رواية احبك بسكات -9
رؤى:: هذي نودي اللي اعرفها لاتبكي مانبي يخترب الميك اب
ندووشه:: يلا ياابنات نبي نطلع نشوف مسيرة الرجاجيل
خلود:: يلا بسرعه
رحوا الخاينات وتركوني وحدي خايفه تهى تهى
في القاعه كانت امي وام راشد وخلاتي محتاسين ويستقبلون الضيوف
وجاء وقت دخول موكب الرجاجيل دخل ابوي واخوي حمودي وهاديووه وخالي عبدالله وخالي خالد ومعاهم السيوف وبعدهم دخلوا راشد واعمامه وعبدالله وبعدهم دخلو اعمامي وعيال اخوالي وخالاتي
وعيالي اعمامي كان موكب كبير وبعد هز ابوي واخوالي بالسيوف (( العرضه)) ومن ثم طلعوا ابوي واخوالي واعمامي واعمام راشد وبقي راشد والشباب وكل واحد يحاول يعرض ويرقص ويستهبل وبعد كذا طلعوا والبنات اتخبلوا
ندوشه في نفسها:: والله واحلويت ياااحمد يارب تحفظه لي وتخليه لعين ترجيه
لميووه:: احم احم شفتي يانهى اللي كان يرقص هناك خطيبي والي جنبه خطيب ندوشه
نهى:: ماشاء الله عليهم يهبلون
عبير في نفسها:: وااااااااااي تهبل ياامساعد تجنن يارب تمم الزواج
وكل وحده شفت حبيب قلبها وودها تقوم تصفق له ودها تقوله احبـــــــــك موت يااغلى ناسي اعشقك يااااكل الغلا
وبعدها بدات زفة العروس كنت مع ابوي وهاديوه وعصامووه ونوافوه<< يبون الحريم يشوفونهم ماعدا ابوي اخاف امي تذبحني اذ سمعتني المهم
كانت القاعه كلها مظلمه بس الشموع الي على الطاولات منوره لحن كلاسيك ينفتح الباب الانوار تنفتح شوي شوي
الزفه لراشد الماجد واحلام
راشد :
مرحبا يا أجمل عروس في الوجود
مرحبا بالزين كله والجمال
نال قلبي ورده من أحلى الورود
إلا أعذبهن وأكثرهن دلال
أحلام:
مرحبا بك يا وفا القلب الودود
يا سليل المجد... يا مجد الرجال
اشهد ان السعد في الدنيا يجود
يوم حظي جاد بك نلت المنال
راشد:
انت اجمل ما رأت كل العيون
انت آيه في الحسن .. انت ملاك
انت ما مثلك بالدنيا يكون
في دلالك ..في جمالك..في حلاك
أحلام :
وانت قلب للغلا وافي حنون
بك ارى الدنيا إذا عيني تراك
دنيتي تضفي لها طعم ولون
كل ما اتخيل انا نفسي معاك
راشد :
يا كبر حظي ويا ما اكثر هناي
آخر العنقود من حظي تصير
أروع النجمات تاضي في سماي
واجمل الأقمار في الكون الكبير
أحلام :
شوف حظي كيف هو وافي معاي
يوم نلتك نلت في الدنيا كثير
من عرفتك يا اول وآخر غلاي
ابتسم قلبي وصار السعد غير
راشد:
أوعدك اقطف لك نجوم الغرام
واوهبك من نورها عقد فريد
واحعل الفرحة على كفوفك تنام
وارسم الايام لك بهجة وعيد
أحلام:
واوعدك بالعمر لي يمطر هيام
واوعدك بالكون لي يضحك سعيد
واوعدك اشغل شموعي كل عام
واحتفل قربك بعالمنا الجديد
وصلت لنصف المسيره وقام راشد واخذني من عند ابوي باس راسي وسمع صرراخ البنات الله ياخذهم:: بوسه بوسه وراشد على طول باسني على خدي اليمين واليسار ويدي وانا تصلبت مكاني وفي نفسي:: هذي اولها ينعرف تاليها ياارب استر
راشد:: يلا ياعمري امشي ولا باشيلك
انا:: تكفي تكفى لاتتهور الحين بامشي
راشد:: هههههههه الله يخليج لي ياااغلى ناسي
وصلنا وجلسنا وكنت منزله راسي
المطربه :: اهداء من راشد لـ حبيبة قلبه هند تفضل استاز راشد
راشد اخذ المايك ::
اشتياق لك غريب
اسال احساسك يجيب
انك النور لحياتي
انك لجرحي طبيب
اشتياقي لك غريب
اسال احساسك يجيب
انك النور لحياتي
انك لجرحي طبيب
انك لجرحي طبيب
انت شوقي انت ذاتي
انت قلبي وانت عيني
انت شوقي انت ذاتي
انت قلبي وانت عيني
وانت عيني باختصار
انت نبضي في الحياة
احبك يااقلبي
انا في نفسي:: الله يخليك لي ياابعد هلي وناسي وطوايفي
راشد جلس يمي :: ها حبيبتي وش رايك
انا:: صوتك جونااان تسلم يااحبيبي
راشد طبع بوسه على خدي:: احبك
انا لاتسالون عني صرت الوان الطيف :: وانا اموت فيك
وبعد دقايق احسها سنوات امي جت وقالت :: يلا الحين تاخذ مرتك يلا ياوليدي وهالله هالله فيها تراها غاليه
راشد :: وهند في عيوني يالغاليه وناظرني بعيون الشوق والحب والهيام
ام راشد:: كلللللللللللللوش تهى تهى ياوليدي اخيرا شفتك معرس
راشد:: يمه مانبي نقلب العرس عزاء ههههههه
ام راشد:: بسم الله علينا فال الله ولا فالك
وبعد كذا اخذنا عبدالله في السياره وساعدني راشد في الفستان لانها كان ثقيل تدرون اول ماركبت تذكرت الضاحكون (( مسلسل كرتوني في سبيس تون)) كانوا دايما يجبون سندان فستاني كان مثل ثقله
وصلنا للفندق
عبدالله :: يلا راشد انزل ومبروك ياراشد ومبروك ياهند
راشد:: بننزل من دون ماتقول والله يبارك فيك عني وعن هند يلا تقلع
عبدالله:: قالوا افعل خير وقطه في البحر
راشد:: بلا هذره زايده ابي ارتاح مع السلامه
ونزلنا للفندق والوقت كان يمر ببطئ احسن نفسي بموت من الخوف واحس دمعتي في عيني <<< ماشاء الله شاعره على غفله
المهم دخلنا للشقه وطلعت عبايتي وجلست في صاله عشان يقول مستحيه
راشد:: حبيبتي روحي غيري ملابسج وانا بييب العشاء
انا:: طيب ودخلت االغرفه وسكرت الباب لزوم الحاجه واول مافتحه الشنطه شفت الملابس مختبصه مو ملابسي اللي اخترتها وشفت بعد ورقه مكتوب فيها(( تعيشي وتاكلي غيرها يالدبه ترى غيرنا ملابسك لان الملابس اللي كان في الشنطه مو مال المتزوجات مع تحيات شله الصعايده))
انا:: ااااااااااااااااااااااا الله ياخذكم والله لااوريكم يالملعونات
راشد سمع الصراخ:: حبيبتي وش فيك وحاول يفتح الباب هند قلبي افتحي مراح اسوي شئ يلا يااقلبي افتحي
فتحت الباب:: ادخل
راشد:: حياتي وش فيك
انا:: تهى تهى ابي ارجع للبيت الله يخليك ابي ارجع
راشد:: ياقلبي الحين الناس نايمين قولي وش تبين وانا بسويه اذا تبيني انام في الصاله بنام امري تدللي ياااعمري
انا بحقد وكره الدنيا :: البنات الله ياخذهم بدلوا ملابسي وحطوا ملابس فاصخه تهى تهى
راشد شاف الملابس:: وش فيها حلوه مره وغمز بعينه ترى انا اذوب في الملابس اللي كذا
انا تمنيت الارض تبتلعني :: هااا طيب بلبس بس ممكن تطلع
راشد طلع من غير مايتكلم وقفلت الباب وجلست الدور في الملابس وانا اتحلطم وادعي على البنات
والحمدلله حصلت لباس حلو استر شى للنوم كان علاقي لونه وردي الظهر عاري والصدر مو مره عاري وقصير لحد الركبه طلعت وراشد صفر اول ماشافني :: الله الله وش الحلاوه هذي
انا كنت احرك صبعي:: اذا تكلمت بروح الغرفه واسكر على نفسي
راشد:: لاتكفين يابنت الناس تعالي تعشي يااعمري
استجبت له وجلست اكل بالبطئ وانا اكل تذكرت الافلام الهندي اذا اطلقوا النار على البطل خمس وخمسين حركه بالبطئ كنت مثلهم حتى انتهاء الاكل ومو يعني كنت جوعانه بس ابي اسمع صوت الاذان عشان يروح يصلي ةانا اهرب للغرفة بس تجري الرياح بما لاتشتهي السفن
راشد يتثائب:: حياتي يلا نام بموت يلا نااام
انا:: اسفه يااقلبي مابي انام بشوف فلم وبعـ
قاطعني راشد وشالني لغرفة النوم من دون مايتكلم وسكر الباب واللمبه(( الليت/النور))
في البيت
امي:: ياحبيبتي وش تسوين الحين خايفه عليها ياربي تعشيتي ولالا
ابوي:: الله يستر عليها ويوفقها الحين عند زوجها بيصونها ويحافظ عليها
رؤى:: لوكانت هنيد موجوده كنا بنسهر ونلعب والله بنفتقدها
ندوشه :: هيا يارؤى نروح الغرفه نلعب اونو او اكس او
امي:: شنو بتلعبون لاياحبايبي الحين نوم نسيتوا بكره عندنا زواج يلا بسرعه نامو بعد عشر دقايق اذا شفت وحده تلف مثل الدوده راح احرمها من العرس تفهمون
رؤى وندوشه:: مفهوم يااسيدتي
وكل واحد من الاهل راح نام من التعب والارهاق والجهد
الصباح صحيت شفت انسان يما تمنيت اكون بحضنه انسان ساعدني انسان ملك قلبي وعقلي شفت خشمه مثل سل السيف رموشه الكثيفه وسكسوكته العذااااااب قمت باخذ شور ماحسيت الابيد راشد ترجعني لحضنه راشد:: ويييييين يااقلبي باقي ماطفيت شوقي
انا مغمضه عيني:: ابي اصلي الفجر واخذ شور نسيت اليوم زواج خلودوه
راشد:: هههههه طيب يااعمري انتي وطبع بوسه في رقبتي
وبعدها دخلت للحمام (( الله يكرمكم )) واخذت شور ولبست فستان الصباحيه سكري قصير لحد الركبه ضيق من الصدر وكلوش من تحت وتركت شعري سايح ومن بعدي صلى راشد
راشد:: عمري بيجبون الريوق بعد شوي
انا:: طيب يااعمري
جابوا الاكل واكلنا كنت اكل مستحيه تمنيت يدخل الغرفه ويخمد مره ثانيه ابي اكل على راحتي
راشد:: حبيبتي مشتهي اكل من يدينج
انا في نفسي:: الحمدلله والشكر مايشوف ان الله اعطاه يدين بس وش اسوي لازم اطيعه << هذي الرومنسيه ولا بلاش
انا:: تفضل كان راشد فاتح فمه يذكرني(( بتاز المشاكس)) ههههههه
انا:: حبيبي سكر فمك هههههه شكلك تضحك
راشد وبعده فاتح فمه :: لا ياحبيبتي ابي اكل وياشر بيدينه على فمه
انا:: صح وعافيه يااعمري
وشوي ويدق موبايلي كان قريب من راشد
انا:: راشد حياتي رد على الموبايل
رد راشد
بصوت عالي:: يااالمهبوله يالبقره متى بتصحين كل هذا نوم نومة اصحاب الكهف ان شاء الله نسيتي ان اليوم زواجي
راشد:: لو سمحتي ياختي لاتتكلمي عن زوجتي جذي تفهمين
:: اسفه بس ممكن هنيد اقصد هند
راشد يكلمني:: تفضلي يااعمري
انا بصوت مروق ورمنسي:: هلا ميييييين معي
:: مالت عليك وش هالرواقه اللي نزلت من السماء وش سوى رويشد عشان يخلي صوتك انثوي
انا بنفس الرومنسيه:: هلا خلوده شخبارك وانا طول عمري انثى وش شايفتني ذكر بس ولايهمك الساعه 3 العصر بكون عند الكوفيره
خلودوه:: هنيدوه نسيتي انا قالت لي الساعه 1 الظهر
انا:: وشكلك نسيتي ان انا توني متزوجه اسفه يااقلبي مااقدر بشوفك العصر تشاوو
وسكرت من خلودووه وجلست اسولف حسيت نفسي اسعد انسانه في الدنيا
الظهر طلعت مع راشد لعند اهله دخلنا وجانا ترحيب
راشد:: السلام عليكم ويبوس راس امه
ام راشد:: وعليكم السلام .... مرحبا الساع هلا فيج يابنتي شحالج
اعطيت ام راشد بوسه:: هلا فيك ياخالتي .. الحمدلله انتي شخبارك
ام راشد:: انا تمام بشوفتكم يالغالين تفضلوا
جت سحر تركض::هنودوه تبوسني امووووه شحالج ياقلبي والله لك وحشه
جلست :: ههههههههههه امس كنت وياك يالمهبوله
سحر تجلس يمي:: وش اسوي امووت في مرة اخووي
راشد:: ابعدي عن حرمتي ابي ايلس وياها
سحر:: لاحوول ماشبعت منها ابي اسولف وياها... ياهند نروح غرفتي
انا:: اوكيه يلا ابي اشوف فستانك
رحت مع سحر لغرفتها وراشد جلس يسولف مع امه
في بيت عمي بدر
سليوه الغثيثه :: عشنا وشفنا بزران يتزوجون
خلودوه:: مالت عليك الحمدلله انا ماحب ولا راح احب غير زوجي على سنة الله ورسوله
سليوه تحاول ماتبين دموعها :: ههههه ضحكتيني انتي متخلفه ماتعرفي شلون الحب اذا حبيت راح استمر في الحب حتى لودمرت اللي اخذت حبيبي
خلودوه تهز كتف سليوه:: انسي مساعد يااسلوى اللي مايحبك لاتحبينه الحين مساعد لـ عبير انسى انتي كنت اقرب من عبير لـ مساعد بس فضل عبير عليك قلبه اختار عبير اختار عبير انسي انسي
حرام تظلمين نفسك بعدك صغيره بعدك صغير وبصوت عالي اللي يبيعك برخيص بتراب ينباع
سليوه ضمت خلودوه وتبكي:: ااااااااااااه اااااااااااه ياخود ماني مصدقه احبه احبه ابي انساه انتي صادقه ياخلود مساعد نسيني
خلوده::لاتفكري في مساعد خلي كل تفكيرك في اشياء ثانيه واذا جاء على بالك مساعد استغفري او اقري قران او اطبخي او سوي اي شئ يشغلك
سليوه:: الله يخليك ياعز اخت في الدنيا احبك ياخلود والله يسعدكـ
في بيت اهلي
امي:: اليوم هند مراح تجي .. بكره ان شاء الله بيكون الغداء عندنا
ندوشه:: والله هنيد لها وحشه اليوم صحيت متاخره كانت كل يوم تصحيني بدري
رؤى:: يمه ابي غرفة هند
امي::بس باقي فيها غريضاتها وملابسها اذا جت استاذني منها
حمودي:: مين يبي يلعب معي في المسبح
ابوي:: لاتسبح لوحدك بعد لعصر بطلع وياك تفهم
حمودي::يبه تكفى وش فيها لو طلعت اتسبح
ابوي:: لاتناقش بعد العصر يعني بعد العصر
الساعة 11 في الليل
كملت التجهيز للعرس واتصلت على راشد عشان يجي ياخذني للفندق ابي البس فستاني
خلودوه:: بدينا من الحين بالنذاله اقول اهجدي في مكانك لاقوم اصفقك
انا:: خلودوه اذلفي عن وجهي لاقوم اتوطى في بطنك انتي وكشتك كانها قطو مدعوس تدرين ان فستاني في البيت
خلودوه:: الله ياخذك ياهنيد يلا روحي عند حبيب القلب
جاء راشد وخذاني من المشغل
ركبت السياره:: السلام
راشد:: وعليكم السلا ياعمري تبين القاعه ولا الفندق
انا:: ابي الفندق لان فستاني موجود هناك
راشد:: لييه مالبستي في الفندق
انا:: لا مايعجبني احب البس في البيت
راشد غمز بعيونه:: عشان اشوفه قبل الناس
انا بحياء :: ايييه
راشد :: اسمعي ياقلبي هالقصيده
فاض الغرام وشفت الأمواج نيران 000
لك ارتعش قلبي وانا كنت حاير 0000
عانقت صدرالموج لشفاك ولهان 000
والشوق جايمي من اليم زاير 0000
اشوف حبي لك على كل الوان 000
الكون رسمة شوق للعين صاير0000
طبعت بوسه على خد راشد اول مره اسويها مادري احساس غريب جاني تمنيت اضمه واقوله احبك
راشد ماسك مكان البوسه:: اه ياقلبي كل يوم يزيد حبي لك
انا:: راشد ترى وصلنا للفندق يلا ننزل
راشد:: ترى اذا ماقدرت اقاومك
قاطعته:: حبيبي تكفى خلنا ننزل مابي اتاخر واذا اتاخرت راح ارجع من العرس متاخره
راشد:: امرلله يلا يااعمري والله اذا شفتك انهبل وانجن
نزلت من السياره:: انزل من السياره يابيبي بسرعه بنتاخر
دخلنا الشقه فتحت الغطاء والعبايه راشد:: الله يحفظج من كل عين يااعمري وبرمنسيه احبك
بلعت ريقي:: حبيبي استاذن الحين بروح البس
دخلت الغرفه وقفلت الباب ولبست فستان اسود مخصر علاقي ذيله طويل في وسط الصدر برش لؤلؤ ابيض وكسرات من عند الخصر صار يهبل والمكياج خليجي طلعت من الغرفه وشافني راشد دار حولي
راشد ::يهبل وش رايك نكسل الروحه واخلي هالليله احلى ليله ويحاوطني من خصري بيدينه وضمني حسيت بانفاسه تحرق وجهي
حاوطة يديني حول رقبته وطبعت بوسه على فمه :: حبيبي انا اللي راح ادلعك بس ابي اروح للعرس واطلع بسرعه اوكيه يااقلبي
راشد يبعد عني :: ولايهمك يلا البسي عبايتك يااعمري والساعه 1ونص وانتي في السياره
مسكت يده ومررتها على خدي:: حبيبي 2ونص الله يخليك
راشد:: ياربي انا ماقدر على الدلع ولايهمك انتي امري تدللي
انا:: مايمر عليك عدو بس يلا بسرعه الله يخليك
طلعنا ووصلنا للقاعه
سحر::وش هالحلاوه غريبه اخوي سمح لك تروحين
انا:: ههههههههه طريقتي ياقلبي
نهى:: علمي خلودوه عشان تطلع وغمزة بعيونها رومنسيه
انا:: مالت عليك وعليها اقول يلا نشوف خلودوه
في غرفة العروس
خلود كانت قمه في الحلاوة والجمال كل من شافها ذكر الله سبحان اللي خلقها ملاك على هيئة بشر
انتهى الزواج والحمدلله وخلود راحت مع زوجها عبدالله اللي وعد نفسه انه يسعد خلود ويحطها في عيونه
في الفندق
عبدالله:: ادخلي برجلس اليمني يالغاليه
خلودوه دخلت برجولها اليمنى وترتجف من الخوف
خلود في نفسها:: يارب تمرر هالليله على خير
عبدالله :: حبيبتي تعالي لغرفة النوم تعبان ابي انام .. ايه نسيت تعشيتي
خلودوه قبل ماتروح للقاعة اكلت اكل الفيله ماشاء الله عليها خايفه انظرها هههههه
هزة خلودوه راسها بمعنى ايه
عبدالله :: الحمدلله طيب يلا ماني قادر اتحمل واخذ يد خلود وصلوا لغرفة النوم
خلود:: ابي اغير ملابسي
عبدالله يعرق :: لاموب مهم يقترب عبدالله من خلود حتى صار قدامها والجدار وراها حاصرها وجلس يبوسها حتى خافت واغمى عليها واخذها عبدالله على السرير 0000000000000000
نرجع للبطله اللي هي انا بلا فخر
وصلت للفندق وكنت خايفه من الوعد اللي وعدته لراشد
راشد يقترب مني وحملني بين يدينه:: حبيبتي ماتعرفي قد ايش مشتاق لك
وانا من الخوف غمضت عيوني مسوية نفسي نايمه
راشد طبع بوسه على خدي:: حبيبتي نايمه وفي نفسه :: ادري ياعمري انتي صاحيه بس مستحيه بس ايام وبتتعودي علي احبك ياهند حياك يجذبني ويحببني فيك ياعمري
وثالث ايام العيد كان زواج خالد @ شوق والحمدلله مر والكل كان سعيد
حبكك لين ماتوفي جنون العاطفه لرضاك
واحبك لين ماتغفى عيون الحب في قلبك
حياتي لوهي الدنيا مساحه تبعد فلقياك
لاسير خاطر الدنيا واعيش العمر في قربك
احبك ايه اعرفها بمضمون الغلا ترقاك
احبك ايه وانا اللي تهت فدنيتي عقبك
انا مامل منطيف اذا كان الوفا مبداك
وانا مامل من قلبك احس نبضي هونبضك
((وبــــــعـــــــد 7ســــنـــــوات))
في مـــزرعــــة راشــــد -الامــــارات
الحريم<<<ماني مصدقه صرت مرة هههههههه
انا:: تعال يايزن
يزن :: ماما ابي عند بابا
انا:: انزين روح بس ياويلك تروح الاصطبل
خلودوه::وخذ الورد معك
سحروه:: بنات بموت من الحمل احس نفسي دب
انا:: تحسين انتي شيخة الدببه خخخخخخخخخخ
نهى:: هههههههههه باقي على هبالك ياام يزن
انا:: هههههههههه منذو مبطي وش رايكم نسوي مقلب للرجاجيل
خلودوه:: لا لا ياعمري مانبي جنون واذا اصريتي بكلم ابو الورد ((عبدالله))
انا اكش عليهم:: مالت عليكم يالعجزه وانتي يانهى سكتي ولدك لاقوم اكفخه
نهى تسكت ولده وتطبط على ظهره::خلاص بيسكت وانتي ياهنيد الحين حامل صح
انا:: ايه في الشهر الثاني والله الوحام ذابحني ذبح اوووف
عند الرجاجيل
عبدالله:: تعالي يالورد تعالي ياحبيبت بابا
تجي الورد مدرعم وتنط في حضن عبدالله وتجلس تلعب باناملها
يزن :: ههههههه ورد انتي بزر انا رجال مااجلس في حضن بابا
راشد في نفسه:: ههههههههه يالكذاب اذا زعلان مايسكت الافي حضني او حضن امك : ياريال ايلس يمي
يزن :: اوكيه يابابا
عصاموه:: يايزن وين مازن
يزن:: مازن نايم وانت ياخالي نواف ماتبي تسال عن ولدك
نوافوه:: ههههههه لامابي لاني سامع صوته يبكي هههههههههه
يتغير الناس بس الزمن عمره ماتغير ولا الحب يتغير حتى لو بعد مليون سنه مايتغير ولاجزء منه
مااحلى الحب عندما تكون خاتمته بقاء للعشاق
ماحلاه عندما يكون العاشق بين حظن عشيقته
علينا يامن نحب انسلك الطريق الذي يجمعنا مع من احببنا
وهو طريق يتمناه الكل وهو الزواج
عندها تتأكد انك ذقت طعم الحب الذي فرق عشاق وجمع عشاق
انا وراشد ياناولد اسمه /يزن 6سنوات والحين حامل
وخلودوه وعبدالله /الورد 5سنوات
نهى تزوجة نوافوه/نايف 5شهور
سحر تزوجة عصاموه/مازن سنه
لميوه ومراد/لين 3سنوات
ندوشه واحمد توهم متزوجين
هاديوه واريجوه/ لبنى 1شهر واحد
خالد شوق/شهد عمرها 6سنوات
يحي وياسر تزوجوا من بنات عمهم/ يارا ونسمه
محمد مارضي يتزوج مايبي وجع راس
مساعد تزوج عبير / علاء عمره 2سنتين
سلوى تزوجة بولد خالتها فيصل /فهد عمره 4سنوات
عادل تزوج سمر توهم متزوجين
اميره تزوجة بصديق مساعد احمد /هلا 3سنوات
جيان تزوجة بولد عمها سعود/تركي 3سنوات
والامهات الله يطول في اعمارهم مثل ماهم
والشيبان بعد
والمراهقات رفعوا علم العنوسه بس مراح يطول الوضع حتى يتزوجون لان الامهات وراهم
كلمه اخيره(( من السهل ان تضحي من اجل من تحب ولكن من الصعب ان تجد من يستحق التضحيه ))
اهداء لكـل عضو في المنتدى وكل انسان يقرا روايتي
لقلب سلم لك أمـره = في حالتـي إنت أدرى
ياللي حنانـك وطيبك = تنحـط ع الجرح يبرى
شفـاف يانـورعينـي = حـبـوب قلبك يبينـي
زهرة شبابـي وسنيني = تفـداك ألفـيـن مـره
الله لـمـا تّـكـلـم = كـنـك تغـنـي ترنـم
الورد منـك تعـلـم = والشـاعر يضيع شِعـره
حنـون ربي يصونـك = فـي طيبتـك في عيونك
دنيـاك حبـي وكونك = ياطيب عمـري وعطـره
فديت صوتـك فديتـك = شفتك عشقتـك هويتـك
ياليت تـدري ياليتـك = غـلاك ياكـبـر قـدره
((اذا حبيت ضحي بنفسك ولاتخسر حبيبك اذا حبيت حب باخلاص موب تلعب بمشاعر محبوبك اللي اهداك قلبه ومرضى احد يشاركك بقلبه وكيانه اخلص في حبك ))
انتهت روايتي بس الروايه خياليه والشخصيات خياليه
نصيحه :::يامن تقرا الروايات لاتتاثر فيها فهي مجرد تسليه لااكثر ولااقل ولاتنجرف الى احاسيسك وفكر بعقلك قبل قلبكـ؛؛؛
الانسه فراوله
اليــــوم: الخميس
التاريخ :4/10/1431
تجميع ورد الجوري
اللهم لك الحمد حتى ترضى وإذا رضيت وبعد الرضى ,,, اضف تعليقك