رواية love to be loved by you -45
لجين:بعينك ياحقير
نايف قرب منها ولوا ايدها:بنت انتي الظاهر انك للحين ماعرفتيني...وبعدين بطلي حركات المبزره هذي لانها ماتمشي معي ....وبامر:جهزي لي الغدا انا بروح كذا ساعه وراجع
لجين بهمس مسموع:اشتغل عند اهلك انا
قرب مني وبعصبيه شد شعري وانا اتألم :كلامي تنفذينه حرف حرف ورجلك فوق خشمك ...وزاد شد على شعري:فااااااهمه
لجين تبكي مثل الاطفال:ايييه وخرررر عني
<<تركها وهي تصيح وخطف لها نظره وبقلبه ...والله بزر من عرفتها وهي بهالبرائه ..برائة الاطفال اللي عيت تفارقها ..صحيح بريئه ولكن طاغيه بكبريائها
<<نايف اللي راح يدور المفاتيح بالشنطه الي كانت معها وطلب منها تحط المفاتيح فيها....لقى المفتاح واخذه ولمح ورقه ...صار يدور يمين ويسار مالقها وبسرعه حط الورقه بمخبآه
قسم الشرطه
الضابط:ابومتعب
ابوراكان :سم
الضابط :عندكم لين شهر من الحين وحاولوا تتفاهمون مع اهل الميت عل وعسى قلوبهم تلين ويسقط حكم القصآص
ابوراكان :هم مصممين يعني
هنا من خلف الباب جائه صوت
ثامر:أيه مصممين ولاترسل لنا احد القصاص بيتم الاربعا نهاية هالشهر وقول لولدك ووصل له هالكلام ان محد فينا بيحلله ولايبيحه
على هامش الطريق توقفت
وانا لااعلم ماهو مخبآء لي }ْ~
عند سعود
طلع بنص الليل من عند الشباب.....وهالمره دخل من احد الطرقآت المظلمه وصار يقرى المعوذات ..وشغل لمبآت السياره الا بظل شخص يتضح كل ماقرب منه اكثر واكثر.....كان شخص قدامه يأشر له بالوقوف..وقتها ذب الخوف قلب سعود...توقع انه احد قطآع الطرق متخفي بعبآيه سودا لايكاد يظهر منه شي ...تعوذ من ابليس ومشى ومازال الشخص يلوّح بيده..حس بأن الوضع موطبيعي..ورجع وبقلبه خوف نزل الشبآك و.................................
خلـــــــــــــص البآرت
وش سالفة الورقه؟؟
ام نايف وش حصل لها؟؟
من الشخص اللي خلف العباءه؟؟وايش راح يصير مع سعود؟؟
Part45
بيت الجدراشد
ديم تبكي....ريم بخووف:ديوووم تكلمي راحوا شفيهاامي لاتخليني ارتعب
ديم :
ديم :الدكتور يقول عملية الشفط اللي كانت تبي تسويها فشلت والحين مصابه ب ...........
ريم :بأيش تكلمي
ديم:مصابه بشلل جزئي ياريم <<وصارت تبكي
ريم بصدمه :شلل ..لامستحييييل
ديم:هذا اللي قاله لي الدكتور
ريم :اسمعي ياديم هالسالفه لايدري فيها نايف توه راجع من السفر زين
ديم:انشاء الله
عند نايفْ~
المربيه هيفا:والله اشتقتا ليك ياولدي
نايف يحب راسها:وانا اكثر يالغاليه ...انا من سمعت انك موبخير قلت مالي قعده هناك وجيتك اركض
المربيه هيفا:الله يرضا عليك بس شوفني قدامك بخير ....ألا كيفك مع مرتك ياولدي
نايف تكدر من ذكر طاريها:الحمدلله ..ويضيع السالفه:الا شقالك الدكتور يما
المربيه هيفا:لا تخاف ياابني انا بخير وكل شي صار تمام عال العال
نايف:الحمدلله ...زين يما انا رايح تامريني بشي
المربيه هيفا:لا انتبهك لنفسك
لآ أنكر بأني عشقتك يومآ مآ . .
- ولربمآ مآزلت أحبك حتى آلآن . . !
. . ولكني !
آؤكد لك بأنه لو عآد بي آلزمآن ~
فأنت آلوحيد آلذي :-
. . ، سأمحيه من ذآكرتي . .
لآنك آلوحيد آلذي جرحني . .!
بقدر مآعشقته
بجهه اخرى
طلال واقف مع الجدراشد:شفت نايف ولجين
الجدراشد:ايه جوا سلموا علي ...الا ماقلتلي ياولدي شصار على اخوك متعب
طلال تنهد :ماادري ياجدي ماادري.....المشكله مو ب أبوه لا المشكله كلها ب ولده ثامر
شوي الا دخلت لجين
السلام عليكم
الجدراشد:وعليكم السلام ياهلا بالزين كله
لجين :تسلم ياجدي ....طلال
طلال:هلا
لجين :وشلونه راكان الحين ؟؟
طلال:الحمدلله احسن
لجين :هو وينه الحين ؟؟
طلال:عاده بالمستشفى
لجين بألم :طيب ومتعبني <<متعبني اللي هو متعب مثل مااتعودت اناديه
الجدراشد :الله كريم يما
لجين قلبها قبضها:شلون يعني ياجدي ماراح تسوون شي؟
طلال :نهاية الشهر راح .....
لجين : راح وشو تكلم ؟؟
طلال:راح ينفذوون عليه ...حكم ال .....آآآآ حكم الاعدام
لجين انهارت :انت شقاعد تقول ....مستحيييل متعبني مايذبح صدقوني مستحيييل يسووويها لااااااااا
الجدراشد حضنها:اذكري الله يمااا وخلها على ربك
طلال:وين رايح ياجدي؟؟
الجدراشد بحزم:رايح لاهل الميت وانشاء الله هالمره الله يكتب فيها الخير
طلال:لاتحاول كلنا ياجدي حاولنا قبلك
الجدراشد :انشاء الله هالمره بتكون غير
لجين بترجي:تكفى جدي خذني معك
الجدراشد:زين يما روحي بدلي هدومك وبعدها نتوكل
وانا رايحه اغير ملابسي شفته وانا امسح دموعي ومريت من جمبه
نايف:وين رايحه
لجين وهي تبكي:للجحيم
هنا مسكني من كتفي وبعصبيه :يوم اكلمك تتكلمين معي زي الاوادم فاهمه
لجين وهي تتالم :برووح آآآ
نايف:وييييين
لجين :برووح بيت ابوفارس
نايف ابتسم وقال وهو يتعمد الجرح :من فارس بعد غير خالد ؟؟<<احح والله كانت قويه اوجعتني بجوفي
لجين صارت تتلعثم :برووح مع جدي عند البيت ابوفارس اللي عشان متعب
نايف مافهم ولاحرف بس دام مع جده مايخالف:خلااص بس دام معك جدي زين بس ياويلك لوتتأخرين
لجين بخوف:وش تبي فيني
نايف باءبتسامه حقيره :وش ابي فيك يعني ابي اتسلى فيك وبعدها ارميك للكلابه هههههههههه ..وخرت يده عني وطلعت ابدل ملابسي
عند طلال اللي لمح نايف
طلال:نايف
نايف:نعم
طلال:اقرب ابيك
بأحد المستشفيآتْ~
ديم :حنا لازم ننقل امي من هالمستشفى
ريم:خلنا بالاول نروح للدكتور قومي خل نششوف وش السالفه
دخلو للدكتورْ~
الدكتور:احنا بنعرف انو العزر منو كفايه لا إلكم .....طبعا الدكتور اللي عمل لا إمكم العمليه زاد جرعة المخدر وهالشي اسّر عليها وصار عندا مشكله بالعصب السابع بالوجه بالتالي راح تواجه صعوبه في الحركه ...ورمشه غير منتظمه بالعين وللشفتين <<<ياااه تخيلوا وقتها شكل امهم اللي كانت متسلطه متجبره....تقف وسط القصر الفخم وتصرخ بكل جبروت وتصدر ماشائت من الاوامر....اصبحت بهالصوره!!...آخ بس كم وكم حذروهم من هالعمليات لكن الكلام مافاد يآخذون من جهه ويقطون بالبحر من جهه اخرى ويغرقون بالنهايه ندم ?
بيت ابوثامر
دخل جدي من جهه وانا دخلت انا من الناحيه الثانيه ..دقيت الجرس وفتحت لي مرأه الهم كسا وجههاا وكان واضح وبيّن عليها...دققت بملامحهااللي ماكانت غريبه وذكرتها ..الا هذي ام فارس اللي كانت تحضر الزواجات واسلم عليها وامي تأشرلي عليها وقالتلي كم مره انها ام فارس خوي متعب
نزلت لرجليها وانا اتخيل حياتي من دونك يااخوي ..وصرت ابكي عند رجليها واترجي:تكفيييين ياخالتي قوليلهم لاااا الله يخليك .....خالتي انتي تدرين ان اخوي متعب مستحيل يآذي فارس....انتي جبتي فارس وامي جابت متعب وكبروا سوا وصاروا اكثر من اخوان ...تكفين ياخالتي قوليلهم لااا لاتخلين احد يجرب احساسك..تذكري ان ربي راح يفرجها عليك تكفين ياخالتي والله الهم سوا فينا سوايا ارجووك
شوي الا جا شاب طويل ابيض ...شكله كان شرير ...ونحيف صار يصارخ :قلنااااا لمبااارك لايرسل لنا واحد..ولدكم ميت ميت....يللا برآآآ <<وصرت اترجاه ولكنه ماكان يسمع كلامي وطردني ودفني لبرآ
وامه كانت تقوله :موكذا ياولدي
ثامر/:الا كذااا ...بسرعه برآآآآآآ
طردني لبرا وصرت طايحه بالارض ابكي انتظر جدي يطلع من عند الرجال اللي كان مازال عندهم ...لمحني شيخ كبير بالسن من بعيد واقترب مني وقال:شفيك يابنتي؟؟
لجين وهي تشهق":تخيل ياعمي يبون يذبحوون اخووي بيذبحووونه
ابوثامر اللي عرف من تكون :انتي بنت ابوراكان
لجين :ايه انا...تـكفى ياعمي قلهم لايذبحوونه..تخيل ياعمي اقوم الصبح ولاالقا متعب يشاغبني ..وألقاه يدعيلي اني اتوفق...اقووم ولاالقاه يمد لي شي آكله ....تخيل بيوم مايكلمني ويسمع صووتي ...عمي تكفى ارجووك قولهم لايذبحوونه انت تعرف وش معنى آخ ؟؟....انا لاتألمت ياعمي مااقول غير آآخ تكفوون لاتحرموني منه
ابوثامر اللي عينه دمعت :انشاء الله بقوولهم
لجين :تكفى ياعمي امي من عرفت وهي بس طايحه علينا وابوي مرضه زاد الله يخليك ياعمي فرج علينا الله يفرج كربك...لاتخلوون غيركم يحس اللي تحسوونه
ابوثامرقال بأسى :ابشري يابنتي بقولهم
عند طلال&نايف
طلال:نايف بسالك سؤال
نايف :تفضل
طلال:انت شبينك وبين خالد؟؟
نايف اللي ارتبك:هاه ...ليش هو قالك شي؟؟
طلال:لاماقالي بس انا اسال
نايف:مابيننا شي
طلال:طيب وش تفسر حركتك معه اليوم؟؟
نايف:الصراحه هالانسان مابلعته كريه....عشان كذا ماابي اسلم عليه ولاابي شوفته
طلال:اهااا المهم قبل لاتحكم على غيرك وتكرهم اتمنى تعدل من اسلوبك اللي بيكره الناس فيك
نايف:وش قصدك
طلال:افهمها مثل ماتبي<<<ومشى
~ْ[شآفوآ إني ما أبيّن ،،
... .. .. ... وأحسبو آلجرح هيّن }~
عند سعود
وقف وهو ميت من الرعب ونزّل الشبآك .....انتظر انه يسمع صوت من الشخص اللي وقف له ...وبصوت انووثي كله بكآ:لوسمحت ممكن توصلني
هنا سعود بلع العافيه ومات من الرعب وبقلبه لايكون واحد من قطاع االطرق ويبي يجرم فيني بس الصوت صوت مره بس حتى ولو انا لازم اتاكد :انتي وش مطلعك هالحزه موشايفه الساعه كم ؟؟الحين الساعه 2 بعد منتصف الليل
البنت اللي زاد بكاها:يعني ماراح توصلني؟؟
ارجووك ساعدني ارجووك
سعود:طيب انا راح اوصلك بس على شرط
البنت اللي كانت منهاره :اشرط مثل ماتبي بس وصلني انا خاايفه من الظلام اخاف آحد يآذيني
سعود:اوصلك بس على شرط تشيلين الغطى عن وجهك عشان اتأكد اذا كنتي بنت او لا<<اعذرك صراحه
البنت فهمت غلط:لاامستحييييل حرام عليك ...تكفى وصلني صدقني ماطلعت بمثل هالوقت بهواي انا مجبوره ....انت عندك خوات؟؟
سعود:ايه
البنت :تخيل ان وحده منهم طالعه بنفس هالحزه بتخليها وبترووح ....تكفى رجيتك الله يخليك لاتقربني ولاتلمسني والله غصب عني طلعت
سعود :لافهمتيني غلط ...لاتخافين ماراح اقرب لك كل مافي الحكايه اني بتأكد اذا كنتي بنت او لا
البنت ترفض:لامستحيييل ....احلف لك بربي اني بنت نااس والله
أردتُكَ [ رجُلاً ] في زمن الذكُور!
رجُلاً .
إِذا ما ضاقت بيَ الأرض بـ ما حوته ،
يكُون ليَ [ الأرض و الخلق أجمعين] ..
يحتويني !
رجُلاًإ .
ينتشلنِي من شتات نفسي ،
يصبِح بيَ [ الحبيب و الأخ و الأب والإبن والنصيب] ..
يجمعنِي !
رجُلاً .
إِذا ما كّل متنِي وضعفَ صبرِي ،
أشعُر بـ أنّه [ الظهر و الكتف و اليَد القريبَة ] ..
يُقوّيني !
رجُلاً .
،
أرَاهُ بـ عيني [ الطّفِل والبياض كلّه ] ..
يُنقّيني !
رجُلاً .
إِذا ما كٌسرتُ فيّ أجمل الأشياء ،
يكبر بِيَ [أمانه و الوفاء ] ..
يَجبرنِي
عند نايف
نايف جالس بأحد الكافيهات في احد المجمعات الكبرى ...وبيده جريده ...كان لابس تيشيرت اسود من لاكوست وجينز ازرق ياويل قلبي يقطع الخافق...خصوصن وان شعره كان شوي طولان ...شرب الكوفي وبعدها جا يبي يحاسب وطلع البوك من جيبه ولمس الورقه اللي اخذها من شنطة لجين :يووه هذي شلون نسيتها ....عطى المحاسب الفلوس وبعدها فتح الورقه وصار يقرى فيها...وملامح وجهه بدت بالتغير ....وبصدمه
نايف:مستحيييل لجين عقيم ؟؟من متى ؟؟وشلون؟؟وكيفف؟؟ليش ماقالتلي من البدايه انها كذا اكيد انها كلت حبوب عشان يصير فيها كذا .....انا اللي بعرفه ليش ماعلمتني ..لكن هين يالجين ..حتى اللي تبينه اكيد بعد ماصرتي عقيم ماعاد يبيك ..انا اوريك <<وركض على البيت
بيت ابوراكان
ابوراكان :بقولك ياام راكان بس انتي اذكري الله ...هذي حكمته وحنا اللي بيدنا سويناه
ام راكان تبكي وتخيّب ظنونها:مافهمت قصدك ياابوراكان
ابوراكان يطبطب عليها:تصبري ياام راكان آآآآ ماادري شلون ا قولك بس هذا قدره ونصيبه ولدك
ام راكان تبكي وقلبها معورها:شفيه
ابوراكان بتردد:...ولدك حكموا عليه بالاعداااام نهاية هالشهر
ام راكان انهارت :لاااااااااااااااا<<واغمى عليها<<ياكم للبكا والصراخ بحياتنا مساحه ولكن للاسف لانرى بانه قد يستطيع تغير الكثير في حياتنا ...كلمة انك تقول لام حملت 9 شهور وولدت وربت وسهرت حتى يكبر ضناها قدامها بان ولدك بيضيع من اياديك وبيآخذون قطعه منك هنا المشكله وهنا الالم بعينه
تذكرت يوم ولادته والدنيا تغمرها السعاده بقدومه واللهفه في عينها اللي تكتمل بشوفته ...تذكرت اول مابدى يخطي ويمشي والسعاده غامرتها ...والسعاده اكتملت يوم خط شاربه...وصار رجال قدام عينها وبين يوم وليله بيضيع من يدها في تهمه ماله ذنب فيها
عند رادا
غاب بدر عن البيت واشتقت لحضوره..هذا وهو توه ما تزوجها تعلق فيها..ليش يابدر كل هذا ليش؟؟..ليش تركتني يابدر وانا بعز حاجتي لك ؟؟انا وولدك ليش؟؟
بدر اللي جا من خلفها:رادا
رادا تمسح دموعها:نعم
بدر:شصار على اخوك ؟؟
رادا بقلبها زين ذكر يسأل:بيذبحوونه يابدر بيعدمون اخووي<<وصارت تشهق
بدر اللي كان يعرف عن كل التفاصيل بحكم انه محامي وماسك هالقضيه اللي شاغلته هالفتره كلها ..وبقلبه والله ماكان ودي ازيد عليك الجرح جرحين بس ابيك تحسين بتقصيرك ......بدر يمثل التفاجؤ:لاحول ولاقوة الا بالله
رادا بغيرة نساء:وانت وش سويت امس مع العروس
بدر ماحب يعلق:كل شي مشى مثل مانبي
رادا :اهاااا ...وبغصه :مبرووك
بدر رفع راسها وقال:من قلب ؟؟
رادا تبلع ريقها الساخن :ايه
بدر بقلبه الله يسامحني بس دامني بديت لازم اكمل
جنآح نايفْ~
كنت جالسه بالصاله مشغله التلفزيون لكن ماكنت معه كنت افكر بحالنا اللي نمر فيه وبأخواني كنت توني راجعه انا واهلي من عند راكان ....فزيت من مكاني بعد ماانفتح الباب بقوه ....نايف وهو يناهج من الركض بصراخ:لجين
فز قلبي وقمت من مكاني:نعم
شوي مااشوفه غير قرب مني بعصبيه وصار يسحب شعري بقوووه وضربني وكنت أتألم بالحييل وهو يصارخ :ليييش ماقلتيلي من اول ليييش
لجين وهي ميته خوف وألم :آآآآه وش اقولك عليه؟؟
نايف بعصبيه:انك ماااتجيبين عيآل
لجين مع الصدمه صار يدور ببالي الف سؤال وسؤال ..ياربي ليش موقادره اتكلم ليش موقادره اقوله ان هو السبب بكل هذا ؟؟يمكن لان كلامه جرحني بقوه ولا لان ضربه كان يألم؟؟يمكن يكون هذا السبب
نايف بعصبيه:كل هذا سويتيه عشان تآخذين اللي اسمه خالد ...أسمعيني زين الحين حتى هو مااعاد يبيك ..تقدرين تقولين لي وش يبي بوحده ماتجيب عيآل؟؟ والله لوتموتين قدامي مااخليك تآخذينه ولايآخذك مو حبا فيك ولاميت عليك ...لا ,عشان احرق قلبك وقلبه
لجين تبكي بحرقه:حراام عليك والله حرام <<خلف الباب كانت ريم ماره وسمعت الصراخ وغصب عنها كل حرف وصل لمسامعها من غير اراده وبقلبها مستحيل اللي قاعده اسمعه مستحيل اخوي نايف يككون بهالقساوه
مرت الايآم وفي كل يوم كان يرجع فيه البيت كنت اشم ريحة عطرنسائي...كنت احس وانا متأكده بخيانته اللي ماعادت تفرق معاه ..كل يوم كان يرمي علي من الكلام اللي يسم البدن ...ايه نعم وكان يضربني بس الضرب ارحم من كلام يجرح القلب....واليوم طلعت مرت خالي لولوه من المستشفى ولكن هالمره كانت غير انسانه لاحول لها ولاقوة ضعيفه مالها هيبه ...وحتى الحركه كانت تواجه فيها صعوبه .....حتى الشيب اللي لاول مره اشوفه خصّل شعرها من بعد ماكانت كل فتره تصبغ بأكثر الالوان شيوعا.....ولكن الشيء اللي اختلف فيها انها مازالت تكرهني ولااظنه بيتغير ...وللاآن مدري وش السبب ...قّربت منها وحبيت راسها:الحمدلله على سلامتك ياخالتي
ام نايف تبعدها وبصعوبه تكلمت :آآآآآآآللللل ههه لايسلمك ياااا ب ن ن ن ن ن ت الشواآآآآآ رررر ع
ديم:يمااااا
ريم تغير السالفه :لجين رايحين انا وديم للسوق بنشتري اغراض لامي تجين معنا؟؟
لجين :زين ...انا بطلع ابدل وانزل
<<وانا بكل خطوه كنت اخطيها ادعيلك يااخوي ان ربي يقوم معك
آصصصصصص . . !
يآع‘ـَذب الكلام مابقىا غِير [ السُكوتْ ] . . !
يآح‘ـَرام
يآح‘ـَرام
يآح‘ـَرام
دام خِ‘ـَلكْ ناوي يبعدْ و هـ [ الوص‘ـَل بيمُوتْ ] . . !
عند عبير<<ياقدمي وياجداني والله
عبير:اسمع يانايف انا لازم اقابلك
نايف بعصبيه:انتي من أي نوع من البشر؟؟
عبير باءبتسامه:انا صعب البشر يآصلون لمستواااي...عموما يانايف كنت ابي اقولك اني اقدر ازور لولدي شهادة ميلاده واخليك تكوون ابوه ..لعلمك ولد خالتي له بالتزوير وله بهالمجال يمكن 15 سنه صدقني لو مانفذت اللي بقوله لك راح اخليك تخسر اهلك ومرتك راح تدري وبينخرب بيتك ...انا جيتك باللين فطيع احسلك
نايف:تدرين انك اوطى مخلوقه عرفتها...وين تبيني اقابلك الله يآخذك؟؟
عبير:بمجمع ال........ ?
نايف:كلها ساعه والاقيك هناك ..ٍباللي مايحفظك <<وسكر
عبير تضحك:هههههههههههههه هين يانايف اوريك انت للحين ماعرفت من تكون عبير
الحظ لي من طآح يتعب معه راعيّه}
ازرع انا التفآح وغيري يتهنى فيه}ْ~
عند سعود
سعود :دامك ماتبين تكشفين وجهك خلاص انا بمشي الله يستر عليك وتلاقين اللي يقدر يساعدك
البنت بخووف وهي تبكي:لا ارجووك وصلني والله خاايفه ....الله يستر عليك وصلني
سعود :طيب جزء بس من وجهك كل اللي ابيه اني اتأكد وبس
البنت والدموع شلالات على خدها ازاحت شوي الغطا اللي كانت لافته عليها وبان نص وجهها ....ياسبحان اللي صورها لااله الا الله ...كانت ملاك بالفعل طلعت بنت ولكن غير كانت قمه في الجمال الربآني تبارك الرحمن اللي احسن خلقها ....صرت اتعوذ من ابليس وكل شوي تجيني افكار واطردها...صرت اذكر الله طوول الطريق وكنت ارفع صوتي اذكرها هي بعد بالله ان كان نوت بشي موزين .....وصار توصفلي بيتها وكان صوتها واطي غير مسموع اتضحلي انها بنت ناس ووصلنا لبيتها...وكان عند الباب شخص كبير السن عند الباب توقعت انه ابوها قرب من السياره ونزلني غصب وطاح فيني طق....وكل ماجيت اتكلم سكتني ..بعصبيه سحبني للمجلس وقال وهو يصارخ :خلك هنا لين بكرا محبووس مثل الكلب
سعود:بس ياعمي والله اني ماسويت شي لبنتك ولاقربتها اقسم بالله
ابوسلطان :اصصص ولاكلمه
سعود "صدقني ياعمي ماقربتها والله ..خلني ارووح وانا بنفسي اجيلك بكرا اوعدك
ابوسلطان:تخسي خلك هناا ولاتحرك .لين مايشق الفجر وبعدها نروح للمستشفى نتأكد اذا كنت لمست بنتي او لا
سعود :تكفى ياعم امي مره كبيره والحين اكيد بتحاتي...وابوي نفس الشي اوعدك اجيك بكرا وبعطيك اسمي وبطاقتي اذا تبي
ابوسلطان دفه وسكر عليه المجلس
سعود:ياربي وش هالمصيبه اللي انا فيها
ئ~~~~~~~~~~~~~~~~~~~~~~~~~~
عند متعب بالسجن
العسكري:متعب ال............... زياره
قام متعب وهو يتحامل على رجليه ...خلاص مابقت الا ايأم معدوده على تنفيذ الحكم ..تدهورت حالته الصحيه وصار متعب ثاني...
ابوراكان :شلونك ياولدي
متعب بألم :يبا ماعليك مني ...بس تكفى لااوصيك على امي قلها لاتصيح علي ولاتزعل وقلها تسامحني ....وقول لاخوي راكان يتصبر وان ربه ماابتلاه الا بيعوضه ..وقل لاخوي طلال يركز بشغله ويخلي عنه الطيش...قل لاختي لجين لاتنهار واني احبها وانها كانت لي ام ثانيه...وقل لصبآ تنتبه لنفسها..وانت يايبا تكفى سامحني ادري اني فشلتك عند العرب تكفى سامحني يبا
هنا ابوراكان اخذ يبكي <<هناك مثل بلغاري يقول يزأر الاسد ولكنه لايلتهم صغاره ...وانه هكذا الاب كما قال كونفرشيوس(الاب يخفي اخطاء ابنه والابن يخفي اخطاء ابيه )فالاب عنوان تعجز الامه عن وصف ذاك الرجل الصامد العظيم تحيه قلبيه لكل اب ?
من البارحه !
وأنا أنتظرگ ، تتصل بي . .
وأطالع بـ رقمگ، ومنگ : أشگي له . .
لو شفت وشلون " الحزن " محتفل بي !
ماگان : تترگني أحاتيگ ( ليله ) . .
صحيح عيني أمرحت ، بس قلبي !
أحس " دقاته " وربي : ثقييله . .
عند لميا
لميا تكلم نفسها ...والله ماتستاهلين يالجين اللي قاعد يصير لك هالنايف ماتوقعته بهالحقآره <<وصارت تفكر ...اييييه لقيتها ..ماعند ي غير هالحل....ومسكت جوالها وصارت تدق
لميا بخجل:الوو السلام عليكم
...........:الووو ياهلا
لميا :اممم عرفتني؟؟
احمد<<طبعا ومن غيره ?:ياكم تمنيت تدق ايادك على ارقامي وبعد تسالين عرفت هالصوت وانا لحظه مافارق خيآلي سمي ياعمري آمريني
لميا بخجل:آآآ انا داقه عليك بخصوص موضوع
احمد:أي موضوع؟؟
لميا:موضوع نايف ولجين
احمد:شفيهم
لميا:احمد لجين قاعده تتعذب بسبة نايف هو للحين يعتقدها خانته مع خالد اللي طلع فجآه بحياتها بعد مااعتقدوا الناس كلهم انه ماات
احمد :تصدقين حتى انا هالموضوع شاغل فكري
لميا:واللي اصعب من هذا كله ان لجين آآآ
احمد:شفيها
لميا بأسف:انها صارت ماتجيب عيآ ل والسبه نايف
احمدبصدمه:ناايف السبب؟؟شلون وكيف؟؟
لميآ:ضربها وتسبب لها بنزيف داخلي
احمد :لاحول ولاقوة الا بالله هالموضوع ماينسكت عنه
لميا:وش بتسوي يعني؟؟
احمد :انا اعرف وش اسوي بس انتي متاكده؟؟
لميا:ايه متأكد ه انا رحت معها للمستشفى وهو الحين يحسبها تآخذ حبوب وسببت لها هالعقم
احمد :لاتحاتين لميا خلي الموضوع علي سلام
لميا:مع السلامه <<وصار فكر لميا عقب هالمكالمه وش راح يسوي احمد
- غبي هو ذآگ . .
. . . . المدعو ’’ حززن !
لآيأتي إلآ حينمآ :
. . . أحتآآج فقده . .
وحينمآ أشعر ب /
حآجتي له . .
. . . يختفي !
من دوون أي |[ أثررر !
بالمجمع
كنا نمشي ...ودخلت ديم لمحل وبقينا انا وريم برآ ....ريم بتردد :آآ لجين ممكن سؤال؟؟
لجين باءبتسامه :اكيد حبيبتي تفضلي
ريم :آآآ يعني انتي مرتاحه مع نايف ؟؟هو شلونه معك؟؟
لجين اختفت ابتسامتها:ريم الانسان اذا حب شخص حب معه عيووبه ويحبه بكل مافيه وبكذب:آانا مرتاحه معه
ريم:اممم بصراحه لجين انا امس وانا ماره سمعتكم تتهاوشون ..احكيلي اذا صار بينكم شي اعتبريني اختك وتأكدي بأن الكلام ماراح يآصل لاحد
لجين :خلافات العشاق تجديد للحب ...نتهاوش مره وبعدها نتصالح وين المشكله ...انتي لاتحاتين حبيبتي وانسي الموضوع
ريم :يعني انتي تحبينه ؟؟؟
لجين بقلبها هذي المشكله ليت قلبي ماسكني بس..وبخجل:ايه
ريم :يعني رغم كل اللي يسويه تحبينه
لجين باءبتسامه :اللي يحب الشجر يحب الاغصان ...ايه احبه ... رفيت بعيني ولكن ملامحي بدت بالتغير ...شفته ياناس قدام عيني وكان جالس مع وحده غيري...خيانته صرت اشوفها بعيني التمسها وين مااروح ....للحين اغار عليه رغم اني منحرمه منه
ريم لاحظت:لجين شفيك؟؟
لجين:مافيني شي..بس ابي الحمام اذا خلصتوا كلموني زين
ريم:اوكيه
<<توجهت له وجلست بطاوله خلفهم وكنت اسمع الحديث اللي يدور بينهم وتزيد طعووني ......
نايف بعصبيه:مستحيل قلتلك هذا موولدي
عبير:انت شلون يطاوعك قلبك ..الولد توه صغير وتعبآن ماتبي تكسب فيه اجر
نايف:والله لوتموتين انتي وولدك قدام عيني ماكتبته باءسمي
عبير:حلووو يعني انت مصّر الا استخدم معك الاسلوب اللي ماتحبه
نايف:خوفتيني الصراحه وش بتسوين يعني؟؟
عبير بخبث:زوجتك راح تدري بكل القصه
نايف:هههههههههههه قوليلها ماراح تصدقك هي واثقه فيني خبله ماراح تصدقك<<جرحتني حروفه وقفت ونزلت لثامي وانا واقفه عند طاولتهم هالمره ودموعي اربع اربع ...ليت الدموع اللي يقولون انها تغسل العين تمسح صورته منها.....ومن حياتي كلها .بكيت بحرقه وانيني كان يشهدلي
نايف وهو موعارفني مع العصبيه ماصار يشوف قدامه:خير انشاء الله ومن هذي بعد؟
<<ياااه معقوله ماذكرني ...نزلت اللثمه ووريته من انا وقال بذهووول :لجين!!
لجين وانا كلي حطام قلت :ابيك تسمع قبل تنطق شفآتي صوت الزجاج بداخلي لاتحطمت ...لاصرت ماتستاهلني ولاتستحقني هنيالي ترى برفع مقامي<< وهي تأشر بيدها على عبير:واترك الناس للناس..وش شايف حالك من أي كوكب انت؟؟من حضرة جنابك عشان تتعبني وتشقيني؟؟ والله لاانت ولاعشره من اشكالك تخضع له النفس ويفككر يمشيني خسآرتك هذي وبدون اسف ماعاد تعنيلي<<<<ومشيت وصرت اركض لارتطم بأحد الصدووور....................
خلــــــــــــــــــص البآرت
ياترى من صاحب الصدر الحنون ?؟
احمد وش ممكن يسوي؟؟
سعود شلون راح يطلع من المأزق؟؟
وودي}ْ~
Part46
ليه ترضا لي .. التعب .. وأنت دوم .. " تسمي " علي!
عند راكان
حلا بابتسامه:اليوم انشاء الله بتطلع
راكان بألم :وش تفرق وانا بكل الحالات عاجز
حلا بحنان:راكان اصبر على المكتوب ولو كان حرمان يمكن يصير بنهاية الوقت خيره
راكان :حلا شفيهم اهلي ماجوني الا كم مره وانا اللي توقعتهم يجوني كل يوم شصاير
حلا آخ ياراكان لوتدري عن اللي صار :لاحبيبي جو كم مره بس تكون نايم ياقلبي...عاد شوي بيجي راكان وبنطلع من المستشفى
راكان :حلا
حلا:آمر
راكان :اذا تبين تنامين عند خالتي نامي
حلا:لاماابي
راكان:ليش؟؟
حلا:حتى الدقآيق اذا غبت عنك تعاسرني خلني معك دايم انا كذا برتاح
لو فيي امسحلو الدمعه .. اللي زرعتها على خدو
ضويلو بـ هالعتمه شمعه .. ورجع كل شي بدو
يرجع كل شي مثل الأول على بالي .. على بالي
ياليت كل شيء يرجع
عند لجين
صدمت بصدر كنت احلم فيه ودايم اتمنى لقآه ...مبطي عنه وعن احضانه ..آخ لعنبو الصدف ....احيانا اجن صدف مانبيها تجينا وصدف نبيها ماتجينا..اللي صدمت فيه كان
خــــــــــــــــــآلد
صدمت فيه ورفعت عيني وجت بعينه ...مرني شريط الذكريآت ويآه وزادت دموعي ....مد لي منديل عطيته اياه قبل سنين وذكرته للحين محتفظ بمنديلي .....وشقه نصين ودخل الثاني بجيبه وعطاني المنديل وهو يقول:لولا الحيآ خذيت بالاحضان ومسحت دمعاتك
وخرت عنه ماابي مشاكل وانا اوادعه بعيوني.....شفت احمد كان مع خالد واستغربت حيل ...وركضت ونايف صار يلاحقني ومسكني:لجين..اسمعيني
لجين :وش اسمع <<وبجفا دفيته
نايف لف ولقا خالد مازال واقف ....قرب منه وضربه قدااام الناس
احمد مسكه :ناايف انت شقاعد تسوي اهدى
نايف :وخر عني ماتقولي انت وش مقعدك معه ؟؟؟
احمد :نايف انا احمد لاتنسى ان كل حركه وكل كلمه تقولها بيجي يوم وتندم عليها
نايف لف يدور عبير اللي هجت من زمان :وينها؟؟السافله الحقيره ؟؟
احمد :منهي؟؟
نايف خز بخالد اللي كان طايح بالارض ومتألم من ضربته :انت حسابك معي بعدين<<وركض
هنا احمد قرب من خالد وقومه
احمد:امسحها بوجهي هالمره ؟؟
خالد :حصل خير
آ?? ل? ضمي? ?مثآل م? ضم?? ذآآب ,,
?شل?? لآضمي? صدٍر على ذ?ر? يذ??ب !!
بيت الجدراشد
خيّم الليل ونزلت من جناحي للحين مارجع مستحيل ارجعله ولااكمل معاه ..ليش اكمل عشان اهين نفسي؟؟لاوالف لا انا كرامتي اهم من قلبي..انا ماابي غير الطلاق وفيها اللي فيها ..وبتحمل كلام الناس عالاقل اتحمل كلام الناس ولااتحمل الذل لان الناس مصيرها تنسى بس الالم اللي بقلبي كل يوم يتجدد شلون بنساه ؟؟....آه يااخوي يامتعب فراقك بس هو اللي بيعذبني ليت نايف مكانك ...تنهدت:استغفر الله
..بعدها نزلت للحديقه الكبيره اللي أشبه بمزرعه...دام النوم ماهوب جايني...ويمكن مااذوقه ابد بعد الفجر اللي كرهته من بعد ماكنت احتريه ...لان بيزفون لي خبر وفاتك يااخوي <<وصرت ابكي بحرقه <<ان يجيك الخبر مفاجيء ارحم من انك تدري انه بيموت ولاتقدر تسوي شي بس في النهايه كلها توجع
نزلت وانا لابسه العبايه قربت من الخيول العربيه الاصيله اللي كان واضح عليها ....شفت الخيل كان واقف يميني وشكله اعجبني ....انا كنت اخاف صحيح من الحيوانات بس الخيول لها معزه خاصه ولاادري ليش انجذب لها....وكنت دايم اتمنى امتطي خيل وجت الفرصه لحدي..ركبته وانا خايفه شوي من اللي قاعده اسويه بس في قرارة نفسي مقتنعه ...وشوي الا الخيل بدآ يركض بحكم انه الخيل اعتاد على السبآقات ...مساحة القصر كانت جدا كبيره ومساحة الحديقه او المزرعه كبيره ....وبدت سرعته تNخذ بالتسارع ...وانا موعارفه اوقفه وبديت كالطفله الرضيعه بالبكاء<<ام دميعه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك