رواية حلم الطفولة -2
الفصل الثامن
يوم ملكة حلا
فوزية : يالله يابنات بسرعة اخلصن مانبي نتأخر
لينا ـ ريما : خلاص يمه
لينا : إلا ريما وين حمود ( ملاحظة حمود ولد ريما عمره سنتين ونصف واسمه احمد)
ريما : تركته عند الشغالة الله يصلحه لو يجي يشغلنا
فوزية : يالله يابنات ترا انا خلصت
هند: وانا بعد
روان ـ ريما ـ لينا : يالله خلاص
روان :إلا وين نواره ماقلنا لها يمكن تبي معنا
فوزية بقرف : لا مانبي هالقروية اف ياحياتي ياراكان ابتلى فيها ( طبعا فوزية ما تعرف شيء عن السالفة بس تكره نواره كذا)
بعد المغــرب
فهد ومحمد قاعدين بالصالة دخل عليهم راكان
راكان : السلام عليكم
فهد ومحمد : وعليكم السلام
راكان : يبه انا خلصت اوراقي وبعد ثلاث اسابيع اروح
محمد : ما شاء الله قدمتها
فهد: راكان ونواره تأخذها معك
راكان : وش ابي فيها الله يقطعها
فهد : لا ياولدي إذا تسمع شوري ولي خاطر عندك خذها معك
راكان : بس
فهد يقاطعه: خذه معك وبعد انتهاء دورتك إذا رجعت طلقها يكون على الاقل مر وقت على الزواج حتى مانفتح مجال لاحد.
راكان وهو يتنهد : خلاص شورك وهداية الله
نواره كانت قاعدة بغرفتها وتفكر بحياتها دخل عليها راكان لما شافته خافت وبدون شعور حطت يدينها على وجهها
راكان اثرت فيه هذي الحركة وقال بنفسه لهدرجة انا مخوفها لكن رغم ذلك قال بنبره حادة : قومي البسي عباتك ابي اروح اوديك للمصورة
نواره وهي ترجف : مصورة ليش
راكان : ابي اطلع لك جواز بسرعة تحركي انا نازل انتظرك بالسيارة
نواره لبست عبايتها وهي نازلة مع الدرج شافت عمها فهد وغصب عنها صارت دموعها تنزل راحت عنده
نواره: عمي سامحني انا اخطيت وابي منك السموحة
فهد : المسامح الله يابنتي روحي بس ترا راكان برا ينتظرك
نواره : عمي ليش بيطلع لي جواز
فهد: عشان تسافرين معه امريكا
نواره: ودراستي انا
فهد: اصلن اكبر غلطة يوم خليتك تكملين دراستك . الدراسة انسيها
وراح وخلاها
نواره حست روحها بتطلع وعرفت ان ما فيه احد معاها
كملت مشي وطلعت برا ولما ركبت سيارة راكان كان معصب عليها
راكان : سنة لما تطلعين انت وشو حيوانه ماتفهمين
نواره :......................................
انتهى البارت
الفصل التــــــــــــــــــــــاسع
بعد مرور ثلاث اسابيع يوم رحلة راكان ونوراه
في الطياره كانت جالسة نواره عند الشباك وجنبها راكان وكانت سرحانة طول ارحلة تفكر بحياتها مع راكان
في المطار كان الوصول في المساء نزل راكان ونواره من الطياره وتوجهو لمكان سكنهم وكانت شقة عباره عن صالة فيها تلفزيون مفتوحة على المطبخ وغرفة نوم ودورة مياه تابعة لغرفة النوم
راكان دخل غرفة النوم واخذ شاور وتمدد على السرير
نواره جلست شوي بالصالة حست بالبرد قررت تدخل غرفة النوم اول ما فتحت الباب شافت راكان متمدد على السرير
اول ماشافها قال لها اطلعي برا
نواره : ابي انام
راكان : اذلفي نامي برا بالصالة
نواره : انا لله
طلعت نواره وراحت للصالة وتغطت بعبايتها وكان البرد شديد لدرجة انها ما قدرت تنام
في الفجر قام راكان وتوضىء وصلى الفجر
ولما طلع شاف نواره جالسة وضامه رجولها لصدرها مر من عندها ولا تكلم باي كلمة وطلع برا
نواره لما شافته طلع دخلت الغرفة واخذت شاور وتوضت وصلت الفجر
بعد مرور شهر على هالحالة نواره جالسة بالصالة تقلب في التلفزيون دخل عليها راكان وعليه علامات التعب
والارهاق
نواره: راكان
راكان : نعم
نواره: فيك شيء
راكان: لا ما فيني شيء
ودخل الغرفة نواره دخلت وراه الغرفة شافته يغير ملابسه
راكان: نعم تبين شيء
نواره بحرج من شكل راكان وصدره العاري : لا بس خفت عليك احس انك تعبان
راكان : لا ماني تعبان والحين ممكن تطلعين برا ابي ارتاح
في المســــــــــــــــــــــــــــــــــــاء
نواره سوت عشاء خفيف ودخلت على راكان الغرفة شافته قاعد يقلب اوراق بيده
نواره : راكان تعال العشاء
راكان ببرود : احد قال لك اني ابي عشاء
نواره : لا بس انا حبيت اعشيك
راكان يعدل جلسته : نواره ابي اسألك وابغاك تجاوبيني بصراحة
نواره....................................
راكان : ليش سويتي كذا
نواره: وش سويت
راكان : نواره لاتستهبلين انت عارفة وش قصدي
نواره: تبي تعرف الحقيقة
راكان : ولا غيرها
نواره وعيونها مليانه دموع : انا من جيت للدنيا انحرمت من كل شيء حتى اقل شيء ممكن اي بنت تتمناه
ماحصل لي
راكان يقاطعها: وش دخل هذا بالموضوع
نواره وبدت دموعها تنزل :راكان انا انحرمت من كل شيء وكنت اتقبل لكن فكرة اني انحرم منك ماقدرت اتقبلها
راكان :يعني اقدر اسمي تصرفك هذا حب تملك
نواره وهي منهاره من البكا: لالا عمر الحب ماكان كذا
راكان يجدية : اي حب هذا اللي تتكلمين عنه نواره اصحي انا عمري ما حبيتك ولا عمري راح احبك انت مجرد بنت عمي وبس نواره لاتعيشين بالاحلام وتصدقينها
نواره : انت ياراكان كذا تذبحني
راكان : نواره افهمي انا رجال والرجال ما بنغصب على شيء وانت لاتحسبين اني ما طلقتك للحين عشان سواد عيونك لا انا بس مابغيت اطلقك على طول وافتح مجال للحكي وترا ماهو عشانك كله لخاطر عمي صالح
راكان قال كلامه هذا وطلع وهو مايدري انه ذبح نواره من الوريد للوريد
نواره وهي منهارة طاحت على الارض وصارت تضرب الارض بيدينها وتقول انا السبب بكل اللي يصير لي
يمكن حبيت راكان عشان اهرب من عيشتي مع اهلي كنت احسبه يبي يصير لي الصدر الحنون اللي احط راسي عليه كل ماتعبت يارب يارب سامحني .
انتهى البارت
مشكورين على المرور العطر
الفصــــــل العاشر
بعد مرور ستة اشهر
فوزية : ترا كلمت الكوافيرة واكدت عليها تكون عندنا من بدري
ريما : والفاستين جت امس
لينا : احس اني بديت اخاف
هند: هذا امر عادي
روان : لينوه عاد مو تشوفين نفسك علينا
لينا : نحن السابقون وانتم اللاحقون
ريما : عاد تركي طيب وحبوب مره
فوزية : الله يوفقها
في امريكــــــــــــــــــــا
طول الستة شهور الماضية ماصار بينهم اي حوار راكان يطلع من الصبح وما يرجع إلا في المساء
وهذي حالتهم
يوم الثلاثاء نواره كانت بعد المغرب جالسة بالصالة وباين عليها التعب كانت تحس بألم في قلبها والالم يزداد يوم بعد يوم
راكان داخل من برا وكان يكلم بالجوال ويضحك: طيب خلاص تسلم يالغالي يالله اشوفك على خير مع السلامة
راكان بعد ما سكر الجوال : ترا بكرا الساعة 3 العصر رحلتنا للسعودية جهزي اغراضك
نواره: ليش ماعلمتني
راكان : يعني وش تبين تستفيدين إذا دريتي
نواره بنفسها : ( اي والله وش راح استفيد يعني من هالاهل اللي ينتظرون رجعتي ياحسرة بس)
* يوم الاربعـــــــــــــــــاء في مطار المللك خالد
محمد شاف راكان طالع من البوابة راح يسلم عليه
محمد : الحمد لله على السلامة
راكان : الله يسلمك هاه علمت احد
محمد : افا عليك
محمد: الحمد لله على السلامة يابنت العم
نواره: الله يسلمك
وراحو للسيارة
في القصر كان الكل نايم طبعا كان الوقت تقريبا الساعة 4الفجر
محمد: حيا الله راكان نورت بيتك يأخوي
راكان:منور بوجودك
محمد:أستاذن الحين واشوفك بكرا ان شاء الله
راكان: الله معك
نواره كانت واصلة حدها من التعب راحت بسرعة للدرج وتوجهت للغرفة وبسرعة راحت للحمام تستفرغ
كل اللي بعدتها
نواره: الظاهر الضغط مرتفع علي مره احس ان قلبي يبي ينفجر داخل صدري واخذت شاور وتوضت وصلت الفجر
راكان: دخل الغرفة راجع من المسجد وشاف نواره توها طالعة من الحمام وباين عليها التعب ما حب يسألها دخل الحمام
واخذ له شاور وطلع لغرفة الملابس ولبس بجامة وراح وانسدح على السرير
نواره كانت منسدحة على الكنبة وحاطه يدها على صدرها وكانت تفكر
راكان ببرود: ترا بكرا ملكة لينا على تركي
نواره:................................
راكان: استغرب ليش ماردت التفت عليها لاحظ انها سرحانة
رجع انسدح ونام
نواره كانت بعالم ثاني تفكر بحياتها وتفكر متى راح يطلقها راكان وردة فعل ابوها كيف راح تكون.
يوم الخميـس
الساعة 9,5 الصبح نواره قاعدة من النوم وشافت مكان راكان فاضي
نواره : اعوذ بالله راحت علي نومةقامت اخذت شاور
وبدلت ملابسها طلعت برا الغرة شافت هند
هند: الحمد لله على السلامة
نواره وهي تسلم عليها : الله يسلمك
نواره: وين البنات
هند : البنات بغرفة لينا محتاسين
نواره : ليش خير ان شاء الله
هند: معقولة مادريتي ان اليوم ملكة لينا وتركي
نواره : بالله مأحد علمني يالله خليني اروح لهم
انتهى البارت
الفصل الحادي عشر
في غرفة لينا
نواره : السلام عليكم
لينا ـ ريما ـ روان : هلا والله وعليكم السلام
وسلمو على بعض
نواره: مبروك ياعروسة اعذريني مادريت إلا الحين
لينا : الله يبارك فيك
ريما : وراكان ماعلمك
نواره وباين الاحراج: انت تعرفين راكان دايما مشغول يمكن نسى
روان: نواره اخلصي ترا بنروح بدري
نواره: إن شاء الله لكن انا راح اتأخر شوي يالله ابي اروح اسلم على خالتي فوزية وعمي
وطلعت نواره من الغرفة ونزلت للصالة معها جلالها لان محمد بالبيت
شافت فوزية وراكان وعمها فهد في الصالة
نواره: السلام عليكم
فهد: وعليكم السلام
قام فهد وسلم على نواره اما فوزية حتى ماكلفت عمرها ترد السلام او تقول الحمدلله على السلامة طبعا هذا حز بخاطر نواره لكنها راحت ومدت يدها لفوزية لكن فوزية ناظرتها يإحتقار وقامت طلعت فوق وكل هذا كان قدام فهد وراكان
نواره على طول التفتت لراكان شافته يناظرها وكأن عيونه تقول حقك وماجاك
نواره استأذنت من عمها وطلعت فوق غرفتها وطاحت على السرير تبكي وتقول لهدرجة انا ماهو مرغوب فيني
وقعدت على هالحال لحد ماغلبها النوم ماقعدت إلا الساعة 2 الظهر توضت وصلت وكان القصر هادي مافيه صوت طلعت برا غرفتها شافت الغرف مظلمة ومافيه احد نزلت تحت شافت الشغالات سألتهم عن البنات قالوا لها كلهم راحو
حز بخاطرها انه مافيه احد كلف عمره يسأل عنها وكانت تتألم من قلبها اللي صار يزيد عليها وكانت حاسة ان انفاسها صارت تتسارع
نواره: الظاهر هالقلب ماراح يمهلني كثير شكلي بس اروح المستشفى اخليهم يعطوني خافض للضغط احس راسي بينفجر من الالم
نواره تتصل على سواق عمها فهد ( سليم السواق رقمه كان موجود عندها لان هو اللي كان يوديها للجامعة)
سليم :الو
نواره: سليم انت وينك
سليم: قريب
نواره: تعال ابي اروح للمستشفى
سليم: خلاص الحين يجي
بعد نصف ساعة كان سليم عند الباب
نواره: سليم روح مستشفى
سليم :طيب
في المستشفى الساعة 3.5 نواره تدخل على الدكتور لما دخلت عليه سوى لها تخطيط قلب واشعة وقال لها لازم تنويم نواره رفضت التنويم وخلاها توقع خروج على مسؤليتها بعد ما اعطاها خافض للضغط
لما خلصت نواره كانت الساعة 7.5 مساء
نواره دقت على سليم : سليم تعال
سليم: خلاص انا نص ساعة ويجي
نواره: خلاص
في القــــصر
راكان دخل القصر وراح لغرفته يأخذ شاور ويلبس حتى يروح للملكة لكن لاحظ ان نوراه ماهي موجودة
وهو يعرف انها ماراحت للملكة نزل سأل الشغالات عنها قالوا له انها طلعت من الساعة 3 وما رجعت للحين
هنا راكان فار دمه وعصب
نواره توها داخلة للقصر شافت راكان بوجهها وباين عليه العصبية
راكان : اقدر اعرف وين كنتي يامدام
انتهى البــــــــــــــــــــــــــــــــــارت
الفصل الثاني عشر
نواره توها داخلة للقصر شافت راكان بوجهها وباين عليه العصبية
راكان بعصبية شديدة : اقدر اعرف وين كنتي يامدام
نواره ماردت ومرت تبي تطلع فوق ماحست إلا باليد اللي ماسكة معصمها وتسحبها بقوة
راكان بصوت عالي وعصبية: إذا كلمتك تاقفين وتردين علي مثل الناس
نواره بحده :نعم
راكان :وين كنتي
نواره:..........................
راكان بعصبية : انا قاعد اكلمك انت ما تسمعين
نواره وبدت تفقد اعصابها: ماهو ضروري تعرف وين كنت
راكان : يامره تكلمي لاوالله مايصير لك خير
من جهـــــــــــــة ثانية وفي القاعة :
رهف : روان وين زوجة عمك راكان
روان : ان شاء الله تجي
لما: حسافة عليها راكان
منى : صحيح عمتي فوزية تقول راكان مندبلة كبده منها
لما : معذور قروية
روان :حرام عليكم والله انها تهبل وحبوبة
رهف : لما شوفي حلا على المنصة تأشر لنا
لما : يالله تعالو نروح لها
في القـــصــــــــــــــــــــــــــــــــــــــــر
نواره : ماهو مهم تعرف
راكان بعصبية اكثر : الحرمة المحترمة ماتكلم رجلها كذا
نواره: ماهو إذا كان قدامها رجال اصلا
نواره ماكملت كلمتها إلا والكف القوي اللي طيحها على الارض من شدته
راكان : نواره انت طـــــا لـــق!!!!!!!!!!!!!!!!!!!!!!!!!!!!!!!!!!!!!!!!!!!!! !
وطلع برا وتركها
نواره ويدها على مكان الكف ودموعها صارت تنزل بغزاره : ياربي انا وشلون قلت كذا
وحست انها غريبة في عالم مايرحم حست انها ماتت خلاص قعدت حوالي ساعة على وضعها بعدين قامت وراحت فوق وجمعت اغراضها
بشنطة وأخذت صور الاشعة والتخطيط اللي سوته وحطتها على طاولة التلفزيون حتى ماتنساها .
من جهـــــــــــــة ثانية
راكان كان برا القاعة مادخل حاس بضيقة شديدة ما يدري وش سببها بالرغم من انه كان بنتظر هذا اليوم من زمان
طلع جوالة ودق على محمد اخوه
محمد: الو
راكان : محمد وينك
محمد: انت اللي وينك
راكان : انا برا اطلع لي ابيك
محمد وحس ان راكان فيه شيء: خلاص الحين جاي
عند مواقف السيارات
محمد: وش بلاك وجهك متغير
راكان :طلقت نواره
محمد: ايش
راكان علم محمد كل السالفة
محمد خلاص الحين تعال ندخل ونأجل الكلام بعدين
راكان : يالله
في قــــــــــــــــاعة الرجال
دخل راكان ومحمد
صالح :حيا الله الغالي ولد الغالي وسلم علي راكان
راكان : الله يحييك
صالح : الحمد لله على السلامة وش اخبارك واعلومك
راكان : اخباري تسرك ان شاء الله
صالح : عسا خلصت
راكان : الحمد لله
راكان بنفسه غريبة ما سأل عن بنته
عند الحريـــــــــــــــــــــــم
صارت الزفة وانتهت الملكة وصارو الناس يروحون
الفصل الثالث عشر
في فصر فهد الساعة 2 بالليل توهم داخلين
ام صالح: لااله إلاالله
فهد تفضلي يمه
ام صالح : والله ياوليدي تعبانة وابي الفراش
فهد مسك يد امه ودخلها غرفتها اللي بالدور الارضي
في الصبــــــــــــــــــــــــــــــــــــاح
صالح ، محمد بالمجلس
فهد بالملحق مع راكان
راكان قال لأبوه كل شيء
فهد : خلاص صالح لازم يعرف
راكان : يبه تكفى انا ما ابغى اشوفه والله منحرج
فهد :لا ياولدي مايصير كذا
راكان : بس
فهد يقاطعه : لا بس ولا شيء
راكان : امري لله
وراحو للمجلس
بالوقت هـــــــــــــــذا نواره كانت قاعدة بغرفتها وهي ميته من الخوف ماتدري وش راح يصير مثل المسجون اللي ينتظر لحظة اعدامه
من جهة ثانية
فهد: ابومحمد
صالح: هلا
فهد : انت تعرف يأخوك ان الزواج قسمة ونصيب
صالح حس ان فهد وده يقول شيء ومنحرج
صالح : فهد يأخوك الكلمة اللي تستحي منها بدها
فهد : ماني عارف وش اقول بس ترا كل شيء صار غصب عني بصراحة راكان ونواره صارت بينهم مشاكل
وراكان الله يهديه تسرع وطلق نواره
هنا صالح عصب وقال : هذا اللي انت مستحي منه يافهد والله يأخوك لانواره ولا الف نواره تفرق بيني وبينك
وانت ياوليدي ياراكان ليه ماعلمتني وانا اكسر راسها والله ما عاشت نواره اللي تنكد عليك
راكان استغرب من عمه لهدرجة بنته ماتهمه وتذكر كلام نواره في امريكا
صالح وباين عليه العصبية: فهد يأخوك ابي اشوف هالعلة
فهد :تعوذ من ابليس
صالح : اعوذ بالله من الشيطان الرجيم
تكفى ادخل خلها تجيني
فهد: تعال معي
ودخل فهد وصالح بالصالة وكانت فوزية ومنيرة وريما وهند بمجلس الحريم
فهد يكلم وحدة من الشغالات : روحي نادي نواره
شوي إلا نواره نازلة عندهم وكانت ترجف ووجهها صاير اصفر وعيونها حمراء حيل
صالح على طول مسك نواره مع شعرها وعطاها كف وهو يقول مابقى إلا انت تبين تفرقين بيني وبين اخواني
فهد : سحب نواره وصار بينها وبين صالح
فهد: صالح حلفت عليك ماتلمسها
صالح : روحي جيبي اغراضك الله يقطعك بسرعة تحركي
نواره راحت وهي تقول بنفسها هذا بدال مايأخذني بالاحضان ويتحمد لي على السلامة اه اه اه الله يسامحك يبه نزلت شنطتها وحطها السواق بالجمس حق صالح وركبت منيرة ونواره والعيال
نواره طول الطريق تتألم من قلبها لكنها رغم كل هذا قررت تنسى او تتناسىوتكون قوية
بعد اسبوع من اللي صــــــــــــار*
راكان بغرفته قاعد على السرير يقلب بعض الاورق حط الاوراق وراح يبي يشغل التلفزيون لفت انتباهه ظرف كان عند التلفزيون اخذ الظرف وفتحه شاف اشعة وتخطيط قلب وورقة تقرير فتح التقرير وكانت الصدمة لما شاف التقرير بإسم نواره صالح محمد ال...............................
والصدمة الاكبر ان التقرير كان بتاريخ يوم الملكة
اخذ الاوراق وطلع بسرعة من القصر وركب سيارته وراح للمستشفى
راح لنفس الدكتور كان دكتور باطنية بنفس المستشفى اللي يشتغل فيه راكان
راكان :دكتور اسامة ممكن تشرح لي حالة المريضة وعطاه التقرير
الكتور اسامة : اهـ دا كان تقرير لوحده مريضة بالقلب جاتني وكانت تعبانه عمالت لها تخطيط واشعة وكانت تعبانة
طلبت منها تتنوم عندنا لكنها رفضت وخرجت على مسؤليتها
راكان : طيب هي بالضبط وش فيها
الدكتور : دي معاها انسداد خلقي بصمام القلب وانا نصحتها وقلت لازم تعمل عملية لاني بصراحة اشك انها حتعيش اكثر من سنه
لكن هي بصراحة مش مأخذة الامور بجدية دي بتقول لو مت مش حتتوقف الدنيا عشاني
راكان بعد ما عرف سر نواره راح ركب سيارته وطلع جواله ودق على روان
روان : الو
راكان: هلا روان
روان: هلا وغلا عمي
راكان :كيف حالك
روان : بخير وانت
راكان : تنهد الحمد لله
راكان : روان ماتعرفين رقم نواره
روان بخيث :إلا اعرفه
راكان : ارسليه لي الحين
روان بخبث اكثر : اممممممممم اشوف
راكان : يالله مع السلامة
روان : مع السلامة
انتهى البـــــــــــــــــــــــــــــــــــــــــــــــ ـارت
مساء الخير
يعطيكم العافية على المرور والتوقعات اسفة ان لم استطع الرد عليكم بشكل مفرد
الفصل الرابع عشـــــــــــــــــــــــــــــــــر
في مزرعة صالح بالقرية
نواره كانت جالسة مع صديقة عمرها وكاتمة اسرارها مريم
مريم :نواره تخيلي امس مساعد كلم ابوي
نواره : صحيح والله
مريم : ..................
نواره : ههههههههههه واخيرا
مريم : شفتي من صبر ضفر ماهو مثلك يالمجنونة
نواره طبعا ماتزعل من مريم لانها تؤام روحها وبعدين طبيعة نواره مرحة
نواره : اقول خليك بنفسك انا احب الاكشن
مريم : ما شفت هالاكشن حقك نفعك
نواره : هيه انت يالعفنة ترا اطب ببطنك
مريم وهي تمثل الخوف: واهون عليك
نواره بخبث : انت ايه لكن مساعد لالالالالالالالا
مريم: تحذف نواره بعلبة المناديل
مريم ونواره هههههههههههههههههه
واثناء ضحكهم دق جوال نواره شافت الرقم غريب ماردت دق مره ثانية وثالثة ورابعة لكن ماردت
مريم :ردي يمكن احد يبيك ضروري
نواره : بس ماعرف هالرقم
شوي إلا وتجيها نغمة مسج فتحت المسج كان من الرقم الغريب لكنها انصدمت وفتحت عيونها لما قرت المسج
مريم : من مرسله
نواره بصدمة : راكان
مريم :وش يقول
نواره : ( ردي انا راكان ابي اعرف وش سالفة التقرير)
شوي إلا والجوال يدق
مريم :ردي نواره
نواره بصوت خافت : الو
راكان السلام عليكم
نواره : وعليكم السلام
راكان بدون مقدمات : وش سالفة مرضك هذا
نواره : اي مرض
راكان : قلبك
نواره : ومن قالك اصلا اني مريضة انا مافيني شيء
راكان : نواره انا عرفت كل شيء
نواره : من قال لك
راكان : التقرير الي تركتيه
نواره:.................................
راكان :هاه علميني من متى معك هالمرض
نواره ببرود مسطنع وحاولت ماتبين حزنها : هذا عيب خلقي
راكان /عمي يدري
نواره بنفسها يدري او مايدري كله واحد
راكان : نواره وين رحتي
نواره بعصبية ماخفت على راكان : لا ولا ابي احد يدري لو سمحت
راكان :طيب ليش
نواره : اريح لي وبعدين انت وش عليك
راكان : انت صاحية هذا مرض قلب ما هو رشح عادي
نواره ماتبي تحسس راكان انها ضعيفة : راكان لو سمحت هذا شيء خاص فيني وانا ما ابي شفقة من احد وبعدين اعتبر نفسك ما عرفت شيء
راكان : انت ماسمعتي كلام الدكتور
نواره :إذا على كلام الدكتور فالاعمار بيد الله وبعدين اتمنى انك تنسى الموضوع مع السلامة وسكرت الخط بدون ماتنتظر رده
بعــــــــــــــــــــــــــــــــــــــــــــــــ د مرور 6 شهور على كل اللي صار وتحديدا بشهر ثمانية قبل رمضان بعشر ايام
في قصـــــــــــــــــــــــــر فهد
ام صالح والبنات جالسين بالصالة
روان : جدتي إلاكيف رمضان عندكم اول
ام صالح: آآآآآآآآآآه يابنيتي هيضتيني على زمان اول
لينا:خلاص روان لاتدنها خليلية علينا
ام صالح : خليل بعينس ياللي ماتستحين
دخل راكان عليهم وهم يسولفون وحب راس جدتة وقعد عندهم
راكان : هاه لينا منتي ناوية تقدمين ترا قريت قبل شوي ان الديوان فاتح
لينا : لا ابي ارتاح
روان : يحق لك تخرجتي وتركتيني
لينا : الحين انت خلاص رايحة ثالث لاتحسبين نفسك صغيرة
ام صالح بحسرة: والله يابناتي من اسمع طاري الدراسة اتحسر على نواره
هنا راكان حس كأن احد صب عليه موية حارة مايدري ليش كل ماسمع اسمها يحس بحرارة في جسمه
لينا : اي والله ياجدتي حتى انا كاسرة خاطري
روان : الا ليش عمي صالح ماخلاها تكمل كانت الاولى على الدفعة ماهو معنى انها تطلقت خلاص تنحرم من كل شيء
لينا حست بتغير راكان وحبت تلطف الجو : إلا جدتي وش رايك نجرب يوم الملكة نوي لك مكياج
الجده: هذا الباقي علي تبين العالم يحسبون اني خرفت
روان ـ لينا: هههههههههههههه
اما راكان كان حاس بضيقة استأذن من جدته وطلع فوق غرفته
انسدح على السرير يفكر بحالة : انا كنت اتمنى اذبحها بيديني وش فيني الحين من عرفت مرضها وانا احس بخوف عليها !!!!!!!!!!!!!!!!!!!!!!!!!!!!
انتهى البـــــــــــــــــــــــــــــــــــــــــــــــ ـــارت
مساء الخير
الفصــــــــــــــــــــــــــــــــــــــل الخامس عشر
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك