رواية جرحي عميق وقلبي في دمه غريق -4
بدر يضحك على نجلاء الي كل شي تزعل عليه وضمها : نجوول لاتخافين بتقول ماما هي توها صغيره
نجلاء ضمته : زين ليه تقول اول بابا
بدر : الناس مقامات
نجلاء بعدت عنه وضربت كتفه : لا ياشيخ
بدر : ايه وانا الصادق هههههههههه
رذاذ تبكي تبي ننه نجلاء : خلي بابا الي فرحانه فيه يسوي لك انا بروح اخذ لي شاور
بدر اخذ الننه وغسلها والله لايوريكم المطبخ كله حليبها والمويه مكبوبه على الارض والطاوله مليانه حليب : خوذي يابابا احسن حليب من بابا
نجلاء طلعت ولبست تنوره سودا سكيني تحت الركبه وتيشرت اسود ولبست سلاسل رمادي لولو الا البطن توصل وكعب عالي رمادي وشدو خفيف رمادي واسود وقلوس صارخ احمر واستشورت شعرها الي يوصل الا نهايه ظهرها وطلعت مره حلوه
نجلاء طالعه وانصدمت من بنتها الي كل صدرها حليب وهي ملبستها ومجهزتها عشان بيروحون اهل بدر : بدر انت وش مسوي في بنتي
بدر يطالعها : اشرببها ماسويت شي
نجلاء : حرام عليك كذا تسوي فيها واخذتها وحممتها من جديد ولبستها فستان وردي فوق الركبه وفي فيونكا وعطرتها وجلست على الكنب : اووه مره تعبت اليوم
بدر : نجولتي جيبي لي مويه
نجلاء قامت وانصدمت من المطبخ المليان حليب ومويه وبصراخ : بـــــــــدر تعااال
بدر جاء : وش فيك تصارخين
نجلاء تاشر على المويه والحليب : انا لبست شمر اكمامك وامسحه ولا لاتفكر اني اروح عند اهلك
بدر اخذ الفوطه وجلس يمسح كل الي سواه واخذ شاور ولبس ثوب وغتره وتعطر وطلع : يلا نجول
نجلاء : وااي فديتك تهبل
بدر : وش رايك بالسكسوكه
نجلاء تبوسها : تهبل يلا انا بلبس عبايتي والحقك
في مكان ثاني ..
الدكتور طلع : المدام بصحه جيده
مشعل ارتاح : الحمد لله اقدر اشوفها
الدكتور : طبعاا
دخل مشعل لقا ليان منسدحه وفي يدها مغذي : الحمد الله على سلامتك
ليان لفت للجهه الثانيه ولا ردت عليه
مشعل باسها مع جبينها : انا اسف وحقك علي
ليان : وين اصرف اسفك كنا شوي ونروح فيها بس عشاني مارديت عليك لا وبعد كنت مشغوله
مشعل حس الدنيا تلف فيه : ااااه
ليان عورها قلبها وخافت عليه : مشعل فييك شي
مشعل : لا بس شويه صداع ويروح
ليان مسكت يده ولي اول مره : متاكد مافيك شي
مشعل رفع يدها وباسها : ولله مافيني شي
ليان استحت بعد يدها ونسدحت : متى اطلع من هنا
نور الي درت عن الحادث لانها كانت في المستشفى دخلت الغرفه وهي تركض : لينو انتي بخير
ليان ضمتها : حبيبتي انا بخير
نور تبكي : خفت علييك
ليان : لا تبكين
نور مسحت دمعتها وانتبهت لمشعل الي جالس : سوري اهلين مشعل
مشعل : اهلين فيك نور مبروك قال لي زياد انك حامل
نور : الله يبارك فيك
ليان : ها عاد اذا بنت ليان
مشعل : واذا ولد اكيد مشعل
نور : ههههههههههه لا اذا بنت ليان واذا ولد عبد الله
مشعل تذكر ابوه وكشر وطلع من الغرفه نور : اووف كله مني انا ذكرته بابوه
ليان : لاتقولين كذا هاذا الواقع واذا ولد اكيد عبد الله واذا هو الا الحين ماسامحني هاذا شي راجع له
خلص البارت
توقعاتكم تسرني
مر اسبوع على ليان وهي مره مشغوله بتجهيزها لزواجها
اليوم زواج مشعل & ليان
في احد الفنادق الراقيه كانت تقع احداث هاذا البارت
انزفت ليان وهي ميته خوووف
جت تمشي شيخه الحفل بحلاها
جت تمشي لعرشها مثل الاميره
الارض زانت يوم داست خطاها
والخجل كل الخجل والله احتواها
بنت ابوها شيخه في كل ديره
هاذي عروسنا الزين كله اكتساها
القمر من زينها يطلب رضاها
ومن نفسها الورد هو ماخذ عبيره
من حلاها الكل يحلم بهواها
وكل عينن لعينها صارت اسيره
عروسنا شمعه ومنور ولله ضواها
فيها خصر ناحل زاد بحلاها
وفيها عيونن واسعه ومستديره
ومشعل له اليوم موعد في لقاها
مشعل فاز بقربها دون غيره
وصلو على محمد في منتهاها
محمد رسول الله صلاه كثيره
نور : اسم الله عليها طالعه قمر
رسيل واسيل خوات بدر راحو يسلمون عليها رسيل : ياحظ مشعل فيك
اسيل : اي ولله الله يعينك اليوم
ام بدر : اسكتو بس البنت مو رايقه لكم
ام مشعل وام ليان وام بدروام نور حطو شوط خاص وجلسو يرقصون < ياحليلهم
رسيل : ايوا عاشت امي
اسيل : ههههههههههه فديتها خالتي من متى تعرف ترقص
نور : ولا شوفي امي ميب عاقله
ام ليان ترقص وهي طايره من الفرح جت لعند بنتها وترقص عندها نور ورسيل واسيل جلسو يصفقون لها : ايواا عاشت خاالتي
جلسو والكل تغطا لان المعرس بيدخل
دخل مشعل وزياد وابو ليان والكل انجن على مشعل والبنات تصفيق جا مشعل وباس جبين ليان الي ميته حيا ويدها وحطو له اغنيه وجلس يرقص هو ويا زياد وابو ليان وبعدها اخذ ليان وراحو الى الفندق والباقي فلوها الا الفجر
وصلو الفندق مشعل : تفضلي
ليان دخلت وهي مره خايفه ومنزله راسها ..
مشعل رفع راسها وانصدم من الدموع الي ماله عيونها : ليان وش فيك تبكين
ليان بعدت عنه : بعد عني
مشعل مسكها بيدينها الثنتين مع اكتافها : وش فيك ليه خايفه
ليان بعدت عنه : انا مابيك اكرهك اهئ
مشعل ياشر على الغرفه : اوكي انتي نامي هنا لاتحسبيني ميت عليك وانا بنام في الصاله
ليان دخلت الغرفه ودخلت الحمام واخذت شاور وفتحت الشنطه وانصدمت : اوريك يانور وتفتش ولا لقت ولا شي ساتر اهئ الحين وش بيقول عني طلعت لها استر قميص وهو اسود يوصل الا نص الساق وفيه فتحه الا الفخذ سواريه وتركت شعرها وهو مبلل تعطرت وجلست عى السرير وهي تفكر في حياتها مع مشعل طلعت الايبود وحطت في اذنها السماعه وانسدحت وصارت تسمع اغنيها المفضله (تقوى الهجر )
طق مشعل الباب وناداها بس ماترد خاف يكون صاير لها شي دخل لقاها منسدحه وبلبسها المغري تنح ساعه وهو يطالعها ليان تعدل جلستها وتوخر السماعه من اذنها : خير ان شاء الله ليه ماطقيت الباب
مشعل تنهدت ورجع شعره على ورا : يلا العشاء
ليان وقفت واخذت الروب الاسود ولبسته : بس انا مابي عشاء
مشعل : كيفك وطلع
ليان ميته جوع : اوووف
مشعل تعشى طق الباب عليها عشان ياخذ له بطانيه ومخده ليان فتحت الباب : نعم وش تبي
مشعل دفها ودخل اخذ بطانيه ومخده : تجهزي رحلتنا ع الساعه 9
ليان حطت يدنها على خصرها : لا ولله ومايمديني اشوف ماما وبابا
مشعل : المهم قلت لك رحلتنا الساعه 9 وطلع وصكر الباب بقوه افزعت ليان
ليان مره جوعانه وبطنها يطلع اصوات فتحت الباب وطلعت بشويش شافته نايم على الكنب كشت عليه ودخلت المطبخ فتحت الثلاجه واخذت خبزه وجبنه وبيبسي وجلست على الطاوله جاها صوت من ورا : مايصير بيبسي اشربي عصير
ليان انفزعت : يماااه انت مو نايم
مشعل ضحك : لا مو نايم واخذ البيبسي ودخله في الثلاجه وطلع عصير
ليان : انت وش دخلك فيني اشرب الي اشربه
مشعل يطالعها من فوق لتحت وهو منجن عليها وعلى تصرفاتها ليان خلصت الخبزه قامت : الحمد لله
مشعل ياشر على الصحن والكاس : وهاذولي من بيشيلهم
ليان كشرت وشالتهم وغسلتهم وراحت تنام
صحى مشعل الساعه سبع ودخل الغرفه لقا ليان نايمه بالعرض على السرير وباين على وجهها التعب والارهاق مشعل يصحي ليان : ليان اصحي يلا الساعه سبعه
ليان التفتت الجهه الثانيه : اووف مدرسه احنى وش تبي اخلص قول
مشعل عصب من اسلوبها بعد البطانيه واتنح لان القميص مرتفع وكل شي باين ليان صحت وهي مره مستحيه تعدل ودخلت الحمام وجهها قالب ميته لو اما مشعل مفهي وحس على دمه وطلع يطلب لهم فطول
طلعت ليان من الحمام ولبست بنطلون جينز سكيني وقميص ابيض ورفعت شعرها وكحلت عينها وحطت قلوس مائي ومسكرا ولبست شوز ابيض وطلعت لقت مشعل يفطر مشعل : تعالي افطري يلا لانتاخر
ليان سحبت الكرسي وجلست تفطر معاه خلصت وقامت لبست عبايتها : يلا انا جاهزه
مشعل يطالعها من فوق لتحت : وان شاء الله بتطلعين معاي من دون غطاء
ليان تعدل حجابها : ليه من متى انا اتغطا
مشعل بحده : من اليوم
ليان : بس انا ماتعودت اتغطى
مشعل : اذا رجعنا من السفر تتغطين فاهمه
طلعو ووصلو المطار واعلنو على طيارتهم ركبو الطيارة مشعل ربط حزامه : ليان وش فيك اربطي حزامك
ليان ماتعرف اول دايم كان يربطه ابوها : ماعرف
مشعل ضحك : الظاهر ماخذ لي بزر وقرب وشم ريحت عطرها الي ذوبته صكره لها
ليان : شكراا
مشعل : العفو
جت بتقلع الطياره وليان تخاف منها مسكت يد مشعل ودفنت وجهها على صدره مشعل ضمها : يالخوافه خلاص
ليان بعدت وهي مره مستحيه : سوري بس ماتعودت اسافر الا مع بابا
ليان حطت راسها على كتفه ونامت وهو حط راسه على راسها ونام
مكان ثاني ...
دخل بدر البيت لقا نجلاء في المطبخ دخل عيها وضمها مع ورا نجلاء ابتسمت : جيت حبيبي
بدر : لا توني
نجلاء : اها خل عنك السماجه وروح شوف رذاذ شكلها صحت
بدر بعد عنها وراح لرذاذ
نجلاء حطت الغدا وتنادي بدر : بدر تعال الغدا جاهز
بدر طلع لها وهو بس لابس بنطلون بجامه وجلس على الكرسي : اوو مسويه ورق عنب
نجلاء: بدر برد عليك عند المكيف اجيب لك تيشرت
بدر : لا عادي مو برد اليوم الجو حاار
نجلاء : اوكي براحتك
في مكان ثاني ..
زياد : نور خلاص خذي اجازه
ام مشعل : اي ولله زياد صادق اشوفك ترجعين من المستشفى مره تعبانه
نور بعد تفكير : اوكي باخذ اجازه
زياد بفرح باس نور : هاذا الكلام الزين
نور استحت وقرصت مع فخذه وبهمس : عيب عليك مو هنا
زياد : عادي مافيه الا امي
ام مشعل تضحك على خبال ولدها وقامت
قرائه ممتعه احبتي
7
7
7
7
7
7
ام بدر واقفه عند الدرج وتنادي : اسيل رسيييل تعالو يمه اليوم الحين جايين نجلاء وبدر
رسيل واسيل ينزلون من الدرج وهم لابسين بجامات زي بعض حمرا ميكي ماوس مسوين في شعرهم قرنين ( على فكره اسيل ورسيل توام في ثالث ثانوي مملوحات شعرهم كيرلي خلقه يوصل الى اخر ظهرهم لونه بوني وعدساتهم عسلي فاتح رويانات وجذابات اسيل : ماما انا علي الكيك
رسيل تحك دقنها : وانا بسوي حلا
اسيل ورسيل راحو المطبخ وانواع الابداع والحوسه بس طلعت الاطباق مره حلوه اسيل وكل وجهها طحين وشعرها قالب ابيض : ماما وش رايك
ام بدر : صراحه شكله روعه بس المطبخ ليه حوسه
رسيل طلعت الحلا من الفرن : وهاذا ماما وش رايك فيه
ام بدر : واااو تسلم ايدينك يلا رتبو الحوسه
اسيل : ماما فليتيها نادي الشغاله
رسيل انحاشت ام بدر : ولله هالبنات حاسو علي المطبخ عشان طبقين بس يلا فيهم خير ميري تعالي رتبي هاذا
انرن الجرس وفتحت الباب ام بدر لان اسيل ورسيل رقو لغرفتهم : هلا ولله الله حيكم
نجلاء تبوس راس ام بدر : الله يحييك ياخالتي
بدر : هلا ولله بميمتي شلونك
ام بدر : الحمد الله بخير وه فديتها حبيبت جدتها هاتيها
رذاذ شالتها من هنا انفجرت صياح من هنا لانها توها صاحيه
اسيل ورسيل سمعو صياح رذاذ ونزلو كل وحده تمسك الثانيه تبي تشيلها الاولى اسيل : ماما هاتيها انا ابيها لاتعطينها رسيل
رسيل تدف اسيل : لا عطيني انا
بدر : لا ولله كذا على طول مافيه سلام ولا شي
رسيل : اووه صح اهلين نجول بدور كيفكم
اسيل اخذت رذاذ وجلست تلعبها ولاعطت بدر وجهه قام بدر واخذها يبي يهبل في اسيل : كيفي بعد بنتي
اسيل نتقز تبيها : حرام عليك ماصدقت خبر ضحكت تقوم تشيلها
بدر ياشر على راسه : اول سلمي
اسيل باست راسه وراحت عند نجلاء وباستها : كيفك معذبتك رذاذ صح
نجلاء تشكى : اي ولله طالعه على ابوها
رسيل تجلس جنب بدر تمصلح معاه عشان يعطيها رذاذ : لا كلش ولا بدر هاذا اخوي ماارضى عليه
بدر ضم رسيل : هاذي الاخت السنعه مو انتي
اسيل تطلع لسانها : اقول روح زين
بدر يعاند اسيل : رسوله خوذي رذاذ لعبيها
رسيل اخذت رذاذ وحلقها انشق من الابتسامه وطلعت لسانها على اسيل : احسن اخذتها
في مكان ثاني ..
وصل مشعل وليان ونزلو في اوتيل فخم ليان طلعت من الحمام بعد مااخذت شاور بعد الرحله ولبست بيجامه شورت فوشي والبلوزه تفاحي فيها دبدوب بالفوشي وشبشب فوشي وتفاحي ونشفت شعرها من المويه لان الجو في النماس غير وتحس بالبرد دخل عليها مشعل وهي جالسه تتعطر ليان : بغيت شي
مشعل : ايه ابي ملابس وين حطيتي شنطتي
ليان تاشر على الشنطه : شوفها صابك العمى
مشعل : اقول جهزي لي ملابس بدخل اخذ لي شاور سريع
ليان تحط رجل على رجل : وليه ان شاء الله مكسر
مشعل بصبر : لا مو مكسر بس مافيها شي لو الزوجه جهزت ثياب زوجها
ليان : ايه اكيد مافيها شي اذا كانت تحبه وتحترمه وتعده ادمي
مشعل فور راح لعندها ومسكها مع زندها ويطالع في عيونها : وش قصدك بهالكلام
ليان مابعدت عينها من عينه : اقصدك انت
مشعل مالقا نفسه الا وهو يعطيها كف من قوته طاحت على الارض وصع راسها في الكرسي حق التسريحه وصار ينزف ليان : اهئ رااسي
مشعل خاف عليها وجلس على ركبه ورفع وجهها وشاف حاجبها ينزف : اووو اصبري لاتتحركين بجيب الاسعافات الاوليه
ليان تبكي : كله منك ليه تضربني انت مجرم
مشعل جاب الشنطه ورفع وجهها وصار يمسح الدم ويعقمه وهي تصيح وتهزء فيه ليان : شوي شوي تالمني
مشعل ضغط على الجرح يبي يعاندها : كذا يعني
ليان صرخت : حماار لا تعور
مشعل رص عليه بقوه : لا تتلفضين الفاض وصخه مهما كان احنا اكبر من كذا
ليان قامت عنه وطلعت في الصاله بعد ماخلص وصارت تبكي على الكنبه مشعل طلع : انتي ماتملين من كثره البكي
ليان بصراخ وكانها بزر : اسكت مابي اسمع صوتك
مشعل صار يضحك عليها : ههههههههههههههههه ليان خلاص بسكت بس لاتبكين ولله عيونك صارت حمرا
ليان راحت الغرفه وصكرت الباب بقوه وتصارخ : تااافه وصصح ابي ارجع عند ماما
مشعل ميت ضحك عليها
في مكان ثاني ..
نور تدلع على زياد : زيزو ابي عصير
زياد طار المطبخ وجاب لها عصير : وهاذا عصير
نور ذاقته : زيزو مو كانه منجا وانا ابي برتقال
زياد : اوكي ولا يهمك الحين اجيب لك برتقال وراح يجيب لها
نور : تسلم يدك بيبي
زياد يبوسها : كم عندي من نور انا كلها وحده
نور : والله لايحرمك منها
زياد : امين
نور خذت يد زياد وحطتها على بطنها : شفت يتحرك
زياد : فديته ونااسه ابي اسمعه حط راسه على بطنها
نور : ههههههههه يرفس
زياد انسدح على رجل نور : نور وش تبين بنت ولا ولد
نور : عادي الاثنين بس لو بنت احسن
زياد قرص خشمها
نور : اي ولله وهاذا الصدق بنت واسميها ليان
زياد : اذا تشبه لك عادي
في صباح يوم جديد
7
7
نور : صباحك نور وسرور
ام مشعل : هلا ولله بنور
زياد ينزل من الدرج : ومافي هلا لزياد
ام مشعل : راس المال زياد الله يخليكم لي وعساني اشوف عيالكم
نور : وعيال عيالنا بعد قولي امين
ام مشعل : لا اخذ زمني وزمن غيري بس مابي الا اكحل عيني في شوفت حفيد ابو مشعل الله يرحمه
نور : امين الله يرحمه
زياد قام : يلا نور ماتبين تروحين لهلك
نور : الا يلا انا جاهزه يلا خالتي انا رايحه عند امي تامرين على شي
ام مشعل: سلامتك سلمي عليها
نور وهي تلبس عبايتها وتتحجب : يوصل ان شاء الله
في مكان ثاني ..
صحت من النوم وتبعت خصلات شعرها المتناثره حول عنقها ووجهها طالعت الساعه : اووف تاخرت الساعه وحده
دخلت الحمام واخذت لها شاور وطلعت لبست فستان وردي تحت الركبه بشوي كت وكان نااعم ومحليه فتحت الصدر الواسعه وسشورت شعرها ولبست طوق وردي وكحت عينها بكحل اسود وبلشر وردي وقلوس وردي وشوز وردي طلعت لصاله ماشافت احد توقعت مشعل طالع : اووف وهاذا ماعمري صحيت لقيته فيه بعدين جايبني هنا عشان يحبسني في البيت
مشعل : لا ياشيخه
ليان : هاا اي ولله وانا الصادقه ياطالع يانايم وانا ميته طفش
مشعل : احسن موتي هاذا الي ابيه
ليان جرحتها الكلمه بس ماحبت تطول السالفه اخذت الرموت وجلست تقلب في القنوات لقت مسلسل تحبه ( الحب المستحيل ): واااو هاذي الحلقه مره حلوه
مشعل رفع حاجبه :ليه انتي كم مره شفتيها
ليان : امممممم ماادري بس حوالي ثلاث
مشعل : الله الله وذي الرابعه طيب وش عاجبك فيه
ليان تاشر على عمر : هالزين كله وتقول وش عاجبني
مشعل : وتقولينها قدامي
ليان : الحق ماينزعل منه
مشعل خذ الرموت وحطه على قناة العربيه : اقول اهجدي وخلي عنك هالزين
ليان تاخذ الرموت بس هو رافع يده : نونو نو مافيه
ليان : مشعل الله يخليك ولله طفشانه ماصدقت خبر شفته
مشعل : طيب يلا قومي نفطر برا ترا لي الحين ماافطرت بس شربت لي كوفي
ليان : فكره حلوه يلا نروح
مشعل : يلا قومي بدلي
ليان : توني لابسه حرام عليك
مشعل : ليان قومي بدلي ولا مافيه روحه
ليان كشرت ودخلت الغرفه ولبست تيشرت ازرق وبنطلون سكيني اسود وشوز اسود وطلعت : يلا انا جاهزه
مشعل : وشعرك
ليان : وش فيه
مشعل : ارفعيه
ليان : اووووف
مشعل : الى بكره بس ارفعيه
ليان وقفت عند المرايا الي بالصاله وربطته فوق ونزلت خصلتين : يلاا
مشعل مع انه مو راضي تطلع كذا بس مشاها : يلا قدامي
ليان : قدامي تكلم بادب وش قدامي ذي
مشعل : مو عاجبك اسلوبي ارجعي
ليان : الله لايحدني لك انا برجع واشبع بطلعتك دخلت الشقه ودمعتها على خدها جلست على الكنب وتموعها كل ثانيه تزدداد اكثر مشعل دخل ورحمها : لياان لونه
ليان ماعبرته مشعل : ليان حياتي يلا نطلع وش فيك صدقتي
ليان بين دموعها : لا ولله انت ذليتني عشان طلعه قلت لك اشبع فيها مابي اروح معاك
مشعل مسح دموعها : الحين كل هاذا عشان قلت لك هالكلمتين
ليان قامت ودخلت الغرفه وقفلت على نفسها الباب ورفعت الجوال وكلمت نور : هلا ولله بالقاطعه
ليان : انا قاطعه ولا انتي الي نسيتيني من يوم تزوجتي
نور : لا لينو لا تقولين كذا انتي دايم على بالي وش مسويه بالسفر ان شاء الله مرتاحه
ليان : ولله مفارقتني الراحه
نور بحزن : افا لييه
ليان : ولله متى ارجع السعوديه خلاص طفشت مو معقوله انا بتم عايشه معا هاذا
نور : مافي اي انسجام
ليان : ابداا
نور : يوو الله يكون بعونك بس ولو حاولي تكسبينه
ليان : ولله انا مارح اكلمه ولا ابيه وخليني اكمل معاه على الاقل خمس شهور وبرجع بيت بابا
نور : لا لينو لا تقولين كذاا
وكملو سوالف كل وحده تشكي لثالنيه وضحكو وبكو في هالمكالمه بس انتهت باابتسامه من ليان : يلا باي بوسيلي لميس
مشعل طق الباب ليان : ادخل
مشعل : اشوف البسمه لغيري والدموع لي ماعمرك ابتسمتي وانا معاك ولغيري البسمه شاقه وجهك
ليان : اكييد لناس الي تستحق الابتسامه ابتسم لها
مشعل فور : وش قلتي
ليان خافت يضربها : ماقلت شي
مشعل : على بالي يلا تعالي طلبت لنا فطور
ليان بصراخ : مااااااابي
مشعل : وجعه لاتصرخين لا اعلمك الدموع على سنعها
ليان طلعت من الغرفه : الله يصبرني على مابتلاني
مشعل لحقها وجلس على الطاوله : يلا تعالي
ليان : ياخي باي لغه تفهم مااابي
مشعل : ولله انا كلتي ولا ماكلتي هاذا اخر همي بس انتي امانه عندي وثقيله على قلبي بعد
ليان حطت رجل على رجل : محد قالك طق باب بيتنا وقل ابي بنتكم
مشعل : ايه وهي ماصدقت خبر وافقت
ليان : ههههههههههههه يقولونه وانت ادرى بعد
في مكان ثاني ..
رسيل : اسيل انا حدي طفشانه وش رايك نطلع مجمع
اسيل : ياختي ودي بس امي تقول لا انتي عارفتها
رسيل : خلي امي علي
اسيل : اوكي يعني برايك بقول لا هاذا عرض ينرفض
رسيل نزلت تحت عند امها : ماما حبيبتي
ام بدر وهي جالسه تطالع مطبخ منال العالمي : نعم ماما وش بغيتي
رسيل تبوس راس امها : ابي اطلب منك طلب
ام بدر : الله يستر من طلباتك يلا قولي
رسيل : اممممم نبي نطلع انا واسيل
ام بدر : وين بتطلعون له
رسيل : مجمع ال... قريب من البيت خلي كومار يوصلنا تكفين ماما
ام بدر : لالا انتو بنات لحالكم
رسيل : ماما بلييييز ولله ميتين طفش واليوم خميس
ام بدر بعد تفكير : اوكي متى راح تروحون
رسيل : ع المغرب
ام بدر : بس بشرط
رسيل : وش هو
ام بدر : تخلصون كل صحونكم لان اليوم مسويه لكم غدى تاكلون اصابيعكم وراه
رسيل : واذا بغيتي الصحن بعد
ام بدر : يلا نادي اختك وتعالو ساعدوني في تجهيز الغدى
رسيل : ماما والشغاله وش شغلتها
ام بدر : تغسل الحوش وش قلت انا ياتسوين الي اقوله ولا مافيه روحه
رسيل بصرخ وواقفه عند الدرج : اسيلووه
اسيل : نعم وش هالصراخ ترا لي الحين ماصرت امي
رسيل : يلا تعالي نساعد ماما
اسيل : اووه وش الي صاير بالدنيا بتساعدين امي
رسيل : اي مو عشان توافق لازم نساعدها
اسيل : اذا على كذا يلا مو اساعدها وبس
في مكان ثاني ...
زياد كان يمشي في الشارع شاف بنت ضامه رجلينها ودافنه راسها وجالسه تبكي وكان صوت بكائها يقطع القلب وقف عندها : اا وش فيك يااختي
البنت بين دموعها وحسرتها : رجيتك ساعدني مالي احد بهالدنيا خلاص انا لولا الخوف من الله كان ذبحت نفسي
زياد كسرت خاطره : لالا تقولين هالكلام احنا مسلمين قولي لي وش فيك ليه جالسه هنا وتبكين
البنت : امي وابوي توفو في حادث وجلست عند عمي من خمس سنوات بس قبل ثلاث ايام توفى عمي وانا محد يحبني ولااحد يبيني غيره هو ابوي بعد عين ابوي
زياد رحمها وجلس على ركبه ورفع راسها : خلاص لاتبكين قولي لا اله الا الله
البنت ماسمحت لنفسها ولد يمسكها بعدت عنه : لا اله الا الله
زياد : والحل يعني ماتعرفين غير عمك هاذا ومرت عمك باي حق تطردك
البنت : انا ماعندي غير عمي ومرته وقبل لا يتوفى عمي كتب البيت باسمها وانا مااقدر اسوي شي غير اني اطلع واترك لها البيت
زياد : طيب قومي معي وصدقيني وماالمسك ولا اتعرض لك
البنت مالها غير تقوم معاه وقفت وهي مره خايفه : اوعدني ماتلمسني
زياد : ولله يابنت الناس ماالمسك
البنت ركبت السياره وهي ترجف من الخوف : بسم الله الرحمن الرحيم
وصلو فندق من فنادق الرياض الفخمه نزل زياد وحجز لها غرفه وبعدين راح السوق وشرا لها كم لبسه ورجع لقاها جالسه تبكي زياد : خلاص لاتبكين
البنت : شلون تبيني ماابكي انا مابقى لي احد في هالدنيا
زياد وبصعوبه نطقها لانه ماقدر يشوفها في هالحاله : خلاص اليوم انا وياك نتزوج بس مابي اشوف دموعك
البنت : شكراا صدق رجال نادر وجوده
زياد كلم صديقين له وطلب منهم يجيبون ملاك بعد صلاه المغرب وصكر : وش اسمك
البنت بخجل وهي منزله راسها : شوق
زياد : عاشت الاسامي ياشوق
شوق : عاشت ايامك
بعد المغرب في بيت ابو بدر
اسيل ورسيل نازلين من الدرج وهم لابسين بناطيل جينز سكيني وتيشرتات حمرا وشوز احمر ورابطين شعورهم فوق وبيدينهم عباياتهم اسيل : يلا سي يو ماما
رسيل ترمي بوسه على ام بدر : باايوو
دخلو المجمع رسيل : سيلو شكلي حلو
اسيل : عدل لثمتك
رسيل : اوووف عدليها انتي
مر شاب من عندهم : ولله حلوه خلاص مايحتاج تعديل
رسيل ماتحب هالحركات وتستحقر هالفئه من الشباب : الحين انت وش دخلك هاا ماتقول لي
الشاب : اممممم ماادري بس حبيت ابدي رايي
رسيل : مستغنين عنه وراحت لان اسيل سحبتها
اسيل : انتي ليه كذاا ولله الولد يطيح الطير من السما ااه ليته مكلمني
رسيل : مو احنى نسخ لصق روحي له ولله مايدري
اسيل : ولله عادي يعني
رسيل : ايه عادي بس بعلم عليك امي وبدر بسس
اسيل ضربتها : بسس
رسيل تتصنع البرائه : ايه بس مو انتي اختي وتوامي بعد
الشاب يلاحقهم ومعه صديقه : هههههههه ولله نفس الاسلوب ونفس الطول والقصر فوتوشوب
صديقه : اقول رح زين ولله ام شنطه حمرا احلاا عيون من الثانيه
الشاب الثاني : يافصفص ولله مافي فرق الا الشناط وحده سودا وحده حمرا يمه يروعون
فصفص ( فيصل ) : اوكي الحين ددخلو محل نسائي وين مدرعم له بتدخل معاهم
صديقه ريان : ولله اسويها
ريان وفيصل اصدقاء من الطفوله مغازلجيين دايم في المجمعات
ريان طويل ومعضل اسمراني بس مايل للبياض شعره الا رقبته نااعم عيونه واسعه عمره 24
فيصل طويل بس اقصر من ريان جذاااب ببياضه وشعره الناعم الي يوصل الا رقبته عمره 24
طلعو رسيل واسيل من المحل ومعهم كيستين رسيل : انا التيشرت البينك مالي دخل
اسيل : اتحدااك انا الي مختارته انتي لك الازرق
رسيل : ولله ماتلبسينه
اسيل : ايه ينكب في الزباله ولا تلبسينه بعد
اسيل تبوس رسيل : صح تعطينياه
رسيل رحمتها : اصلاا مفكره كذاا
اسيل : ايه باين بس ابي موكاا
ريان : احلى موكا لااحلى عيون
اسيل خقت : يسلمووو
ريان وقف عند ستار بكوس وطلب موكا وكتب عليه رقمه واسمه : تفضلي
اسيل : كلفت على نفسك شكراا
ريان : العفو
فيصل : والقمر الي معاك وش يشرب
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك