رواية خليجيات في الامارات -37
بدور بحزن : وين لي بارض لـ هالأشياء
وفاء طالعت خلود وقالت : شكلنا يينا بوقت غير مناسب
بدور : لا بالعكس زين ييتو .. قاعده بروحي
وفاء : شكلح توج طالعه من الحمام
بدور ابتسمت وهي تطالع شعرها المبتل : اي توني تسبحت قلت أفطر عقبها
يتبع >>>
خلود فتحت عيونها : أووووووووولله ...!
بدور مستغربه : لييييش ؟؟
خلود : بتتريقين معانا ..!
بدور : اي لأني مليت من المغذي ..
وفاء ابتسمت : عآآآد يلا عشان نتريق
بدور بحزن : أوكي الحين بنزل
خلود : لاالاا نحن بنتم .. بس جان عندج شي ثاني تسوينه عادي بنطلع
بدور ابتسمت : لأأأ اقعدو .. شي ثاني مثل شو ..؟؟
خلود : ماشي
وفاء راحت للمستواليت وسحبت المشط : تعالي بمشط شعرج
خلود راحت خذت البودر وقالت : احط لج
بدور : لا لاا لااا ما يبي له والله وبعدين ميكب ماني بحاطه .. أختي ما كملت اسبوعين واتمكيج
خلود : شويه بودر بس .. ما يأثر
بدور : لا بس مرطب الشفايف
خلود : أوكي على راحتج ..
خلود وهي تاخذ المرطب خذت العطر والمقبض عشان بدور
وفاء وهي تمشط شعر بدور : ويه بدوووور شو هذا ..!
بدور مستغرب : شو
وفاء : شعرج ليش جذا ..؟؟
بدور : صار لي ثلاث أيام ما مشتطه
وفاء : أوووووووووووووولله ..! ثلاث ايام
بدور : اي وين الحق
وفاء : مب لهالدرجه عآآآد مشطيه يا بنت الناس
بدور ابتسمت : انشالله بس انشغلت شوي وكنت تعبانه
خلود تعطر بدور : شمي ريحته تنعش الواحد .. حصلته هديه العـــام من ............................ وسكتت
وفاء طالعتها : من منو ..؟؟
خلود ابتسمت : من فصول
بدور : اي ريحته حلوه يعرف يختار وشكله ماركه
خلود ضحكت : اي هذا جادور من باريس غاليري مو حيالله
بدور : باخذ لي واحد
دمعت عيون خلود وهي تتذكر هالهديه من منو .. ومتى حصلتها وبأي يوم ..؟؟؟ هذا كله لو تعرفه بدور بتكسر زجااجه العطر وتلملم الزجاج وتحتفظ فيه طول عمرها
وفاء : خلوووووووووووود
خلود طالعت وفاء متسغربه : هلأأأ
وفاء : وينج أمي ..؟؟
خلود : معاكم بس انشغلت وأنا أرش بدور بالعطر
بدور تغمض عيونها من عوار الراس << لاازم ثلاث أيام هههه << قالت وهي تتألم : سبحتيني بالعطر الله
يهديج
خلود : يلا يلا بسرعه ننزل ناكل لأني بموت يوووع
وفاء : بس شوي وأخلص من شعر بدور المعقد
خلود : هههههه بدور لو بيعرف ريلج ما بيتزوجج
بدور ابتسمت بألم وهي تتذكر أحمد ... اش صار عليه ياربي ..؟؟؟ همممم صار له شي ولا كيف ...؟؟ لاأأ لأأأأ ...! سأل عني ولا بس يتذكرني ... ولا يمكن قالب الدنيا يبي يعرف عني ... كل هذا في علم الغيب ...
وفاء : خلود وين معضد ..؟؟
خلود : بحجرته راقد ..
بدور باستفسار : شخباره الحين ..؟؟
خلود : أردى من قبل .. بس ما اقول غير الله يهديه
بدور حزنت وهي تسمع هالشي عن ريل أختها اللي كان متعلق بـ ميره لدرجة الجنون واليوم فقدها ..
الكل حزين على حاله وعليه وعلى فراق زوجته وكل شـــــــــــــــــــــــــي ....!!
/
.
عند البنات
ملاك ابتسمت : الحمدلله بخير
نور : رجع اليوم ..؟؟
ملاك : لأأأأ من يومين تقريبا
نور : يلا الحمدلله على سلامته
روان وهي تمسك راسها : بنات عن اذنكم
نور : على وين ..؟؟
روان : الحمام الله يعزكم
اريج : ايي معاج .؟؟
روان : لأأأ ما يحتاج
اريج : شكلج تعبانه مره
روان : لأأأأ الحين برجع
اريج : على راحتج
شوق : متغيره وايد رواني
اريج : هي وايد ووايد بعد ..!
نور : الله يستر شكلها ما يطمن
شوق : تهقون حامل ...؟؟؟
اريج هزت راسها بالنفي : لأأ لأأأ مستحيل للحين ما صار بينهم شي وبعدين العرس بعد الامتحانات لييش
يستعجل
ملاك : اش دراج لأن راشد الأسبوع اللي طاف كلمني
شوق : يعني انتي ...!!
ملاك هزت راسها بالنفي : لا لا مستحيل هالشي أحسه بيخلي معدلي بينزل
شوق : آهاأأأ
نور تطالع ملاك : شخبارهم الحين ..؟؟
ملاك : من هم ..؟؟
نور : اخوك ومرته
ملاك بحزن : شـ قول لكم وشـ خلي ...!!
نور : لييش اش صاير ..؟
ملاك : من أول يوم لها عندنا ولسانها طويل
نور : لأ لأأ
ملاك : اي والله وأنا ارد عليها عدل عآآآد ما أسمح لها
نور : الله يعينكم الصراحه
ملاك : الله يستر من الياي .. جان ميود ما يصير له شي
نور : تهقين مسوية له شي ..؟؟
ملاك : مو بعيده والله
نور : الله يستر
اريج : كلمتو بدور ..؟؟
نور : اي البارحه
ملاك : شخبارها ..؟؟ والله اني من يوم يا مايد التهيت وما اتصلت فيها
نور : زينه الحمدلله بس بعدها هه يبغالها شوي لما تطلع من الحاله اللي هي فيها
ملاك : شـ بتسوي بخصوص الدراسه
نور : والله مدري اليوم بكلمها
ملاك : يمكن مع الدراسه بتلهى وتنسى
نور : شلون وهذا بيت أختها اللي هنا
ملاك : هي صح اكيد بتتذكرها وايد
نور : الله يهديها ويصبرها ويصبر معضد
ملاك : صح شخبار حمدان
نور : اسبوع وانشالله بيطلعونه
ملاك : ونطقه ..؟؟
نور : احسن الحمدلله بس الورم هو اللي كان ما يخليه والحين خف والحمدلله تحسن كثير
اريج : الحمدلله .. بكلم بدور ترجع تكمل لأن خلاااص نحن على أخر الترم وبنتخرج انشالله
شوق : اي تكفون كلموها واقنعوها تيي
نور : بنحاول انشالله
ملاك : بنات هذي روان يت
روان يايه وقالت بتعب : بنات اسمحو لي بروح البيت مقدر اكمل اليوم
شوق : ولييش ..؟؟
روان : احس بتعب فضيع
اريج : عسا ماشر
روان : كنت سهرانه البارح واليوم ما اقدر اواصل الصراحه
نور : عآد روحي نامي وريحي وبكره دوامي بس هه نامي اليوم بدري
روان ابتسمت بتعب : انشالله
ملاك تطالع روان رايحه : غريبه روان اليوم .....!!
اريج : وين رايحه روان ..؟؟؟
نور : والله ما أعرف
شوق : أكيييد البيت
نور : اي أكيييد بتروح تريح
ملاك : الله يهديها مهمله الدراسه عشان فهد ولا كأنه بحياتها فيه واحد اسمه مروان
نور ابتسمت : حرام عليكم
شوق : الله يهديها ترضي فهد بكل شي ..! عآآد لأأأأزم يحس ويصكر التلفون بليل ..
اريج : اي أكيد يدري انه وراها كليه الصبح
نور : الله يهديه ويهدي خويتكم بعد ..!! لأنها تدري ان وراها محاضرات
ملاك : بس يمكن تفتشل وما تصكر عنه
نور : الله يعينها الصراحه لازم يحس على دمه شوي
شوق : لو تطور الأمر بكلمه صدقوووووووووني
اريج : تسوينها .!!
شوق : اي
ملاك : مو بعيده ...
اريج ابتسمت : عشان مصلحتها وبس
نور : بنات يلا المحاضره بدت
ملاك : مفتقدين بدور وروان بعد ..!!
شوق : الله يستر باجر منو ..!
ملاك : لا انشالله محد
شوق : الله يهدينا ويهديهم ههههه
نور : آميييييييييين ...
/
.
/
دخلت روان السياره مبتسمه : هلأأأأ
فهد ابتسم وهو يطالع روان : هلأأأ حبيبتي
روان : زين ييت لأني كنت بموت
فهد : عسا ما شر حبيبتي اش فيج
روان : أحس راسي بينفجر
فهد : اوديج المستشفى
روان : لأأ لأأأ ما بي
فهد : ترا صج بوديج لو تعبانه وايد
روان : لا فهد تكفى .. مابي بس أحس راسي بينفجر
فهد : عشان جذي اتصلتي ..؟؟
روان : اي ابيك توصلتي البيت
فهد : من عيوني والله
روان : بس لما تيي عندنا أحس روحي اصير أوكي وخاصتا لما تسوي لي شي اشربه لو عصير أو جاي أو أي شي
فهد ابتسم بخبث بدون لا تطالعه روان وقال : كل هذا شوق لي يا عمري
روان ابتسمت بألم : يمكن والله مو بعيده
فهد : اوصلج البيت
روان : اي ياريت
فهد : لا لا تعالي اليوم لـ بيتي لأني صج صج ابيج تشوفين بيتنا
روان ابتسمت بتعب : ما اقدر والله يا فهد اجلها لأني صدق أحس روحي بموووت من التعب
فهد : لا تقوووووولين جذي تراني أزعل
روان : والله حبيبي لو مب تعبانه جان ييت
فهد : بس شوفيه واسوي لج شي تشربينه ونقعد مع بعض
روان : أوكي على راحتك
فهد ابتسم : يا عمري انتي تسمعين الكلام والله
روان : حبيبي انته ههههه
/
.
/
تحت البنايه الساعه وحده الظهر
اريج وقفت عشان تدخل ولا لمحت اثنين واقفين عند المصعد ويتكلمون
تقدمت عشان تصعد شافت محمد بس ما كلمته لأنه مشغول ويكلم واح
وااااااااااااااااي فديته وهو واقف يكلم واحد أكييييد عنده شغل
فجأه وقفها صوت واحد وهو يقول : اريــــــــــــــج
اريج لفت تطالع منو ... شافت مب محمد اللي ناداها
اريج مستغربه : مرووووان ......؟؟
مروان ابتسم : هي مروان
اريج ابتسمت ونست كل اللي سواه مروان بربيعتها وقالت : هلاا مروان .. شخبارك وين هالغيبه ..؟؟
مروان : بخير الله يسلمج انتي شخبارج ..؟؟
اريج مستغربه ما سأل عن روان : تمام الحمدلله
محمد طالع اريج وهو مستغرب : تعرفينه
اريج ارتبكت ياربي ليكوووووون يفهمني غلط ويروح من بين ايدي .. لا لا مستحييييل محمد مو من هالنوع
محمد عاد كلامه : تعرفينه ..؟؟
اريج ارتبكت : اي هذا مروان كان يعرف رفيجتي روان
محمد : آهااااا عرفتها هي هي كنت ناسي والله
اريج : لييش انتو تعرفون بعض ..؟؟
مروان ابتسم : هي ومن زمان بعد وأنا ربيع محمد
اريج فجأه وقفت معصبه : وانت بعد أكيييد بتطلع نفسه خبيث وشيطان تلعب بأعراض الناس
محمد مستغرب : شو تقولين يا اريج ..؟؟
اريج : تراه مثل ما رما اللي تحبه وتبيع عمرها عشانه انت بعد أكييييد بتلعب بأعراض الناس
مروان : اهدي اريج اهدي
اريج دمعت : حراااام عليك يا مروان اللي سويته في البنيه حرااااام
مروان ندمان : اهدي اريج
اريج : تبي تعرف اش صار عليها الحين عاد أخبرك ...!
مروان سكت بدون لا ينطق أي حرف ..
اريج : هه تراها تزوجت بعد ما انت خنتها وصدمتها ..!! لا وداست على قلبها وحبها بعد
مروان منصدم : تزوووووووووجت ...؟؟
اريج : هي تزوجت ..! لا ولا لييش تتفاجأ ترا انت اللي تركتها
مروان مستغرب : روان تزوجت
اريج : هي ليييش شو فيها ..؟؟ ولا ع بالك بتنطرك لما تيي وتفكر تحبها مره ثانيه
محمد : وطي صوتج نحن في بنايه
اريج تتكلم بهدوء : حراااام عليك اللي سويته بالبنيه حراااام والله كسرتها وكسرت خاطرها وذبحتها بعد تدري
..!
مروان : اريج انتو ما تعرفون شاللي صار
اريج بسخريه : هه شاللي صار يعني ...!!
مروان : انتو كلكم نفس بعض محد فاهم من السالفه شي
اريج : هه اللي فهمته ان نظرتك لـ روان مثل هالبنات اللي تتكلمون معاهم من الصبح لليل وأخر شي ما تتزوجونهم
مروان بندم : اريج لو سمحتي اسكتي
اريج : خل اطلع اللي بقلب رفيجتي ع الأأقل
مروان : اريج روان هي السبب
اريج مستغربه : روان السبب ..!! كيف بلا
مروان : قلت لج هي السبب
اريج بسخريه : لا لا ما اصدق عاد .. كيف هي السبب وقتلت عمرها صياح عليك .. لو هي السبب جان ما
نزلت دمعه وحده
مروان بجديه : أنا تقدمت لها قبل لا أعلمها عن اي شي من اللي يصير وابوها رفض وطردني .. على أساس أنا مب من طبقتهم
اريج مستغربه : لا والله علي هالكلام
مروان : والله العظيم جان مب مصدقه روحي اسأليه وتأكدي .. وبعدين هو انسان مغرور وشايف عمره
اريج : بس انت من ما جازفت عشانها
مروان : قالو لج نحن عايشين في أمريكا عشان أخظفها واتزوجها
اريج : ع الأقل كنت تقنع ابوها
مروان : ذليت نفسي له بما فيه الكفايه ... عآد الواحد ما يرضى أحد يهين أهله عشان زواج
محمد وهو مندمج معاهم وما يعرف الله وين حاطه ..!!
اريج : وليييش ما كلمت روان ..؟؟
مروان : المشاكل اللي بينها وبين أمها تكفي تبيني ازيد مشاكل بينها وبين ابوها
اريج متفهمه الموضوع وقالت : يصير خير
مروان بحزن : سلمي عليها وباركي لها ع الزواج مني ...!! وأتمنى ما تعرف شي عن اللي صار
اريج قالت وهي تصعد : مع السلامه .. اشوفك على خير
محمد يطالع مروان : شالسالفه ياخي ...! ولييش ما خبرتني ..؟؟
مروان يطالع المصعد : سالفتنا سالفه والله حتى روميو وجوليت سالفتهم أهون
محمد ابتسم : يالعاشق انته ..!!
مروان بحزن : والله يا محمد ذليت نفسي عشانها بس ما طلع بيدي شي
محمد : الله يهدي ابوها ويصلح ما بينكم
مروان : بس البنيه راحت وخلااااص ..!!!
محمد : اقووول اصعد وبنكمل رمستنا فوق لأني بموت وأنا واقف وميت يوووع
مروان ابتسم : يلا مشينا
/
.
/
ملاك تطالع البحر : اقووول مو جنه بنحترق ع الشمس ..!!
راشد ابتسم وهو يطالع البحر : لا وننسلخ بعد
ملاك : ببداية اربعه وجذي حر عآد الله يستر مب باقي شي على شهر خمسه
راشد ابتسم : وع الامتحانات يا حلوه ..!
ملاك : يووووه ليييش ذكرتني الله يعيني الصراحه
راشد : هههه قولي الله يستر من النتيجه
ملاك : لا ابشر انشالله أوكي
راشد : آمييين
ملاك : الساعه كم عندك .؟؟
راشد : اربعه العصر
ملاك بحزن : شوووف بعده ما اتصل بي ..
راشد : بيتصل انشالله
ملاك : كييف بيتصل وهو بعده ما اتصل للحين ويعرف يوم الأحد محاضرتي تخلص وحده
راشد : يمكن مب في البيت
ملاك : يمكن ...!!
راشد : أمي شخبارها
ملاك : تمام الحمدلله تعال لها
راشد : ودي .. بس لما هذي مرت أخوج تطلع اتصلي بي وبيي
ملاك : اش لك فيها البيت بيتنا .. هي مالها حق
راشد : حتى ولو عشان الكل ياخذ راحته
ملاك : راشد والله اني تعبت وتعبت واااايد
راشد : انشالله تتخرجين ونتزوج وكل شي بينحل
ملاك : كيف كل شي بينحل ومايد الله يعلم اش قاعد يسوي من ورانا
راشد : مايد انسان عاقل لا يمكن يسوي شي
ملاك : انشالله ظنك يطلع صح وبمحله
راشد : آمييين
ملاك : مب ناوي تتغدا ..؟؟
راشد : من شوي عاد اش سوينا
ملاك ابتسمت : هع صح تغدينا اقصد مب ناوي تحلي
راشد طالع جسم ملاك وهو يقول : ترا صج والله بديتي تمتنين
ملاك مستحيه و بحزن : شسوي والله أنا عكس الناس بس أحزن ابدا أكل بشكل هستيري
راشد : لا لا دخييييييلج عآد الا هالشي هههه
ملاك ابتسمت : شسوي اطلع حرتي في الأكل وبعدين حرام عليك والله اني مب متنانه بس شوي .. انشالله
أخس مره ثانيه
راشد : زين أنا مب يدامج ولا جان كليتيني
ملاك : اسويها لييش لأأأ ههههه
راشد : تعالي نروح ناخذ لنا شي حلو بس ها انتي حقج شوي وبس
ملاك : أوكي المهم أحلي لأني صدق لاعت جبدي وانا اسولف عن عايلتنا اليديده اللي طلعت فيه العفريته
وصايف
راشد ضحك : هههههههه الله يعينج عليها بس اصبري انتي
ملاك : انشالله اذا قدرت
راشد : عشان مايد وبس ..؟؟
ملاك : وانا شاللي مصبرني غير هالمايد اللي بيخبل بي
راشد : بدور شخبارها ..؟؟
ملاك : مثل ما هي فديتها تعبانه
راشد : قولي معضد اللي تعبان
ملاك : بدور خفت الحمدلله بس معضد يقولون بعده وايد تعبان
راشد : الله يعينه الصراحه
ملاك : ويغفر لـ ميره ويرحمها
راشد : آمين
/
.
/
نور تطالع شوق : احلفي بس ..؟؟
شوق : والله خلاااص أكدو وحجزو كل شي
نور : يعني سفرتنا بالصيف هذا أكيييييييييد
شوق : لا تفرحين وايد اهني كرف واهناك بعد كرف ...!! ودرااااااااااسه ..
نور : ترا هذي الدراسه ورانا ورانا
شوق : قولي نحن اللي وراها وراها
نور : وانتي الصادقه نحن اللي محتاجينها
شوق : اي والله الواحد قام ما يسوا بدون دراسه
نور : في ناس وصلو للخمس وعشرين أو الثلاثين وتوهم قاعدين يكملون
شوق : اي اهوه مو لازم بسن محدد بس المهم دارس
نور : بس ما يوصل للأربعين وهو بعده بالثانويه
شوق : ههههه المهم يدرس يـ ختي
ضاري دخل وهو يبتسم : مساء الخير
نور : وين كنت ..؟؟
ضاري : توني رجعت من المعهد
نور : معهد ...؟؟
ضاري : اي امتحنت توفل اليوم
نور : آها ...! واش سويت
ضاري : الحمدلله كل شي أوكي بس ادعو لي
شوق : ليييش انت امتحنت الحين ..؟؟
ضاري : اكثر الربع امتحنو من هم بثاني ثانوي
نور : اي يعني الشهاده بفلوس مو على حساب المدرسه
ضاري : اي عشان ياخذونها مبجر وجذي بس التوفل وايد ينفع ويسهل لج الأمور وقت التسجيل
شوق : اي صح
نور : شوق وين االهنوف ..؟؟
شوق : تذاكر ترا مب باقي الا شهر واحد
نور : الله يعينهم
ضاري : بل هذي كله تذاكر
نور : صل ع النبي لا تحسدها يا صبي
ضاري ضحك وهو يقول : تف تف تف
نور : خيستها المسكينه
ضاري : اشلون وهي فووووق هههههههه
شوق : اقووول روح نام ترا أحسن لك .. لأن مبين عليك مسطل
ضاري : اي والله احسن لي
نور : نوم العوافي
ضاري وهو يصعد : الله يعافيج
نور تطالع شوق : كلهم بيروحون الكويت
شوق : اي بس نحن الثلاث بنروح لألمانيه
نور : شي طيب
شوق : صرتي لي ملاك هههههههه
نور : شسوي عدتني البنيه
شوق : روان مو طبيعيه كلش
نور : اي وأنا بعد اقول كذا
شوق : باجر بكلمها
نور : هذا لو حضرت لأن شكلها تعبانه لأأ وحييييييل بعد
شوق رفعت الموبايل تتصل بـ روان : اتصل فيها واتطمن عليها
نور : اي فديتها مدري وش صار عليها
شوق : بعدين نتصل في بدور
نور : أوكي
شوق : ما ترد ياربي
نور مستغربه : عسا خير ..؟؟
شوق : انشالله خير
نور : تشوفينها نايمه
شوق : نووور ترا والله أحس عمري بموووت قهر
نور : لييش حبيبتي
شوق : قبل لا نروح المانيا بنمر الكويت يومين ثلاث ..
نور ابتسمت : بتشوفين أهلك وديرتك من قدك
شوق : واللي يقهر اني بشووووف براك
نور ابتسمت : عيني من ربك كل خير وانشالله ما يصير الا الخير
يتبع >>>
شوق : آمييين بس صج بموووت قهر لأني أحس أجلو الموضوع من شهور للصيف
نور : اهدي فديتك وقتها بيصير خير انشالله
شوق : تدرين يتني فكره
نور : اش هي ..؟؟
شوق : لما يسألوني عن براك بقول لهم براك كبير علي لو انه نواف جان وافقت وبجذي بيخلوني اتزوج نواف
نور تضربها عالخفيف وتقول بسخريه : لا يا شيخه .. ابدعتي بفكرتك الصراحه
شوق ابتسمت : شسوي انزين ما في فكره غيرها
نور ابتسمت : لأأأأ في وفي كثير بعد بس انتي اعقلي واهجدي شوي يا بنيه
شوق : هههههه انزين انزين .. مع ان الضحكه هذي بدون نفس
/
.
/
بدور : عن اذنكم
طلعت بدور من الحجره وراحت لأخر الممر
بدور : السلام عليكم
شوق : وعليكم السلام ورحمة الله وبركاته
بدور : شوووووووووق ..!
شوق ابتسمت : اي شوووق
بدور : شخبارج حبيبتي ..؟
شوق : بخير الحمدلله انتي شخبارج ..؟؟
بدور : تمام الحمدلله
شوق : شخبار الأهل وحمودي ..؟
بدور : كلهم بخير نحن عند حمودي
شوق : صج ................؟؟
بدور : لا مو صج .........!!
شوق : عطيني اياااه بكلمه
بدور : فديتج كلهم داخل عنده
شوق : لييش انتي وين ..؟؟
بدور : أنا في الممر فديتج
شوق : آهاااا .. عآد بخليج لأنج واقفه بالممر شكلج
بدور : لا عآدي زين طلعت أحسن لي شوي
شوق : انتي شخبارج الحين ..؟؟ وشو النفسيه
بدور بحزن : والله الحال صار أحسن بس النفسيه لاااازم تكون جذي
شوق : الله يهديج انشالله .. وديري بالج على عمرج
بدور : انشالله وانتي بعد وسلمي لي ع البنات وايد وااااايد واااااااااااايد
شوق : يوصل انشالله
بدور : فديتكم
شوق : هذي نور تسلم عليج
بدور : عطيني اكلمها
شوق : بس ما تخسرون رصيدي
بدور ضحكت على هبال شوق .. وحزنت وهي تتذكر روحها جذي قبل اسبوعين ولا كأنه كان فيها شي بس الحين الوضع كله تغير
نور : بدوووووووووور
بدور رجعت لواقعها : هلأأأأأأ نور
نور : وينك اناديك من ساعه
بدور تضحك : لا بس جوالي مدري اش صار فيه
نور : هههه عادي فديتك ..
بدور : شخبارج ..؟؟
نور : بخير الحمدلله انتي شخبارك ..؟؟ طمنيني عنك انشالله بخير
بدور : الحمدلله بخير
نور : عسا الحال أحسن من أول
بدور : الحمدلله على كل حال
نور : الحمدلله
بدور : عآد ما بطول عليج عن تذبحني شوق على الرصيد
نور ضحكت وهي تقول : ما عليك منها هذي انا اللي ارسلها كل يوم ههههه
بدور : هههه فديتكم .. سلمي لي على كل البنات
نور : يوصل انشالله
بدور : تامريني بشي ..؟؟
نور : ديري بالك على عمرك .. وارجعي لنا بسرررعه
بدور بحزن : انشالله حبيبتي
نور : مع السلامه فديتك
بدور : مع السلامه يا عمري
بعد ما سدته بدور .. مشت تدخل للغرفه .. شافت معضد ياي من أخر الممر
معضد : السلام عليكم
بدور : وعليكم السلام
معضد : من كنتي تكلمين ..؟؟
بدور : رفيجتي نور
معضد : كلهم داخل ..؟؟
بدور : اي كلهم داخل
دخل معضد ودخلت وراه بدور مستغربه من سؤال معضد لها ..!!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك