رواية خليجيات في الامارات -36
روان قعدت يمب ملاك ونور وشوق : حرام شكلها يكسر الخاطر
اريج تمسح دموعها : وايد مـتأثره
ملاك : لااازم اختها الوحيده
روان : تكفون بنات لااازم نخفف عليها
شوق : ما باليد حيله ياروان هذا موت ما يرجع اللي أخذه
روان : وانتي الصادقه بس لازم نواسيها
ملاك تهز راسها : ما يصير نقعد عندها غير انه هذا مو بيتهم
اريج : اي صح
روان مسكت راسها وقالت : عن اذنكم بنات
اريج : وين ..؟؟
روان : الحمام الله يعزكم
نور : فيك شي روان ..؟؟
روان هزت راسها : لأأأ بس اروح شوي وارجع
ملاك مستغربه : اش فيها روان ..؟؟
اريج تطالع روان وهي تروح للتواليت : والله مدري من اليوم يت عندي وراسها يعورها
نور : الله يستر
شوق تطالع بدور وتصيح : والله تكسر الخاطر
ملاك مسحت دموعها : الله يعينها
نور : بنات اسكتو موب زين حنا بعزا
اريج : الله يرحم موتانا وموتى جميع المسلمين
نور : آميييين
/
.
/
عزا الرجال
دخل راشد وهو لابس كندوره بيضه ومتعصم بعصامه بيضا سلم على أهل معضد
لما وصل لـ معضد قال : أحسن الله عزاك يا معضد
معضد نزل راسه بحزن وقال : الدوام لله ياخوي
راشد حط يده على كتف معضد وقال : ادعي لها ان ربك يسكنها بفسيح جناته وترانا كلنا بنروح لـ هذا الدرب ما في أحد ما بيموت
معضد هز راسه وقال : اللي راح ما يرجع يا راشد
راشد : بس كلنا بنروح يا معضد
معضد عيونه امتلت دموع وقال : استريح ياخوي
راشد مشى عشان يروح يقعد
عبدالرحمن بحزن : معضد قم ارتاح شوي
معضد هز راسه وقال : مابي
عبدالرحمن : معضد الله يهديك قوم مو زين اللي تسويه بروحك يلا ياخوي قم
معضد : ما يصير ياخوي ما يصير بس يأذن المغرب بطلع
عبدالرحمن : على راحتك ياخوي
فيصل طالع عبدالرحمن وهمس له : ها اش قال ..؟؟
عبدالرحمن : مب طايع
فيصل : الله يهديه ناوي يطيح علينا
عبدالرحمن : خله على راحته يافيصل عسا الله يهديه ويعرف اللي قاعد يسويه غلط
فيصل نزل راسه وقال : الله يهديه
عبدالرحمن بدت عيونه تمتلي دموع وهو يتذكر أخته اللي عاشت معاهم وبعدين صارت بعيده بس البعد أهون بمليون مره من المووووت ..!
/
.
بليل الساعه عشر بتوقيت مدينه العين البيت فضا والكل راح يرتاح من بعد يوم شاق ومتعب ومحزن للغايه
بذات الوقت
بدور وهي في الصاله تشوف أمها وأم معضد يتعشون بهدوء ومالهم نفس للأكل
أم معضد : تعالي يما اكلي ..؟؟
بدور : مابي
أم عبدالرحمن : يما مب زين اللي تسوينه تعالي تعشي وبعدين روحي ارتاحي
بدور وقفت وقالت : مابي يما
أم عبدالرحمن : انزين قومي نامي ..؟؟
بدور صارخت بصوت عالي : مابي .. قلت لكم مابي أي شي خلوني بروووووووحي
أم معضد وأم عبدالرحمن وقفو تجدمو عن بدور
بدور صرخت بصوت عالي خلا كل اللي بالبيت يسمعون : اقوووول لكم مابي يعني مابي .. مالكم دخل فيني ..
خلوني امووووووووت وارتااااااااااح من هالعذاب خلوني بروووووحي ابي اموووووووووووت ابي ميرررررررره ميره ما بترجع أدري ميره رااااحت خلاااص ما بترجع ..
أم عبدالرحمن : بنتي اهدي بسم الله عليج اش فيج ..؟؟؟
بدور طاحت ع الأرض بانهيار وبدت تصيح بشكل هستيري ضربت الأرض بأقوى ما عندها وبدت تهذر وتخربط بالكلام
بدور : ميره تعااااااالي ميييييييييييييييييرررره والله ابيييييييييييج .. ميره مقدر أعيييييييييش بدوووونج .. ييبو لي ميررررررررررره ميرررررررره تعالي دخيلج لا تتركيني بروووووووووحي .. تكفووون رجعو لي ميره وخذوني أنا .. خذوني أنا ما بيني والله مابي نفسي
أم معضد وأم عبدالرحمن مسكو بدور وبدو يهدونها ويقرون عليها
الكل نزل وطلع من حجرته
فيصل مستغرب : اش صاير ..؟؟
أم معضد : الله يهديها انهارت وبدت تصيح
عبدالرحمن واقف يمب فيصل وتقدم من بدور ومسكها بقوه : بدووور حبيبتي اش فيج
بدور حطت راسها على صدر عبدالرحمن : ابي ميررررره عبدالرحمن ابي ميررره
عبدالرحمن ضمها وهو يقول : تعوذي من ابليس بدور تعوذي
بدور بدت تصيح أكثر
معضد واقف يمب الدري طالع اللي قاعد يصير وانسحب بهدوووء قبل لا يستوي فيه نفس اللي قاعد يصير لبدور
فيصل : خلود عطيها مهدئ
خلود مرتبكه وخايفه : ما عندي
فيصل : عبدالرحمن شلها بنوديها المشفى
عبدالرحمن مسك بدور وقال : خلود ييبي عبايتها
خلود مشت بسرررعه تييب عبايتها
وأم عبدالرحمن قعدت وهي حزينه على فراق بنتها وعلى حال بدور وبدت تدمع : ان لله وانا اليه راجعون اللهم اجرني في مصيبتي واخلف لي خيرا منها ..
أم معضد قعدت يمب أم عبدالرحمن وبدت تصيح هي الثانيه : نلاقيها من مين ولا مين ...!!
أم عبدالرحمن مسحت دموعها : باجر بيعرفون ان هذا مكتوب لهم وبينسون
أم معضد : هي والله
أم عبدالرحمن : امسكها عدل يما لا تطيح
عبدالرحمن ساند بدور عليه وقال : انشالله يما
فيصل : خلود تعالي معانا يمكن بدور تحتاج شي
خلود : انشالله بس البس عباتي
بدور تصيح بحضن أخوها : مييييييرررررررره تكفون ردو لي مييرررره والله ما أقدر اعيش بدونها تكفووووووون .. حمني تكفى ابي ميرررررررره رجع لي ميرررررررره
عبدالرحمن مسك بدور وقال : بدووور تعوذي من ابليس
بدور ما طاعت تهدى من الانهيار اللي ياها وصاحت أكثر وأكثر
ما خذو أكثر من عشر دقايق الين ما وصلو المستشفى ..
خلود ورا فيصل وعبدالرحمن اللي ماسك بدور وودها للطواري
فيصل : السلام عليكم
الريال اللي بالاستقبال : وعليكم السلام والرحمه
فيصل : نبي ندخل عند الدكتور اختي تعبانه وياها انهيار
الريال : البطاقه اخوي
فيصل : خلود معاج بطاقتها
خلود : من يوم الحادث مدري وين بطاقتها
فيصل : انزين بطاقة الثقه ..؟؟؟
خلود : ولا بطاقة الثقه
فيصل : مب معانا ياخوي دخلها بسرعه
الريال : اسمح لي لااازم البطاقه
فيصل بدا يعصب : ما تشوف البنيه حالتها حاله
الريال : قوانين ياخوي
فيصل سوا له طاف ومشى مع عبدالرحمن لحجرة الدكتور
الريال : ياخوي تريا .. تريا ......
السكيورتي ياه يمسك فيصل بس ما خلاه عبدالرحمن ودخلو مع بدور للحجره
الدكتور وقف بسرررعه : فيها ايه ..؟؟؟
فيصل : انهارت فجأه وبدت تصيح
الدكتور وهو يقول : طيب خليها تنام ع السرير .. من ايه الانهيار
فيصل : اختها توفت من أسبوع
الدكتور هز راسه وقال : حـ شوفها
فيصل : عبدالرحمن يلا نطلع خل خلود اهني
عبدالرحمن : أوكي
فيصل : خلود خلج عند بدور
خلود هزت راسها بالايجاب : أوكي
فيصل طلع مع عبدالرحمن ووقف يدام باب الحجره وقال : الله يهديها شو سوت بروحها
عبدالرحمن بحزن : فراق الأخت مب سهل ياخوي
فيصل : الله يعين معضد وحمدان
عبدالرحمن : الحمدلله للحين معضد قوي
فيصل : وين قوي الله يهديك ما تشوفه منكسر وحالته حاله
عبدالرحمن : الله يشفيه
طلعت خلود وقالت بحزن : بيعطونها ابره ترقدها وبيرقدونها بالمستشفى
عبدالرحمن طالع فيصل وقال : والأوراق ..؟؟
فيصل : ما عليك دام قسم الطواري ما يبغون شي
عبدالرحمن : ندخل ..؟؟
خلود : هي دشو رمسو الدكتور
عبدالرحمن وفيصل دخلو
عبدالرحمن : بشر دكتور ..؟؟
الدكتور : جاها انهيار عصبي شديد أوي .. هي مش بترحم نفسها
عبدالرحمن : الله يهديها
الدكتور : لااازم تكون عندنا تلت ايام على الأئل
عبدالرحمن : سو اللي تشوفونه بمصلحتها
الدكتور : لأن الزاهر هيه بتحتاق لـ رعايه ولازم تنام عشان تنسى شوي .. وما بتاكولش .. حـ ننجبر نركب لها مغزي
عبدالرحمن : أوكي
فيصل طالع عبدالرحمن وقال : دكتور خل يجهزون لها حجره
الدكتور : طيب حـ كلمهم دل وائتي
خلود ماسكه يد بدور اللي حالتها حاله وتقول : حبيبتي اهدي
بدور مسكت بطنها وقالت : من العصبيه بطني بدا يعورني
الدكتور سمع الكلام وطالعها وقال : عندك قولون .....؟؟؟؟
بدور هزت راسها وقالت : اي
الدكتور : هوه لازم ما تاكليش ....!! لأن القولون بيخلي بطنك توجعك من كدا مالكيش نفس تاكلي
بدور هزت راسها وقالت بعناد : اسكتو لا والله اشرد من اهني واخلي سياره تدعمني
الدكتور رفع السماعه بسرعه يتصل بالممرضات يعطونها ابره تنومها
/
.
/
بعد مرور أسبوع ع الأحداث السابقه
مايد رجع من السفر مع مرته وصايف من يوم
ملاك وهي يالسه تتريق ع السفره : لا بس خليتنا نحاتيك
مايد : ملاك تلفوني وغيرته .. خلاااص قلنا لج
ملاك استغربت من اسلوبه وقالت : جان تعطينا الرقم اليديد
مايد : ما تفيجت
ملاك هزت راسها وقالت بسخريه : يعني انشغلت عني ...!!
مايد عقد حياته وقال : هي صح متى توفت ميره ..؟
ملاك : من اسبوع
مايد : الله يرحمها
ملاك : بتروح العزا
مايد : لا لا ما عندي وقت
ملاك وقفت بعصبيه وقالت وهي تطالعه : ترا هذا واجب ياخوي واجب عليك انك تروح وتعزي الريال ..
مايد قال وهو يرد عليها : مالج شغل .. روحي الكليه
ملاك طالعت مرته بقهر ومشت بسررررعه تطلع
وصايف طالعت مايد وقالت ببراءه مصطنعه : اش فيها اختك جذي شابه ضو من الصبح .. تقول ماكلين
حلالها
مايد ابتسم : لا تحاتين حبيبتي انتي اكلي .. هي عصبيه شوي
وصايف ابتسمت وقالت : آها الله يعين اللي بياخذها
مايد وهو يلقم مرته : اكلي حبيبتي
وصايف ابتسمت وقالت : ميووود ما بتطلعني اليوم ...؟؟
مايد : جان تبين هي من عيوني والله .. بس تدرين الشغل صار لي لاهي عنه اسبوعين اخاف اخسر شي
وصايف ابتسمت : لا لا عاد داوم ما ودي أشغلج
مايد : فديت اللي يحاتوني .. الويك اند انشالله بطلعج
وصايف : على طاري الخساير .. انت هالأسبوعين وكلت منو يدير الشركه بدالك
مايد : راشد ريل ملاك
وصايف متخرعه وهي تقول : هذا اللي كنت خايفه منه
مايد : شو ..؟؟
وصايف : مايد انت ما تدري يمكن راشد داش على طمع
مايد : لا ما أعتقد
وصايف : ليييش ما تعتقد وبعدين هو ماله أحد وما عنده بيزات أكيييد داش على طمع
مايد مستغرب : ليييش ..؟؟
وصايف : لأنه تزوج أختك ومن وراها بياكل نصيبها
مايد : لا ما اظن راشد دكتور وماشاء الله الدكاتره لو يجمعون من راتبهم بعد كم سنه بيفتح له مشروع عود
وصايف : حتى ولو هو ما تزوج ملاك جذي أكيييد على طمع ولا شو يبا بها تقول انت عنها عصبيه وعنيده وما تحب حد
مايد ابتسم : مب لهالدرجه عاد هي حبوبه
وصايف : والله انت أدرى وفكر عدل واعرف من يستغلك ومن ما يستغلك
وصايف ابتسمت له ونزلت عيونها تكمل أكل
/
.
/
اريج طالعه : أوكي باي ماما
خالو أمينه : الله يحفظج
اريج : تبين شي ..؟؟
خالو أمينه : لا سلامتج حبيبتي
اريج ضحكت وهي تطلع بعد ما صكرت الباب شافت محمد طالع قالت : صباح الخير
محمد فيه رقاد : صباح النور
اريج ابتسمت : اش فيك راقد ..؟؟
محمد ابتسم وهو فيه رقاد : أمس ما رجعت من برا الا الساعه ثلاث بليل
اريج متخرعه : ثلاااث بليل وناش الحين .. رح نام يابوي أخاف تسوي حادث
محمد ابتسم : لا مولهالدرجه عاد
اريج ابتسمت : أوكي أنا بروح الكليه ..
محمد : مع السلامه
اريج : دير بالك في الدرب
محمد ضحك : انشالله عمتي
اريج ابتسمت له ونزلت من ع الدري كالعاده عشان تحافظ على وزنها ورشاقتها
طالعت سيارة روان ابتسمت وكبت : مرحبا ...
روان : مرحبتين
اريج : شخبارج ..؟؟
روان : تمام الحمدلله انتي شخبارج ؟؟
اريج : تمام
روان : ها اشوووف المزاج أوكي اليوم
اريج هزت راسها وقالت : هي أكييييد شفت حمدووووو
روان : من ذي حمدوووه بعد ..؟؟
اريج تضحك : محمدوووه بس ادلعه
روان تضحك : انزين قولي حمودي حمود حمادي مب حمدوووو
اريج : يما ادلعه انتي اش لج
روان تضحك : ههههه انزين خلاااص
اريج : سألتي عند بدور
روان : اي أمس
اريج : حتى انا اتصلت
روان : حليلها الله يصبرها
اريج : آمييين .. تعالي انتي تحت عيونج من اسبوع هالات ليييش ..؟؟
روان ارتبكت : لا ماشي بس أحس عندي انيميا من الدراسه
اريج هزت راسها : هي باين تدرسين ..!! ولا اقووول انتي شكلج تهذرين طول الليل مع فهد
روان تضحك : الاثنين مع بعض
اريج هزت راسها : الثانيه اشك أنا الأولى لأأأ مستحيل
روان : لهالدرجه طايحه من عينج ..!
اريج : لا .. بس مستحيل روان تدرس ههههه
روان : يعني انتي اللي تدرسين ..!
اريج : هي والله .. أكل الكتب أكل
روان : اقري على نفسج بتحسدين روحج
اريج : قريتي رواية وشلون ما أغليك وانت الذي علمتني حبك ...؟؟
روان : لأأأ أنا وين والروايات وين .. ما أحصل وقت
اريج . آها .. بس يتيمة زايد يابتها صح لما خلت خالد ما يتزوج شهد بنت عمه .. مع ان كل الناس توقعو
شهد بتاخذ خالد بس طلع العكس لأن شهد ما أخذته وبجذي الكل توقعاته طلعت غلط
روان : هههه اقول لج مالي شغل بالروايات والقصص مالج
اريج : بس حلو ان الكل يتوقع شي وانت تخلينه شي ثاني
روان : شي طيب الصراحه
اريج ابتسمت : وصلنا
روان : الحمدلله ما بغينا ههههههه
/
.
/
نور : الله يعينها
عبدالعزيز قال وهو يطالع شوق : انتو اش فيكم ..؟؟ ترا صج انكم بنات
شوق : يعني رفيجتي تعبانه تبيني أضحك
نور : اي صدقها والله محد يقدر يضحك وهو بهالحال
عبدالعزيز ابتسم : لأأأ بس لااازم الواحد يكون ايمانه بربه قوي
نور : مهما كان بس هذا فراق يا عبدالعزيز واللي راح عمره ما بيرجع
عبدالعزيز هز راسه بتفهم وقال : اقووول شوق روحي افتحي سيارتي
شوق ابتسمت مجامله : انشالله من عيوني
عبدالعزيز عطاها السويج وقال : شوي شوي عليها
شوق مشت : من عيوني تامر أمر
نور ابتسمت عشان تلحق شوق ويركبون السياره : ما بغينا نتحرك ..!
عبدالعزيز : نور ..؟؟
نور لفت بسرعه وقالت مستغربه : هلأأأ أمر
عبدالعزيز ابتسم وقال : ما يامر عليج عدو.. بس بغيت أقول لج ان شوق وايد متأثره
نور : اي كثير
عبدالعزيز : أخاف هالشي يأثر على معدلها بآخر السنه
نور ابتسمت : لا من هالناحيه لا تحاتي شوق ما في أحسن منها بالدراسه
عبدالعزيز بشك : أكيييد
نور : اي والله أكيد يا عزوز
عبدالعزيز ابتسم بارتياح وقال : زين طمنتيني
نور : والحين ممكن تودينا يا ابن خالتي العزيز
عبدالعزيز ابتسم وقال : نعم ..؟؟؟؟
نور : يا الأخ ترانا تأخرنا كثير ممكن تستعجل شكلك رايق مره اليوم
عبدالعزيز ضحك وهو يقول : أوكي أوكي يلا امشي
نور مشت يدامه
عبدالعزيز : نور ..؟؟
نور لفت وقالت : نعم ..؟؟
عبدالعزيز باستهبال : طولانه ..!
نور : لا والله ..! تتريق حضرتك في أحد يوصل لفوق الثمنتعش ويطول وهذاني صاكه الواحد والعشرين
عبدالعزيز يضحك : بــــــــــل يا عجيييييييييييز صكيتي الواحد والعشرين
نور : عبدووو يلا امشي ترا والله تأخرنا
عبدالعزيز يضحك ويقلدها بالسعودي : لا بس سمعت ان انتي الوحيده بالعالم طولك ما يوقف تطولي باستمرار
نور ابتسمت : لا والله اقووول امشي يلا تأخرنا
عبدالعزيز طالع شوق وقال : خل الحق على سيارتي الحلوه قبل لا تروح فيها
نور تضحك : هذا وانت عندك معرض سيارات أجل اللي سيارته شاريها بتمويل من البنك وشهريا أقساط ايش يسوي ...!
/
.
/
ملاك بحزن : والله ياراشد متغير ومتغير حييييل بعد
راشد ابتسم يخفف عليها : حبيبتي انتي اش دراج ..! يمكن يكون مشغول ولا عنده شي شاغل باله
ملاك : بس مايد متغير وايد يا راشد وايد
راشد : انشالله بيرجع مثل أول يا ملاك
ملاك : بعد شو ...! ومتى ..؟؟؟
راشد : ملاك انشالله يرجع مثل أول ويمكن ضغوطات بالشغل
ملاك : بس هو يعاملني بطريقه ثانيه يا راشد مررررره اسلوبه غيررررررررر
راشد : انتي الله يهديج تتحسسين من أتفه الأشياء يا ملاك
ملاك : ألحين هذا جزاي أشكي لك
راشد : بس انتي الله يهديج افهمي الأمور قبل وبعدين تكلمي
ملاك : كل هذا من أم السحور زوجته
راشد : استغفر الله يا ملاك استغفري ربج يمكن البنيه مالها شغل بالسالفه
ملاك : لا مستحييييل أنا أعرفها عدل من يوم ما خذته ومايد متغير علينا عدل
راشد : يا حبيبتي ترا ظنج بالناس حراااام .. وديرررري باااااالج ان طلعتي منج كلممممه منا ولا منا عنها
ملاك : رااااشد اش فيك .؟؟
راشد : لا تردييين عليها ما تعرفين باجر شو بيصير
ملاك : لأأأ لأأأ جذي عآد لأأأ أنا ما أقدر لااازم أرد
راشد : حبيبتي اهدي انتي وطولي بالج ترا الصبر زين
ملاك بيأس : لي متى بصبر يا راشد لي متى ..؟
راشد : انتي ادعي له وان شاء الله يرجع أحسن من أول بعد
ملاك بحزن : راشد ودي أشوووفك
راشد : حبيبتي وأنا بعد ودي أشوفج بس شسوي بعد ربع ساعه البريك بيخلص
ملاك : يعني ...؟؟
راشد : أنا مشغول بالدوام وانتي بالدراسه أجلي الطلعه للعصر
ملاك : ها شورك ..؟؟
راشد : هي
ملاك باستسلام : يلا بشوفك العصر .. مع السلامه
راشد ابتسم : زعلتي ..؟؟
ملاك : لأأأ لييش أزعل
راشد : امبلا انتي زعلتي ..؟؟
ملاك : راشد والله ما زعلت بس نفسيتي متضايقه وتعبانه شوي
راشد : خلاااص بشوفج العصر انشالله ووقتها بنحل كل شي
ملاك : انشالله .. والله احس المشاكل من كل صوب اعوذ بالله
راشد : انتي اهدي الحين وروحي الكليه وقعدي مع ربيعاتج والعصر يصير خير
ملاك : أوكي
راشد ابتسم : ملااااك ..؟
ملاك بحزن : هلأأأأ
راشد : أحبج ...!!
ملاك ابتسمت رغم الألم اللي بداخلها قالت بهمس : وأنا بعد ....
وعلقت المكالمه بدال لا تسده بويهه خلته يتفاجئ بنغمة اتصالات <<< تعجبني ..!!
راشد طالع الموبايل وضحك : ههههه شكلها صدق ما تعرف الله وين حاطها ...!! الله يهديها الموضوع ما
يستاهل انها تسوي بروحها جذي .. بس بعد هذا أخوها الوحيد وتيي وحده تغيره ..! بعد مب حلوه بحقها الله يستر من الحريم اللي مثلها مكر وحسد الله يبعدنا عنهم
/
.
/
الساعه تسعه ونص الصبح .. الكل قاعد في الصاله اللي تحت يتريق
أم معضد : زقرتي بدور ...؟
خلود وهي تتريق : هي ماما زقرتها
أم عبدالرحمن : وينها عآد تأخرت
خلود : تبوني اروح اشوفها
أم عبدالرحمن : لا لا خلج انتي واكلي حبيبتي بروحها بتيي الحين
ام معضد : ذاك الأسبوع نوموها يومين الله يهديها والسبب قلة الأكل ونقص التغذيه الحين ناويه تذبح عمرها هالبنيه
أم عبدالرحمن : الله يهديها بس
وفاء بنت عم معضد : والله حرام عليها ترا مب زين تهلك عمرها
أم عبدالرحمن : شنسوي يا بينيتي تعبنا ونحن ننصحها ونقول لها
وفاء : لااازم أحد تحبه يكلمها
أم عبدالرحمن : رفيجاتها .. ومب مقصرين .. كل يوم يتصلون فيها حليلهن
وفاء : أخوها انزين ..!!
أم عبدالرحمن : وين ..؟؟ هي وعبدالرحمن ما عاشو مع بعض وايد .. أكثر شي مع ميره حتى لما ميره الله يرحمها تزوجت بدور يت معاها اهني تدرس
وفاء هزت راسها وقالت بحزن : الظاهر كانت متعلقه فيها وايد
خلود وهي تاكل : فوق ما تتصورين
فيصل وهو نازل : دررررررب دررررررررب
خلود : انزل انزل محد غريب
فيصل ابتسم : صباح الخير
الكل : صباح النور
فيصل : خلود سوي لي سندويشه ع السريع لأني بروح ..
أم معضد : وين بتروح يما ..؟؟
فيصل : بزور حمدانووه
أم معضد : وه فديته .. بيي معاك ..
فيصل : ماما بروح وبرجع لكم .. وانشالله العصر بوديكم كلكم
أم معضد : بس ودي اروح اشوفه الحين
فيصل : تريي ماما العصر بخليج تروحين له
أم معضد : انزين
خلود عطته : يود ماشي غير لبنه
فيصل ابتسم : يمشي الحال وبعدين انتو روحكم هلكانين .. يادوب هالأسبوع زحمة البيت خفت
خلود : هي وين فينا ع الطباخ
وفاء ابتسمت : هي صح عمو ترا ماما قالت لا تطبخين اليوم لأن بتسوي لكم غدا
أم معضد : ماله داعي حبيبتي .. تكلف ع عمرها
وفاء : لا عموتي وين تكلف ع عمرها واجب ها
فيصل وهو يمشي : يلا مع السلامه
أم معضد وأم عبدالرحمن : الله يحفظك
خلود : هذي بعدها ما نزلت
أم عبدالرحمن : سيري خلود ازقريها
خلود : أوكي عمو الحين بزقرها
خلود وقفت : وفاء تعالي
وفاء : لأأأ انتي سيري روحج يمكن البنيه تعبانه ولا شي
خلود : لالا تعالي يمكن نفسيتها تتغير شوي
وفاء وقفت : أوكي
أم معضد : حاولو معاها بنات
خلود : أوكي ماما
أم عبدالرحمن وهي تشوف البنات يروحون : والله مسكينه هالبنيه
أم معضد : الله يعينها
أم عبدالرحمن : معضد وينه ..؟
أم معضد : يسهر الليل ويرقد في الصبح
أم عبدالرحمن : الله يعينه ويصبره
أم معضد : آمييين يارب
أم عبدالرحمن : مسكين حمدان ..
أم معضد : هي يحليله بيتربى بدون أم ويتيم
أم عبدالرحمن : نحن يداته وين رحنا .. لاااازم نتحمله ونربيه
أم معضد وانتي الصادق بس نحن لي متى بنعيش .. باجر الولد بيكبر ويحتاي أحد ينصحه
أم عبدالرحمن بحزن : بنات البلاد كثار ماشالله وهذيل بنات عمه ماشالله .. ومعضد توه صغير
أم معضد مستغربه : انتي اللي تقولين هالكلام يـ ختي ...!
أم عبدالرحمن : هي أنا يـ أم معضد .. وهذا كلام الحق ... معضد لي متى بيعيش وحداني يباله وحده تدللـه
وتشوفه وتربي ولده
أم معضد : ما ظنتي يـ ختي .. ما ظن معضد يوافق ياخذ وحده من بعد ميره الله يرحمها
أم عبدالرحمن بحزن : باجر بتمر الأيام وتمر .. نحن بننساها ومعضد بينساها .. بس أكيد بنشتاق لها وايد
أم معضد هزت راسها بتفهم وقالت : ادعي لها بالرحمه حبيبتي
فوق عند خلود
خلود ابتسمت : صباحج عسل
بدور بابتسامه باهته : صباحج قشطه وجبنه
خلود دخلت : عندي لج سبرايز
بدور : وشو ..؟؟
خلود : ادخلي فوفو
دخلت وفاء مبتسمه : حسستيني اني فوفو عبدو هههههه
بدور ابتسمت وقالت : وفاااااااااء ...!
وفاء دخلت : هي وفاء
بدور : يا هلاأأ
وفاء تجدمت وسلمت على بدور : شخبارج حبيبتي ..؟؟
بدور بحزن : مثل ما هو ...!
وفاء : لاأأأ لأأأأ عآآآد مب جذي انتي يبي لج شويه بلاشر تورد خدودج المصفره وبودره تخفي الهالات
بدور بحزن : وين لي بارض لـ هالأشياء
وفاء طالعت خلود وقالت : شكلنا يينا بوقت غير مناسب
بدور : لا بالعكس زين ييتو .. قاعده بروحي
وفاء : شكلح توج طالعه من الحمام
بدور ابتسمت وهي تطالع شعرها المبتل : اي توني تسبحت قلت أفطر عقبها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك