رواية خليجيات في الامارات -31
ملاك تقدمت عن مايد وقالت : ارفع الطرحه وبوس راسها
مايد ابتسم وقال : شكلي نسيت هههههه
ملاك وهي ما تسمع من صوت الدي جي .. : ترا والله ما أسمع يلا
مايد رفع الطرحه عن ويهها وباس راسها ..
وصايف ابتسمت متلومه .. مايد قال لها : مبرووووك يالغلا
وصايف : الله يبارك في حياتك
ملاك تجدمت عن مايد ووصايف وقالت : مبروك وصايف
وصايف : الله يبارك في حياتج
ملاك ابتسمت وقالت : ما شاء الله ميووود طالع قمر
مايد ابتسم وهو يطالع مرته وكأنه ما فهم معنى الكلام اللي تقوله ملاك من كثر فرحته
ملاك طالعت أمي فاطمه وقالت : خلكم فوق ماما وخالو أنا بنزل للبنات شوي
أم عبدالعزيز : اي يما على راحتج
ملاك مشت من ع الكوشه والكل يطالعها بالفستان الأحمر الراقي تمشي وكأنها ملاك اسم على مسمى وتقدمت عن البنات ..
شوق ابتسمت : والله ما تستاهله هالدبه
ملاك ابتسمت : شـ نسوي نصيب يا حياتي
بدور هزت راسها : اي والله لو تلفين الدنيا ما تاخذين غير نصيبج
ملاك تضحك : وانتي بتاخذين نصيبج يا دبه
نور : ترا طالعه حلوه حرام عليكم
ملاك : انزين ما قلنا شي هههههه
اريج : ترا صورناج وانتي مع راشد هههههه
ملاك : يالدببه هاللي فالحين فيه
شوق : اي والله هذا اللي فالحين فيه ههههه بنحطها ذكرى وانتي زوجج قاعد يتغزل فيج جدام هالخلق
ملاك كشت على ويهها : اروح لأخوي أحسن لي هههههه البسن عبيكن وتعالن يلا
الهنوف وقفت وقالت : اي والله من عيوني
شوق مسكت يدها وقالت : هاللي ناقص يالدبه ....
ملاك ابتسمت : اصلا مو حلوه ما تقربين للمعرس وتروحين له ههههههههه
نور : اي والله مدري كيف وايد بنات يسوونها
بدور : بسكم حش .. يلا ملاك روحي لأخوج ههههه
/
.
/
يوم الأحد الصبح
ملاك وهي نازله من فوق ..
ملاك وهي تشوف أمي فاطمه : السلام عليكم أمي
أمي فاطمه : وعليكم السلام
ملاك ابتسمت ويلست عشان تفطر : الصراحه البيت مب شي بدون ميود
أمي فاطمه : هي والله البيت مب شي بدونه
ملاك : متى بيرجع من السفر
أمي فاطمه : اسبوعين ان شاء الله
ملاك : ان شاء الله
أمي فاطمه : كلمتي راشد
ملاك : هي كلمته أمس .. بس اليوم لأأ توني تسبحت وغيرت
أمي فاطمه : أخاف انه مل من القعده بروحه
ملاك تبتسم : هههه وين أمي ..! الله يهديج راشد كان عايش بروحه اش يفرق يعني ..!
أمي فاطمه : يلا الله يوفقه
ملاك : آميييين
أمي فاطمه : اتصلتي بـ مايد
ملاك ابتسمت بحزن وقالت : هي اتصلت مرتين ما رد علي ..! حتى ما كلف روحه يتصل
أمي فاطمه تبتسم وتخفف عن ملاك : يا أمي عيني من الله خير وبعدين يمكن مشغول مع مرته
ملاك : ع الأقل يطمننا عن أحواله
أمي فاطمه ابتسمت : يلا كلي بسررررعه شكلج تأخرتي ع الجامعه
ملاك : اي والله شكلي تأخرت وايد
أمي فاطمه : يلا عاد قومي بسرررعه
ملاك وقفت وهي مبتسمه : مع السلامه ماما
أمي فاطمه : مع السلامه فديتج
ملاك مشت بسررررررعه وطلعت وركبت السياره .. شغلت السياره وحركتها ..
ملاك وهي تطالع شكلها بالمرايه : وه صار عندي سواد حوالين عيوني .. ياربي مره وحده هالات ..!
ولا يرن تلفون .. ردت ملاك : السلام عليكم
راشد بصوت نايم : وعليكم السلام ورحمة الله وبركاته
ملاك : صباحك فل
راشد : صباحج جوري وياسمين وكادي
ملاك وهي تضحك : يه يه ..! ما نقدر ع الكلام الحلو ..! صاير لي مطوع ترد السلام عدل
راشد يضحك : ندور على أجر من صباح الله خير
ملاك : زين زين ..
راشد : ها توج طلعتي ..!
ملاك : هي
راشد : سوقي شوي شوي ولا تتوترين ولا تسرعين سمعتيني
ملاك تضحك : ان شاء الله
راشد : هي أباااج جذا تسمعين الكلام .. هي صح شو ياينج أمس متصله فيني ..؟؟
ملاك ابتسمت : ليييش ..؟؟
راشد : الوقت كان متأخر وايد
ملاك تضحك : ههههههه كنت ملانه وأفكر بـ مايد وغير جذي ما عندي أحد أفضفض له غيرك بهالحزه
راشد ابتسم : جيييه قالو لج متفيج ما وراي دوام ...!
ملاك ابتسمت : آفااا وأنا أقول راشد بيسمعني
راشد ابتسم : وزعلت البنيه
ملاك : هي زعلت
راشد : خلاااص أمي خلاااص فضفضي الحين قولي اللي تبين
ملاك : تباني اسوي حادث يعني ..!
راشد مستغرب : ليييش ..؟؟
ملاك : يوم افضفض لااازم دموووع تنزل هههههه
راشد يضحك : يخس ابليسج ملاااكوه من صباح الله خير تمزحين ..!
ملاك وهي تضحك : رشووود عاد الحين صدق دخلت في الزحمه
راشد : عاد أكلمج بعدين
ملاك : هي والله يكون أحسن
راشد : مع السلامه
ملاك : مع السلامه
/
.
/
أريج واقفه تحت تنتظر تاكسي
أريج تطالع الساعه : أوووف تأخرت ..! ليييش يعني ما اتصلت على ملاك تمرني ..!
............ : صباح الخير
اريج لفت ويهها تطالع من ... ابتسمت وقالت : صباح النور والنوير
محمد ابتسم : شخبارج ..؟؟
اريج : تمام انت شخبارك ..؟؟
محمد : تمام .. اشوفج واقفه ع الشمس .. ربيعتج متأخره ..؟؟
اريج ابتسمت : لأأأ ما بتيي اليوم بتروح مع ريلها للكليه
محمد يضحك : تزوجت هههههه ...................؟؟؟؟
اريج مستغربه : اي لييش فيها شي ...؟؟
محمد : لا لا بس ما أتخيل شكلها وهي عاقله ههههه
اريج ابتسمت وقالت : ترا ما أسمح لك ربيعتي
محمد ابتسم وقال : انزين انتي شو تسوين تحت ..؟؟
اريج : اتريا تاكسي
محمد ابتسم وقال : اوصلج أنا ....؟؟؟
اريج : لا لا شو تخبلت ...؟؟
محمد : لأأأ صدق.. تعالي اوصلج
اريج : لا شكرا بتصل على رفيجتي الثانيه
محمد ابتسم وقال : على راحتج وهذا من حقج الصراحه ما تركبين مع واحد غريب
اريج ابتسمت وقالت : ما شاء الله عليك تفهم الصراحه ههههه
محمد ابتسم وقال : اتصلي بربيعتج عن تحترقين ع الشمس وتنسلخين
اريج : هههه .. أوكي اي الحين بتصل فيها
محمد : ليكووون هذي بعد تزوجت ..!
اريج ضحكت : ههههه في غيرها انزين
محمد : هي ما شاء الله عندج جيش من الصديقات
اريج : صل ع النبي
محمد : صلى الله عليه وسلم هههههههه
اريج مستغربه منه وقالت : شو فيك ...؟؟
محمد : مو انتي تقولين صل ع النبي
اريج : الحمدلله اني بعدني عاقله
محمد : هههه يلا عاد بروح الدوام
اريج : الله معاك ههههه
/
.
/
روان وهي تطالع الشارع : ياربي فهود والله أفكر فيها
فهد ابتسم وقال : لااازم تتعودين على هالشي
روان لوت بوزها : وليييييييييش ..؟
فهد : يعني من صجج انتي الحين بعد ما تتزوجين بتطلعين وتدخلين بروحج ..!
روان ابتسمت : اي توني فهمت عليك ههههه
فهد : تبينا نمر وناخذ شي قبل لاوصلج ..؟؟
روان : لأأ مابي بتريق مع البنات في الجامعه
فهد ابتسم : على راحتج مع اني ابي اتريق معاج
روان ابتسمت : دام تبي جذي أوكي ..
فهد : على آمرج
روان ابتسمت : فهد ما بتوديني البحرين ..؟؟
فهد ابتسم وقال : ان شاء الله بوديج بس مب الحين ..!
روان : عاد متى ..؟
فهد : بعد العرس ان شاء الله
روان هزت راسها وقالت : اي فـ خاطري اخذ لي دراريع وشغلات من هناك وبالمره ازور عيال عمي
فهد : بنات عمج ما شاء الله اكبر منج وعندهم درزن عيال
روان : هههههه والله فـ خاطري اشوفهم
فهد مستغرب : ما شفتيهم ..؟؟
روان هزت راسها وقالت : لأأأ
فهد مستغرب : ولييش انزين ..؟؟
روان : تدري عاد عمامي ما يطيقون أمي ومن جذي ما يحبون ييون لنا ولا يحبون نروح لهم
فهد : وانتي اش دخلج انزين ..؟
روان : والله ما أدري عنهم .. ناس وتفكيرهم جذي شـ نسوي لهم يعني
فهد ابتسم وقال : ان شاء الله بتشوفين أهلي
روان : ان شاء الله
فهد : خواتي كبار وأمي الله يرحمها صار لها خمس سنين متوفيه
روان هزت راسها وقالت : اي أدري الله يرحمها
فهد : عندي بنت اختي بعمرج
روان ابتسمت وقالت : والله ...!
فهد : اي لأن أختي العوده زوجوها وهي صغيره
روان ابتسمت : حلو جذي ..! انزين عندك خوات بعمري ..؟؟
فهد : بعمرج لأأ بس في أكبر منج بثلاث سنين وجذي
روان ابتسمت : يلا ان شاء الله بس نروح البحرين اشوفهم
فهد : ان شاء الله
روان وهي تبلع ريجها : اشتهيت متاي
فهد يضحك ويقول : والله انج داهيه
روان : هذا كله بس عشان توديني
فهد ابتسم وقال : بوديج من عيوني والله
روان وهي فيها فضول : فهد بسألك سؤال بس ها ما تزعل مني ..!
فهد : لو ما يزعل سألي ..
روان : لأ لأأ قول انك ما تزعل
فهد : خلااص ما بزعل
روان ابتسمت وقالت : انت حبيت من قبل ولا خطبت من قبل ..؟؟
فهد ابتسم وقال : لييش السؤال ...؟
روان رفعت جتوفها : جذي
فهد : كيييف جذي ..! غيره ولا شو ..؟؟
روان ابتسمت وقالت : اعتبره فضول
فهد طالعها وقال : تبين الصدق ..؟؟
روان : اي أكييييد
فهد : كنت خاطب بنت خالتي
روان فتحت عيونها وقالت : احلف ...!
فهد : اي والله
روان : لييش ما خبرتني
فهد : توج عرفتي ..
روان : انزين اش صار ..؟؟
فهد : يا طويلة العمر .. بعد خطوبتنا بخمسة أشهر أخوها طلق بنت عمي وعمي وأبوي عاد ازعلو وما
يرضون على بناتنا جان اجبروني افسخ الخطبه
روان مستغربه : يعني مب انت اللي تركتها .. اجبروك ..؟؟
فهد هز راسه وقال : اي أجبروني
روان طالعته بفضول : وانت بعدك تتذكرها ...!
فهد هز راسه وضحك وقال : كل ذي غيره ..؟؟
روان ابتسمت وهي تحس بالفعل انها تغار : فهههههههههههد يلا قووول ..؟؟
فهد ابتسم وقال : أوكي أوكي خلاااص بقول لج هههه بس ما ندمت لأني اكتشفت انها كانت تكلم واحد قبل لا أخطبها قلت أحسن انفصلنا
روان بعد ما ارتاحت من جوابه حست انها دخلت بـ متاهه ثانيه ابتسمت وقالت : اي توني فهمت
يا ربي يعني فسخ الخطبه لأنه درا انها تكلم واحد قبل لا يخطبها ..! وأنا اللي كنت اتكلم مع مروان بالساعات .. لو درى اش بيسوي فيني .. عز الله رحتي فيها يا روان ..! يلا ان شاء الله ما يدري .. بس لو درى والله بروح فيها .. الله يستر بس
/
.
/
شوق وهي تلبس جوتيها ( الله يعزكم ) : نور وينج ..؟
نور وهي تدور بين الورق عن الورقه الضايعه : هنا موجوده
شوق تأفأف : ياربي منج وبعدين معاج انتي وبعدين ..؟
نور رفعت راسها : ليه اش سويت أنا
شوق : يوميا ضايع لج شي
نور وهي تضحك : مو انتي تقولين لي ذاكري بدون نور .. عشان كذا يوميا أوراقي تعتفس
شوق : أوكي يلا بسررررعه
نور : ثواني بس أحصل الورقه
شوق : اش ورقته ذي بعد
نور : حصلتها .. هه
شوق : وأخيرااا الحمدلله
نور ابتسمت وهي تقول : يلا زين لقيتها
شوق : اقووول نورو بسررررعه ترا بروحنا متأخرين
نور وهي ميته ضحك : هههههه شوفو من يقول متأخرين
شوق : نحن بعد منو يعني ..!
نور : طيب طيب يلا ننزل
شوق ابتسمت : يلا بسررررعه قبل لا نتأخر ابي اسأل ملاك اش صار على أخوها
نور وهي تنزل من ع الدري مع شوق : حرام عليك وبعدين انتي كذا تزيدين المواجع وغير كذا هو توه مسافر
يعني ما مداها تنسا اللي صار وتتأقلم مع سالفة زواجه
شوق : اي صح مسكينه والله .. مدري كيف بتتأقلم مع هذي اللي ما تتسمى
ابتسم وهو يقول : من هي اللي ما تتسمى ..؟؟
شوق ابتسمت وقالت : صباح الخير
عبدالعزيز يطالعها مع نور : صباح النور والنوير
شوق ابتسمت : كاهي نور جنبي
نور مستغربه : وأنا اش دخلني ...؟؟
عبدالعزيز يضحك ويقول : ما تعرفين عاد ان بنت خالتج مليقه
نور ضحكت وهي تطالع شوق : اي اي أدري هههههه
عبدالعزيز : ما قلتو لي من هي اللي ما تتسمى ..؟؟
نور ابتسمت : مرة مايد اخو ملاك ..؟؟
عبدالعزيز مستغرب : ليييش هي لحقت تسوي شي ...؟؟؟ توهم مو مكملين يومين ع العرس
شوق وهي تضحك : الا قول اش ما سوت ...!
عبدالعزيز عقد حياته وقال : الله يستر بس من بنات هالزمن
نور ترفع حاجب واحد وتقول بغرور مصطنع : عاد كلهم بكفة وأنا بكفة
عبدالعزيز يغايضها : قولي كلهم معاج وشوق بكفه
شوق تضحك : ويويويو كليتيها هالمره ..! اي زين سويت مو كل مره تمدحونها
نور تكشر : اش هاليوم النكد من اولو
عبدالعزيز يضحك : عشان تعرفين انج من أهل هالبيت
يتبع
نور : لا لا اظل مدلعه أحسن لي هههههه
شوق : تأخرنا وايد ..! وانت عزوز غريبه أول مره تسولف ويانا
عبدالعزيز ابتسم وقال : لا بس عندي مشروع جديد يعني بيغير حياتي شوي
شوق ابتسمت : زين زين عاد غير حياتنا معاك أوكي ...! مو تنساني أنا أختك
عبدالعزيز ابتسم وقال : انتي حياتج بتتغير قريب ههههه
شوق ما فهمت عليه وقالت : اي تراني بتخرج الحين مو مصدقه أنا
نور ابتسمت لشوق وهي فاهمه قصد عبدالعزيز بس من يقصد ما تدري ...! الله أعلم
شوق : يلا بسرررررررررررعه نور تأخرنا
نور : اي يلا .. مع السلامه عبدالعزيز
عبدالعزيز : مع السلامه
شوق تمشي بسرعه : حاسبي عن تطيحين بس
نور تضحك : مب أنا اللي أجري ..! هذي انتي تقولين كـــ ***** قاعد يجري وراك
شوق ابتسمت وقالت : اقول نويره بلا هذر يلا اسرعي عن نتأخر
/
.
/
بدور والدنيا مو واسعتها من الفرح : اقول يالنسيب شغل لنا شي نسمعه
معضد يالس يدام ويسوق : اقوول بدوروه استحي على ويهج .. اصبحنا واصبح الملك لله
بدور تضحك : مستانسه انزين شسوي
معضد : روحي اقري قرآن وصلي ركعتين بتزيد وناستج
بدور محتره : انتو لازم تنكدون ع الواحد
معضد يضحك وهو يطالع الشارع
بدور : في البيت ميره وفي السياره زوج أختي واحد مدري شسمه وفي الكليه رفيجاتي
معضد يضحك : من هذا اللي مدري شسمه ..!
بدور بطريقه غير : واحد زوج أختي
معضد يضحك : اقووول انتي ليكوون مرابعه الهنديات اللي اسكنو يمبنا هذي الفتره
بدور تطالعه مستغربه : اش دراك .....؟؟
معضد : رمستج اعوذ بالله مستويه شرات الأجانب يوم يرمسون
بدور تضحك : اي اي صح .. عاد أنا ثقافتي هالفتره هنديه
معضد ابتسم وقال : ما شاء الله .. شكلج مترجمه
بدور وهي مصدقه روحها : اي فديتني اترجم لميره وللخدامه
معضد ميت ضحك : اقول اسكتي عن اسوي حادث ترا عندي حرمه وعيال ما فيني أخسرهم
بدور : وأنا بعد
معضد : وانتي شو ..؟؟
بدور : عندي أخت وريل أخت وولد أخت
معضد ابتسم وقال : اقووول صخي تراج حشرتيني
بدور : انزين انزين
معضد : ترا بنروح قطر هالأسبوع
بدور ابتسمت : اي حمادو بيفرح وايد
معضد : وأخيرا بنفتك من صدعته
بدور : اي والله صرعنا وهو يقول بروح قطر وبروح قطر .. فكه يسكت ويصخ شوي
معضد عقد حياته : ولا كأنها تتكلم عن ولدي
بدور ابتسمت وسكتت وهي تشوف موبايلها يرن .. حطته ع الصامت
معضد مستغرب : لييش ما تردين .. <<<<<< محد يستغرب ان معضد يكلم بدور لأن بالفعل في عوايل
النسايب عادي يطلعون جدام الأهل ويتكلمون معاهم ..
بدور مرتبكه : لا ماشي
معضد رد كرر الجمله : ليييش ما تردين
بدور : رفيجتي بتسألني وين واصلين ..!! عاد نحن خلاااص قراب من الجامعه فـ ما يحتاي عاد أرد عليها
معضد هز راسه بعدم تصديق وقال : لا عادي ترانا الأسبوع الياي بنروح قطر
بدور مستغربه من كلامها : يعني مب مصدقني ..!
معضد : لا مصدقج دامج اعترفتي وقلتي الصدق
بدور طالعت برع وقالت : برايك والله اسأل ميروووه وبتقول لك
معضد ابتسم وقال : دبه زعلتي ...؟؟
بدور طالعت برع وما ردت عليه
معضد : اقووول يا أوووخت زوجتي ليييش انت في زعلان ...؟؟
بدور ابتسمت غصب وقالت : انت مدري صاير لي بدوي اعووذ بالله
معضد ضحك وقال : لا أمي أنا حضري وبعدين اش فيها لو كنت بدوي ...؟؟
بدور : روح احلب البوش والبقر ووزع حليب
معضد : اقووول انتي شايفتني ساكن ببيت عريش ومعاي خزرانه شرات هالشواب عسب ترمسيني جذا ...؟؟
بدور ضحكت : انت اللي تقول عن روحك جذي
معضد : والله انج .............. اقول اقول انزلي وصلنا
بدور فتحت الباب وقالت : فكه
معضد يضحك : مع السلامه
بدور : مع السلامه .. واذا انت طلعت اليوم من الدوام مبجر كلمني أو خل ميروه تكلمني برجع مع رفيجتي
معضد قال وهو يطالع الشارع : ماشي ..! أنا اللي بوصلج سمعتي ...؟؟
بدور كشرت : انزيييييييييييييين
معضد ضحك وحرك السياره .. بدور ضربت ريلها بقوه في الأرض وقالت : قهههههههههرررررررررر والله
اريج يايه مع ملاك : هههههههه اش فيج ..؟؟
بدور كشرت وقالت وهي تأشر على سيارة نسيبها : كله من هذا
ملاك ابتسمت : السلام عليكم
بدور : وعليكم السلام
ملاك : فهمينا حبه حبه اش فيج ..؟؟
بدور : معضد يقول ما شي ترجعين مع رفيجاتج لااازم ترجعين معاي
ملاك : انزييين انتي اش دراج يمكن اختج قالت له لأنه لو أختج بتقول لج ما ترومين تقولين لأأأ أما نسيبج
غصبا عنج تقولين هي
بدور هزت راسها : هي صح
اريج : والله فـ خاطري يكون عندي نسيب
بدور تضحك : خلاااص زوجي بيكون نسيبج
ملاك ابتسمت : لا والله من متى وانتي أختها ..؟؟؟
بدور : قبل لا أمي تولدني
ملاك : شي عجيب الصراحه
اريج ابتسمت : اقووول بدور ملاك يلا ندخل
بدور وهي تمشي : الحمدلله ما كشفني
ملاك : ليييش ..؟؟
بدور : احمد اتصل فيني ع باله محاضرتي من وقت اليوم
ملاك : آها .. وعسا بس ما انفضحتي ..؟؟
بدور هزت راسها متخرعه : لا لا شو يعرف ..! تبينه يذبحني ..؟؟
ملاك ابتسمت وقالت : زين انج عرفتي ...! عاد ودري سوالفج أحسن لج
بدور هزت راسها وقالت : بكلم أحمد اليوم عن الخطبه
ملاك : واذا رفض اعرفي انه لعاب
اريج : اصلا من الأساس اتركيه ولو يبيج بروحه بيتصل واذا ما تردين بيسأل عنج عشان ياخذج بالحلال
ملاك ابتسمت وقالت : اي ترا اي شي بالظلمه مو زين ومو حلو
بدور : ادري
ملاك : عاد خذيها نصيحه من خواتج .. اتركيه
بدور هزت راسها وقالت : ان شاء الله
اريج : هه هذي نور مع شوق
شوق مبتسمه أول ما قربت منهم : ابحكي لك عن أحوالي وابيك تشوف لي صرفه خيالك دايم فبالي وأحس بشي ما عرفه
بدور ضحكت وهي تكمل : يوديني الفكر ويجيب وشوقي لك ...........
تقاطعها نور بصوت خشن : اصبحنا واصبح الملك لله
ملاك ابتسمت وقالت : هلا نواري
نور : كيفكم بنات ...؟؟
البنات : تمام
نور : وانتي وياها اش فيكم شغالين تغنون من الصبح
ملاك تضحك : فيهم عرج ماماتي هههههههههههههه
نور ضحكت : اي والله الظاهر كذا
شوق كشرت : لا والله
ملاك : عاد صخي ولا تغنين
نور ابتسمت وقالت : وينها رورو
ملاك : بعدها ما يت
نور تقعد : مب باقي شي ع التخرج بنات ..!
اريج : اي بس باقي شهر واحد وبعدين الامتحانات
نور ابتسمت وقالت : ياربي الظاهر بنفترق
ملاك : لا ان شاء الله لا تقولين جذي
بدور دمعت وقالت : والله ما بي أفارقكم
ملاك ابتسمت وقالت : بنات ترا باجي شهرين بنكون مع بعض .. عاد مب من اليوم تبدون مناحه وبعدين نحن ما عندنا سيره غير هالتخرج ..!
اريج تضحك : انا بقعد اهني ما بطلع الحمدلله يعني اي وحده تزورني أنا موجوده ههههه
ملاك ابتسمت وقالت : كلنا نكون اهني ان شاء الله
نور : يارب
بدور : بسافر هالويك اند
ملاك ابتسمت وقالت : اي صح بتسافرين فديتج
بدور : ياربي مب مصدقه بشوف هلي واي فديتهم
نور : يلا ان شاء الله تروحين وترجعين بالسلامه
بدور : آمين
ملاك : كم يوم قلتي لي بتقعدين ...؟؟
بدور : الأربعا بنطلع من دبي وبنرجع الأحد الصبح
اريج : يلا عاد ما أوصيج تيبين لنا اشيا هههه
بدور : هذا أنا لو بلحق احضر العرس وايد علي ههههههه
ملاك : هي تعب الدرب
شوق : بس مب بعيد
نور ابتسمت وقالت : الله يوفقها يارب
بدور : يارب
شوق : كم عمرها ..؟؟
بدور : في عمرنا
شوق متخرعه : واااااااااااااي عنسنا
بدور تضحك : انتي وبتنخطبين بعد الامتحانات .. ملاك وروان خلااص مالجين باجي نور واريجووه ههههههه
شوق : وانتي بعد ....!
بدور هزت راسها وقالت ك اي صح نسيت
نور : اش صار على أحمد ..؟؟
بدور : توني اكلم البنات عن الموضوع
نور : طيب اش صار ..؟؟
بدور : بعدني ما فاتحته بالموضوع
نور : استغفر الله العلي العظيم
بدور ابتسمت : خلاص خلاص بكلمه ولا يهمج
اريج ابتسمت وقالت : بنات محمد متغير ..!
نور عقدت حياتها وهي تقول : من هذا بعد ..!
بدور تضحك : هو انتي اش فيج صايره معقده وتفكرين جذي ..!
نور : اولا كل النورات جذي ..
شوق تقاطعها : أونج عاد ماخذه بروحج مقلب
نور : ما علينا المهم وبعدين انتو صديقاتي ولازم أخاف عليكم
ملاك ابتسمت وقالت : نوار ما بجرحج بس صدق صدق عقلج اكبر عنج
نور ابتسمت وقالت : شـ قول لج والله يا ملاك الدنيا هذي علمتنا ..!
شوق : اش معنى يعني ماعلمتني أنا ..!
نور ابتسمت وقالت : وأنا اش دراني اسأليها المهم اروج من هذا ...؟؟؟
اريج : ولد جيرانا .. ترا والله لا يكلمني ولا أكلمه الا لما أنزل أنطر روان أو أخذ شي من برع وتصادفنا
نور هزت راسها وقالت : آها ..
بدور : نوار اش صار ع السفره ..؟؟
نور : حسب كلام خالتي بعد النتايج بنسافر
شوق ابتسمت : أنطر هاليوم بفارغ الصبر
نور : وأنا بعد
ملاك ابتسمت : ياريت عاد جان بيي وياكم
نور : شخبار مايد ومرته ..؟؟
ملاك نزلت راسها وقالت : مدري عنهم ..!
نور مستغربه : كييييف ...؟؟
ملاك : لا اتصل ولا يرد علي
نور هزت راسها وقالت : ان شاء الله يرد وبعدين معرس أكيييد بيكون مشغول
ملاك : ع الأقل يطمننا
نور : بيتصل ان شاء الله بس انتي اصبري
اريج مسكت يد ملاك وقالت : انتي ادعي له والله بييسر أموركم
ملاك ابتسمت : ان شاء الله
اريج : بنات مو روان تأخرت ...!
ملاك تطالع الساعه : اي وايد
نور : اتصلو فيها شوفوها وين ..؟؟؟
/
.
/
يوم الأربعاء الصبح
بدور تطالع ميره : حراااام ميروووووه
ميره : بنتأخر انتي اش فيج ..؟؟؟
بدور : حراااام ميرووووه حياااتي والله .. حرااام يلا
ميره هزت راسها وهي مشغوله : انزييين بس بسرعه عشان الساعه 12 الظهر بنطلع
بدور : واي فدييييييييييييييييييييييييتج أختي
ميره ابتسمت : يلا بسرررعه عجلي
بدور : ان شاء الله خيتي
ميره : جهزتي أغراضج كلها ..؟
بدور : اي أنا خلاص جاهزه حتى لما ارجع من الجامعه بركب السياره عشان نطلع
ميره : يلا بسررعه روحي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك