رواية خليجيات في الامارات -33
وبعدين نقلوهم المستشفى
ملاك : وليييش ما يابوهم دبي ..؟؟
راشد : الله يهديج ملاك كيف ييبونهم وأقرب مستشفى هناك مستشفى المفرق
ملاك تصيح : هي صح ... الله يحفظهم يارب
راشد : آمييين .. أنا ربيعي اليوم متصل بي ويقول معضد صاير له جذا وجذا .. جان أتصل به والحمدلله قال
هم بخير
ملاك تصيح : تكفى راشد خلني أتصل بهم
راشد : اهدي ملاك
أمي فاطمه : انزين خل البنيه تتصل بـ ربيعتها
راشد : ملاك بدور ما تروم ترمسج
ملاك مستغربه : لييييش ..؟؟
راشد : بدور تعبانه شوي
ملاك متخرعه : صار فيها شي ..؟؟
راشد : لا الحمدلله بدور بخير بس شوية جروح بسيطه و معضد بعد جروح بسيطه وكسر في اليد بس حمدان
مرقد في العنايه لأنه ياهل والضربه يته قويه
ملاك مستغربه : وميـــره ...؟؟؟؟؟
راشد نزل راسه وقال : في العنايه بعدها
ملاك متخرعه : ميره صار بها شي ..؟؟؟
راشد : يا ملاك أقول لج في العنايه
ملاك : اللي فـ بطنها صابه شي ..؟؟
راشد : لا الحمدلله بس هي في العنايه ترييو عليها يومين وان شاء الله تقوم
ملاك تصيح : الله يعينج يا بدور والله ما تستاهلين
راشد : اش هالكلام يا ملاك وبعدين حرام ترا هذا مقدر ومكتوب
ملاك نزلت راسها : قبل أمس كنا قاعدين معاها
راشد : ان شاء الله يقومون بالسلامه
ملاك : ان شاء الله .. بروح بكلم ربيعاتي
راشد : طمنيهم ومحد يتصل بالبنيه ترا هي روحها أكيييد تعبانه جان تتطمنون أوكي بس لا تسألونها عن أي شي
ملاك : ان شاء الله
راشد ابتسم وقال : لا تحاتين حبيبتي هذا مكتوب وبعدين الواحد لازم ايمانه برب العالمين يكون قوي
ملاك : هي صح
أمي فاطمه : حبيبتي طمني البنات .. أمس اريج تقول لي متصله في بدور وموبايلها مغلق .. خل يتطمنون
عليهم
ملاك وقفت وقالت : الحين بروح بخبرهم أمايه
/
.
/
شوق منصدمه وتقول : احلفي نور
نور تصيح : والله شوق .. هذي الأمور ما فيها مزح
شوق تصيح مع نور : نور بدور صار فيها شي
نور ما قدرت تتكلم وهي تصيح حست روحها مخنوقه
شوق مسكت كتوف نور وبدت تهزها : نور بدوووور صار فيها شي .. اهل بدور صار فيهم شي
نور : لا بدور بخير وكلهم بخير بس ميره تعبانه وايد
شوق تصيح : نور أمانه نتصل ببدور
نور : بدور موبايلها مغلق
شوق : نتصل بمن عاد ..؟؟
نور : مدري يا شوق مدري اسألي روان ولا ملاك وحده منهم تعرف رقم اللي معاها
شوق تصيح : فديتها الله يحفظها يارب
نور : آمييين
شوق : اتصلي بأريج أكيييد ملاك أو روان معطينها الرقم
نور : أوكي الحين بتصل انتي انتظري شوي
شوق : بسرررعه نور والله ما اقدر أصير أكثر عن جذي
الهنوف داخله : اش فيكم ..؟؟
نور تصيح : بدور سوت حادث
الهنوف متخرعه : صار فيهم شي ..؟؟
نور : ميره تعبانه وايد
الهنوف : الله يقومها بالسلامه يارب ..
نور : آمييين
شوق تصيح والعبره خانقتها : نور اتصلي ببدور بسررررعه
نور : طيب طيب
/
.
في المستشفى
بدور واقفه تطالع صوب باب العنايه
بدور تصيح وهي تدعي
معضد : بدور ذبحتي روحج .. ميره بتقوم ان شاء الله
بدور تصيح : معضد اشلون ميره بتقوم وهي حالتها جذي
معضد بحزن : بتقوم ان شاء الله انتي ادعي لها بس
بدور تقعد ع الكراسي اللي بالانتظار وتبدا تقرأ قرآن
معضد : الحمدلله حمدان حالته تحسنت وايد باجر ان شاء الله بيرجع لوعيه ولو مب باجر اليوم الفير
بدور : يارب
معضد يشوف يده المجبسه ويـتألم ويخفي الألم .. ليته فيني ولا فيج ياميره ليته فيني .. الله يبعد عنج الشر ويرجعج لنا بالسلامه يارب
بدور : متى أهلي بييون ...؟؟
معضد : في الدرب
بدور تصيح وعيونها حمره : منو ومنو ..؟؟
معضد : ابوج وأمج وأخوج عبدالرحمن
بدور وهي تصيح : معضد كلم الدكتور شوف شو يقول عن أختي
معضد : الحين بيي ان شاء الله
بدور : يعله كان فيني ولا فيج يا ميره .. ليته فيني ولا فيج
معضد طالعها وما رد عليها ... من وين يلاقيها مرته اللي فالعنايه ولا ولده اللي مرقد ولا أخت مرته اللي
حالها ما يسر أبد
تجمعت دموع معضد بعينه وهو يشوف مرته بهالحاله ..
ما حس الا بيد على كتفه .. التفت طالع الدكتور
ابتسم له الدكتور وقال : خلك أوي وان شاء الله ربنا يئومها بالسلامه
معضد : آمييين .. طمنني دكتور
الدكتور : لأأأ ابنك ما شاء الله الضاهر حيئوم النهرضه بس عاوز لو شوية تعب لأنو رجلو مكسوره وهه عاوز لو شوية عشان نطئو يصير كويس لأنو انضرب على فمو
معضد قال بحزن : الله يبشرك بالخير يا دكتور .. وحمدان يعني بخير ..؟؟
الدكتور : آآآآه الحمدلله
معضد : ومرتي ..؟؟
الدكتور : هي ان شاء الله حتئوم بس عاوز لها شوية وئت .. لأنها حامل متل ما انته عارف وبالشهر التامن
معضد هز راسه : هي صح
الدكتور : ما تفكرش ان شاء الله حتئوم بس انته ارتاح شويه
معضد : كيف ارتاح يا دكتور ومرتي بين الحياه والموت
الدكتور : لأأأ ان شاء الله حتئوم بالسلامه بس انتو ادعو لها .. وانته روح لحجرتك لأنو مش كويس لك التعب وانته ما كملتش يومين ع الحادس
معضد : ان شاء الله دكتور بس دخيلك طمنني على مرتي وحاولو تعالجونها لو بأي شي حتى ولو الحل عمليه أو نسفرها برع
الدكتور : ان شاء الله نحنا حنعمل اللي بيدينا والبائي بيد ربنا مش بيدينا
معضد : ونعم بالله
فيصل أخو معضد طالع معضد وقال : معضد يلا روح لحجرتك وبعدين انت مرقد ما يصير طول الوقت تقعد اهني
معضد : ما اقدر يا فيصل ما اقدر
فيصل طالع بدور وقال : بدور يلا ارجعج الفندق
بدور هزت راسها وهي تصيح : مابي .. بقعد عن أختي
معضد : فيصل ودها عن الوالد والوالده وخلود وعقب المغرب ييبها .. مب زين خل خلود تشوفها من أمس وهي قاعده اهني
فيصل قال بحزن : دام هذي حرمة أخونا ونحن حالنا جذي .. أكيييد أختها بيكون حالها أخس عن جذي
معضد قال بحزن : وأنا شو بيكون حالي .!!
فيصل شافه بحزن وقال : ادعي لها ياخوي ادعي لها وانت ان شاء الله باجر بيرخصونك وبدور سلمت الحمدلله وحمدان بيقوم بالسلامه وميره بعد ان شاء الله
معضد : آمييين
فيصل : يلا بدور نرجع
بدور تصيح : مابي بنطر أمي وابوي بييون الحين
فيصل تجدم وهويقنعها : ما بيوصلون الحين بيوصلون متأخر ما يصير بيروحون الفندق
بدور : مابي بنطرهم
معضد طالع بدور وقال : بدور ارجعي الفندق
بدور شافت ماشي فايده من العناد وقالت : لو صار شي خبروني دخيلكم
فيصل : ان شاء الله
بدور : يلا نروح .. بريح شوي وبرجع مره ثانيه
فيصل مشى وقال : يلا
بدور مشت يمبه وهي تصيح
فيصل : ماشي فايده من الصياح ادعي لها
بدور : هذي أختي يا فيصل تعرف شو يعني اختي ..؟؟
فيصل هز راسه وقال : ادعي لها يا بدور
بدور مسكت اليدار وقالت : فيصل ............!
فيصل طالعها متخرع : بلاج ..؟؟
بدور مسكت راسها : بروح عند الممرضات شوي
فيصل : فيج شي ..؟؟
بدور : لابس يقيسون الضغط .. راسي قاعد يدور
فيصل : خذيتي الدوا مالج ..؟؟
بدور : لأأأ
فيصل : الله يهديج انتي الثانيه .. دام ميره تعبانه وان شاء الله بتقوم انتي بتطيحين روحج
بدور : بشربه ان شاء الله بس الحين بروح للممرضات شوي لأني بطيح من عوار الراس
فيصل : يلا .. الله يستر
بدور : انت اقعد اهني
فيصل : لأأأ بيي معاج
بدور : والله ما يحتاي اقعد اهني وانا الحين بيي
فيصل ما عطاها ويه ومشا معاها
/
.
/
روان وهي ماسكه التلفون : ياربي شو فيها ما ترد
فهد يطالع روان : انتي انطري شوي وبترد
روان : هذا رقم أخت نسيبها .. والحين معاها ليييش ما ترد ...!
فهد : انتي انطري انزين
روان : اتصل بملاك يمكن راشد يعرف عنهم شي
فهد : ليييش الحادث كيف صار ..؟؟
روان : وهم رايحين لقطر في درب بينونه سوو حادث ونقلوهم مستشفى المفرق
فهد : التاير بنجر عليهم ..؟؟
روان : لأأأ سياره لفت عليهم
فهد : والله ناس نايمه وتروح ضحايا غيرها بالحادث
روان مسكت راسها : تدري راسي يعورني
فهد طالعها : اش فيج ..؟؟
روان : مدري بس أحس بصداع فضيع
فهد : أكلم الخدامه تسوي لج جاي حمر مع ليمون
روان : لأأ لأأ أنا بروحي بكلمها
فهد : لا لا عاد أنا بروح بسوي لج اياه بروحي
روان ابتسمت : أونك عاد ..!
فهد : الا هو ماي ساخن وليبتون مع سكر هههه
روان ابتسمت : مدري اش فيه راسي
فهد : انتي من العصر وانتي يالسه تفكرين بـ بدور رفيجتج لازم
روان : خلاااص أحسه بينفجر
فهد : ع بال ما تكلمين رفيجتج بروح بسوي لج الجاي
روان ابتسمت : بس ليبتون أوكي هههههه
فهد : أوكي أعرف كيف يسوونه ع بالج ثور ما أعرف
روان ابتسمت : لا حشا والله
فهد : يلا اتصلي فيها
روان : أوكي
دقت روان على رقم ملاك ..
ملاك : السلام عليكم
روان : وعليكم السلام
ملاك : هلا رواني اش حالج ..؟
روان : مثل حالج
ملاك : صدقتي والله محد فينا متهني
روان : اتصلتي ببدور
ملاك : ما ترد
روان : يمكن مع أهلها
ملاك : ما أدري والله للحين ما اعرف شي
روان : البنات كلهم يتصلون فيها وما ترد
ملاك : ان شاء الله ترد انتي تريي
روان : ان شاء الله
ملاك : بتصل فيها مره ثانيه واذا ما ردت بكلم راشد عشان يكلم أحد من المستشفى
روان : اي يكون أحسن عشان نتطمن عليهم
ملاك : راشد يقول حمودي متكسر عدل
روان : حرام فديته صغير
ملاك : الله يحفظهم يارب
روان : ملاك أحس راسي بينفجر
ملاك : خذي لج بندول
روان : بشكل مب طبيعي
ملاك : خير ..؟؟
روان : ما أدري والله
ملاك : انزين روحي المستشفى
روان : لا لا بيروح ان شاء الله
ملاك : من شو تعتقدين ..؟
روان : أكيييد من التفكير
ملاك : الله يهديج انتي الثانيه لا تفكرين بعد ..! وبعدين تطيحين علينا ترا والله مو ناقصين
روان ابتسمت : أوكي هههه خلاااص يلا باي بتصل على بدور
ملاك : أوكي .. مع السلامه
روان رفعت راسها شافت فهد جدامها مبتسم .. قالت : خلصت ..؟؟
فهد : اي من وقت وانتي بعدج تبربرين هههه
روان : شسوي والله ما عندي أحد اشكي له
فهد حط الاستكانتين ع الطاوله وقال : ليييش أمج وين تروح ..؟؟
روان : وانا اش دراني يوميا عند أحد ولا بالدوام
فهد : وابوج كله بالبحرين ودول العالم
روان تضحك : أشك انه بيطلع الأول بموسوعه جينيس بالسفر
فهد : ههههه يلا اشربي الجاي
روان تمد يدها للكوميدينه وتطلع حبه بندول وتبلعها
فهد : ع الأقل اشربي ماي
روان : ما احب .. يلا خل نشوف الجاي كيف ...؟؟
فهد ابتسم : أحلى من اللي انتي تسوينه
روان ابتسمت : بنشوووف ونحكم
فهد : اي صح بيتنا جاهز
روان : صج والله
فهد : يبي له شوية تعديلات ان شاء الله
روان : بس أتطمن على بدور ونروح نشوفه
فهد مستغرب : اليوم
روان هزت راسها : اي اليوم
فهد : لا لا ما يصير اليوم الاسبوع الياي لأنه يبي له شوية تعديلات
روان : أوكي على راحتك
/
.
/
نور : ياربي والله اني قلقانه
شوق : انتي اهدي وادعي لها
نور : ما ترد يا شوق
شوق : اي ما ردت على أحد
نور : طيب ليييه
شوق : تشوفينها مشغوله ولا يمكن مب عند التلفون
نور : يمكن
شوق : حاولي مره ثانيه
نور : ملاك ارسلت لي مسج ما نخاف ان شاء الله بترد
شوق : خبرتو اريج ..!
نور : اي كلمتها ملاك
شوق : يلا اتصلي
عبدالعزيز نزل وهو مستغرب : اش فيكم ..؟؟
شوق : رفيجتي بدور سوت حادث
عبدالعزيز عقد حياته : متى ..؟؟
نور : قبل أمس وهم رايحين لقطر
عبدالعزيز : عسا بس ما صابهم شي
نور : أختها وولد اختها شوي
عبدالعزيز : الله يستر
نور : اي والله الله يستر
شوق : اتصلي نور
نور : طيب قاعده اتصل
عبدالعزيز قعد بعيد عنهم وقال : ما تزورونهم
شوق : لأأأ هم مب في دبي
عبدالعزيز : آها ..!
شوق : ياربي لييش هذي ما ترد
عبدالعزيز وقف وقال : يلا بطلع تبون شي
نور : اي .. لا تسرع دخيلك
عبدالعزيز ابتسم : كل هذا متأثرين من الحادث ..!
شوق بخوف : وأكثر والله في ناس تسوق وهي نايمه أعوذ بالله
عبدالعزيز ابتسم : لا تحاتون
شوق : اشلون ما نحاتي والحوادث ما شاء الله اكثرت هالأيام
عبدالعزيز : اللي كاتبه ربي بيصير
نور : بس بعد ربنا ماقال ارمو نفسكم بالمصايب واهلكو نفسكم
عبدالعزيز : انتو ادعو لهم .. يقومون بالسلامه ان شاء الله
شوق : يارب .. الله يسمع منك
عبدالعزيز : يلا مع السلامه
شوق ونور : مع السلامه
شوق : ها ردت ولا ..؟؟
نور : الله يهديها بعدها ما ترد
شوق : ياربــــــــــــــــــــي ..!
/
.
/
بدور قعدت : ها بشري ..؟؟
الممرضه : ضغطج مرتفع
بدور تخرعت : عندي الضغط ..!
الممرضه : لا لا بس الظاهر انج ارهقتي روحج فـ تعبتي شوي
بدور هزت راسها : الحمدلله .. خرعتيني
الممرضه : بس انتي ارتاحي وهدي وبيروح الويع
بدور : ان شاء الله
الممرضه : فيج شي ..!
بدور : صار لنا حادث من يومين بس الحمدلله أنا ما صار لي شي .. أختي وزوجها وولدها تعورو
الممرضه هزت راسها : هي هي عرفتهم
بدور : والحين اقدر اروح
الممرضه : لو في أحد يوصلج هي لأنج تعبانه وايد
بدور : خلاص عاد أنا بروح
الممرضه : خذي دواج
بدور : ان شاء الله
الممرضه ابتسمت : يلا مع السلامه وان شاء الله يقومون بالسلامه
بدور بحزن : آمييين .. مع السلامه
طلعت بدور شافت فيصل واقف يترياها ..
بدور : يلا فيصل نرجع
فيصل : شو قالت ..؟؟
بدور : من التعب
فيصل : الله يهديج من يومين مب راقده
بدور : كيف أرقد واختي بهالحال
فيصل : الله يهديج هلكتي روحج
بدور : خلااص برتاح ان شاء الله
فيصل : يلا نروح الفندق
مشت بدور مع فيصل ورجعو للفندق
فيصل وهو ينزل من السياره : روحي لحجرة خلود
بدور : ما أعرفها وصلني
فيصل : رقمها ............
بدور قاطعته : ما أقدر اشووووف عدل لأني بطيح الحين
فيصل سكت وقال : يلا امشي
بدور مشت وهي تطالع الارض وسرحانه
فيصل وهو يدخل المصعد قال : بدور دشي
بدور رفعت راسها ودشت ..
فيصل : الله يهديج
بدور ما ردت عليه وقالت : خلود لييش ما تيي المستشفى
فيصل : اتيي بس تروح عن حمدان ويوم تيي عند ميره انتي سرحانه
بدور هزت راسها وقالت : الظاهر ما شفتها
فيصل : يلا اطلعي
بدور طلعت وقالت : اي حجره
فيصل مشا وقال : تعالي
بدور وهي تلحقه : الساعه كم ..؟؟
فيصل : خمسه العصر
بدور : جم باجي على ما يوصلون أهلي
فيصل : باجي لهم ثلاث ساعات
بدور وهي تدخل : الله يييبهم بالسلامه
فيصل طالع خلود وقال : ديري بالج عليها وخليها تاكل وترقد لأنها مب ماكله
خلود : أوكي انت روح عند معضد
فيصل : يلا مع السلامه
خلود وهي تبند الباب : مع السلامه
بدور نزلت راسها وما قالت شي
خلود ابتسمت : ها بدوري شخبارج اليوم ..؟
بدور : مثل ما تشوفين
خلود سحبت بدور وقعدتها وقالت : ترا والله مو زين تسوين بروحج جذي
بدور : شسوي يا خلود ..!
خلود : لا تحاتين انزين
بدور : اشلون ما أحاتي وأختي مرقده وما يعلم بحالها غير رب العالمين
خلود : ان شاء الله تقوم بالسلامه انتي ادعي لها
بدور : ان شاء الله
خلود : يلا تعالي عشان تتسبحين وعقب تاكلين وترقدين
بدور : وين لي خاطر ..!
خلود : يلا بدوووووووور
بدور : انزين
خلود : هي اباج جذا وخلي ايمانج بربج قوي
بدور : ان شاء الله
خلود : أمي وابوي توهم راحو المستشفى
بدور : وانتي ..؟؟
خلود : وانا شو ..!
بدور : ما رحتي ...؟؟
خلود : بقعد معاج
بدور : عادي بقعد بروحي
خلود : الله يهديج وين أخليج وانتي بهالحاله وتعبانه
بدور ابتسمت : لا ان شاء الله اصير أحسن
خلود : ان شاء الله
بدور : تدرين والله ما ادري وين حطيت موبايلج
خلود ابتسمت : موبايلي اهني في الفندق
بدور : بس انا خذيته
خلود : لا حطيتيه يمب جنطتج ونسيتيه
بدور : آهااا
خلود : في ناس حرقو التلفون وهم يتصلون
بدور : ما رديتي ..؟؟
خلود : لأأأ ما اعرف الأرقام
بدور : اشوف
خلود تعطيها الموبايل : هاج
بدور تشوف الارقام : هذي ارقام رفيجاتي
خلود : عاد اتصلي بهم أكيييد يحاتونج
بدور : اي فديتهم اكيد يحاتوني
خلود : يلا اتصلي لما اروح اشوف لج شي تاكلينه
بدور : لأا مابي بس بتسبح وبرقد
خلود : لا لا انتي كلمي رفيجاتج وأنا بتصل بفيصل ييب لنا أكل
بدور : عذبنا هالفيصل معانا
خلود : لأا عادي
بدور اتصلت على اريج ..
اريج ردت بسرررعه : آلــــو
بدور : السلام عليكم
اريج : وعليكم السلام .. اش حالج بدور ..؟؟ طمنيني عنكم عساكم بخير
بدور : بخير الحمدلله
اريج : شخبارج الحين ..؟؟
بدور : أحسن الحمدلله
اريج : والباجي ..؟؟
بدور : معضد بخير بس حمدان وميره بعدهم
اريج : يقومون بالسلامه يارب
بدور : آمييين
اريج : انتي اذكري ربج ولا تحاتين
بدور تصيح : ادعو لهم
اريج : لا تصيحين حبيبتي انشالله نحن بندعي لهم
بدور : اروج ما بطول .. سلمي ع البنات وطمنيهم لأني ما اقدر اتصل
اريج : لا عادي حبيبتي انتي ارتاحي أنا بكلمهم
بدور : يلا عاد مع السلامه
اريج : مع السلامه
بدور وهي تصكر وتبدا تصيح وتحط يدينها يدام ويها
خلود تطالع بدور وتنزل ايدينها وتقول : حبيبتي لا تسوين بروحج جذي
بدور وهي تصيح : خلود ميره تعبانه وايد
خلود : تقوم بالسلامه ان شاء الله
بدور : آمييين
خلود تضم بدور وتقول : ادعي لها فديتج
بدور تمسح دموعها : بروح بتسبح أنا
خلود : أوكي وأنا بتصل بفيصل ييب لنا أكل
بدور : أوكي
خلود شافت بدور ما تعرف شو تسوي ..
خلود : بدور هذي جنطة ملابسج
بدور ابتسمت بحزن وقالت : مشكوره
خلود : لا عادي نحن خوات
بدور حست روحها بتموت صياح وهي تسمع كلمة أخوات ...!!
/
.
/
ملاك : لا توها اروج اتصلت فيني
نور : عساهم بخير ..؟؟
ملاك : الحمدلله بس تقول ان بدور تغمض ..! غير ان ميره وحمدان بعدهم
نور : يقومون بالسلامه يارب
ملاك : آمييين
نور : ما قالت متى بترجع دبي ..؟؟
ملاك : ما يندرا والله ..!! هذا اذا رجعت دبي
نور : الله يستر ويقوم ميره وحمدان بالسلامه
ملاك : آمييين
نور : ودي اتصل فيها
ملاك : المسكينه روحها تعبانه لييش نزيدها
نور : اي صح .. خلاااص بشوف وقت ثاني ولما الأمور تهدا
ملاك : ما أدري كيف عايشه الحين ..!
نور : لا لا أكيد أخت معضد وأهله معاهم
ملاك : الله يعينهم والله
نور : تصدقين ملاك .....!
ملاك مستغربه : نعم ..؟؟
نور : غريبه ميره حامل وما سوو لها عمليه عشان الطفل اللي ببطنها
ملاك مستغربه : هي غريبه ..!
نور : تعتقدين فيها شي ..؟؟
ملاك : والله ما أدري بس يمكن يتريون لما تنش
يتبع >>>
نور : يمكن
ملاك : مستحيل بس الفكره مب داشه ببالي
نور : هم ما كملو يومين ع الحادث
ملاك : اليوم بليل بيكملون يومين
نور : تعتقدين اللي في بالي بيصير
ملاك : ان شاء الله اليوم
نور : يارب عشان تقوم بالسلامه وبيكون الخطر أقل
ملاك : اي والله لو يصير اللي يصير بس ميره ما يستوي بها شي
نور : فديتها الله يحفظها
ملاك : شوق يمبج
نور : اي قاعدع تصيح
ملاك : قولي لها كلمنا بدور وهي بخير وميره ان شاء الله تقوم بالسلامه
نور : تسمعين ..!
شوق تمسح دموعها : قالو لج مركبه سماعات
نور تضحك وتغير جو : حشا والله الكلام الشين تسمعه بس الزين أبد عندها مناعه منه
ملاك : ههههه قولي لها بنتجمع باجر
نور : تقول لك ملاك بنتجمع بكره
شوق توقف وتقول : انتو حدكم سخيفين البنيه تعبانه وانتو تضحكون
نور : هدي طيب ما قلنا شي بس نبي نونسك
شوق تمشي : مابي شكرا
ملاك : خليها خليها ع بالهم الزعل والصياح يغير شي من الحياه
نور : اي والله ما ينفع بهالوقت غير الدعاء
ملاك : عاد أنا بخليج بروح بدعي لميره وحمدان انشالله يقومون بالسلامه
نور : آميين وأنا بعد
ملاك : مع السلامه
نور : مع السلامه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك