهم : منصور الماخذ عقلك
منصور ابتسم لهم وحاول مايبين أي شي من ضيقه : انا باروح اخذ لي شاور وتجهزو لأني عازمكم .. بمناسبه سلامه سلطان
سلطان ابتسم لعمه وصار يهزه من رجله لحد مافهم عليه منصور وحمله وهو متوجه لجناحه
في الصاله االي مابقى فيها الا ناصر ومريم
مريم وهي للحين خجلانه من اخوها : انا باروح اتجهز عن اذنك .. مشت خطوتين وتفاجئت بناصر الي ماسك يدهاا
ناصر وهو متوتر ومو عارف اشلون يبتدي : سامحيني يامريم
مريم ببتسامه حلوه لخوها: انت ماسويت شي علشان اسامحك
وتركت يد ناصر اخوها وهي متتوجها لغرفتها
: روح اجهز قبل لايعصب منصور
قصب عليه ابتسم ولام نفسه بسبب قسوته على اخته الي ماجاف منها الا كل الاحترام وطيبه
في
غرفه منصور طلع من الحمام وهو لاف الفوطة على خصره .. ولفت انتباهه سلطان الي قاعد يحوس في تلفونه
قرب منه بسرعه وهو خايف انه مسح صورتها .. وتطمن وزفر بقوه وهو يجوف صورتها
سلطان الي قاعد يجوف عمه : هدي نور (هذي نور)
منصور على طول رفع راسه لولد اخوه وبتسم له وهز راسه
سلطان وهو للحين عينه على التليفون : اانا احبها وايد
في المطعم
بعد السوالف وضحك والجو الاسري الي أول مره يحسون فيه
مريم وهي تمسك يد سلطان : عن اذنكم بنروح الحمام ( اكرمكم الله)
طلعت مريم وستغل ناصر غيابها
ناصر بعد تررد وهو مكتف يده وموجه نظره لزجاج العاكس صورته
: شخباره
منصور الي فهم عليه وبتسم بألم ووجه نظره لخوه :على حطت يدك في العناية المشددة وللحين بالغيبوبة .. دعواتك له بالسلامه
سكت ناصر مده وبعدها صار يضحك بقوه الين دمعت عينه : شنو قلت اخاف ماسمت عدل.. ادعلي له؟؟ .. هذه عقابه من ربي .. نفس ماعذبني .. وبكره الدنيا وهو يشد قبضته على يده وعذب زوجتي وحرمني من سعادتي وشعور الامومه الي حرم ولدي منها .. هذه جزاه ويستحق اكثر من ........
سكته منصور وهو يضغط على يده :
احترم نفسك ولا تنسى أنت تتكلم عن من .. انت تتكلم عن ابوك فاهم
ناصر ضحك بقوه لدرجه اصدر صدى صوت قوي بالمطعم : على أي اساس اهو ابوي .. انا ماذكر لومره وحده ناديته بهل كلمه طول عمره لاهي بشغله .. وهمه لفلوس .. ولافكر يزورنا بسنه مره طلع لنا شيكاته ومشى .. ابي اعرف أي ابو تتكلم عنه
منصور رجع شعره للخلف كل كلام ناصر صحيح .. اهو ماكذب بشي .. وهو يعرف انه الي زايد كره ناصر لبوه اهو فقدانه زوجته..........................................
قـــــــــــــــــــــــــــــــــــرائه ممـــــــــــــــــــــــــــــــــــــــــــتعه للجميع
تابع البارت الخامس و العشرين~~
نروح لعبدالله الي راح يصفي احسابه مع ............
في المطعم
عبدالله بعصبيه : قولي يابو ماجد ليش حرمتني من ابوي واختي وانت تدري انهم حين
ابو ماجد ببتسامه مكر وبعدم مبالاه : انا كنت ابي اتزوج اختك بس اهي تزوجت ولد عمك (عبداالرحمن ) واقسمت اني اخلي حياتها جحيم
عبدالله الي انصدم من كلامه وماقدر يستحمل اكثر ووجه له بوكس قوي من قوته طاح على الارض : آه يانذل هذي آخر ثقتنا فيك كذبت علي وعلى ابوي .. يتمتني وهلي عايشين ..
وصار يزفر بقوه ومن حظ بو ماجد انه الناس تجمعت وبعدت عبدالله الي تالفة اعصابه ويحس انه راح يذبحه
دخل دوره المياه (الحمام) اكرمكم االله
وغسل ويهه اكثر من مره وهو يبي يستوعب الي صار .. لي هدرجه اوصلت نذاله الناس .. مستعدين يحطمون حيات عيله على شان مصلحه شخصيه .. وين المبادئ والتربيه لي هل درجه انععدمت في حياتنا
مسح ويهه وللحين مزاجه متعكر من ابو ماجد
طلع وهو منزل راسه .. ورفعه ونصدم وهو يجوفها ثاالث صدفه تجمعهم فيها شبه اكبير من مرام وخالد
عبدالله بدون احساس وشفاته تهمس بأسم حبيبته الي ماتت : مرام .. اكيد مرام .. انا محتاجك .. ورد لوعيه : استغفر الله اناا شقاعد اقول .. خل اطلع قبل لاجن
مريم بستغراب وهي ترمش
:جني جايفته بس وين مادري
في سياره
عبدالله وهو يتكلم بالتلفون : هلا بولد العم اخبارك
عبدالرحمن ببتسامه : بخير دامك بخير
عبدالله: شخبار حبيبتي انشاء الله مو مأذيها .. ترااها حامل انصادها شي يااويلك مني
عبدالرحمن وهو يضحك على كلامه: مو ناطر منك توصيبه .. وزوجتي وولدي بعيوني
عبدالله ببتسامه : الله يخليهم لك وكمل
: راح ازوركم مع ابوي
عبدالرحمن: حياك الله بنتظارك
عبدالله: فأمان الله
عبدالرحمن:فأمان الكريم
.................................................. ........
في المطار
صار يتبعهم لحد موصلو المطار
وبهل لحظه حس قلبه انه راح يتقطع راح تسافر
ليش يادنيا تعاندينا ليش .,. وربي ابيهاا وربي ابيج يانسرين
ومو مستحمل فرقاك اكثر من جذي
نزل من سيارته وصار يتبعهم بصمت وهو مكتفي بقربا
عند نسرين وهي ماسكه يد رغد وتحس انها بعالم حزن .. والناس بعالم ثاني
دخلو المطار ومعاهم شخص قلبه مجروح ويتمنى انه يكون معاهم
ابوشيخه وهو يطالع أعياله : جلسو على كراسي الانتظار دقايق وراح ارجع .. طلع من المطار وهو متوجه لسيارته لأنه نسى (جواله) قرب بيفتح السياره
وتفاجئ باليد الي تمسك يده ..لف ويهه وبصدمه :
جــــــــ ــ سار
جسار بنكسار لاحظه ابو نكسرين : عمي ممكن تعطيني اشوي من وكتك
ابو نسرين بعصبيه من قهره على بنته والحزن والالم الي عاشت فيه : لك عين اتيي اتكلمني بعد الي سويته ببنتي .. للأسف توقعتك قد الامانه وأنت ماصنتها
جسار الي متوقع رده فعله وبنبره حزن : عمي ابيك تسمعني .. لاتصير انت ودنيا علي
ابو نسرين الي صمت من بعد كلمت جسار الأخيره (لا تصير انت ودنيا علي)
وجسار استغل صمته وهو مصمم على الي في باله (وصار يقوله عن كل الي صار له ..او بل أحرى من بدايه حياتهم )
ابو نسرين انصدم معقوله كل هل مشاكل صارت بينهم .. ورحم جسار من المعاناه الي يعيشها .. ولو انه هل شي مايبرر فعلته وزواجه
ابو نسرين من بعد صمت وبهدوء: بس اهي رافضتك ياجسار .. وانت تعرف انه مستحيل ترجع لك
جسار وهو يطالع ابو نسرين وكنه خيط النجاة بنسبه له : وربي ياعمي راح اعوضها عن كل لحظه حزن عاشتها .. الله يخليك ياعمي ساعدني
ابو نسرين توهق على الآخر بنته عنيده ومو بسهوله بتقتنع .. بعد مده من الصمت :
مستعد ياجسار تتحمل صدها وجفاها لك .. وتعوضها عن كل لحظه الم عاشتها
جسار وعيونه فيها لمعه الصدق : وربي الي خلقني .. لعوضها عن كل شي
ابو نسرين بتفكير عقلاني : عيل اسمع ...........................................)
................................
محتاجك.. محتاجك... محتاج اشوف عيونك
محتاجك.. محتاجك... محتاج اشم هدومك
محتاج اشوفك ياظوى عيوني
قلبي وروحي عنك يسألوني
مثلي تبكي لو نسيت؟!
مثلي تسهر لو غفيت؟!
وشلون انام الليل من دونك؟!
وشلون اغفى وانا من دونك؟!
محتاج حبك يجي يدفيني وارتاح
ادفع حياتي ثمن بس يرجع اللي راح
مثلي تبكي لو نسيت؟!
مثلي تسهر لو غفيت؟!
وشلون انام الليل من دونك؟!
وشلون اغفى وانا من دونك؟!
محتاجك... محتاجك... محتاج اشوف عيونك
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك