رواية خليجيات في الامارات -35
ضاري : ما عرفتينا عليهم ..؟؟؟
الهنوف : هذي رواية بسمه من شفاتك تموتني وتحييني
ضاري ضحك بسخريه : ههههههههههه
الهنوف : ويه اش فيك ضاري ..؟؟؟؟؟
نور تضحك : اش فيك ..؟؟
ضاري : ع بالي وحده صج متضاربه مع أخوها ولا زوجها وأقول من هذي ههههههههه
نور : لا ياشيخ هذي روايه هههههه
ضاري : اشوه ع بالي أحد متضارب
الهنوف : لا لا الحمدلله
ضاري يشوف الدفتر توه بيتقرب يقرا اش مكتوب فيه
الهنوف سحبته بسرعه
ضاري : عطيني الدفتر
الهنوف : لأأأأ
ضاري : اقول عطيني الدفتر
الهنوف : قلت لك لأأأ
ضاري : قلت لج عطيني وبعدين اش فيه ..؟؟
الهنوف : اش فيه يعني اكييد مسائل
ضاري مستغرب : مسائل ماشالله .. مسائل ها ومخترعه جذي
نور : اي ضاري الله يهديك وبعدين الدفتر هذا مكتوب فيه كلام يدور بين بنات يعني عيب تشوفه
ضاري بسخريه : لا والله ...! كلام بنات وهذي تقول مسائل
نور : ضاري عشان خاطري مالك شغل بالكلام وبعدين اشلون تشك فيها وأنا معاها ..!
ضاري بسخريه : مو بعيده انتي معاها
نور طالعتها وهي مستغربه من اسلوبه الخايس وقالت وهي فيها الغبنه : الله يسامحك
الهنوف : نــــــــــور
نور سوت لها طاف وصعدت عسب تروح لحجرتها
الهنوف : ارتحت الحين بعد ما قطيت هالكلام ...؟؟
ضاري ما رد ع الهنوف وصعد ..
الهنوف : استغفر الله العلي العظيم
الهنوف وهي تلم الأغراض عسب تروح لحجرتها شافت عبدالعزيز نازل وهي نص نايم
الهنوف ابتسمت : شـ مصحيك ..؟؟
عبدالعزيز : يعت
الهنوف ابتسمت : احط لك شي تاكله
عبدالعزيز : اي ياريت
الهنوف : خلاااص من عيوني الحين بروح بشوووف لك شي تاكله
عبدالعزيز مستغرب : اي اش فيهم هذيل كل واحد معصب
الهنوف ابتسمت وقالت : ماشي الظاهر كالعاده ضاري يلعوز نور هههه
عبدالعزيز : اوكي روحي حطي لي شي أكله لأني باجر الفير بطلع
الهنوف : أوكي
الهنوف مشت عسب تروح المطبخ التفت وراها الا وعبدالعزيز يفتش الدفتر
الهنوف وهي مرتبكه يالله هذا لييش يفتشه ليكووون ضاري قال له شي ياربي لأأأأأ والله بيذبحني ..! بس أنا اش دخلني اهيه اللي كتبت هالكلام ..
بروح احط له شي احسن لي
الهنوف وهي تحط الفطاير اللي بقت بعد العشا في صحن وتطلع له عصير من الثلاجه بعد ما خلصت طلعت بسرعه ومعاها الأكل
الهنوف : عزوز أكلك
عبدالعزيز شاف يدامه ع الطاوله وقال : ما في شي ثاني أكله
الهنوف : لأأأ العيش خلص ما بقى منه
عبدالعزيز : مرقه انزين ...؟؟؟
الهنوف ابتسمت وقالت : اكل فطاير احسن لك من هالسوالف الا ما وراها الا الكوليسترول وارتفاع ضغط الدم
عبدالعزيز : انزين روحي حطي لي لبن من اللي يابوه من المزرعه
الهنوف ابتسمت وقالت : بدوي
عبدالعزيز ضحك وقال : بسرررعه
الهنوف الحمدلله للحين ما شاف هالصفحه ولا كنت بروح فيها والله يلا اروح اييب له من اللبن عشان أخذ الدفتر
الهنوف وهي تصب اللبن في القلاص طلعت بسرعه وعطته لـ عبدالعزيز
عبدالعزيز حط الدفتر ع الطاوله وبدا ياكل من الفطاير
الهنوف سحبت الدفتر بسرررعه وقالت : اييب لك شي ثاني
عبدالعزيز : لا مشكوووره
الهنوف : اسوي لك سلطة فواكه ..؟
عبدالعزيز : لالا ما بي يكفي
الهنوف : أوكي .. تبي شي ثاني ..؟؟
عبدالعزيز : لا روحي نامي
الهنوف : أوكي .. يلا تصبح على خير
عبدالعزيز : وانتي من أهله
/
.
في المستشفى
معضد وهو رايح وراد يدام باب حجرة العمليات
عبدالرحمن مسك يد معضد وقال : استريح ياخوي ترا مب زين اللي قاعد تسويه ادعي لها
معضد وهو حابس الدمعه : الله يقومها بالسلامه
فيصل شاف أم ميره شكلها ما يطمن قال : خالتي اوديج تفحصين الضغط ..؟؟
أم ميره : لا ولدي ... زينه أنا بس بنتي تقوم بالسلامه
فيصل : أمييين
أم ميره : يا بوي مو جنه الدختر تأخر ..؟؟
عبدالرحمن يطالع الساعه قال : صار لهم أكثر من ثلاث ساعات ..؟؟
فيصل : أكيييد العمليه صعبه بس انشالله تنجح
أم ميره : انشالله
أم معضد وهي تدعي : الله يقومها بالسلامه يارب ويعطيها الصحه والعافيه
بدور يلست ع الكرسي وقالت : خلود تعالي ..؟؟
خلود يت قريب بدور وقالت : نعم ..؟؟
بدور : تعالي نروح نسأل ذيج الممرضه كيف الوضع داخل
خلود : انتي اهدي حبيبتي وانشالله ما يصير الا كل خير
بدور : آمييين
طلعت وحده من الممرضات
بدور وقفت وتجدمت عنها بسرعه وقالت : كيف ميره الحين ..؟؟؟
الممرضه : بعد شوي الدكتور بيطلع
بدور : بتنجح ..؟؟
الممرضه وهي حالها ما يسر ابد : انشالله
بدور : كيف يعني ..؟؟
الممرضه قالت وهي رايحه : بعد شوي الدكتور بيطلع
بدور تجدمت ويلست مره ثانيه وقالت : كم باقي ...؟؟
عبدالرحمن واقف يمب معضد قال : شوي انشالله شوي
أم معضد : ولدي فيصل سير ازقر الدختر الثاني ..
فيصل : أمي بتنجح العمليه انشالله بس انتو اهدو
فجأه ياه اثنين من الدكاتره وهم يركضون ..
معضد شافهم يركضون اتخبل وتقدم بسرعه من واحد وقال وهو يمسكه : خير دكتور ...؟؟
الدكتور قال بسرعه وهو يدخل : انتظرو اهني
يت الممرضات وراه وهن يركضن
معضد حس روحه بينجن قال : شو صار بها حرمتي ...؟؟؟؟
وحده من الممرضات قالت : ما فيها الا كل خير تريا اهني
عبدالرحمن مسك معضد وهو يهديه : هد ياخوي هد
معضد سند راسه ع الجدار وهو يقول : ميره بتقوووووووم ....!!
فيصل طالعه مستغرب وقال لـ عبدالرحمن : معضد تعبان
عبدالرحمن هز راسه وهو يقول : انشالله بتقوم يا جماعه لا تحاتون
أم معضد : معضد يما تعال اقعد
معضد هز راسه وقال : خلوني واقف
خلود طالعت اخوها حسته طفل ما يفهم برئ يدور على أمه اللي ضيعها بالسوق وهو يلعب .. سرحان تعبان حاله ما يعلم به غير رب العالمين
طلع واحد من الدكاتره وعلامات الحزن مرتسمه على ويهه وشكله ما يطمن
معضد مسك يده بسرعه وقال : بشر دكتور ..؟؟
الدكتور بحزن : الطفل ميت من الصبح بس مابان في التخطيط
بدور وقفت بفرح وقالت : يعني اختي بخير
الدكتور هز راسه وهو يقول : الدوام لله
بدور صرخت وهي تقعد ع الأرض : لأأأأأأأأأأأأأأأأأأأأأأ أخـــــــــــــــتــــــــــــــــــــــــــــي
معضد رجع لورا لليدار وسند عليه وهو يصيح كأنه طفل ومب مستوعب اللي صار
فيصل تقدم من أخوه والدمعه محتبسه بعيونه ضمه بقوه يخفف عليه
عبدالرحمن راح قعد على الكراسي وحط يدينه على ريله وضم راسه
أم ميره وهي تصيح : بنتي رااااحت ... ميـــــــــــره رااااحت
خلود قعدت وسندت راسها على كتف أمها اللي قاعد تصيح من شدة الألم والحزن
بدور وهي تصيح وقاعده ع الأارض : ميررررررره ارجعي ميره .. ميره دخيلج لا تتركيني بروحي .. ميره
تعودت عليج والله ... ميره تعـــــــــالي حاسبيني موتيني ميره والله أحبج موووووووووت ميرررررره ..
معضد تساند بصعوبه وخذا سويج سيارته ومشى بسرعه كأنه يجري
فيصل الوحيد اللي انتبه له لأن البقيه حالهم ما يسر
فيصل وهو ينادي : معضد .. معضـــــــــد
معضد ما رد عليه ومشى بسرعه لسيارة أبوه وفتحها
معضد شاف ابوه داخل في الدرب ..
ابو معضد مستغرب : خير فيصل
فيصل وقف وهو يقول بسرعه : ابوي ميره توفت ومعضد من سمع الخبر شل عمره وطلع للسياره أخاف يسوي بروحه شي
بو معضد ما اهتم لولا كلمه قالها فيصل .. غير ميره توفت
بو معضد دمع وهو يسند ع اليدار وقال : ميــــره بنتي ...!
فيصل ما سمع ابوه ومشى ورا معضد قبل لا يسوي بعمره شي
فيصل يصرخ : معضد .....؟؟
معضد حرك السياره .. فيصل جرى لسيارته وشغلها ولحق معضد
داخل المشفى
حمدان يطالع الممرضه : نادي بابا
الممرضه ابتسمت وقالت : الحين بييون حبيبي
حمدان يتكلم بصعوبه وحلجه عوي : وين بــدول
الممرضه ابتسمت : الحين بتيي حبيبي
حمدان : وديني ليهم
الممرضه : أوكي انت تريا والحين بوديك
<<<
بدور قاعده تصيح بمراره وهي حاضنه أمها
أم ميره قالت بصعوبه : بنتي ميره ... يا حسرتي والله ما تهنت بشبابها
عبدالرحمن وهو متألم : يما الموت حق ما يعرف لا صغير ولا كبير
أم ميره تصيح أكثر
عبدالرحمن قال : بدور خذي الحريم وروحي في الانتظار
بدور تصيح : مابي .. بنطر اختي اهني الين تطلع
عبدالرحمن شاف بالفعل ماشي فايده .. مشى لـلدكاتره وهو بقمة حزنه
>>>
فيصل وهو يزيد السرعه ويلحق معضد
بس معضد تجاوزه
فيصل وهو ينزل الجامه : معضـــــــــــد
بس معضد وين يسمع بهالسرعه
فيصل حاول يتجاوزه ويخليه يوقف
معضد بدا ينحرف عن الدرب
فيصل هرن له أكثر من مره ..
معضد دخل في الرمله ووقف السياره
فيصل راح ووقت يدام سيارته
معضد نزل راسه ومسك السكان بقوه
فيصل فتح الباب وقال : الله يهديك اش سويت ..؟؟؟
معضد نزل راسه وهو حزين : بروح للمكان اللي دعمنا فيه
فيصل : كييييف تسوووووووق وانت يدك مكسوره شو تخبلت ..؟؟ اصلا ما يصير احمد ربك ان ما طلعت جدامك سياره ولا جان رحت فيها كيييف تتحكم بيد وحده
معضد نزل راسه بحزن وقال : ليتني رحت معاها
فيصل مسك معضد وهو ينزله : ياخوي حرام اللي تسويه
معضد بدت دموعه تنزل فيصل ركبه سيارته وقال : ما ينفع تسوق بهالحال ياخوي يلا نروح المستشفى
معضد : ما أقدر يا فيصل
فيصل مستغرب : كيف ما تقدر
معضد يصيح : ما اقدر اشوفها يا فيصل ما أقدر أنا السبب
فيصل وهو يحرك السياره : الله يهديك يا معضد .. هذا يومها والموت حق
معضد وهي حزين : بس هذي حرمتي يا فيصل أم عيالي
فيصل قدر موقف أخوه وسكت وقال : يلا نروح نشوف اش صار
معضد ما قدر يسمع ولا كلمه من فيصل لأن كل كلمه تذكره بزوجته مثل السكاكين اللي تدخل بصدره
معضد نزل راسه وهو يقول : ان لله وانا اليه راجعون
معضد مد يده للمسجل يشغل أحمد العجمي عسا أخوه يهدا بالصوت العذب لهذا القارئ
معضد وهو يسمع الآيات بدت دموعه تنزل أكثر وأكثر لأن القرآن يهدئ الواحد ويخليه يرتاح نفسيا وصوت أحمد العجمي من أروع الأصوات اللي سمعتها للحين بحيآتي ..!
فيصل دمع وهو يشوف أخوه بهالحال .. وهناك ميره أم حمدان خلااااص فارقت الحياه .. والحين هي بعالم
ثاني غير عالمنا عسا ربي يسكنها بفسيح جناته
<<<
>>>
مر يوم كامل على وفاة ميره ..
معضد حالته حاله وأهل ميره أكثر وخاصتا بدور أختها عاشت معاها بالحلوه والمره تتذكر كل شي صار بينهم كل شي دار بينهم ... أحلى لحظات حياتها واليوم أتعس أياااام حياتها
عبدالرحمن يطالع معضد بحزن : خلاااص بترجعون اليوم
معضد هز راسه وقال كلمه وحده : هي
عبدالرحمن شاف فيصل : وحمدان ...؟؟
فيصل : بننقله مستشفى التوام في العين
عبدالرحمن : خلصت الأوراق
فيصل هز راسه : هي خلصت وكلمت الحريم يتجهزون
عبدالرحمن : والجثه
فيصل : في البدايه ما رضو يعطونا اياها بس بعد الاجراءات خلاااص بينقولونها معانا بالاسعاف
عبدالرحمن : خلاااص انا باخذ أمي وخالتي والبنات
فيصل : أوكي وانا بطلع مع ابوي وحمدان لأنه لااازم نراقبه لما نوصل المستشفى
عبدالرحمن : خذ أختك عاد أحسن
فيصل هز راسه : انزين يكون أحسن عسب تدير بالها عليه عدل
عبدالرحمن : و معضد ..؟؟؟
فيصل : ما بيرضى أكيد بيصر يركب سيارة الاسعاف مع ميره الله يرحمها
عبدالرحمن شاف معضد وقال : معضد اش قلت ..؟؟؟
معضد والحزن عام ويهه : أنا شو ..؟؟
عبدالرحمن : لاا خلاااص
في الفندق
بدور يالسه تصيح
خلود مسحت دموعها وقالت لميره : ميره خلاااص تراني والله كل ما تصيحين أصيح معاج
بدور وهي تمسح دموعها : خلووود ميروووه راااحت خلاااص ميروه ما بترجع لنا مره ثانيه
خلود مسحت شعر بدور وقالت : ادعي لها بالرحمه
أم معضد يت وضمت بدور وقالت : بنتي روحي هدي أمج ترا والله مب طايعه تهدا
بدور وهي تمسك أم معضد بقوه وتصيح : خالتي خليكم معانا
أم معضد : هي بنتي ما بنودركم
بدور : بروح بشوف أمي
خلود تطالع أمها وهي تصيح : متى بيدفنونها
أم معضد : بعد صلاة العصر
خلود تطالع الساعه : نحن الحين الساعه 11
أم معضد تسمح دموعها : يبي لنا وقت لما نوصل العين
خلود هزت راسها وقالت : بروح بجهز اغراض الكل كلهم تعبانين
أم معضد : بارك الله فيج
/
.
/
ملاك منصدمه : ها .............؟؟
راشد : توفت اليوم الفير
ملاك : انا لله وانا اليه راجعون
راشد : أمس الفير الساعه هنتين
ملاك تصيح : الله يرحمها
راشد مسح على شعر ملاك : ادعي لها بالرحمه
ملاك تمسح دموعها : ميره توفت راشد .....!
راشد هز راسه وقال : الموت حق يا ملاك ..
ملاك تصيح : بدور شخبارها ..؟؟
راشد : ما أدري اتصلي فيها
ملاك هزت راسها وقالت : هي بتصل فيها
راشد : كلمي رفيجاتج
ملاك تمسح دموعها : انزين
راشد : أنا بروح بكلم الوالده
ملاك : انزين
راشد طلع وهو حزين .. لأنه من النوع اللي يتأثر وقلبه يعوره لا سمع عن خير وفاة أحد
ملاك وهي تتصل على نور
نور ردت : هلا ملاك
ملاك وهي تصيح : ميره توفت
نور منصدمه : شـ تقولين ..؟
ملاك تصيح : ميره توفت أمس وهم يسوون لها العمليه
نور نزلت دموعها وهي تقول : انا لله وانا اليه راجعون
ملاك مسحت دموعها وقالت : قلت أخبركم .. يلا مع السلامه
نور بدون ما ترد من الصدمه صكرته
دخلت شوق وهي تقول : نور تعالي نتريق
نور حضنت ريولها وبدت تصيح
شوق تقدمت وقالت : نور اش فيج
نور : ميره
شوق حطت يدها على حلجها وقالت : لأأأأأأأأأأأأأأأأأأأ تقولين
نور بدت تصيح أكثر
شوق يلست تصيح وهي تقول : الله يرحمها
/
.
/
روان قاعده وتصيح : اي اليوم العصر دفنوها
اريج مسحت دموعها : شخبار بدور الحين ..؟؟
روان : والله ما أدري
اريج : نتصل فيها
روان : قريب المغرب اتصلي توهم اكيد دفنوها
اريج مسحت دموعها وهي تقول : كلنا يوم من الأيام بنلحقها
روان مسكت راسها وهي تصيح : اريج راسي بدا يعورني
اريج قالت وهي تصيح : الله يهديج من الصبح وانتي تصيحين ومب ماكله شي
روان : لأأأأ ما أدري اش فيني
اريج : لحظة بسوي لج نسكافيه تشربينه
روان : أوكي بسرررعه لأن بينفجر
اريج : انزين
روان شافت تلفونها يرن ردت وقالت : آلو
ملاك بحزن : هلا روان
روان تتألم : هلا ملوك
ملاك : بتروحون العين ..؟؟
روان : اليوم ما يصير
ملاك : لييش ..؟؟
روان ماسكه راسها : ملاك راسي مدري اش فيه بكلمج عقب
ملاك : انزين كلميني
روان : أوكي
اريج يايه : هاااه كيف الحين ..؟؟
روان تاخذ الكوب : بعده مدري اش فيني ..!
اريج : يلا نروح المشفى عشان تفحصين
روان : لاأأأ خليني جذي بس لو زاد بروح انشالله
اريج وهي تمسح دموعها : لااازم باجر نروح العين
روان وهي تصيح : الله يهديهم لييش ما يو دبي
اريج : اهلهم كلهم في العين ما يصير وبعدين قالو بينطرون الين العصر لأن اخوانها وعمامها اللي بقطر بييون اليوم عشان يدفنونها
روان : الله يرحمها
اريج : اتصل في بدور
روان : والله ما ودي أقول لج لأأأأ بس أكيييد الحين مشغولين وحالتهم حاله
اريج : الله يعينهم ويصبرهم على فراقها
روان : آمييين
اريج تمسح راس روان وتقول : اشلونج الحين ..؟؟
روان : بعدني بس يلا ارجع البيت وأكون أحسن
اريج : تبين بندول ..؟؟
روان : لا لا توني بلعت حبتين
اريج : اقول لج نروح المستشفى ..؟؟
روان : لأأأ ما فيني الا كل خير
اريج : الله يهديج
روان تمسح دموعها من الألم والحزن بنفس الوقت : تدرين لو اني مكان بدور جان الله العالم بحالتي
اريج دمعت وهي تقول : ميره كانت وايد زينه
روان : الله يرحمها ويذكرها بالخير
/
.
/
ملاك : متى بتوديني ..؟؟
راشد : باجر انشالله
ملاك : ما يصير اليوم ..!!
راشد : يصير بس أكيييد بيتهم زحمة وحالتهم حاله
ملاك : بس الأحسن انه نروح اليوم
راشد : خلاااص عيل رمسي الوالده ونطلع بعد صلاة العصر
ملاك : بكلم ربيعاتي ..؟؟
راشد : هي بالمره كلكم روحو رباعه لأني شفت عبدالعزيز اليوم وقال انه فاضي
ملاك : خلاااص بكلم البنات عسب الكل يروح اليوم
راشد : أوكي عاد أنا بروح برتاح شوي
ملاك : أوكي
راشد : كلمي الوالده تتجهز
ملاك : انشالله
ملاك صعدت لفوق شافت أمي فاطمه يالسه تصلي الظهر .. تريت الين ما تسلم وبعد ما سلمت
ملاك : تقبل الله
أمي فاطمه : منا ومنج صالح الأعمال
ملاك : أمي تجهزي بنروح العزا عقب صلاة العصر
أمي فاطمه بحزن : انشالله امي
ملاك دخلت حجرتها وبدت تصيح
أمي فاطمه دقت الباب
ملاك : ادخل
امي فاطمه دخلت وتجدمت عن ملاك وقالت : أمي يوم نروح هناك لا تصيحون وتصارخون ترا الميت يتعذب
ملاك وهي تمسح دموعها : انشالله أمي
أمي فاطمه وهي تمسح شعر بنتها : غير جذا بدور المسكينه تبا أحد يوقف معاها
ملاك : هي صح
أمي فاطمه : عاد يوم انتو بتصيحون وتصارخون من بيوقف معاها وبيواسيها
ملاك وهي تمسح دموعها : أمي أكلم البنات ..؟؟
أمي فاطمه : هي لااازم عسب كلهم يروحون هذا واجب
ملاك : انشالله بكلمهم الحين
أمي فاطمه : يلا انا بروح بكمل صلاتي بعدني ما صليت النوافل
ملاك : الله يتقبل منج مقدما
أمي فاطمه ابتسمت : صليتي ..؟؟
ملاك : لأأأ بس اتصل ع البنات وأصلي
امي فاطمه : صلي يا بنتي ترا ما بينفعج ولا شي بهالدنيا غير عملج الصالح
ملاك : انشالله يما
أمي فاطمه طلعت ملاك مسحت دموعها وهي تتصل على نور
نور ردت بحزن : هلا ملاك ..
ملاك : هلا نور اشحالج ..؟؟
نور : بخير الحمدلله انتي شخبارك ..؟
ملاك : بخير .. شخبار شوق ..؟؟
نور : بخير الحمدلله بس بعدها تصيح
ملاك : حاولي تهدينها
نور : والله قاعده احاول بس ما ينفع معها
ملاك : انزين أنا وأمي بنروح مع راشد العين بتييون ..؟؟
نور : والله مدري بس خالتي اليوم كانت قاعده تقول لـ عبدالعزيز نروح نعزيهم
ملاك : خلاااص عيل انتي اتفقي مع عبدالعزيز ونحن بنطلع بعد صلاة العصر
نور : طيب ما عليك أنا بكلم خالتي وبعدين لزوم نروح
ملاك : اي هذا واجب
نور تمسح دموعها : يلا مع السلامه حبيبتي
ملاك : مع السلامه
ملاك بعد ما صكرت من عند نور .. اتصلت على روان
روان : آلو
ملاك : اهلين روان
روان : هلا ملاك
ملاك : اش فيه صوتج ..؟؟ تعبانه
روان : لأا بس ماسكني وجع بالراس وغير جذي أحس عمري متضايقه
ملاك : أكييد في أحد يسمع خير جذي وما يتضايق ويصيح
روان : اي والله
ملاك : المهم نحن كلنا بنروح العزا اليوم
روان : أوكي أنا بس احس عوار راسي يخف بقول للسواق يودينا أنا واريج
ملاك : هي خذي اريج معاج
روان : أوكي
ملاك : روحي المشفى انزين
روان : لا بس ارجع البيت بحس عمري مرتاحه
ملاك : على راحتج حبيبتي
روان : يلا مع السلامه
ملاك : مع السلامه
اريج تطالع روان : ها بنروح ..؟؟
روان : اي
اريج : بكلم ماما
روان : أنا بكلم خالو أمينه وبعدين اهيه كاانت أكثر وحده تعرف ميره
اريج هزت راسها وقالت : الله يغمد روحها الجنه
روان : أريج أنا بكلم أمج وبرجع بيتنا
اريج : لا اقعدي عندنا للعصر ونطلع من اهني
روان : ياليت والله بس راسي بينفجر
اريج : خلاااص عاد ارتاحي والعصر بنطلع
روان : أوكي
/
.
/
معضد دخل وهو لاف الغتره على راسه بطريقة مهمله جدا
معضد قال وهو يمشي بهدوء : السلام عليكم
كل اللي في الصاله من أهله ردو : وعليكم السلام
معضد مشى عشان يصعد بدون ما يقول أي كلمه أو يلتفت على أي أحد يالس ما سمع الا صوت أمه وهي
تتجدم منه ومسكت رده
أم معضد وهي تصيح : دفنتوها يما ..؟؟
معضد وهي حابس دموعه : هي أمايه
أم معضد حضنت ولدها وهي تقول : الله يرحمها يارب
معضد مسح راس أمه بحزن وقال : كل انسان له يوم يا أمي وكلنا بنموت
أم معضد شافت ولدها شكله مره حزين وقالت : روح ارتاح يما لأن بعد شوي الناس بييون يعزونك .. ارتاح شوي وانزل عقب ساعه
معضد هز راسه بحزن وقال : انشالله أمي
تقدمت مرت عم معضد منهم وقالت : أحسن الله عزاك يا بوحمدان
معضد نزل راسه وقال بحزن : الدوام لله عمتي
مرت عم معضد : يابوي روح ارتاح .. شكلك تعبان
معضد : انشالله يلا عن اذنكم
أم معضد : روح يما
مرت عم معضد : الله يصبره ..
أم معضد بحزن : آمييييين
مرت عم معضد : يحليلها أخت ميره شكلها تعبانه وايد
أم معضد : هي وايد صاحت
مرت عم معضد : بروح بشوفها انشالله تهدا .. بتطيح البنيه من كثر الصياح ..
أم معضد : انا بروح بشوف بو معضد .. الرياييل عقب شوي بييون للعزا
الأحد 31-10-2010, 5:30 pm
ღ الحلقه الخامسه و العشرونღ
الساعه خمس ونص العصر بتوقيت مدينه العين
دخلت روان مع خالو أمينه واريج للصاله
خالو أمينه تقدمت من المعزين ووراها روان وأريج
بعد ما سلمت خالو أمينه على أهل بدور راحت قعدت روان تقدمت هي وأريج من بدور وسلمو عليها
روان بحزن : عظم الله أجرج بدور
بدور : أجرنا وأجرج
روان قعدت واريج ضمت بدور وقالت : عظم الله أجرج بدور
بدور : أجرنا وأجرج
اريج توها بتمشي الا وبدور مسكت يدها وقالت بحزن : ميره راحت يا اريج
اريج هزت راسها وما عرفت شو تقول
بدور نزلت دمعتها واريج عيونها امتلت دموع قالت وهي حزينه : ادعي لها يا بدور
بدور قعدت من التعب وبدت تصيح متحسره على فراق أختها الوحيده والغاليه
روان قعدت يمب ملاك ونور وشوق : حرام شكلها يكسر الخاطر
اريج تمسح دموعها : وايد مـتأثره
ملاك : لااازم اختها الوحيده
روان : تكفون بنات لااازم نخفف عليها
شوق : ما باليد حيله ياروان هذا موت ما يرجع اللي أخذه
روان : وانتي الصادقه بس لازم نواسيها
ملاك تهز راسها : ما يصير نقعد عندها غير انه هذا مو بيتهم
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك