رواية خليجيات في الامارات -40
ملاك تألمت ومن شدة ألم .. بدت تسب وصايف : يالحيوااااااااااااانه جلبتي أخويه علي .. الله يراويج وياخذج يارب
مايد عصب .. ومسك ملاك من طرف عبايتها ورماها ع السرير بقوه وراح لوصايف
مايد مسك وصايف : صار فيج شي حبيبتي ..؟؟
وصايف تصيح : أحس بطني يعورني
مايد متخرع : ليكووون حامل
وصايف : اي حبيبي والله شكلي حامل
مايد طالع ملاك وتقدم عنها ومسكها من عبايتها وقعد يهدد فيها : والله ان شفتج تمدين يدج عليها ما تشوفين
خير سمعتيني
ملاك بدت تصيح أكثر وأكثر
مايد طلع من الحجره وسحب المفتاح وقال : من اليوم ورايح ما في طلعه من الحجره سمعتي
ملاك تصيح : والجامعه ...؟؟
مايد : ما في جامعه
وصايف تمثل : لا حبيبي خلها تروح للجامعه بس تخلص احبسها بس الحين خلها تداوم
مايد طالع ملاك وقال : بس عشان هـ المسكينه دافعت عنج سمعتي ...!!
ملاك تصرخ : اطلعو برع اطلعو مابي اشوفكم اطلعوووووووووووو
مايد طلع ورضخ الباب بقوووووه وترك ملاك وسط ظلاااااااااااااام .. ما تعرف لـ وين بتوصل بعد هـ القسوه
..!
سحبت سويج السياره والشنطه وطلعت من البيت بسرررررعه بدون لا تشوف أحد ولا ترد على احد
شافت عمران واقف يترياها .. لو تروح معاه احسن من انها تروح بروحها ما تعرف شو بيستوي
عمران : خلاااص ملاك يحرك سياره
ملاك تصرخ : هي حرك بلاك واقف
عمران حرك السياره وهو خايف قال : ماما شوفي انته ..؟؟
ملاك تصيح : عمران مايد متغير صح ..؟؟
عمران هز راسه بحزن وقال : هادا شهر مافي يعطي راتب مال أنا
ملاك تصيح : حتى انتو ظالمكم ..
عمران : هادا زوج مافي زين
ملاك : حسبي الله عليها
عمران : مدام ودي انته جامعه
ملاك : هي عمران
عمران : بس انته شكل في واجد تعبان
ملاك : خلاااص ودني لـ شقة بابا راشد
عمران : أنزين
ملاك : انت في معلوم وين شقه .؟؟
عمران : ايوا مدام
ملاك : بس لا تكلم بابا مايد انزين
عمران : ايوا انا يعرف هوه الحين في كل شي عصب
ملاك بدت تصيح وهي مـتألمه من داخلها ع الضرب اللي قاعده تحصله من ورا مخططات وصايف
/
.
/
شوق تقوم نور من النوم : يلا نوران .. بنتأخر ع الجامعه
نور ما فيها حيل : مقدر شوق روحي بروحك اليوم
شوق : يلا نوووراان بلا دلع
نور : والله ما فيني احس عمري ثقيله حيييل
شوق : اووووهووو علينا اش فيكم كلكم قمتو تغيبون على آخر أيام الكليه .. يعني المفروض تكون أحلى اياام لنا
نور : يا شوق والله اني تعبانه
شوق : الظاهر انا بعد ماني مداومه اليوم
نور : أحسن لك ..
شوق : اقوول كملي نوم كملي
نور ابتسمت مجامله وكملت نوم وما ودها تقوم بعد هـ النومه
تحت في صالة بيت بو عبدالعزيز
أم عبدالعزيز : والله مدري اش فيهم ..!
بو عبدالعزيز : الهنوف يبا اش فيهم نور وشوق ما قامو يداومون مثل أول
الهنوف : تدري يبا يمكن لأن خلاااص الحين النهايات ومخلصين
بو عبدالعزيز : ما أذكر جد مره سووها
الهنوف : ما نعرف لهم والله يا يبا
بو عبدالعزيز ابتسم لـ عبدالعزيز وقال : ها وافقت
عبدالعزيز نزل راسها يطالع الأكل وقال : اي يبا
بو عبدالعزيز : عفيه عليك ولدي
أم عبدالعزيز : انا أدري ولدي يحبني وبعدين الحب ايي بعد الزواج يا يما .. مب هاليومين طالعين لي شباب اليوم يتعرفون على البنيه اربع سنوات وبعدين من ثاني يوم مطلقها ..
بو عبدالعزيز يضحك : اي يعني خلاااص تعرفت عليها وكلمتها اش خليت لـ بعد الزواج انته
عبدالعزيز ابتسم باستسلام .. شكله بيتزوج ع الطريقه التقليديه .. امه وابوه يخطبون له .. بس انشالله يعيش
بسعاده .. امه وابوه عايشين بحب وسعاده .. انشالله يكون مثلهم .. ما فيها شي لو الواحد تزوج زواج تقليدي واهله راحو خطبو له واختارو البنت ..!!
الهنوف بنص عين : السالفه فيها انه ..!!
ام عبدالعزيز : ما فيها شي
الهنوف : لا فيها شي أدري ..
بو عبدالعزيز : قومي باصج ياااه
الهنوف وقفت : رايحه بس وراكم وراكم وبعرف اش ورا هـ السالفه
أم عبدالعزيز تضحك : يلا روووحي بسرررعه لا تتأخرين
/
.
روان تصيح وهي تشوف شكلها في المرايه وعيونها اللي متكون حوالينها هالات سوووده وويهها الشاحب .. وجسمها ضعييييييف ..
روان تصيح : آآآآآآآآه كله منك يا فهد كله منك .. الله ينتقم منك ويراويك ع اللي سويته لي .. الله ينتقم منك
دخلت الخدامه : مدام
روان صدت وهي تصيح قالت : اش تبين انتي الثانيه ..؟؟
الخدامه : تلفون ..؟؟؟
روان : من ..؟؟
الخدامه رفعت جتوفها وقالت : مادري
روان سحبت التلفون وقالت : اطلعي برع
الخدامه طلعت ..
روان بصوت تعبان : ألو
اريج : هلأأ روان
روان : هلاأ اريج
اريج : فيج شي حبيبتي ..؟؟
روان : لا .. قولي حبيبتي اش تبين ..؟
اريج : لا بس أسأل ذاك اليوم يوم ييتي عندي انتي يبتي معاج حبوب
روان ارتبكت بسرررعه وقالت : لأأأ
اريج لما حستها ارتبكت تأكدت وقالت : آها .. يلا باي عاد قلت يمكن نسيتي ادويتج
روان بارتباك : تدرين اوقات يمكن امج تييب دوا ولا انتي وتغلطون
اريج : هي .. يلا عاد حبيبتي باي.. بروح بشوف امي
روان : بتداومين ..؟
اريج : لأأأ امي كان عندها موعد اليوم
روان : آها ..!
اريج : يلا حبيبتي بروح بصرف لها الدوا
روان : أوكي
اريج : لييش انتي بتداومين ..؟؟
روان : لأأأ
اريج مستغربه : لييش ..؟
روان : اريج حالتي ما تسمح احس عمري بموووت تعب
اريج : فديتج .. عاد كملي نوم انتي عشان تصيرين زينه
روان : اوكي
اريج بعد ما صكرته حست بأن روان فيها شي وقالت للصيدلاني اللي تحت بنايتهم
اريج : اقوول رفيق هذا بكم ..؟؟
الصيدلاني : ميه خمسه درهم
اريج طلعت من البوك وعطته وقالت : كم مره ..؟؟
الصيدلاني وهو يقرا الورقه : تنينه مره داخل يوم .. واهد صبح وتاني فليل
اريج : اوكي شكرا
الصيدلاني : عفوا مدام
اريج تطلع الحبوب وتقول : اقول رفيق هذا حبوب مال شو ..؟؟
الصيدلاني طالع الحبوب وقال : هادا واهد في منوم وتاني في مخدر مال وجع وعمليه انت في ياكل ما يحس
وجع مال عمليه
اريج حست ظنها طلع صح وقالت : هذا دكتور في يعطي مريض ..؟؟
الصيدلاني : بس منوم يعطي .. ولازم في ياخد وصفه طبيه هادا تاني مخدر مافي يعطي مال عمليه هادا
ويحطي داخل معزي أحسن
اريج ابتسمت وقالت : أدري .. ترا أنا في نيرس
الصيدلاني هز راسه وضحك وقال : في يأرف انته أوقات في يلبس يونيفورم مال مستشفى
وهالشي ما خلا الصيدلاني يشك بأي شي من صوب اريج ومشت ..!
اريج ابتسمت وقالت وهي تطلع : شكرا
اريج بحزن على رفيجتها اللي قاعده تضيع .. والله كنت شاكه واليوم تأكدت مع اني ممرضه بس ما جد مره مرت علي هـ الحبوب أو الدكتور وصفها لأحد يمكن لأني بعدني متدربه وبس ..!
بس والله يا روان بحاول اطلعج من اللي انتي فيه وبأقرب وقت .. بس كيف اوديج للمستشفى ما أدري ..!
وهي تصعد شافت محمد بدربها
محمد : صباح الخير
اريج : صباح النور
محمد : اش عندج من الصبح صاعده ..؟؟
اريج ابتسمت : وديت أمي المستشفى ,, وبعد ما يينا وصلتها فوق ونزلت اشتري لها الدوا
محمد هز راسه وقال : زييييييين يالبنيه الباره
اريج ابتسمت وقالت : يلا عاد عن اذنك عن أأخرك ع الدوام
محمد مستغرب : ما رحتي الكليه
اريج : لأأأ لأني وديت الوالده
محمد : جان تخبريني اليوم أنا اجازه كنت بوديها
اريج : لا بكلف عليك جذي الله يهديك
محمد ابتسم : لا عادي لا كلافه ولا شي ..
اريج : شنسوي عاد ..!! هههه
محمد ابتسم : يلا عاد مع السلامه .. وانتي روحي لأمج روحها المسكينه
اريج ابتسمت : أوكي .. يلا مع السلامه
/
.
/
خلود : لأأأأأأأأأأأأأ مالي
بدور ابتسمت لـ حمدان وقالت : حمووودي الحين صج صج .. القلم الازرق مال منو ..؟؟
حمدان ابتسم وهو يقول : مااال بدووووور
خلود : لا والله .........؟؟
حمدان : بدور كل يوم تروح وتاخذه معاها ..
بدور ابتسمت : وترا حمدان ما يشق اوراقي الحين صح حمدان ..؟؟
حمدان هز راسه وهو يقول : هي
خلود : حمدانوه ترااااااااك شيطوووووون
حمدان زعل وقال : ما أحبج
بدور حضنته وقالت : حبيبي عمو تمزح معاك
حمدان : بس أنا حلو مب شيطووون
بدور : فديتك أنا .. أدري انك حلو وملك جمال
حمدان هز راسه وقال : لأأأ أنا حمدان معضد
خلود وبدور فتحو حلوجهم وهو مستانسين وقالو : فديييييييييييتك
حمدان ابتسم متلوم : علموني في الحضانه
خلود : وه فديته السنه اليايه بيررروح الكي جي صح حبيبي
حمدان : هي وبيكون عندي شنطه كبيرررررره
بدور : واي فديييييييتك أنا !!
دخلت أم عبدالرحمن مع أم معضد للحجره وقالو : السلام عليكم
الكل : وعليكم السلام
أم عبدالرحمن : تعال فديتك سلم على يديده
حمدان وقف وراح يحضن يدته
أم معضد ابتسمت وقالت : ويدو عين ماشي بوسه لها
حمدان ابتسم وراح لأم معضد
أم عبدالرحمن : ها بنات مستانس معاكم ..؟؟
بدور : اي وايد يما
أم معضد : ديرو بالكم عليه عدل
خلود : انشالله يما
أم عبدالرحمن تهمس لأم معضد : كلمتيها اليوم ..؟؟
أم معضد : لا الله يهديج اليوم فكرنا بالموضوع يبي لي شوية أفكر زياده
أم عبدالرحمن ابتسمت وهي تطالع معضد ياي صوبهم قالت : يا هلأأأ بـ بو حمدان ..!
معضد ابتسم : هلا خالتي
حمدان ركض صوب ابوه وقال : بابا حبيبي
أم عبدالرحمن ضحكت وهي تقول : مشتاق لك
معضد وهو يشيل ولده ويبوسه : وأنا بعد والله
أم معضد : حليلها بدور من الصبح وهي قاعده معاه .. ما قصرت هي وخلود
معضد فجأه رفع عينه ؟؟ الا وتطيح بعين بدور وبدور نزلت راسها بسرعه
معضد ابتسم وقال : راعية واجب خالته ... ما تقصر معاه
خلود : لا والله وأنا ..؟؟
معضد : الصبح يوم رحت بيت عمي سألت عنج قالو فوق عند وفاء والولد تحت مع اليهال
أم معضد مستغربه : هذا وأنا اقول خلود تخيل عليه أثرج تروحين تلعبين !! حسابج معاي بعدين
خلود ضحكت وقالت : هههه رادار متحرك
/
.
/
ملاك تصيح : أمايه والله ما أعرف شـ سوي معاه
امي فاطمه : اهدي بنتي وديري بالج على عمرج .. وربج بيحلها
ملاك : يما ما اقدر أعيش معاهم
امي فاطمه : انتي لا تطولين لسانج ولا تتضاربين معاها وما بيصير الا كل خير
ملاك هزت راسها وهي تقول : تغلط عليه أمايه
أمي فاطمه : حتى ولو يا بنتي ترا الصبر زين .. وترا الصبر مفتاح الفرج
ملاك مسحت دموعها : مايد بكل شي صاير غير .. انساااان ثاني قلبه من حجر .. ما قام يحس فيني يـ أمي
..؟؟
أمي فاطمه : ربج بيحلها بعد كم اسبوع انشالله وتعيشين مع راشد
ملاك : آآآه يا أمي .. يا ريت السالفه جذا
أمي فاطمه : لييش شو السالفه
ملاك فضلت تسكت وما تقول لها عن سالفه الورث وراشد ..
ملاك : شو السالفه يا أمي .. غير ان مايد متغير .. تعتقدين في سالفه جايده غيرها
أمي فاطمه مسحت يدها على راس ملاك وقالت : لييش اش صار اليوم بالضبط ..؟؟
ملاك : راشد اهني ..؟؟
أمي فاطمه : لا توه طلع يروح الدوام
ملاك : هي زين ماباه يسمع
أمي فاطمه : قولي امايه اش صار ..؟؟؟
ملاك : الصبح وأنا نازله طلعت بويهي هـ القرده اعوووذ بالله وقامت تهذر وترمس .. وتقول انها خايفه علي مع انه كله تمثيل لأنها تبيني اكون بصفها
أمي فاطمه : هي يا أمي وبعدين ..؟؟
ملاك : جان أحرج وانزل .. تذكرت اني نسيت اوراق الجامعه في الحجره ورقيت فوق الا اشوووفها في الحجره
أمي فاطمه : شو تسوي بعد ..؟؟
ملاك : مادري كانت تفتش .. بس يوم شافتني تخرعت ..
أمي فاطمه : الله يكفينا شرها
ملاك : آمين
يتبع >>>
أمي فاطمه : بعدين اش سوت ...؟
ملاك : جان تحتشر .. واقول لها من خلاج تفتشين بأغراضي وعصبت عليها .. وبدا الهواش لما طقيتها
أمي فاطمه مستغربه : طقيتيها ..؟؟
ملاك : هي أمي ضربتها عدل .. دزيتها ع اليدار وأنا قاعده أهاوشها الا ايي مايد ويسحبني ويضربني ضرب
عدل .. وبعد ما هي تصيح عطاني كف عمري ما بنساه
أمي فاطمه دمعت عينها : ما أصدق ان مايد يسويها
ملاك بسخريه : لا أمي صدقي دامه طلعج من البيت
أمي فاطمه : وبعدين كيف طلعتي ..؟؟
ملاك : هددني ماشي جامعه ومدري شو وتم معصب ويضرب .. طلع عسب يقفل الباب .. ومرته الدلوعه معاه وتقول انها حاسه روحها حامل عسب جذا ضربني أكثر .. ويوم طالع سوت روحها بريئه وقالت حرام خلها تروح الكليه لأنه اصر أترك شي اسمه كليه بعد اليوم
أمي فاطمه : الله يستر
ملاك : جان اصيح واشل عمري .. شفت مالي بارض اروح الكليه غير انه علامة الكف على ويهي .. ييت لج .. ما شفت أحد غيرج اشكي له
أمي فاطمه مسكت ويه ملاك وقالت : هي فديتج ويهج معلم .. والله ما اصدق انك يا ميود صرت جذا
ملاك : لا وحتى معاشات الخدم والعمال مب معطيها هـ الشهر
أمي فاطمه : الله يستر
ملاك : صدقج الله يستر عليه وعلينا ويبعده عن عيال الحرام والشر
أمي فاطمه : آمييين
ملاك تلمس ويهها : ماما وايد محمر
أمي فاطمه : هي فديتج بس بمسح لج اياه الحين بشوية كريم بيخف انشالله
ملاك ابتسمت : انشالله .. الله يخليكم لي يارب .. والله بدونكم ما أعرف شسوي ..!
فجأه دخل وقال : صدق اللي سمعته الحين ..؟؟
ملاك تخرعت يوم شافت راشد وقالت : أمي ما قلتي انه محد ..؟؟
أمي فاطمه : ولدي انت مب رايح للدوام
راشد : امبلا امايه نسيت شغله ورجعت اخذها ... ملاك صدق مايد مد يده عليج
ملاك سكتت واكتفت باأن دموعها تهل ..!
راشد طالع ويهها وراح لها : عطاج كف ..؟؟
أمي فاطمه قامت وقالت : عن اذنكم شوي .. وراشد اهدا ترا البنيه اللي فيها مكفيها
راشد ابتسم وقال : امي لا تحاتين ملاك حرمتي
بعد ما طلعت أمي فاطمه من الحجره .. راشد مسك ويه ملاك وطالع خدها وقال : ملاك صج الحين مايد عطاج كف ..؟؟
ملاك بدت تصيح : ومد يده علي ..؟؟
راشد : أنا براويه هذا ..
ملاك مسكت يد راشد بسرعه وقال : لأأ راااشد ..
راشد : ودريني ملاك
ملاك : راااشد ترا مايد وايد متغير اخاف يسوي بك شي .. خلاااص مايد انسان ثاني
راشد : هالشي ما ينسكت عنه يا ملاك
ملاك : ادري راشد بس انت تريا شوي .. وخل نتحمل شوي بس شوي .. عشان خاطري وترا مايد غالي علي
راشد : ماشي رجعه للبيت سمعتيني ..! ومايد حتى ولو غالي عليج محد يسوي هالسواااه بـ أخته
ملاك : لأأأ راااشد أنا مستحيل أودر أخوي بدون ما يرجع مثل ما هو
راشد : شو انتي غبيه .. ترا يمكن يضرج
ملاك : راااشد انت بعد مايد ما يهون عليك خلنا نساعده .. حرااام تراااه طايح بورطه الحين ..
راشد مسكت يد ملاك وقال : ديري بالج على روحج منهم .. وانشالله هالفتره احاول اعرف مايد لييش متغير
..
ملاك : مرته ..؟؟
راشد : ادري .. بس لازم نعلمه ان هذي انسانه مب زينه
ملاك : يبي لنا نصبرررر .. بعدها بيصير خير انشالله
راشد ابتسم لـ ملاك وقال : تبيني اطلعج ..؟؟
ملاك بحزن : الواحد بـ هالحال وين له خاطر يطلع من البيت بعد ...!
راشد حط يده مكان الكف وقال : فديتج أوعدج اني بأقراب فرصه احاول أغير مايد وارجعه مثل أول
/
.
/
بعد مرور خمسة أيام
يوم الجمعه الساعه ست العصر .. محد في البيت الكل طالع ما عدا بدور وخلود فوق في الحجره ومعضد قاعد مع أمه وخالته وولده حمدان تحت في الصاله ..
أم معضد : تعال حبيبي
حمدان قعد يمب يدته وابتسم
أم معضد : اش تشرب حبيبي ..؟؟
حمدان اشر على استكانة الجاي الحمر وقال : هذا يديده ..؟؟
أم معضد ابتسمت : مب زين لك حبيبي
حمدان : أنا أحبه ماما تخليني اشربه
الكل تغيرت ملامح ويهه بس حمدان قال : ترا يوم تحطين فيه حليب يطلع طعمه احلى يدووو
أم عبدالرحمن ابتسمت : تباني احط لك حليب ..؟؟
حمدان : لا لأأأ اليهال يشربون الحليب
أم معضد ضحكت وهي تقول : لييش انت شو ..؟
حمدان : بابا أنا ريال صح ..؟؟
معضد ابتسم : هي فديتك انت شيخ الرياييل بعد
أم عبدالرحمن متعمده : أم معضد وين البنات ..؟؟
أم معضد : خلود فوق قاعده ع الكمبيوتر .. مدري بـ شو تقرا اربع وعشرين ساعه
أم عبدالرحمن : الله يهديهن هـ البنات شغالات قرايه .. ما يرحمن عيونهن
أم معضد : اي والله .. الله يستر عليهم وبدور قاعده معاها بس ما تقرا .. كانت يالسه ترسم
أم عبدالرحمن تضحك : شكلها ردت ياهل ههههههه
أم معضد : وين يـ أختي .. البنيه شكله عقلها راح
أم عبدالرحمن تضحك : هههههه لا تفاولين ع بنتي
أم معضد : هههه امزح لا بدور كانت يالسه ترتب ملابسها
أم عبدالرحمن : اي أنا كلمتها تكمل .. ووافقت الحمدلله
معضد بتساؤل : لييش بدور بتكمل دراسه ....................!!!
فجأه اندق باب الصاله
أم معضد بصوت عالي : تفضل ...؟؟؟
دخلت وهي مبتسمه ..
نوره بنت عم معضد : السلام عليكم
أم معضد : يا هلأ بـ نوار .. حياج فديتج
نوره تقدمت عنهم : السلام عليكم
الكل : وعليكم السلام
نوره تبوس راس أم معضد وأم عبدالرحمن . شخبارج خالو ..؟؟
أم عبدالرحمن : بخير يما انتي اشحالج ..؟
نوره : بخير الحمدلله .. خالو أم معضد شخبارج ..؟
أم معضد : بخير حبيبتي
نوره طالعت معضد وقالت : اش حالك بو حمدان ..؟؟
معضد ابتسم : بخير الله يسلمج .. انتي اش حالج ..؟؟ وشو الجامعه معاج ..؟
نوره : تمام الحمدلله
معضد : الله يوفقج يارب
نوره : آمييين
نوره تقدمت عن حمدان وباسته : شخباره البطل ..؟؟
حمدان : زيييين .. انتي نوال ..؟؟
نوره ضحكت وقالت : ههههه لأ أنا نوار مب نوال ..!
حمدان عقد حياته وقال : لأأأ نوال
نوره : يدلعوني نوار فديتك هههههه
أم عبدالرحمن : فضحتنا يا ولد هذي عمتك
نوره تعدل نظارتها الطبيه : معلي خالو .. ياهل اش دراه
أم معضد : ههه فديتج .. شو هذا اللي معاج
نوره ابتسمت متلومه : لابتوبي خالو
أم معضد : شـ يسوي معاج هذا كل مكان معاج ماشاء الله .. حتى البر ذاك اليوم مودتنه
نوره عدلت نظارتها وقالت وهي تبتسم : هههه خالو عاد أشغالي كلها فيه شـسوي
أم عبدالرحمن : هههه الحين انتن اللي بعدكن ما تخرجتن عندكن اشغال ...!!
نوره ابتسمت : شفتي كيف عاد خالوتي ..!
أم معضد : نوار يايه تشوفين بنت عمج ..؟؟
نوره هزت راسها وقالت : هي ..
أم معضد : تراها فوق بـ حجرتها
نوره : بروح بشوفها خالو .. عآدي ولا في أحد ...؟
أم معضد : لا لا محد فيصل راقد اليوم يوم الجمعه .. بينش ع صلاة المغرب
نوره عقدت حياتها : هذا شو كافر ما يصلي بعد ...!!!
أم معضد ابتسمت وما قالت شي
نوره استحت : وه آسفه ما كان قصدي ههههه
معضد ضحك وهو يقول : لا لا صلا الظهر بس العصر والله ما أدري عنه سأليه
نوره ابتسمت : هـ القاصر اسأله ههه .. يلا عن اذنكم
أم معضد : تفضلي يما البيت بيتج ..!
نوره مشت وهي مبتسمه وصعدت فوق يوم وصلت الطابق الثاني .. سمعت صوت باب ينفتح
صدت شافت فيصل طالع من الحجره وهو كاشخ ..
فيصل شافها : السلام عليكم
نوره عدلت شيلتها لأن قرون الاستشعار باينه : وعليكم السلام والرحمه <<<<<<< هههه اللي تقول قرون
الاستشعار ما تطلع ابد من شيلتها ما بصدق عاد !!
فيصل ابتسم : اش حالج ..؟؟
نوره ابتسمت وقالت : بخير الحمدلله بن عمي .. ومن صوبك ..؟؟
فيصل : بخير الحمدلله ... انتي شو كل مكان هاللاب معاج
نوره ابتسمت : عندي اشغال ..!!!
فيصل ضحك بسخريه : الحين هـ الروايات صارت أشغال ههههههههه
نوره استغربت هذا من وين يعرف قالت وهي تسوي روحها محرجه : وانت اش عرفك بالروايات اصلا
فيصل ابتسم : قريت روايه من رواياتج
نوره صدقت ابتسمت وقالت : اش رايك فيها انزين ..؟؟
فيصل ضحك وهو يقول : صدقتي .. امي أنا مب فاضي حق حياتي أنا تبيني أقرا روايات عن حياة اشخاص ثانيين
نوره : آهااا ... اوكي خلاااص عادي .. بس لا تعيب ع رواياتي
فيصل ابتسم : مصدقه روحج الحين اونج كاتبه
نوره : هي والله ملايين الناس صارو يعرفوني ..! وانشالله باجر يكون عندي كتاب وبتشوف بعد
فيصل ضحك : من بيدفع لج مصاريف الكتاب ههههههههه
نوره : عادي أنا ..!! اش فيها يعني ...؟؟
فيصل : احلمي أمي احلمي انتي وايد أوكي
نوره : صح انت صليت ..؟؟
فيصل : يآآآآآآآآآآآآآهووووووو علينا بدت المطووووعه
نوره : صج صج صليت ..؟؟
فيصل : الحمدلله
نوره هزت راسها : الحمدلله .. صل ترا الصلاه فرض وباجر ما بينفعك شي
فيصل : انشالله عمتي تبين شي ثاني انا مستعيل
نوره : لا سلامتك
فيصل ابتسم ورفع يده : سلاااااااااااام
نوره : مع السلامه
لفت ويهها نوره مبتسمه وهي ماشيه لـ حجرة بنت عمها وقالت بخاطرها : الحين هذيل اش دراهم بالروايات .. وبعدين يمكن باجر يكون لي مستقبل بـ هالمجال لأني أحبه صج ..!! والله صج عايله أي شي .. برع الناس تقدرني وتحب كل رواياتي واهني في العايله ولا مسوين لي سالفه بعد ..!! كلهم يقولون بطلي هـ السالفه بس أنا لا يمكن اترك كتابه لأني بالفعل عشقت هـ المجال عن خأأأأطر وانشالله باجر لا انتشر لي كتاب بيعرفون ويقدرون ..
دقت باب حجرة خلود
خلود : ادخل
نوره ابتسمت وهي تدخل : السلام ع الحلوين ...!!
خلود وبدور : وعليكم السلام
نوره ابتسمت : شخباركم ...........؟؟؟
خلود وبدور : تمام
بدور : انتي شخبارج يالقاطعه ..؟؟
نوره ابتسمت : بخير ههههه موجوده بس تدرون عاد مشغوله
بدور بدون اهتمام : مشغوله ولا هـ الروايات اللي ساحبه عقلج
نوره : تقدرين تقولين جذي
خلود : صج صج كتبتي شي يديد ..؟؟
نوره : قاعده اكتب .. صح لييييييش كل هـ الخربطه اللي في الحجره
خلود : هذي بدور
نوره فتحت حلجها : بدوروووه ليكوووون بترجعين قطر ..؟؟
بدور : لا لا برجع دبي بمتحن وبعدين برجع قطر
نوره : لا تقوووووووولين أنا ما صدقت على الله حد من أهلنا ايي وترجعين ..!
بدور : شسوي فديتج مجبوووره
نوره : يلا الله ييسر عليج انشالله
بدور : آمييين
خلود سحبت لاب نوره
نوره : لاااااااااااااااااااااع
خلود مستغربه : ليييييييش ..؟؟
نوره : داخله البارتات اليديده وبعدني ما نزلتها وما فيني عاد ينتشر البارت قبلي هههههههه
خلود : لا تخافين ما انشر بارتاتج
نوره : ادري هاج وعلقي لي ع البارت السادس والعشرين
خلود : ليييييييش نزلتيه ..؟؟
نوره : اليوم بنزله انشالله
خلود : أوكي هاتي بقراه ونزلييه عقب
بدور : مالت عليكم وع الروايات اللي تقرونها
نوره : ما اسمح لج بدووورووه الطمه
بدور ابتسمت : اكمل ملابسي احسن لي هههههه
تحت في الصاله
أم معضد ابتسمت : هـ الولد بيخبل بي .. بزوجه بزوجه
معضد بدا يضحك وقال : هاي نوروه كبرت خل ياخذها
أم معضد : أنا خبله .. !! أبلش بنت الناس بـ هالولد
أم عبدالرحمن تضحك : حرااام عليج فصول مزيون وعاقل
أم معضد : مزيون عاد صدقتج بس عاقل يبي لي شوي واصدقج هههه
معضد : وين عبدالرحمن ..؟؟؟
حمدان : حمني راح ..!!
معضد مستغرب : لا حاف بعد ما يقول خالي ..!! وحمني يدلعه ماشالله ..!
أم عبدالرحمن تضحك : هذي بدور تناديه جذي
معضد : وخربت الولد
أم معضد طالعت معضد شافت فرصه حلوه للنقاش وقالت : لا وين تخربه والله بدور مافي أحسن منها
معضد ابتسم : ادري امزح بلاااج عصبتي
أم معضد : ترمس عن بنت أختي ..!
معضد ابتسم وقال : حشا والله ما تسوا الكلمه اللي قطيتها .. هه آسفين وسحبناها
أم معضد : هي زين أباك جذا
أم عبدالرحمن : يـ اختي بلاج عصبتي ع الولد ..؟؟
أم معضد : ما تشوفينه يرمس عن بدور
حمدان ابتسم وقف ع الكنفه وقال : بدور تقول انها سوبرمان تسوي لي أي شي
معضد ضحك وقال : لا لا كيف تسوي لك اي شي
حمدان : تعطيني حلاوه توديني قطر كل يوم ..!! وهي تطير
معضد ضحك وقال : حسبي الله عليك ايلس عدل
أم معضد : صح هذيج الحزه سألتني بدور لو بتكمل ولا لأأأ ..؟؟
معضد هز راسه وقال : هي اش صار ..؟؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك