رواية خليجيات في الامارات -38
بدور : تامريني بشي ..؟؟
نور : ديري بالك على عمرك .. وارجعي لنا بسرررعه
بدور بحزن : انشالله حبيبتي
نور : مع السلامه فديتك
بدور : مع السلامه يا عمري
بعد ما سدته بدور .. مشت تدخل للغرفه .. شافت معضد ياي من أخر الممر
معضد : السلام عليكم
بدور : وعليكم السلام
معضد : من كنتي تكلمين ..؟؟
بدور : رفيجتي نور
معضد : كلهم داخل ..؟؟
بدور : اي كلهم داخل
دخل معضد ودخلت وراه بدور مستغربه من سؤال معضد لها ..!!
معضد : السلام عليكم
الكل : وعليكم السلام
أم معضد : كيف حالك يما معضد ..؟
معضد : بخير الله يسلمج أمايه
حمودي ابتسم لأبوه وقال له : بـــــــابــــــــا ييت
معضد راح له وباسه : اي حبيبي
حمودي : ليييش ما يبت ماما معاك
كلهم ملامح ويههم تغيرت بهاللحظه وانقلبت الفرحه لـ حزن
خلود وقفت وقالت بسرعه : ماما مسافره حبيبي
حمدان : متى بترجع ..؟؟
معضد ابتسم والكل استغرب وهو يطالع معضد .. وقال : نحن بنروح لها حبيبي هي ما تبرجع
حمدان : متى بنروح لها بابا .. أنا ابا ماما
معضد : بنروح لها بأي وقت عادي .. بس ما نعرف متى
حمدان : عآدي نروح لها الحين
عيون معضد دمعت وقال : مادري حبيبي بنشوووف
أم معضد تغير السالفه : كلمتي ربيعتج يما ؟؟
بدور : اي خالتي
أم معضد : عسا كلهم بخير
بدور : كلهم بخير ويسألون عنكم وعن حمودي
حمدان ابتسم وقال : بدور تعالي بقول لج شي
بدور راحت له وقالت : قول حبيبي
حمدان : ييبي اذنج
بدور : عيب حبيبي كلهم اهني ما يصير حرام هالشي
حمدان بحزن : حرام بس شي واحد فأذنج ..!
معضد ابتسم غصب وقال : بدور اسمعي شو يقول لج
حمدان : محد يسمعني انزين
الكل ارتسمت ابتسامه حلوه على شفاته
حمدان يقول لـ بدور : يدو قطر اهني .. نحن ما بنروح قطر خلاااص صح ..!!
بدور ابتسمت وقالت : هي حبيبي ما بنروح
حمدان : وانتي بعد لا تروحين
بدور : انشالله حبيبي
حمدان ضحك وهو يقول بصوت عالي : لا تخبرينهم انزين
بدور : من عيوني والله ما بخبرهم حبيبي
خلود تسوي روحها صغيره : وأنا ..؟؟ حرااام حمودي خبرني
حمدان هز راسه بالنفي : لأأأأ ما بخبرج .. صح بدور
بدور هزت راسها وقالت : اي ما بخبرهم
حمدان : يدو قطر .......؟؟
الكل ضحك مع انه الحزن عام المكان بس أسلوب حمدان يخلي الواحد غصب عنه يضحك ..!
أم عبدالرحمن ضحكت وهي تقول : حسبي الله على ابلسيك شو تقول انته ..؟؟
أم معضد تمزح : عيل أنا يدو عين ...؟؟
حمدان : لأأأ انتي يدوووه عوده ماما تقول
الكل هدأ فجأه لأن حمدان صج قاعد يلعب بمشاعرهم وأعصابهم غصب عنهم يتأثرون وهم ما ودهم ..!
أم عبدالرحمن تغير الموضوع : قووول حبيب يدو قطر انته
حمدان : يدي قطر وينه ..؟؟؟
أم عبدالرحمن ابتسمت : مايقدر ايي حبيبي ريله تعوره
حمدان يطالع ريله المسكوره : حتى أنا ريلي تعورني طالعي
أم معضد ضحكت : حبيبي انشالله تقوم بالسلامه وتمشي
حمدان يطالع ابوه : وبابا يده تعوره
خلود : وه فديتك والله كلامك أكبر عنك درر ماشالله درر تطلع
حمدان ابتسم وطلع لـ خلود لسانه وقال : عمي فيصل يقول خلود مو حلوه لأنها كله تنازع
خلود عقدت حياتها : الحين أنا مو حلوه
حمدان : ليييش تنازعين عمي فيصل انزين
خلود : لا والله الحين يوم عمك فيصل ينازعني عادي ويوم انا انازعه مب عآدي ...!!!
حمدان ابتسم ابتسامه ضروسه الملفعه بانت : اصلا عمي فيصل أحسن منج لأنه يوديني جمعيه
خلود ضحكت : هي من هـ الدكان طالع ضروسك انت شقا غاديه .. السوس ماكلها أكل ..
حمدان عقد حياته سوا روحه معصب : بقول حق عمي فيصل يطلعج من حجرتي
الكل ابتسم وهو يطالع حمدان .. هـ الحمدان سوا خير لما غير جوهم وخلاهم يضحكون وهم في قمة حزنهم
..!
/
.
الساعه سبع المغرب
روان فتحت عيونها بكسل حست بألم في راسها .. ودها تموت من كثر الألم .. مسكت راسها بقوه وطالعت حوالينها
شافت روحها على السرير وماشافت أحد معاها
روان وهي ماسكه راسها : آهــ .....!!!
ودها توقف ما قدرت حست منهد حيلها ما تقدر تتحرك .. شافت صوب الباب وبدت تتذكر كل شي صار ..
حرف حرف كلمه كلمه ... وصــــــــــــوره بـ ذات الوقت
روان نزلت دموعها وبدت تصارخ من الويع وقالت : فـــــــــهــــــــــــــــــــــد يـ الحيــــــــــــــــــــــــــوان
محد رد عليها وقفت روان بصعوبه ما استوعبت اللي تشوفه .. رجعت قعدت وحطت يدها على راسها
روان : فــــــــــــــــــــــــــــــهـــــــــــــــــد يالخسيس يالنذل وينك ...؟؟؟
محد رد عليها
بدت دموعها تنزل وانهارت صياح وهي تقول : خدعتني يالنذل خدعتني .. خليتني اركض وراك عشان هذا اللي تعطيني اياه .. وربي كنت حاسه وشاكه بس قلت لا يمكن زوجي يسويها فيني لا يمكن .. بس طلعت أنذل شخص على وجه الأرض
دخل فهد بسرعه وهو مستغرب من روان قال : اش فيج ....؟؟
روان بدت تصيح وهي ع السرير : سويتها ...!! يالنذل والله انك ما تستاهل تلمس شعره مني
فهد ابتسم بخبث وقال : انزين انتي اهدي اهدي شوي
روان : اشلون أهدا اشلون ..؟؟ أنا اش صار فيني ذيك الحزه اش صار
فهد : ما صار شي .. بس راسج كان يعورج وعطيتج حبوب ونمتي
روان دموعها نزلت : تجذب علي ...؟؟؟؟ والله أدري انك من البدايه نذل بس ما توقعت توصل فيك المواصيل انك تخليني أدمن
فهد ضحك بصوت عالي وقال : حلوه ذي أدمن ... ههههههههه
روان تصيح : اضحك انت اضحك اش عليك ...!!! بعد ما استغليتني وخدعتني .. كنت تكلمني ع الأقل والله بدون ادمان كنت اخليك تسوي اي شي بس .... لييييييييييييييييييييش خليتني أدمن
فهد يمثل : ع بالي انج ما ترضين
روان : انت ناوي تيينني ولا شو ..؟؟؟ فهد حس ولو شويه حس
فهد : خلاااااص انزين خلاااااااص ما صار شي
روان تصيح : خلااااااااااص بسهوله جذي خلااااااااااااص
فهد صارخ : تراج حشرتينا ..ما صارت حبوب استغفر الله
روان : انت اش تبي مني اش تبي ..؟؟
فهد : ولا شي ...!!
روان انهارت وهي تصيح ع الأأرض : عاد ليييش تسوي فيني جذي لييييييييييييش
فهد ابتسم ورفع ورقه وقال : عشان ذي ...!!
روان ما قدرت تشوف الورقه ومسكت راسها بقوه وقالت : عطني حبه بسررررررررعه احس راسي بينفجر
فهد ابتسم : لأ لأأأأ لأأأ ماشي حبه بدون ما توقعين على هالورقه
روان تصيح : عطني حبببببببه بسرررررررررررعه أحس روحي بموووووت
فهد طلع قلم : وقعي ع الورقه ع بال ما اطلع لج حبه
روان مسكت الورقه وشقتها : قلت لك عطني حبببببببببه
فهد صفعها وقال : ماني معطيج حبوب الا لما توقعين
روان مسكت راسها منهاره صياح : انزيييييييييين بسوي اللي تبيه بس عطني حبه
فهد طلع ورقه ثانيه من جيبه وقال وهو فـ يده الحبوب : وقعي يلا
روان وهي توقع وترتجف ومنهاره بنفس الوقت : عطني بسررررعه
فهد فر الحبوب عليها وقال : هاج اخذي لما تموتين بعد
روان بلعت الحبه وحست بارتياح قالت وهي تقعد ع السرير تصيح : انت اش سويت ..؟؟
فهد ابتسم وهو يشوفها قاعده تفقد وعيها شوي شوي .. مسكها وقفها وقال : قومي سيري غيري هالملابس عشان ارجعج بيتكم
روان وهي ما تستوعب اللي قاعده تقوله : لأأأأ بنام اهني
فهد سحبها من يدها وقال : خلااااص مابيج الحين وقت ابيج بييبج غصب عنج
روان نزلت دموعها وقالت : هذا بيتنا وين توديني ..؟؟
فهد عرف انها مو بوعيها وقومها وقال : يلا قومي بوصلج بيتكم
/
.
/
بليل الساعه ثمان
دخلت ملاك البيت وهي متضايقه ما شافت احد تنهدت بارتياح
أمي فاطمه يت بسرررعه : يما ملاك ...؟؟
ملاك ابتسمت بتعب : هلا يما
أمي فاطمه : وين كنتي خليتيني احاتي
ملاك : طلعت مع راشد نتمشى
أمي فاطمه : الله يهديج جان خبرتيني
ملاك : ما حصلت فرصه أمي
أمي فاطمه : مره ثانيه خبريني عسب لا احاتيج
ملاك : انشالله ماما
أمي فاطمه : يلا عسب تتعشين وتنامين
ملاك : لأأ أمي تعشيت برع
أمي فاطمه : خلاااص عيل روحي ارقدي مبين عليج مب راقده البارحه عدل
ملاك ابتسمت وهي تروح لـفوق : تصبحين على خير ماما
أمي فاطمه : وانتي من أهله فديتج
ملاك صعدت وهي تعبانه وهلكانه وتوها بتتوجه للممر عشان تدخل حجرتها
سمعت صوت : ع الأقل سلمي
ملاك صدت شافت وصايف قاعده مع مايد في الصاله اللي فوق
ملاك بدون نفس : السلام عليكم
مايد : وين كنتي ...؟؟؟
ملاك : كنت برع تغديت مع راشد وعقب رحت عند رفيجاتي
مايد عقد حياته : لا تطلعين مع راشد وايد وبيت ربيعاتج خففي روحتج لهم
ملاك ابتسمت بسخريه : لا ومن متى نحن نتحكم بطلعات بعض
مايد بجديه : من اليوم
ملاك ابتسمت بسخريه : اقووول يالحبيب شكلهم سوو لك غسيل مخ
وصايف مسكت يد مايد وقالت : اهدا حبيبي ما عليك منها
مايد وقف وقال : ان ما عدلتي اسلوبج ترا والله حتى جامعه ماشي
ملاك انصدمت من اسلوب مايد وقالت : مايد ........!!
مايد قعد بدون ما يطالعها وقال : روحي حجرتج يلا
ملاك مشت وهي دموعها اربع اربع على معاملة اخوها لها وعلى تغيره المفاجئ اللي حصل مايدرون اش سببه ...؟؟؟
مايد : صدقج والله يبالها تربيه من يديد
وصايف بطيبه : ترا صج والله وايد دلعتوها من وين البنات يطلعون من الصبح لليل ...!!
مايد : غريبه اختي الصراحه تطلع بأوقات غلط
وصايف : ترانا مب عايشين في امريكا ...!!!
وصايف ابتسمت بنصر ... بدا مفعوله يبين .. والله وصرت خاتم بيدي يا مايد ..
/
.
/
ملاك دخلت الحجره رمت جنطتها ع السرير بقوه ..
قالت وهي مقهووووررره : يالحــــ****************** والله ولعبتي بعقل اخوي عدل
قسم بالله ان ما خليتج تتأدبين وتعرفين انتي بنت منو ما بكون ملاك ..
راحت للتلفون وطلعته بسررررعه واتصلت بـ راشد
راشد : هلا ملاك ..
ملاك تصيح : هلا راشد
راشد : خير صاير شي ...؟؟
ملاك : رااااااااااشد الحححححق علي ... والله مقدرررر اعييييييييش ولو دقيقه وحده أكثر بهالبيت
راشد : اهدي حبيبي اهدي فهمييييني ع الأقل اش صايررر ...؟؟
ملاك : راشد .. مايد بدا ينازعني ويسب بعد ...!!! مايد صار انسان ثاني
راشد مستغرب : انتي اهدي حبيبتي وانا بكلمه بروحي
ملاك : رااااشد الحق علي والله ما اقدر اعيييش معاهم اهني ما اقدر
راشد : انشالله حبيبتي بس انتي اهدي وباجر الصبح يصير خييررر
ملاك تصيح عن خاطر : وين ييني رقاد وأنا بهالحاله وين ...!!!
راشد : اهدي فديتج وما يصير الا كل خيررر ومايد أنا بروحي بكلمه
ملاك : صج راشد
راشد : صج فديتج بس انتي اهدي
ملاك مسحت دموعها : انزين كلمه .. أوكي !!
راشد : من عيوني والله وبحاول افهمه بعد
ملاك : تكفى راشد خل يعرف ان محد بيدوم له بهالدنيا
راشد : انشالله .. اش تبين أكثر انتي ..؟؟
ملاك : ولاشي
راشد ابتسم : والله لو تبين عيوني ما تغلا عليج
ملاك : فال الله ولا فالك الله يحفظك ويخلي لك عيونك
راشد ابتسم : يلا حبيبتي سمي بالرحمن وحطي راسج ..
ملاك : انشالله
راشد : يلا تصبحين على خير حياتي
ملاك : وانت من أهله حبيبي
حطت راسها ع المخده وتنهدت ..!! والله لولاك ياراشد مدري اش كنت بسوي ...!!! والله كنت بتينن لو ماني متأكده اني بطلع من هالبيت ..
الله يستر على أخوي ويحفظه ويبعده عن اهل الشر .. ويرجعه مثل أول ويصلح باله .. ويبعد عنا هـ الوصايف اللي طلعت لنا ما بين يوم وليله ودمرت حياتنا وجلبتها ..
الله يراويج يارب وياخذ حقنا منج ... يوم لها ويوم عليها ... وبنشوف باجر من بيفوز يا وصايف ... ع بالج ملاك أخت مايد سهله لأ والله لأخليج باجر تييني وتترجيني بعد
/
.
/
اريج ابتسمت وهي تطالع أمها بحزن
اريج : ماما ...؟؟
خالو أمينه : نعم حبيبتي ..؟؟
اريج : عمي مب ناوي ييي لنا
خالو أمينه : هو روحه المسكين مشغول وين يقدر يجي لنا
اريج : والله بخاطري اشوفه .. يا كثر البنات اللي عندهم عمام
خالو أمينه : احمدي ربج على هالنعمه وبعدين عمج مشغول يا يما
اريج : ياربي ترا والله نحن نشتاق له مو لذي الدرجه عاد يقطعنا
خالو أمينه مستغربه وتطالع اريج
اريج : لا تطالعيني جذي .. ترا صدق والله أنا يتيمة ولازم يراعي شعوري
خالو أمينه : بنتي عمج مشغول بس يفضى يزورنا
اريج كشرت : مادري متى بيزورنا عاد لما يبيض الديك
خالو أمينه : قومي اقري قرآن ترا أحسن لج من القعده كذا
اريج وقفت : انشالله .. بروح بتصل على روان بشوف شخبارها
اريج تدق الأرقام : ياربي ...!! الحين ملل شسوي .. أحسن لي اتصل فيها
محد رد
اريج : استغفر الله .. هذي ليييش ما ترد يعني .. اش صار عليها ليكووون استوا فيها شي ... لا ليكووون حرام المسكينه كانت وايد تعبانه
اريج حطت التلفون ع الكوميدينه
الحين مروان صادق ولا كذاب .. لا لا اكيييد صادق مروان طول عمره زين حتى يوم انفصلو هو وروان حسينا فيه شي .. روان نفسها حست ان السالفه فيها انه .. الله يهديك يا ابو روان اش سويت ..؟؟ والله حرااام
الواحد ينهر السائل وبعدين ابو روان ظلم مروان وذله هذا غير انه مروان تحمل عشان خاطر روان .. أكيييد يحبها .. بس شـ نسوي خلاااص فهد صار زوجها ولا يمكن يطلقها منا والدرب وبدون اسئله ..!
/
.
/
ع العشا في بيت ابو عبدالعزيز
شوق : نور لو سمحتي صبي لي عصير
نور وهي قاعده تصب العصير : خالتي ليه ما رحتي لها اليوم ..؟؟
ام عبدالعزيز : يا بنيتي ما حصلت فرصه
نور وهي تعطي العصير لـ شوق : بس كان لازم تروحين البنت ولدت وصار عندها بنوته حلوه وانتي بعدك ما زرتيها
أم عبدالعزيز : انشالله بروح الها
بو عبدالعزيز ابتسم : نور شكلج طالعه على خالتج راعية واجب
نور ابتسمت : اي تربيتها هههه
شوق عقدت حياتها : لا والله وانا شو
ضاري : ياريت لو انج راعية واجب .. جان درستينا
شوق : يبا شوفهم ترا والله انا بعد عندي امتحانات وبتخرج مو بس هم
الهنوف : انتو الله ليييش عطاكم عقول .. عشان شوق تشرح لكم ولا تذاكرون
عبدالله خزها : سكتي انتي سكتي
الهنوف : يووووباااا شوووف عبووود
بو عبدالعزيز : عبووود تراه صغير بعده
عبدالله كشر وهو يشوف الهنوف وابتسمت له تغايضه
عبدالعزيز دخل الصاله وهو ميت تعب .. : السلام عليكم
الكل : وعليكم السلام
أم عبدالعزيز : هلا ولدي هلاأأأ
عبدالعزيز : اشلونكم ..؟؟
الكل : بخير
بو عبدالعزيز : انت اشلونك واشلون الشغل معاك ..؟؟
عبدالعزيز : والله تمام التمام يايبا
بو عبدالعزيز : دوم انشالله
أم عبدالعزيز : تعال تعشا يما
عبدالعزيز : مشكوووره يما شبعان والله
ام عبدالعزيز : هو انته اش كليت .. لا ريوق تريقت في البيت ولا غدا تغديت في البيت ..؟؟ اش كليت انته ووين ..؟؟
ضاري : يما الله يهديج اهوه عاد مب ياهل
ام عبدالعزيز : بعيني بعده صغير ومدلل
عبدالعزيز ابتسم بتعب : الله يخليج لنا يارب ويحفظج
بو عبدالعزيز : عاد انا اغار
شوق : لا عاد يبا نحن اللي بنمدحك ترا والله ما نسوا شي بدونك
ام عبدالعزيز : لا تغيرون السالفه .. علامك يا ولدي كله تاكل بره اليوم
عبدالعزيز : رحت اعدل اوراق ضاري للجامعه لأنه ما بيمداني .. على طول أول ما يخلص بسلم الأوراق ترانا بنسافر لألمانيا .. وعقب رحت المعرض عدلت الأوراق .. وبعد جذي رحت حجزت تذاكر للكويت وبعدها
لألمانيا لـ بعد النتايج .. وهلكت اليوم من مكان لـ مكان وهذا غير رسوم الدخول لألمانيا والأرواق اللي يبونها
أم عبدالعزيز : فديتك أنا ... والله تعبت مو لازم كل هذا بيوم واحد
عبدالعزيز : المهم افتكيت من هالسالفه
بو عبدالعزيز : معاك التذاكر
عبدالعزيز : لا بالسياره ما فيني انزلهم الحين .. هلكان
أم عبدالعزيز : روح نام يما واستريح مبين عليك التعب فديتك ..
عبدالعزيز ابتسم : تصبحون على خير
الكل : وانت من أهله
بعد ما راح عبدالعزيز الهنوف ابتسمت : بنرووووح الكويت بعد النتايج .. يعني أكييييييييييد ..؟؟
بو عبدالعزيز : اي أكيييييييد
الهنوف : واااااااااااااو بشوف بنات عمامي وخوالي
شوق طالعت نور : بنرووووح
نور بهمس : اي بنروووح خلاااص
شوق بهمس : الله يستر من الياي
نور ابتسمت : لا تحاتين انشالله خير
ام عبدالعزيز : علامج انتي وياها ..؟؟
شوق : ماكو يما
ام عبدالعزيز ابتسمت : يلا عاد بعد النتايج تجهزو للسفره ..
عبدالله : ما يصير نروح ألمانيا مع شوق ونور وعبدالعزيز
بو عبدالعزيز : بس تعقل وتصير ريال في سفره
عبدالله ابتسم وقال : يبي لي كم سنه .. وبعدها بفكر انشالله بـ سفره ههههه
<<<
هـ الجزء صارت فيه تغيرات كثيررررره وأحداث جديده ...
خلت احداث الروايه تنقلب اميه وثمانين درجه ...!!!
مثل حياة ملاك .. مايد تغير وايد وصارت علاقته مع ملاك اي شي .. قام يحاسبها على كل شي وصايف فرد جديد في عيلتهم .. يا ترى لـ وين بتوصل وصايف مع أفكارها الشيطانيه والخبيثه .. وهل يا ترى بيتحقق
مرادها وبيصير كل اللي في بالها .. وكيف مايد بيطلع من هـ الورطه اللي وقع فيها ........!! ومتى ....؟؟؟
وراشد المسكين هل بيظل حبل وصل بين ملاك ومايد ويصلح بينهم ولا بيتوه معاهم وسط هـ الدائره ..؟؟
نور وسفرة ألمانيا قربت ...!! هل بتوافق تكمل دراسه... ولا خلاااص بتسجل عشان تشتغل وما تحس انها عال على غيرها .. واذا سافرت لألمانيا شو ممكن بيصير .. هل بتتلاقى مع أحد من أهلها في ألمانيا ولا روحة المانيا راح تنقلب من دراسه وعلم لـ سفرة عشق وغرام ...!! أم العكس وتصير سفرة نكد وهم وبدايه لحياه قاسيه ..؟؟
شوق وسفرة الكويت بعد الامتحانات ..؟؟ اش راح يصير ..؟؟ براك بيملج عليها ولا بس بيخطبها ..؟؟ ولا راح ترفض شوق وتقول ابي نواف ... هل ممكن انها تسويها ولا تنجبر وتتزوج براك وترضى بحياتها وتواجه صعوبات بس بـ الأخير تحب نصيبها ..؟؟ بعد الخطبه ...؟؟؟ هل بيروح معاها خطيبها لألمانيا عشان تبدا حياة جديده وحب طاهر جديد .. ولا تفضل السفر بروحها ...؟؟ أو يمكن ما راح يكون في خطبه عشان تتعرف على الطرف الثاني في ألمانيا ...؟؟
روان حياة مشتته .. مستقبل ضائع .. فتاه يئست من الحياه ومشاكلها ... لـ وين راح توصل مشاكل روان مع فهد ..؟؟ فهد هل بالفعل انسان خبيث مثل ما احنا قاعدين نشوفه .. ولا هالشي مجرد لعبه من أحد الأشخاص للانتقام من ابو روان ..!! ولييش فهد يسوي كل هذا ..! وشو سالفة الورقه اللي خلا روان توقع عليها ...؟؟ هل ياترى ورقة عقد زواج ...؟؟ يمكن ..! ولا تحويل ملكية سيارة أو بيت أو أملاك ...؟؟؟ بس روان من وين لها كل هذا ..؟؟ وروان وتفكيرها المشتت لـ وين بتوصل مع فهد .. ومع الادمان ..؟؟
اريج عصفوره من عصافير الجنه .. قلب طاهر برئ .. لا مجامله ولا نكد .. حياه حلوه صافيه تصحب قليل من رذاذ المطر فقط من غير عواصف وأمطار غزيره ... بس هل راح تتحول هـ الحياه لـ مدينة الثلج اللي طول الوقت أهلها يحتاجون للدفا أم يظل الحال مثل ماهو ...! ومحمد وين موقع اعرابه في الروايه ..؟؟
بدور حيــــاه قاسيه مؤلمه ... فراق الأحبه مؤلم .. عمره الانسان ما ينسى شخص يحبه ويتذكره أكثر شي في المناسبات ... هذا اول عرس ما تحظره ميره .. وهذا أول عيد ما تعطيني العيديه .. هذا أول تخرج لي ما تيي وتصورني ...!!! هذا وهذا .. بدور تاهت وهي تدور على أختها .. بس لا أمل من رجوعها .. دموع تهل ع الخدود ليل ونهار حزنا على فراق الأخت .. الصديقه .. الحنونه .. وهل يا ترى بدور بتكمل وتاخذ الشهاده ولا تكتفي بـ قعدة البيت وتصيح على ذكرى أختها الوحيده ..؟؟ وأحمد اش صار عليه ..؟؟
مروان ظهر من بعد غيااااااب دام طويلا ... القليل اشتاق له ... بس الكثير تمنا موته لـما عرف اش سوى بـ روان .. بس اليوم حبوه أكثر وأكثر لأنه ما حاول يهدم عايلتها أكثر ما هي مشتته ومهدومه .. هل يا ترى بيظهر في الروايه من جديد ولا مروان يكتفي بالجلوس والندم على أيامه اللي قضاها مع روان ويكمل حياته بسكات من غير ما يتدخل بـ حياة أحد ..؟؟
معضد .. آآآآآآه الوحده أصعب شئ في الكون ... من يشكي له بعد اليوم ... من يبكي له من يخبي اسراره من بيساعده .. من ومن ومن ...؟؟ للأسف مافي اجابه غير انه كيان من الحزن العميــــــــــــق ..!! لا نهايه لـ قصة حزنه ...؟؟ وكيف بيربي حمدان اليتيم ..؟؟
أسئله كثيررررره مع أحداث مشوقه ..!!
ترقبوني في الحلقه القادمه
يتيمة زايد
الأحد 7-11-2010, 10:40 pm
قال رسول الله صلى الله عليه وسلم :
((خير الدعاء دعاء يوم عرفة، وخير ما قلته أنا والنبيون من قبلي: لا إله إلا الله، وحده لا شريك له، له الملك، وله الحمد وهو على كل شيء قدير ))
ღ الحلقه السادسه و العشرونღ
يوم الأحد بعد مرور أسبوع ع الأحداث السابقه
بدور تطالع أم عبدالرحمن وتقول : يعني خلاااص يما هالأسبوع بنرجع قطر
أم عبدالرحمن : اي حبيبتي هذا الأسبوع الأخير لنا اهني
بدور طالعت الكل وهم يتغدون وقالت : أنا برجع معاكم
عبدالرحمن طالع بدور وقال : اي حتى أنا قلت جذي ما في أحد اهني .. لااازم ترجعين وكملي في قطر
بدور نزلت راسها وقالت : لا دراسه ماني مكمله بقعد في البيت
خلود باستغراب : لييش جذي انزين ...؟؟
بدور : بصراحه والله ما ودي أكمل دراسه
فيصل : وتعب هالثلاث سنين يروح جذي يعني ..؟؟؟
عبدالرحمن : قلنا تسافرين معانا بس لااازم تكملين
بدور : مابي .. تعبت من الدراسه
أم عبدالرحمن مستغربه : ليييش جذي يما ..؟؟
بدور : مابي يما خلاااص والله مافيني شده ع الدراسه
فيصل : ميره الله يرحمها بيكتمل شهر على وفاتها وانتي بعدج جذي
خلود : اي والله يـ ختي شوفي حياتج وادرسي مو زين اللي تسوينه
بدور هزت راسها وقالت : خلاااااص ما بسجل بأي كليه .. بقعد في البيت أحسن لي
ام معضد طالعت معضد وقالت : معضد كلمها .. قول لها عن ميره كانت تبيها تكمل .. يمكن تقتنع
معضد وهو ياكل بهدوء ويوكل حمدان اللي قاعد يمبه : يما هي أدرى بمصلحتها وحره بدارستها
بدور : شفتو حتى ميره الله يرحمها كانت مخليتني على كيفي ادرس
أم عبدالرحمن : لا يما دام السالفه جذي خلااااص أنا وأخوج بنأجر شقة في دبي وكملي .. الا هو شهر واحد
بدور : يما مب قصدي جذي .. هو لو اهني ولا هناك واحد .. لأنه ما ودي أكمل دراسه من الأساس
خلود : ليييييييييش جذي عاد ترا والله أنا بساعدج لو تبين شي .. مع ان مالي بالتمريض .. بس بساعدج كثر ما اقدر
بدور : ليييش مب راضيين تفهموني .. أنا مابي أكمل مب علشان ميره .. مابي لأني عفت شي اسمه دراسه
أم معضد : يا بنتي اش هالكلام في أحد يكره الدراسه وهي مستقبله
بدور : أنا ..!
معضد قال : هي صح خلود تعالي معاي هالأسبوع لأني بداوم
أم معضد ابتسمت ما صدقت الخبر اللي سمعته من ولدها وانه بيرجع يكمل حياته مثل أول
أم معضد : صج والله
معضد هز راسه وقال : هي باجر العصر برجع دبي وابي خلود تيي معاي تشوف حمدان
أم معضد : لأأأ خل حمدان عندي وأنا بربيه
حمدان طالع يدته قال وكأنه فهم : لأأأأأأأ أنا برد بيتنا مع باباتي .. ما بقعد عندكم
معضد : يما حمدان صعب التفاهم معاه عنيد وبيتعبج
أم معضد : لا يا ولدي هذا حفيدي وانا بتحمله
بدور : يما ليييش ما ناخذه معانا قطر .. ترا والله عادي عندي .. يعني بقعد في البيت وفاضيه .. اربي ولد اختي أحسن لي
أم معضد ابتسمت لأم عبدالرحمن وقالت : لأأأ يما انتي صغيره ووراج زواج ما يصير تطوفين حياتج كلها على هالولد
بدور : لا عادي خالتي هذا ولد أختي .. مثل ولدي .. وما بيكون في قلب أحن عليه مني
أم عبدالرحمن : يما صح تقول خالتج وبعدين يمكن باجر معضد تزوج وشاف له بنت الحلال .. وبتربي ولده
بدور وقفت وقالت بعصبيه : لا والله أنا مابي وحده تربي ولد أختي .. مدري كيف بتكون ..!!!
معضد طالع بدور باستغراب وقال : أعتقد هذا ولدي .. وأنا حر منو بيربيه
بدور بدت تصيح وتطالع حمدان : حرااام عليكم حسو فيه ترا هذا يتيم .. انتو اش فيكم ما تحسون .. وانت ماشالله عليك يا معضد .. مسرع ما بغيت تتزوج من بعد وفاة أختي ...؟؟؟
معضد نزل راسه بحزن وقال : محد قال اني بتزوج .. اصلا أنا ما بتزوج
أم معضد : علامكم يا عيال ...؟؟ اش صار فيكم ..؟؟
عبدالرحمن طالع بدور وقال لها : اهدي بدور
بدور بدت دموعها تنزل : والله ما هقيتكم جذي تنسون ميره بسرررعه .. لا وتظلمون ولدها بعد ....!!
خلود مسكت بدور وقالت : تعالي حبيبتي نروح فوق
بدور مشت بدون ما تقول أي كلمه للي قاعدين تحت
معضد وقف
أم معضد : وين رايح يما ...؟؟
معضد : بسني الحمدلله شبعت
أم معضد : ما كليت شي حبيبي
معضد مشي وقال : لا كليت يما
فيصل طالع عبدالرحمن وقال : الواحد ما يتهنى بالأكل بعد في هـ البيت
عبدالرحمن طالع فيصل اللي ضايع بين الكل ويتحمل نتيجة افعالهم ... وغير انه اربع وعشرين ساعه طالع من الدوام لأنه أحد طاح وأحد مرض ووووووووووووو ..!
عبدالرحمن وقف وقال : وانا بعد شبعت ..
أم معضد : اش صار فيكم يا عيااال ..؟؟
عبدالرحمن : خالتي شبعت ..
أم عبدالرحمن طالعت فيصل وقالت : لا تقول انك انت بعد شبعت
فيصل ابتسم وقال : لا خالتي قاعد اشوفهم .. كل واحد يقوم ورا الثاني ..
أم عبدالرحمن : الله يهديهم اش سوو بـ رواحهم
أم معضد : يـ ختي العيال كبرو وهمهم كبر معاهم ..!!
فيصل وقف وقال : بدت المناحه .. اقوووم ابرك لي
أم معضد ابتسمت : يما روح شوف اخوووووك
فيصل : انشالله أمايه .. بس شكله عبدالرحمن راح يشوفه
أم عبدالرحمن : الله يهديك يا معضد ..!
فيصل ابتسم ومشى عنهم مع انه حزين من داخله ع اللي قاعج يصير بعايلتهم وعايله أهل أمه من بعد وفاة
ميره
فيصل بعد ما غسل يده .. راح فوق لـ حجرة معضد .. شافه قاعد ويلعب بالتلفون
فيصل : ممكن أدخل ..؟؟
معضد هز راسه وهو مندمج بالتلفون : دش
فيصل : وينه عبدالرحمن ..؟؟
معضد : شكله راح يرقد
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك