رواية خليجيات في الامارات -39
فيصل بعد ما غسل يده .. راح فوق لـ حجرة معضد .. شافه قاعد ويلعب بالتلفون
فيصل : ممكن أدخل ..؟؟
معضد هز راسه وهو مندمج بالتلفون : دش
فيصل : وينه عبدالرحمن ..؟؟
معضد : شكله راح يرقد
فيصل قعد يمب معضد وقال : اش فيك ياخوي ..؟؟ اش صاير لك ..؟؟
معضد ابتسم بحزن وقال : مافي شي ياخوي
فيصل : امبلا معضد من يوم توفت ميره الله يرحمها وانت مب ناوي تغير هالوضع
معضد : ولا بيتغير بعد ..!!!
فيصل : لييش انزين .. ياخوي انت بعدك صغير .. شوف عمرك وحياتك ... شوف ولدك اش يحتاج
معضد : اش يحتاج يعني .. عنده كل اللي يباه
فيصل : مب قصدي جذي
معضد : عاد اش قصدك ..؟
فيصل : ترا حمدان توه صغير وانت بتلهى بالدوام .. حمدان يباله أم تشوفه وتداريه .. غير انه الزمن تغير
معضد : أمه ميره وبس .. وما راح يكون عنده أم غيرها
فيصل : معضد فكر صح ..؟؟ ترا باجر لو الولد ضاع بتلوم عمرك
معضد : ولدي وانا بربيه روحي وعلى الطريقه اللي ابا .. ما يبي له شي ثاني
فيصل : بتتحمل نتيجه افعالك وعنادك باجر يوم الولد يكبر ...!!!
معضد غمض عيونه وقال : فيصل ابا ارقد لو سمحت
فيصل وقف وقال : فكر بكلامي عدل .. !!!
معضد غمض عيونه بدون ما يرد .. وفيصل طلع من الحجره تارك وراه اخوووه اللي بيموت قهر وحيره ..!
/
.
/
وهم قاعدين يتغدون
مايد طالع وصايف وقال : حبيبتي وين تبين أوديج اليوم ..؟
وصايف ابتسمت : اي مكان تبي .؟؟؟
ملاك بقلبها .. هذيل من يومين طالعين .. حشا عز الله فلس اخوي من ورا هـ الحرمه .. لااازم ويه فقر ومب شايفه خير .. لا يت للنعمه سحبت أخوي وراااها وخلته يشتري لهاا اللي عمرها حتى ما حلمت تشوفه
مايد : ملاك داومتي اليوم ...؟
ملاك بدون نفس : لأأأ
مايد : ولييش ...؟
ملاك : ما عندي شي
مايد : آهااا .. وينه راشد ...؟
ملاك : مادري عنه اسأل عنه روحك
مايد طالع وصايف وقال لـ ملاك : هي صح حبيت أكلمج بموضوع
ملاك : نعم ..؟
مايد : بما انج بتتزوجين قريب .. حبيت اقول لج اختاري واحد من الاثنين يا يكون لج نصيب في الورث أو تتزوجين راشد
ملاك وقفت مصدومه من اللي قاعده تسمعه : نعممممممممممم ..............؟؟
مايد : قلت اختاري واحد ما قلت وقفي متخرعه وخايفه ..!!
ملاك : انت شو تقول ..؟؟
مايد : اللي سمعتيه
ملاك : مايد انت صاحي ع اللي قاعد تقوله ..؟؟ انت صاحي
وصايف ردت بقهر : هي أكيييد صاحي اش قالو لج يعني مب صاحي
ملاك : انتي اسكتي لا تدخلين بيني وبين أخوي فاهمه
وصايف طالعت مايد وقالت : اسمع شو تقول ...؟؟؟
مايد رد طالع ملاك وقال : عندج هالأسبوع تفكرين فيه سمعتيني ..؟؟ ولو على راشد اقدر اعطيه بيزات تكفيه طول عمره ..!! عشان يطلقج
ملاك عصبت من اللي قاعد يقوله مايد وقالت : انت شكلك بعدك مينون ومب صاحي اروووح اكلم أمي فاطمه أحسن لي .. عشان تشوف حل لـ هالمهزله اللي قاعده تصير
مايد ابتسم وقال : هه تروحين تخبرين منو ..؟؟
ملاك : امايه بعد منو ..؟؟
مايد : تراها روحت
ملاك شو وتيينن : وين راحت ..؟؟
مايد : ولدها يا وشلاها
ملاك : انت صاحي ولا تخبلت .. في احد يسوي اللي قاعد تسويه
مايد : ملااااااااااااك عدلي اسلوبج احسن لج وفكري باللي قلت لج اياااه
ملاك مشت وهي مقهوره من داخلها : بنشوف شو بتسوي يا مايد بنشووووف ..!!
وصلت ملاك للحجره ودخلت مقهوووره قفلت الباب واتصلت على راشد بسرررعه
راشد رد وصوته متغير : هلا ملاك
ملاك مقهوره وتصيح : دريت باللي صار ..........؟؟
راشد بحزن : هي دريت
ملاك : أمايه عندك
راشد : هي عندي ولا تخافين عليها .. زينه وما بلاها شي
ملاك : أكيييد حالتها حاله وقاعده تصيح
راشد : لا لا أنا ييت شليتها ومايد ما طردها ولاشي .. بس لمح لها ان مرته مب مرتاحه ولازم تعيش روحها جان تتصل بي
ملاك : هذي اللي ما فيها خير ..!! والله بروايها
راشد : اهدي ملاك
ملاك تصيح : راشد تخيل مايد بشو خيرني ..؟؟
راشد : شو ..؟؟
ملاك : يا الورث .. يا اني اعيش معاك
راشد مستغرب : هذا صاحي ولا فيه شي ..؟؟
ملاك : روحي ما أدري والله أخوي متغير لا ومتغير وايد بعد
راشد : ما عليج منه أنا بكلمه
ملاك : لا تكلمه دخيلك هو روحه كارهنك تبا تزيد المشاكل
راشد : بس هالسالفه ما ينسكت عنها يا ملاك
ملاك تمسح دموعها : والله ما أدري شسوي يا راشد .. من يت هذي بيتنا وكل شي متغير
راشد : اهدي فديتج وانا بشوف حل للمشكله
ملاك : دخيلك لا تقرب منه تراه وايد متغير
راشد : انتي اهدي وانا روحي بتصرف معاه فديتج
ملاك مسحت دموعها : الله يخليك يارب
راشد ابتسم : يلا مع السلامه تبين شي ثاني ..؟؟
ملاك : سلم على أمايه واستسمح منها بدالي
راشد : ما عليج أمايه تعرف عن كل شي
ملاك : الله يخليها لنا
راشد : مع السلامه فديتج عندي دوام الحين
ملاك : مع السلامه
بعد ما انهت ملاك مكالمتها حطت راسها وهي ميته قهر ع اللي قاعد يستوي .. اخوها من صوب وريلها من صوب .. ووصايف من صوب ..!!
شسوي الحين ياربي شسوي ..!! وكيييف اقدر اكسر خشم هـ الوصايف أنا لا يمكن أنسحب وأخلي البيزات تروح لـهذي ..!! وبنفس الوقت لا يمكن أترك راشد عشان البيزات ..
ياربي والله احترت .. يارب ساعدني لأني بالفعل ما اقدر اوفق بين اي شي .. تعبت والله تعبت
/
.
/
نور وهي تدرس عبدالله
نور معصبه : يا أخي شووووف الجمله وبعدين اعربها
عبدالله : انزيييييين انزييييييين
نور : يلا اعرب لي ذهب فارس إلى المدرسه
عبدالله : ذهب فعل ماضي مبني على الفتح
نور : طيب .. يلا كمل
عبدالله : فارس فاعل مرفوع وعلامة رفعه الضمه
نور : أوكي يلا شاااطر للحين
عبدالله : في ظرف مكان
نور ضربته بالكتاب وقالت : يا ذكي .. في كم مره افهمك ان في حرف جر حرف جرررررررررررررررر
عبدالله حط يده على اذونه : اعوووذ بالله طريتي طبلة اذوني
نور : استغفر الله العلي العظيم ..! كم مرة فهمتك لا عاد تخلي حروف الجر شي ثاني
عبدالله : انشالله انشالله
نور : يلا ركز وذاكر مره ثانيه عشان امتحنك مره ثانيه
عبدالله كشر : مره ثانيه
نور : اي ترا ماشالله عليك ما تذاكر مثل العالم والناس
عبدالله حط راسه ع الكنفه : خلااااص خلاااااص بذاااكر
نور وقفت : خـل اروح اشوف شوق وارجع لك
عبدالله : أووووكي بسرررررررعه
نور وهي تصعد للصاله اللي فوق .. بعد ما وصلت تبي تروح للحجره سمعت صوت خالتها وعبدالعزيز بالحجره
أم عبدالعزيز : وليييييييييش انزين
عبدالعزيز : يما أنا قلت لج البنيه مابيها
أم عبدالعزيز : ولييييييييش انزين
عبدالعزيز : لأني ما أبيها
نور مستغربه من ذي اللي ما يبيها عبدالعزيز
أم عبدالعزيز : لو عطيتني سبب مقنع اوعدك ما افاتحك بالموضوع بس سبب واحد مقنع
عبدالعزيز : انا احسبها أختي لا أكثر ..
أم عبدالعزيز باستغراب : لا والله
عبدالعزيز : والله يا يما .. أنا أحسبها أختي وبس
أم عبدالعزيز : الحين هذا سبب مقنع برايك
عبدالعزيز : اي سبب مقنع
أم عبدالعزيز : لا لا ..!
عبدالعزيز : يما من ونحن صغار انظر لها نظرة شوق والهنوف لا غيييييررر لأني بالفعل أحسبها مثلهم
أم عبدالعزيز : ممكن تقول لي بنت خالتك وش ناقصها عن باقي البنات ....؟؟؟
نور وقفت مصدومه وما قدرت تشيل عمرها ..!!! أنا وش دخلني بالسالفه ..؟؟
عبدالعزيز : مب ناقصها شي يا يما بس بنت عمي ...!! اقصد بنت خالتي اعدها مثل أختي لأنها ربت معانا
نور .. لييييش يقول كذا ..؟؟؟ وبعدين عبدالعزيز الفتره الأخيره كان متغير معاي ..؟؟؟ هالشي اكد لي انه يبيني بس اليوم قاعد يقول العكس لييييه طيب ..؟؟؟ وليييش قال بنت عمي بدال خالتي ..ولخبط ..؟؟ طيب انا اش ناقصني عن بقية البنات ...؟؟ ايييييييييش ..؟؟
أم عبدالعزيز : بس بنت خالتك هذي أنت أولى فيها من الغريب وبعدين هي يتيمة مالها أحد بهالدنيا وغير جذي فكر يا عبدالعزيز ان نور مالها احد بالدنيا
عبدالعزيز طالع امه وقال : وأنا وش علي يا يما ..؟؟ يعني عشان خاطرها تدمروني أنا ..؟؟؟
أم عبدالعزيز : والله يا عبدالعزيز ان ما خذيت البنيه لا أنا أمك ولا انت ولدي
عبدالعزيز طالع أمه مستغرب .....!! من اللي قاعده تقوله
نور خذت عمرها ومشت بسررررررررررعه للحجره وهي حابسه دموعها لا تخونها
شوق استغربت من دخول نور المفاجئ وقالت : نوووووور
نور نزلت راسها ومشت للسرير
شوق : نور اش فيج ..؟؟
نور : ما فيني شي
شوق : امبلا انتي فيج شي ..؟
نور : يا شوووق قلت لك ما فيني شي
شوق : بس انتي ِشكلج متغير احد قال لج شي ...؟؟
نور : يوووووووووووه يا شوووق اسكتي خلاااص خليني اناااام
شوق طالعت نور مستغربه ونزلت راسها تشووف اللي بيدها
نور غمضت عيونها بألم وحرقه .. ونزلت دموعها غصبا عنها .. وبدت تتذكر أمها وأبوها اللي محتاجه لهم وبقوووه في هـ الوقت بالذات ... ومحتاجه لحنانهم وحضنهم الدافي ...!!
/
.
/
روان تصيح وهي تكلمه : انزيييين تعال شوي أبيك
فهد يضحك : ما اقدر حبيبتي
روان : حبيبتك بعينك ...! في أحد يسوي بحبيته لا وزوجته بعد جذي
فهد : اي
روان : ممكن اعرف من هذا الغبي
فهد : أنا هههههههه
روان انقهرت من اسلوبه البارد وقالت : فهد رجاءا بطل سخافه
فهد : انتي اش تبين الحين ..؟؟
روان : شـو ابا .. يعني ..؟؟ اكييييد ابي حبوب
فهد : ما في ياحلوه .. خلاااص اللي نبيه خذيناه
روان بسخريه : انوثتي يالطيب ولا الورقه اللي مدري اش كان فيها ..؟؟
فهد : تقدرين تقولين الاثنين
روان عصبت : ممكن تيي وتعطيني الحبوب لأني بالفعل أحس راسي بينفجر
فهد : أوكي أوكي انزلي وبتشوفيني ..
روان : عطني العاديه لأني بزور رفيجتي
فهد : أوكي أوكي بس انزلي
روان سدته بويهه وقالت : ملعوووون ...!! والله الشيطان اخووووك ..!!
/
.
/
اريج تطالع أمها وتقول : يما ......؟؟
أم اريج : هلا حبيبتي
أريج : تعالي شوفي الفساتين
أم اريج : ييبي لي النظاره
اريج : هاج ماما
ام اريج تلبس النظاره وتشوف داخل اللاب توب وتقول : استغفر الله اش تبين بـ العاري هذا يا يما ..؟؟
اريج : حلو ..!
ام اريج : بكره عذاب ربج أكبر يا بنتي ..
اريج ابتسمت وقالت : خلااص ولا يهمج اوكي شوفي هـ الفستان
أم اريج ابتسمت : اي هذا الحلو .. مو ذاك اللي كل ظهره وريله برع
اريج ابتسمت : بس بشتريه
ام اريج : اشتريه على كيفج بس البسيه بروحج مو يدام كل حد
اريج ضحكت وقالت : ولا يهمج
ام اريج : تدرين أحس مع العلاج رجلي بدت تتحسن واجد عن قبل
اريج : الحمدلله رب العالمين
أم اريج : الحمدلله الدكتور ماشالله عليه شاطر
اريج : لا تنسين كل هذا من فضل ربي
ام اريج : الحمدلله الحمدلله
اريج : خلاااص بس تصيرين زينه بوديج للأسواق معاي
ام اريج : لا دخليج أنا من يوم صغيره اكره الحوامه
اريج تضحك : هههههههه وأنا عكسج بكل شي
أم اريج : يما اهتمي بدارستج ترا واجد أحسن من الطلعات والخرابيط ذي .. ما اقول لج لا تطلعين لا طلعي
على كيفج بس هم للطلعه في اوقات ..
اريج : ادري ماماتي
أم اريج : من يدق الجرس
اريج : بروح بشوف مين ..؟؟
ام اريج : روحي يما
اريج راحت للباب : منو ........؟؟
........... : روان
اريج فتحت الباب مستانسه : روووووااااني ...؟؟
روان ابتسمت ومبين على ملامحها التعب : هي روان
اريج : يا هلأأأ ويا مرحبأ
روان : يعني ما أدخل اظل واقفه عند الباب
اريج ابتسمت : لا لا دخلي فديتج
روان ضحكت وهي تدخل : وين خالو ..؟؟
اريج : هذيها في الصاله
روان تجدمت عن الصاله وهي مبتسمه : مساء الخير ..!
ام اريج : مساء النور
روان تبوس راس خالو أمينه : اشلونج خالوتي ..؟؟
ام اريج : بخير يا بنتي انتي شخبارج ..؟
روان : تمام الحمدلله يما
ام اريج : دوووم يارب .. وشخبار زوجج انشالله بخير
روان تغيرت ملامج ويهها وقالت : بخير الحمدلله خالتي
ام اريج : الله يديم المحبه بينكم
روان ابتسمت بربكه لأريج وقالت : اروووج يلا نروح الحجره
أم اريج : اي يما روحو داخل عسب تاخذون راحتكم
اريج مسكت يد روان وقالت : يلا نروح داخل
دخلت روان الحجره وهي تعبانه ابتسمت وقالت : ما اشتقتو لي
اريج : امبلا .. حرام عليج يوم مداومه ويوم غايبه ليييش كذا يـ ختي ..؟؟؟
روان : الله أعلم بالحال يا اريج
اريج توها بتكلم روان عن سالفة مروان بس خافت تسوي تاتش مابين روان وفهد زوجها .. قالت أتم ساكته أحسن لي
روان ابتسمت : اش فيج اروج ..؟؟
اريج ابتسمت وقالت : ولاشي
روان طالعت الساعه وقالت : الوقت قاعد يمر بسرررعه
اريج : اي والله .. تعالي رواني اش فيج متغيره وويهج شاحب واااايد
روان ابتسمت : ولاشي
يتبع >>>
اريج يلست يمب روان وقالت : انا اختج .. لو ما بتقولي لي بتقولي لمن ..؟؟
روان دمعت ما قدرت تسكت شوي وبتفنجر وقالت : اريــــج فهد خاين .........!!
اريج طالعتها مستغربه وقالت : خايــــــــــــــــــــــــن ..!
روان : اي وجذاب بعد
اريج خافت : سوا فيج شي ..؟؟
روان ارتبكت وقالت احسن لي اسكت ولا أنا بعد بروح فيها وقالت : لأأأأ ما سوا فيني شي بس اكتشفت انه متزوجني لـ فلوسي
اريج : مع ان هو بعد عنده فلوس
روان : والله مدري .. ناس طمعانه
اريج : الله أكبر ..!! الحين كل هالفلوس ما تكفيه
روان تصيح : يا اريج طلع ما يحبني
اريج : يمكن يحبج بعدين لا تستعجلين .. ترا الحب ييي بعد الزواج
روان بخاطرها .. لو تدرين اش سوا بي .. كان ما لمتيني بعد .. بس الله يجازيه يارب وياخذ حقي منه
اريج : روان اش فيج ..؟؟
روان : لا اريج أنا متأكده فهد انسان مو زين
اريج : اطلبي منه الطلاق ..
روان ياريت لو أقدر .. والله ما اقدر .. لو اطلب منه الطلاق تكون سمعتي راحت فيها هذا غير اني خلاااص ادمنت
اريج : اش فيج ...؟
روان : ما فيني شي .. بس ما اقدر اطلب الطلاق لأنه مب راضي
اريج : انزين خلع
روان : هم ما يصير
اريج : ياربي روان فهميني اش صاير لأنج شتتي افكاري
روان : اريج فهد جذااااب والله جذااااب
اريج : ادري بس قولي اش سوا
روان : قلت لج عن كل شي .. بس ابي تشوفين لي صرفه اتخلص منه
اريج يت في بالها فكره وقالت : تدرين روان ..؟؟
روان مستغربه : شو ..؟؟
اريج : تدرين الأسبوع اللي طاف شفت من ..؟؟
روان : منو ..؟
اريج : مرواااان
روان مستغربه : من ..؟؟
اريج : مروان يا روان مرواااان
روان دمعت أكثر وقالت بخاطرها ليته يشوووف الحال اللي انا فيها ألحين جان ما لامني وقتها
اريج : معاي روان ..؟
روان هزت راسها وهي تصيح : اي
اريج : تخيلي اش قال لي .؟؟
روان باستغراب : ليكووون قال بيحبج ..؟؟
اريج : لأأأ قال انه تقدم لج بس ابوج رفضه
روان بطلت عيونها : كيف تقدم لي وانا مالكه
اريج : لأأأأ قبل ما تنفصلون هو راح وتقدم لج وحاول مع ابوج بس ابوج ذله بسبب الفارق الاجتماعي وبعدين عاد مروان ما قدر يسوي شي غير انه يتركج لأنه ما في أمل
روان بدت تصيح : كنت ادري السالفه فيها انه ولا مروان ما في مثله اثنين
اريج : حرااام كسر خاطري
روان : حرااام عليه ابوي والله لو يعرف معدن فهد كان من زمان زوجني لـ مروان وافتكينا
اريج : دنيا يـ اختي ما يصير الواحد يعيش فيها بدون لا يذوق مرارتها
روان : حرااام عليه والله حرام ..!!
اريج : اكلم مروان عنج
روان ارتبكت وقالت : لأأأ لأأأأ انا بتكلم مع فهد وانشالله احل مشكلتنا
اريج : انشالله .. بس والله مروان كسر خاطري
روان نزلت دموعها .. وكسر خاطري أنا بعد ... والله ان فهد ما يسوى ظفر مروان بعد ..!! الحين وين مروان ووين فهد ..؟؟ الله يسامحك يا يبا يوم سويت جذي واهتميت للفلوس ودي اعرف هـ الفلوس أخر شي بشو بتفيدك ..؟؟ مستحيل تاخذها معاك للقبر ... الله يسامحك يا يبا دمرتني .. والله انك دمرتني ..
لا والأحلى اريج تبي تكلم مروان .. هه مروان لو درى اني مو روان اللي كان يحلم فيها بيتينن ..!! أنا مو كامله خلااااص ...!!! فهد خدعني .. وخلاني أدمن هذي المصيبه الكبيره .. ما اقدر استغني عن هالشي .. ودي اتعالج بس شـ قول لـ رفيجاتي والبنات ..؟؟ شـ اقووول للعالم ادمنت وزوجي خلااني ادمن والحين رايحه اتعالج .. هه صج حاله
/
.
/
عذاب مستمر .. حياه محال السعاده فيها ولو لحظه ..!!!! دنيا دواره يوم لك ويوم عليك .. يوم بعد يوم تزداد المشاكل وتزيد الصعوبات والعوائق التي تواجه حياة البنات ..
كل انسان له مشكله يصعب حلها ...!!
زمن قاسي والبشر اللي فيه أقسى ×
بس كل هـ الأشياء لا تمنع الرحمه من قلوب البشر وحب بعضهم لـ بعض .. ولكن الجانب السئ ايضا يعم ..
فـ من سـ يتغلب على الآخر ..!! السئ أم الحسن ...؟؟
/
.
/
بعد مرووور أسبوعين ع الأحداث السابقه
بدور تطالع أمها وخالتها أم معضد : يما ترا والله طولنا قعده بالامارات يلا نرجع قطر وبعدين انتو قلتو عساس قبل اسبوعين بنرجع
أم معضد : لا لا وين ترجعين ..؟؟ انتي لازم تكملين دراسه
بدور : قلت لكم مابي
أم عبدالرحمن : يما انتي صار لج شهر واسبوع ما تداومين وأنا ساكته بس أكثر من جذي لأأ لأان الامتحانات ما بقى عليها شي
بدور : وأنا مابي اداوم .. ترا صج مابي اداوم
أم عبدالرحمن : غصبا عنج بتداومين
بدور : يووووه يعني كل شي بكيفكم هو ..؟؟
أم عبدالرحمن : حبيبتي يا يما افهمي ترا حياتج مهمه بالنسبه لنا كلنا
بدور : انزين انزين خلاااص بس أمتحن وارجع قطر
أم عبدالرحمن : انزين
بدور : يلا عن اذنكم بروح فوق عند خلود
أم عبدالرحمن : اذنج معاج
بدور مشت وهي تضحك على روحها وبدت نفسيتها تتحسن أكثر بوايد عن قبل .. صح ليييش ما تمكل دراستها .. مب باقي غير الامتحانات ولو شدت حيلها بتنجح حتى ولو ع الحافه المهم تنجح
وهي تصعد شافت معضد ..
بدور ابتسمت : السلام عليكم
معضد استغرب وهو يشوفها : وعليكم السلام
بدور : غريبه مب مداوم ولا في دبي ...؟؟
معضد بجديه : عندي اجازه لييش تبين شي
بدور استغربت من اسلوبه بس عذرته لأنه توه طالع من مصيبه : آها لا بس جذي .. يلا سلام
معضد مشى وهو يشوفها .. استغرب من اسلوبها .. بس أكيييد رجعت مثل قبل ... لي متى أنا الوحيد اللي بتم جذي حزين ومكدر خاطري .. ادري ان ميره زوجتي وحبيبتي وكل شي في الدنيا بس خلاااص مستحيل بترجع
معضد نزل مبتسم وقال : صباح الخير
أم معضد : صباح النور يما
معضد : شخباركم خالتي وأمايه ..؟؟
أم عبدالرحمن : بخير يما .. انت شخبارك .؟
معضد : تمام الحمدلله
أم عبدالرحمن : دوم يارب
معضد : وين حمدان ..؟؟
أم معضد : راح مع خلود لـ بيت عمك
معضد : آها ...!! اوكي انا طالع تبون شي
أم معضد : لا سلامتك بس على وين يما ..؟؟
معضد : ربعي اللي في العين
أم معضد : الله وياك حبيبي
أم عبدالرحمن ابتسمت وقالت : الحمدلله الظاهر بدا يرجع مثل اول
أم معضد : الحمدلله .. نفسيته قامت تتحسن وايد
أم عبدالرحمن : الله يرحمج يا ميره ويغفر لج
أم معضد تنهدت : آمييييين
أم عبدالرحمن : هـ الولد اليتيم من بيربيه .. والله اني أحاتيه
أم معضد ابتسمت وقالت : عندي فكره
أم عبدالرحمن : اش هي ..؟؟
أم معضد : بيني وبينج نحن خوات وما بينا اي تفرقه مثل أي أحد ثاني لأننا صج خوات
أم عبدالرحمن : الله يخليج يارب
أم معضد : نزوج معضد
أم عبدالرحمن : مع ان ميره بنتي الله يرحمها ما تهون علي .. بس مستحيل الواحد يعترض على شرع رب العالمين وغير اني لااازم اشووف حال معضد وحمدان وهالشي ما يخليني أمانع طبعا مالي حق
أم معضد : يعني اش رايج ..؟؟
أم عبدالرحمن : رايي من رايج بس معضد مستحيل يوافق يـ أختي ..!
أم معضد : واذا اصريت عليه وبأني أمه
أم عبدالرحمن : لا يـ أختي ..! لا تضغطين ع الولد باجر بيتعب ولا يصير بينه وبين مرته شي
أم معضد : لا فديتج بخليه ياخذ بدور
أم عبدالرحمن استغربت : بدوووووووووور ..؟؟
أم معضد : اي بدور .. علامج تخرعتي وبعدين بدور تصير بنت خالته وأخت ميره وخالة حمدان شـ يبي اكثر من جذي .. وبعدين أكيييد بتخاف على حمدان أكثر من نفسها وصح ان معضد كان انسان متزوج وعنده ولد بس توه صغير بالعمر .. توه يمكن بيدش الثلاثين أو انه يمكن اقل بعد وحمدان محتاج لأم تربيه وتخاف عليه
أم عبدالرحمن : في هذي صدقتي يـ اختي بس من بيقنعهم .. تدرين بدور راسها يابس
أم معضد : ذاك اليوم ما سمعتيها شـ تقول .. تبي تربي حمدان .. بشرط عليها أنا لو تبي تربيه تعيش مع معضد وبتوافق أكيد لأن حمدان ولد ميره وما بيهون عليها
أم عبدالرحمن : اي حاولي تقنعينها جذي
أم معضد : اي بتوافق أكيييد بعد
أم عبدالرحمن : ومعضد ..؟؟
أم معضد : هذي المشكله العوده الحين ..؟؟ اشلون بيتقبل فكرة الزواج من بعد ميره
أم عبدالرحمن : حمدان ..؟؟
أم معضد : كيف حمدان
أم عبدالرحمن : نخلي حمدان يتعلق في بدور وااايد ولما يصر يبيها معضد بيفكر بالموضوع
أم معضد : اي والله فكره
أم عبدالرحمن : خلاااص من اليوم حاولي تبدين تخلينهم يوافقون ..
أم معضد بحزن : والله ما ودي يصير هالشي .. بس كل هذا عشان مصلحتهم وعشان هـ الولد الصغير
أم عبدالرحمن نزلت دموعها : ما هقيت نوصل لـ هالحال
أم معضد : الحمدلله رب العالمين على كل حال يا أختي
أم عبدالرحمن : خلاااص انتي كلمي بدور
أم معضد : انشاالله بس أحصل فرصه واشوف الوقت مناسب بكلمها
/
.
/
ملاااك وهي طالعه من حجرتها : أووووف هاييل حياتهم رقاااد .. الله يعين أخوي ع هالحرمه ..
............... : نعم قلتي شي ..
ملاك ابتسمت ابتسامه مبين انها مب من خاطر وقالت : لا سلااامتج ...
وبصوت واطي .. قالت ملاك : حشا لااصقه فيني لصقه .. كل شي سمعته أم دويس ..
وصايف حرمة مايد أخو ملاك : على وين انشالله وكل هالكشخه ..
ملاك ماسكه اعصابها : انتي اش لج .. حياتي وكيفي ..
وصايف تمد بوزها : هذا وأنا خايفه عليج ..
ملاك بسخريه : هه .. قالت خايفه علي قالت .. لا أمي استريحي .. مرتاحه أنا مابا حد يخاف علي ..
وصايف تمشي : انتي حره ..وأنا اش لي ..
ملاك وهي تروح صوب الدري : أعووذ بالله الواحج يصبح على ورد شي حلو .. هب ع ويه وصايفوووه ..
وهي نازله تذكرت الأوراق .. ناسيتها فوق
ملاك صعدت عشان تدخل حجرتها شافت وصايف وتقدمت بـــــ كل سررررررررررعتها معصبه ..
ملاك : نعم اش تبين من حجرتي ..؟؟
وصايف خافت ورجعت لورا بس ما بينت وقالت : انتي اش لج ..؟؟
ملاك : حجرتي وكيفي ..؟؟
وصايف : لا والله ..! حطي في بالج ان هذا كله على بعضه بيتي
ملاك : لا لا اقووول اطلعي اقوووول
وصايف : اسكتي واحترمي نفسج أحسن لج
ملاك : قلت لج اطلعي وبعدين اش تبين انتي تفتشين بأغراضي
وصايف : وانتي اش لج .. على كيفي أعتقد ..
ملاك : لا والله ومن متى نحن نفتش بأغراض الناس
وصايف مسكت ملاك من يدها بقوه وقالت : حسني الفاظج احسن لج
ملاك تصارخ : وانتي حسني تربيج ياللي مب متربيه
وصايف : تربيت ع الأقل عمي اللي رباني مب انتي الله يعلم من رباج ..؟؟
ملاك عصبت ودزتها بقوه لليدار وقالت : وحده اشرف عنج وعن طوايفج ســــــــــــ ....................
ما حست الا بواحد يسحبها من شعرها ويقول : ملااااااااااااااااااااااااك ...
ملاك فزت من مكانها وتألمت : آآآآآآآآآآآآآآي
مايد معصب : اش سويتي انتي ..؟
ملاك تصيح : والله هي اللي بدت
مايد عصب أكثر وعطا ملاك ذاك الكف اللي يبي لها يومين عشان علامته تروح من على ويهها
ملاك تألمت ومن شدة ألم .. بدت تسب وصايف : يالحيوااااااااااااانه جلبتي أخويه علي .. الله يراويج وياخذج يارب
مايد عصب .. ومسك ملاك من طرف عبايتها ورماها ع السرير بقوه وراح لوصايف
مايد مسك وصايف : صار فيج شي حبيبتي ..؟؟
وصايف تصيح : أحس بطني يعورني
مايد متخرع : ليكووون حامل
وصايف : اي حبيبي والله شكلي حامل
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك