رواية love to be loved by you -37
الالم الفظيع اللي جاني جرّاء سقوطي ..اما هو مشى وخلاني ولاكان شي صار يااقو قلبه وياقسآه ....طلعت لغرفتي وصرت ابكي شكيت الهم لمخدتي وعقبها دقيت على لميا الشخص الوحيد اللي ممكن يفهمني ويسمعني وقلتلها كل اسالفه وانا مطمانه بان محد راح يدري ومتأكده بانها دايم بالقرب مني وماراح تخليني
عند صبا
صبآ :الووو
....:ياهلا بهالصوت وراعيته ...زماان عنه حيل اشتقت له للحين تذكرين صوتي ولانسيتيه ؟؟
صبا اللي قلبها قام يدق اكثر واكثر: ريآن
ريآن :بالضبط للحين تذكريني ؟؟......وبحقاره /اممممم فاضيه اليوم ؟
صبا:انت شتبي مني؟؟
ريآن :ابي اخطبك هههههااااي....كنت بقولك اني عمري ماراح اننساك خصوصا واني مانام الليل الا وانا شايف صورك ...لا والفديو حقك
صبا بخوف:أي فديووو كذااب انا ماتصورت فديوو
ريآن :طيب اذكرك .يوم جيتي للشقه كنتي فاقده الوعي وصورناك احلى فديو
صبا والدنيا تدور فيها:مستحيييل انت كذااب ماكنت فاقده الوعي
ريآن :لاتصدقين مايهم المهم اني راح انشره اذا مانفذتي لي هالطلب
صبا بترجي:ارجووك ريآن تكفى لااستر علي ارجوووك ..قلي وش تبي مني وانا بسويه لك
ريآن :حلوو احنا كذا حلوين ...الي ابيه منك هو انك تضبطيني مع بنات عبدالله ال........
صبآ:لامستحييل بنات خالي لاااااا
ريآن :شوفي اذا ماجبتيهم معك بكرا للشقه الساعه 12 صدقيني راح انشر صورك والفديو واخليك تندمين على عنادك معي
صبا سكرت بوجهه وهي تكلم نفسها:يارب ساعدني شسوي ؟؟محد راح ينقذني الا مشعل بس شلون ا وصل له صعبه اكلمه بهالموضوع
عند لجين
لجين تتالم :لمياا بموووت موقادره
لميا:ليش ماتروحين الدكتور ؟؟
لجين تبكي :مع مين شوفي الساعه كم
لميا:معي ..لجين مثل ماانتي عارفه محل الصدمه والالم اللي جاك محل خطر ..وبعدين لاتنسين انك قريب طالعه من عمليه وعشان مين عشانه صدق هالانسان موكفو
لجين تتالم :لمياا موقادره اتحمل
لميا:قومي معي خل نروح للدكتور
لجين :واهلي وش بقولهم ؟؟
لميا:لاتحاتين انا بقنع امك بس انتي قومي
لجين:طيب
هذا حظيِ منَ علَى الدَنياِ وعيِت . .
كَل ماضَوِي شَمعةَ فِي درَبي إِنطَفت . . =(
عند نايف
نايف يخبط الدريكسون :لييش كل ماشفتها اضعف ليييييش؟؟
انا كارهها خلاص كرهتها ياعالم على قد ماحبيتها ....راح اخذ منها اللي ابيه وارميها ....الا الخيانه ماارضى فيها الموت ولا الخيانه ...<<وصار يفكر بضربتها لا الحين اكيد بتقوم مافيها الا العافيه ....ياليتها تموت وافتك منها وارتاح...هذا حظي من وعيت على الدنيآ كل ماضويت شمعه في دربي انطفت <<لهالدرجه ارخصت فيني يانايف الله يسامحك وانا حتى الدم لوقالولي يبيه قطعت شراييني واعطيته بس للاسف مايستاهل
صار لك بعدي مواعيد وحبايب
صرت هايم في هوى غيري وذايب
وماكأنك عشت في قلبي وعيني
والله هالدنيا تورينا العجايب
عند عبير
عبير:خالتي متى ادق؟؟
ام رياض:الحين
عبير:يووه مايرد
ام رياض:دقي بعد
نايف رد وهو ماله خلق:نعم
عبير:الوو هلا نايف اكيد انك عرفتني
نايف عرفها :ترى نفسي بخشمي ومالي خلقك
عبير:اصلا ماراح اطول كلها كلمتين وبسكر ..واضح ان زوجتك عسل عموما تراي ولدت وجبت ولد وهو للحين ماله اب ومجهول الهويه ..اهلي تبروا مني وعشت مع خالتي بشقه مع ولدي ..اللي ابيه منك انك تكتب الولد باءسمك ..ولدي مريض يانايف مريض مقدر اوديه للمستشفى ولامستشفى تقبل فيه
نايف بعصبيه :وانا شدخلني بكل هالموال اللي قلتيه ولدتي متي انتحرتي انا شدخلني
عبير: اسمع يانايف والله لو ماكتبت ولدي باءسمك ......راح اقول لمرتك عن ماضيك الاسود وانا عندي الورقه ومستعده العب فيها ويصير معي الحق ..هااا شقلت
نايف بعصبيه :قلت انك اوطى المخاليق واعلى مافخيلك اركبيه ولو دريت ان لجين واصل لها كلمه هالكبر لاتكون نهايتك على ايدي
عبير: خوفتني تصدق ...عموما انا هذا الكلام اللي عندي وعندك مهلة 3 شهور فكر عدل ..ٍسلام <<سكرت من هنا ودخل نايف في دوامة جديده من الهم والعنا وكان الهم ينصب عليه وينهال
بالمستشفى ْ~
الدكتور:هنا يعور ؟؟
لجين :آآآآآآآه ايه مرره يادكتور
الدكتور:لاحول ولاقوة الابالله لازم فحص يالجين نشوف اذا الاعضاء الداخليه اصابها من هالصدمه شي او لااو تأثرت
..انتي معك الدوره الشهريه؟؟
حسيت بخجل هذا وش اقوله وبخجل:ايه
الدكتور:..الحين روحوا اعملوا الاشعه وبعد ساعه اشوفك
لجين :طيب
لميا:الله ياخذك يانايف
لجين :لالميا لاتدعين عليه بالموت
لميا:للحين تحبينه ؟؟
لجين دمعت عينها:للحين ولين باكر صار بحياتي مثل الادمان انتي ادرى فيني يالميا اذا حبيت حبيت
لميا:تحبين شخص يستاهل مومثل حضرته
لجين :الله يعين ..انا اللي معور قلبي ان احلامي هانت عليه
عند راكان
راكان :عبدالعزيز
عبدالعزيز :هلا راكان
راكان :ابوك حالته متدهوره وهو الحين فاق ويبي يشوفكم ضروري
عبدالعزيز :لاحول ولاقوة الابالله ....دقايق واكون عندك الا عندك حلا؟؟
راكان توهق:هاه لا عندكم بالبيت
عبدالعزيز:اجل امرها واجيك سلام
آحبك كثر ! مآلك في [آلحشآ] طعنآت (توجعني)
عند حلاْ~
ام عبدالعزيز :حلا يما صار بينك وبين رجلك شي؟
حلا:شي مثل وشو يما؟؟
ام عبدالعزيز:يعني سوء تفاهم او هواش؟
حلا ماتبي امها تقلق:لايما ماصار شي
شوي الا دخل بعجلة عبدالعزيز :حلا قومي بدلي هدومك بنروح لاابوي بسرعه
حلا بخوف:فيه شي ابوي؟؟
عبدالعزيز:لاانشاء الله بس فاق وقال يبي يشوفنا
حلا:زين هذاني ببدل انطرني
عند مشعل
راشد :عرفت وش كثر احبها يامشعل <<تكلم راشد عن مدى حبه لاسيل وبالمقابل مشعل ماقدريبوح بحبه مثل اخوه صعب يذكر له موعد لقاهم وكيف التقوا
راشد :هاه مشعل شفيك فهيت ؟؟انت تحب؟؟
مشعل:هاه لايارجال أي حب ؟؟بس انا ماابي اتزوج
شوي الا دق جوال راشد رقم غريب
راشد :الوووو
صبا:هلا راشد شلونك
راشد بصدمه :صبآآ؟؟
مشعل اللي سمع اسمها معقوله وصلت فيها انها تدق عليه ؟؟
راشد :خير شفيك ؟؟
صبآ:لاابد بس اخوك مشعل جمبك ؟؟
راشد :ايه
صبأ:طيب خليه يدق على هالرقم لان شادن جوالها مابه شحن وتبي مشعل ضروري
راشد :خلاص تآمرين سلام
مشعل رفع حاجبه :وش تبي فيك ؟؟وش بينك وبينها؟؟
راشد :لايامشعل لاتفهم غلط صبا اعتبرها مثل اختي وهي تعتبرني مثل اخوها دقت عشان تقولي ان شادن تبيك ضروري وجوالها مابه شحن امسك سجل هذا رقم صبآ دق عليها
مشعل حس ان السالفه بها ان :طيب هات
راشد :05555555555555555555<<لحد يجرب
بالمستشفى
كنت بالممر مستمتعه بمنظر الاطفال حتى وهم مرضى يدننون يانااثي كانوا اشكال والوان اللي يركض واللي يصيح ياحنيني عليهم بس
لجين :يادلبوو سوفي لموي الاطفال
لميا:ايه هذا انتي لاشفتي البزران يزر عقلك
لجين :ماكأنهم طولوا؟؟
لميا:الا ...شوفي هذا الدكتور
<<دخلنا عليه ووجه الدكتور ابد ماكان يطمن بخير
الدكتور:آنسه لجين انتي انسانه واعيه وفاهمه وتعرفين ان كل شي بالدنيا يصير لنا قضاء وقدر ...
لجين بخوف:دكتور تكلم خوفتني انا شفيني ؟؟
الدكتورر:.................................
ياترى لجين شفيها وش نوع المرض اللي مصابه فيه؟؟
صبآ اقدمت على الخطوه الاولى ولكن هل راح تجرأ وتخبر مشعل بقصتها ام تتراجع ؟؟
ابوعبدالعزيز وش اللي يبيه من عياله ؟؟
Part 37
بيت الجدراشد
الجدراشد :عبدالله
عبدالله :سم يبا
الجدراشد :بكرا كلكم معزومين
ام نايف طلع حسها على طاري العزيمه :صدق عمي على وين ؟؟
الجدراشد :ملكة بنت سالم ال...... في بيته وهو عازم الكل ....وهم جيران بنتي منى الرجال تعنّى وجا قالي ان الكل معزوم
عبدالله :اييه ذكرته يبا ....هو ابوخالد ولاانا غلطان ؟؟
الجدراشد :أيه ماغيره
نايف حس بالغيض من ذكر اسم خالد وقال:انا مورايح
الجدراشد :شقلت ؟؟مورايح الرجال تعنى وجاني تقولي مورايح
نايف بكذب :جدي انا اليوم عندي مناوبه وبكرا راح اكون تعبان يالله يمديني اغفى
الجدراشد :ايه مايخالف دام السالفه كذا
نايف قام من السفره :الحمدلله
ام نايف :وين ياولدي ماكلت شي
نايف انسدت نفسه :الحمدلله شبعت
صرت اخآفك ْ~
وانآ اللي مسكنك وسط قلبيْ~
عند رادا &بدر
بدر :يووه خلاص حبيبي سلووم هش هش هو هو <<ويبيه يسكت بعد
سلوم يبكي :آآآآآآآآآآآآآآآآآآآآآآآآآآآآآآه
بدر :يووه شفيها امك تأخرت بعد ..شوي الا سمع صوت الجرس وفتحه
رادا باءبتسامه :السلام عليكم
بدر :هلا وعليكم السلام ياام سالم <<ورك على اسم سالم
رادا :عسى بس ماتعبك ولدي
بدر تكلم بشي من العصبيه :وش رايك يعني اصلا انا ماادري شلون خليتك تروحين واقعد اتخصبق انا هنا مع ولدك وانتي مستانسه مع خوياتك
رادا :بدر انت شقاعد تقول انا كل 5 دقايق داقه عليك واسألك شلون الاوضاع تقولي سلوم زين ماعليه شي والحين يوم رجعت غيرت كلامك فجأه
بدر بعصبيه :كلمتين بقولها لك وخليها على بآلك ....مرتن ثانيه مافي طلعه من هالبيت الا ومعك ولدك انا ماعدت احتمل اهمالك
رادا :الله يسامحك يابدر انا مهمله ؟؟...عموما محد ضربك على يدك انت اللي تبرعت وقلت روحي وسعي صدرك وانا بجلس مع سالم .....يجي منك اكثر يابدر
بدر :اوهوو امسكي ولدك وفكينا بس تراها واصله معي لين هنآ <<طلع بعدها بدر وتركها ....احيانا يظلم الشخص اللي حوله ولايفكر بمدى المعاناه اللي عاناها عشانه ....المرأه تحمل 9 شهور وترضع وتربي ...ومع ذلك ماتقول شي في المقابل لو جرب وعاش يوم من الايام اللي تخوضها الام ينفر ...بدل مايستشعر المعاناه ويطبع قبله على جبين كل امْ~
ياجروحي ..!!
لوتزيدين اشتعال ..
انسي اني بطاوعك يوم ..~
عند مشعل
مشعل :الووو هلا صبا
صبآ من سمعت صوته وانا مدري شصار فيني قلبي صار يدق بسرعه
مشعل :الوو صبا
صبا:ايه
مشعل :شخبارك .؟
صبآ قالت بحزن:موزينه يامشعل ابد ماتسر
مشعل قام :افااا شفيك وش صار لك ؟؟
صبآ :تو كلمني ريآن وقالي ان معه صور لي وفديو مع اني مااذكر انه صورني فديو ..وقال يبي يفضحني وقعد يهدد فيني
مشعل:الحقير السافل وله عين بعد هالكلب
صبآ :وصار يهددني اما اطلع معه او ينشر صوري انا خايفه يامشعل مدري شسوي ؟
مشعل :بسيطه ياصبا
صبآ:شلون بسيطه يامشعل وهو بيفضحني ...مشعل انا مفتشله منك صدقني انا لو لقيت غيرهالوسيلة اني الجألك كان لجأت بس انت الوحيد اللي تقدر تساعدني
مشعل :اسمعي كل كلمه بقولها لك
صبآ :......
مشعل :انتي لازم تطلعين معه
صبآ بصدمه :انت شقاعد تقول يامشعل ..وانا اللي احسبك راح تآقف معي تقولي اطلعي معه ..مشعل لاتننسى ان شرفي هو شرفك ياولد الخاله
مشعل :صبا انا اكثر واحد يعرف ريان زين واكثر واحد يخاف على مصلحتك ولازم تسمعين كل كلمه اقولها لك انتي فهمتيني غلط ..انا راح اكون معك مو ضدك لاتخافين ..وبتردد :آآ تسمحين اكلمك على هالرقم ؟؟
صبا تبكي :ايه ..مشعل انا اسفه ولا ماكان ودي اشغلك معي بس والله تعبت من هالمعاناه تعبت
مشعل ابتسم :صبا لاضاق صدرك من زمانك وانا حي ...آمري تدللي قلبي بلادك وانتي حضرة سموه
حزين . .
واسمع ما يعاآنيه . . الحزين
وجروح بوحي في خفوقي ما شفتْ
سألت رمشي :
" ليش َ دمعي ما يبين ؟"
و اشرق جوابه / لكن اعْيووني غفتْ
الله واكبر
يا معاآآآناة الأنين ْ . . . !
من علَم " دموعي" تباطا لا لفتْ ~
بالمستشفى
الدكتور :لجين انتي اول مره تطيحين على نفس المنطقه ؟؟
لجين :لا مواول مره
الدكتور :الصدمه كانت جدا قوية وكان المفروض تكونين هنا بالمستشفى من اول مره تعرضتي فيه للصدمه او السقوط .....ألخ .....للاسف الصدمه كانت قويه وهالشي اتضح معنا من خلال الاشعه اللي سويناها ...ياليتك انتبهتي لنفسك اكثر ..ووطى راسه
انا هنا فجعت وقلت بخوف:دكتور انا شفيني ؟؟
الدكتور:
الصدمه اثرت عليك وبالتالي النتيجه هي حرمانك من الانجاب ...اي بالتالي انتي صرتي ...آآآ صرتي عقيم
انا كل كلمه قالها ماكنت اصدقها كل اللي اذكره اني انهرت وصرت اصارخ :لاااااا انت كذااب انت شقاعد تقووول ؟ لمووي كلميه قوليله لايمزح معي بهالامور تكفين كلميه <<شكلها وقتها كان يكسر الخاطر
لميا دمعت عينها وحضنتها :لجين حبيبتي قومي هذا قضاء ربك وانشاء الله ..الله يعوضك خير ويسامح اللي كان السبب
الدكتور تكلم :آنسه لجين بالنسبه للعلاج فهو حاليا صعب ولكن بعد فتره ممكن نبدا فيه اذاحابه ....ياليت تخلين الامل بقلبك كبير حالات تشابه حالتك كثير مرت علينا
لجين تبكي :لاتكمل كاافي وش فايدة العلاج انا خلاص صرت عقيم والسبه هوو ...أيه يادكتور هو الشخص اللي حبيته ووهبته حياتي هو السبب بحرماني ....لو بشرمنك عاش وشاف اللي شفته تبكي عليه جبآل ....دكتور ابسألك جرح القلوب له علاج عندكم ؟؟..جرح الحبيب ؟؟جرح اللي نحب ..جاوبني له علااااااج
لميا دنّقت عليها وحبت راسها :لجين قومي عشان خاطري لاتعذبين روحك كذا ...واحد مايستاهل انك تسوين بروحك كذا عشانه
لجين :لميا اذا تبين تدعين عليه هالمره ادعي ...شوفي لموي اذا مات ماراح اصيح عليه ابد ..لميا نايف ذبحني تعرفين وش معنى ذبحني
<<بعدها قومتني لميا ورحنا لمجمع عساس اغير جو واطلع من اللي انا فيه
بيت ابوخالد
ابوخالد :سعود امك رايحه العرس بكرا ؟؟
سعود :ماادري بس خايفه من ردة فعل خالتي
ابوخالد :اقول سعود امك تزوجت عقبي ؟؟
سعود :ايه
ابوخالد :وينه زوجها ..؟؟ طلقها ؟؟
سعود :لايبا توفى بحرب الخليج وانا عمري 11 سنه
ابوخالد :كانت مفهمتك انه ابوك ؟؟
سعود :لا كانت تقول انه عمي ...ويوم كنت اسالها عنك تبكي وتقول مااات
ابوخالد يغير السالفه :اقول سعود تدري شفيه اخوك خالد من رجعت له الذاكره وهو مو على بعضه
سعود :انا ملاحظ هالشي بس ماادري شفيه وانا ابوك اذا تعرف قلي
بمكان موبعيد عند ام سعود
رهف:خالتي شوفي العروس بكبرها طالعه لك خصيصا ومتعنيه الا تبيك تجين
ام سعود :الله يوفقها انشاء الله ويسعدها والله ماادري شقولكم يابناتي انا الود ودي احضر بس خوفي من شي واحد
رغد :من امي صح
ام سعود :شوفوا يابناتي امكم تراها زينه وقلبها طيب ولو ماكانت كذا ماكان شافت سعود ولدها وعاملته مثل ولدها خالد وبعدين انا ماالومها عاللي تسويه
مرام :هذا لان قلبك طيب ياخالتي
ام سعود :تسلمين لي يابنتي ..شوفوا يابناتي الغلط كله على ابوكم الله يسامحه انا يوم خذيته ماكنت ادري عن انه متزوج وقال انه مومتزوج ...ويوم دريت زعلت مثل ماامكم الحين زعلانه انا حاسه بشعورها ..اللي راح راح وانا خالتك والاهم اللي جاي
رهف:طيب خالتي لو امي جت وقالتلك لازم تحضرين وش بتكون ردةفعلك
ام سعود ابتسمت /مااظن يابنتي ,,انتوا اذا رحتوا اعتبروني حضرت واني بينكم وانا خالتك
شوي الا دخلت ام خالد والكل قلبه على ايده
رغد :يماا
ام خالد مااهتمت لندا بناتها وطالعت بأم سعود :واللي يقولك ياام سعود ان ماله روحه للعرس الا اذا رحتي ؟؟بتردينه ؟؟
ام سعود باءبتسامه حنونه :لاحشى ياخيتي اللي تبونه بيصير
أَحْيآنْ آحِسّ إنّ الْعُمُرْ جِداً حَزينْ .
.. .. .. .. .. .. .. .. .. .. .. .. .. مِثْلَ الْغَمآ آ آ مْ ,
اللّيْ فِقَدْ روح الْمُطَرْ !!
آلوقتْ يسريْ .!
وْ مآبِقىآ غير . . | الْحَنينْ . .
.. .. .. .. .. .. .. .. .. .. .. وْ شْوَيِّة آحْلآمْ وْ مَنآديلْ وْ صُوَرْ !!
عند شادن & ايهاب
شادن:ايهاب
ايهاب:آمري
شادن :مايآمر عليك عدو بس بكرا اهلي معزومين على عرس وبروح معهم
ايهاب وهو جالس عاللاب :روحي ياروحي منها تغيرين جو ادري غثيتك معي بهالشغل بس صدقيني متى ماتمت هالصفقه راح اخلي الشغل كله على اخوي محمد ..وغمزلها :وافضى لك
شادن بقلبها يشهد الله علي اني احاول قد مااقدر احبك بس لعنبو قلبن ماينادي غير باءسمك يانايف
شادن باءبتسامه كاذبه :مشكور
شوي الا دق جوالها
شادن :الوو هلا مشعل
مشعل :اخبارك شدوون ؟؟
شادن :تمام الحمدلله ...انت شلونك يااخوي ؟
مشعل :ألحمدلله ماشي الحال ...آآ بس كنت بسألك
شادن :قوول وشو ؟
مشعل:كنت بسألك عن اخت ريآن اللي كانت معك تذكرينها؟؟؟
شادن باءستغراب:ايه شفيها؟؟
مشعل: وش اسمها .؟
شادن :اسمها شيماء ليش تبي تخطب ؟؟
مشعل بقلبه آه لو تدرين عن اللي سكنت هالقلب ماعذبتيني يااختي بسؤالك :هاه ايه بخطب...شآدن طلبتك ابي صوره لها
شادن :لأالالا مستحيل انت شقاعد تقوول مشعل حرام هذي اعراض بنات الناس
مشعل :قلتلك بخطبها شفيك موراضيه تصدقين ..وبكذب:ترضين على اخوك يتعذب انا حتى ليلي ماانامه افكر فيها تعذبت بحبها تكفين حسي فيني
شادن رحمته :خلاص طيب مر علي وانا بحط لك صورتها بظرف بس انتبه عليها هذي امانه
مشعل :زين ..لحظه دقيقه شادن <<وصار يكلم راشد....هلا راشد ..ايه كلن بيروح لا كلمت نايف يقول تعبان بيجلس بالبيت بروحه ..اوك فمان الله لاتسرع فاهم<<ورد يكلم شادن اللي سمعت كل حرف:الووو
شادن اللي صارت تفكر بيجلس بالبيت وروحه بعد ؟!..هذي فرصه وجت لعندي اشتقت لشوفته حييل ..بس ايهاب ياشادن ؟...لالا ايهاب ماراح يدري بالسالفه وهذا راح يكون اخر لقا بصبّر عيني الي اشتاقت
مشعل:الوووو وين رحتي شدون
شادن :همم معك خلاص انت مرني وانا بجهز لك الصور سلام <<سكرت من هنا شاجن وصار تفكيرها منحصر ببكرا
ثق بأني لا أتوسل منك حبا أبدا
مهما مزقني الحنين إليك ..
وليست ارغب ببضع فتات منك
إن كنت قد ملكتك كلك
.................... قبلا..
بالمجمع
لميا:لجين تكيّ علي اذا كنتي تحسين بدوخه
لجين :اييه يالميا الم الخافق اقوى من الم الجسد الله يسامح اللي كان السبب
لميا :خلك هنا اجلسي وانا بروح اطلبلك شي تآكلينه <<يآآه وقتها حسيت بشعور العجز ...الم فالجسد والم وجرح نفسي كان اكبر وعميق ....فقصتي التي كنت احكيها لنفسي قبيل النوم وحلمي ان اكون السندريلا وام لطفل جميل انهدم على يد من احببت
لجين :زين
لميا:ولااقولك خل ندخل للعوائل احسن عشان نكشف
لجين :والله مافيني اقوم يالميا ...عادي هنا محد حولنا مافي غير الهنود <<عساس مو اوادم
لميا:براحتك<<راحت من هنا لميا وانا اعتب بقلبي عليها ماابي اختلي بروحي اللي تكاد ان تخرج وتنتزع من اشلائي .....وفجأه تحسست بطني تذكرت ايام ماكنت احط ببطني مخدات وامثل اني حامل شعور الحمل شعور جميل ....لفيت بعيني لقيت اطفال حلوين يلعبون مثل الملائكه هذا المشهد كان أشبه بملح وانرش على الجرح ...اكتفيت بالابتسامه خذهم ابوهم وراح....مشوا عائله كامله ام اب واطفال ...آه وآه بس لفيت بعيني الناحيه الثانيه وبصدمه :
نــــــــــــــــــــــــــــــــآيف
نايف بعصبيه :انتي شقاعده تسوين هنا
وقتها اختبصت ماعرفت وش اقول ..لجين :جيت مع لميا بنتغدا وبنرجع
نايف بأمر :قوومي مافي أكل
لجين بعناد :ماراح اقوم ..انت شدراك اني هنا ؟؟<<وقتها كانت تطالعه بنظرات استحقاريه
نايف:انتي مالك دخل ..المهم خل هالكلام ببالك ترى كل خطوه تخطينها انا اعرف عنها ..حتى لوفكرتي مجرد تفكير انك بتروحين لمكان فيه بعض الناس ادري به
لجين بعصبيه :احترم نفسك يااااااا
نايف ضغط على يدها بقوه :ياوشو ؟ كملي ..اظن اهلك ماعرفوا يربونك ويبيلك تربيه من جد وجديد
لجين صارت تبكي :نايف ارجوك ابعد عن حياتي ..كل اللي ابيه انا الحين انك تبتعد عن حياتي وبس
نايف ابتسم بسخريه :زين والله صار عندك احساس....اصلا انا قبلك عايفك كلك ..يللا قومي اشوف
لجين :ماراح اقوم
هنا مسكني بقوه من يدي وقومني ..وانا صرت اتألم :قلتلك وخرعني آآآآآآه<<حسيت بألم شديد
نايف بخوف: شفيك ؟؟
رفعت عيني وطالعته وبقلبي جاي تسالني وش فيك وش عقبه يانايف وش عقبه ؟؟
لجين :وخر عني
نايف رجع لحالته وبعصبيه سحبني من يدي بقوه وغصب عني ....ودقيت على لميا وقلتلها اني رحت معه وهي حقدت عليه والله ماودي اخليها بالمجمع لحالها كنت خايفه عليها ولو صار لها شي اكيد ماراح اسامح نفسي
يوم قربنا من السياره جيت ابي اركب بس حسيت بدوخه وملت بجسمي وصدمت بواحد
لف علي وهو يقول :فديتك انا اسم الله علي قلبك
هنا قرب منه نايف بعصبيه ولزقه بالجدار :شقلت
الرجال بخوف:هاه ماقلت شيي انا آسف بس اتركني <<وتركه نايف بالفعل لومومتأسف كان راح يموت لامحاله المشكله ان رجولته للحين تهز فيني
نايف بعصبيه :انتي شفيك عميا ماتشوفين ان وراك احد
لجين :ماكنت اقصد حسيت بشوية دوخه
نايف:ليش ماركبتي قدام
قلت والعبر خنقتني والدمعه بعيني :لاني ماابيك ماابيك
نايف :تصدقين عاد انا اللي ميت عليك ..خلك ورى اصلا قربك مايجيب الا الهم والمرض وفراقك اكبر عيد
مدري " جبرك الوقت " أو " بعت " مدري !
خنت " العذر " .. / يا سيد الجرح .. { خنته }
عند خالد
ساره :خالد بروح السوق
خالد وهو يطالع بالجريده :وش عشانه ؟؟
ساره :شفيك خالد نسيت ان بكرا عرس اختك
خالد اللي توه تذكر:ايه صح ..والمطلوب
ساره بقلبها لهالدرجه يحبها .؟؟حتى ماكلف على خاطره يطالع فيني ...اجل انا لمن متزينه ولابسه مايستاهل
خالد:اها طيب ...ورفع عينه :الساعه كم بترو.......<<قام خالد من مكانه .....لاتلوموني يابشر واللي خلق هالسماوات بدون عمد اني شفتها لجين ...قربت منها وصرت اطالع فيها وهي كالعاده خجله ....وخدودها تورّدت
خالد :تبين السوق
ساره اكتفت بهز راسها بخجل ...من نظراته اللي خققتها
خالد بغزل:انا عشانك يااااا ..عشانك وقال :يالجين اروح القمر لو بغيتي
ساره تحول حياها لغضب ونار ...واملها الى يأس وقنوط <<سحبت نفسها المجروحه للداخل وصارت تبكي ..للحين ياعالم موقادر ينساها طب انا وش ذنبي اتعذب شذنبي ؟؟حاولت انسيه بس موقادر ينساها
بالمستشفى
حلا تبكي :راكان وينه ابوي ؟؟
عبدالعزيز :نقدر ندخل الحين ؟
راكان :ايه هذي هي الغرفه توه فاق انشاء الله مايكون نام <<دخلوا لابوهم ..حلامن كثر مابكت حتى نفسها كان صعب بالنسبه لها
(ألاب....سند مهما كان مآضيه مهما كانت افعاله ذيك اللحظه شعورها كان غير ..ابوها اللي كان يضربها ويهينها ويدوس على كرامتها ممد امام عينها ولاحوله غير الاجهزه اللي من دونها بيفقد حياتها
عبدالعزيز :يبا شلونك ؟
ابوعبدالعزيز بصعوبه يتكلم سبحان الله لابد بيوم الظالم يضعف :والله ياا و و و لللللدي ت ع ع ع بآآآن
حلا تبكي :ياليته فيني ولافيك يبا ...ليتك تقووم تضربني مثل دايم لين يغمى علي ولااشوفك بهالمنظر ...ليتك تحبسني بغرفة ايام وتحرمني الاكل والشرب ولاشفتك كذا ليتك يبا ...ليييتك يبا تغصبني ادخل على ابو خميس وتهيني وتضربني قدامه ولااشوف هاليوم
ابوعبدالعزيز نزلت من عينه الدمعه :يابنتي كفآيه ..انا ظلمتك كثير وابيك تسامحيني وانا ابوك ....الموت ..الموت دنا مني ابيك ياولدي ياعزيزز تحط حلا بعينك تصير لها ابو لاني عمري ماكنت لها ابو ولااستاهل اكون ابوها ..بنتي ديري بالك على امك قولوا لها تسامحني وانشاء الله بدار الحق يجزيها ربي على صبرها الجنه ....انا بهالفتره اللي جيت فيها للمستشفى تبت لربي وندمان على كل اللي فات ياعيالي
عبدالعزيز يحب راسه ابوه :يبا لاتقول كذا عسى عمرك طويل انت لو تآخذ الروح مرخوص يبا
ابوعبدالعزيز :الله يرضا عليك ياولدي قربي يابنتي
قربت منه حلا وحب راسها ونزلت دمعته
حلا تمسح دمعة ابوها:والله ماتبكي يبا دموعك اغلى من كل هالدنيا ....يبا انت تدري رغم كل اللي سويته ان مابقلبي شي عليك
ابوعبدالعزيز :صدق يابنيتي يعني سامحتيني
حلا:وش هالكلا م يبا انت تاج راسي وسبب وجودي بهالحياه ..يبا انا احبك ..تدري وش اتمنى .؟؟ اتمنى تقوم من فراشك وتطقني لين اصير جمبك بالفراش مثل زمان يوم كنت تنومني جمبك وتلعب بشعري وتحكيلي حكايه ....
ابوعبدالعزيز تكلم بصعوبه ..:يما حلا عسى الله يوفقك ويسعدك مع راكان ..تروه ولد ناس يخاف الله انا وصيته عليك وانت ياولدي ياعبدالعزيز الله يرزقك بالي تخاف الله ....وهنا وقف حكي وصار يرف بعينه
الكل:يبـــــــــــــــــــــــــــــــــــــــــــ ــــــــــــــا
ابوعبدالعزيز وعينه الى السماء :اشهد ان لا اله الا الله وان محمدا رسول الله
صوت الاجهزه :طييييييط طييييييييييييط
هنا عبدالعزيز مسح دمعته وسكر عين ابوه ....وحلا صارت تصارخ :لاااااااااااااااااااااااااااا ابوي مامات صح عزوز مامات لاااااا
عبدالعزيز اللي تلثم والدمع من عينه نزيل :الله يرحمك يايبا
على صرخاتها تسارعت خطوات راكان ....دخل وحضنها ..بس محد يعووض فقدان الاب ..ياكم تسعد الارض يبا لاقلت انك فوقها ..عمره ماجا ببالي انك تكون تحتها ...احضان راكان وقتها اثبتت لها بالفعل وفات ابوها
<<اعزائي القرآء ليس هناك في الحياه رجل يهدي كل حياته وكل حنانه دون ان يسأل عن المقابل (سوي الاب) فأمنحه ياإلهي عمرا اطول واسعد قلبه وفرج همه ويسر امره وارحم من توفى منهم يارب
نقلــــــــــــــــــــــــــــــــهـ}ْ~
الف مبروك عرسكْ~
يابعد روح اهلك وخلآنك ْ}
اليـــــــــــــــــــــــــــــــوم
زوآجــــــــــــــــــ مـــــــــــــــــــــرآم
تغنّى الناس وتغنت الالحان باءسمها ملكة الحفل ....ملكة تلك الليله ...وكما يقآل عانس ولكن لم تعد كذلك فهي عروسة اليوم ....ام المستقبل J
انزفت مع العريس (ضاري) الذي يصغرها سنآ ..وكان الحب هو عنوان تلك الحفله ...فالحب اكبر من اعمارنا واكبر من هالكلام ...فالعمر يتعب حينما يمضي بلاحب ولكن اعمارنا لاتتعب حينما نمضي بها وبالقرب من الذي احببنا ....فالحب اكبرمن حكي البشر الذين نعيرهم اهتمام لايستحقوه ..فكل من حش حضر وكل من تكلم حضر وأشادوا بروعة وجمال الزواج وعروسيه ...<<طيب ورى تكلمتوا ياعساكم الصخّه <<اوت
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك