رواية love to be loved by you -43

رواية love to be loved by you -43

آحـــــــبـــــــكــــ

ثم رأإأإأإح

عند رادا &بدر

بدر:افهيني يارادا انا احبك بس آآآ

رادا بدموع:ليش يابدر ليييش؟؟

بدر:انا اقولك ليش

رادا:قول اسمعك

بدر:رادا انا تعبت من هالوضع ...وانا رجال من حقي آخذ وحده واثنين وثلاث واربع ..وبعدين اللي بآخذها يتيمه وبكسب فيها اجر ....وانتي حاولي تتفهمين الوضع وابتغي الاجر يابنت الناس...رادا انا ماراح اظلمك وحقك راح اعطيك اياه كامل من دون تقصير ...وبعدين لاتنسين انك انتي السبب بس انا ماجيت اعاتبك الحين بس هالخطوه انا متأكد راح ترجعنا حلوين مثل اول واحسن بعد

رادا منهاره :شلون هانت عليك العشره يابدر؟؟...شلون صار عادي عندك ايدينك تلامس غير اياديي ؟؟...شلون بتقدر تقول لغيري كلام حب وغرام ؟؟....شلون هنت عليك بهالسهوله وين كلامك لي يابدر وينه ؟؟

بدر :فكري بكلامي اللي قلته لك زين ...ايه نسيت اقولك انا عطيت الرجال خبر..فمان الله

هـَذَّآ الحَّنـآنْ إليْ لَه القَلبْ {.. محتَّـآج..!

أرجوٍكـْ \\ زِيـدْ بِآلـعـطَّـآ [.. و ,, إحتـِوينيْ .

. }~ وإنْ كَّـآنْ شِفـتْ في َّ وِصآليِّ لّكـ × إحْرَّآجْ ×

فِي صمْت أَحِبكـْ بِيّن {.. قَلْـبِي وَّ بِيـ’ــنِّي..}~

بأسبانيآْ~

رحنا لجبل ثلجي ..ولبسنا لبس ثقيل من كثر ماهو ثقيل مشيتي كانت تفطس ضحك ....الجو كان بارد جدا بس كان منظر الجليد والثلج يآسر القلب بحكم اننا نفتقر للثلوج J

لجين :راح نتزلج مو؟؟

نايف:تبين ؟؟

لجين :ايه

نايف:اوكيه

<<وبالفعل صرنا نتزلج وكنت وقتها مبسوطه بس للاسف كنت كل شوي ازلق

نايف:ههههههههههههههه خلاص مافيه

لجين باءحراج :أللبس ثقييل

نايف:اهااا

لجين :مومصدق يعني والله ثقييل ...أيه لانك طويل وعضلات ماتحس

نايف بغمزه:احلفي انه موعاجبك

لجين حست باءحراج ودارت هالاحراج وصارت تجمع بيدها ثلج ورمت عليه

نايف:هين يعني هالمره انتي اللي بديتي <<وصار يجمع بيده ثلج ويكورها ويرميها علي

انا هنا مثلت الالم:آآه عورتني

نايف بخوف:صدق وين ؟؟ماقصدت شلون يعني يعورك ؟؟وش تحسين ؟؟

كنا على قمة جبل ثلجي صغيرون

لجين :هنا بيدي

نايف سحب يدي وحبّها:ها طابت يالبزر

لجين سحبت يدي وانا بقمة الاحراج والجبلJ

وكنت مخبيه وراي كوره ثلجيه يحبها قلبكم ...ورميتها عليه

نايف:آآآ يالنصااابه...هنا مسكني وانا ميته ضحك عليه وطحت بالارض وانا اضحك وهو يضحك ..وكنا على حافة الجبل هو قرب مني وكنت على حافة الجبل الا وتدحرجنا من قمة الجبل وحنا ميتين ضحك وصرت مره انا فوقه ومره هو فوقي.....كنا ناسين كل اللي حولنا..حتى وصلنا للنهايه وكانت النهايه هو اللي فوقي...

لجين :ههههههههههههههه

نايف:ههههههههههههههههه

شوي الا اختفت البسمه وصار يتأملني ...وبعدها قرب مني اكثر وحط جبهته على جبهتي وخشمه على خشمي وبصوت رجولي همس لي:ليش قاعد يصير معنا كذا؟

لجين :انا اسألك نفس السؤال

نايف :اكرهك واحبك ولاابيك وابيك لخبطتي فكري ولاادري وشهي الحقيقه

لجين :الحقيقه هي ان افضل حل الفراق اهجرك وتهجرني <<ووخرته من فوقي

نايف:بس هذا اللي تبينه ؟؟

لجين :مااقولك ابيه بس هذا افضل حل لنا اثنينا

نايف :تبين تشوفين وش بيصير فيك لاخليتك

..رغم انك خنتي

لجين :نايف انا كم مره فهمت وتكلمت معك عن هالموضوع؟؟

نايف:ردي علي تبين تشوفين ؟؟

لجين :أيه

نايف:بس غمضي عينك وعدي لين ال 30

يجَيني ليش زعلاْنه ! ويحضْن وجهي بـ كـفيّه/

و أتمتم حييل مآ أحْبكـ

ويضحْكـ ويقول حيييل][[

كـذ ااابْه..!

<<نفذت كلامه وعديت لين ال30 ...عقبها فتحت عيني ولالقيته ...طالعت الكل حولي اغراب خفت وصرت ادوره بعيني ولالقيته ..وينه ليش تركني

وصرت اصرخ توقعت اني ضعت بهالمكان اكيد راح اموت من البرد ولامن الخوف ولامن الشوق ولاالحنين...صرت ابكي ادوره واصاارخ ..صرت ادوره مابين عيون الناس ..استغني عن اكسجيني اللي اتنفسه مقابل اني اتنفس قربه هاللحظه ...اكاد اكون للجنون اقرب..احس بغصه لانه موجمبي ..اوجاع تغمرني وصورته تجتاحني افقتده بشكل موجع ....آخ وينه وين راح حلفت وقتها اني لوشفته لااضمه ضمه تكسر ضلوعه ولااخليه يبتعد دقيقه

عند نايفْ~

كان نايف متخبي خلف احدالمجسمات الثلجيه ...واراقب كل تحركاتها ادري بتضيع من بعدي بتصييح بتتعذب وقلبي بيتعذب على دموعها اللي ماوقفت هطول...وخطاي تسارعت لجل يهدى بالها...ماقدرت اتحمل عدى وقت وهي تدور علي ومنهاره..طلعت من خلف المجسم وركضت لها وهيي من شافتني صارت تركض وكأن الروح ردت لها ..وضمتني بقوة حسيت بألم بضلوعي

لجين تبكي:لاتخليني يانايف ليش سويت كذا تبيني اموووت من الخووف انت تدري اني اخاف

نايف:ماقدرت اخليك اكثر من كذا جيت العن الخوف اللي ملا صدرك...شفتي قلتلك هذا حالك من بعدي دموع وعذاب وانا حالي قلب يحترق عليك واجي اركض والّمك ... ولااخليك تروحين للي تبينه

لجين وهي تضمه :وش اللي ابيه ؟؟

نايف وهو يزيد يضمها له..قال بقهر:خالد

لجين :ومن قال اني ابيه

نايف:مايحتاج تقولين

لجين :الا يحتاج اذا ماوصلك العلم انا ماعدت ابي شي من هالدنيا

بالشرطه

عمار:انا السبب ياحضرة الضابط انا قلتله ان الرشاش موحقيقي وهو صدقني ومن باب اللعب صوّب على فارس بغير علمه

الشرطي:عسكري

العسكري يضرب التحيه:نعم طال عمرك

الضابظ:ودهم للنظاره ...والقضيه الحين تحت التحقيق وغير كذا اهل الميت هم اللي يحددون بعد النظر الى القضيه اما قصآص او ديه او تنازل

بالخارج

ابوراكان : ياثامر ياولدي انت قول وش اللي تبونه وحنا حاضرين

ثامر:مانبي منكم شي

ابوراكان :لأاتنسى ان اخوك كان صديق ولدي واكيد مافي صديق يقتل صديقه عمد..وحنا مستعدين ندفع لكم اللي تبونه

ثامر:تراب اخوي توه مابرد ...وحنا مانبي غير شي واحد

ابوراكان:اللي هو؟؟

ثامر:راس ولدك وهذا اقل حق

عند حلا

دخلت عليه حلا وهي ميته من الشوق ثم الخوف على نفسيته

حلا:ألسلام عليكم

راكان موقادر يطالعها:وعليكم السلام

حلا:الحمدلله على سلامتك

راكان :الله يسلمك

حلا:ليته فيني ياراكان ولا فيك

راكان :اسم الله عليك لاتقولين كذا...وبتردد :حلا

حلا:آمرني

راكان :مايآمر عليك عدو...كل اللي بقوله لك كلمتين وانا خلاص قررت ولاني متراجع عن قراري

حلا بخوف:وش قررت ؟؟

راكان :حلا مثل ماانتي شايفه انا انسان عاجز ..وصعب اني اتحرك وانتي توك بعز شبابك وفي الف واحد يتمناك

حلا بقلبها اكيد مايقصد اللي ببالي:وش قصدك يعني؟؟

راكان بغصه وهو يقول كلمته وهو شبه ميت

راكان :حلا انا نويت

اطلـــــــــــــــــــقك

حلا بصرخه عاليه :لااااااااااااااااااااااا

دخـيـلك تـخـلـي ضـايق ألـصـدر فـي حـاله...

تـرانــي على حـد ألـبـكـأ لاتـبـكـيـنـي ..

بأسبانيآْ~

مرضنا عقب امس وصرت اونّ من التعب ...صحيت ولقيته قبآلي بيده الكمادات ويسألني:عليك حراره وش تحسين فيه ؟؟

لجين بتعب:ماادري احس بتعب وجسمي كله طايح

وكلنا بوقت واحد :هتشوووووو<<عطسوا

ابتسمت له من بين المي وابتسم لي

وبعدها حط الكمادات على جبهتي وحط جبهته وبهمس:مرضنا سوا ودامنا تقاسمنا المرض حتى العلاج بنتقاسمه سوا يعني لازم نتكمد سوا

لجين باءبتسامه :حلوه نتكمد

نايف:صدق عجبتك

لجين بغرور:لا مااعجبتني

نايف:اها طيب يامغروره

لجين تذكرت بريطانيا:ردينا لاول يعني

نايف:تقصدين بريطانيا آآآخ بس ليتها تعود ايامك يابريطانيا <<قام وصار يدور على حبة بندول وطاح بيده دفتر !!...كان دفتر مذكراتها فتحه وصار يقرى فيه كان يدندن ولكن عقب ماصار يقرى وقف.....دفتر مذكراتي كانت اول صفحآته تحكي عن خالد وطفولتي معه وكل شي يخص خالد ....وانا كنت طول الوقت ادعي بقلبي يقرى آخر الصفحآت اللي كانت تحكي عنه...ولكن من سوء الحظ قرى البدايات اللي كانت تحكي عن خالد وانا ميته رعب بمكاني من ردة فعله ونايف ملامحه تتغير وهو يقرى عن غريمه خالد

نايف:وش هذاا؟؟

لجين :..................

نايف قرب مني وبصرااااااخ وعينه حمراا:قلتلك وش هذاااااااا

لجين:..................

خلـــــــــــــــص البآرت

كيف راح تواجه لجين المشكله ؟؟

طلاق حلا من راكان هل راح يتم ؟؟

حكم الاعدام هل راح ينفذ على متعب ا م ديه ام عفو وتنازل؟؟

Part 43

يقول أبوي : إن صرت كنّك على شوك ..

وعيّا صباحك يجلب الشمس يمّك ..!

اصبر مصير الشمس تطلع وأنا ابوك..

وأمي تقول صادق كلامه وأنا أمّك !!!

بيت ابومشعل

ام مشعل:لاحول ولاقوة الابالله

مسكينه وخيتي حظها تعبان

ابومشعل:كلن حظه بهالدنيا اعوج ..الحين اكيد تلقين عمي متدوده معهم من طلعت بنته وحظه صاير ردي

ام مشعل:ابومشعل مااسمح لك تتكلم عن اختي بهالطريقه هذا قدرهم ولا بعد موعاجبك

ابومشعل توتر:هاا لااستغفر الله الاعاجبني

مشعل:يعني شلون متى بخطب؟؟

ابومشعل:اركد ياولدي الركاده زينه وانا ابوك ماتسمع عن اخبار الجماعه ....خل تزين الامورر ونروح نخطب اصبر

ام مشعل :صادق وانا امك

مشعل:نصبر الله يصبرنا بس

مِشّوهة

أنا الآن للدَرَجَة الَّتِي أرَفَضَ بها نَفَّسَي..

ومُلَوَّثة

أنا الآن للدَرَجَة الَّتِي تَمَّنَعَني مَنّ لَمَسَ أوَرَّاقك ... وقِرَاءَة رَسَائِلك ..

وأنآنِيَة

للدَرَجَة الَّتِي تبيح لي تَحْوِيل كَلَّ الأشياء الَجََّمِيلة إلى رُكَأَمْ ..

وقأَسِيَة

لدَرَجَة الرَقَصَ فَوْق رُفَآت هَذَا الرُكَأَمْ ..

وخائـنة

لدَرَجَة الحَلَمَ بَطِّفْل لا يمت لك بَصَلة ..

وحَزَِّيْنَة

لدَرَجَة عَدِمَ أَلاَّقـتُنّـاع بشُرُوق الشَمَّسَ هَذَا آلِيَّوْم ..

بأسبآنيا (جزر الكنآري)

مسكني بعصبيه من ذراعي كان راح ينفصل من مكاننه :قلت لك وش هذاا؟؟

لجين بلعت ريقها ماعرفت وش تقول

وصار يهز فيها بعصبيه /الهادرجه مالي قدر عندك جايبه غرامياتك معه لين غرفتي ياست الحسن والدلال

لجين تلعثمت :هذي قديمه من زمان

نايف:كذااااااابه ولا كلمه ..اجل يوم انك كنتي معه بالاصانصير وش صار؟؟..... قوليلي وش اللي صار بينكم

لجين بعصبيه:لييين هنا وبس الا كرامتي انا اقبل كل شي الا الكرامه اعمل حسابك تقربها,,,وصارت تبكي:نايف قسم بالله اني ماخنتك ولافكرت اخونك

نايف :كلامك كله كذب بكذب اجل وش تفسرين اللي مكتوب بالدفتر

لجين :انت بديت باول الصفحآت وانا ادعي تبدى من الاخير ....بالبدايه كتبت عنه ايه بس كل الباقي والجزء الاكبر عنك..قلت لك ان من قالولي ان خالد مات ولجين الي حبته ماتت ....وحيت بحبك اللي الحين ناوي يدفني بشكك ....اذا تشك فيني من الاساس ليش حبيتني ..قل للجروح الموجعه لاتجيني انا من مات قلبي ماشكيت نوع الاعدام

نايف:ليش ماقلتيلي من البدايه

لجين بصراخ :وش اقولك ؟؟ايه حبيت خالد حبيته ارتحت

نايف قرب منها بعصبيه و:ززززززززززززززززززززززززززززززززطع <<كف

لجين ماسكه خدها:هذا اللي قدرت عليه ؟؟يجي منك اكثر وقد جا

نايف بتهديد:والله لااخليك لعبه بيدي واقطك متى ماشبعت منك واحلمي اخلي هالخالد يآخذك لوتموتين فاهمه <<وطلع

بالشرطه

ثامر:مثل ماسمعت يابومتعب مانبي الا راس ولدك

ابوراكان :اذكر الله ياولدي لاتنسى ان اخوك كان رفيق ولدي ..مايصير هالكلام اللي تقوله فكر فيه زين وانا عمك...تبي غيرك يحس اللي تحسه فكر بالاجر ياولدي لاتحرمني ولدي تكفى

ثامر:الكلام اللي عندي قلته فمان الله <<وطلع

الضابط :القضيه حاليا تحت التحقيق وانشاء الله خير

بيت ابوراكان

ام عبدالعزيز :ادعيله وانا اختك الله يقوم معه ...وانشاء الله بيبين الحق

ام راكان :يالله ان توقف لولدي عيا ل الحلال...وتنصره يالله ياكريم ....شوفي يامهره للحين محد من اخوانه بيّن

صبآ:الا يما توني مكلمه طلال

ام راكان :وينه هذا اللي من امس نايم برى ولايندرى عنه ولايسال عايشين ولاميتين

صبآ بقلبها لا لازم اقول لامي الا لازم:يما ماادري شقولك

ام راكان :قولي وانا امك قولي

صبآ:راكان آآى

ام راكان:ياحسرتي شفيه بعد ولدي

صبآ استنجدت بخالتها

ام عبدالعزيز:ماادري شقولك ياوخيتي بس اليوم الصبح سووا عمليه لراكان و..آآ وبتروا رجله

ام راكان اغمى عليها

صبى:يماااااااااااااااااااا

وين أسافر عن خيالك .. وأنت مابيني وبيبي !

........ وين أبلقى لي دروب ماتذكرني : سبيلك ؟!

بيت الجدراشد

الجدراشد :ياولدي ياعبدالعزيز لااوصيك انت وجراح على الشغل هالكم يوم اللي بنشغل فيهم

عبدالعزيز تكدر من جا طاري جراح :انشاء الله

هنا دق جوال الجدراشد

الجدراشد :الوو ...هلا ريم ..شنووو ؟؟...هيفا!!....زين شوي ارسل لكم السواق فمان الله

عبدالعزيز اللي ضاعت علومه من ذكر اسمها:خير ياعمي شفيك ؟؟

الجدراشد :ابد ياولدي المربيه تعبت عليهم وبيودونها الطبيب

عبدالعزيز:خلاص ياعمي انا اوصلهم

الجدراشد:لاارتاح السايق موجود

برآْ~

ام نايف رافعه حاجبها:على وين يابنات ؟؟

ريم :يما مو شايفه امي هيفا تعبانه

ام نايف:ويه عشتوا امس ماكان فيك الا العافيه الظاهر كبرتي وقمتي توسوسين

ديم:يمااااا

ام نايف:وصماااا الحين انا رايحه اقضبوا اراضيكم وادخلوا داخل عندي موعد تنفيخ اليوم واقول عن الدلع هيفا امس كنتي كنك حصآن

ريم :يما امي هيفا صدق تعبانه

<<هنا الجدراشد ارسل عبدالعزيز يشوف وش حاصل برى

عبدالعزيز من غيرمايطالع :خير ياجماعه شصاير

ام نايف:وي مابقى الا الصبيان رح مناك بس شف شغلك قال شصاير قال

ريم بقلبها ليش يايما كذا ليش كل ماجيت اشم ريحة حلمي تهدمينه ليش

هنا طلع الجدراشد

ام نايف:عمي!!

الجدراشد:ايه لولوه ادخلي داخل البيت والبنات السايق بيوصلهم

ام نايف:بس

الجدراشد:لابس ولاشي زياده اسمعه

عبدالعزيز :خلاص ياجدي خلها تروح

مع السايق وانا اوصل البنات

الجدراشد تنهد :زين ياولدي ...وصد على ام نايف :وانتي يابنت فهد حسابك بعدين

في قربك ياكم ودي أكسر حاجز الصمت اللي فيني .. }

بأسبآنيا

رحنا لمكان هادي وكان فيه رجال يغني ومعه قيتار وفرقه ..مكان اول مره اروح له ....وكان فيه قرسون كل شوي يشير لنا بيده عشان تشرب نبيذ<<حلوه نبيذ هذي

حقدت على نايف بانه وداني لمثل هالمكان

لجين من غير ماتطالعه :ابي اطلع من هالمكان الحين

نايف:ماهوب على كيفك وانا اللي اقرر ماهوب انتي

شوي الا جاب القرسون المشروب لنايف وشربه دفعه وحده

لجين بصدمه :انت مهبول

نايف قبض على يدي بقوه :ايه مهبول وشوي ناظرني بنظره محرجه امام الجميع وغمز بعينه وعض على شفاه:وش رايك برقصه <<وقرب مني وانا موطايقه قربه...سحب يدي وحط يده على خصري وصرنا نرقص مع اللحن ..استغربت الصراحه اول مره ادري انه متقن للرقص....قرب من اذني وهمس:وش رايك لارجعنا للبيت نعيد ذيك الليله

لجين بهمس/انت واحد حقير تعرف وش معنى حقير

نايف:ههههههههههه توك ماشفتي شي

نايف بغزل بحت وهو شبه موبوعيه :مدري وش اللي فيك يجذبني عنادك ولاشموخك ولا جسمك ولاشفاك كلك كذا على بعضك تخققيين <<وصار يطالعني باءعجاب

لجين بهمس:اسكت احسلك يااخي افهم ماابي قربك ماابيك لاتخلني افشلك قدام الناس حتى وجهك ماابي اطالعه

نايف بهمس وهو يطالع شفاي:وش اسوي اذا صرت مثل حبة السكر اذوب من ريقك وحرارة انفاسك

لجين :مجنووون<<وكان كل مايقرب مني ابعده شكله قززني...رفعت بعيني وياليتني مارفعت شفت اللي بالفعل حبني ...وتعذب من اجلي ومازال يتعذب لوخيروا عقلي كان اخترته بس لعنبو قلب اختارك يانايف...حسيت بخوف من نظراته لي واربكتني الذكرى اللي جمعتنا والمني قدر فرقنا ..كانت عيني على عينه ولااحد حاس باللي فينا سوانا ..ايه نعم هو ياقرائي

خــــــــــــــــــــــــآلد

خالد اللي تمنى الموت يوم انا ضعت من اياديه ...خالد اللي مستحيل يحب غيري ووافي معي لين اليوم ...كنت ارقص مع نايف وكل ماحاول يصد امنعه واحاول اشغله

نايف:شفيك؟؟

لجين:هاه لاولاشي

نايف بغمزه :تسمحين ببوسه

لجين بعصبيه :ناايف لوقربت والله لاتندم

رفعت عيني بعدها ولقيته قريب مننا وكان خلفنا تماما كنت ارقص مع نايف اللي معطي خالد ظهره ...وكان خالد يرقص مع ساره وهي بأحضانه ومعطيتني ظهرها فصارت عيني بعينه وكان يراقبني واراقبه ...هنا خالد حب راسها وابتسم لها

خالد :ساره

ساره:عيونها

خالد :تحبيني؟؟

ساره:ايه احبك ..وانت ؟؟

خالد رفع عينه علي ورجع طالعها وقال:وانا بعد احبك

كل كلمه قالها كنت اسمعها وكل حركه سواها كنت اشوفها حسيت وقتها بالغيره تذكرت زمان يوم كان مايقول هالكلام غير لي انا

لجين :نيوف

نايف وهو نص صاحي :يا كله عيونه انتي آمريني

لجين حاولت ارفع صوتي:تحبني ؟!

نايف:هههههههههههههههههههههههه

لجين حاولت اسكت فيه فضحنا:اشششششش نايف وش اللي يضحك

نايف:يعني ماتعرفين الاجابه ؟؟

لجين :لاحبي مااعرفها قولها

نايف بصوت عالي:احب عينك ورمشك وبغمزه:وشفآك وتفاصيل جسمك

وقتها كان ودي اذبحه كم هالانسان اللي قدامي حقيييير ياناس..رفعت عيني على خالد وعاتبته بنظراتي ...ليش خليتني ليش رحلت ليش تغيرت كل احوالي..ولكنه خلاص رحل ومسك يدها وحط يده على كتفها وراحوا.....وبعدها جا نايف يبي يشرب

لجين :لااااا

نايف:وش اللي لا

لجين :ماراح تشرب

نايف:ماهوب على كيفك ولاتتدخلين لااكسر الكاس على راسك <<هنا طنقرت وقدام الناس سحبت الكاسه منه وكبيتها على راسه ومشيت

هنا نايف لحقني وبعصبيه مسكني من ذارعي:انتي قد الحركه اللي سويتيها ؟؟

لجين :ايه قدها

هنا نايف مسك راسه وحس بالم فظيع

انا خفت صراحه عليه وخليته يتكّي علي ووصلنا للفندق وهو سكران خالص

نايف بنظرات خبث:ايه وصلنا واخيرآ هذا اللي ابيه مكان مافيه غيرنا انا وانتي وبس

قرب مني لين لزقت بالجدار وانا اطلبه يوخر عني بقرف ولكنه ماكان يطيع وبعدها عض على شفاه وقرب من رقبتي

واخذت انفاسه تعانق رقبتي ....وقبّل ثغرها الباسم ...

لجين :وخر عني ابي انام

قرب مني وحط جبهته على جبهتي وهو يقول:عادي كملي نومك بين يديني شوقي لك اولى من لحاف يضمك

لجين بترجي:نايف ارجووك وخر عني

نايف:ههههه ليش ماتعودتي قلبي

لجين:تكفى نايف وخر مقدر

نايف مومعها كان يطالع شفاها وسرحان حسيت باءحراج مااتحمل قربه ابد

نايف بغزل:بعض البشر لاتكلم تسرح بشفته وتقول بخاطرك فديتك ...وفك ازرار قميصه

لجين :لاااااااااااااااااااااااااااااا

نايف رفع راسه :شفيك !!

لجين وطت راسها :نايف انا ما...آآآ

نايف موفاهم :ما وشو؟؟

لجين ياربي هذا شلون يفهم قلت وانا ميته احراج :ماعلي صلاه وخر عني

نايف ضرب الجدار بيده :وكم يوم ماعليك

لجين :ماادري يمكن 6 وخر عني ارجووك

<<احراااااج هالموقف خصوصا.....حسيت وقتها انه قذر بعد ماكان يتمنى قربي لجل يغرقني حب الحين يتمنى قربي لجل يشبع رغباته L

" عُيونك "

لآ تُشوف أحزَآن هَالدنيا

وَ أنَا عَآيش !!

قَسَم بالله ..

لَوْ ضَآقَتْ عليك الأرض ....

مآ أبيها

بالمستشفى

حلا بصراخ:لااااااااااااااا

راكان غمض عينه :حلا انتي ......

حلا قربت منه وهي كلها دموع وبكا وحطت يدها على فمه :لاتكملها ياراكان ارجوك ...انت لوطلبت عيوني بعطيك اياها مااتحسف في عطاي دامك تبيها راضيه امشي حتى بعصاي ...تبيني كلي هاك خذني بس لاتهدم احلامي معك ...راكان انا احبك لوبس بقى منك قلبك ..هذا اللي ابيه ياراكان ...وصارت تشاهق:تدري انا شنو

راكان صد عليه :انتي شنووو

حلا :

حلا:انا حااامل ياراكان حاااامل

...اذا صدق ماتبيني عالاقل فكر باللي فبطني اللي قطعه منك ومني شلون لافتح عينه مابيلقاك حوله ...قربت منه :بقولك كلمه بس بينك وبيني عندي حاجه مهمه تهمك انت بعينك ...حط يدك على هالقلب شفه ماينطق غير احبك .... راكان انا مااقدر احيا بدونك دونك الكون ظلمه ...كنت ماادري عن الحب لين ناداني كياني اللي صار ينادي باءسمك وصار هالكون من دونك عتمه ..كنت احسب اني قبلك الحب عرفته وان غيرك عشقني واني غيرك عشقت...لين همت بغرامك وادرك القلب انك وريده ...اعترفلك ياراكان اني ...آآآآ اني احبـــــــــــك

راكان نسى نفسه وكان يبي يقوم لها

حلا:لااا انا اجيك خلك مكانك ...قربت منه وضمته

حلا بترجي:واللي يعافيك راكان لاتخلني انا وولدك

راكان بفرح:حلا صدق انك حامل؟

حلا:ايه ياعيون حلا

راكان:ضميني محتاج الصدر الحنون مدري وش فيني بس الاكيد اني ماني بخير

حلا:بسم الله عليك

لايزع‘ـلك .. صمتـي .. أبـد ماهـو ع‘ـتب

صمتي تعب دنيا ..ع‘ـجز فيها الكـــلام ..!

عند بدر

طبعا فهمها ان اليوم كتب كتابه على قولة اخواننا المصريين

رادا تبكي وهي صاده :بدر هذا ثوبك

بدر تعمد جرحها:كويتيه عدل؟

رادا صوتها مخنوق:ايه كويته عدل

بدر:طيب مشكوره ....آآ رادا

رادا:نعم

بدر:محد درى بسالفة خطوبتي ؟؟

رادا :لا ماقلت لاحد

بدر بقلبه والله اصيله لوغيرها كان بشرت كل العيله :اهااا طيب تعشي ...لاني بتعشى مع المدام

رادا بقلبها حقييير ليش يابدر تسوي فيني كذا ليش ..سفهته ومشت وقلبها يحترق راحت لغرفة سلومي نومته وهي اتعب جفنها الدمع وغفت عينها

بيت ابوفارس

الجدرراشد:يابوثامر لكم اللي تبونه ..بس لاتقعد تقولي راس ولدنا ...الدين يسر وانا عمك احتسب الاجر ..وبعدين هم ربوا سوا انت لوتشوف حالة متعب كان رحمته ....مومصدق اللي صار كانوا اكثر من اخوان

ثامر :جيتك عزيزه وغاليه يا بو عبدالله بس ولدنا اللي راح ماهوب ولدكم وحكم القصاص هذا اللي نبيه

الجدراشد:ابوثامر مالك كلمه؟

ابوثامر وهو محترق على ولدده :والله يااخوي الضنا لاراح ماتغنيك فلوس الدنيا عنه ولاشي يغنيك ..مااقول غير الله كر يم والحمدلله على كل حال

ثامر:يبا حنا ماراح نرتاح لين مانسيّل دم ولدهم مثل ماسيلوا دم اخوي

<<طلع الجدراشد :لاحول ولاقوة الابالله

عم فارس:ياابوعبد الله انشاء الله خير ثامر ولد طايش ومايوزن كلامه ...العذر والسموحه

الجدراشد :لاحصل خير انا اعذره قلبه محترق على اخوه ماينلام

عم فارس الثاني/:ايه هالحرقه ماراح تروح الا اذا جبنا راس ولدكم

بالسياره

وصل عبدالعزيز البنات ومعهم المربيه هيفا..ودخلوا للمستشفى وتوجه عبدالعزيز لراكان واخته

عبدالعزيز:هلا طلووول شلونك ؟؟

طلال:هلاا ابو العز وين الناس قطعت فجأءه

عبدالعزيز:ياعمي الشغل مايخلص بس وش نسوي ..ها شلونه النسيب كيف نفسيته

طلال:آآخ والله ماادري وش اقولك بس ماهيب زينه ابد زين رضى لحلا تدخل له

عبدالعزيز:انا لله وانا اليه راجعون

طلال:وش عندك جاي هنا

عبدالعزيز:ابد بنات العم عبدالله مربيتهم تعبت ووصلتهم

طلال:لاحول ولاقوة الا بالله ...الله يكون بعونها

شوي الا جت ديم

ديم:عبدالعزيز

عبدالعزيز:سمي

ديم:ممكن تجيب هالادويه

عبدالعزيز :ابشري

طلال:ياهووو نحنو هونا اسالي عن الاخبآر قول السلام عالاقل

ديم خزته وهي تقول:اوووف

هنا طلال دقق فيها وسحبها مع يدها :انتي انهبلتي

ديم :طلال وخر يدك

يتبع ,,,,

👇👇👇

تعديل المقال