رواية خليجيات في الامارات -34
ملاك : ان شاء الله اليوم
نور : يارب عشان تقوم بالسلامه وبيكون الخطر أقل
ملاك : اي والله لو يصير اللي يصير بس ميره ما يستوي بها شي
نور : فديتها الله يحفظها
ملاك : شوق يمبج
نور : اي قاعدع تصيح
ملاك : قولي لها كلمنا بدور وهي بخير وميره ان شاء الله تقوم بالسلامه
نور : تسمعين ..!
شوق تمسح دموعها : قالو لج مركبه سماعات
نور تضحك وتغير جو : حشا والله الكلام الشين تسمعه بس الزين أبد عندها مناعه منه
ملاك : ههههه قولي لها بنتجمع باجر
نور : تقول لك ملاك بنتجمع بكره
شوق توقف وتقول : انتو حدكم سخيفين البنيه تعبانه وانتو تضحكون
نور : هدي طيب ما قلنا شي بس نبي نونسك
شوق تمشي : مابي شكرا
ملاك : خليها خليها ع بالهم الزعل والصياح يغير شي من الحياه
نور : اي والله ما ينفع بهالوقت غير الدعاء
ملاك : عاد أنا بخليج بروح بدعي لميره وحمدان انشالله يقومون بالسلامه
نور : آميين وأنا بعد
ملاك : مع السلامه
نور : مع السلامه
/
.
/
اريج : لا أمي
خالو أمينه : عاد كنتي تكلمين منو ..؟
اريج : بدور
خالو أمينه : عساهم بخير بس ..!
اريج : بدور الحمدلله بخير هي ومعضد بس حمدان وميره بعدهم
خالو أمينه : الله يقومهم بالسلامه يارب
اريج : أمييين أمي
خالو أمينه : انتو ادعو لهم ترا ما يفيد شي غير الدعاء
أريج : انشالله أمي
خالو أمينه : أهل بدور وين ..؟
اريج : جايين في الطريق
خالو أمينه : يوصلون بالسلامه يارب
اريج : أمييين
خالو أمينه : يمكن يوم تشوف أمها بتهدا شوي
أريج : ما أظن يما أعتقد بتصيح أكثر وأكثر
خالو أمينه : لا انشالله تهدا
اريج : انشالله
خالو أمينه : الله يقوم ميره بالسلامه ويعين أهلها
اريج : تدرين يما بدور صوتها رايح
خالو أمينه : لاازم يا بنتي من كثر الصياح وبعدين أكيد حالتها النفسيه تعبانه
اريج : فوق ما تتصورين
خالو أمينه : الحين وحده طايحه ومرقده الثانيه لو تسوي كذا بتتعب وتطيح
اريج : لا انشالله ميره تقوم بالسلامه وبدور ترجع مثل أول وأحسن
خالو أمينه : انشالله
اريج : يلا ماما بروح بكلم البنات
خالو أمينه : انزين وبعدين انزلي خذي لي الدوا
اريج ابتسمت : من عيوني
ياربي .. انشالله اشوفه لو ما بشوفه بمووووت ..!! هههه والله انه عجيييب ... ياربـــي اش هالأفكار صديقتي بالمستشفى وأنا افكر بسوالف تافهه
/
.
خلود : ها خلصتي
بدور تلف الشيله : هي خلصت
خلود : يلا ننزل
بدور : اوكي بس أخذ جنطتي لأن الدوا فيها
خلود : أوكي بسرعه
بدور : خلاااص خلصت
خلود تمسك يد بدور : يلا ننزل
بدور تطالع خلود وتقول : متى بيوصلون
خلود : انشالله الحين تراهم واصلين
بدور تمشي مع خلود : يارب اليوم تقوم
خلود : انشالله انتي ادعي لها
بدور : أدعي والله أدعي لها
خلود : لا تصيحين اهناك ترا يوم تصيحين الجو كله يتكهرب
بدور ابتسمت : أحاول انشالله
خلود : هه هذا فيصل
بدور : يلا نركب
خلود : شو فيج مستعيله
بدور : بروح عند أختي
خلود : يلا اركبي
بدور ركبت ورا .. وخلود ركبت يدام
فيصل يطالع ورا عشان يرجع السياره : ها خلصتو
خلود : هي خلاااص
فيصل : وين الوالده ..؟؟
خلود : طلعت هي والوالد راحو المستشفى لأنه أهل ميره واصلين خلاص ما يبي لهم شي
فيصل يطالع التلفون : آهااا ... بدور تعرفين رقم أخوج عبدالرحمن
بدور : مو حافظته كان بالموبايل بس موبايلي ما أعرف وينه
فيصل : يابو الأشيا من الشرطه وين موبايلج عاد
بدور : تشوفه بخبر كانَ
خلود : يمكن مسجل بموبايلي
فيصل طالع خلود وقال : شو يسوي بتلفونج
خلود طالعته مستغربه .. بدور ردت وقالت : مو وقته الحين وبعدين اش دراك يمكن ميره اتصلت بأخوي من تلفون خلود ولا كل شي تفهمونه غلط
فيصل ما رد عليها وقال : انتي حتى وانتي قاعده تموتين لسانج هالطول
بدور ما ردت عليه خلود قالت : الله يهديك مو وقته وبعدين أنا قلت يمكن مسجل عندي
فيصل : انزين جيكي .. هي صح رقمه دولي ..؟؟
بدور : اي دولي
خلود : مب عندي ما حصلته
بدور : شفت ....!!!
فيصل ما رد لأنه تسرع وهو يهاوش أخته ومب المفروض يكلمها بهالأسلوب ..
فيصل : وصلنا يلا انزلو
خلود : ما بتنزل ..؟؟؟
فيصل : لا بروح بقضي كم من شغله وبرجع
خلود : أوكي .. يلا بدور
بدور وهي تنزل : خلود تعالي
خلود يت عند بدور .. بدور بندت الباب وقالت : خلود ليكون زعلتي
خلود ابتسمت : لا الله يهديج بس انتي لا تردين على كل حد مب حلوه بحقج بعد
بدور : شسوي شي ما يعجبني
خلود : بس بعد مب حلوه بحقج
بدور ابتسمت وقالت : يلا نمشي
خلود وهي تمشي معاها : انشالله يوم يومين وميره تقوم بالسلامه
بدور : آمييين .. تدرين ما أدري ليييش ما سوو لها عمليه
خلود : تعتقدين ليييش ..؟؟
بدور : يمكن لأن حالته سيئه ويتريون الين تخف شوي ويسوون العمليه
خلود : انشالله
بدور : ليتني دكتوره جان أعالج أختي بروحي
خلود : كل شي مكتوب ومقدر بدور
بدور : نمر على حمدان أول
خلود : يلا لأن فيصل قال انه حمدان قام
بدور تطالع خلود وصرخت بفرح : احلفي
خلود تخرعت : بلاااج أمي ...!!
بدور ابتسمت : حمداني قام .. صج والله
خلود : هي قام
بدور ابتسمت وقالت : تعالي نروح نشوفه
خلود : يلا هذي حجرته
بدور وخلود مشو مع بعض لحجرة حمدان .. ودقو الباب ودخلو
خلود ابتسمت : السلام عليكم
معضد : وعليكم السلام
خلود ابتسمت : انت روحك مريض وتجابل مريض ...!!
معضد ابتسم : ولدي شقايل بعد ما أجابله
خلود : ياربـــــــي حمودي فديتك
بدور تتقدم عن حمدان وتبوسه : الحمدلله على سلامتك حبيبتي
حمدان ابتسم وما قال شي
خلود تبوس معضد وتقول : شخبارك اليوم ..؟؟
معضد : أحسن الحمدلله
خلود تبوس حمدان وتقول له : شخبارك يا بطل
حمدان يرد وحلجه عوي والحروف تطلع غلط : بحيل
بدور نزلت دموعها وقالت : شوووو فيـــــــــــــــــه ..؟؟؟؟
معضد : الله يهديج بدور اهدي ...!!
بدور قالت : شو فيه حمدان ...؟؟؟
خلود مسكت بدور ويلستها : ما فيه الا كل خير يا بدور
بدور : أنا اللي كنت أدعي عليه أنا .. يوم الحادث تميت أقول له صرعتنا وصرعتنا .. حمداااان والله ما كنت أقصد
معضد : الله يهديج بدور اش هالكلام وبعدين هذا مقدر ..
خلود : بدور بلاااج ..! ترا هذي مجرد ضربه ع الحلج وانشالله فتره ويرد يرمس شرات أول
بدور تمسك يد حمدان : أكييييد ..؟؟؟
معضد هز راسه : انشالله
بدور هدت وقالت وهي تبوس حمدان : فديتك ربي لا يخليني منك
حمدان ابتسم وهو راقد ع السرير ويتكلم بتعب : تعولت اهني
بدور : فديتك أنا تقوم بالسلامه يارب
حمدان يتكلم بصعوبه : ويـــن ماما ؟؟
معضد نزل راسه وما قال شي .. بدور بدت تصيح ..
خلود : حبيبي ماما راحت تييب النونو وبتيي
حمدان ابتسم وهو يتعور
بدور : يلا خلود نروح نشوف ميره
خلود : معضد تيي .؟؟
معضد : لا توني كنت هناك
خلود : يلا بدور
بدور تمشي يمب خلود وتقول : تدرين أحس روحي بموت قهر على أختي
خلود : انشالله تقوم بدورووه
بدور : توها صغيره والله
خلود : ياربي بدور ترا مافي شي عند رب العالمين اسمه كبير وصغير الموت دربه واحد
بدور مشت وهي معصبه
خلود : بدور تعالي
بدور ما ردت عليها
خلود : بدور : أنا أكلمج
بدور : وخري عني خلوووود أحسن لــــج
خلود مسكت يد بدور بقوه وقالت : بلاااج انتي بلااااج ...؟؟
بدور : تتبلين على أختي .. ادري هي أختي مو أختج وقلبج ما يعورج
خلود بدت تصيح وتقول : هي قلبي ما يعورني تصدقين ....!! قلبي ما يعورني وبااجر أخوي يكون بروحه
وهالولد يتيتم قلبي ما يعورني تصدقين ...!!!
بدور بدت تصيح وحضنت خلود ..
خلود مسحت دموعها وقالت : الله يهديج خليتيني اتنرفز
بدور : لا أنا الغلطانه أقط كلام المفروض ما ينقال
خلود ابتسمت وقالت : انشالله ميروه تقوم بالسلامه
بدور : آمييين
خلود تصد وراها شافت فيصل ياي
فيصل عاقد حياته : بلاكم بوسط الممر تتضاربون ..؟؟؟
خلود : ماشي
فيصل : بدور أهلج وصلو
بدور طالعت فيصل وقالت : وينهم ..؟؟؟
فيصل : عند معضد
بدور : تعالي خلود
فيصل : لا تريو الحين كلهم بييون اهني وانا بقعد عند حمدان
خلود : ماما وين ..؟؟
فيصل : صوب العنايه
خلود : يلا بدور نروح
بدور : يلا
خلود وهي تمشي : تدرين ميره أخر مره يت اش قالت ..؟؟
بدور : شو قالت
خلود : قالت لو بييني ولد بسميه فيصل ولو بنيه خلود
بدور ابتسمت وقالت : كانت تحبج وايد
خلود : أدري
بدور : تدرين أنا وهي كل مره نتضارب
خلود : ادري تسولف معاي
بدور : بس أنا أحبها وايد
خلود : شي طبيعي يكون فيه ملاسنات بين الخوات
بدور : بس والله أحبها حتى بيوم الحادث صار بينا تاتش على سالفه تافهه وقالت حسابي بعدين
خلود ابتسمت : فديتها تخاف علينا
بدور : أنطر اليوم اللي بتحاسبني فيه والله أنطره
خلود : الله يقومها بالسلامه
بدور : تدرين الود ودي لو انه نرجع بس يومين لورا وبس ...!!
خلود : هذيل قوم ماما
بدور ابتسمت : أمج مستانسه انشالله ميره تقوم بالسلامه
خلود : آميييين
خلود تجدمت عن أمها وابوها : السلام عليكم
أم معضد : وعليكم السلام يما
خلود : ها بشرو ..؟؟؟
بو معضد : انشالله اليوم ميره بتقوم وبيسوون لها العمليه
بدور ابتسمت : صج والله
أم معضد : هي انشالله ادعو لها بناتي
بدور : انشالله
خلود : يعني اليوم بتربي بعد ...!
أم معضد : هي بس عمليه
خلود : غريبه معضد ما خبرنا
بو معضد : وين يلحق المسكين ..!! باله مشغول حرمته من صوب وولده من صوب واللي فبطن حرمته من
صوب
خلود : يقومون بالسلامه يارب
بدور : آميييين
أهل بدور وهم يايين : السلام عليكم
الكل : وعليكم السلام
الكل يسلم على بعض ...!
بدور تضم أمها : يما ميره بالعنايه
أم عبدالرحمن انسانه متدينه وقويه : الله يقومها بالسلامه يا بنيتي
بدور تصيح : يما ميره واااايد تعبانه
عبدالرحمن وقف يمب أخته الصغيره وضمها له وقال : بتقوم انشالله
بدور تطالع اخوها : ابوي وينه ..؟؟
عبدالرحمن : وين يقدر اييي .. ما فيه شده على هالدرب الطويل
بحكم ان ابو بدور كبير بالعمر وما يقدر ايي الكل شاف انه شي عادي
عبدالرحمن طالع معضد وقال : معضد طمنني عنك ..؟؟
معضد بحزن ويهه شاحب : الحمدلله بخير
أم معضد : ارتاحي أم عبدالرحمن
أم عبدالرحمن تقعد وتقول : ها اش قال الدختر يا ولدي ..؟؟
معضد : العمليه انشالله بعد نص ساعه
بدور متخرعه : بعد نص ساعه ..؟؟؟
عبدالرحمن : بدور الله يهديج اهدي
بدور : غصب عني ياخوي والله غصب
معضد طالع الدكتور وهو ياي .. قال له : بشر دكتور ..؟؟
الدكتور : لأأأأ انته كده مش عاجبني
معضد ابتسم : بشر دكتور ..!
الدكتور : ان شاء الله بعد نص ساعه حـ ندخلها لحجرة العمليات
معضد : انشالله
الدكتور : وحتئوم بكره ان شاء الله
معضد : في أمل الأم والولد ينجون دكتور
الدكتور وهو يعرف انه بيفقد واحد من الاثنين قاال : للأسف أنا جيت أئول لك اختار واحد من الاتنين
بدور وقفت وقالت بسرعه : أختي ...!
الدكتور ابتسم وقال : وانته ايه رايك يا معضد ..؟؟
معضد : مرتي يا دكتور واذا قدرت الاثنين ..!!
الدكتور : حـ نحاول ان شاء الله والأعمار بيد ربنا
معضد : مشكور دكتور ما تقصر
الدكتور : ان شاء الله العمليه بعد نص ساعه
معضد : انشالله
بدور طالعت معضد وقالت : ها قال بتنجح ...؟؟؟
معضد هز راسه بحزن وقال : انشالله
بدور قعدت وهي تصيح .. أم عبدالرحمن مسحت على شعر بنتها وقالت : اهدي يما اهدي .. واختج انشالله
تقوم بالسلامه
بدور : انشالله يما
عبدالرحمن : أنا بروح للدكتور
معضد : بيي معاك
عبدالرحمن : لا انت اقعد الله يهديك روحك تعبان ارتاح .. بروح بكلمه شوي وبرجع
معضد قعد على كراسي الانتظار وهو يحط يده على راسه بحزن
/
.
/
الساعه وحده ونص بليل في بيت ملاك
ملاك تطالع راشد وتقول : شو بعده ما يرد ...؟؟؟
راشد هز راسه وقال : لأأأ
ملاك : انزين كلم السفاره يمكن صاير لهم شي
راشد : ما أعتقد ملاك
ملاك : عاد مب لهالدرجه تسحره ..! حتى ما يتصل فينا
راشد : ملاك الله يهديج اش هالكلام وبعدين من قال انها ساحره
ملاك نزلت راسها وقالت : عاد شاللي جلب أخوي علينا
راشد : لا تتبلين عليها وبعدين الزن تأثيره اقوى من السحر
ملاك : وانت الصادق والله ميود صار سكان مرته
راشد ابتسم وقال : جيه أنا شووووه ...؟؟ الغير ولا الفرامل
ملاك ضحكت وهي حزينه : انت كل شي
راشد : فديتج علني ما خلا منج
ملاك : راشد حاول مره ثانيه وان ما صار باجر بتصل بولد عمي اللي يشتغل بالسفاره
راشد عقد حياته وقال : لا والله ...!!
ملاك : عيل شو الحل ..؟؟
راشد : هـ القاصر وانا ريال يدامج ليييش ..؟؟؟
ملاك : بس انت ما رمست السفاره
راشد : رمستهم ملاك ووصلو .. أخوج بروحه ما يتصل
ملاك نزلت دموعه : شوف ...!! كنت أدري انك تدري عن مايد
راشد : بيتصل انشالله بس انتي لا تحاتين
ملاك : المهم هو بخير
راشد : غثيتيني الصراح
ملاك : ليييش ..؟؟ اش سويت أنا ..؟؟
راشد : اش سويتي بعد ...!! تقولين بتتصلين بولد عمج وهذيل حتى ما نعرف اساميهم
ملاك ابتسمت : وقت الحاجه الواحد يسوي اي شي
راشد : بس عاد دخيلج مب تترجين أي أحد
ملاك : المهم ابا اتصل في بدور باجر
راشد : اتصلي بس لا تطولين
ملاك : انشالله
راشد : رمستوها اليوم ..؟؟
ملاك : هي اريج رمستها أمس وتقول انهم بخير بس ميره بعدها
راشد : الله يشفيها
ملاك : آمييين
راشد ابتسم لملاك وقال : وين أمي ..؟؟
ملاك وهي تطالع الساعه وتقلد راشد : والله أنا اليوم بيي عندكم ع العشا ...
راشد ضحك وقال : ما يليق عليج
ملاك : المسكينه تريت الين 11 جان تتعشى وترقد وانت حضرتك ما ييت الا الساعه وحده بليل
راشد ابتسم وقال : شسوي والله انشغلت وبعدين عندي شفت الساعه عشر عساس اظهر 11 وما صار
ملاك : ياربي من دوام هالمستشفيات
راشد : لا تنكتين وايد ترا انتي بعد بتطيحين بالمستشفى
ملاك : فال الله ولا فالك
راشد : يعني مب ناويه تشتغلين ..!!! ترا والله أحسن ههههه
ملاك : لا لا منو قال بشتغل بس انشالله ما يرقدوني ههههه
راشد : ياربي ملوووك اليهال في المستشفى شقايل حلوين
ملاك : ما أحبهم
راشد : ولييش انشالله
ملاك : حشريين الصراحه بس الهاديين أحبهم ههههه
راشد : ياربي والله يكسرون الخاطر وهم مرضى
ملاك : الله يشفيهم يارب
راشد : متى يكون عندي ياهل جذي ههههه
ملاك نزلت راسها وقالت : رشوووووود
راشد ضحك وقال : بلاااج يالهبله ...!!
ملاك : أنا هبله ...! لا دخيلك مب الحين عسب يخاف منك ويقوم ماما باباتي ينغزني بالابره هههههه
راشد بنظرات شيطانيه : ملاك ....؟؟
ملاك وقفت وقالت : أدري شو تقول ...؟؟؟ أقووول رشود قربت تصير هنتين وانت اهني اقووول لو سمحت
اطلع وروح بيتك أحسن لك
راشد مستغرب ويقول باستهبال : تطرديني ..؟؟؟
ملاك : هي بعد شو ...! لأني أعرف شو بتقول وبعدين ترا والله ان ميوووود درا بيذبحني معاك وغير انه ماماتك في البيت يعني بطيح من عينها
راشد : نحن متزوجين ملاك ...!
ملاك : أدري ..! بس مالجين ما سوينا عرس ...؟؟؟
راشد : بس ................
ملاك : لا بس ولاشي ...! راشد رجاءا
راشد ضربها بالخفيف على راسها وقال : الحين استقوي على كيف كيفج وبعدين بنشوف
ملاك تضحك : ههههه شو التكانه تلوق لي ولا ...؟؟
راشد ابتسم : يعني راضيه
ملاك وقفت ومسكت راشد من يده وقالت : اقووول انت ما عندك بيت ...؟؟؟ كله طايح في بيتنا
راشد طالعها وهو يضحك : خلاااص زعلان ما بيي بيتكم مره ثانيه
ملاك تضحك : تعال بس خلك محترم
راشد ابتسم وقال بأسلوب ذوب ملاك : ملاك ع بالج أرمسج صدق تراني والله كنت أمزح وبعدين يلا أنا بروح برقد
ملاك مسكت يده وقالت : لاااااا رشووود تم بعد شوي
راشد وهو فيه رقاد : شو أتم ..؟؟ شوفي الساعه وبعدين بييكم يوم ثاني
ملاك نزلت راسها بحزن وقالت : تعال باجر .. ترا والله الدنيا ضايقه فيني
راشد : ان شاء الله ملوك
ملاك : والله من الضيقه ما اعرف شسوي
راشد ابتسم وقال بحنان : تبيني أطلعج باجر
ملاك : يعني لو طلعنا الا هم ساعات وبرجع
راشد مستغرب : بس انتي تدوامين ملاك ..؟؟ المفروض وقتج يروح
ملاك : أدري بس بعد راشد الواحد لااازم يكون له شخص يشكي له بهالدنيا
راشد ابتسم وقال : انزين اشكي لي أنا زوجج ما فيها شي
ملاك نزلت راسها وقالت : في وايد أشياء ما اقدر اقول لك عنها الحين راشد .. والله كل اللي البنات يشكون
لأمهاتهم وأخواتهم .. ومن كثر حبهم لأمهم ما خلو شي الا وقالو أمي بس أنا ..................
راشد قاطعها : ملاك عندج أمي
ملاك : مب قصدي جذي ..! ع الأقل لو يكون عندي أخت .. ربيعاتي باجر كل وحده بتلهى بحياتها
راشد ابتسم ومسح على شعر ملاك وقال : فديتج استانسي ترا والله الدنيا ما تسوى
ملاك دمعت وقالت : من زود ماني متضايقه ما خليت كتاب ما شريته حجرتي صارت مكتبه طالع
راشد لف وابتسم قال : شي طيب .. وبعدين الهي روحج بشي زين مثل القراءه هه شاطره ..! ترا والله أحسن من السوالف أو اكتبي أو اطبخي
ملاك ابتسمت وقالت : محاضره ..!
راشد : تراج شكيتي لي ما يصير أنكد عليج بعد
ملاك ابتسمت : ولا يهمك باجر بروح المكتبه وبشتري كتب وانشالله اليوم بنزل روايات وبسوي لهم برنت عشان عيوني لا تتعب
راشد ابتسم : عفيه على مرتي الشاطره
ملاك ابتسمت : ما تبروح بيتكم
راشد وهو يمشي : والله ما عرفنا لج هههه
ملاك ابتسمت : هالله هالله في الدرب
راشد ابتسم : مع السلامه
ملاك : مع السلامه
ابتسمت ملاك وهي تصكر باب الحجره .. سندت راسها ع الباب
آآآآه يا راشد لو تدري باللي داخلي جان ما لمتني .. أخوي اللي هو سندي وعزوتي تزوج وصار يعشق التراب اللي تمشي عليه مرته ونسى أخته الوحيده .. أخته اللي كانت ملجأ اسراره .. أول ما يشوفها يبتسم .. بس ما أقول غير حسبي الله ونعم الوكيل
/
.
/
نور تطالع الكتاب باستغراب ..
الهنوف : اش فيج ..؟؟
نور مستغربه : طيب من كتب لك هالكلام ع الدفتر
الهنوف : والله ما أدري نور
نور وهي تقرأ بتمعن : الهنوف ابتعدي عن اي وحده تعرفينها ترا والله الدنيا مالها أمان
الهنوف : نور أنا ما أرافج أحد بالمدرسه ..! وبعدين أنا رايحه اتعلم مب رايحه أحب
نور ابتسمت : شطووره ..! طيب انتي راقبي أغراضك وشوفي من يحاول يتقرب منك ..؟؟
الهنوف : والله ما أعرف من ..؟؟ بس تدرين البويات اكثرو
نور : اي الله يهديهم .. الحين البنات اش زينهم ناعمين وحلوين .. تروح تسوي لي حالها ولد
الهنوف : الله يهديهم
نور : ترا البويات ملعونات تدرين ..؟؟؟
الهنوف : اي أكيييد متشبهات بالرجال
نور : وبعدين هذا أكبر حرااام لأن الواحد لااازم يرضى بخلقة رب العالمين ما يصير يغير أصله
الهنوف ابتسمت وقالت : ما علينا .. وين شوق
نور : والله مدري بس اظن راحت تنام
الهنوف وهي تطالع الدفتر قالت : نور بقول لج شي بس ما تزعلين
نور : قولي حبيبتي
الهنوف : ذاك اليوم شفت بنتين في المدرسه .................
نور قاطعتها : أدري اش صار شوق كلمتني
الهنوف : نور لاازم واحد يشتكي لأن ما يصير في مراهقات وأغلب المدرسه مراهقات ترا والله البنات بيختربون
نور : لا تخافين حبيبتي اللي يخاف ربه لا يمكن يلجأ لطريق غلط
الهنوف هزت راسها : اي صح
نور : يلا حبيبتي روحي نامي عشان تصحي بدري
الهنوف : وانتي ..؟؟
نور : لا أنا بشرب كوب كوفي
الهنوف : ما بييج نوم ...؟؟
نور : لأني مصدعه ما فيني أحط راسي ولا قمت بينفجر
الهنوف ابتسمت : أوكي أنا بروح بقرا كم من صفحه من الروايه
نور ابتسمت : اي روايه ..؟؟
الهنوف : رواية بسمه من شفاتك تموتني وتحييني
نور ابتسمت : اي عرفتها للكاتبه يتيمة زايد
الهنوف : اي هي
نور : أوكي قراءه ممتعه وسلمي لي على نور
الهنوف تضحك : من نور ...؟؟؟
نور : أقصد نوره نوره هههههههه
الهنوف : اي البطله هههههههه
نور : قمت الخبط بالأسماء
الهنوف : ما ودك تسلمين على يوسف ..؟؟؟
نور : لا وأنا اش عرفني فيه ههههههه تبين خالتي تذبحني
............. : من يوسف ....؟؟
نور والهنوف صدو متخرعين
الهنوف ضحكت : ههههههههه خرعتنا
ضاري يضحك : اش فيكم تخرعتو جنكم دياي هههههههه
نور : لا والله
ضاري ابتسم : من هذا يوسف
الهنوف : الله يسلمك هذا ولد عم نوره واسم ابوووه .... آآآآه ياربي والله ما أتذكر شـ سم ابوه
ضاري : آهااا وبعدين ...؟؟
يتبع >>>
الهنوف : والحين هم مسافرين مع عيال عمهم بس يوسف ما سافر معاهم وللحين ما أعرف وش بيصير لأن مرته زعلت شوي منه
ضاري : آها وبعدين
الهنوف : أقووول ما أعرف وش بيصير قالو لك اقرا كفوف ههههههه
ضاري : ما عرفتينا عليهم ..؟؟؟
الهنوف : هذي رواية بسمه من شفاتك تموتني وتحييني
ضاري ضحك بسخريه : ههههههههههه
الهنوف : ويه اش فيك ضاري ..؟؟؟؟؟
نور تضحك : اش فيك ..؟؟
ضاري : ع بالي وحده صج متضاربه مع أخوها ولا زوجها وأقول من هذي ههههههههه
نور : لا ياشيخ هذي روايه هههههه
ضاري : اشوه ع بالي أحد متضارب
الهنوف : لا لا الحمدلله
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك