يزيد بي الصوع بذكرى كنت بها المنهاني -27

يزيد بي الصوع بذكرى كنت بها المنهاني -27

خلص آلدوآم ..

وسجلت خروجي ..

ولبست نظآرتيه و طلعت للموتر وآنآ شآله آلملف ويآيه ..

طبعآ رجعت تعبآنه وآيد وآيد ..

دآيركـــت من فريت عبآتي رقدت ليــــن آلمغرب ..

و آلمغرب يلست آقرى آلملف آللي عطآنيه آيآه منصور ..

خلآآص بآخذهآ ..

يعنــي بآخذهآ ..

مر آليوم عآدي ..

وبآلبآجر بديت آلدوره ..

كآن لآزم آلصبح آدآوم في آلبنك ..

و آرجع آلسآعه 3 .. آريح لين 5:30 ...

بعدهآ آتوجهه للمعهد آللي آخذ فيه آلدوره ..

لين آلسآعه 9 ..

وآرجع آلبيت تعبآنه ..

ودآيركت آرقد ..

3 آيآم ..

ومآتعرفون شقد كنت آتعب في هآلثلآث آيآم ..

3 آيآم ..

بس عن 3 سنوآت ..

3 آيآم ..

بس آول مره آتعب هآلتعـــب كله ..

في ثآلث يوم و بآلتحديد بآلليل ..

كنت حآسه بآلم فضييييع في بطنيه ..

آلم حسيت به نفس آلآلم آللي يآني وقت مآكآن عنديه آلنزيف ..

لكــــــــن ...!!

آقنعت عمريه بآن هذي عبآره عن تشنجآت وخص آنيه آليوم دخلت في آلرآبع ..

آقتنعت بهآلكلمه .. وهيه آنيه دخلت آلرآبع ..

ودخلت آتسبــــح ..

و دآيركــت رقدت ...

آلصبح نشيت متآخره للدوآم ..

ودخلت آلحمآم آتغسل ...

وآتيدد للصلآه ..

صدمــــني ..

رجوع آلنزيف ليه ..

لآآآآ ..

لآآآآآ ..

لآآآآآ كله ولآ آلنزيف ..

مآبآ آرجع للمستشفــى ..

مآبآ آترقد هنآك ..

طلعت من آلحمآم .. و جفت آمآيه توهآ فآتحه آلبآب ..

تجدمت و سلمت عليهآ .. وحآولت آنيه مآ آبين لهآ شي من آللي دريت به ..

مآبآ حد يعرررف ..

مآبآ ..

آمآيه : آستبطيتج آمآيه .. قلت آيي آجوفج عن يكون رقدتي ومآدريتي بعمرج ..

وآتخذت هآلقرآر آلسريع : لآ مآرقدت .. بس آليوم مآ بدآوم ..

آمآيه : هيييه .. عيل برآيج يوم مآعليج دوآم ..

طلعت آمآيه عنـــي ..

وآنآ آنسدحت بهود على آلكرفآيه ..

ورفعت ريولي لفوووق ..

دآيمآ تقولي آلدكتوره جي . .

آرفع ريوليه .. عشآن آلبيبي يرتفع شوي ..

مدري آذآ رقدت و لآ لآ ..

بس آلآكيد آنيه هيه ..

مآنشيت غير على آذآن آلظهـــر ..

وآلحمدلله .. لقيت آن آلنزيف موقف ...

مدري صح آللي آسويه و لآ غلط ..

بس آلجوآب آلآرجح هو غللللللللللط ..

لآن هآلشي فيه مضآر عليه و على آلبيبي ..

تنهدت ..

وخذت آلتيلفون . و آتصلت على عيآدة آلنسآء ..

ردت عليه آلدكتوره ..

و رمستهآ .. و خبرتهآ بآللي صآر ..

وآمرتني ضروري آيي عندهآ آلحين ..

ولكــــــــــــن قلت لهآ آوك .. عشآن مآتحشرنيه ..

وفي آلوآقع .. سكرت عنهآ .. و سكرت آلليت .. و رجعت آرقد ..

غلط .. غلط .. غلط آللي آسويه ..

آعرف ..

بسسسسسسسسسسس مآآحب لوية آلمستشفيآت ..

وبسنــــيه من آلآبر ..

تعبت من كثـــر مآآخذ آبر ..

حتــى في مكآن آلآبر صآر لونه بنفسجـــي مخضـر ..

رقدت ..

وآلمره نشيت قبل آذآن آلمغرب بشوي ..

دخلت آلحمآم ..

و تغسلت .. و تروشت على آلسريع ..

و لبســـت ..

ونزلت تحت بعد صلآة آلمغرب ..

يلست ويآ آهليه لشي من آلوقت ..

بعدهآ صآح تيفوني .. و كآنت آلعآش ..

رديت عليهآ وآنآ رآيحه للصآله آلثآنيه .

آلعآش : آهلين .. شحآلج ..

: تمآم .. علومج آنتي ..

آلعآش : زففففففففففت و آلحمدلله ..

تنهدت : شوه صآر على ذيج آلسآلفه ..

آلعآش : مآعرف ..

: كيف مآتعرفين ..

آلعآش : سيف مآرد عليه ..

: و آنتي ؟؟

آلعآش : آرقب رده ؟؟

: و آذآ مآرد عليج ؟؟

آلعآش : آكيد بيرد ؟؟

: آلعآش .. آنتي متآكده من شعور سيف آتجآهج ؟؟

آلعآش : مهووي سيف ولد عمتيه ..

همست لهآ : و آلله مآعرفت لج .. آمممممم آذآ مآرد ؟؟

آلعآش : بيرد ..

: آوك آذآ مآرد ... شوه بتسوين ..

آلعآش : مآفكــــرت ..

: عيــــل آنآ آقلج فكــــــري .. لآن سيف شكله مب يآي يرد عليج موليه ..

آلتزمت آلسكـــــــــــــــوت ..

مدري مآعيبهآ كلآميه ..

ولآ منصددددددددددددددمه منيه من آلرمسه آلي قلتهآ لهآ ..

بس فعلآ هذآ آللي آحس به ..

آحس آن سيف مب يآي يحل هآلسآلفه موليه ..

آلتزمـــت آلصمت لفتـــره من آلوقت ..

وبعد فتـــره همست ليه بهمس بسيط ..

آلعآش : بسكـــر عنج ..

: آوك برآيج ..

سكـــرت عنهآ ..

آدري زعلت منيه ..

آدري ..

بس آلعآش غآليه عليه ..

غآليه عليه .. ومآيهون عليه آخليهآ جي ..

على آلآقل آهيئهآ ..

لآن آلآحتمآل آلوآرد 93% آن آلعآش آخر شي بتوآفق على هآلريآل ..

و 7% آن سيف مآيفكــــــر يحل آي طرف من هآلموضوع ..

عشآن جي آنآ آبآهآ تتقبل آي نتيجه تنصدر ..

مآبآه تنصدم ..

طلعت للمطبخ و آنآ يوعآنه ..

وفجيت آلثلآجه .. و جفت شي عيبنيه شوي ..

آللي هو صحــــن فروت سلط ..

خذت آلصحـــن و فجيته و يلست آكل منه ..

دقآيق من بدآية آكلــــــــي ..

و آلآ آلتيلفون يصيح ..

و زآد آستغرآبي من جفت نك " آلعآش "

معقوووله ..!!

آتسآرعت دقآت قلبي ..

آخآف آرد و آنصدم بشي ..

آنجبرت آرد قبل لآتسكــــر آلنغمه ..

: آلوه ..

آلعآش بآسلوب رسمي : سوري آزعجتج ..

: شي صآير ..؟؟

آلعآش : لآ بس .. آمممممم .. آنآ قررت آوآفق على آلريآل ..

صدمتـــــــــــني ..!!

: آلعآآآش ..!

آلعآش : بوآفق .. و جآنه يبآني .. يعترض ..

سكـــرت عن آلعآش ..

آلعآش فيهآ شي من آلخبآل ..

شي من آلينون ..

آي قرآآآآآآآر آتخذته بهآلسررررعه ..

آي قرآر في ثوآني معدوده صرررحت به ..

نهآية آلبآرت ..

البآرت السآبع عشـــــر ..

وصلنيه آلخبـــــر و آللي هو آن عرس آلعآش بعد شهرين ..

يآلعآش آنتي شوه دمرتي في حيآتج ...

شوه آللي سويتيه بهآلقرآر ..

متآكده آنج قدّه .. ؟؟

متآكده آنج بتتحملين سلبيآته ... ؟؟

بتتحملين كل عوآقبه ... ؟؟

متآكده آنج بتقهرين آي شي بينتج عنه .. ؟؟

متآآآآآآآآكده ...!!

سرحت بي آلآفكآآآر ..

لوقت آتصلت بي فيه آلعآآآش ...

وهيه تصيح ..

لدرجــــة آنهآ خوفتنــــي ..

لآنيه آعرررف آلعآش مآكآن شي يصيحهآ غير سآلفة آلعرررس ..

و خص آنيه من بعد آخر آتصآل صرحت فيه بآلقرآر آللي هو آنهآ " موآفقه " مآسمعت صوتهآ آلآ يوم آتصلتبي في هآلمررره ..

آلعآش : حيوآآآآآآآن و حقيـــــــر قسسم بآلله .. حيوآآآآن .. على كثــر ذرآت آلحب آللي ولدهآ فيني من يوم مآعرفته .. آلآ بلحظــــه وحده تولدت ذرآت آلكرهه فيّه ..

تنهدت لهآ : آلعآش ..

آلعآش وهيه تصيح : مهآ رخصبي .. تعرفييين شوه يعنـــي رخصبي .. سمــــــع بموآفقتيه بس مآبآنت آي حجه منه .. مآبآنت آي ردة فعل منه .. وبعــــــــــد يبآ يحظـــر ملجتيه ... شوه من آلقلووب عليه يآمهآ .. برآآآيه آذآ هو فيه حيل يقهـــر هآللي يصير .. آنآ مآآقهـــر مآآقهـــــر ..

مآكآن في يدي آقول آي شي ..

آي شي موليه ..

آلعآش شبه منهآره ..

وآنآ لين آلحين مب فآهمه بعض آلنقآط ..

مآ فآهمه سبب موآفقة آلعآش دآم آنهآ تحبه ...

مآفآهمه سبب رضوووخ سيف لموآفقة آلعآش وعدم آحتجآجه على آلموضوع رغم آنه يحبهآ ..

: آلعآش غنآتي يوم آنتي مآتبين آلعرس شحقـــه وآفقتــي ..

آلعآش : مهآ هو يحبنيه .. يعرفين شوه يعنـي يحبنيه ...!! آنآ آبآ آرضي آبويه .. و في نفس آلوقت مآبآ آخســــر سيف ... فمهمتي عليه .. ؟؟ آبآ رضي آبويه بس مآبآ خسآرة سيف .. وآفقت على آسآس رضى آبويه ... وآنآ آدري آن سيف يبآني .. قلت بيحتج .. بيعترض على آللي يصير .. بيقول بنت عمتـــي و آنآ آبدآ بهآ .. بس صدمنـــــي برده .. صدمنــــي بكلمة مبرووك على آلخطبه .. ( وصآحت زود ) مآدريبه يهنّيني على آلخطبه .. و لآ يهنّيني على موتي بفرقآآآآه ..

رديت عليهآ بآنفعآل : بس آنتي مآكنتي تعرفين ردة فعله .. ليــــــــــــش تخآطرين بموآفقتج .. ليـــــــش تخآطرين ؟؟؟

آلعآش وهو تصيح زود : مآعرف .. مآعرف .. آنآ هذآ كآن تفكيري .. قلت آكييييد مآبيوآفق .. آكيييييد بيقول يبآني .. بس ..

قآطعتهآ : و آلحين هو بدآل مآيعآرض وآفق و بآرك لج .. شوه بتسوين ؟؟

آلعآش : مآعرف مآعرف ..

تنهدت : دوووم آقلج .. يآ آلعآش لآتتسرعين في قرآرآتج .. وفوق ذي دآيمآ متسرررعه .. آنآ مآبآ آلومج .. بس آنتي بروحج جوفي آلحآل آللي وصلتيله ..

آلعآش بهمس : آنزين شوه آسوي .. ؟؟

: لآتسوين شي موليه .. خلي كل شي على آللي آلله كآتبنه .. خلي آلآيآم هيه تكشف لج كل شي .. و مثل مآقلت لج قبل .. آللي آلله كآتبنه لج هو بيتجدّم ..

قمت من غفوتي و سرحآني ..

و آنآ آتنهد ..

مدري شوه حآل آلعآش بآلظبط ..

من بعد هآلمكآلمه مآسمت صوتهآ موليه ..

مآسمعت حسهآ موليه ..

قمت من على آلكرفآيه وآنآ آحس آن بطنيه قآم يكبـــــر عن قبل ..

و مدري شوه هو آلآحآس آللي ينتآبني بآلظبط ..

مدري شوه نوعه ..

مدري شوه آوصفه ..

مدري في آي قآئمه آدرجه ..

يمكــــــن آلخوف من آلمستقبل ..

يمكن آلخوف من آلمجهول .

يمكن .. يمكن .. يمكن .. مآعرف شوه هو بآلظبط ..

آتوجهت يدآ آلحمآم و تروشت على آلسريع ..

وطلعت و آنآ لآبسه آلروب مآليه وحآسه بآلبروده ..

وخص آن آلشتآ قآم يدخل علينآ ..

آتنهدت ..

ونشفت شعريه ..

آنتبت لتيلفوني آللي قآم يصدر ليت ..

وهذآ دليل على مكآلمه آو مسج وآصل و آنآ مب مجيكه عليه ..

آتجهت للفون ..

و وفجيته .. لقيت مسج وآصلني ..

من عند رآشد ..

يآآآه يهآلرآشد ..

مآيبآ يفج ..

خلآص آنآ مب من نصيبه ...

مب من نصيبه ..

ليــــــــــــش يعذبنيه جي ..

فريت آلتيلفون من غير آهتمآم ..

و شغلت آلتيلفزيون ..

و يلست آبدل بين آلقنوآت ..

بس آللي قطع عليه صوت آلتيلفون وهو يصيح ..

كنت متآكده آن آلمتصل هو " رآشد "

وخص آن هآلفتـــره صآر له آكثر من مره حآول يتصل فيني ..

طنشت آلآتصآل ..

و يلست آتآبع آلتيلفزيون .. لين مآغلبني آلرقآد ..

وقمت بندت آلتيلفزيون و بدلت ملآبسيه ببيجآمآ بسيطه ..

وآنخشيت تحت آللحآف ..

ومديت يدي للفون عشآ آركب آلمنبه ..

آنتبهت للمكآلمه آللي توّهآ يآيتني ..

وآللي صدمنـــي آكثر وجود مسج ...

فجيت آلمسج آللي كآن من عند آلعآش ..

و تقول فيه ..

" مهآ عرسيه آخر هآلشهـــــر .. "

صدمتـــــــــــــيه في آلمسج كآنت آعظم صدمه ..

كييف آخر هآلشهــــر ..

و هآلشهـــر آصلآ طآف منه 6 آيآم ..

كيييف آخر هآلشهــــر و هآلشهر بآجي منه حول 24 يوم ..

بغض آلنظـــر عن آشيآء وآيد ..

بس شقآ بتقدر على آلآقل تخلص زهآبهآ في هآلآيآم ..

شقآ بتقدر تنتهي من كل آلآشيآء آللي تعنيهآ في هآلآيآم ..

ولآ آرآدي رآحت يدي عند زر آلآتصآل و آتصلت بهآ ..

وردت عليه بعد ثوآني ,,,

آلعآش : هلآآآ ...

بصدمه : قولي آنج تجذبين عليه ..

آلعآش بنبرة حزن : آخآفنيه آقولج جي .. و آقوم آنآ وآصدق آللي قلته ..

: آلعآآآآآآش آمتـــى بتخلصين زهآبج ...

آلعآش : آممممم ...

: ليـــش هو مستعيل لهآلدرجه ...!! مب كآن عآطنكم موعد من قبل ..!! ليش يخلف في وعده ؟؟

آلعآش : مهووي لآتقهريني و تزيدين عليه ..

تنهدت : آنزين آمتــى نآويه تبدين زهآبج ؟؟

آلعآش : مآعرررررف ..

: عآشووه مآشي مآتعرفين .. عندج مده آقل من شهـــــر ..شوه بتخلصين فيهآ هآي ..

آتزمت آلعآش آلصمت ..

آدري مآتبآ تتزهب ..

آدري ..

آنآ مريت بنفس آلشعــــور ..

آنآ مريت بنفس آلآحسآس ..

بنفس آلموقف ..

بنفـــــس كل لحظـه تعيشهآ آلحين آلعآش ..

بس آلفرق آلبسيط ..

آن آلعآش روحهآ معلقه عند سيف ..

آمآ آنآ .. !!

فآلعوض لـ آلله ..

آحترمت سكوتهآ ..

مع آني متآكده آن دموعهآ منسآقه على خدهآ ..!!

يتبع ,,,,

👇👇👇

تعديل المقال